| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ရထသုတ္တဝဏ္ဏနာ
2. Rathasuttavaṇṇanā
၇၂. ဒုတိယေ ပညာယတိ ဧတေနာတိ ပညာဏံ။ ဓဇော ရထသ္သာတိ မဟန္တသ္မိံ ဟိ သင္ဂာမသီသေ ဒူရတောဝ ဓဇံ ဒိသ္ဝာ ‘‘အသုကရညော နာမ အယံ ရထော’’တိ ရထော ပာကဋော ဟောတိ။ တေန ဝုတ္တံ ‘‘ဓဇော ရထသ္သ ပညာဏ’’န္တိ။ အဂ္ဂိပိ ဒူရတောဝ ဓူမေန ပညာယတိ။ စောဠရဋ္ဌံ ပဏ္ဍုရဋ္ဌန္တိ ဧဝံ ရဋ္ဌမ္ပိ ရညာ ပညာယတိ။ စက္ကဝတ္တိရညော ဓီတာပိ ပန ဣတ္ထီ ‘‘အသုကသ္သ နာမ ဘရိယာ’’တိ ဘတ္တာရံ ပတ္ဝာဝ ပညာယတိ။ တသ္မာ ဓူမော ပညာဏမဂ္ဂိနောတိအာဒိ ဝုတ္တံ။ ဒုတိယံ။
72. Dutiye paññāyati etenāti paññāṇaṃ. Dhajo rathassāti mahantasmiṃ hi saṅgāmasīse dūratova dhajaṃ disvā ‘‘asukarañño nāma ayaṃ ratho’’ti ratho pākaṭo hoti. Tena vuttaṃ ‘‘dhajo rathassa paññāṇa’’nti. Aggipi dūratova dhūmena paññāyati. Coḷaraṭṭhaṃ paṇḍuraṭṭhanti evaṃ raṭṭhampi raññā paññāyati. Cakkavattirañño dhītāpi pana itthī ‘‘asukassa nāma bhariyā’’ti bhattāraṃ patvāva paññāyati. Tasmā dhūmo paññāṇamagginotiādi vuttaṃ. Dutiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ရထသုတ္တံ • 2. Rathasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. ရထသုတ္တဝဏ္ဏနာ • 2. Rathasuttavaṇṇanā
