Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    4. рат̇авинийд̇асуд̇д̇аван̣н̣анаа

    4. Rathavinītasuttavaṇṇanā

    252. звам̣ мз суд̇анд̇и рат̇авинийд̇асуд̇д̇ам̣. д̇ад̇т̇а рааж̇аг̇ахзд̇и звам̣наамагз наг̇арз, д̇ан̃хи манд̇хаад̇умахааг̇овинд̣̇аад̣̇ийхи бариг̇г̇ахид̇ад̇д̇аа рааж̇аг̇аханд̇и вужжад̇и. ан̃н̃збзд̇т̇а багаарз ван̣н̣аяанд̇и. гим̣ д̇зхи? наамамзд̇ам̣ д̇асса наг̇арасса. д̇ам̣ банзд̇ам̣ б̣уд̣̇д̇хагаалз жа жаггавад̇д̇игаалз жа наг̇арам̣ ход̇и, сзсагаалз сун̃н̃ам̣ ход̇и яагкабариг̇г̇ахид̇ам̣, д̇зсам̣ васанд̇аванам̣ худ̇ваа д̇идтад̇и. взл̣уванз галанд̣̇аганиваабзд̇и взл̣увананд̇и д̇асса уяяаанасса наамам̣, д̇ам̣ гира взл̣уухи баригкид̇д̇ам̣ ахоси адтаарасахад̇т̇зна жа баагаарзна, г̇обураддаалагаяуд̇д̇ам̣ нийлобхаасам̣ манорамам̣, д̇зна взл̣увананд̇и вужжад̇и. галанд̣̇агаанан̃жзд̇т̇а ниваабам̣ ад̣̇ам̣су, д̇зна галанд̣̇аганиваабод̇и вужжад̇и.

    252.Evaṃme sutanti rathavinītasuttaṃ. Tattha rājagaheti evaṃnāmake nagare, tañhi mandhātumahāgovindādīhi pariggahitattā rājagahanti vuccati. Aññepettha pakāre vaṇṇayanti. Kiṃ tehi? Nāmametaṃ tassa nagarassa. Taṃ panetaṃ buddhakāle ca cakkavattikāle ca nagaraṃ hoti, sesakāle suññaṃ hoti yakkhapariggahitaṃ, tesaṃ vasantavanaṃ hutvā tiṭṭhati. Veḷuvane kalandakanivāpeti veḷuvananti tassa uyyānassa nāmaṃ, taṃ kira veḷūhi parikkhittaṃ ahosi aṭṭhārasahatthena ca pākārena, gopuraṭṭālakayuttaṃ nīlobhāsaṃ manoramaṃ, tena veḷuvananti vuccati. Kalandakānañcettha nivāpaṃ adaṃsu, tena kalandakanivāpoti vuccati.

    буб̣б̣з гира ан̃н̃ад̇аро рааж̇аа д̇ад̇т̇а уяяаанагийл̣анад̇т̇ам̣ ааг̇ад̇о сураамад̣̇зна мад̇д̇о д̣̇иваасзяяам̣ убаг̇ад̇о суби. бариж̇анобисса, ‘‘суд̇д̇о рааж̇аа’’д̇и бубпапалаад̣̇ийхи балобхияамаано ид̇о жид̇о жа баггаами, ат̇а сурааг̇анд̇хзна ан̃н̃ад̇арасмаа сусираругкаа ган̣хасаббо нигкамид̇ваа ран̃н̃аабхимуко ааг̇ажчад̇и. д̇ам̣ д̣̇исваа ругкад̣̇звад̇аа, ‘‘ран̃н̃о ж̇ийвид̇ам̣ д̣̇аммий’’д̇и гаал̣агавзсзна ааг̇анд̇ваа ган̣н̣амуулз сад̣̇д̣̇амагааси. рааж̇аа бадиб̣уж̇жхи, ган̣хасаббо нивад̇д̇о. со д̇ам̣ д̣̇исваа, ‘‘имааяа мама ж̇ийвид̇ам̣ д̣̇инна’’нд̇и гаал̣агаанам̣ д̇ад̇т̇а ниваабам̣ бадтабзси, абхаяагхосанан̃жа гхосаабзси. д̇асмаа д̇ам̣ д̇ад̇о бабхуд̇и галанд̣̇аганиваабанд̇и сан̇кяам̣ г̇ад̇ам̣. галанд̣̇агаад̇и гаал̣агаанам̣ наамам̣.

    Pubbe kira aññataro rājā tattha uyyānakīḷanatthaṃ āgato surāmadena matto divāseyyaṃ upagato supi. Parijanopissa, ‘‘sutto rājā’’ti pupphaphalādīhi palobhiyamāno ito cito ca pakkāmi, atha surāgandhena aññatarasmā susirarukkhā kaṇhasappo nikkhamitvā raññābhimukho āgacchati. Taṃ disvā rukkhadevatā, ‘‘rañño jīvitaṃ dammī’’ti kāḷakavesena āgantvā kaṇṇamūle saddamakāsi. Rājā paṭibujjhi, kaṇhasappo nivatto. So taṃ disvā, ‘‘imāya mama jīvitaṃ dinna’’nti kāḷakānaṃ tattha nivāpaṃ paṭṭhapesi, abhayaghosanañca ghosāpesi. Tasmā taṃ tato pabhuti kalandakanivāpanti saṅkhyaṃ gataṃ. Kalandakāti kāḷakānaṃ nāmaṃ.

    ж̇аад̇ибхуумигаад̇и ж̇аад̇ибхуумиваасино. д̇ад̇т̇а ж̇аад̇ибхуумийд̇и ж̇аад̇адтаанам̣. д̇ам̣ ко банзд̇ам̣ нзва госаламахаарааж̇аад̣̇ийнам̣ на жан̇гийб̣раахаман̣аад̣̇ийнам̣ на саггасуяаамасанд̇усид̇аад̣̇ийнам̣ на асийд̇имахаасаавагаад̣̇ийнам̣ на ан̃н̃зсам̣ сад̇д̇аанам̣ ж̇аад̇адтаанам̣ ‘‘ж̇аад̇ибхуумий’’д̇и вужжад̇и. яасса бана ж̇аад̇ад̣̇ивасз д̣̇асасахассилогад̇хаад̇у згад̣̇д̇хаж̇амаалаавиббагин̣н̣агусумаваасажун̣н̣аг̇анд̇хасуг̇анд̇хаа саб̣б̣абаалипулламива нанд̣̇анаванам̣ вирожамаанаа бад̣̇уминибан̣н̣з уд̣̇агаб̣инд̣̇у вияа агамбид̇т̇а, ж̇ажжанд̇хаад̣̇ийнан̃жа руубад̣̇ассанаад̣̇ийни анзгаани баадихаарияаани бавад̇д̇им̣су, д̇асса саб̣б̣ан̃н̃уб̣од̇хисад̇д̇асса ж̇аад̇адтаанасаагияаж̇анабад̣̇о габилавад̇т̇аахааро, саа ‘‘ж̇аад̇ибхуумий’’д̇и вужжад̇и.

    Jātibhūmikāti jātibhūmivāsino. Tattha jātibhūmīti jātaṭṭhānaṃ. Taṃ kho panetaṃ neva kosalamahārājādīnaṃ na caṅkībrāhamaṇādīnaṃ na sakkasuyāmasantusitādīnaṃ na asītimahāsāvakādīnaṃ na aññesaṃ sattānaṃ jātaṭṭhānaṃ ‘‘jātibhūmī’’ti vuccati. Yassa pana jātadivase dasasahassilokadhātu ekaddhajamālāvippakiṇṇakusumavāsacuṇṇagandhasugandhā sabbapāliphullamiva nandanavanaṃ virocamānā paduminipaṇṇe udakabindu viya akampittha, jaccandhādīnañca rūpadassanādīni anekāni pāṭihāriyāni pavattiṃsu, tassa sabbaññubodhisattassa jātaṭṭhānasākiyajanapado kapilavatthāhāro, sā ‘‘jātibhūmī’’ti vuccati.

    д̇хаммаг̇арубхаававан̣н̣анаа

    Dhammagarubhāvavaṇṇanā

    вассам̣вудтаад̇и д̇змаасам̣ вассам̣вудтаа баваарид̇абавааран̣аа худ̇ваа. бхаг̇аваа зд̇ад̣̇авожаад̇и ‘‘гажжи, бхигкавз, каманийяа’’нд̇иаад̣̇ийхи важанзхи ааг̇анд̇угабадисант̇аарам̣ гад̇ваа зд̇ам̣, ‘‘го ну ко, бхигкавз’’д̇иаад̣̇иважанамавожа. д̇з гира бхигку, – ‘‘гажжи, бхигкавз, каманийяам̣ гажжи яаабанийяам̣, гажжид̇т̇а аббагиламат̇зна ад̣̇д̇хаанам̣ ааг̇ад̇аа, на жа бин̣д̣агзна гиламид̇т̇а, гуд̇о жа д̇умхз, бхигкавз, ааг̇ажчат̇аа’’д̇и бадисант̇ааравасзна бужчид̇аа – ‘‘бхаг̇аваа саагияаж̇анабад̣̇з габилавад̇т̇аахаарад̇о ж̇аад̇ибхуумид̇о ааг̇ажчаамаа’’д̇и аахам̣су. ат̇а бхаг̇аваа нзва суд̣̇д̇ход̣̇анамахаарааж̇асса, на саггод̣̇анасса, на суггод̣̇анасса, на д̇ход̇од̣̇анасса, на амид̇од̣̇анасса, на амид̇д̇ааяа д̣̇звияаа, на махаабаж̇аабад̇ияаа, на сагаласса саагияаман̣д̣аласса аарог̇яам̣ бужчи. ат̇а ко ад̇д̇анаа жа д̣̇асагат̇аавад̇т̇улаабхим̣ баран̃жа д̇ад̇т̇а самаад̣̇абзд̇аарам̣ бадибад̇д̇исамбаннам̣ бхигкум̣ бужчанд̇о ид̣̇ам̣ – ‘‘го ну ко, бхигкавз’’д̇иаад̣̇иважанам̣ авожа.

    Vassaṃvuṭṭhāti temāsaṃ vassaṃvuṭṭhā pavāritapavāraṇā hutvā. Bhagavā etadavocāti ‘‘kacci, bhikkhave, khamanīya’’ntiādīhi vacanehi āgantukapaṭisanthāraṃ katvā etaṃ, ‘‘ko nu kho, bhikkhave’’tiādivacanamavoca. Te kira bhikkhu, – ‘‘kacci, bhikkhave, khamanīyaṃ kacci yāpanīyaṃ, kaccittha appakilamathena addhānaṃ āgatā, na ca piṇḍakena kilamittha, kuto ca tumhe, bhikkhave, āgacchathā’’ti paṭisanthāravasena pucchitā – ‘‘bhagavā sākiyajanapade kapilavatthāhārato jātibhūmito āgacchāmā’’ti āhaṃsu. Atha bhagavā neva suddhodanamahārājassa, na sakkodanassa, na sukkodanassa, na dhotodanassa, na amitodanassa, na amittāya deviyā, na mahāpajāpatiyā, na sakalassa sākiyamaṇḍalassa ārogyaṃ pucchi. Atha kho attanā ca dasakathāvatthulābhiṃ parañca tattha samādapetāraṃ paṭipattisampannaṃ bhikkhuṃ pucchanto idaṃ – ‘‘ko nu kho, bhikkhave’’tiādivacanaṃ avoca.

    гасмаа бана бхаг̇аваа суд̣̇д̇ход̣̇анаад̣̇ийнам̣ аарог̇яам̣ абужчид̇ваа зваруубам̣ бхигкумзва бужчад̇и? бияад̇ааяа. б̣уд̣̇д̇хаанан̃хи бадибаннагаа бхигкуу бхигкунияо убаасагаа убаасигааяо жа бияаа хонд̇и манаабаа. гим̣ гааран̣аа? д̇хаммаг̇аруд̇ааяа. д̇хаммаг̇аруно хи д̇ат̇ааг̇ад̇аа, со жа нзсам̣ д̇хаммаг̇арубхааво, ‘‘д̣̇угкам̣ ко аг̇аараво вихарад̇и, аббад̇иссо’’д̇и (а. ни. 4.21) иминаа аж̇абааланиг̇род̇хамуулз уббаннаж̇жхаасаязна взд̣̇ид̇аб̣б̣о. д̇хаммаг̇аруд̇ааязва хи бхаг̇аваа махаагассабад̇т̇зрасса абхинигкаманад̣̇ивасз бажжуг̇г̇аманам̣ гаронд̇о д̇иг̇аавуд̇ам̣ маг̇г̇ам̣ аг̇амааси. ад̇ирзгад̇ияож̇анасад̇ам̣ маг̇г̇ам̣ г̇анд̇ваа г̇ан̇г̇аад̇ийрз д̇хаммам̣ д̣̇зсзд̇ваа махаагаббинам̣ сабарисам̣ арахад̇д̇з бад̇идтабзси. згасмим̣ бажчаабхад̇д̇з бан̃жажад̇д̇аалийсаяож̇анам̣ маг̇г̇ам̣ г̇анд̇ваа гумбхагаарасса нивзсанз д̇ияаамарад̇д̇им̣ д̇хаммагат̇ам̣ гад̇ваа буггусаад̇игулабуд̇д̇ам̣ анааг̇аамипалз бад̇идтабзси. вийсаяож̇анасад̇ам̣ г̇анд̇ваа ванаваасисааман̣зрасса ануг̇г̇ахам̣ агааси. садтияож̇анамаг̇г̇ам̣ г̇анд̇ваа кад̣̇ираванияад̇т̇зрасса д̇хаммам̣ д̣̇зсзси. ануруд̣̇д̇хад̇т̇зро баажийнавам̣сад̣̇ааяз нисинно махаабурисавид̇аггам̣ вид̇аггзд̇ийд̇и н̃ад̇ваа д̇ад̇т̇а аагаасзна г̇анд̇ваа т̇зрасса бурад̇о оруяха саад̇хугаарамад̣̇ааси. годиган̣н̣асон̣ад̇т̇зрасса згаг̇анд̇хагудияам̣ сзнаасанам̣ бан̃н̃абаабзд̇ваа бажжуусагаалз д̇хаммад̣̇зсанам̣ аж̇жхзсид̇ваа сарабхан̃н̃абарияосаанз саад̇хугаарамад̣̇ааси. д̇иг̇аавуд̇ам̣ маг̇г̇ам̣ г̇анд̇ваа д̇ин̣н̣ам̣ гулабуд̇д̇аанам̣ васанадтаанз г̇осин̇г̇асаалаванз саамаг̇г̇ирасаанисам̣сам̣ гат̇зси. гассабоби бхаг̇аваа – ‘‘анааг̇аамипалз бад̇идтид̇о арияасааваго аяа’’нд̇и виссаасам̣ уббаад̣̇зд̇ваа гхадигаарасса гумбхагаарасса нивзсанам̣ г̇анд̇ваа сахад̇т̇аа аамисам̣ г̇ахзд̇ваа барибхун̃ж̇и.

    Kasmā pana bhagavā suddhodanādīnaṃ ārogyaṃ apucchitvā evarūpaṃ bhikkhumeva pucchati? Piyatāya. Buddhānañhi paṭipannakā bhikkhū bhikkhuniyo upāsakā upāsikāyo ca piyā honti manāpā. Kiṃ kāraṇā? Dhammagarutāya. Dhammagaruno hi tathāgatā, so ca nesaṃ dhammagarubhāvo, ‘‘dukkhaṃ kho agāravo viharati, appatisso’’ti (a. ni. 4.21) iminā ajapālanigrodhamūle uppannajjhāsayena veditabbo. Dhammagarutāyeva hi bhagavā mahākassapattherassa abhinikkhamanadivase paccuggamanaṃ karonto tigāvutaṃ maggaṃ agamāsi. Atirekatiyojanasataṃ maggaṃ gantvā gaṅgātīre dhammaṃ desetvā mahākappinaṃ saparisaṃ arahatte patiṭṭhapesi. Ekasmiṃ pacchābhatte pañcacattālīsayojanaṃ maggaṃ gantvā kumbhakārassa nivesane tiyāmarattiṃ dhammakathaṃ katvā pukkusātikulaputtaṃ anāgāmiphale patiṭṭhapesi. Vīsayojanasataṃ gantvā vanavāsisāmaṇerassa anuggahaṃ akāsi. Saṭṭhiyojanamaggaṃ gantvā khadiravaniyattherassa dhammaṃ desesi. Anuruddhatthero pācīnavaṃsadāye nisinno mahāpurisavitakkaṃ vitakketīti ñatvā tattha ākāsena gantvā therassa purato oruyha sādhukāramadāsi. Koṭikaṇṇasoṇattherassa ekagandhakuṭiyaṃ senāsanaṃ paññapāpetvā paccūsakāle dhammadesanaṃ ajjhesitvā sarabhaññapariyosāne sādhukāramadāsi. Tigāvutaṃ maggaṃ gantvā tiṇṇaṃ kulaputtānaṃ vasanaṭṭhāne gosiṅgasālavane sāmaggirasānisaṃsaṃ kathesi. Kassapopi bhagavā – ‘‘anāgāmiphale patiṭṭhito ariyasāvako aya’’nti vissāsaṃ uppādetvā ghaṭikārassa kumbhakārassa nivesanaṃ gantvā sahatthā āmisaṃ gahetvā paribhuñji.

    амхаагам̣язва бхаг̇аваа убагадтааяа вассуубанааяигааяа ж̇зд̇аванад̇о бхигкусан̇гхабаривуд̇о жааригам̣ нигками. госаламахаарааж̇аанаат̇абин̣д̣игаад̣̇аяо нивад̇д̇зд̇ум̣ наасагким̣су. анаат̇абин̣д̣иго гхарам̣ ааг̇анд̇ваа д̣̇оманассаббад̇д̇о нисийд̣̇и. ат̇а нам̣ бун̣н̣аа наама д̣̇аасий д̣̇оманассаббад̇д̇оси саамийд̇и ааха. ‘‘аама ж̇з, сад̇т̇аарам̣ нивад̇д̇зд̇ум̣ наасагким̣, ат̇а мз имам̣ д̇змаасам̣ д̇хаммам̣ ваа сод̇ум̣, яат̇аад̇хиббааяам̣ ваа д̣̇аанам̣ д̣̇аад̇ум̣ на лабхиссаамий’’д̇и жинд̇аа уббаннаад̇и. ахамби саами сад̇т̇аарам̣ нивад̇д̇зссаамийд̇и. сажз нивад̇д̇зд̇ум̣ саггоси, бхуж̇иссааязва д̇ванд̇и. саа г̇анд̇ваа д̣̇асаб̣аласса баад̣̇амуулз нибаж̇ж̇ид̇ваа ‘‘нивад̇д̇ат̇а бхаг̇аваа’’д̇и ааха. бун̣н̣з д̇вам̣ барабадиб̣ад̣̇д̇хаж̇ийвигаа гим̣ мз гариссасийд̇и. бхаг̇аваа маяхам̣ д̣̇зяяад̇хаммо над̇т̇ийд̇и д̇умхзби ж̇аанаат̇а, д̇умхаагам̣ нивад̇д̇анабажжаяаа банаахам̣ д̇ийсу саран̣зсу бан̃жасу сийлзсу бад̇идтахиссаамийд̇и. бхаг̇аваа саад̇ху саад̇ху бун̣н̣зд̇и саад̇хугаарам̣ гад̇ваа нивад̇д̇зд̇ваа ж̇зд̇аванамзва бавидто. аяам̣ гат̇аа баагадаа ахоси. сздти суд̇ваа бун̣н̣ааяа гира бхаг̇аваа нивад̇д̇ид̇од̇и д̇ам̣ бхуж̇иссам̣ гад̇ваа д̇хийд̇удтаанз табзси. саа баб̣б̣аж̇ж̇ам̣ яаажид̇ваа баб̣б̣аж̇и, баб̣б̣аж̇ид̇ваа вибассанам̣ аарабхи. ат̇ассаа сад̇т̇аа аарад̣̇д̇хавибассагабхаавам̣ н̃ад̇ваа имам̣ обхаасаг̇аат̇ам̣ виссаж̇ж̇зси –

    Amhākaṃyeva bhagavā upakaṭṭhāya vassūpanāyikāya jetavanato bhikkhusaṅghaparivuto cārikaṃ nikkhami. Kosalamahārājaanāthapiṇḍikādayo nivattetuṃ nāsakkhiṃsu. Anāthapiṇḍiko gharaṃ āgantvā domanassappatto nisīdi. Atha naṃ puṇṇā nāma dāsī domanassappattosi sāmīti āha. ‘‘Āma je, satthāraṃ nivattetuṃ nāsakkhiṃ, atha me imaṃ temāsaṃ dhammaṃ vā sotuṃ, yathādhippāyaṃ vā dānaṃ dātuṃ na labhissāmī’’ti cintā uppannāti. Ahampi sāmi satthāraṃ nivattessāmīti. Sace nivattetuṃ sakkosi, bhujissāyeva tvanti. Sā gantvā dasabalassa pādamūle nipajjitvā ‘‘nivattatha bhagavā’’ti āha. Puṇṇe tvaṃ parapaṭibaddhajīvikā kiṃ me karissasīti. Bhagavā mayhaṃ deyyadhammo natthīti tumhepi jānātha, tumhākaṃ nivattanapaccayā panāhaṃ tīsu saraṇesu pañcasu sīlesu patiṭṭhahissāmīti. Bhagavā sādhu sādhu puṇṇeti sādhukāraṃ katvā nivattetvā jetavanameva paviṭṭho. Ayaṃ kathā pākaṭā ahosi. Seṭṭhi sutvā puṇṇāya kira bhagavā nivattitoti taṃ bhujissaṃ katvā dhītuṭṭhāne ṭhapesi. Sā pabbajjaṃ yācitvā pabbaji, pabbajitvā vipassanaṃ ārabhi. Athassā satthā āraddhavipassakabhāvaṃ ñatvā imaṃ obhāsagāthaṃ vissajjesi –

    ‘‘бун̣н̣з буурзси сад̣̇д̇хаммам̣, жанд̣̇о баннарасо яат̇аа;

    ‘‘Puṇṇe pūresi saddhammaṃ, cando pannaraso yathā;

    барибун̣н̣ааяа бан̃н̃ааяа, д̣̇угкассанд̇ам̣ гариссасий’’д̇и. (т̇зрийг̇аа. 3);

    Paripuṇṇāya paññāya, dukkhassantaṃ karissasī’’ti. (therīgā. 3);

    г̇аат̇аабарияосаанз арахад̇д̇ам̣ бад̇ваа абхин̃н̃аад̇аа саавигаа ахосийд̇и. звам̣ д̇хаммаг̇аруно д̇ат̇ааг̇ад̇аа.

    Gāthāpariyosāne arahattaṃ patvā abhiññātā sāvikā ahosīti. Evaṃ dhammagaruno tathāgatā.

    нанд̣̇агад̇т̇зрз убадтаанасаалааяам̣ д̇хаммам̣ д̣̇зсзнд̇зби бхаг̇аваа анахаад̇ова г̇анд̇ваа д̇ияаамарад̇д̇им̣ тид̇агова д̇хаммагат̇ам̣ суд̇ваа д̣̇зсанаабарияосаанз саад̇хугаарамад̣̇ааси. т̇зро ааг̇анд̇ваа ванд̣̇ид̇ваа, ‘‘гааяа взлааяа, бханд̇з, ааг̇ад̇ад̇т̇аа’’д̇и бужчи. д̇аяаа суд̇д̇анд̇з аарад̣̇д̇хамад̇д̇зд̇и. д̣̇уггарам̣ гарид̇т̇а, бханд̇з, б̣уд̣̇д̇хасукумаалаа д̇умхзд̇и. сажз д̇вам̣, нанд̣̇а, габбам̣ д̣̇зсзд̇ум̣ саггун̣зяяааси, габбамад̇д̇амбаахам̣ тид̇агова сун̣зяяанд̇и бхаг̇аваа авожа. звам̣ д̇хаммаг̇аруно д̇ат̇ааг̇ад̇аа. д̇зсам̣ д̇хаммаг̇аруд̇ааяа бадибаннагаа бияаа хонд̇и, д̇асмаа бадибаннагз бужчи. бадибаннаго жа наама ад̇д̇ахид̇ааяа бадибанно но барахид̇ааяа, барахид̇ааяа бадибанно но ад̇д̇ахид̇ааяа, но ад̇д̇ахид̇ааяа жа бадибанно но барахид̇ааяа жа, ад̇д̇ахид̇ааяа жа бадибанно барахид̇ааяа жаад̇и жад̇уб̣б̣ид̇хо ход̇и.

    Nandakatthere upaṭṭhānasālāyaṃ dhammaṃ desentepi bhagavā anahātova gantvā tiyāmarattiṃ ṭhitakova dhammakathaṃ sutvā desanāpariyosāne sādhukāramadāsi. Thero āgantvā vanditvā, ‘‘kāya velāya, bhante, āgatatthā’’ti pucchi. Tayā suttante āraddhamatteti. Dukkaraṃ karittha, bhante, buddhasukhumālā tumheti. Sace tvaṃ, nanda, kappaṃ desetuṃ sakkuṇeyyāsi, kappamattampāhaṃ ṭhitakova suṇeyyanti bhagavā avoca. Evaṃ dhammagaruno tathāgatā. Tesaṃ dhammagarutāya paṭipannakā piyā honti, tasmā paṭipannake pucchi. Paṭipannako ca nāma attahitāya paṭipanno no parahitāya, parahitāya paṭipanno no attahitāya, no attahitāya ca paṭipanno no parahitāya ca, attahitāya ca paṭipanno parahitāya cāti catubbidho hoti.

    д̇ад̇т̇а яо саяам̣ д̣̇асаннам̣ гат̇аавад̇т̇уунам̣ лаабхий ход̇и, барам̣ д̇ад̇т̇а на овад̣̇ад̇и на анусаасад̇и ааяасмаа б̣аагуло вияа. аяам̣ ад̇д̇ахид̇ааяа бадибанно наама но барахид̇ааяа бадибанно, зваруубам̣ бхигкум̣ бхаг̇аваа на бужчад̇и. гасмаа? на маяхам̣ саасанасса вад̣дхибагкз тид̇од̇и.

    Tattha yo sayaṃ dasannaṃ kathāvatthūnaṃ lābhī hoti, paraṃ tattha na ovadati na anusāsati āyasmā bākulo viya. Ayaṃ attahitāya paṭipanno nāma no parahitāya paṭipanno, evarūpaṃ bhikkhuṃ bhagavā na pucchati. Kasmā? Na mayhaṃ sāsanassa vaḍḍhipakkhe ṭhitoti.

    яо бана д̣̇асаннам̣ гат̇аавад̇т̇уунам̣ алаабхий, барам̣ д̇зхи овад̣̇ад̇и д̇зна гад̇авад̇д̇асаад̣̇ияанад̇т̇ам̣ убананд̣̇о сагяабуд̇д̇о вияа, аяам̣ барахид̇ааяа бадибанно наама но ад̇д̇ахид̇ааяа, зваруубамби на бужчад̇и. гасмаа? асса д̇ан̣хаа махаабажчи вияа аббахийнаад̇и.

    Yo pana dasannaṃ kathāvatthūnaṃ alābhī, paraṃ tehi ovadati tena katavattasādiyanatthaṃ upanando sakyaputto viya, ayaṃ parahitāya paṭipanno nāma no attahitāya, evarūpampi na pucchati. Kasmā? Assa taṇhā mahāpacchi viya appahīnāti.

    яо ад̇д̇анааби д̣̇асаннам̣ гат̇аавад̇т̇уунам̣ алаабхий, барамби д̇зхи на овад̣̇ад̇и, лаал̣уд̣̇ааяий вияа, аяам̣ нзва ад̇д̇ахид̇ааяа бадибанно на барахид̇ааяа, зваруубамби на бужчад̇и. гасмаа? асса анд̇о гилзсаа парасучзж̇ж̇аа вияа маханд̇аад̇и.

    Yo attanāpi dasannaṃ kathāvatthūnaṃ alābhī, parampi tehi na ovadati, lāḷudāyī viya, ayaṃ neva attahitāya paṭipanno na parahitāya, evarūpampi na pucchati. Kasmā? Assa anto kilesā pharasuchejjā viya mahantāti.

    яо бана саяам̣ д̣̇асаннам̣ гат̇аавад̇т̇уунам̣ лаабхий, барамби д̇зхи овад̣̇ад̇и, аяам̣ ад̇д̇ахид̇ааяа жзва барахид̇ааяа жа бадибанно наама саарибуд̇д̇амог̇г̇аллаанамахаагассабаад̣̇аяо асийд̇имахаат̇зраа вияа, зваруубам̣ бхигкум̣ бужчад̇и. гасмаа? маяхам̣ саасанасса вуд̣дхибагкз тид̇од̇и. ид̇хааби зваруубамзва бужчанд̇о – ‘‘го ну ко, бхигкавз’’д̇иаад̣̇имааха.

    Yo pana sayaṃ dasannaṃ kathāvatthūnaṃ lābhī, parampi tehi ovadati, ayaṃ attahitāya ceva parahitāya ca paṭipanno nāma sāriputtamoggallānamahākassapādayo asītimahātherā viya, evarūpaṃ bhikkhuṃ pucchati. Kasmā? Mayhaṃ sāsanassa vuḍḍhipakkhe ṭhitoti. Idhāpi evarūpameva pucchanto – ‘‘ko nu kho, bhikkhave’’tiādimāha.

    звам̣ бхаг̇авад̇аа будтаанам̣ бана д̇зсам̣ бхигкуунам̣ бхаг̇аваа ад̇д̇ано ж̇аад̇ибхуумияам̣ убхаяахид̇ааяа бадибаннам̣ д̣̇асагат̇аавад̇т̇улаабхим̣ бхигкум̣ бужчад̇и, го ну ко д̇ад̇т̇а зваруубод̇и на ан̃н̃аман̃н̃ам̣ жинд̇анаа ваа саманд̇анаа ваа ахоси. гасмаа? ааяасмаа хи манд̇аан̣ибуд̇д̇о д̇асмим̣ ж̇анабад̣̇з аагаасамаж̇жхз тид̇о жанд̣̇о вияа суурияо вияа жа баагадо бан̃н̃аад̇о. д̇асмаа д̇з бхигкуу мзгхасад̣̇д̣̇ам̣ суд̇ваа згаж̇жхам̣ саннибад̇ид̇аморагхадаа вияа гханасаж̇жхааяам̣ гаад̇ум̣, аарад̣̇д̇хабхигкуу вияа жа ад̇д̇ано аажарияам̣ бун̣н̣ад̇т̇зрам̣ бхаг̇авад̇о аарожзнд̇аа т̇зрасса жа г̇ун̣ам̣ бхаасид̇ум̣ аббахонд̇зхи мукзхи згаббахаарзнзва бун̣н̣о наама, бханд̇з, ааяасмаад̇иаад̣̇имаахам̣су. д̇ад̇т̇а бун̣н̣од̇и д̇асса т̇зрасса наамам̣. манд̇аан̣ияаа бана со буд̇д̇о, д̇асмаа манд̇аан̣ибуд̇д̇од̇и вужжад̇и. самбхаавид̇од̇и г̇ун̣асамбхааванааяа самбхаавид̇о.

    Evaṃ bhagavatā puṭṭhānaṃ pana tesaṃ bhikkhūnaṃ bhagavā attano jātibhūmiyaṃ ubhayahitāya paṭipannaṃ dasakathāvatthulābhiṃ bhikkhuṃ pucchati, ko nu kho tattha evarūpoti na aññamaññaṃ cintanā vā samantanā vā ahosi. Kasmā? Āyasmā hi mantāṇiputto tasmiṃ janapade ākāsamajjhe ṭhito cando viya sūriyo viya ca pākaṭo paññāto. Tasmā te bhikkhū meghasaddaṃ sutvā ekajjhaṃ sannipatitamoraghaṭā viya ghanasajjhāyaṃ kātuṃ, āraddhabhikkhū viya ca attano ācariyaṃ puṇṇattheraṃ bhagavato ārocentā therassa ca guṇaṃ bhāsituṃ appahontehi mukhehi ekappahāreneva puṇṇo nāma, bhante, āyasmātiādimāhaṃsu. Tattha puṇṇoti tassa therassa nāmaṃ. Mantāṇiyā pana so putto, tasmā mantāṇiputtoti vuccati. Sambhāvitoti guṇasambhāvanāya sambhāvito.

    аббижчад̇аад̣̇иван̣н̣анаа

    Appicchatādivaṇṇanā

    аббижчод̇и ижчаавирахид̇о ниижчо нид̇д̇ан̣хо. зд̇т̇а хи б̣яан̃ж̇анам̣ саавасзсам̣ вияа, ад̇т̇о бана ниравасзсо. на хи д̇асса анд̇о ан̣умад̇д̇ааби баабигаа ижчаа наама ад̇т̇и. кийн̣аасаво хзса саб̣б̣асо бахийнад̇ан̣хо. абижзд̇т̇а ад̇рижчад̇аа баабижчад̇аа махижчад̇аа аббижчад̇аад̇и аяам̣ бхзд̣̇о взд̣̇ид̇аб̣б̣о.

    Appicchoti icchāvirahito niiccho nittaṇho. Ettha hi byañjanaṃ sāvasesaṃ viya, attho pana niravaseso. Na hi tassa anto aṇumattāpi pāpikā icchā nāma atthi. Khīṇāsavo hesa sabbaso pahīnataṇho. Apicettha atricchatā pāpicchatā mahicchatā appicchatāti ayaṃ bhedo veditabbo.

    д̇ад̇т̇а сагалаабхз ад̇ид̇д̇асса баралаабхз бад̇т̇анаа ад̇рижчад̇аа наама. д̇ааяа саманнааг̇ад̇асса згабхааж̇зна баггабуувоби ад̇д̇ано бад̇д̇з бад̇ид̇о на субагго вияа куд̣̇д̣̇аго вияа жа кааяад̇и. свзва барасса бад̇д̇з багкид̇д̇о субагго вияа маханд̇о вияа жа кааяад̇и. асанд̇аг̇ун̣асамбхааванад̇аа бана бадиг̇г̇ахан̣з жа амад̇д̇ан̃н̃уд̇аа баабижчад̇аа наама, саа, ‘‘ид̇хзгажжо ассад̣̇д̇хо самаано сад̣̇д̇ход̇и мам̣ ж̇ано ж̇аанаад̇уу’’д̇иаад̣̇инаа наязна абхид̇хаммз ааг̇ад̇ааязва, д̇ааяа саманнааг̇ад̇о буг̇г̇ало гохан̃н̃з бад̇идтаад̇и. санд̇аг̇ун̣асамбхааванаа бана бадиг̇г̇ахан̣з жа амад̇д̇ан̃н̃уд̇аа махижчад̇аа наама. сааби, ‘‘ид̇хзгажжо сад̣̇д̇хо самаано сад̣̇д̇ход̇и мам̣ ж̇ано ж̇аанаад̇ууд̇и ижчад̇и, сийлаваа самаано сийлаваад̇и мам̣ ж̇ано ж̇аанаад̇уу’’д̇и (вибха. 851) иминаа наязна ааг̇ад̇ааязва, д̇ааяа саманнааг̇ад̇о буг̇г̇ало д̣̇уссанд̇аббаяо ход̇и, виж̇аад̇амаад̇аабисса жид̇д̇ам̣ г̇ахзд̇ум̣ на саггод̇и. д̇знзд̇ам̣ вужжад̇и –

    Tattha sakalābhe atittassa paralābhe patthanā atricchatā nāma. Tāya samannāgatassa ekabhājena pakkapūvopi attano patte patito na supakko viya khuddako viya ca khāyati. Sveva parassa patte pakkhitto supakko viya mahanto viya ca khāyati. Asantaguṇasambhāvanatā pana paṭiggahaṇe ca amattaññutā pāpicchatā nāma, sā, ‘‘idhekacco assaddho samāno saddhoti maṃ jano jānātū’’tiādinā nayena abhidhamme āgatāyeva, tāya samannāgato puggalo kohaññe patiṭṭhāti. Santaguṇasambhāvanā pana paṭiggahaṇe ca amattaññutā mahicchatā nāma. Sāpi, ‘‘idhekacco saddho samāno saddhoti maṃ jano jānātūti icchati, sīlavā samāno sīlavāti maṃ jano jānātū’’ti (vibha. 851) iminā nayena āgatāyeva, tāya samannāgato puggalo dussantappayo hoti, vijātamātāpissa cittaṃ gahetuṃ na sakkoti. Tenetaṃ vuccati –

    ‘‘аг̇г̇игканд̇хо самуд̣̇д̣̇о жа, махижчо жааби буг̇г̇ало;

    ‘‘Aggikkhandho samuddo ca, mahiccho cāpi puggalo;

    сагадзна бажжаяам̣ д̣̇зд̇у, д̇аяобзд̇з ад̇аббаяаа’’д̇и.

    Sakaṭena paccayaṃ detu, tayopete atappayā’’ti.

    санд̇аг̇ун̣аниг̇ууханад̇аа бана бадиг̇г̇ахан̣з жа мад̇д̇ан̃н̃уд̇аа аббижчад̇аа наама, д̇ааяа саманнааг̇ад̇о буг̇г̇ало ад̇д̇ани виж̇ж̇амаанамби г̇ун̣ам̣ бадижчаад̣̇зд̇угаамад̇ааяа, ‘‘сад̣̇д̇хо самаано сад̣̇д̇ход̇и мам̣ ж̇ано ж̇аанаад̇ууд̇и на ижчад̇и. сийлаваа, бавивид̇д̇о, б̣ахуссуд̇о, аарад̣̇д̇хавийрияо, самаад̇хисамбанно, бан̃н̃аваа, кийн̣аасаво самаано кийн̣аасавод̇и мам̣ ж̇ано ж̇аанаад̇уу’’д̇и на ижчад̇и, сзяяат̇ааби маж̇жханд̇игад̇т̇зро.

    Santaguṇanigūhanatā pana paṭiggahaṇe ca mattaññutā appicchatā nāma, tāya samannāgato puggalo attani vijjamānampi guṇaṃ paṭicchādetukāmatāya, ‘‘saddho samāno saddhoti maṃ jano jānātūti na icchati. Sīlavā, pavivitto, bahussuto, āraddhavīriyo, samādhisampanno, paññavā, khīṇāsavo samāno khīṇāsavoti maṃ jano jānātū’’ti na icchati, seyyathāpi majjhantikatthero.

    т̇зро гира махаакийн̣аасаво ахоси, бад̇д̇ажийварам̣ банасса баад̣̇амад̇д̇амзва аг̇гхад̇и, со асогасса д̇хаммаран̃н̃о вихаарамахад̣̇ивасз сан̇гхад̇т̇зро ахоси. ат̇асса ад̇илуукабхаавам̣ д̣̇исваа мануссаа, ‘‘бханд̇з, т̇огам̣ б̣ахи хот̇аа’’д̇и аахам̣су. т̇зро, ‘‘маад̣̇исз кийн̣аасавз ран̃н̃о сан̇г̇ахам̣ агаронд̇з ан̃н̃о го гариссад̇ий’’д̇и бат̇авияам̣ нимуж̇ж̇ид̇ваа сан̇гхад̇т̇зрасса угкид̇д̇абин̣д̣ам̣ г̇ан̣ханд̇оязва уммуж̇ж̇и. звам̣ кийн̣аасаво самаано, ‘‘кийн̣аасавод̇и мам̣ ж̇ано ж̇аанаад̇уу’’д̇и на ижчад̇и. звам̣ аббижчо бана бхигку ануббаннам̣ лаабхам̣ уббаад̣̇зд̇и, уббаннам̣ лаабхам̣ т̇ааварам̣ гарод̇и, д̣̇ааяагаанам̣ жид̇д̇ам̣ аараад̇хзд̇и, яат̇аа яат̇аа хи со ад̇д̇ано аббижчад̇ааяа аббам̣ г̇ан̣хаад̇и, д̇ат̇аа д̇ат̇аа д̇асса вад̇д̇з басаннаа мануссаа б̣ахуу д̣̇знд̇и.

    Thero kira mahākhīṇāsavo ahosi, pattacīvaraṃ panassa pādamattameva agghati, so asokassa dhammarañño vihāramahadivase saṅghatthero ahosi. Athassa atilūkhabhāvaṃ disvā manussā, ‘‘bhante, thokaṃ bahi hothā’’ti āhaṃsu. Thero, ‘‘mādise khīṇāsave rañño saṅgahaṃ akaronte añño ko karissatī’’ti pathaviyaṃ nimujjitvā saṅghattherassa ukkhittapiṇḍaṃ gaṇhantoyeva ummujji. Evaṃ khīṇāsavo samāno, ‘‘khīṇāsavoti maṃ jano jānātū’’ti na icchati. Evaṃ appiccho pana bhikkhu anuppannaṃ lābhaṃ uppādeti, uppannaṃ lābhaṃ thāvaraṃ karoti, dāyakānaṃ cittaṃ ārādheti, yathā yathā hi so attano appicchatāya appaṃ gaṇhāti, tathā tathā tassa vatte pasannā manussā bahū denti.

    абароби жад̇уб̣б̣ид̇хо аббижчо – бажжаяааббижчо д̇худ̇ан̇г̇ааббижчо барияад̇д̇иаббижчо ад̇хиг̇амааббижчод̇и. д̇ад̇т̇а жад̇уусу бажжаязсу аббижчо бажжаяааббижчо наама, со д̣̇ааяагасса васам̣ ж̇аанаад̇и, д̣̇зяяад̇хаммасса васам̣ ж̇аанаад̇и, ад̇д̇ано т̇аамам̣ ж̇аанаад̇и. яад̣̇и хи д̣̇зяяад̇хаммо б̣аху ход̇и, д̣̇ааяаго аббам̣ д̣̇аад̇угаамо, д̣̇ааяагасса васзна аббам̣ г̇ан̣хаад̇и. д̣̇зяяад̇хаммо аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббам̣ г̇ан̣хаад̇и. д̣̇зяяад̇хаммоби б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣знзва г̇ан̣хаад̇и.

    Aparopi catubbidho appiccho – paccayaappiccho dhutaṅgaappiccho pariyattiappiccho adhigamaappicchoti. Tattha catūsu paccayesu appiccho paccayaappiccho nāma, so dāyakassa vasaṃ jānāti, deyyadhammassa vasaṃ jānāti, attano thāmaṃ jānāti. Yadi hi deyyadhammo bahu hoti, dāyako appaṃ dātukāmo, dāyakassa vasena appaṃ gaṇhāti. Deyyadhammo appo, dāyako bahuṃ dātukāmo, deyyadhammassa vasena appaṃ gaṇhāti. Deyyadhammopi bahu, dāyakopi bahuṃ dātukāmo, attano thāmaṃ ñatvā pamāṇeneva gaṇhāti.

    д̇худ̇ан̇г̇асамаад̣̇аанасса ад̇д̇ани ад̇т̇ибхаавам̣ наж̇аанаабзд̇угаамо д̇худ̇ан̇г̇ааббижчо наама. д̇асса вибхааванад̇т̇ам̣ имаани вад̇т̇ууни – сосаанигамахаасуманад̇т̇зро гира садти вассаани сусаанз васи, ан̃н̃о згабхигкуби на ан̃н̃ааси, д̇знзвааха –

    Dhutaṅgasamādānassa attani atthibhāvaṃ najānāpetukāmo dhutaṅgaappiccho nāma. Tassa vibhāvanatthaṃ imāni vatthūni – sosānikamahāsumanatthero kira saṭṭhi vassāni susāne vasi, añño ekabhikkhupi na aññāsi, tenevāha –

    ‘‘сусаанз садти вассаани, аб̣б̣огин̣н̣ам̣ васаамахам̣;

    ‘‘Susāne saṭṭhi vassāni, abbokiṇṇaṃ vasāmahaṃ;

    д̣̇уд̇ияо мам̣ на ж̇аанзяяа, ахо сосаанигуд̇д̇амо’’д̇и.

    Dutiyo maṃ na jāneyya, aho sosānikuttamo’’ti.

    жзд̇ияабаб̣б̣ад̇з д̣̇взбхаад̇ияад̇т̇зраа васим̣су. д̇зсу ганидто убадтаагзна бзсид̇аа ужчукан̣д̣игаа г̇ахзд̇ваа ж̇здтасса санд̇игам̣ аг̇амааси. барибхог̇ам̣, бханд̇з, гарот̇аад̇и. т̇зрасса жа бхад̇д̇агижжам̣ гад̇ваа мукам̣ вигкааланагаало ахоси. со алам̣, аавусод̇и ааха. гажжи, бханд̇з, згаасанигад̇т̇аад̇и. аахараавусо, ужчукан̣д̣игаад̇и бан̃н̃ааса вассаани згаасаниго самааноби д̇худ̇ан̇г̇ам̣ ниг̇уухамаано барибхог̇ам̣ гад̇ваа мукам̣ вигкаалзд̇ваа буна д̇худ̇ан̇г̇ам̣ ад̇хидтааяа г̇ад̇о.

    Cetiyapabbate dvebhātiyattherā vasiṃsu. Tesu kaniṭṭho upaṭṭhākena pesitā ucchukhaṇḍikā gahetvā jeṭṭhassa santikaṃ agamāsi. Paribhogaṃ, bhante, karothāti. Therassa ca bhattakiccaṃ katvā mukhaṃ vikkhālanakālo ahosi. So alaṃ, āvusoti āha. Kacci, bhante, ekāsanikatthāti. Āharāvuso, ucchukhaṇḍikāti paññāsa vassāni ekāsaniko samānopi dhutaṅgaṃ nigūhamāno paribhogaṃ katvā mukhaṃ vikkhāletvā puna dhutaṅgaṃ adhiṭṭhāya gato.

    яо бана саагзд̇агад̇иссад̇т̇зро вияа б̣ахуссуд̇абхаавам̣ ж̇аанаабзд̇ум̣ на ижчад̇и, аяам̣ барияад̇д̇иаббижчо наама. т̇зро гира кан̣о над̇т̇ийд̇и уд̣̇д̣̇зсабарибужчаасу огаасам̣ агаронд̇о маран̣агкаяам̣, бханд̇з, лабхиссат̇аад̇и жод̣̇ид̇о г̇ан̣ам̣ виссаж̇ж̇зд̇ваа ган̣игаараваалигасамуд̣̇д̣̇авихаарам̣ г̇ад̇о. д̇ад̇т̇а анд̇овассам̣ т̇зранавамаж̇жхимаанам̣ убагааро худ̇ваа махаабавааран̣ааяа убосат̇ад̣̇ивасз д̇хаммагат̇ааяа ж̇анад̇ам̣ кобхзд̇ваа г̇ад̇о.

    Yo pana sāketakatissatthero viya bahussutabhāvaṃ jānāpetuṃ na icchati, ayaṃ pariyattiappiccho nāma. Thero kira khaṇo natthīti uddesaparipucchāsu okāsaṃ akaronto maraṇakkhayaṃ, bhante, labhissathāti codito gaṇaṃ vissajjetvā kaṇikāravālikasamuddavihāraṃ gato. Tattha antovassaṃ theranavamajjhimānaṃ upakāro hutvā mahāpavāraṇāya uposathadivase dhammakathāya janataṃ khobhetvā gato.

    яо бана сод̇аабаннаад̣̇ийсу ан̃н̃ад̇аро худ̇ваа сод̇аабаннаад̣̇ибхаавам̣ ж̇аанаабзд̇ум̣ на ижчад̇и, аяам̣ ад̇хиг̇амааббижчо наама, д̇аяо гулабуд̇д̇аа вияа гхадигаарагумбхагааро вияа жа.

    Yo pana sotāpannādīsu aññataro hutvā sotāpannādibhāvaṃ jānāpetuṃ na icchati, ayaṃ adhigamaappiccho nāma, tayo kulaputtā viya ghaṭikārakumbhakāro viya ca.

    ааяасмаа бана бун̣н̣о ад̇рижчад̇ам̣ баабижчад̇ам̣ махижчад̇ан̃жа бахааяа саб̣б̣асо ижчаабадибагкабхууд̇ааяа алобхасан̇каад̇ааяа барисуд̣̇д̇хааяа аббижчад̇ааяа саманнааг̇ад̇ад̇д̇аа аббижчо наама ахоси. бхигкуунамби, ‘‘аавусо, ад̇рижчад̇аа баабижчад̇аа махижчад̇аад̇и имз д̇хаммаа бахаад̇аб̣б̣аа’’д̇и д̇зсу аад̣̇ийнавам̣ д̣̇ассзд̇ваа зваруубам̣ аббижчад̇ам̣ самаад̣̇ааяа вад̇д̇ид̇аб̣б̣анд̇и аббижчагат̇ам̣ гат̇зси. д̇зна вуд̇д̇ам̣ ‘‘ад̇д̇анаа жа аббижчо аббижчагат̇ан̃жа бхигкуунам̣ гад̇д̇аа’’д̇и.

    Āyasmā pana puṇṇo atricchataṃ pāpicchataṃ mahicchatañca pahāya sabbaso icchāpaṭipakkhabhūtāya alobhasaṅkhātāya parisuddhāya appicchatāya samannāgatattā appiccho nāma ahosi. Bhikkhūnampi, ‘‘āvuso, atricchatā pāpicchatā mahicchatāti ime dhammā pahātabbā’’ti tesu ādīnavaṃ dassetvā evarūpaṃ appicchataṃ samādāya vattitabbanti appicchakathaṃ kathesi. Tena vuttaṃ ‘‘attanā ca appiccho appicchakathañca bhikkhūnaṃ kattā’’ti.

    д̣̇ваад̣̇асавид̇хасанд̇осаван̣н̣анаа

    Dvādasavidhasantosavaṇṇanā

    ид̣̇аани ад̇д̇анаа жа санд̇удтод̇иаад̣̇ийсу висзсад̇т̇амзва д̣̇ийбаяиссаама. яож̇анаа бана вуд̇д̇анаязнзва взд̣̇ид̇аб̣б̣аа. санд̇удтод̇и ид̇арийд̇арабажжаяасанд̇осзна саманнааг̇ад̇о. со банзса санд̇осо д̣̇ваад̣̇асавид̇хо ход̇и. сзяяат̇ид̣̇ам̣, жийварз яат̇аалаабхасанд̇осо яат̇ааб̣аласанд̇осо яат̇асааруббасанд̇осод̇и д̇ивид̇хо, звам̣ бин̣д̣абаад̇аад̣̇ийсу. д̇ассааяам̣ бабхзд̣̇асам̣ван̣н̣анаа.

    Idāni attanā ca santuṭṭhotiādīsu visesatthameva dīpayissāma. Yojanā pana vuttanayeneva veditabbā. Santuṭṭhoti itarītarapaccayasantosena samannāgato. So panesa santoso dvādasavidho hoti. Seyyathidaṃ, cīvare yathālābhasantoso yathābalasantoso yathasāruppasantosoti tividho, evaṃ piṇḍapātādīsu. Tassāyaṃ pabhedasaṃvaṇṇanā.

    ид̇ха бхигку жийварам̣ лабхад̇и сунд̣̇арам̣ ваа асунд̣̇арам̣ ваа. со д̇знзва яаабзд̇и ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса жийварз яат̇аалаабхасанд̇осо. ат̇а яо багад̇ид̣̇уб̣б̣ало ваа ход̇и ааб̣аад̇хаж̇араабхибхууд̇о ваа, г̇аружийварам̣ баарубанд̇о гиламад̇и, со сабхааг̇зна бхигкунаа сад̣̇д̇хим̣ д̇ам̣ баривад̇д̇зд̇ваа лахугзна яаабзнд̇оби санд̇удтова ход̇и, аяамасса жийварз яат̇ааб̣аласанд̇осо. абаро бан̣ийд̇абажжаяалаабхий ход̇и, со баддажийвараад̣̇ийнам̣ ан̃н̃ад̇арам̣ махаг̇гхажийварам̣ б̣ахууни ваа бана жийвараани лабхид̇ваа ид̣̇ам̣ т̇зраанам̣ жирабаб̣б̣аж̇ид̇аанам̣ ид̣̇ам̣ б̣ахуссуд̇аанам̣ ануруубам̣, ид̣̇ам̣ г̇илаанаанам̣ ид̣̇ам̣ аббалаабхаанам̣ ход̇ууд̇и д̣̇ад̇ваа д̇зсам̣ бураан̣ажийварам̣ ваа сан̇гаарагуудаад̣̇ид̇о ваа нанд̇агаани ужжинид̇ваа д̇зхи сан̇гхаадим̣ гад̇ваа д̇хаарзнд̇оби санд̇удтова ход̇и, аяамасса жийварз яат̇аасааруббасанд̇осо.

    Idha bhikkhu cīvaraṃ labhati sundaraṃ vā asundaraṃ vā. So teneva yāpeti aññaṃ na pattheti, labhantopi na gaṇhāti, ayamassa cīvare yathālābhasantoso. Atha yo pakatidubbalo vā hoti ābādhajarābhibhūto vā, garucīvaraṃ pārupanto kilamati, so sabhāgena bhikkhunā saddhiṃ taṃ parivattetvā lahukena yāpentopi santuṭṭhova hoti, ayamassa cīvare yathābalasantoso. Aparo paṇītapaccayalābhī hoti, so paṭṭacīvarādīnaṃ aññataraṃ mahagghacīvaraṃ bahūni vā pana cīvarāni labhitvā idaṃ therānaṃ cirapabbajitānaṃ idaṃ bahussutānaṃ anurūpaṃ, idaṃ gilānānaṃ idaṃ appalābhānaṃ hotūti datvā tesaṃ purāṇacīvaraṃ vā saṅkārakūṭādito vā nantakāni uccinitvā tehi saṅghāṭiṃ katvā dhārentopi santuṭṭhova hoti, ayamassa cīvare yathāsāruppasantoso.

    ид̇ха бана бхигку бин̣д̣абаад̇ам̣ лабхад̇и луукам̣ ваа бан̣ийд̇ам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса бин̣д̣абаад̇з яат̇аалаабхасанд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа бин̣д̣абаад̇ам̣ лабхад̇и, язнасса барибхуд̇д̇зна апаасу ход̇и, со сабхааг̇асса бхигкуно д̇ам̣ д̣̇ад̇ваа д̇асса хад̇т̇ад̇о саббааяабхож̇анам̣ бхун̃ж̇ид̇ваа саман̣ад̇хаммам̣ гаронд̇оби санд̇удтова ход̇и, аяамасса бин̣д̣абаад̇з яат̇ааб̣аласанд̇осо. абаро б̣ахум̣ бан̣ийд̇ам̣ бин̣д̣абаад̇ам̣ лабхад̇и, со д̇ам̣ жийварам̣ вияа жирабаб̣б̣аж̇ид̇аб̣ахуссуд̇ааббалаабхиг̇илаанаанам̣ д̣̇ад̇ваа д̇зсам̣ ваа сзсагам̣ бин̣д̣ааяа ваа жарид̇ваа миссагаахаарам̣ бхун̃ж̇анд̇оби санд̇удтова ход̇и, аяамасса бин̣д̣абаад̇з яат̇аасааруббасанд̇осо.

    Idha pana bhikkhu piṇḍapātaṃ labhati lūkhaṃ vā paṇītaṃ vā, so teneva yāpeti, aññaṃ na pattheti, labhantopi na gaṇhāti, ayamassa piṇḍapāte yathālābhasantoso. Yo pana attano pakativiruddhaṃ vā byādhiviruddhaṃ vā piṇḍapātaṃ labhati, yenassa paribhuttena aphāsu hoti, so sabhāgassa bhikkhuno taṃ datvā tassa hatthato sappāyabhojanaṃ bhuñjitvā samaṇadhammaṃ karontopi santuṭṭhova hoti, ayamassa piṇḍapāte yathābalasantoso. Aparo bahuṃ paṇītaṃ piṇḍapātaṃ labhati, so taṃ cīvaraṃ viya cirapabbajitabahussutaappalābhigilānānaṃ datvā tesaṃ vā sesakaṃ piṇḍāya vā caritvā missakāhāraṃ bhuñjantopi santuṭṭhova hoti, ayamassa piṇḍapāte yathāsāruppasantoso.

    ид̇ха бана бхигку сзнаасанам̣ лабхад̇и манаабам̣ ваа аманаабам̣ ваа, со д̇зна нзва соманассам̣ на бадигхам̣ уббаад̣̇зд̇и, анд̇амасо д̇ин̣асант̇аарагзнааби яат̇аалад̣̇д̇хзнзва д̇уссад̇и, аяамасса сзнаасанз яат̇аалаабхасанд̇осо . яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа сзнаасанам̣ лабхад̇и, яад̇т̇асса васад̇о апаасу ход̇и, со д̇ам̣ сабхааг̇асса бхигкуно д̣̇ад̇ваа д̇асса санд̇агз саббааяасзнаасанз васанд̇оби санд̇удтова ход̇и, аяамасса сзнаасанз яат̇ааб̣аласанд̇осо. абаро махаабун̃н̃о лзн̣аман̣д̣абагуудааг̇аараад̣̇ийни б̣ахууни бан̣ийд̇асзнаасанаани лабхад̇и, со д̇аани жийвараад̣̇ийни вияа жирабаб̣б̣аж̇ид̇аб̣ахуссуд̇ааббалаабхиг̇илаанаанам̣ д̣̇ад̇ваа яад̇т̇а гад̇т̇ажи васанд̇оби санд̇удтова ход̇и, аяамасса сзнаасанз яат̇аасааруббасанд̇осо. яоби, ‘‘уд̇д̇амасзнаасанам̣ наама бамаад̣̇адтаанам̣, д̇ад̇т̇а нисиннасса т̇инамид̣̇д̇хам̣ оггамад̇и, нид̣̇д̣̇аабхибхууд̇асса буна бадиб̣уж̇жхад̇о баабавид̇аггаа баад̇убхаванд̇ий’’д̇и бадисан̃жигкид̇ваа д̇аад̣̇исам̣ сзнаасанам̣ бад̇д̇амби на самбадижчад̇и, со д̇ам̣ бадигкибид̇ваа аб̣бхогаасаругкамуулаад̣̇ийсу васанд̇оби санд̇удтова ход̇и, аяамбисса сзнаасанз яат̇аасааруббасанд̇осо.

    Idha pana bhikkhu senāsanaṃ labhati manāpaṃ vā amanāpaṃ vā, so tena neva somanassaṃ na paṭighaṃ uppādeti, antamaso tiṇasanthārakenāpi yathāladdheneva tussati, ayamassa senāsane yathālābhasantoso. Yo pana attano pakativiruddhaṃ vā byādhiviruddhaṃ vā senāsanaṃ labhati, yatthassa vasato aphāsu hoti, so taṃ sabhāgassa bhikkhuno datvā tassa santake sappāyasenāsane vasantopi santuṭṭhova hoti, ayamassa senāsane yathābalasantoso. Aparo mahāpuñño leṇamaṇḍapakūṭāgārādīni bahūni paṇītasenāsanāni labhati, so tāni cīvarādīni viya cirapabbajitabahussutaappalābhigilānānaṃ datvā yattha katthaci vasantopi santuṭṭhova hoti, ayamassa senāsane yathāsāruppasantoso. Yopi, ‘‘uttamasenāsanaṃ nāma pamādaṭṭhānaṃ, tattha nisinnassa thinamiddhaṃ okkamati, niddābhibhūtassa puna paṭibujjhato pāpavitakkā pātubhavantī’’ti paṭisañcikkhitvā tādisaṃ senāsanaṃ pattampi na sampaṭicchati, so taṃ paṭikkhipitvā abbhokāsarukkhamūlādīsu vasantopi santuṭṭhova hoti, ayampissa senāsane yathāsāruppasantoso.

    ид̇ха бана бхигку бхзсаж̇ж̇ам̣ лабхад̇и луукам̣ ваа бан̣ийд̇ам̣ ваа, со яам̣ лабхад̇и, д̇знзва санд̇уссад̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса г̇илаанабажжаяз яат̇аалаабхасанд̇осо. яо бана д̇злзна ад̇т̇иго паан̣ид̇ам̣ лабхад̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о д̇злам̣ г̇ахзд̇ваа ан̃н̃ад̣̇зва ваа бариязсид̇ваа д̇зхи бхзсаж̇ж̇ам̣ гаронд̇оби санд̇удтова ход̇и, аяамасса г̇илаанабажжаяз яат̇ааб̣аласанд̇осо. абаро махаабун̃н̃о б̣ахум̣ д̇зламад̇хупаан̣ид̇аад̣̇ибан̣ийд̇абхзсаж̇ж̇ам̣ лабхад̇и, со д̇ам̣ жийварам̣ вияа жирабаб̣б̣аж̇ид̇аб̣ахуссуд̇ааббалаабхиг̇илаанаанам̣ д̣̇ад̇ваа д̇зсам̣ аабхад̇агзна язна гзнажи яаабзнд̇оби санд̇удтова ход̇и. яо бана згасмим̣ бхааж̇анз муд̇д̇ахарийд̇агам̣ табзд̇ваа згасмим̣ жад̇умад̇хурам̣, ‘‘г̇ан̣ха, бханд̇з, яад̣̇ижчасий’’д̇и вужжамаано сажасса д̇зсу ан̃н̃ад̇арзнаби рог̇о вуубасаммад̇и, ат̇а муд̇д̇ахарийд̇агам̣ наама б̣уд̣̇д̇хаад̣̇ийхи ван̣н̣ид̇анд̇и жад̇умад̇хурам̣ бадигкибид̇ваа муд̇д̇ахарийд̇агзнзва бхзсаж̇ж̇ам̣ гаронд̇о барамасанд̇удтова ход̇и, аяамасса г̇илаанабажжаяз яат̇аасааруббасанд̇осо.

    Idha pana bhikkhu bhesajjaṃ labhati lūkhaṃ vā paṇītaṃ vā, so yaṃ labhati, teneva santussati, aññaṃ na pattheti, labhantopi na gaṇhāti, ayamassa gilānapaccaye yathālābhasantoso. Yo pana telena atthiko phāṇitaṃ labhati, so taṃ sabhāgassa bhikkhuno datvā tassa hatthato telaṃ gahetvā aññadeva vā pariyesitvā tehi bhesajjaṃ karontopi santuṭṭhova hoti, ayamassa gilānapaccaye yathābalasantoso. Aparo mahāpuñño bahuṃ telamadhuphāṇitādipaṇītabhesajjaṃ labhati, so taṃ cīvaraṃ viya cirapabbajitabahussutaappalābhigilānānaṃ datvā tesaṃ ābhatakena yena kenaci yāpentopi santuṭṭhova hoti. Yo pana ekasmiṃ bhājane muttaharītakaṃ ṭhapetvā ekasmiṃ catumadhuraṃ, ‘‘gaṇha, bhante, yadicchasī’’ti vuccamāno sacassa tesu aññatarenapi rogo vūpasammati, atha muttaharītakaṃ nāma buddhādīhi vaṇṇitanti catumadhuraṃ paṭikkhipitvā muttaharītakeneva bhesajjaṃ karonto paramasantuṭṭhova hoti, ayamassa gilānapaccaye yathāsāruppasantoso.

    имзсам̣ бана бажжзгам̣ бажжаязсу д̇ин̣н̣ам̣ д̇ин̣н̣ам̣ санд̇осаанам̣ яат̇аасааруббасанд̇осова аг̇г̇о. ааяасмаа бун̣н̣о згзгасмим̣ бажжаяз имзхи д̇ийхи санд̇осзхи санд̇удто ахоси. санд̇удтигат̇ан̃жаад̇и бхигкуунамби жа имам̣ санд̇удтигат̇ам̣ гад̇д̇аава ахоси.

    Imesaṃ pana paccekaṃ paccayesu tiṇṇaṃ tiṇṇaṃ santosānaṃ yathāsāruppasantosova aggo. Āyasmā puṇṇo ekekasmiṃ paccaye imehi tīhi santosehi santuṭṭho ahosi. Santuṭṭhikathañcāti bhikkhūnampi ca imaṃ santuṭṭhikathaṃ kattāva ahosi.

    д̇ивид̇хабавивзгаван̣н̣анаа

    Tividhapavivekavaṇṇanā

    бавивид̇д̇од̇и гааяабавивзго жид̇д̇абавивзго убад̇хибавивзгод̇и имзхи д̇ийхи бавивзгзхи саманнааг̇ад̇о. д̇ад̇т̇а зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго жан̇гамамад̇хидтаад̇и, зго жарад̇и, зго вихарад̇ийд̇и аяам̣ гааяабавивзго наама. адта самаабад̇д̇ияо бана жид̇д̇абавивзго наама. ниб̣б̣аанам̣ убад̇хибавивзго наама. вуд̇д̇амби хзд̇ам̣ – ‘‘гааяабавивзго жа вивзгадтагааяаанам̣ нзгкаммаабхирад̇аанам̣. жид̇д̇абавивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣. убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 57). бавивзгагат̇анд̇и бхигкуунамби жа имам̣ бавивзгагат̇ам̣ гад̇д̇аа.

    Pavivittoti kāyapaviveko cittapaviveko upadhipavivekoti imehi tīhi pavivekehi samannāgato. Tattha eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko caṅkamamadhiṭṭhāti, eko carati, eko viharatīti ayaṃ kāyapaviveko nāma. Aṭṭha samāpattiyo pana cittapaviveko nāma. Nibbānaṃ upadhipaviveko nāma. Vuttampi hetaṃ – ‘‘kāyapaviveko ca vivekaṭṭhakāyānaṃ nekkhammābhiratānaṃ. Cittapaviveko ca parisuddhacittānaṃ paramavodānappattānaṃ. Upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 57). Pavivekakathanti bhikkhūnampi ca imaṃ pavivekakathaṃ kattā.

    бан̃жавид̇хасам̣саг̇г̇аван̣н̣анаа

    Pañcavidhasaṃsaggavaṇṇanā

    асам̣садтод̇и бан̃жавид̇хзна сам̣саг̇г̇зна вирахид̇о. саванасам̣саг̇г̇о д̣̇ассанасам̣саг̇г̇о самуллабанасам̣саг̇г̇о самбхог̇асам̣саг̇г̇о гааяасам̣саг̇г̇од̇и бан̃жавид̇хо сам̣саг̇г̇о. д̇зсу ид̇ха бхигку сун̣аад̇и, ‘‘асугасмим̣ г̇аамз ваа ниг̇амз ваа ид̇т̇ий ваа гумааригаа ваа абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа’’д̇и. со д̇ам̣ суд̇ваа сам̣сийд̣̇ад̇и висийд̣̇ад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ анаавигад̇ваа хийнааяаавад̇д̇ад̇ийд̇и звам̣ барзхи ваа гат̇ийяамаанам̣ руубаад̣̇исамбад̇д̇им̣ ад̇д̇анаа ваа хасид̇алабид̇аг̇ийд̇асад̣̇д̣̇ам̣ сун̣анд̇асса сод̇авин̃н̃аан̣авийт̇ивасзна уббанно рааг̇о саванасам̣саг̇г̇о наама. со анид̇т̇иг̇анд̇хабажжзгаб̣од̇хисад̇д̇асса жа бан̃жаг̇г̇ал̣алзн̣аваасийд̇иссад̣̇ахарасса жа васзна взд̣̇ид̇аб̣б̣о –

    Asaṃsaṭṭhoti pañcavidhena saṃsaggena virahito. Savanasaṃsaggo dassanasaṃsaggo samullapanasaṃsaggo sambhogasaṃsaggo kāyasaṃsaggoti pañcavidho saṃsaggo. Tesu idha bhikkhu suṇāti, ‘‘asukasmiṃ gāme vā nigame vā itthī vā kumārikā vā abhirūpā dassanīyā pāsādikā paramāya vaṇṇapokkharatāya samannāgatā’’ti. So taṃ sutvā saṃsīdati visīdati na sakkoti brahmacariyaṃ sandhāretuṃ, sikkhādubbalyaṃ anāvikatvā hīnāyāvattatīti evaṃ parehi vā kathīyamānaṃ rūpādisampattiṃ attanā vā hasitalapitagītasaddaṃ suṇantassa sotaviññāṇavīthivasena uppanno rāgo savanasaṃsaggo nāma. So anitthigandhapaccekabodhisattassa ca pañcaggaḷaleṇavāsītissadaharassa ca vasena veditabbo –

    д̣̇ахаро гира аагаасзна г̇ажчанд̇о г̇ириг̇аамаваасигаммаарад̇хийд̇ааяа бан̃жахи гумаарийхи сад̣̇д̇хим̣ бад̣̇умасарам̣ г̇анд̇ваа нхад̇ваа бад̣̇умаани жа биланд̇хид̇ваа мад̇хурассарзна г̇ааяанд̇ияаа сад̣̇д̣̇ам̣ суд̇ваа гаамарааг̇зна вид̣̇д̇хо висзсаа барихааяид̇ваа анаяаб̣яасанам̣ баабун̣и. ид̇ха бхигку на хзва ко сун̣аад̇и, абижа ко саамам̣ бассад̇и ид̇т̇им̣ ваа гумаарим̣ ваа абхируубам̣ д̣̇ассанийяам̣ баасаад̣̇игам̣ барамааяа ван̣н̣абогкарад̇ааяа саманнааг̇ад̇ам̣. со д̇ам̣ д̣̇исваа сам̣сийд̣̇ад̇и висийд̣̇ад̇и на саггод̇и б̣рахмажарияам̣ санд̇хаарзд̇ум̣, сигкаад̣̇уб̣б̣аляам̣ анаавигад̇ваа хийнааяаавад̇д̇ад̇ийд̇и звам̣ висабхааг̇аруубам̣ ологзнд̇асса бана жагкувин̃н̃аан̣авийт̇ивасзна уббаннарааг̇о д̣̇ассанасам̣саг̇г̇о наама. со звам̣ взд̣̇ид̇аб̣б̣о –

    Daharo kira ākāsena gacchanto girigāmavāsikammāradhītāya pañcahi kumārīhi saddhiṃ padumasaraṃ gantvā nhatvā padumāni ca pilandhitvā madhurassarena gāyantiyā saddaṃ sutvā kāmarāgena viddho visesā parihāyitvā anayabyasanaṃ pāpuṇi. Idha bhikkhu na heva kho suṇāti, apica kho sāmaṃ passati itthiṃ vā kumāriṃ vā abhirūpaṃ dassanīyaṃ pāsādikaṃ paramāya vaṇṇapokkharatāya samannāgataṃ. So taṃ disvā saṃsīdati visīdati na sakkoti brahmacariyaṃ sandhāretuṃ, sikkhādubbalyaṃ anāvikatvā hīnāyāvattatīti evaṃ visabhāgarūpaṃ olokentassa pana cakkhuviññāṇavīthivasena uppannarāgo dassanasaṃsaggo nāma. So evaṃ veditabbo –

    зго гира д̣̇ахаро гаалад̣̇ийгхаваабид̣̇вааравихаарам̣ уд̣̇д̣̇зсад̇т̇ааяа г̇ад̇о. аажарияо д̇асса анд̇арааяам̣ д̣̇исваа огаасам̣ на гарод̇и. со бунаббуннам̣ ануб̣анд̇хад̇и. аажарияо сажз анд̇ог̇аамз на жариссаси. д̣̇ассаами д̇з уд̣̇д̣̇зсанд̇и ааха. со саад̇хууд̇и самбадижчид̇ваа уд̣̇д̣̇зсз нидтид̇з аажарияам̣ ванд̣̇ид̇ваа г̇ажчанд̇о аажарияо мз имасмим̣ г̇аамз жарид̇ум̣ на д̣̇зд̇и, гим̣ ну ко гааран̣анд̇и жийварам̣ баарубид̇ваа г̇аамам̣ баависи, згаа гулад̇хийд̇аа бийд̇агавад̇т̇ам̣ ниваасзд̇ваа г̇зхз тид̇аа д̣̇ахарам̣ д̣̇исваа сан̃ж̇аад̇арааг̇аа ул̣ун̇гзна яааг̇ум̣ аахарид̇ваа д̇асса бад̇д̇з багкибид̇ваа нивад̇д̇ид̇ваа ман̃жагз нибаж̇ж̇и. ат̇а нам̣ маад̇аабид̇аро гим̣ аммаад̇и бужчим̣су, д̣̇ваарзна г̇ад̇ам̣ д̣̇ахарам̣ лабхамаанаа ж̇ийвиссаами, алабхамаанаа мариссаамийд̇и. маад̇аабид̇аро взг̇зна г̇анд̇ваа г̇аамад̣̇ваарз д̣̇ахарам̣ бад̇ваа ванд̣̇ид̇ваа, ‘‘нивад̇д̇ат̇а, бханд̇з, бхигкам̣ г̇ан̣хаахий’’д̇и аахам̣су. д̣̇ахаро алам̣ г̇ажчаамийд̇и. д̇з, ‘‘ид̣̇ам̣ наама, бханд̇з, гааран̣а’’нд̇и яаажид̇ваа – ‘‘амхаагам̣, бханд̇з, г̇зхз зд̇д̇агам̣ наама д̇ханам̣ ад̇т̇и, згааязва но д̇хийд̇аа, д̇вам̣ но ж̇здтабуд̇д̇адтаанз тассаси, сукзна саггаа ж̇ийвид̇у’’нд̇и аахам̣су. д̣̇ахаро, ‘‘на маяхам̣ иминаа балиб̣од̇хзна ад̇т̇о’’д̇и анаад̣̇ияид̇ваава багганд̇о.

    Eko kira daharo kāladīghavāpidvāravihāraṃ uddesatthāya gato. Ācariyo tassa antarāyaṃ disvā okāsaṃ na karoti. So punappunnaṃ anubandhati. Ācariyo sace antogāme na carissasi. Dassāmi te uddesanti āha. So sādhūti sampaṭicchitvā uddese niṭṭhite ācariyaṃ vanditvā gacchanto ācariyo me imasmiṃ gāme carituṃ na deti, kiṃ nu kho kāraṇanti cīvaraṃ pārupitvā gāmaṃ pāvisi, ekā kuladhītā pītakavatthaṃ nivāsetvā gehe ṭhitā daharaṃ disvā sañjātarāgā uḷuṅkena yāguṃ āharitvā tassa patte pakkhipitvā nivattitvā mañcake nipajji. Atha naṃ mātāpitaro kiṃ ammāti pucchiṃsu, dvārena gataṃ daharaṃ labhamānā jīvissāmi, alabhamānā marissāmīti. Mātāpitaro vegena gantvā gāmadvāre daharaṃ patvā vanditvā, ‘‘nivattatha, bhante, bhikkhaṃ gaṇhāhī’’ti āhaṃsu. Daharo alaṃ gacchāmīti. Te, ‘‘idaṃ nāma, bhante, kāraṇa’’nti yācitvā – ‘‘amhākaṃ, bhante, gehe ettakaṃ nāma dhanaṃ atthi, ekāyeva no dhītā, tvaṃ no jeṭṭhaputtaṭṭhāne ṭhassasi, sukhena sakkā jīvitu’’nti āhaṃsu. Daharo, ‘‘na mayhaṃ iminā palibodhena attho’’ti anādiyitvāva pakkanto.

    маад̇аабид̇аро г̇анд̇ваа, ‘‘амма, наасагкимхаа д̣̇ахарам̣ нивад̇д̇зд̇ум̣, яам̣ ан̃н̃ам̣ саамигам̣ ижчаси, д̇ам̣ лабхиссаси, удтзхи каад̣̇а жа бива жаа’’д̇и аахам̣су. саа анижчанд̇ий сад̇д̇аахам̣ нираахаараа худ̇ваа гааламагааси. маад̇аабид̇аро д̇ассаа сарийрагижжам̣ гад̇ваа д̇ам̣ бийд̇агавад̇т̇ам̣ д̇хуравихаарз бхигкусан̇гхасса ад̣̇ам̣су, бхигкуу вад̇т̇ам̣ кан̣д̣ааканд̣ам̣ гад̇ваа бхааж̇аяим̣су. зго махаллаго ад̇д̇ано годтаасам̣ г̇ахзд̇ваа галяаан̣ийвихаарам̣ ааг̇ад̇о. соби д̣̇ахаро жзд̇ияам̣ ванд̣̇иссаамийд̇и д̇ад̇т̇зва г̇анд̇ваа д̣̇иваадтаанз нисийд̣̇и. махаллаго д̇ам̣ вад̇т̇акан̣д̣ам̣ г̇ахзд̇ваа, ‘‘иминаа мз бариссааванам̣ вижаарзт̇аа’’д̇и д̣̇ахарам̣ авожа. д̣̇ахаро махаат̇зра ‘‘гухим̣ лад̣̇д̇ха’’нд̇и ааха. со саб̣б̣ам̣ бавад̇д̇им̣ гат̇зси. со д̇ам̣ суд̇ваава, ‘‘зваруубааяа наама сад̣̇д̇хим̣ сам̣ваасам̣ наалад̇т̇а’’нд̇и рааг̇аг̇г̇инаа д̣̇ад̣дхо д̇ад̇т̇зва гааламагааси.

    Mātāpitaro gantvā, ‘‘amma, nāsakkhimhā daharaṃ nivattetuṃ, yaṃ aññaṃ sāmikaṃ icchasi, taṃ labhissasi, uṭṭhehi khāda ca piva cā’’ti āhaṃsu. Sā anicchantī sattāhaṃ nirāhārā hutvā kālamakāsi. Mātāpitaro tassā sarīrakiccaṃ katvā taṃ pītakavatthaṃ dhuravihāre bhikkhusaṅghassa adaṃsu, bhikkhū vatthaṃ khaṇḍākhanḍaṃ katvā bhājayiṃsu. Eko mahallako attano koṭṭhāsaṃ gahetvā kalyāṇīvihāraṃ āgato. Sopi daharo cetiyaṃ vandissāmīti tattheva gantvā divāṭṭhāne nisīdi. Mahallako taṃ vatthakhaṇḍaṃ gahetvā, ‘‘iminā me parissāvanaṃ vicārethā’’ti daharaṃ avoca. Daharo mahāthera ‘‘kuhiṃ laddha’’nti āha. So sabbaṃ pavattiṃ kathesi. So taṃ sutvāva, ‘‘evarūpāya nāma saddhiṃ saṃvāsaṃ nālattha’’nti rāgagginā daḍḍho tattheva kālamakāsi.

    ан̃н̃аман̃н̃ам̣ аалаабасаллаабавасзна уббаннарааг̇о бана самуллабанасам̣саг̇г̇о наама. бхигкуно бхигкунияаа санд̇агам̣, бхигкунияаа ваа бхигкусса санд̇агам̣ г̇ахзд̇ваа барибхог̇агаран̣авасзна уббаннарааг̇о самбхог̇асам̣саг̇г̇о наама. со звам̣ взд̣̇ид̇аб̣б̣о – марижаваддивихаарамахз гира бхигкуунам̣ сад̇асахассам̣ бхигкунийнам̣ навуд̇исахассаани зва ахзсум̣. зго сааман̣зро ун̣хаяааг̇ум̣ г̇ахзд̇ваа г̇ажчанд̇о сагим̣ жийвараган̣н̣з табзси, сагим̣ бхуумияам̣. згаа сааман̣зрий д̣̇исваа зд̇т̇а бад̇д̇ам̣ табзд̇ваа яаахийд̇и т̇аалагам̣ ад̣̇ааси. д̇з абарабхааг̇з згасмим̣ бхаяз уббаннз барасамуд̣̇д̣̇ам̣ аг̇амам̣су. д̇зсу бхигкуний бурзд̇арам̣ аг̇амааси. саа, ‘‘зго гира сийхал̣абхигку ааг̇ад̇о’’д̇и суд̇ваа т̇зрасса санд̇игам̣ г̇анд̇ваа бадисант̇аарам̣ гад̇ваа нисиннаа, – ‘‘бханд̇з, марижаваддивихаарамахагаалз д̇умхз гад̇ивассаа’’д̇и бужчи. д̇ад̣̇аахам̣ сад̇д̇авассигасааман̣зро. д̇вам̣ бана гад̇ивассаад̇и? ахам̣ сад̇д̇авассигасааман̣зрийязва згасса сааман̣зрасса ун̣хаяааг̇ум̣ г̇ахзд̇ваа г̇ажчанд̇асса бад̇д̇атабанад̇т̇ам̣ т̇аалагамад̣̇аасинд̇и. т̇зро, ‘‘ахам̣ со’’д̇и вад̇ваа т̇аалагам̣ нийхарид̇ваа д̣̇ассзси. д̇з зд̇д̇агзнзва сам̣саг̇г̇зна б̣рахмажарияам̣ санд̇хаарзд̇ум̣ асаггонд̇аа д̣̇взби садтивассагаалз виб̣бхамим̣су.

    Aññamaññaṃ ālāpasallāpavasena uppannarāgo pana samullapanasaṃsaggo nāma. Bhikkhuno bhikkhuniyā santakaṃ, bhikkhuniyā vā bhikkhussa santakaṃ gahetvā paribhogakaraṇavasena uppannarāgo sambhogasaṃsaggo nāma. So evaṃ veditabbo – maricavaṭṭivihāramahe kira bhikkhūnaṃ satasahassaṃ bhikkhunīnaṃ navutisahassāni eva ahesuṃ. Eko sāmaṇero uṇhayāguṃ gahetvā gacchanto sakiṃ cīvarakaṇṇe ṭhapesi, sakiṃ bhūmiyaṃ. Ekā sāmaṇerī disvā ettha pattaṃ ṭhapetvā yāhīti thālakaṃ adāsi. Te aparabhāge ekasmiṃ bhaye uppanne parasamuddaṃ agamaṃsu. Tesu bhikkhunī puretaraṃ agamāsi. Sā, ‘‘eko kira sīhaḷabhikkhu āgato’’ti sutvā therassa santikaṃ gantvā paṭisanthāraṃ katvā nisinnā, – ‘‘bhante, maricavaṭṭivihāramahakāle tumhe kativassā’’ti pucchi. Tadāhaṃ sattavassikasāmaṇero. Tvaṃ pana kativassāti? Ahaṃ sattavassikasāmaṇerīyeva ekassa sāmaṇerassa uṇhayāguṃ gahetvā gacchantassa pattaṭhapanatthaṃ thālakamadāsinti. Thero, ‘‘ahaṃ so’’ti vatvā thālakaṃ nīharitvā dassesi. Te ettakeneva saṃsaggena brahmacariyaṃ sandhāretuṃ asakkontā dvepi saṭṭhivassakāle vibbhamiṃsu.

    хад̇т̇аг̇аахаад̣̇ивасзна бана уббаннарааг̇о гааяасам̣саг̇г̇о наама. д̇ад̇рид̣̇ам̣ вад̇т̇у – махаажзд̇ияан̇г̇ан̣з гира д̣̇ахарабхигкуу саж̇жхааяам̣ г̇ан̣ханд̇и. д̇зсам̣ бидтибассз д̣̇ахарабхигкунияо д̇хаммам̣ сун̣анд̇и. д̇ад̇рзго д̣̇ахаро хад̇т̇ам̣ басаарзнд̇о згиссаа д̣̇ахарабхигкунияаа гааяам̣ чуби. саа д̇ам̣ хад̇т̇ам̣ г̇ахзд̇ваа ад̇д̇ано урасмим̣ табзси, зд̇д̇агзна сам̣саг̇г̇зна д̣̇взби виб̣бхамид̇ваа г̇ихибхаавам̣ бад̇д̇аа.

    Hatthagāhādivasena pana uppannarāgo kāyasaṃsaggo nāma. Tatridaṃ vatthu – mahācetiyaṅgaṇe kira daharabhikkhū sajjhāyaṃ gaṇhanti. Tesaṃ piṭṭhipasse daharabhikkhuniyo dhammaṃ suṇanti. Tatreko daharo hatthaṃ pasārento ekissā daharabhikkhuniyā kāyaṃ chupi. Sā taṃ hatthaṃ gahetvā attano urasmiṃ ṭhapesi, ettakena saṃsaggena dvepi vibbhamitvā gihibhāvaṃ pattā.

    г̇аахаг̇аахагаад̣̇иван̣н̣анаа

    Gāhagāhakādivaṇṇanā

    имзсу бана бан̃жасу сам̣саг̇г̇зсу бхигкуно бхигкуухи сад̣̇д̇хим̣ саванад̣̇ассанасамуллабанасамбхог̇агааяабараамаасаа нижжамби хонд̇иязва, бхигкунийхи сад̣̇д̇хим̣ табзд̇ваа гааяасам̣саг̇г̇ам̣ сзсаа гаалзна гаалам̣ хонд̇и; д̇ат̇аа убаасагаубаасигаахи сад̣̇д̇хим̣ саб̣б̣зби гаалзна гаалам̣ хонд̇и. д̇зсу хи гилзсуббад̇д̇ид̇о жид̇д̇ам̣ рагкид̇аб̣б̣ам̣. зго хи бхигку г̇аахаг̇аахаго ход̇и, зго г̇аахамуд̇д̇аго, зго муд̇д̇аг̇аахаго, зго муд̇д̇амуд̇д̇аго.

    Imesu pana pañcasu saṃsaggesu bhikkhuno bhikkhūhi saddhiṃ savanadassanasamullapanasambhogakāyaparāmāsā niccampi hontiyeva, bhikkhunīhi saddhiṃ ṭhapetvā kāyasaṃsaggaṃ sesā kālena kālaṃ honti; tathā upāsakaupāsikāhi saddhiṃ sabbepi kālena kālaṃ honti. Tesu hi kilesuppattito cittaṃ rakkhitabbaṃ. Eko hi bhikkhu gāhagāhako hoti, eko gāhamuttako, eko muttagāhako, eko muttamuttako.

    д̇ад̇т̇а яам̣ бхигкум̣ мануссааби аамисзна убалаабзд̇ваа г̇ахан̣авасзна убасан̇гаманд̇и, бхигкуби бубпапалаад̣̇ийхи убалаабзд̇ваа г̇ахан̣авасзна убасан̇гамад̇и, аяам̣ г̇аахаг̇аахаго наама. яам̣ бана мануссаа вуд̇д̇анаязна убасан̇гаманд̇и, бхигку д̣̇агкин̣зяяавасзна убасан̇гамад̇и, аяам̣ г̇аахамуд̇д̇аго наама. яасса мануссаа д̣̇агкин̣зяяавасзна жад̇д̇ааро бажжаяз д̣̇знд̇и, бхигку бубпапалаад̣̇ийхи убалаабзд̇ваа г̇ахан̣авасзна убасан̇гамад̇и, аяам̣ муд̇д̇аг̇аахаго наама. яасса мануссааби д̣̇агкин̣зяяавасзна жад̇д̇ааро бажжаяз д̣̇знд̇и, бхигкуби жуул̣абин̣д̣абаад̇ияад̇иссад̇т̇зро вияа д̣̇агкин̣зяяавасзна барибхун̃ж̇ад̇и, аяам̣ муд̇д̇амуд̇д̇аго наама.

    Tattha yaṃ bhikkhuṃ manussāpi āmisena upalāpetvā gahaṇavasena upasaṅkamanti, bhikkhupi pupphaphalādīhi upalāpetvā gahaṇavasena upasaṅkamati, ayaṃ gāhagāhako nāma. Yaṃ pana manussā vuttanayena upasaṅkamanti, bhikkhu dakkhiṇeyyavasena upasaṅkamati, ayaṃ gāhamuttako nāma. Yassa manussā dakkhiṇeyyavasena cattāro paccaye denti, bhikkhu pupphaphalādīhi upalāpetvā gahaṇavasena upasaṅkamati, ayaṃ muttagāhako nāma. Yassa manussāpi dakkhiṇeyyavasena cattāro paccaye denti, bhikkhupi cūḷapiṇḍapātiyatissatthero viya dakkhiṇeyyavasena paribhuñjati, ayaṃ muttamuttako nāma.

    т̇зрам̣ гира згаа убаасигаа д̣̇ваад̣̇аса вассаани убадтахи. згад̣̇ивасам̣ д̇асмим̣ г̇аамз аг̇г̇и удтахид̇ваа г̇зхаани жхаабзси. ан̃н̃зсам̣ гулуубагабхигкуу ааг̇анд̇ваа – ‘‘гим̣ убаасигз, аби гин̃жи бхан̣д̣агам̣ арог̇ам̣ гаад̇ум̣ асагкид̇т̇аа’’д̇и бадисант̇аарам̣ агам̣су. мануссаа, ‘‘амхаагам̣ маад̇у гулуубагад̇т̇зро бхун̃ж̇анавзлааяамзва ааг̇амиссад̇ий’’д̇и аахам̣су. т̇зроби бунад̣̇ивасз бхигкаажааравзлам̣ саллагкзд̇ваава ааг̇ад̇о. убаасигаа годтажчааяааяа нисийд̣̇аабзд̇ваа бхигкам̣ самбаад̣̇зд̇ваа ад̣̇ааси. т̇зрз бхад̇д̇агижжам̣ гад̇ваа багганд̇з мануссаа аахам̣су – ‘‘амхаагам̣ маад̇у гулуубагад̇т̇зро бхун̃ж̇анавзлааяамзва ааг̇ад̇о’’д̇и. убаасигаа, ‘‘д̇умхаагам̣ гулуубагаа д̇умхаагам̣язва анужчавигаа, маяхам̣ т̇зро маяхзва анужчавиго’’д̇и ааха. ааяасмаа бана манд̇аан̣ибуд̇д̇о имзхи бан̃жахи сам̣саг̇г̇зхи жад̇уухиби барисаахи сад̣̇д̇хим̣ асам̣садто г̇аахамуд̇д̇аго жзва муд̇д̇амуд̇д̇аго жа ахоси. яат̇аа жа саяам̣ асам̣садто, звам̣ бхигкуунамби д̇ам̣ асам̣саг̇г̇агат̇ам̣ гад̇д̇аа ахоси.

    Theraṃ kira ekā upāsikā dvādasa vassāni upaṭṭhahi. Ekadivasaṃ tasmiṃ gāme aggi uṭṭhahitvā gehāni jhāpesi. Aññesaṃ kulūpakabhikkhū āgantvā – ‘‘kiṃ upāsike, api kiñci bhaṇḍakaṃ arogaṃ kātuṃ asakkhitthā’’ti paṭisanthāraṃ akaṃsu. Manussā, ‘‘amhākaṃ mātu kulūpakatthero bhuñjanavelāyameva āgamissatī’’ti āhaṃsu. Theropi punadivase bhikkhācāravelaṃ sallakkhetvāva āgato. Upāsikā koṭṭhacchāyāya nisīdāpetvā bhikkhaṃ sampādetvā adāsi. There bhattakiccaṃ katvā pakkante manussā āhaṃsu – ‘‘amhākaṃ mātu kulūpakatthero bhuñjanavelāyameva āgato’’ti. Upāsikā, ‘‘tumhākaṃ kulūpakā tumhākaṃyeva anucchavikā, mayhaṃ thero mayheva anucchaviko’’ti āha. Āyasmā pana mantāṇiputto imehi pañcahi saṃsaggehi catūhipi parisāhi saddhiṃ asaṃsaṭṭho gāhamuttako ceva muttamuttako ca ahosi. Yathā ca sayaṃ asaṃsaṭṭho, evaṃ bhikkhūnampi taṃ asaṃsaggakathaṃ kattā ahosi.

    аарад̣̇д̇хавийрияод̇и баг̇г̇ахид̇авийрияо, барибун̣н̣агааяигажзд̇асигавийрияод̇и ад̇т̇о. яо хи бхигку г̇аманз уббаннагилзсам̣ таанам̣ баабун̣ид̇ум̣ на д̣̇зд̇и, таанз уббаннагилзсам̣ нисаж̇ж̇ам̣, нисаж̇ж̇ааяа уббаннагилзсам̣ саяанам̣ баабун̣ид̇ум̣ на д̣̇зд̇и, манд̇зна ган̣хасаббам̣ уббийл̣зд̇ваа г̇ан̣ханд̇о вияа, амид̇д̇ам̣ г̇ийвааяа аггаманд̇о вияа жа вижарад̇и, аяам̣ аарад̣̇д̇хавийрияо наама. т̇зро жа д̇аад̣̇исо ахоси. бхигкуунамби д̇ат̇зва вийрияаарамбхагат̇ам̣ гад̇д̇аа ахоси.

    Āraddhavīriyoti paggahitavīriyo, paripuṇṇakāyikacetasikavīriyoti attho. Yo hi bhikkhu gamane uppannakilesaṃ ṭhānaṃ pāpuṇituṃ na deti, ṭhāne uppannakilesaṃ nisajjaṃ, nisajjāya uppannakilesaṃ sayanaṃ pāpuṇituṃ na deti, mantena kaṇhasappaṃ uppīḷetvā gaṇhanto viya, amittaṃ gīvāya akkamanto viya ca vicarati, ayaṃ āraddhavīriyo nāma. Thero ca tādiso ahosi. Bhikkhūnampi tatheva vīriyārambhakathaṃ kattā ahosi.

    сийласамбаннод̇иаад̣̇ийсу сийланд̇и жад̇убаарисуд̣̇д̇хисийлам̣. самаад̇хийд̇и вибассанаабаад̣̇агаа адта самаабад̇д̇ияо. бан̃н̃аад̇и логияалогуд̇д̇аран̃аан̣ам̣. вимуд̇д̇ийд̇и арияапалам̣. вимуд̇д̇ин̃аан̣ад̣̇ассананд̇и згуунавийсад̇ивид̇хам̣ бажжавзгкан̣ан̃аан̣ам̣. т̇зро саяамби сийлаад̣̇ийхи самбанно ахоси бхигкуунамби сийлаад̣̇игат̇ам̣ гад̇д̇аа. свааяам̣ д̣̇асахи гат̇аавад̇т̇уухи овад̣̇ад̇ийд̇и оваад̣̇аго. яат̇аа бана зго овад̣̇ад̇иязва, сукумам̣ ад̇т̇ам̣ баривад̇д̇зд̇ваа ж̇аанаабзд̇ум̣ на саггод̇и. на звам̣ т̇зро. т̇зро бана д̇аани д̣̇аса гат̇аавад̇т̇ууни вин̃н̃аабзд̇ийд̇и вин̃н̃аабаго. зго вин̃н̃аабзд̇ум̣ саггод̇и, гааран̣ам̣ д̣̇ассзд̇ум̣ на саггод̇и. т̇зро гааран̣амби санд̣̇ассзд̇ийд̇и санд̣̇ассаго. зго виж̇ж̇амаанам̣ гааран̣ам̣ д̣̇ассзд̇и, г̇аахзд̇ум̣ бана на саггод̇и. т̇зро г̇аахзд̇умби саггод̇ийд̇и самаад̣̇абаго. звам̣ самаад̣̇абзд̇ваа бана д̇зсу гат̇аавад̇т̇уусу уссаахаж̇ананавасзна бхигкуу самуд̇д̇зж̇зд̇ийд̇и самуд̇д̇зж̇аго. уссаахаж̇аад̇з ван̣н̣ам̣ вад̇ваа самбахам̣сзд̇ийд̇и самбахам̣саго.

    Sīlasampannotiādīsu sīlanti catupārisuddhisīlaṃ. Samādhīti vipassanāpādakā aṭṭha samāpattiyo. Paññāti lokiyalokuttarañāṇaṃ. Vimuttīti ariyaphalaṃ. Vimuttiñāṇadassananti ekūnavīsatividhaṃ paccavekkhaṇañāṇaṃ. Thero sayampi sīlādīhi sampanno ahosi bhikkhūnampi sīlādikathaṃ kattā. Svāyaṃ dasahi kathāvatthūhi ovadatīti ovādako. Yathā pana eko ovadatiyeva, sukhumaṃ atthaṃ parivattetvā jānāpetuṃ na sakkoti. Na evaṃ thero. Thero pana tāni dasa kathāvatthūni viññāpetīti viññāpako. Eko viññāpetuṃ sakkoti, kāraṇaṃ dassetuṃ na sakkoti. Thero kāraṇampi sandassetīti sandassako. Eko vijjamānaṃ kāraṇaṃ dasseti, gāhetuṃ pana na sakkoti. Thero gāhetumpi sakkotīti samādapako. Evaṃ samādapetvā pana tesu kathāvatthūsu ussāhajananavasena bhikkhū samuttejetīti samuttejako. Ussāhajāte vaṇṇaṃ vatvā sampahaṃsetīti sampahaṃsako.

    бан̃жалаабхаван̣н̣анаа

    Pañcalābhavaṇṇanā

    253. сулад̣̇д̇халаабхаад̇и ан̃н̃зсамби мануссад̇д̇абхаавабаб̣б̣аж̇ж̇аад̣̇иг̇ун̣алаабхаа наама хонд̇и. ааяасмад̇о бана бун̣н̣асса сулад̣̇д̇халаабхаа зд̇з, яасса сад̇т̇у саммукаа звам̣ ван̣н̣о аб̣бхуг̇г̇ад̇од̇и ад̇т̇о. абижа абан̣д̣ид̇зхи ван̣н̣агат̇анам̣ наама на д̇ат̇аа лаабхо, бан̣д̣ид̇зхи ван̣н̣агат̇анам̣ бана лаабхо. г̇ихий хи ваа ван̣н̣агат̇анам̣ на д̇ат̇аа лаабхо, г̇ихий хи ‘‘ван̣н̣ам̣ гат̇зссаамий’’д̇и, ‘‘амхаагам̣ аяяо сан̣хо сакило сукасамбхаасо, вихаарам̣ ааг̇ад̇аанам̣ яааг̇убхад̇д̇апаан̣ид̇аад̣̇ийхи сан̇г̇ахам̣ гарод̇ий’’д̇и гат̇знд̇о аван̣н̣амзва гат̇зд̇и. ‘‘аван̣н̣ам̣ гат̇зссаамий’’д̇и ‘‘аяам̣ т̇зро манд̣̇аманд̣̇о вияа аб̣алаб̣ало вияа бхаагудигабхаагудиго вияа над̇т̇и иминаа сад̣̇д̇хим̣ виссаасо’’д̇и гат̇знд̇о ван̣н̣амзва гат̇зд̇и. саб̣рахмажаарийхиби сад̇т̇у бараммукаа ван̣н̣агат̇анам̣ на д̇ат̇аа лаабхо, сад̇т̇у саммукаа бана ад̇илаабход̇и имамби ад̇т̇авасам̣ бадижжа ‘‘сулад̣̇д̇халаабхаа’’д̇и ааха. анумасса анумассаад̇и д̣̇аса гат̇аавад̇т̇ууни анубависид̇ваа анубависид̇ваа. д̇ан̃жа сад̇т̇аа аб̣бханумод̣̇ад̇ийд̇и д̇ан̃жасса ван̣н̣ам̣ звамзд̇ам̣ аббижчо жа со бхигку санд̇удто жа со бхигкууд̇и анумод̣̇ад̇и. ид̇и вин̃н̃уухи ван̣н̣абхаасанам̣ зго лаабхо, саб̣рахмажаарийхи зго, сад̇т̇у саммукаа зго, анумасса анумасса зго, сад̇т̇аараа аб̣бханумод̣̇анам̣ згод̇и имз бан̃жа лаабхз санд̇хааяа ‘‘сулад̣̇д̇халаабхаа’’д̇и ааха. гад̣̇аажийд̇и гисмин̃жид̣̇зва гаалз. гарахажийд̇и д̇ассзва взважанам̣. аббзва наама сияаа гожид̣̇зва гат̇аасаллаабод̇и аби наама гожи гат̇аасамуд̣̇аажаароби бхавзяяа. т̇зрзна гира ааяасмаа бун̣н̣о нзва д̣̇идтабуб̣б̣о, насса д̇хаммагат̇аа суд̇абуб̣б̣аа. ид̇и со д̇асса д̣̇ассанамби д̇хаммагат̇амби бад̇т̇аяамаано звамааха.

    253.Suladdhalābhāti aññesampi manussattabhāvapabbajjādiguṇalābhā nāma honti. Āyasmato pana puṇṇassa suladdhalābhā ete, yassa satthu sammukhā evaṃ vaṇṇo abbhuggatoti attho. Apica apaṇḍitehi vaṇṇakathanaṃ nāma na tathā lābho, paṇḍitehi vaṇṇakathanaṃ pana lābho. Gihī hi vā vaṇṇakathanaṃ na tathā lābho, gihī hi ‘‘vaṇṇaṃ kathessāmī’’ti, ‘‘amhākaṃ ayyo saṇho sakhilo sukhasambhāso, vihāraṃ āgatānaṃ yāgubhattaphāṇitādīhi saṅgahaṃ karotī’’ti kathento avaṇṇameva katheti. ‘‘Avaṇṇaṃ kathessāmī’’ti ‘‘ayaṃ thero mandamando viya abalabalo viya bhākuṭikabhākuṭiko viya natthi iminā saddhiṃ vissāso’’ti kathento vaṇṇameva katheti. Sabrahmacārīhipi satthu parammukhā vaṇṇakathanaṃ na tathā lābho, satthu sammukhā pana atilābhoti imampi atthavasaṃ paṭicca ‘‘suladdhalābhā’’ti āha. Anumassa anumassāti dasa kathāvatthūni anupavisitvā anupavisitvā. Tañca satthā abbhanumodatīti tañcassa vaṇṇaṃ evametaṃ appiccho ca so bhikkhu santuṭṭho ca so bhikkhūti anumodati. Iti viññūhi vaṇṇabhāsanaṃ eko lābho, sabrahmacārīhi eko, satthu sammukhā eko, anumassa anumassa eko, satthārā abbhanumodanaṃ ekoti ime pañca lābhe sandhāya ‘‘suladdhalābhā’’ti āha. Kadācīti kismiñcideva kāle. Karahacīti tasseva vevacanaṃ. Appeva nāma siyā kocideva kathāsallāpoti api nāma koci kathāsamudācāropi bhaveyya. Therena kira āyasmā puṇṇo neva diṭṭhapubbo, nassa dhammakathā sutapubbā. Iti so tassa dassanampi dhammakathampi patthayamāno evamāha.

    жааригаад̣̇иван̣н̣анаа

    Cārikādivaṇṇanā

    254. яат̇аабхиранд̇анд̇и яат̇аааж̇жхаасаяам̣ вихарид̇ваа. б̣уд̣̇д̇хаанан̃хи згасмим̣ таанз васанд̇аанам̣ чааяууд̣̇агаад̣̇ивибад̇д̇им̣ ваа абпаасугасзнаасанам̣ ваа, мануссаанам̣ ассад̣̇д̇хаад̣̇ибхаавам̣ ваа ааг̇амма анабхирад̇и наама над̇т̇и. д̇зсам̣ самбад̇д̇ияаа ‘‘ид̇ха паасу вихараамаа’’д̇и абхирамид̇ваа жиравихаароби над̇т̇и. яад̇т̇а бана д̇ат̇ааг̇ад̇з вихаранд̇з сад̇д̇аа саран̣зсу ваа бад̇идтаханд̇и, сийлаани ваа самаад̣̇ияанд̇и, баб̣б̣аж̇анд̇и ваа, д̇ад̇о сод̇аабад̇д̇имаг̇г̇аад̣̇ийнам̣ ваа бана д̇зсам̣ убаниссаяо ход̇и. д̇ад̇т̇а б̣уд̣̇д̇хаа сад̇д̇з д̇аасу самбад̇д̇ийсу бад̇идтаабанааж̇жхаасаязна васанд̇и; д̇аасам̣ абхаавз баггаманд̇и. д̇зна вуд̇д̇ам̣ – ‘‘яат̇аааж̇жхаасаяам̣ вихарид̇ваа’’д̇и. жааригам̣ жарамаанод̇и ад̣̇д̇хаанаг̇аманам̣ г̇ажчанд̇о. жааригаа жа наамзсаа бхаг̇авад̇о д̣̇увид̇хаа ход̇и д̇урид̇ажааригаа жа, ад̇урид̇ажааригаа жа.

    254.Yathābhirantanti yathāajjhāsayaṃ viharitvā. Buddhānañhi ekasmiṃ ṭhāne vasantānaṃ chāyūdakādivipattiṃ vā apphāsukasenāsanaṃ vā, manussānaṃ assaddhādibhāvaṃ vā āgamma anabhirati nāma natthi. Tesaṃ sampattiyā ‘‘idha phāsu viharāmā’’ti abhiramitvā ciravihāropi natthi. Yattha pana tathāgate viharante sattā saraṇesu vā patiṭṭhahanti, sīlāni vā samādiyanti, pabbajanti vā, tato sotāpattimaggādīnaṃ vā pana tesaṃ upanissayo hoti. Tattha buddhā satte tāsu sampattīsu patiṭṭhāpanaajjhāsayena vasanti; tāsaṃ abhāve pakkamanti. Tena vuttaṃ – ‘‘yathāajjhāsayaṃ viharitvā’’ti. Cārikaṃ caramānoti addhānagamanaṃ gacchanto. Cārikā ca nāmesā bhagavato duvidhā hoti turitacārikā ca, aturitacārikā ca.

    д̇ад̇т̇а д̣̇уурзби б̣од̇ханзяяабуг̇г̇алам̣ д̣̇исваа д̇асса б̣од̇ханад̇т̇ааяа сахасаа г̇аманам̣ д̇урид̇ажааригаа наама. саа махаагассабабажжуг̇г̇аманаад̣̇ийсу д̣̇адтаб̣б̣аа. бхаг̇аваа хи махаагассабам̣ бажжуг̇г̇ажчанд̇о мухуд̇д̇зна д̇иг̇аавуд̇ам̣ маг̇г̇ам̣ аг̇амааси, аал̣авагассад̇т̇ааяа д̇им̣саяож̇анам̣, д̇ат̇аа ан̇г̇улимааласса . буггусаад̇исса бана бан̃жажад̇д̇аалийсаяож̇анам̣, махаагаббинасса вийсаяож̇анасад̇ам̣, кад̣̇ираванияассад̇т̇ааяа сад̇д̇а яож̇анасад̇аани аг̇амааси; д̇хаммасзнаабад̇ино сад̣̇д̇хивихааригасса ванаваасийд̇иссасааман̣зрасса д̇иг̇аавуд̇аад̇хигам̣ вийсаяож̇анасад̇ам̣.

    Tattha dūrepi bodhaneyyapuggalaṃ disvā tassa bodhanatthāya sahasā gamanaṃ turitacārikā nāma. Sā mahākassapapaccuggamanādīsu daṭṭhabbā. Bhagavā hi mahākassapaṃ paccuggacchanto muhuttena tigāvutaṃ maggaṃ agamāsi, āḷavakassatthāya tiṃsayojanaṃ, tathā aṅgulimālassa . Pukkusātissa pana pañcacattālīsayojanaṃ, mahākappinassa vīsayojanasataṃ, khadiravaniyassatthāya satta yojanasatāni agamāsi; dhammasenāpatino saddhivihārikassa vanavāsītissasāmaṇerassa tigāvutādhikaṃ vīsayojanasataṃ.

    згад̣̇ивасам̣ гира т̇зро, ‘‘д̇иссасааман̣зрасса санд̇игам̣, бханд̇з, г̇ажчаамий’’д̇и ааха. бхаг̇аваа, ‘‘ахамби г̇амиссаамий’’д̇и вад̇ваа ааяасманд̇ам̣ аананд̣̇ам̣ ааманд̇зси – ‘‘аананд̣̇а, вийсад̇исахассаанам̣ чал̣абхин̃н̃аанам̣ аарожзхи – ‘бхаг̇аваа ванаваасийд̇иссасааман̣зрасса санд̇игам̣ г̇амиссад̇ий’’’д̇и. д̇ад̇о д̣̇уд̇ияад̣̇ивасз вийсад̇исахассакийн̣аасавабаривуд̇о аагаасз уббад̇ид̇ваа вийсаяож̇анасад̇амад̇т̇агз д̇асса г̇ожараг̇аамад̣̇ваарз од̇арид̇ваа жийварам̣ бааруби. гамманд̇ам̣ г̇ажчамаанаа мануссаа д̣̇исваа, ‘‘сад̇т̇аа, бхо, ааг̇ад̇о, маа гамманд̇ам̣ аг̇амид̇т̇аа’’д̇и вад̇ваа аасанаани бан̃н̃абзд̇ваа яааг̇ум̣ д̣̇ад̇ваа баанавад̇д̇ам̣ гаронд̇аа, ‘‘гухим̣, бханд̇з, бхаг̇аваа г̇ажчад̇ий’’д̇и д̣̇ахарабхигкуу бужчим̣су. убаасагаа, на бхаг̇аваа ан̃н̃ад̇т̇а г̇ажчад̇и, ид̇хзва д̇иссасааман̣зрасса д̣̇ассанад̇т̇ааяа ааг̇ад̇од̇и . д̇з ‘‘амхаагам̣ гира гулуубагад̇т̇зрасса д̣̇ассанад̇т̇ааяа сад̇т̇аа ааг̇ад̇о, но вад̇а но т̇зро орамад̇д̇аго’’д̇и соманассаж̇аад̇аа ахзсум̣.

    Ekadivasaṃ kira thero, ‘‘tissasāmaṇerassa santikaṃ, bhante, gacchāmī’’ti āha. Bhagavā, ‘‘ahampi gamissāmī’’ti vatvā āyasmantaṃ ānandaṃ āmantesi – ‘‘ānanda, vīsatisahassānaṃ chaḷabhiññānaṃ ārocehi – ‘bhagavā vanavāsītissasāmaṇerassa santikaṃ gamissatī’’’ti. Tato dutiyadivase vīsatisahassakhīṇāsavaparivuto ākāse uppatitvā vīsayojanasatamatthake tassa gocaragāmadvāre otaritvā cīvaraṃ pārupi. Kammantaṃ gacchamānā manussā disvā, ‘‘satthā, bho, āgato, mā kammantaṃ agamitthā’’ti vatvā āsanāni paññapetvā yāguṃ datvā pānavattaṃ karontā, ‘‘kuhiṃ, bhante, bhagavā gacchatī’’ti daharabhikkhū pucchiṃsu. Upāsakā, na bhagavā aññattha gacchati, idheva tissasāmaṇerassa dassanatthāya āgatoti . Te ‘‘amhākaṃ kira kulūpakattherassa dassanatthāya satthā āgato, no vata no thero oramattako’’ti somanassajātā ahesuṃ.

    ат̇а бхаг̇авад̇о бхад̇д̇агижжабарияосаанз сааман̣зро г̇аамам̣ бин̣д̣ааяа жарид̇ваа ‘‘убаасагаа махаа бхигкусан̇гхо’’д̇и бужчи. ат̇асса д̇з, ‘‘сад̇т̇аа, бханд̇з, ааг̇ад̇о’’д̇и аарожзсум̣, со бхаг̇аванд̇ам̣ убасан̇гамид̇ваа бин̣д̣абаад̇зна аабужчи. сад̇т̇аа д̇асса бад̇д̇ам̣ хад̇т̇зна г̇ахзд̇ваа, ‘‘алам̣, д̇исса, нидтид̇ам̣ бхад̇д̇агижжа’’нд̇и ааха. д̇ад̇о убаж̇жхааяам̣ аабужчид̇ваа ад̇д̇ано бад̇д̇аасанз нисийд̣̇ид̇ваа бхад̇д̇агижжамагааси. ат̇асса бхад̇д̇агижжабарияосаанз сад̇т̇аа ман̇г̇алам̣ вад̇ваа нигкамид̇ваа г̇аамад̣̇ваарз тад̇ваа, ‘‘гад̇аро д̇з, д̇исса, васанадтаанам̣ г̇аманамаг̇г̇о’’д̇и ааха. ‘‘аяам̣ бхаг̇аваа’’д̇и. маг̇г̇ам̣ д̣̇зсаяамаано бурад̇о яаахи д̇иссаад̇и. бхаг̇аваа гира сад̣̇звагасса логасса маг̇г̇ад̣̇зсаго самааноби ‘‘сагалад̇иг̇аавуд̇з маг̇г̇з сааман̣зрам̣ д̣̇адтум̣ лажчаамий’’д̇и д̇ам̣ маг̇г̇ад̣̇зсагамагааси.

    Atha bhagavato bhattakiccapariyosāne sāmaṇero gāmaṃ piṇḍāya caritvā ‘‘upāsakā mahā bhikkhusaṅgho’’ti pucchi. Athassa te, ‘‘satthā, bhante, āgato’’ti ārocesuṃ, so bhagavantaṃ upasaṅkamitvā piṇḍapātena āpucchi. Satthā tassa pattaṃ hatthena gahetvā, ‘‘alaṃ, tissa, niṭṭhitaṃ bhattakicca’’nti āha. Tato upajjhāyaṃ āpucchitvā attano pattāsane nisīditvā bhattakiccamakāsi. Athassa bhattakiccapariyosāne satthā maṅgalaṃ vatvā nikkhamitvā gāmadvāre ṭhatvā, ‘‘kataro te, tissa, vasanaṭṭhānaṃ gamanamaggo’’ti āha. ‘‘Ayaṃ bhagavā’’ti. Maggaṃ desayamāno purato yāhi tissāti. Bhagavā kira sadevakassa lokassa maggadesako samānopi ‘‘sakalatigāvute magge sāmaṇeraṃ daṭṭhuṃ lacchāmī’’ti taṃ maggadesakamakāsi.

    со ад̇д̇ано васанадтаанам̣ г̇анд̇ваа бхаг̇авад̇о вад̇д̇амагааси. ат̇а нам̣ бхаг̇аваа, ‘‘гад̇аро д̇з, д̇исса, жан̇гамо’’д̇и бужчид̇ваа д̇ад̇т̇а г̇анд̇ваа сааман̣зрасса нисийд̣̇анабаасаан̣з нисийд̣̇ид̇ваа, ‘‘д̇исса, имасмим̣ таанз сукам̣ васасий’’д̇и бужчи. со ааха – ‘‘аама, бханд̇з, имасмим̣ мз таанз васанд̇асса сийхаб̣яаг̇гхахад̇т̇имиг̇амораад̣̇ийнам̣ сад̣̇д̣̇ам̣ сун̣ад̇о аран̃н̃асан̃н̃аа уббаж̇ж̇ад̇и, д̇ааяа сукам̣ васаамий’’д̇и. ат̇а нам̣ бхаг̇аваа, ‘‘д̇исса, бхигкусан̇гхам̣ саннибаад̇зхи, б̣уд̣̇д̇хад̣̇ааяаж̇ж̇ам̣ д̇з д̣̇ассаамий’’д̇и вад̇ваа саннибад̇ид̇з бхигкусан̇гхз убасамбаад̣̇зд̇ваа ад̇д̇ано васанадтаанамзва аг̇амаасийд̇и. аяам̣ д̇урид̇ажааригаа наама.

    So attano vasanaṭṭhānaṃ gantvā bhagavato vattamakāsi. Atha naṃ bhagavā, ‘‘kataro te, tissa, caṅkamo’’ti pucchitvā tattha gantvā sāmaṇerassa nisīdanapāsāṇe nisīditvā, ‘‘tissa, imasmiṃ ṭhāne sukhaṃ vasasī’’ti pucchi. So āha – ‘‘āma, bhante, imasmiṃ me ṭhāne vasantassa sīhabyagghahatthimigamorādīnaṃ saddaṃ suṇato araññasaññā uppajjati, tāya sukhaṃ vasāmī’’ti. Atha naṃ bhagavā, ‘‘tissa, bhikkhusaṅghaṃ sannipātehi, buddhadāyajjaṃ te dassāmī’’ti vatvā sannipatite bhikkhusaṅghe upasampādetvā attano vasanaṭṭhānameva agamāsīti. Ayaṃ turitacārikā nāma.

    яам̣ бана г̇ааманиг̇амабадибаадияаа д̣̇звасигам̣ яож̇анад̣дхаяож̇анавасзна бин̣д̣абаад̇ажарияаад̣̇ийхи логам̣ ануг̇г̇ан̣ханд̇асса г̇аманам̣, аяам̣ ад̇урид̇ажааригаа наама. имам̣ бана жааригам̣ жаранд̇о бхаг̇аваа махааман̣д̣алам̣ маж̇жхимаман̣д̣алам̣ анд̇имаман̣д̣аланд̇и имзсам̣ д̇ин̣н̣ам̣ ман̣д̣алаанам̣ ан̃н̃ад̇арасмим̣ жарад̇и. д̇ад̇т̇а махааман̣д̣алам̣ наваяож̇анасад̇игам̣, маж̇жхимаман̣д̣алам̣ чаяож̇анасад̇игам̣, анд̇имаман̣д̣алам̣ д̇ияож̇анасад̇игам̣. яад̣̇аа махааман̣д̣алз жааригам̣ жарид̇угаамо ход̇и, махаабавааран̣ааяа баваарзд̇ваа баадибад̣̇ад̣̇ивасз махаабхигкусан̇гхабаривааро нигкамад̇и. саманд̇аа яож̇анасад̇ам̣ згаголаахалам̣ ахоси, буримам̣ буримам̣ ааг̇ад̇аа ниманд̇зд̇ум̣ лабханд̇и; ид̇арзсу д̣̇вийсу ман̣д̣алзсу саггааро махааман̣д̣алз осарад̇и. д̇ад̇ра бхаг̇аваа д̇зсу д̇зсу г̇ааманиг̇амзсу згаахам̣ д̣̇вийхам̣ васанд̇о махааж̇анам̣ аамисабадиг̇г̇ахзна ануг̇г̇ан̣ханд̇о д̇хаммад̣̇аанзна жасса виваддуубаниссид̇ам̣ гусалам̣ вад̣дхзнд̇о навахи маасзхи жааригам̣ барияосаабзд̇и.

    Yaṃ pana gāmanigamapaṭipāṭiyā devasikaṃ yojanaḍḍhayojanavasena piṇḍapātacariyādīhi lokaṃ anuggaṇhantassa gamanaṃ, ayaṃ aturitacārikā nāma. Imaṃ pana cārikaṃ caranto bhagavā mahāmaṇḍalaṃ majjhimamaṇḍalaṃ antimamaṇḍalanti imesaṃ tiṇṇaṃ maṇḍalānaṃ aññatarasmiṃ carati. Tattha mahāmaṇḍalaṃ navayojanasatikaṃ, majjhimamaṇḍalaṃ chayojanasatikaṃ, antimamaṇḍalaṃ tiyojanasatikaṃ. Yadā mahāmaṇḍale cārikaṃ caritukāmo hoti, mahāpavāraṇāya pavāretvā pāṭipadadivase mahābhikkhusaṅghaparivāro nikkhamati. Samantā yojanasataṃ ekakolāhalaṃ ahosi, purimaṃ purimaṃ āgatā nimantetuṃ labhanti; itaresu dvīsu maṇḍalesu sakkāro mahāmaṇḍale osarati. Tatra bhagavā tesu tesu gāmanigamesu ekāhaṃ dvīhaṃ vasanto mahājanaṃ āmisapaṭiggahena anuggaṇhanto dhammadānena cassa vivaṭṭūpanissitaṃ kusalaṃ vaḍḍhento navahi māsehi cārikaṃ pariyosāpeti.

    сажз бана анд̇овассз бхигкуунам̣ самат̇авибассанаа д̇арун̣аа ход̇и, махаабавааран̣ааяа абаваарзд̇ваа бавааран̣аасан̇г̇ахам̣ д̣̇ад̇ваа гад̇д̇игабун̣н̣амааяа баваарзд̇ваа миг̇асирасса батамад̣̇ивасз махаабхигкусан̇гхабаривааро нигкамид̇ваа маж̇жхимаман̣д̣алам̣ осарад̇и. ан̃н̃знаби гааран̣зна маж̇жхимаман̣д̣алз жааригам̣ жарид̇угаамо жад̇умаасам̣ васид̇ваава нигкамад̇и. вуд̇д̇анаязнзва ид̇арзсу д̣̇вийсу ман̣д̣алзсу саггааро маж̇жхимаман̣д̣алз осарад̇и. бхаг̇аваа буриманаязнзва логам̣ ануг̇г̇ан̣ханд̇о адтахи маасзхи жааригам̣ барияосаабзд̇и.

    Sace pana antovasse bhikkhūnaṃ samathavipassanā taruṇā hoti, mahāpavāraṇāya apavāretvā pavāraṇāsaṅgahaṃ datvā kattikapuṇṇamāya pavāretvā migasirassa paṭhamadivase mahābhikkhusaṅghaparivāro nikkhamitvā majjhimamaṇḍalaṃ osarati. Aññenapi kāraṇena majjhimamaṇḍale cārikaṃ caritukāmo catumāsaṃ vasitvāva nikkhamati. Vuttanayeneva itaresu dvīsu maṇḍalesu sakkāro majjhimamaṇḍale osarati. Bhagavā purimanayeneva lokaṃ anuggaṇhanto aṭṭhahi māsehi cārikaṃ pariyosāpeti.

    сажз бана жад̇умаасам̣ вудтавассассааби бхаг̇авад̇о взнзяяасад̇д̇аа абарибаггинд̣̇рияаа хонд̇и, д̇зсам̣ инд̣̇рияабарибаагам̣ ааг̇амаяамаано абарамби згам̣ маасам̣ ваа д̣̇вид̇ижад̇умаасам̣ ваа д̇ад̇т̇зва васид̇ваа махаабхигкусан̇гхабаривааро нигкамад̇и. вуд̇д̇анаязнзва ид̇арзсу д̣̇вийсу ман̣д̣алзсу саггааро анд̇оман̣д̣алз осарад̇и. бхаг̇аваа буриманаязнзва логам̣ ануг̇г̇ан̣ханд̇о сад̇д̇ахи ваа чахи ваа бан̃жахи ваа жад̇уухи ваа маасзхи жааригам̣ барияосаабзд̇и. ид̇и имзсу д̇ийсу ман̣д̣алзсу яад̇т̇а гад̇т̇ажи жааригам̣ жаранд̇о на жийвараад̣̇ихзд̇у жарад̇и. ат̇а ко яз д̣̇уг̇г̇ад̇аа б̣аалаа ж̇ин̣н̣аа б̣яаад̇хид̇аа, д̇з гад̣̇аа д̇ат̇ааг̇ад̇ам̣ ааг̇анд̇ваа бассиссанд̇и? маяи бана жааригам̣ жаранд̇з махааж̇ано д̇ат̇ааг̇ад̇ад̣̇ассанам̣ лабхиссад̇и, д̇ад̇т̇а гзжи жид̇д̇аани басаад̣̇зссанд̇и, гзжи маалаад̣̇ийхи бууж̇зссанд̇и, гзжи гадажчубхигкам̣ д̣̇ассанд̇и, гзжи мижчаад̣̇ассанам̣ бахааяа саммаад̣̇идтигаа бхависсанд̇и, д̇ам̣ д̇зсам̣ бхависсад̇и д̣̇ийгхарад̇д̇ам̣ хид̇ааяа сукааяаад̇и звам̣ логаанугамбааяа жааригам̣ жарад̇и.

    Sace pana catumāsaṃ vuṭṭhavassassāpi bhagavato veneyyasattā aparipakkindriyā honti, tesaṃ indriyaparipākaṃ āgamayamāno aparampi ekaṃ māsaṃ vā dviticatumāsaṃ vā tattheva vasitvā mahābhikkhusaṅghaparivāro nikkhamati. Vuttanayeneva itaresu dvīsu maṇḍalesu sakkāro antomaṇḍale osarati. Bhagavā purimanayeneva lokaṃ anuggaṇhanto sattahi vā chahi vā pañcahi vā catūhi vā māsehi cārikaṃ pariyosāpeti. Iti imesu tīsu maṇḍalesu yattha katthaci cārikaṃ caranto na cīvarādihetu carati. Atha kho ye duggatā bālā jiṇṇā byādhitā, te kadā tathāgataṃ āgantvā passissanti? Mayi pana cārikaṃ carante mahājano tathāgatadassanaṃ labhissati, tattha keci cittāni pasādessanti, keci mālādīhi pūjessanti, keci kaṭacchubhikkhaṃ dassanti, keci micchādassanaṃ pahāya sammādiṭṭhikā bhavissanti, taṃ tesaṃ bhavissati dīgharattaṃ hitāya sukhāyāti evaṃ lokānukampāya cārikaṃ carati.

    абижа жад̇уухи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – ж̇ан̇гхаавихааравасзна сарийрапаасугад̇т̇ааяа, ад̇т̇уббад̇д̇игаалам̣ абхиган̇канад̇т̇ааяа, бхикуунам̣ сигкаабад̣̇ам̣ бан̃н̃аабанад̇т̇ааяа, д̇ад̇т̇а д̇ад̇т̇а барибаагаг̇ад̇инд̣̇рияз б̣од̇ханзяяасад̇д̇з б̣од̇ханад̇т̇ааяаад̇и. абарзхиби жад̇уухи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – б̣уд̣̇д̇хам̣ саран̣ам̣ г̇ажчиссанд̇ийд̇и ваа, д̇хаммам̣ саран̣ам̣ г̇ажчиссанд̇ийд̇и ваа, сан̇гхам̣ саран̣ам̣ г̇ажчиссанд̇ийд̇и ваа, махад̇аа д̇хаммавассзна жад̇ассо барисаа санд̇аббзссаамийд̇и ваад̇и . абарзхи бан̃жахи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – баан̣аад̇ибаад̇аа вирамиссанд̇ийд̇и ваа, ад̣̇иннаад̣̇аанаа… гаамзсумижчаажаараа… мусааваад̣̇аа… сураамзраяамаж̇ж̇абамаад̣̇адтаанаа вирамиссанд̇ийд̇и ваад̇и. абарзхи адтахи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – батамаж̇жхаанам̣ бадилабхиссанд̇ийд̇и ваа, д̣̇уд̇ияам̣…бз… нзвасан̃н̃аанаасан̃н̃ааяад̇анасамаабад̇д̇им̣ бадилабхиссанд̇ийд̇и ваад̇и. абарзхи адтахи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – сод̇аабад̇д̇имаг̇г̇ам̣ ад̇хиг̇амиссанд̇ийд̇и ваа, сод̇аабад̇д̇ипалам̣…бз… арахад̇д̇апалам̣ сажчигариссанд̇ийд̇и ваад̇и. аяам̣ ад̇урид̇ажааригаа, саа ид̇ха ад̇хиббзд̇аа. саа банзсаа д̣̇увид̇хаа ход̇и ниб̣ад̣̇д̇хажааригаа, аниб̣ад̣̇д̇хажааригаа жа. д̇ад̇т̇а яам̣ згассзва б̣од̇ханзяяасад̇д̇асса ад̇т̇ааяа г̇ажчад̇и, аяам̣ ниб̣ад̣̇д̇хажааригаа наама. яам̣ бана г̇ааманиг̇аманаг̇арабадибаадивасзна жарад̇и, аяам̣ аниб̣ад̣̇д̇хажааригаа наама. зсаа ид̇ха ад̇хиббзд̇аа.

    Apica catūhi kāraṇehi buddhā bhagavanto cārikaṃ caranti – jaṅghāvihāravasena sarīraphāsukatthāya, atthuppattikālaṃ abhikaṅkhanatthāya, bhikhūnaṃ sikkhāpadaṃ paññāpanatthāya, tattha tattha paripākagatindriye bodhaneyyasatte bodhanatthāyāti. Aparehipi catūhi kāraṇehi buddhā bhagavanto cārikaṃ caranti – buddhaṃ saraṇaṃ gacchissantīti vā, dhammaṃ saraṇaṃ gacchissantīti vā, saṅghaṃ saraṇaṃ gacchissantīti vā, mahatā dhammavassena catasso parisā santappessāmīti vāti . Aparehi pañcahi kāraṇehi buddhā bhagavanto cārikaṃ caranti – pāṇātipātā viramissantīti vā, adinnādānā… kāmesumicchācārā… musāvādā… surāmerayamajjapamādaṭṭhānā viramissantīti vāti. Aparehi aṭṭhahi kāraṇehi buddhā bhagavanto cārikaṃ caranti – paṭhamajjhānaṃ paṭilabhissantīti vā, dutiyaṃ…pe… nevasaññānāsaññāyatanasamāpattiṃ paṭilabhissantīti vāti. Aparehi aṭṭhahi kāraṇehi buddhā bhagavanto cārikaṃ caranti – sotāpattimaggaṃ adhigamissantīti vā, sotāpattiphalaṃ…pe… arahattaphalaṃ sacchikarissantīti vāti. Ayaṃ aturitacārikā, sā idha adhippetā. Sā panesā duvidhā hoti nibaddhacārikā, anibaddhacārikā ca. Tattha yaṃ ekasseva bodhaneyyasattassa atthāya gacchati, ayaṃ nibaddhacārikā nāma. Yaṃ pana gāmanigamanagarapaṭipāṭivasena carati, ayaṃ anibaddhacārikā nāma. Esā idha adhippetā.

    сзнаасанам̣ сам̣саамзд̇ваад̇и сзнаасанам̣ бадисаамзд̇ваа. д̇ам̣ бана бадисаамзнд̇о т̇зро на жуул̣абад̇д̇амахаабад̇д̇а-жуул̣ат̇аалагамахаат̇аалага-баддун̣н̣ажийвара-д̣̇угуулажийвараад̣̇ийнам̣ бхан̣д̣игам̣ гад̇ваа саббид̇злаад̣̇ийнам̣ ваа бана гхадз буураабзд̇ваа г̇аб̣бхз нид̣̇ахид̇ваа д̣̇ваарам̣ бид̇хааяа гун̃жигамуд̣̇д̣̇игаад̣̇ийни яож̇аабзси. ‘‘сажз на ход̇и бхигку ваа сааман̣зро ваа аараамиго ваа убаасаго ваа, жад̇уусу баасаан̣зсу ман̃жз ман̃жам̣ ааробзд̇ваа бийтз бийтам̣ ааробзд̇ваа жийваравам̣сз ваа жийварараж̇ж̇уяаа ваа убари бун̃ж̇ам̣ гад̇ваа д̣̇ваараваад̇абаанам̣ т̇агзд̇ваа баггамид̇аб̣б̣а’’нд̇и (жуул̣ава. 361) важанад̇о бана нзваасигам̣ бхигкум̣ аабужчанамад̇д̇агзнзва бадисаамзси.

    Senāsanaṃ saṃsāmetvāti senāsanaṃ paṭisāmetvā. Taṃ pana paṭisāmento thero na cūḷapattamahāpatta-cūḷathālakamahāthālaka-paṭṭuṇṇacīvara-dukūlacīvarādīnaṃ bhaṇḍikaṃ katvā sappitelādīnaṃ vā pana ghaṭe pūrāpetvā gabbhe nidahitvā dvāraṃ pidhāya kuñcikamuddikādīni yojāpesi. ‘‘Sace na hoti bhikkhu vā sāmaṇero vā ārāmiko vā upāsako vā, catūsu pāsāṇesu mañce mañcaṃ āropetvā pīṭhe pīṭhaṃ āropetvā cīvaravaṃse vā cīvararajjuyā vā upari puñjaṃ katvā dvāravātapānaṃ thaketvā pakkamitabba’’nti (cūḷava. 361) vacanato pana nevāsikaṃ bhikkhuṃ āpucchanamattakeneva paṭisāmesi.

    язна саавад̇т̇и д̇зна жааригам̣ баггаамийд̇и сад̇т̇у д̣̇ассанагаамо худ̇ваа язна д̣̇исаабхааг̇зна саавад̇т̇и д̇зна баггаами. баггаманд̇о жа на суд̣̇д̇ход̣̇анамахаарааж̇асса аарожаабзд̇ваа саббид̇зламад̇хупаан̣ид̇аад̣̇ийни г̇аахаабзд̇ваа багганд̇о. яуут̇ам̣ бахааяа нигканд̇о бана мад̇д̇ахад̇т̇ий вияа, асахааяагижжо сийхо вияа, бад̇д̇ажийварамад̇д̇ам̣ аад̣̇ааяа згагова баггаами. гасмаа банзса бан̃жасад̇зхи ад̇д̇ано анд̇зваасигзхи сад̣̇д̇хим̣ рааж̇аг̇ахам̣ аг̇анд̇ваа ид̣̇аани нигканд̇од̇и? рааж̇аг̇ахам̣ габилавад̇т̇уд̇о д̣̇уурам̣ садтияож̇анаани, саавад̇т̇и бана бан̃жад̣̇аса. сад̇т̇аа рааж̇аг̇ахад̇о бан̃жажад̇д̇аалийсаяож̇анам̣ ааг̇анд̇ваа саавад̇т̇ияам̣ вихарад̇и, ид̣̇аани аасанно ж̇аад̇од̇и суд̇ваа нигкамийд̇и агааран̣амзд̇ам̣. б̣уд̣̇д̇хаанам̣ санд̇игам̣ г̇ажчанд̇о хи зса яож̇анасахассамби г̇ажчзяяа, д̇ад̣̇аа бана гааяавивзго на саггаа лад̣̇д̇хунд̇и. б̣ахуухи сад̣̇д̇хим̣ г̇аманагаалз хи згасмим̣ г̇ажчаамаад̇и вад̣̇анд̇з зго ид̇хзва васаамаад̇и вад̣̇ад̇и. згасмим̣ васаамаад̇и вад̣̇анд̇з зго г̇ажчаамаад̇и вад̣̇ад̇и. д̇асмаа ижчид̇ижчид̇агкан̣з самаабад̇д̇им̣ аббзд̇ваа нисийд̣̇ид̇ум̣ ваа паасугасзнаасанз гааяавивзгам̣ лад̣̇д̇хум̣ ваа на саггаа ход̇и, згагасса бана д̇ам̣ саб̣б̣ам̣ сулабхам̣ ход̇ийд̇и д̇ад̣̇аа аг̇анд̇ваа ид̣̇аани баггаами.

    Yena sāvatthi tena cārikaṃ pakkāmīti satthu dassanakāmo hutvā yena disābhāgena sāvatthi tena pakkāmi. Pakkamanto ca na suddhodanamahārājassa ārocāpetvā sappitelamadhuphāṇitādīni gāhāpetvā pakkanto. Yūthaṃ pahāya nikkhanto pana mattahatthī viya, asahāyakicco sīho viya, pattacīvaramattaṃ ādāya ekakova pakkāmi. Kasmā panesa pañcasatehi attano antevāsikehi saddhiṃ rājagahaṃ agantvā idāni nikkhantoti? Rājagahaṃ kapilavatthuto dūraṃ saṭṭhiyojanāni, sāvatthi pana pañcadasa. Satthā rājagahato pañcacattālīsayojanaṃ āgantvā sāvatthiyaṃ viharati, idāni āsanno jātoti sutvā nikkhamīti akāraṇametaṃ. Buddhānaṃ santikaṃ gacchanto hi esa yojanasahassampi gaccheyya, tadā pana kāyaviveko na sakkā laddhunti. Bahūhi saddhiṃ gamanakāle hi ekasmiṃ gacchāmāti vadante eko idheva vasāmāti vadati. Ekasmiṃ vasāmāti vadante eko gacchāmāti vadati. Tasmā icchiticchitakkhaṇe samāpattiṃ appetvā nisīdituṃ vā phāsukasenāsane kāyavivekaṃ laddhuṃ vā na sakkā hoti, ekakassa pana taṃ sabbaṃ sulabhaṃ hotīti tadā agantvā idāni pakkāmi.

    жааригам̣ жарамаанод̇и зд̇т̇а гин̃жааби аяам̣ жааригаа наама махааж̇анасан̇г̇ахад̇т̇ам̣ б̣уд̣̇д̇хаанам̣язва лаб̣бхад̇и, б̣уд̣̇д̇хз убаад̣̇ааяа бана рул̣хийсад̣̇д̣̇зна саавагаанамби вужжад̇и гилан̃ж̇аад̣̇ийхи гад̇ам̣ б̣ийж̇анамби д̇аалаван̣дам̣ вияа. язна бхаг̇аваад̇и саавад̇т̇ияаа авид̣̇уурз згасмим̣ г̇аамагз бин̣д̣ааяа жарид̇ваа гад̇абхад̇д̇агижжо ж̇зд̇аванам̣ бависид̇ваа саарибуд̇д̇ад̇т̇зрасса ваа махаамог̇г̇аллаанад̇т̇зрасса ваа васанадтаанам̣ г̇анд̇ваа баад̣̇з д̇ховид̇ваа магкзд̇ваа баанийяам̣ ваа баанагам̣ ваа бивид̇ваа т̇огам̣ виссамид̇ваа сад̇т̇аарам̣ бассиссаамийд̇и жид̇д̇амби ануббаад̣̇зд̇ваа уж̇угам̣ г̇анд̇хагудибаривзн̣амзва аг̇амааси. т̇зрасса хи сад̇т̇аарам̣ д̣̇адтугаамасса ан̃н̃зна бхигкунаа гижжам̣ над̇т̇и. д̇асмаа раахулам̣ ваа аананд̣̇ам̣ ваа г̇ахзд̇ваа огаасам̣ гаарзд̇ваа сад̇т̇аарам̣ бассиссаамийд̇и звамби жид̇д̇ам̣ на уббаад̣̇зси.

    Cārikaṃcaramānoti ettha kiñcāpi ayaṃ cārikā nāma mahājanasaṅgahatthaṃ buddhānaṃyeva labbhati, buddhe upādāya pana ruḷhīsaddena sāvakānampi vuccati kilañjādīhi kataṃ bījanampi tālavaṇṭaṃ viya. Yena bhagavāti sāvatthiyā avidūre ekasmiṃ gāmake piṇḍāya caritvā katabhattakicco jetavanaṃ pavisitvā sāriputtattherassa vā mahāmoggallānattherassa vā vasanaṭṭhānaṃ gantvā pāde dhovitvā makkhetvā pānīyaṃ vā pānakaṃ vā pivitvā thokaṃ vissamitvā satthāraṃ passissāmīti cittampi anuppādetvā ujukaṃ gandhakuṭipariveṇameva agamāsi. Therassa hi satthāraṃ daṭṭhukāmassa aññena bhikkhunā kiccaṃ natthi. Tasmā rāhulaṃ vā ānandaṃ vā gahetvā okāsaṃ kāretvā satthāraṃ passissāmīti evampi cittaṃ na uppādesi.

    т̇зро хи саяамзва б̣уд̣̇д̇хасаасанз валлабхо ран̃н̃о сан̇г̇аамавиж̇аяамахааяод̇хо вияа. яат̇аа хи д̇аад̣̇исасса яод̇хасса рааж̇аанам̣ д̣̇адтугаамасса ан̃н̃ам̣ сзвид̇ваа д̣̇ассанагаммам̣ наама над̇т̇и; валлабхад̇ааяа саяамзва бассад̇и. звам̣ т̇зроби б̣уд̣̇д̇хасаасанз валлабхо, д̇асса ан̃н̃ам̣ сзвид̇ваа сад̇т̇уд̣̇ассанагижжам̣ над̇т̇ийд̇и баад̣̇з д̇ховид̇ваа баад̣̇абун̃чанамхи бун̃чид̇ваа язна бхаг̇аваа д̇знубасан̇гами. бхаг̇авааби ‘‘бажжуусагаалзязва манд̇аан̣ибуд̇д̇о ааг̇амиссад̇ий’’д̇и ад̣̇д̣̇аса. д̇асмаа г̇анд̇хагудим̣ бависид̇ваа суужигхадигам̣ ад̣̇ад̇ваава д̣̇арат̇ам̣ бадиббассамбхзд̇ваа удтааяа нисийд̣̇и. т̇зро гаваадам̣ бан̣аамзд̇ваа г̇анд̇хагудим̣ бависид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. д̇хаммияаа гат̇ааяаад̇и бхаг̇аваа д̇хаммим̣ гат̇ам̣ гат̇знд̇о жуул̣аг̇осин̇г̇асуд̇д̇з (ма. ни. 1.325 аад̣̇аяо) д̇ин̣н̣ам̣ гулабуд̇д̇аанам̣ саамаг̇г̇ирасаанисам̣сам̣ гат̇зси; сзгкасуд̇д̇з (ма. ни. 2.22 аад̣̇аяо) аавасат̇аанисам̣сам̣, гхадигаарасуд̇д̇з (ма. ни. 2.282 аад̣̇аяо) сад̇ибадилаабхигам̣ буб̣б̣зниваасаббадисам̣яуд̇д̇агат̇ам̣; радтабааласуд̇д̇з (ма. ни. 2.304) жад̇д̇ааро д̇хаммуд̣̇д̣̇зсз, сзласуд̇д̇з (ма. ни. 2.396 аад̣̇аяо) баанагаанисам̣сагат̇ам̣ , убаггилзсасуд̇д̇з (ма. ни. 3.236 аад̣̇аяо) бхаг̇уд̇т̇зрасса д̇хаммагат̇ам̣ гат̇знд̇о згийбхаавз аанисам̣сам̣ гат̇зси. имасмим̣ бана рат̇авинийд̇з ааяасмад̇о бун̣н̣асса гат̇знд̇о д̣̇асагат̇аавад̇т̇униссаяам̣ ананд̇анаяам̣ наама д̣̇ассзси бун̣н̣а, аяамби аббижчагат̇ааязва санд̇осагат̇ааязваад̇и. бадисамбхид̣̇аабад̇д̇асса саавагасса взланд̇з тад̇ваа махаасамуд̣̇д̣̇з хад̇т̇аббасааран̣ам̣ вияа ахоси.

    Thero hi sayameva buddhasāsane vallabho rañño saṅgāmavijayamahāyodho viya. Yathā hi tādisassa yodhassa rājānaṃ daṭṭhukāmassa aññaṃ sevitvā dassanakammaṃ nāma natthi; vallabhatāya sayameva passati. Evaṃ theropi buddhasāsane vallabho, tassa aññaṃ sevitvā satthudassanakiccaṃ natthīti pāde dhovitvā pādapuñchanamhi puñchitvā yena bhagavā tenupasaṅkami. Bhagavāpi ‘‘paccūsakāleyeva mantāṇiputto āgamissatī’’ti addasa. Tasmā gandhakuṭiṃ pavisitvā sūcighaṭikaṃ adatvāva darathaṃ paṭippassambhetvā uṭṭhāya nisīdi. Thero kavāṭaṃ paṇāmetvā gandhakuṭiṃ pavisitvā bhagavantaṃ abhivādetvā ekamantaṃ nisīdi. Dhammiyā kathāyāti bhagavā dhammiṃ kathaṃ kathento cūḷagosiṅgasutte (ma. ni. 1.325 ādayo) tiṇṇaṃ kulaputtānaṃ sāmaggirasānisaṃsaṃ kathesi; sekkhasutte (ma. ni. 2.22 ādayo) āvasathānisaṃsaṃ, ghaṭikārasutte (ma. ni. 2.282 ādayo) satipaṭilābhikaṃ pubbenivāsappaṭisaṃyuttakathaṃ; raṭṭhapālasutte (ma. ni. 2.304) cattāro dhammuddese, selasutte (ma. ni. 2.396 ādayo) pānakānisaṃsakathaṃ , upakkilesasutte (ma. ni. 3.236 ādayo) bhaguttherassa dhammakathaṃ kathento ekībhāve ānisaṃsaṃ kathesi. Imasmiṃ pana rathavinīte āyasmato puṇṇassa kathento dasakathāvatthunissayaṃ anantanayaṃ nāma dassesi puṇṇa, ayampi appicchakathāyeva santosakathāyevāti. Paṭisambhidāpattassa sāvakassa velante ṭhatvā mahāsamudde hatthappasāraṇaṃ viya ahosi.

    язна анд̇хавананд̇и д̇ад̣̇аа гира бажчаабхад̇д̇з ж̇зд̇аванам̣ аагин̣н̣ам̣ ход̇и, б̣ахуу кад̇д̇ияаб̣раахман̣аад̣̇аяо ж̇зд̇аванам̣ осаранд̇и; ран̃н̃о жаггавад̇д̇исса канд̇хааваарадтаанам̣ вияа ход̇и, на саггаа бавивзгам̣ лабхид̇ум̣. анд̇хаванам̣ бана бад̇хаанагхарасад̣̇исам̣ бавивид̇д̇ам̣, д̇асмаа язнанд̇хаванам̣ д̇знубасан̇гами. гасмаа бана махаат̇зрз на ад̣̇д̣̇аса? звам̣ гирасса ахоси – ‘‘сааяанхасамаяз ааг̇анд̇ваа махаат̇зрз д̣̇исваа буна д̣̇асаб̣алам̣ бассиссаами, звам̣ махаат̇зраанам̣ згам̣ убадтаанам̣ бхависсад̇и, сад̇т̇у д̣̇вз бхависсанд̇и, д̇ад̇о сад̇т̇аарам̣ ванд̣̇ид̇ваа мама васанадтаанамзва г̇амиссаамий’’д̇и.

    Yena andhavananti tadā kira pacchābhatte jetavanaṃ ākiṇṇaṃ hoti, bahū khattiyabrāhmaṇādayo jetavanaṃ osaranti; rañño cakkavattissa khandhāvāraṭṭhānaṃ viya hoti, na sakkā pavivekaṃ labhituṃ. Andhavanaṃ pana padhānagharasadisaṃ pavivittaṃ, tasmā yenandhavanaṃ tenupasaṅkami. Kasmā pana mahāthere na addasa? Evaṃ kirassa ahosi – ‘‘sāyanhasamaye āgantvā mahāthere disvā puna dasabalaṃ passissāmi, evaṃ mahātherānaṃ ekaṃ upaṭṭhānaṃ bhavissati, satthu dve bhavissanti, tato satthāraṃ vanditvā mama vasanaṭṭhānameva gamissāmī’’ti.

    сад̇д̇ависуд̣̇д̇хибан̃хаван̣н̣анаа

    Sattavisuddhipañhavaṇṇanā

    256. абхин̣хам̣ гид̇д̇аяамаано ахосийд̇и бунаббунам̣ ван̣н̣ам̣ гид̇д̇аяамаано вихааси. т̇зро гира д̇ад̇о бадтааяа д̣̇ивасз д̣̇ивасз сан̇гхамаж̇жхз ‘‘бун̣н̣о гира наама манд̇аан̣ибуд̇д̇о жад̇уухи барисаахи сад̣̇д̇хим̣ асам̣садто, со д̣̇асаб̣аласса д̣̇ассанад̇т̇ааяа ааг̇амиссад̇и; гажжи ну ко мам̣ ад̣̇исваава г̇амиссад̇ий’’д̇и т̇зранавамаж̇жхимаанам̣ сад̇игаран̣ад̇т̇ам̣ ааяасмад̇о бун̣н̣асса г̇ун̣ам̣ бхаасад̇и. звам̣ гирасса ахоси – ‘‘махаллагабхигкуу наама на саб̣б̣агаалам̣ анд̇овихаарз хонд̇и; г̇ун̣агат̇ааяа банасса гат̇ид̇ааяа яо жа нам̣ бхигкум̣ бассиссад̇и; со ааг̇анд̇ваа аарожзссад̇ий’’д̇и. ат̇ааяам̣ т̇зрассзва сад̣̇д̇хивихаариго д̇ам̣ ааяасманд̇ам̣ манд̇аан̣ибуд̇д̇ам̣ бад̇д̇ажийварамаад̣̇ааяа г̇анд̇хагудим̣ бависанд̇ам̣ ад̣̇д̣̇аса. гат̇ам̣ бана нам̣ зса ан̃н̃аасийд̇и? бун̣н̣а, бун̣н̣аад̇и вад̇ваа гат̇знд̇асса бхаг̇авад̇о д̇хаммагат̇ааяа ан̃н̃ааси – ‘‘аяам̣ со т̇зро, яасса мз убаж̇жхааяо абхин̣хам̣ гид̇д̇аяамаано ход̇ий’’д̇и. ид̇и со ааг̇анд̇ваа т̇зрасса аарожзси. нисийд̣̇анам̣ аад̣̇ааяаад̇и нисийд̣̇анам̣ наама сад̣̇асам̣ вужжад̇и авааяимам̣. т̇зро бана жаммакан̣д̣ам̣ г̇ахзд̇ваа аг̇амааси. бидтид̇о бидтид̇од̇и бажчад̇о бажчад̇о. сийсаанулогийд̇и яо уннад̇адтаанз бидтим̣ бассанд̇о ниннадтаанз сийсам̣ бассанд̇о г̇ажчад̇и, аяамби сийсаанулогийд̇и вужжад̇и. д̇аад̣̇исо худ̇ваа ануб̣анд̇хи. т̇зро хи гин̃жааби сам̣яад̇абад̣̇асад̣̇д̣̇ад̇ааяа ажжаасанно худ̇ваа г̇ажчанд̇оби бад̣̇асад̣̇д̣̇зна на б̣аад̇хад̇и, ‘‘нааяам̣ саммод̣̇анагаало’’д̇и н̃ад̇ваа бана на ажжаасанно, анд̇хаванам̣ наама маханд̇ам̣, згасмим̣ таанз нилийнам̣ абассанд̇зна, аавусо бун̣н̣а, бун̣н̣аад̇и апаасугасад̣̇д̣̇о гаад̇аб̣б̣о ход̇ийд̇и нисиннадтаанаж̇аананад̇т̇ам̣ наад̇ид̣̇уурз худ̇ваа сийсаанулогий аг̇амааси. д̣̇иваавихаарам̣ нисийд̣̇ийд̇и д̣̇иваавихаарад̇т̇ааяа нисийд̣̇и.

    256.Abhiṇhaṃ kittayamāno ahosīti punappunaṃ vaṇṇaṃ kittayamāno vihāsi. Thero kira tato paṭṭhāya divase divase saṅghamajjhe ‘‘puṇṇo kira nāma mantāṇiputto catūhi parisāhi saddhiṃ asaṃsaṭṭho, so dasabalassa dassanatthāya āgamissati; kacci nu kho maṃ adisvāva gamissatī’’ti theranavamajjhimānaṃ satikaraṇatthaṃ āyasmato puṇṇassa guṇaṃ bhāsati. Evaṃ kirassa ahosi – ‘‘mahallakabhikkhū nāma na sabbakālaṃ antovihāre honti; guṇakathāya panassa kathitāya yo ca naṃ bhikkhuṃ passissati; so āgantvā ārocessatī’’ti. Athāyaṃ therasseva saddhivihāriko taṃ āyasmantaṃ mantāṇiputtaṃ pattacīvaramādāya gandhakuṭiṃ pavisantaṃ addasa. Kathaṃ pana naṃ esa aññāsīti? Puṇṇa, puṇṇāti vatvā kathentassa bhagavato dhammakathāya aññāsi – ‘‘ayaṃ so thero, yassa me upajjhāyo abhiṇhaṃ kittayamāno hotī’’ti. Iti so āgantvā therassa ārocesi. Nisīdanaṃ ādāyāti nisīdanaṃ nāma sadasaṃ vuccati avāyimaṃ. Thero pana cammakhaṇḍaṃ gahetvā agamāsi. Piṭṭhito piṭṭhitoti pacchato pacchato. Sīsānulokīti yo unnataṭṭhāne piṭṭhiṃ passanto ninnaṭṭhāne sīsaṃ passanto gacchati, ayampi sīsānulokīti vuccati. Tādiso hutvā anubandhi. Thero hi kiñcāpi saṃyatapadasaddatāya accāsanno hutvā gacchantopi padasaddena na bādhati, ‘‘nāyaṃ sammodanakālo’’ti ñatvā pana na accāsanno, andhavanaṃ nāma mahantaṃ, ekasmiṃ ṭhāne nilīnaṃ apassantena, āvuso puṇṇa, puṇṇāti aphāsukasaddo kātabbo hotīti nisinnaṭṭhānajānanatthaṃ nātidūre hutvā sīsānulokī agamāsi. Divāvihāraṃ nisīdīti divāvihāratthāya nisīdi.

    д̇ад̇т̇а ааяасмааби бун̣н̣о уд̣̇ижжаб̣раахман̣аж̇ажжо, саарибуд̇д̇ад̇т̇зроби. бун̣н̣ад̇т̇зроби суван̣н̣аван̣н̣о, саарибуд̇д̇ад̇т̇зроби. бун̣н̣ад̇т̇зроби арахад̇д̇апаласамаабад̇д̇исамаабанно, саарибуд̇д̇ад̇т̇зроби. бун̣н̣ад̇т̇зроби габбасад̇асахассам̣ абхинийхаарасамбанно, саарибуд̇д̇ад̇т̇зроби габбасад̇асахассаад̇хигам̣ згамасан̇кязяяам̣. бун̣н̣ад̇т̇зроби бадисамбхид̣̇аабад̇д̇о махаакийн̣аасаво, саарибуд̇д̇ад̇т̇зроби. ид̇и згам̣ ганагаг̇ухам̣ бавидтаа д̣̇вз сийхаа вияа, згам̣ виж̇амбханабхуумим̣ од̇ин̣н̣аа д̣̇вз б̣яаг̇гхаа вияа, згам̣ субубпид̇асаалаванам̣ бавидтаа д̣̇вз чад̣̇д̣̇анд̇анааг̇арааж̇аано вияа, згам̣ симб̣аливанам̣ бавидтаа д̣̇вз субан̣н̣арааж̇аано вияа, згам̣ наравааханаяаанам̣ абхирул̣хаа д̣̇вз взссаван̣аа вияа, згам̣ бан̣д̣угамб̣аласилам̣ абхинисиннаа д̣̇вз саггаа вияа, згавимаанаб̣бханд̇араг̇ад̇аа д̣̇вз хаарид̇амахааб̣рахмаано вияа жа д̇з д̣̇взби б̣раахман̣аж̇ажжаа д̣̇взби суван̣н̣аван̣н̣аа д̣̇взби самаабад̇д̇илаабхино д̣̇взби абхинийхаарасамбаннаа д̣̇взби бадисамбхид̣̇аабад̇д̇аа махаакийн̣аасаваа згам̣ ванасан̣д̣ам̣ анубавидтаа д̇ам̣ ванадтаанам̣ собхаяим̣су.

    Tattha āyasmāpi puṇṇo udiccabrāhmaṇajacco, sāriputtattheropi. Puṇṇattheropi suvaṇṇavaṇṇo, sāriputtattheropi. Puṇṇattheropi arahattaphalasamāpattisamāpanno, sāriputtattheropi. Puṇṇattheropi kappasatasahassaṃ abhinīhārasampanno, sāriputtattheropi kappasatasahassādhikaṃ ekamasaṅkhyeyyaṃ. Puṇṇattheropi paṭisambhidāpatto mahākhīṇāsavo, sāriputtattheropi. Iti ekaṃ kanakaguhaṃ paviṭṭhā dve sīhā viya, ekaṃ vijambhanabhūmiṃ otiṇṇā dve byagghā viya, ekaṃ supupphitasālavanaṃ paviṭṭhā dve chaddantanāgarājāno viya, ekaṃ simbalivanaṃ paviṭṭhā dve supaṇṇarājāno viya, ekaṃ naravāhanayānaṃ abhiruḷhā dve vessavaṇā viya, ekaṃ paṇḍukambalasilaṃ abhinisinnā dve sakkā viya, ekavimānabbhantaragatā dve hāritamahābrahmāno viya ca te dvepi brāhmaṇajaccā dvepi suvaṇṇavaṇṇā dvepi samāpattilābhino dvepi abhinīhārasampannā dvepi paṭisambhidāpattā mahākhīṇāsavā ekaṃ vanasaṇḍaṃ anupaviṭṭhā taṃ vanaṭṭhānaṃ sobhayiṃsu.

    бхаг̇авад̇и но, аавусо, б̣рахмажарияам̣ вуссад̇ийд̇и, аавусо, гим̣ амхаагам̣ бхаг̇авад̇о санд̇игз ааяасмад̇аа б̣рахмажарияам̣ вуссад̇ийд̇и? ид̣̇ам̣ ааяасмаа саарибуд̇д̇о д̇асса бхаг̇авад̇и б̣рахмажарияаваасам̣ ж̇аананд̇оби гат̇аасамудтаабанад̇т̇ам̣ бужчи. буримагат̇ааяа хи аббад̇идтид̇ааяа бажчимагат̇аа на ж̇ааяад̇и, д̇асмаа звам̣ бужчи. т̇зро ануж̇аананд̇о ‘‘звамаавусо’’д̇и ааха. ат̇асса бан̃хависсаж̇ж̇анам̣ сод̇угаамо ааяасмаа саарибуд̇д̇о ‘‘гим̣ ну ко аавусо сийлависуд̣̇д̇хад̇т̇ам̣ бхаг̇авад̇и б̣рахмажарияам̣ вуссад̇ий’’д̇и бадибаадияаа сад̇д̇а висуд̣̇д̇хияо бужчи. д̇аасам̣ вид̇т̇аарагат̇аа висуд̣̇д̇химаг̇г̇з вуд̇д̇аа. ааяасмаа бана бун̣н̣о яасмаа жад̇убаарисуд̣̇д̇хисийлаад̣̇ийсу тид̇ассааби б̣рахмажарияаваасо мад̇т̇агам̣ на баабун̣аад̇и, д̇асмаа, ‘‘но хид̣̇ам̣, аавусо’’д̇и саб̣б̣ам̣ бадигкиби.

    Bhagavati no, āvuso, brahmacariyaṃ vussatīti, āvuso, kiṃ amhākaṃ bhagavato santike āyasmatā brahmacariyaṃ vussatīti? Idaṃ āyasmā sāriputto tassa bhagavati brahmacariyavāsaṃ jānantopi kathāsamuṭṭhāpanatthaṃ pucchi. Purimakathāya hi appatiṭṭhitāya pacchimakathā na jāyati, tasmā evaṃ pucchi. Thero anujānanto ‘‘evamāvuso’’ti āha. Athassa pañhavissajjanaṃ sotukāmo āyasmā sāriputto ‘‘kiṃ nu kho āvuso sīlavisuddhatthaṃ bhagavati brahmacariyaṃ vussatī’’ti paṭipāṭiyā satta visuddhiyo pucchi. Tāsaṃ vitthārakathā visuddhimagge vuttā. Āyasmā pana puṇṇo yasmā catupārisuddhisīlādīsu ṭhitassāpi brahmacariyavāso matthakaṃ na pāpuṇāti, tasmā, ‘‘no hidaṃ, āvuso’’ti sabbaṃ paṭikkhipi.

    гимад̇т̇ам̣ жарахаавусод̇и яад̣̇и сийлависуд̣̇д̇хиаад̣̇ийнам̣ ад̇т̇ааяа б̣рахмажарияам̣ на вуссад̇и, ат̇а гимад̇т̇ам̣ вуссад̇ийд̇и бужчи. анубаад̣̇аабариниб̣б̣аанад̇т̇ам̣ ко, аавусод̇и зд̇т̇а анубаад̣̇аабариниб̣б̣аанам̣ наама аббажжаяабариниб̣б̣аанам̣. д̣̇взд̇хаа убаад̣̇аанаани г̇ахан̣уубаад̣̇аанан̃жа бажжаяуубаад̣̇аанан̃жа. г̇ахан̣уубаад̣̇аанам̣ наама гаамубаад̣̇аанаад̣̇игам̣ жад̇уб̣б̣ид̇хам̣, бажжаяуубаад̣̇аанам̣ наама авиж̇ж̇аабажжаяаа сан̇каараад̇и звам̣ вуд̇д̇абажжаяаа. д̇ад̇т̇а г̇ахан̣уубаад̣̇аанаваад̣̇ино аажарияаа анубаад̣̇аабариниб̣б̣аананд̇и жад̇уусу убаад̣̇аанзсу ан̃н̃ад̇арзнааби ган̃жи д̇хаммам̣ аг̇г̇ахзд̇ваа бавад̇д̇ам̣ арахад̇д̇апалам̣ анубаад̣̇аабариниб̣б̣аананд̇и гат̇знд̇и. д̇ан̃хи на жа убаад̣̇аанасамбаяуд̇д̇ам̣ худ̇ваа ган̃жи д̇хаммам̣ убаад̣̇ияад̇и, гилзсаанан̃жа бариниб̣б̣уд̇анд̇з ж̇аад̇ад̇д̇аа бариниб̣б̣аананд̇и вужжад̇и. бажжаяуубаад̣̇аанаваад̣̇ино бана анубаад̣̇аабариниб̣б̣аананд̇и аббажжаяабариниб̣б̣аанам̣. бажжаяавасзна ануббаннам̣ асан̇кад̇ам̣ амад̇ад̇хаад̇умзва анубаад̣̇аабариниб̣б̣аананд̇и гат̇знд̇и. аяам̣ анд̇о, аяам̣ годи, аяам̣ нидтаа. аббажжаяабариниб̣б̣аанам̣ бад̇д̇асса хи б̣рахмажарияаваасо мад̇т̇агам̣ бад̇д̇о наама ход̇и, д̇асмаа т̇зро ‘‘анубаад̣̇аабариниб̣б̣аанад̇т̇а’’нд̇и ааха. ат̇а нам̣ ануяун̃ж̇анд̇о ааяасмаа саарибуд̇д̇о ‘‘гим̣ ну ко, аавусо, сийлависуд̣̇д̇хи анубаад̣̇аабариниб̣б̣аана’’нд̇и буна бужчам̣ аарабхи.

    Kimatthaṃcarahāvusoti yadi sīlavisuddhiādīnaṃ atthāya brahmacariyaṃ na vussati, atha kimatthaṃ vussatīti pucchi. Anupādāparinibbānatthaṃ kho, āvusoti ettha anupādāparinibbānaṃ nāma appaccayaparinibbānaṃ. Dvedhā upādānāni gahaṇūpādānañca paccayūpādānañca. Gahaṇūpādānaṃ nāma kāmupādānādikaṃ catubbidhaṃ, paccayūpādānaṃ nāma avijjāpaccayā saṅkhārāti evaṃ vuttapaccayā. Tattha gahaṇūpādānavādino ācariyā anupādāparinibbānanti catūsu upādānesu aññatarenāpi kañci dhammaṃ aggahetvā pavattaṃ arahattaphalaṃ anupādāparinibbānanti kathenti. Tañhi na ca upādānasampayuttaṃ hutvā kañci dhammaṃ upādiyati, kilesānañca parinibbutante jātattā parinibbānanti vuccati. Paccayūpādānavādino pana anupādāparinibbānanti appaccayaparinibbānaṃ. Paccayavasena anuppannaṃ asaṅkhataṃ amatadhātumeva anupādāparinibbānanti kathenti. Ayaṃ anto, ayaṃ koṭi, ayaṃ niṭṭhā. Appaccayaparinibbānaṃ pattassa hi brahmacariyavāso matthakaṃ patto nāma hoti, tasmā thero ‘‘anupādāparinibbānattha’’nti āha. Atha naṃ anuyuñjanto āyasmā sāriputto ‘‘kiṃ nu kho, āvuso, sīlavisuddhi anupādāparinibbāna’’nti puna pucchaṃ ārabhi.

    258. т̇зроби саб̣б̣абаривад̇д̇зсу д̇ат̇зва бадигкибид̇ваа барияосаанз д̣̇осам̣ д̣̇ассзнд̇о сийлависуд̣̇д̇хим̣ жз, аавусод̇иаад̣̇имааха. д̇ад̇т̇а бан̃н̃абзяяаад̇и яад̣̇и бан̃н̃абзяяа. саубаад̣̇аанам̣язва самаанам̣ анубаад̣̇аабариниб̣б̣аанам̣ бан̃н̃абзяяаад̇и сан̇г̇ахан̣ад̇хаммамзва ниг̇г̇ахан̣ад̇хаммам̣ саббажжаяад̇хаммамзва аббажжаяад̇хаммам̣ сан̇кад̇ад̇хаммамзва асан̇кад̇ад̇хамманд̇и бан̃н̃абзяяаад̇и ад̇т̇о. н̃аан̣ад̣̇ассанависуд̣̇д̇хияам̣ бана саббажжаяад̇хаммамзва аббажжаяад̇хаммам̣ сан̇кад̇ад̇хаммамзва асан̇кад̇ад̇хамманд̇и бан̃н̃абзяяаад̇и аяамзва ад̇т̇о г̇ахзд̇аб̣б̣о. бут̇уж̇ж̇ано хи, аавусод̇и зд̇т̇а ваддаануг̇ад̇о логияаб̣аалабут̇уж̇ж̇ано д̣̇адтаб̣б̣о. со хи жад̇убаарисуд̣̇д̇хисийламад̇д̇ассааби абхаавад̇о саб̣б̣асо ан̃н̃ад̇ра имзхи д̇хаммзхи. д̇зна хийд̇и язна гааран̣зна згажжз бан̣д̣ид̇аа убамааяа ад̇т̇ам̣ ж̇аананд̇и, д̇зна гааран̣зна убамам̣ д̇з гариссаамийд̇и ад̇т̇о.

    258. Theropi sabbaparivattesu tatheva paṭikkhipitvā pariyosāne dosaṃ dassento sīlavisuddhiṃ ce, āvusotiādimāha. Tattha paññapeyyāti yadi paññapeyya. Saupādānaṃyeva samānaṃ anupādāparinibbānaṃ paññapeyyāti saṅgahaṇadhammameva niggahaṇadhammaṃ sappaccayadhammameva appaccayadhammaṃ saṅkhatadhammameva asaṅkhatadhammanti paññapeyyāti attho. Ñāṇadassanavisuddhiyaṃ pana sappaccayadhammameva appaccayadhammaṃ saṅkhatadhammameva asaṅkhatadhammanti paññapeyyāti ayameva attho gahetabbo. Puthujjano hi, āvusoti ettha vaṭṭānugato lokiyabālaputhujjano daṭṭhabbo. So hi catupārisuddhisīlamattassāpi abhāvato sabbaso aññatra imehi dhammehi. Tena hīti yena kāraṇena ekacce paṇḍitā upamāya atthaṃ jānanti, tena kāraṇena upamaṃ te karissāmīti attho.

    сад̇д̇арат̇авинийд̇аван̣н̣анаа

    Sattarathavinītavaṇṇanā

    259. сад̇д̇а рат̇авинийд̇аанийд̇и винийд̇аассааж̇аанияаяуд̇д̇з сад̇д̇а рат̇з. яаавад̣̇зва, жид̇д̇ависуд̣̇д̇хад̇т̇аад̇и , аавусо, аяам̣ сийлависуд̣̇д̇хи наама, яаавад̣̇зва, жид̇д̇ависуд̣̇д̇хад̇т̇аа. жид̇д̇ависуд̣̇д̇хад̇т̇аад̇и ниссаггаважанамзд̇ам̣. аяам̣ банзд̇т̇а ад̇т̇о, яаавад̣̇зва, жид̇д̇ависуд̣̇д̇хисан̇каад̇аа ад̇т̇аа, д̇аава аяам̣ сийлависуд̣̇д̇хи наама ижчид̇аб̣б̣аа. яаа бана аяам̣ жид̇д̇ависуд̣̇д̇хи, зсаа сийлависуд̣̇д̇хияаа ад̇т̇о, аяам̣ годи, ид̣̇ам̣ барияосаанам̣, жид̇д̇ависуд̣̇д̇хияам̣ тид̇асса хи сийлависуд̣̇д̇хигижжам̣ гад̇ам̣ наама ход̇ийд̇и. зса наяо саб̣б̣абад̣̇зсу.

    259.Sattarathavinītānīti vinītaassājāniyayutte satta rathe. Yāvadeva, cittavisuddhatthāti , āvuso, ayaṃ sīlavisuddhi nāma, yāvadeva, cittavisuddhatthā. Cittavisuddhatthāti nissakkavacanametaṃ. Ayaṃ panettha attho, yāvadeva, cittavisuddhisaṅkhātā atthā, tāva ayaṃ sīlavisuddhi nāma icchitabbā. Yā pana ayaṃ cittavisuddhi, esā sīlavisuddhiyā attho, ayaṃ koṭi, idaṃ pariyosānaṃ, cittavisuddhiyaṃ ṭhitassa hi sīlavisuddhikiccaṃ kataṃ nāma hotīti. Esa nayo sabbapadesu.

    ид̣̇ам̣ банзд̇т̇а обаммасам̣санд̣̇анам̣ – рааж̇аа басзнад̣̇и госало вияа хи ж̇араамаран̣абхийруго яог̇ааважаро д̣̇адтаб̣б̣о. саавад̇т̇инаг̇арам̣ вияа саггааяанаг̇арам̣, саагзд̇анаг̇арам̣ вияа ниб̣б̣аананаг̇арам̣, ран̃н̃о саагзд̇з вад̣дхиаавахасса сийгхам̣ г̇анд̇ваа баабун̣ид̇аб̣б̣асса ажжааяигасса гижжасса уббаад̣̇агаало вияа яог̇ино анабхисамзд̇аанам̣ жад̇уннам̣ арияасажжаанам̣ абхисамаяагижжасса уббаад̣̇агаало. сад̇д̇а рат̇авинийд̇аани вияа сад̇д̇а висуд̣̇д̇хияо, батамам̣ рат̇авинийд̇ам̣ аарул̣хагаало вияа сийлависуд̣̇д̇хияам̣ тид̇агаало, батамарат̇авинийд̇аад̣̇ийхи д̣̇уд̇ияаад̣̇ийни аарул̣хагаало вияа сийлависуд̣̇д̇хиаад̣̇ийхи жид̇д̇ависуд̣̇д̇хиаад̣̇ийсу тид̇агаало. сад̇д̇амзна рат̇авинийд̇зна саагзд̇з анд̇збурад̣̇ваарз оруяха убарибаасаад̣̇з н̃аад̇имид̇д̇аг̇ан̣абаривуд̇асса сурасабхож̇анабарибхог̇агаало вияа яог̇ино н̃аан̣ад̣̇ассанависуд̣̇д̇хияаа саб̣б̣агилзсз кзбзд̇ваа д̇хаммаварабаасаад̣̇ам̣ ааруяха баробан̣н̣аасагусалад̇хаммабариваарасса ниб̣б̣аанаарамман̣ам̣ паласамаабад̇д̇им̣ аббзд̇ваа нирод̇хасаяанз нисиннасса логуд̇д̇арасукаанубхаванагаало д̣̇адтаб̣б̣о.

    Idaṃ panettha opammasaṃsandanaṃ – rājā pasenadi kosalo viya hi jarāmaraṇabhīruko yogāvacaro daṭṭhabbo. Sāvatthinagaraṃ viya sakkāyanagaraṃ, sāketanagaraṃ viya nibbānanagaraṃ, rañño sākete vaḍḍhiāvahassa sīghaṃ gantvā pāpuṇitabbassa accāyikassa kiccassa uppādakālo viya yogino anabhisametānaṃ catunnaṃ ariyasaccānaṃ abhisamayakiccassa uppādakālo. Satta rathavinītāni viya satta visuddhiyo, paṭhamaṃ rathavinītaṃ āruḷhakālo viya sīlavisuddhiyaṃ ṭhitakālo, paṭhamarathavinītādīhi dutiyādīni āruḷhakālo viya sīlavisuddhiādīhi cittavisuddhiādīsu ṭhitakālo. Sattamena rathavinītena sākete antepuradvāre oruyha uparipāsāde ñātimittagaṇaparivutassa surasabhojanaparibhogakālo viya yogino ñāṇadassanavisuddhiyā sabbakilese khepetvā dhammavarapāsādaṃ āruyha paropaṇṇāsakusaladhammaparivārassa nibbānārammaṇaṃ phalasamāpattiṃ appetvā nirodhasayane nisinnassa lokuttarasukhānubhavanakālo daṭṭhabbo.

    ид̇и ааяасманд̇ам̣ бун̣н̣ам̣ д̣̇асагат̇аавад̇т̇улаабхим̣ д̇хаммасзнаабад̇исаарибуд̇д̇ад̇т̇зро сад̇д̇а висуд̣̇д̇хияо бужчи. ааяасмаа бун̣н̣о д̣̇аса гат̇аавад̇т̇ууни виссаж̇ж̇зси. звам̣ бужчанд̇о бана д̇хаммасзнаабад̇и гим̣ ж̇аанид̇ваа бужчи, уд̣̇ааху аж̇аанид̇ваа? д̇ид̇т̇агусало ваа бана худ̇ваа висаяасмим̣ бужчи, уд̣̇ааху ад̇ид̇т̇агусало худ̇ваа ависаяасмим̣? бун̣н̣ад̇т̇зроби жа гим̣ ж̇аанид̇ваа виссаж̇ж̇зси, уд̣̇ааху аж̇аанид̇ваа? д̇ид̇т̇агусало ваа бана худ̇ваа висаяасмим̣ виссаж̇ж̇зси, уд̣̇ааху ад̇ид̇т̇агусало худ̇ваа ависаязд̇и? ж̇аанид̇ваа д̇ид̇т̇агусало худ̇ваа висаяз бужчийд̇и хи вад̣̇амаано д̇хаммасзнаабад̇им̣язва вад̣̇зяяа. ж̇аанид̇ваа д̇ид̇т̇агусало худ̇ваа висаяз виссаж̇ж̇зсийд̇и вад̣̇амаано бун̣н̣ад̇т̇зрам̣язва вад̣̇зяяа. яан̃хи висуд̣̇д̇хийсу сам̣кид̇д̇ам̣, д̇ам̣ гат̇аавад̇т̇уусу вид̇т̇ин̣н̣ам̣. яам̣ гат̇аавад̇т̇уусу сам̣кид̇д̇ам̣, д̇ам̣ висуд̣̇д̇хийсу вид̇т̇ин̣н̣ам̣. д̇ад̣̇аминаа наязна взд̣̇ид̇аб̣б̣ам̣.

    Iti āyasmantaṃ puṇṇaṃ dasakathāvatthulābhiṃ dhammasenāpatisāriputtatthero satta visuddhiyo pucchi. Āyasmā puṇṇo dasa kathāvatthūni vissajjesi. Evaṃ pucchanto pana dhammasenāpati kiṃ jānitvā pucchi, udāhu ajānitvā? Titthakusalo vā pana hutvā visayasmiṃ pucchi, udāhu atitthakusalo hutvā avisayasmiṃ? Puṇṇattheropi ca kiṃ jānitvā vissajjesi, udāhu ajānitvā? Titthakusalo vā pana hutvā visayasmiṃ vissajjesi, udāhu atitthakusalo hutvā avisayeti? Jānitvā titthakusalo hutvā visaye pucchīti hi vadamāno dhammasenāpatiṃyeva vadeyya. Jānitvā titthakusalo hutvā visaye vissajjesīti vadamāno puṇṇattheraṃyeva vadeyya. Yañhi visuddhīsu saṃkhittaṃ, taṃ kathāvatthūsu vitthiṇṇaṃ. Yaṃ kathāvatthūsu saṃkhittaṃ, taṃ visuddhīsu vitthiṇṇaṃ. Tadaminā nayena veditabbaṃ.

    висуд̣̇д̇хийсу хи згаа сийлависуд̣̇д̇хи жад̇д̇аари гат̇аавад̇т̇ууни худ̇ваа ааг̇ад̇аа аббижчагат̇аа санд̇удтигат̇аа асам̣саг̇г̇агат̇аа, сийлагат̇аад̇и. згаа жид̇д̇ависуд̣̇д̇хи д̇ийн̣и гат̇аавад̇т̇ууни худ̇ваа ааг̇ад̇аа – бавивзгагат̇аа, вийрияаарамбхагат̇аа, самаад̇хигат̇аад̇и, звам̣ д̇аава яам̣ висуд̣̇д̇хийсу сам̣кид̇д̇ам̣, д̇ам̣ гат̇аавад̇т̇уусу вид̇т̇ин̣н̣ам̣. гат̇аавад̇т̇уусу бана згаа бан̃н̃аагат̇аа бан̃жа висуд̣̇д̇хияо худ̇ваа ааг̇ад̇аа – д̣̇идтивисуд̣̇д̇хи, ган̇каавид̇аран̣ависуд̣̇д̇хи, маг̇г̇аамаг̇г̇ан̃аан̣ад̣̇ассанависуд̣̇д̇хи, бадибад̣̇аан̃аан̣ад̣̇ассанависуд̣̇д̇хи, н̃аан̣ад̣̇ассанависуд̣̇д̇хийд̇и, звам̣ яам̣ гат̇аавад̇т̇уусу сам̣кид̇д̇ам̣, д̇ам̣ висуд̣̇д̇хийсу вид̇т̇ин̣н̣ам̣. д̇асмаа саарибуд̇д̇ад̇т̇зро сад̇д̇а висуд̣̇д̇хияо бужчанд̇о на ан̃н̃ам̣ бужчи, д̣̇аса гат̇аавад̇т̇ууниязва бужчи. бун̣н̣ад̇т̇зроби сад̇д̇а висуд̣̇д̇хияо виссаж̇ж̇знд̇о на ан̃н̃ам̣ виссаж̇ж̇зси, д̣̇аса гат̇аавад̇т̇ууниязва виссаж̇ж̇зсийд̇и. ид̇и убхобзд̇з ж̇аанид̇ваа д̇ид̇т̇агусалаа худ̇ваа висаязва бан̃хам̣ бужчим̣су жзва виссаж̇ж̇зсум̣ жаад̇и взд̣̇ид̇аб̣б̣о.

    Visuddhīsu hi ekā sīlavisuddhi cattāri kathāvatthūni hutvā āgatā appicchakathā santuṭṭhikathā asaṃsaggakathā, sīlakathāti. Ekā cittavisuddhi tīṇi kathāvatthūni hutvā āgatā – pavivekakathā, vīriyārambhakathā, samādhikathāti, evaṃ tāva yaṃ visuddhīsu saṃkhittaṃ, taṃ kathāvatthūsu vitthiṇṇaṃ. Kathāvatthūsu pana ekā paññākathā pañca visuddhiyo hutvā āgatā – diṭṭhivisuddhi, kaṅkhāvitaraṇavisuddhi, maggāmaggañāṇadassanavisuddhi, paṭipadāñāṇadassanavisuddhi, ñāṇadassanavisuddhīti, evaṃ yaṃ kathāvatthūsu saṃkhittaṃ, taṃ visuddhīsu vitthiṇṇaṃ. Tasmā sāriputtatthero satta visuddhiyo pucchanto na aññaṃ pucchi, dasa kathāvatthūniyeva pucchi. Puṇṇattheropi satta visuddhiyo vissajjento na aññaṃ vissajjesi, dasa kathāvatthūniyeva vissajjesīti. Iti ubhopete jānitvā titthakusalā hutvā visayeva pañhaṃ pucchiṃsu ceva vissajjesuṃ cāti veditabbo.

    260. го наамо ааяасмаад̇и на т̇зро д̇асса наамам̣ на ж̇аанаад̇и. ж̇аананд̇оязва бана саммод̣̇ид̇ум̣ лабхиссаамийд̇и бужчи. гат̇ан̃жа банааяасманд̇анд̇и ид̣̇ам̣ бана т̇зро саммод̣̇амаано ааха. манд̇аан̣ибуд̇д̇од̇и манд̇аан̣ияаа б̣раахман̣ияаа буд̇д̇о. яат̇аа д̇анд̇и зд̇т̇а д̇анд̇и нибаад̇амад̇д̇ам̣, яат̇аа суд̇авад̇аа саавагзна б̣яаагаад̇аб̣б̣аа, звамзва б̣яаагад̇аад̇и аяамзд̇т̇а сан̇кзбад̇т̇о. анумасса анумассаад̇и д̣̇аса гат̇аавад̇т̇ууни ог̇аахзд̇ваа анубависид̇ваа. жзлан̣д̣убагзнаад̇и зд̇т̇а жзлам̣ вужжад̇и вад̇т̇ам̣, ан̣д̣убагам̣ жумб̣адагам̣. вад̇т̇ажумб̣адагам̣ сийсз гад̇ваа ааяасманд̇ам̣ д̇ад̇т̇а нисийд̣̇аабзд̇ваа барихаранд̇ааби саб̣рахмажаарий д̣̇ассанааяа лабхзяяум̣, звам̣ лад̣̇д̇хад̣̇ассанамби д̇зсам̣ лаабхааязваад̇и адтаанабаригаббзна абхин̣хад̣̇ассанасса убааяам̣ д̣̇ассзси. звам̣ абарихаранд̇зна хи бан̃хам̣ ваа бужчид̇угаамзна д̇хаммам̣ ваа сод̇угаамзна ‘‘т̇зро гад̇т̇а тид̇о гад̇т̇а нисинно’’д̇и бариязсанд̇зна жарид̇аб̣б̣ам̣ ход̇и. звам̣ барихаранд̇аа бана ижчид̇ижчид̇агкан̣зязва сийсад̇о оробзд̇ваа махаарахз аасанз нисийд̣̇аабзд̇ваа саггаа хонд̇и бан̃хам̣ ваа бужчид̇ум̣ д̇хаммам̣ ваа сод̇ум̣. ид̇и адтаанабаригаббзна абхин̣хад̣̇ассанасса убааяам̣ д̣̇ассзси.

    260.Ko nāmo āyasmāti na thero tassa nāmaṃ na jānāti. Jānantoyeva pana sammodituṃ labhissāmīti pucchi. Kathañca panāyasmantanti idaṃ pana thero sammodamāno āha. Mantāṇiputtoti mantāṇiyā brāhmaṇiyā putto. Yathā tanti ettha tanti nipātamattaṃ, yathā sutavatā sāvakena byākātabbā, evameva byākatāti ayamettha saṅkhepattho. Anumassa anumassāti dasa kathāvatthūni ogāhetvā anupavisitvā. Celaṇḍupakenāti ettha celaṃ vuccati vatthaṃ, aṇḍupakaṃ cumbaṭakaṃ. Vatthacumbaṭakaṃ sīse katvā āyasmantaṃ tattha nisīdāpetvā pariharantāpi sabrahmacārī dassanāya labheyyuṃ, evaṃ laddhadassanampi tesaṃ lābhāyevāti aṭṭhānaparikappena abhiṇhadassanassa upāyaṃ dassesi. Evaṃ apariharantena hi pañhaṃ vā pucchitukāmena dhammaṃ vā sotukāmena ‘‘thero kattha ṭhito kattha nisinno’’ti pariyesantena caritabbaṃ hoti. Evaṃ pariharantā pana icchiticchitakkhaṇeyeva sīsato oropetvā mahārahe āsane nisīdāpetvā sakkā honti pañhaṃ vā pucchituṃ dhammaṃ vā sotuṃ. Iti aṭṭhānaparikappena abhiṇhadassanassa upāyaṃ dassesi.

    саарибуд̇д̇од̇и жа бана манд̇и саарияаа б̣раахман̣ияаа буд̇д̇од̇и жа бана звам̣ мам̣ саб̣рахмажаарий ж̇аананд̇и. сад̇т̇угаббзнаад̇и сад̇т̇усад̣̇исзна. ид̇и згабад̣̇знзва ааяасмаа бун̣н̣о саарибуд̇д̇ад̇т̇зрам̣ жанд̣̇аман̣д̣алам̣ аахажжа табзнд̇о вияа угкиби. т̇зрасса хи имасмим̣ таанз зганд̇ад̇хаммагат̇игабхааво баагадо ахоси. амажжан̃хи бурохид̇ам̣ маханд̇од̇и вад̣̇амаано рааж̇асад̣̇исод̇и вад̣̇зяяа, г̇он̣ам̣ хад̇т̇иббамаан̣од̇и, ваабим̣ самуд̣̇д̣̇аббамаан̣од̇и, аалогам̣ жанд̣̇имасуурияаалогаббамаан̣од̇и, ид̇о барам̣ зд̇зсам̣ маханд̇абхаавагат̇аа наама над̇т̇и. саавагамби махаад̇и вад̣̇анд̇о сад̇т̇убадибхааг̇од̇и вад̣̇зяяа, ид̇о барам̣ д̇асса маханд̇абхаавагат̇аа наама над̇т̇и. ижжааяасмаа бун̣н̣о згабад̣̇знзва т̇зрам̣ жанд̣̇аман̣д̣алам̣ аахажжа табзнд̇о вияа угкиби.

    Sāriputtoti ca pana manti sāriyā brāhmaṇiyā puttoti ca pana evaṃ maṃ sabrahmacārī jānanti. Satthukappenāti satthusadisena. Iti ekapadeneva āyasmā puṇṇo sāriputtattheraṃ candamaṇḍalaṃ āhacca ṭhapento viya ukkhipi. Therassa hi imasmiṃ ṭhāne ekantadhammakathikabhāvo pākaṭo ahosi. Amaccañhi purohitaṃ mahantoti vadamāno rājasadisoti vadeyya, goṇaṃ hatthippamāṇoti, vāpiṃ samuddappamāṇoti, ālokaṃ candimasūriyālokappamāṇoti, ito paraṃ etesaṃ mahantabhāvakathā nāma natthi. Sāvakampi mahāti vadanto satthupaṭibhāgoti vadeyya, ito paraṃ tassa mahantabhāvakathā nāma natthi. Iccāyasmā puṇṇo ekapadeneva theraṃ candamaṇḍalaṃ āhacca ṭhapento viya ukkhipi.

    зд̇д̇агамби но наббадибхаасзяяаад̇и бадисамбхид̣̇аабад̇д̇асса аббадибхаанам̣ наама над̇т̇и. яаа банааяам̣ убамаа аахадаа, д̇ам̣ на аахарзяяаама, ад̇т̇амзва гат̇зяяаама. убамаа хи аж̇аананд̇аанам̣ аахарийяад̇ийд̇и аяамзд̇т̇а ад̇хиббааяо. адтагат̇ааяам̣ бана ид̣̇амби бадигкибид̇ваа убамаа наама б̣уд̣̇д̇хаанамби санд̇игз аахарийяад̇и, т̇зрам̣ банзса абажааяамаано звамаахаад̇и.

    Ettakampi no nappaṭibhāseyyāti paṭisambhidāpattassa appaṭibhānaṃ nāma natthi. Yā panāyaṃ upamā āhaṭā, taṃ na āhareyyāma, atthameva katheyyāma. Upamā hi ajānantānaṃ āharīyatīti ayamettha adhippāyo. Aṭṭhakathāyaṃ pana idampi paṭikkhipitvā upamā nāma buddhānampi santike āharīyati, theraṃ panesa apacāyamāno evamāhāti.

    анумасса анумасса бужчид̇аад̇и д̣̇аса гат̇аавад̇т̇ууни ог̇аахзд̇ваа ог̇аахзд̇ваа бужчид̇аа. гим̣ бана бан̃хасса бужчанам̣ бхаарияам̣, уд̣̇ааху виссаж̇ж̇ананд̇и? уг̇г̇ахзд̇ваа бужчанам̣ но бхаарияам̣, виссаж̇ж̇анам̣ бана бхаарияам̣. сахзд̇угам̣ ваа сагааран̣ам̣ гад̇ваа бужчанамби виссаж̇ж̇анамби бхаарияамзва. саманумод̣̇им̣сууд̇и самажид̇д̇аа худ̇ваа анумод̣̇им̣су. ид̇и яат̇аанусанд̇хинаава д̣̇зсанаа нидтид̇аад̇и.

    Anumassa anumassa pucchitāti dasa kathāvatthūni ogāhetvā ogāhetvā pucchitā. Kiṃ pana pañhassa pucchanaṃ bhāriyaṃ, udāhu vissajjananti? Uggahetvā pucchanaṃ no bhāriyaṃ, vissajjanaṃ pana bhāriyaṃ. Sahetukaṃ vā sakāraṇaṃ katvā pucchanampi vissajjanampi bhāriyameva. Samanumodiṃsūti samacittā hutvā anumodiṃsu. Iti yathānusandhināva desanā niṭṭhitāti.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    рат̇авинийд̇асуд̇д̇аван̣н̣анаа нидтид̇аа.

    Rathavinītasuttavaṇṇanā niṭṭhitā.




    Next: 5. ниваабасуд̇д̇аван̣н̣анаа • 5. Nivāpasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. рат̇авинийд̇асуд̇д̇ам̣ • 4. Rathavinītasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. рат̇авинийд̇асуд̇д̇аван̣н̣анаа • 4. Rathavinītasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact