| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. рат̇обамасуд̇д̇аван̣н̣анаа
2. Rathopamasuttavaṇṇanā
239. д̣̇уд̇ияз сукасоманассаб̣ахулод̇и гааяигасукан̃жзва жзд̇асигасоманассан̃жа б̣ахулам̣ ассаад̇и сукасоманассаб̣ахуло. яони жасса аарад̣̇д̇хаа ход̇ийд̇и гааран̣ан̃жасса барибун̣н̣ам̣ ход̇и. аасаваанам̣ каяааяаад̇и ид̇ха аасавагкаяод̇и арахад̇д̇амаг̇г̇о ад̇хиббзд̇о, д̇ад̣̇ад̇т̇ааяаад̇и ад̇т̇о. од̇хасд̇абад̇од̣̇од̇и рат̇амаж̇жхз д̇ирияам̣ табид̇абад̇од̣̇о. язнижчаганд̇и язна д̣̇исаабхааг̇зна ижчад̇и. яад̣̇ижчаганд̇и яам̣ яам̣ г̇аманам̣ ижчад̇и. саарзяяаад̇и бзсзяяа. бажжаасаарзяяаад̇и бадивинивад̇д̇зяяа. аарагкааяаад̇и рагкан̣ад̇т̇ааяа. сам̣яамааяаад̇и взг̇аниг̇г̇ахан̣ад̇т̇ааяа. д̣̇амааяаад̇и ниб̣б̣исзванад̇т̇ааяа. убасамааяаад̇и гилзсуубасамад̇т̇ааяа.
239. Dutiye sukhasomanassabahuloti kāyikasukhañceva cetasikasomanassañca bahulaṃ assāti sukhasomanassabahulo. Yoni cassa āraddhā hotīti kāraṇañcassa paripuṇṇaṃ hoti. Āsavānaṃ khayāyāti idha āsavakkhayoti arahattamaggo adhippeto, tadatthāyāti attho. Odhastapatodoti rathamajjhe tiriyaṃ ṭhapitapatodo. Yenicchakanti yena disābhāgena icchati. Yadicchakanti yaṃ yaṃ gamanaṃ icchati. Sāreyyāti peseyya. Paccāsāreyyāti paṭivinivatteyya. Ārakkhāyāti rakkhaṇatthāya. Saṃyamāyāti veganiggahaṇatthāya. Damāyāti nibbisevanatthāya. Upasamāyāti kilesūpasamatthāya.
звамзва код̇и зд̇т̇а яат̇аа агусаласса саарат̇ино ад̣̇анд̇з синд̇хавз яож̇зд̇ваа висамамаг̇г̇зна рат̇ам̣ бзсзнд̇асса жаггааниби бхиж̇ж̇анд̇и, агкоби синд̇хаваанан̃жа кураа, ад̇д̇анааби анаяаб̣яасанам̣ баабун̣аад̇и, на жа ижчид̇ижчид̇зна г̇аманзна саарзд̇ум̣ саггод̇и ; звам̣ часу инд̣̇риязсу аг̇уд̇д̇ад̣̇вааро бхигку на ижчид̇ижчид̇ам̣ саман̣арад̇им̣ анубхавид̇ум̣ саггод̇и. яат̇аа бана чзго саарат̇и д̣̇анд̇з синд̇хавз яож̇зд̇ваа, самз бхуумибхааг̇з рат̇ам̣ од̇аарзд̇ваа расмияо г̇ахзд̇ваа, синд̇хаваанам̣ курзсу сад̇им̣ табзд̇ваа, бад̇од̣̇ам̣ аад̣̇ааяа ниб̣б̣исзванз гад̇ваа, бзсзнд̇о ижчид̇ижчид̇зна г̇аманзна саарзд̇и. звамзва часу инд̣̇риязсу г̇уд̇д̇ад̣̇вааро бхигку имасмим̣ саасанз ижчид̇ижчид̇ам̣ саман̣арад̇им̣ анубход̇и, сажз анижжаанубассанаабхимукам̣ н̃аан̣ам̣ бзсзд̇угаамо ход̇и, д̇ад̣̇абхимукам̣ н̃аан̣ам̣ г̇ажчад̇и. д̣̇угкаанубассанаад̣̇ийсуби зсзва наяо.
Evameva khoti ettha yathā akusalassa sārathino adante sindhave yojetvā visamamaggena rathaṃ pesentassa cakkānipi bhijjanti, akkhopi sindhavānañca khurā, attanāpi anayabyasanaṃ pāpuṇāti, na ca icchiticchitena gamanena sāretuṃ sakkoti ; evaṃ chasu indriyesu aguttadvāro bhikkhu na icchiticchitaṃ samaṇaratiṃ anubhavituṃ sakkoti. Yathā pana cheko sārathi dante sindhave yojetvā, same bhūmibhāge rathaṃ otāretvā rasmiyo gahetvā, sindhavānaṃ khuresu satiṃ ṭhapetvā, patodaṃ ādāya nibbisevane katvā, pesento icchiticchitena gamanena sāreti. Evameva chasu indriyesu guttadvāro bhikkhu imasmiṃ sāsane icchiticchitaṃ samaṇaratiṃ anubhoti, sace aniccānupassanābhimukhaṃ ñāṇaṃ pesetukāmo hoti, tadabhimukhaṃ ñāṇaṃ gacchati. Dukkhānupassanādīsupi eseva nayo.
бхож̇анз мад̇д̇ан̃н̃ууд̇и бхож̇анамхи бамаан̣ан̃н̃уу. д̇ад̇т̇а д̣̇вз бамаан̣аани – бадиг̇г̇ахан̣абамаан̣ан̃жа барибхог̇абамаан̣ан̃жа. д̇ад̇т̇а бадиг̇г̇ахан̣абамаан̣з д̣̇ааяагасса васо взд̣̇ид̇аб̣б̣о, д̣̇зяяад̇хаммасса васо взд̣̇ид̇аб̣б̣о, ад̇д̇ано т̇аамо ж̇аанид̇аб̣б̣о. зваруубо хи бхигку сажз д̣̇зяяад̇хаммо б̣ахуго ход̇и, д̣̇ааяаго аббам̣ д̣̇аад̇угаамо, д̣̇ааяагасса васзна аббам̣ г̇ан̣хаад̇и. д̣̇зяяад̇хаммо аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббам̣ г̇ан̣хаад̇и. д̣̇зяяад̇хаммоби б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣зна г̇ан̣хаад̇и. со д̇ааяа бадиг̇г̇ахан̣з мад̇д̇ан̃н̃уд̇ааяа ануббаннан̃жа лаабхам̣ уббаад̣̇зд̇и, уббаннан̃жа т̇ааварам̣ гарод̇и д̇хаммигад̇иссамахаарааж̇агаалз сад̇д̇авассиго сааман̣зро вияа.
Bhojane mattaññūti bhojanamhi pamāṇaññū. Tattha dve pamāṇāni – paṭiggahaṇapamāṇañca paribhogapamāṇañca. Tattha paṭiggahaṇapamāṇe dāyakassa vaso veditabbo, deyyadhammassa vaso veditabbo, attano thāmo jānitabbo. Evarūpo hi bhikkhu sace deyyadhammo bahuko hoti, dāyako appaṃ dātukāmo, dāyakassa vasena appaṃ gaṇhāti. Deyyadhammo appo, dāyako bahuṃ dātukāmo, deyyadhammassa vasena appaṃ gaṇhāti. Deyyadhammopi bahu, dāyakopi bahuṃ dātukāmo, attano thāmaṃ ñatvā pamāṇena gaṇhāti. So tāya paṭiggahaṇe mattaññutāya anuppannañca lābhaṃ uppādeti, uppannañca thāvaraṃ karoti dhammikatissamahārājakāle sattavassiko sāmaṇero viya.
ран̃н̃о гира бан̃жахи сагадасад̇зхи г̇ул̣ам̣ аахарим̣су. рааж̇аа ‘‘манаабо бан̣н̣аагааро, аяязхи винаа на каад̣̇иссаамаа’’д̇и ад̣дхад̇зяяаани сагадасад̇аани махаавихаарам̣ бзсзд̇ваа саяамби бхуд̇д̇абаад̇араасо аг̇амааси. бхзрияаа бахадааяа д̣̇ваад̣̇аса бхигкусахассаани саннибад̇им̣су. рааж̇аа згаманд̇з тид̇о аараамигам̣ баггосаабзд̇ваа ааха – ‘‘ран̃н̃о наама д̣̇аанз бад̇д̇абуурова бамаан̣ам̣, г̇ахид̇абхааж̇анам̣ буурзд̇ваава д̣̇зхи, сажз гожи мад̇д̇абадиг̇г̇ахан̣з тид̇о на г̇ан̣хаад̇и, маяхам̣ аарожзяяаасий’’д̇и.
Rañño kira pañcahi sakaṭasatehi guḷaṃ āhariṃsu. Rājā ‘‘manāpo paṇṇākāro, ayyehi vinā na khādissāmā’’ti aḍḍhateyyāni sakaṭasatāni mahāvihāraṃ pesetvā sayampi bhuttapātarāso agamāsi. Bheriyā pahaṭāya dvādasa bhikkhusahassāni sannipatiṃsu. Rājā ekamante ṭhito ārāmikaṃ pakkosāpetvā āha – ‘‘rañño nāma dāne pattapūrova pamāṇaṃ, gahitabhājanaṃ pūretvāva dehi, sace koci mattapaṭiggahaṇe ṭhito na gaṇhāti, mayhaṃ āroceyyāsī’’ti.
ат̇зго махаат̇зро ‘‘махааб̣од̇химахаажзд̇ияаани ванд̣̇иссаамий’’д̇и жзд̇ияабаб̣б̣ад̇аа ааг̇анд̇ваа, вихаарам̣ бависанд̇о махааман̣д̣абадтаанз бхигкуу г̇ул̣ам̣ г̇ан̣ханд̇з д̣̇исваа бажчад̇о ааг̇ажчанд̇ам̣ сааман̣зрам̣ ааха, ‘‘над̇т̇и д̇з г̇ул̣зна ад̇т̇о’’д̇и. ‘‘аама, бханд̇з, над̇т̇ий’’д̇и. сааман̣зра маяам̣ маг̇г̇агиланд̇аа, згзна габидтапаламад̇д̇зна бин̣д̣агзна амхаагам̣ ад̇т̇од̇и. сааман̣зро т̇аалагам̣ нийхарид̇ваа т̇зрасса вассаг̇г̇абадибаадияам̣ адтааси. аараамиго г̇ахан̣амаанам̣ буурзд̇ваа угкиби, сааман̣зро ан̇г̇улим̣ жаалзси. д̇аад̇а сааман̣зра, рааж̇агулаанам̣ д̣̇аанз бхааж̇анабуурамзва бамаан̣ам̣, т̇аалагабуурам̣ г̇ан̣хаахийд̇и. аама, убаасага, рааж̇аано наама махаж̇жхаасаяаа хонд̇и, амхаагам̣ бана убаж̇жхааяасса зд̇д̇агзнзва ад̇т̇од̇и.
Atheko mahāthero ‘‘mahābodhimahācetiyāni vandissāmī’’ti cetiyapabbatā āgantvā, vihāraṃ pavisanto mahāmaṇḍapaṭṭhāne bhikkhū guḷaṃ gaṇhante disvā pacchato āgacchantaṃ sāmaṇeraṃ āha, ‘‘natthi te guḷena attho’’ti. ‘‘Āma, bhante, natthī’’ti. Sāmaṇera mayaṃ maggakilantā, ekena kapiṭṭhaphalamattena piṇḍakena amhākaṃ atthoti. Sāmaṇero thālakaṃ nīharitvā therassa vassaggapaṭipāṭiyaṃ aṭṭhāsi. Ārāmiko gahaṇamānaṃ pūretvā ukkhipi, sāmaṇero aṅguliṃ cālesi. Tāta sāmaṇera, rājakulānaṃ dāne bhājanapūrameva pamāṇaṃ, thālakapūraṃ gaṇhāhīti. Āma, upāsaka, rājāno nāma mahajjhāsayā honti, amhākaṃ pana upajjhāyassa ettakeneva atthoti.
рааж̇аа д̇асса гат̇ам̣ суд̇ваа, ‘‘гим̣ бхо сааман̣зро бхан̣ад̇ий’’д̇и? д̇асса санд̇игам̣ г̇ад̇о. аараамиго ааха – ‘‘саами, сааман̣зрасса бхааж̇анам̣ куд̣̇д̣̇агам̣, б̣ахум̣ на г̇ан̣хаад̇ий’’д̇и. рааж̇аа ааха, ‘‘аанийд̇абхааж̇анам̣ буурзд̇ваа г̇ан̣хат̇а, бханд̇з’’д̇и. махаарааж̇а, рааж̇аано наама махаж̇жхаасаяаа хонд̇и , угкид̇д̇абхааж̇анам̣ буурзд̇ваава д̣̇аад̇угаамаа, амхаагам̣ бана убаж̇жхааяасса зд̇д̇агзнзва ад̇т̇од̇и. рааж̇аа жинд̇зси – ‘‘аяам̣ сад̇д̇авассигад̣̇аараго, аж̇ж̇аабисса мукад̇о кийраг̇анд̇хо на мужжад̇и, г̇ахзд̇ваа гудз ваа гудумб̣з ваа буурзд̇ваа свзби бунад̣̇ивасзби каад̣̇иссаамаад̇и на вад̣̇ад̇и, саггаа б̣уд̣̇д̇хасаасанам̣ бариг̇г̇ахзд̇у’’нд̇и бурисз аан̣аабзси, ‘‘бхо, басанномхи сааман̣зрасса, ид̇арааниби ад̣дхад̇зяяаани сагадасад̇аани аанзд̇ваа сагхам̣сса д̣̇зт̇аа’’д̇и.
Rājā tassa kathaṃ sutvā, ‘‘kiṃ bho sāmaṇero bhaṇatī’’ti? Tassa santikaṃ gato. Ārāmiko āha – ‘‘sāmi, sāmaṇerassa bhājanaṃ khuddakaṃ, bahuṃ na gaṇhātī’’ti. Rājā āha, ‘‘ānītabhājanaṃ pūretvā gaṇhatha, bhante’’ti. Mahārāja, rājāno nāma mahajjhāsayā honti , ukkhittabhājanaṃ pūretvāva dātukāmā, amhākaṃ pana upajjhāyassa ettakeneva atthoti. Rājā cintesi – ‘‘ayaṃ sattavassikadārako, ajjāpissa mukhato khīragandho na muccati, gahetvā kuṭe vā kuṭumbe vā pūretvā svepi punadivasepi khādissāmāti na vadati, sakkā buddhasāsanaṃ pariggahetu’’nti purise āṇāpesi, ‘‘bho, pasannomhi sāmaṇerassa, itarānipi aḍḍhateyyāni sakaṭasatāni ānetvā saghaṃssa dethā’’ti.
соязва бана рааж̇аа згад̣̇ивасам̣ д̇ид̇д̇ирамам̣сам̣ каад̣̇ид̇угаамо жинд̇зси – ‘‘сажз ахам̣ ан̇г̇аарабаггам̣ д̇ид̇д̇ирамам̣сам̣ каад̣̇ид̇угаамосмийд̇и ан̃н̃асса гат̇зссаами, саманд̇аа яож̇анадтаанз д̇ид̇д̇ирасамуг̇гхаад̇ам̣ гариссанд̇ий’’д̇и уббаннам̣ бибаасам̣ ад̇хиваасзнд̇о д̇ийн̣и сам̣важчараани вийд̇инаамзси. ат̇асса ган̣н̣зсу буб̣б̣о сан̣тааси, со ад̇хиваасзд̇ум̣ асаггонд̇о ‘‘ад̇т̇и ну ко, бхо, амхаагам̣ гожи убадтаагубаасаго сийларагкаго’’д̇и бужчи . аама, д̣̇зва, ад̇т̇и, д̇иссо наама со акан̣д̣асийлам̣ рагкад̇ийд̇и. ат̇а нам̣ виймам̣сид̇угаамо баггосаабзси. со ааг̇анд̇ваа рааж̇аанам̣ ванд̣̇ид̇ваа адтааси. д̇ад̇о нам̣ ааха – ‘‘д̇вам̣, д̇аад̇а, д̇иссо наамаа’’д̇и? ‘‘аама д̣̇зваа’’д̇и. д̇зна хи г̇ажчаад̇и. д̇асмим̣ г̇ад̇з згам̣ гуггудам̣ аахараабзд̇ваа згам̣ бурисам̣ аан̣аабзси, ‘‘г̇ажча д̇иссам̣ вад̣̇аахи, имам̣ д̇ийхи баагзхи бажид̇ваа амхаагам̣ убадтаабзхий’’д̇и. со г̇анд̇ваа д̇ат̇аа авожа. со ааха – ‘‘сажз, бхо, аяам̣ мад̇аго асса, яат̇аа ж̇аанаами, д̇ат̇аа бажид̇ваа убадтахзяяам̣. баан̣аад̇ибаад̇ам̣ банаахам̣ на гаромий’’д̇и. со ааг̇анд̇ваа ран̃н̃о аарожзси.
Soyeva pana rājā ekadivasaṃ tittiramaṃsaṃ khāditukāmo cintesi – ‘‘sace ahaṃ aṅgārapakkaṃ tittiramaṃsaṃ khāditukāmosmīti aññassa kathessāmi, samantā yojanaṭṭhāne tittirasamugghātaṃ karissantī’’ti uppannaṃ pipāsaṃ adhivāsento tīṇi saṃvaccharāni vītināmesi. Athassa kaṇṇesu pubbo saṇṭhāsi, so adhivāsetuṃ asakkonto ‘‘atthi nu kho, bho, amhākaṃ koci upaṭṭhākupāsako sīlarakkhako’’ti pucchi . Āma, deva, atthi, tisso nāma so akhaṇḍasīlaṃ rakkhatīti. Atha naṃ vīmaṃsitukāmo pakkosāpesi. So āgantvā rājānaṃ vanditvā aṭṭhāsi. Tato naṃ āha – ‘‘tvaṃ, tāta, tisso nāmā’’ti? ‘‘Āma devā’’ti. Tena hi gacchāti. Tasmiṃ gate ekaṃ kukkuṭaṃ āharāpetvā ekaṃ purisaṃ āṇāpesi, ‘‘gaccha tissaṃ vadāhi, imaṃ tīhi pākehi pacitvā amhākaṃ upaṭṭhāpehī’’ti. So gantvā tathā avoca. So āha – ‘‘sace, bho, ayaṃ matako assa, yathā jānāmi, tathā pacitvā upaṭṭhaheyyaṃ. Pāṇātipātaṃ panāhaṃ na karomī’’ti. So āgantvā rañño ārocesi.
рааж̇аа буна ‘‘згаваарам̣ г̇ажчаа’’д̇и бзсзси. со г̇анд̇ваа, ‘‘бхо, рааж̇убадтаанам̣ наама бхаарияам̣, маа звам̣ гари, бунаби сийлам̣ саггаа самаад̣̇аад̇ум̣, бажзд̇а’’нд̇и ааха. ат̇а нам̣ д̇иссо авожа, ‘‘бхо, згасмим̣ наама ад̇д̇абхаавз д̇хувам̣ згам̣ маран̣ам̣, наахам̣ баан̣аад̇ибаад̇ам̣ гариссаамий’’д̇и. со бунаби ран̃н̃о аарожзси. рааж̇аа д̇ад̇ияамби бзсзд̇ваа асамбадижчанд̇ам̣ баггосаабзд̇ваа ад̇д̇анаа бужчи. ран̃н̃оби д̇ат̇зва бадиважанам̣ ад̣̇ааси. ат̇а рааж̇аа бурисз аан̣аабзси, ‘‘аяам̣ ран̃н̃о аан̣ам̣ гобзд̇и, г̇ажчат̇зд̇асса аагхаад̇анабхан̣д̣игааяам̣ табзд̇ваа, сийсам̣ чинд̣̇ат̇аа’’д̇и. рахо жа бана нзсам̣ сан̃н̃амад̣̇ааси – ‘‘имам̣ санд̇аж̇ж̇аяамаанаа нзд̇ваа сийсамасса аагхаад̇анабхан̣д̣игааяам̣ табзд̇ваа ааг̇анд̇ваа маяхам̣ аарожзт̇аа’’д̇и.
Rājā puna ‘‘ekavāraṃ gacchā’’ti pesesi. So gantvā, ‘‘bho, rājupaṭṭhānaṃ nāma bhāriyaṃ, mā evaṃ kari, punapi sīlaṃ sakkā samādātuṃ, paceta’’nti āha. Atha naṃ tisso avoca, ‘‘bho, ekasmiṃ nāma attabhāve dhuvaṃ ekaṃ maraṇaṃ, nāhaṃ pāṇātipātaṃ karissāmī’’ti. So punapi rañño ārocesi. Rājā tatiyampi pesetvā asampaṭicchantaṃ pakkosāpetvā attanā pucchi. Raññopi tatheva paṭivacanaṃ adāsi. Atha rājā purise āṇāpesi, ‘‘ayaṃ rañño āṇaṃ kopeti, gacchathetassa āghātanabhaṇḍikāyaṃ ṭhapetvā, sīsaṃ chindathā’’ti. Raho ca pana nesaṃ saññamadāsi – ‘‘imaṃ santajjayamānā netvā sīsamassa āghātanabhaṇḍikāyaṃ ṭhapetvā āgantvā mayhaṃ ārocethā’’ti.
д̇з д̇ам̣ аагхаад̇анабхан̣д̣игааяам̣ нибаж̇ж̇аабзд̇ваа д̇амасса гуггудам̣ хад̇т̇зсу табаяим̣су. со д̇ам̣ хад̣̇аяз табзд̇ваа ‘‘ахам̣, д̇аад̇а, мама ж̇ийвид̇ам̣ д̇уяхам̣ д̣̇зми, д̇ава ж̇ийвид̇ам̣ ахам̣ г̇ан̣хаами, д̇вам̣ ниб̣бхаяо г̇ажчаа’’д̇и виссаж̇ж̇зси. гуггудо багкз бабподзд̇ваа аагаасзна г̇анд̇ваа вадаругкз нилийяи. д̇асса гуггудасса абхаяад̣̇иннадтаанам̣ гуггудаг̇ири наама ж̇аад̇ам̣.
Te taṃ āghātanabhaṇḍikāyaṃ nipajjāpetvā tamassa kukkuṭaṃ hatthesu ṭhapayiṃsu. So taṃ hadaye ṭhapetvā ‘‘ahaṃ, tāta, mama jīvitaṃ tuyhaṃ demi, tava jīvitaṃ ahaṃ gaṇhāmi, tvaṃ nibbhayo gacchā’’ti vissajjesi. Kukkuṭo pakkhe papphoṭetvā ākāsena gantvā vaṭarukkhe nilīyi. Tassa kukkuṭassa abhayadinnaṭṭhānaṃ kukkuṭagiri nāma jātaṃ.
рааж̇аа д̇ам̣ бавад̇д̇им̣ суд̇ваа амажжабуд̇д̇ам̣ баггосаабзд̇ваа саб̣б̣аабхаран̣зхи алан̇гарид̇ваа ааха – ‘‘д̇аад̇а, маяаа д̇вам̣ зд̇ад̣̇ад̇т̇амзва виймам̣сид̇о, маяхам̣ д̇ид̇д̇ирамам̣сам̣ каад̣̇ид̇угаамасса д̇ийн̣и сам̣важчараани ад̇игганд̇аани, сагкиссаси мз д̇игодибарисуд̣̇д̇хам̣ гад̇ваа убадтаабзд̇у’’нд̇и. ‘‘зд̇ам̣ наама, д̣̇зва, маяхам̣ гамма’’нд̇и нигкамид̇ваа д̣̇вааранд̇арз тид̇о згам̣ бурисам̣ баад̇ова д̇аяо д̇ид̇д̇ирз г̇ахзд̇ваа бависанд̇ам̣ д̣̇исваа, д̣̇вз гахаабан̣з д̣̇ад̇ваа д̇ид̇д̇ирз аад̣̇ааяа барисод̇хзд̇ваа, ж̇ийрагаад̣̇ийхи ваасзд̇ваа, ан̇г̇аарзсу субаггз бажид̇ваа ран̃н̃о убадтаабзси. рааж̇аа махаад̇алз сирийбаллан̇гз нисиннова згам̣ г̇ахзд̇ваа т̇огам̣ чинд̣̇ид̇ваа мукз багкиби, д̇аавад̣̇звасса сад̇д̇арасахаран̣ийсахассаани парид̇ваа адтааси.
Rājā taṃ pavattiṃ sutvā amaccaputtaṃ pakkosāpetvā sabbābharaṇehi alaṅkaritvā āha – ‘‘tāta, mayā tvaṃ etadatthameva vīmaṃsito, mayhaṃ tittiramaṃsaṃ khāditukāmassa tīṇi saṃvaccharāni atikkantāni, sakkhissasi me tikoṭiparisuddhaṃ katvā upaṭṭhāpetu’’nti. ‘‘Etaṃ nāma, deva, mayhaṃ kamma’’nti nikkhamitvā dvārantare ṭhito ekaṃ purisaṃ pātova tayo tittire gahetvā pavisantaṃ disvā, dve kahāpaṇe datvā tittire ādāya parisodhetvā, jīrakādīhi vāsetvā, aṅgāresu supakke pacitvā rañño upaṭṭhāpesi. Rājā mahātale sirīpallaṅke nisinnova ekaṃ gahetvā thokaṃ chinditvā mukhe pakkhipi, tāvadevassa sattarasaharaṇīsahassāni pharitvā aṭṭhāsi.
д̇асмим̣ самаяз бхигкусан̇гхам̣ сарид̇ваа, ‘‘маад̣̇исо наама бат̇ависсаро рааж̇аа д̇ид̇д̇ирамам̣сам̣ каад̣̇ид̇угаамо д̇ийн̣и сам̣важчараани на лабхи, абажжамаано бхигкусан̇гхо гуд̇о лабхиссад̇ий’’д̇и? мукз багкид̇д̇агкан̣д̣ам̣ бхуумияам̣ чад̣д̣зси. амажжабуд̇д̇о ж̇ан̣н̣угзхи бад̇ид̇ваа мукзна г̇ан̣хи. рааж̇аа ‘‘абзхи, д̇аад̇а, ж̇аанаамахам̣ д̇ава нид̣̇д̣̇осабхаавам̣, иминаа наама гааран̣зна маяаа зд̇ам̣ чад̣д̣ид̇а’’нд̇и гат̇зд̇ваа, ‘‘сзсагам̣ д̇ат̇зва сан̇г̇обзд̇ваа табзхий’’д̇и ааха.
Tasmiṃ samaye bhikkhusaṅghaṃ saritvā, ‘‘mādiso nāma pathavissaro rājā tittiramaṃsaṃ khāditukāmo tīṇi saṃvaccharāni na labhi, apaccamāno bhikkhusaṅgho kuto labhissatī’’ti? Mukhe pakkhittakkhaṇḍaṃ bhūmiyaṃ chaḍḍesi. Amaccaputto jaṇṇukehi patitvā mukhena gaṇhi. Rājā ‘‘apehi, tāta, jānāmahaṃ tava niddosabhāvaṃ, iminā nāma kāraṇena mayā etaṃ chaḍḍita’’nti kathetvā, ‘‘sesakaṃ tatheva saṅgopetvā ṭhapehī’’ti āha.
бунад̣̇ивасз рааж̇агулуубаго т̇зро бин̣д̣ааяа баависи. амажжабуд̇д̇о д̇ам̣ д̣̇исваа бад̇д̇ам̣ г̇ахзд̇ваа рааж̇аг̇зхам̣ бавзсзси. ан̃н̃ад̇аро вуд̣дхабаб̣б̣аж̇ид̇оби т̇зрасса бажчаасаман̣о вияа худ̇ваа ануб̣анд̇ханд̇о баависи. т̇зро ‘‘ран̃н̃аа баггосаабид̇абхигку бхависсад̇ий’’д̇и бамаж̇ж̇и. амажжабуд̇д̇оби ‘‘т̇зрасса убадтааго бхависсад̇ий’’д̇и бамаад̣̇ам̣ аабаж̇ж̇и. д̇зсам̣ нисийд̣̇аабзд̇ваа яааг̇ум̣ ад̣̇ам̣су. яааг̇уяаа бийд̇ааяа рааж̇аа д̇ид̇д̇ирз убанзси. т̇зро згам̣ г̇ан̣хи, ид̇ароби згам̣ г̇ан̣хи. рааж̇аа ‘‘анубхааг̇о ад̇т̇и, анаабужчид̇ваа каад̣̇ид̇ум̣ на яуд̇д̇а’’нд̇и махаат̇зрам̣ аабужчи. т̇зро хад̇т̇ам̣ бид̣̇ахи, махаллагад̇т̇зро самбадижчи. рааж̇аа анад̇д̇амано худ̇ваа гад̇абхад̇д̇агижжам̣ т̇зрам̣ бад̇д̇ам̣ аад̣̇ааяа ануг̇ажчанд̇о ааха – ‘‘бханд̇з, гулаг̇зхам̣ ааг̇ажчанд̇зхи уг̇г̇ахид̇авад̇д̇ам̣ бхигкум̣ г̇ахзд̇ваа ааг̇анд̇ум̣ ваддад̇ий’’д̇и. т̇зро д̇асмим̣ кан̣з ан̃н̃ааси ‘‘на зса ран̃н̃аа баггосаабид̇о’’д̇и.
Punadivase rājakulūpako thero piṇḍāya pāvisi. Amaccaputto taṃ disvā pattaṃ gahetvā rājagehaṃ pavesesi. Aññataro vuḍḍhapabbajitopi therassa pacchāsamaṇo viya hutvā anubandhanto pāvisi. Thero ‘‘raññā pakkosāpitabhikkhu bhavissatī’’ti pamajji. Amaccaputtopi ‘‘therassa upaṭṭhāko bhavissatī’’ti pamādaṃ āpajji. Tesaṃ nisīdāpetvā yāguṃ adaṃsu. Yāguyā pītāya rājā tittire upanesi. Thero ekaṃ gaṇhi, itaropi ekaṃ gaṇhi. Rājā ‘‘anubhāgo atthi, anāpucchitvā khādituṃ na yutta’’nti mahātheraṃ āpucchi. Thero hatthaṃ pidahi, mahallakatthero sampaṭicchi. Rājā anattamano hutvā katabhattakiccaṃ theraṃ pattaṃ ādāya anugacchanto āha – ‘‘bhante, kulagehaṃ āgacchantehi uggahitavattaṃ bhikkhuṃ gahetvā āgantuṃ vaṭṭatī’’ti. Thero tasmiṃ khaṇe aññāsi ‘‘na esa raññā pakkosāpito’’ti.
бунад̣̇ивасз убадтаагасааман̣зрам̣ г̇ахзд̇ваа баависи. рааж̇аа д̇ад̣̇ааби яааг̇уяаа бийд̇ааяа д̇ид̇д̇ирз убанаамзси. т̇зро згам̣ аг̇г̇ахзси, сааман̣зро ан̇г̇улим̣ жаалзд̇ваа маж̇жхз чинд̣̇аабзд̇ваа згагодтаасамзва аг̇г̇ахзси. рааж̇аа д̇ам̣ годтаасам̣ махаат̇зрасса убанаамзси. махаат̇зро хад̇т̇ам̣ бид̣̇ахи, сааман̣зроби бид̣̇ахи. рааж̇аа авид̣̇уурз нисийд̣̇ид̇ваа кан̣д̣аакан̣д̣ам̣ чинд̣̇ид̇ваа каад̣̇анд̇о ‘‘уг̇г̇ахид̇авад̇д̇з ниссааяа д̣̇ияад̣дхад̇ид̇д̇ирз каад̣̇ид̇ум̣ лабхимхаа’’д̇и ааха. д̇асса мам̣сз каад̣̇ид̇амад̇д̇зва ган̣н̣зхи буб̣б̣о нигками. д̇ад̇о мукам̣ вигкаалзд̇ваа сааман̣зрам̣ убасан̇гамид̇ваа, ‘‘басанносми, д̇аад̇а, адта д̇з д̇хувабхад̇д̇аани д̣̇змий’’д̇и ааха. ахам̣, махаарааж̇а, убаж̇жхааяасса д̣̇аммийд̇и. абараани адта д̣̇змийд̇и. д̇аани амхаагам̣ аажарияасса д̣̇аммийд̇и. абарааниби адта д̣̇змийд̇и. д̇аани самаанубаж̇жхааяаанам̣ д̣̇аммийд̇и. абарааниби адта д̣̇змийд̇и. д̇аани бхигкусан̇гхасса д̣̇аммийд̇и. абарааниби адта д̣̇змийд̇и. сааман̣зро ад̇хиваасзси. звам̣ бадиг̇г̇ахан̣амад̇д̇ам̣ ж̇аананд̇о ануббаннан̃жзва лаабхам̣ уббаад̣̇зд̇и, уббаннан̃жа т̇ааварам̣ гарод̇и. ид̣̇ам̣ бадиг̇г̇ахан̣абамаан̣ам̣ наама. д̇ад̇т̇а барибхог̇абамаан̣ам̣ бажжавзгкан̣абаяож̇анам̣, ‘‘ид̣̇амад̇т̇ияам̣ бхож̇анам̣ бхун̃ж̇аамий’’д̇и бана бажжавзгкид̇абарибхог̇ассзва баяож̇анад̇д̇аа барибхог̇абамаан̣ам̣язва наама, д̇ам̣ ид̇ха ад̇хиббзд̇ам̣. д̇знзва бадисан̇каа яонисод̇иаад̣̇имааха, ид̇арамби бана ваддад̇иязва.
Punadivase upaṭṭhākasāmaṇeraṃ gahetvā pāvisi. Rājā tadāpi yāguyā pītāya tittire upanāmesi. Thero ekaṃ aggahesi, sāmaṇero aṅguliṃ cāletvā majjhe chindāpetvā ekakoṭṭhāsameva aggahesi. Rājā taṃ koṭṭhāsaṃ mahātherassa upanāmesi. Mahāthero hatthaṃ pidahi, sāmaṇeropi pidahi. Rājā avidūre nisīditvā khaṇḍākhaṇḍaṃ chinditvā khādanto ‘‘uggahitavatte nissāya diyaḍḍhatittire khādituṃ labhimhā’’ti āha. Tassa maṃse khāditamatteva kaṇṇehi pubbo nikkhami. Tato mukhaṃ vikkhāletvā sāmaṇeraṃ upasaṅkamitvā, ‘‘pasannosmi, tāta, aṭṭha te dhuvabhattāni demī’’ti āha. Ahaṃ, mahārāja, upajjhāyassa dammīti. Aparāni aṭṭha demīti. Tāni amhākaṃ ācariyassa dammīti. Aparānipi aṭṭha demīti. Tāni samānupajjhāyānaṃ dammīti. Aparānipi aṭṭha demīti. Tāni bhikkhusaṅghassa dammīti. Aparānipi aṭṭha demīti. Sāmaṇero adhivāsesi. Evaṃ paṭiggahaṇamattaṃ jānanto anuppannañceva lābhaṃ uppādeti, uppannañca thāvaraṃ karoti. Idaṃ paṭiggahaṇapamāṇaṃ nāma. Tattha paribhogapamāṇaṃ paccavekkhaṇapayojanaṃ, ‘‘idamatthiyaṃ bhojanaṃ bhuñjāmī’’ti pana paccavekkhitaparibhogasseva payojanattā paribhogapamāṇaṃyeva nāma, taṃ idha adhippetaṃ. Teneva paṭisaṅkhā yonisotiādimāha, itarampi pana vaṭṭatiyeva.
сийхасзяяанд̇и зд̇т̇а гаамабхог̇исзяяаа, бзд̇асзяяаа, сийхасзяяаа, д̇ат̇ааг̇ад̇асзяяаад̇и жад̇ассо сзяяаа. д̇ад̇т̇а ‘‘язбхуяязна, бхигкавз, гаамабхог̇ий ваамзна бассзна сзнд̇ий’’д̇и (а. ни. 4.246) аяам̣ гаамабхог̇исзяяаа. д̇зсан̃хи язбхуяязна д̣̇агкин̣абассзна саяаано наама над̇т̇и.
Sīhaseyyanti ettha kāmabhogiseyyā, petaseyyā, sīhaseyyā, tathāgataseyyāti catasso seyyā. Tattha ‘‘yebhuyyena, bhikkhave, kāmabhogī vāmena passena sentī’’ti (a. ni. 4.246) ayaṃ kāmabhogiseyyā. Tesañhi yebhuyyena dakkhiṇapassena sayāno nāma natthi.
‘‘язбхуяязна , бхигкавз, бзд̇аа уд̇д̇аанаа сзнд̇ий’’д̇и (а. ни. 4.246) аяам̣ бзд̇асзяяаа. бзд̇аа хи аббамам̣салохид̇ад̇д̇аа адтисан̇гхаадаж̇адид̇аа згзна бассзна саяид̇ум̣ на саггонд̇и, уд̇д̇аанаава саяанд̇и.
‘‘Yebhuyyena , bhikkhave, petā uttānā sentī’’ti (a. ni. 4.246) ayaṃ petaseyyā. Petā hi appamaṃsalohitattā aṭṭhisaṅghāṭajaṭitā ekena passena sayituṃ na sakkonti, uttānāva sayanti.
‘‘язбхуяязна, бхигкавз, сийхо миг̇арааж̇аа нан̇г̇удтам̣ анд̇арасад̇т̇имхи анубагкибид̇ваа д̣̇агкин̣зна бассзна саяад̇ий’’д̇и аяам̣ сийхасзяяаа. д̇зж̇уссад̣̇ад̇д̇аа хи сийхо миг̇арааж̇аа д̣̇вз буримабаад̣̇з згасмим̣, бажчимабаад̣̇з згасмим̣ таанз табзд̇ваа нан̇г̇удтам̣ анд̇арасад̇т̇имхи багкибид̇ваа буримабаад̣̇абажчимабаад̣̇анан̇г̇удтаанам̣ тид̇огаасам̣ саллагкзд̇ваа д̣̇виннам̣ буримабаад̣̇аанам̣ мад̇т̇агз сийсам̣ табзд̇ваа саяад̇и , д̣̇ивасамби саяид̇ваа баб̣уж̇жхамаано на уд̇расанд̇о баб̣уж̇жхад̇и, сийсам̣ бана угкибид̇ваа буримабаад̣̇аад̣̇ийнам̣ тид̇огаасам̣ саллагкзд̇и. сажз гин̃жи таанам̣ виж̇ахид̇ваа тид̇ам̣ ход̇и, ‘‘наяид̣̇ам̣ д̇уяхам̣ ж̇аад̇ияаа суурабхаавасса жа анурууба’’нд̇и анад̇д̇амано худ̇ваа д̇ад̇т̇зва саяад̇и, на г̇ожарааяа баггамад̇и. авиж̇ахид̇ваа тид̇з бана ‘‘д̇уяхам̣ ж̇аад̇ияаа жа суурабхаавасса жа ануруубамид̣̇а’’нд̇и хадтад̇удто удтааяа сийхавиж̇амбхид̇ам̣ виж̇амбхид̇ваа гзсарабхаарам̣ вид̇хунид̇ваа д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамад̇и.
‘‘Yebhuyyena, bhikkhave, sīho migarājā naṅguṭṭhaṃ antarasatthimhi anupakkhipitvā dakkhiṇena passena sayatī’’ti ayaṃ sīhaseyyā. Tejussadattā hi sīho migarājā dve purimapāde ekasmiṃ, pacchimapāde ekasmiṃ ṭhāne ṭhapetvā naṅguṭṭhaṃ antarasatthimhi pakkhipitvā purimapādapacchimapādanaṅguṭṭhānaṃ ṭhitokāsaṃ sallakkhetvā dvinnaṃ purimapādānaṃ matthake sīsaṃ ṭhapetvā sayati , divasampi sayitvā pabujjhamāno na utrasanto pabujjhati, sīsaṃ pana ukkhipitvā purimapādādīnaṃ ṭhitokāsaṃ sallakkheti. Sace kiñci ṭhānaṃ vijahitvā ṭhitaṃ hoti, ‘‘nayidaṃ tuyhaṃ jātiyā sūrabhāvassa ca anurūpa’’nti anattamano hutvā tattheva sayati, na gocarāya pakkamati. Avijahitvā ṭhite pana ‘‘tuyhaṃ jātiyā ca sūrabhāvassa ca anurūpamida’’nti haṭṭhatuṭṭho uṭṭhāya sīhavijambhitaṃ vijambhitvā kesarabhāraṃ vidhunitvā tikkhattuṃ sīhanādaṃ naditvā gocarāya pakkamati.
жад̇уд̇т̇аж̇жхаанасзяяаа бана д̇ат̇ааг̇ад̇асзяяаад̇и вужжад̇и. д̇аасу ид̇ха сийхасзяяаа ааг̇ад̇аа. аяан̃хи д̇зж̇уссад̣̇аирияаабат̇ад̇д̇аа уд̇д̇амасзяяаа наама.
Catutthajjhānaseyyā pana tathāgataseyyāti vuccati. Tāsu idha sīhaseyyā āgatā. Ayañhi tejussadairiyāpathattā uttamaseyyā nāma.
баад̣̇з баад̣̇анд̇и д̣̇агкин̣абаад̣̇з ваамабаад̣̇ам̣. ажжаад̇хааяаад̇и ад̇иаад̇хааяа, ийсагам̣ ад̇иггамма табзд̇ваа. г̇обпагзна хи г̇обпагз, ж̇аан̣унаа ваа ж̇аан̣умхи сан̇гхаддияамаанз абхин̣хам̣ взд̣̇анаа уббаж̇ж̇ад̇и, жид̇д̇ам̣ згаг̇г̇ам̣ на ход̇и, сзяяаа апаасугаа ход̇и. яат̇аа бана на сан̇гхам̣ддзд̇и, звам̣ ад̇иггамма табид̇з взд̣̇анаа нуббаж̇ж̇ад̇и, жид̇д̇ам̣ згаг̇г̇ам̣ ход̇и, сзяяаа паасугаа ход̇и. д̇асмаа звам̣ сзяяам̣ габбзд̇и.
Pāde pādanti dakkhiṇapāde vāmapādaṃ. Accādhāyāti atiādhāya, īsakaṃ atikkamma ṭhapetvā. Gopphakena hi gopphake, jāṇunā vā jāṇumhi saṅghaṭṭiyamāne abhiṇhaṃ vedanā uppajjati, cittaṃ ekaggaṃ na hoti, seyyā aphāsukā hoti. Yathā pana na saṅghaṃṭṭeti, evaṃ atikkamma ṭhapite vedanā nuppajjati, cittaṃ ekaggaṃ hoti, seyyā phāsukā hoti. Tasmā evaṃ seyyaṃ kappeti.
сад̇о самбаж̇аанод̇и сад̇ияаа жзва самбаж̇ан̃н̃зна жа саманнааг̇ад̇о. гат̇ам̣ нид̣̇д̣̇ааяанд̇о сад̇о самбаж̇аано ход̇ийд̇и? сад̇исамбаж̇ан̃н̃асса аббахаанзна. аяан̃хи д̣̇ивасан̃жзва сагалаяааман̃жа ааваран̣ийязхи д̇хаммзхи жид̇д̇ам̣ барисод̇хзд̇ваа батамаяаамаавасаанз жан̇гамаа оруяха баад̣̇з д̇хованд̇оби муулагаммадтаанам̣ авиж̇аханд̇ова д̇ховад̇и, д̇ам̣ авиж̇аханд̇ова д̣̇ваарам̣ виварад̇и, ман̃жз нисийд̣̇ад̇и, авиж̇аханд̇ова нид̣̇д̣̇ам̣ оггамад̇и. баб̣уж̇жханд̇о бана муулагаммадтаанам̣ г̇ахзд̇ваава баб̣уж̇жхад̇и. звам̣ нид̣̇д̣̇ам̣ оггаманд̇оби сад̇о самбаж̇аано ход̇и. звам̣ бана н̃аан̣ад̇хаад̇уганд̇и на рожаяим̣су.
Sato sampajānoti satiyā ceva sampajaññena ca samannāgato. Kathaṃ niddāyanto sato sampajāno hotīti? Satisampajaññassa appahānena. Ayañhi divasañceva sakalayāmañca āvaraṇīyehi dhammehi cittaṃ parisodhetvā paṭhamayāmāvasāne caṅkamā oruyha pāde dhovantopi mūlakammaṭṭhānaṃ avijahantova dhovati, taṃ avijahantova dvāraṃ vivarati, mañce nisīdati, avijahantova niddaṃ okkamati. Pabujjhanto pana mūlakammaṭṭhānaṃ gahetvāva pabujjhati. Evaṃ niddaṃ okkamantopi sato sampajāno hoti. Evaṃ pana ñāṇadhātukanti na rocayiṃsu.
вуд̇д̇анаязна банзса жид̇д̇ам̣ барисод̇хзд̇ваа батамаяаамаавасаанз ‘‘убаад̣̇иннагам̣ сарийрам̣ нид̣̇д̣̇ааяа самассаасзссаамий’’д̇и жан̇гамаа оруяха муулагаммадтаанам̣ авиж̇аханд̇ова баад̣̇з д̇ховад̇и, д̣̇ваарам̣ виварад̇и, ман̃жз бана нисийд̣̇ид̇ваа муулагаммадтаанам̣ бахааяа, ‘‘канд̇хаава канд̇хзсу, д̇хаад̇уяова д̇хаад̇уусу бадихан̃н̃анд̇ий’’д̇и сзнаасанам̣ бажжавзгканд̇о гамзна нид̣̇д̣̇ам̣ оггамад̇и, баб̣уж̇жханд̇о бана муулагаммадтаанам̣ г̇ахзд̇ваава баб̣уж̇жхад̇и. звам̣ нид̣̇д̣̇ам̣ оггаманд̇оби сад̇о самбаж̇аано наама ход̇ийд̇и взд̣̇ид̇аб̣б̣о.
Vuttanayena panesa cittaṃ parisodhetvā paṭhamayāmāvasāne ‘‘upādinnakaṃ sarīraṃ niddāya samassāsessāmī’’ti caṅkamā oruyha mūlakammaṭṭhānaṃ avijahantova pāde dhovati, dvāraṃ vivarati, mañce pana nisīditvā mūlakammaṭṭhānaṃ pahāya, ‘‘khandhāva khandhesu, dhātuyova dhātūsu paṭihaññantī’’ti senāsanaṃ paccavekkhanto kamena niddaṃ okkamati, pabujjhanto pana mūlakammaṭṭhānaṃ gahetvāva pabujjhati. Evaṃ niddaṃ okkamantopi sato sampajāno nāma hotīti veditabbo.
ид̇и имасмим̣ суд̇д̇з д̇иван̇г̇игаа буб̣б̣абхааг̇авибассанаава гат̇ид̇аа. зд̇д̇агзнзва бана восаанам̣ анаабаж̇ж̇ид̇ваа д̇аанзва инд̣̇рияаб̣алаб̣ож̇жхан̇г̇аани самод̇хаанзд̇ваа вибассанам̣ вад̣дхзд̇ваа бхигку арахад̇д̇ам̣ баабун̣аад̇ийд̇и. звам̣ яаава арахад̇д̇аа д̣̇зсанаа гат̇зд̇аб̣б̣аа.
Iti imasmiṃ sutte tivaṅgikā pubbabhāgavipassanāva kathitā. Ettakeneva pana vosānaṃ anāpajjitvā tāneva indriyabalabojjhaṅgāni samodhānetvā vipassanaṃ vaḍḍhetvā bhikkhu arahattaṃ pāpuṇātīti. Evaṃ yāva arahattā desanā kathetabbā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. рат̇обамасуд̇д̇ам̣ • 2. Rathopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. рат̇обамасуд̇д̇аван̣н̣анаа • 2. Rathopamasuttavaṇṇanā
