| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. рат̇обамасуд̇д̇аван̣н̣анаа
2. Rathopamasuttavaṇṇanā
239. сусам̣вуд̇инд̣̇рияасса бхож̇анз мад̇д̇ан̃н̃уно сад̇асса самбаж̇аанасса вихарад̇о гилзсанимид̇д̇ам̣ д̣̇угкам̣ анавасаранд̇и сукасоманассаб̣ахулад̇аа вуд̇д̇аа. яавад̇и д̇зна палам̣ миссид̇ам̣ вияа ход̇ийд̇и яони, зганд̇игам̣ гааран̣ам̣. ассаад̇и бхигкуно. барибун̣н̣анд̇и авигалам̣. анавасзсам̣ аасавз кзбзд̇ийд̇и аасавагкаяо, аг̇г̇амаг̇г̇о. яам̣ яанд̇и д̣̇анд̇хам̣ маж̇жхам̣ ж̇авод̇и ж̇аваад̣̇ийсу яам̣ яам̣ г̇аманам̣. рагкан̣ад̇т̇ааяаад̇и гилзсажорзхи рагкан̣ад̇т̇ааяа . взг̇аниг̇г̇ахан̣ад̇т̇ааяаад̇и гилзсахзд̇угасса инд̣̇рияавзг̇асса ниг̇г̇ан̣ханад̇т̇ааяа. ниб̣б̣исзванад̇т̇ааяаад̇и висзванасса вибпанд̣̇ид̇асса нирод̇ханааяа. гилзсуубасамад̇т̇ааяаад̇и гилзсаанам̣ убаруубари саманад̇т̇ааяа вуубасаманад̇т̇ааяа.
239. Susaṃvutindriyassa bhojane mattaññuno satassa sampajānassa viharato kilesanimittaṃ dukkhaṃ anavasaranti sukhasomanassabahulatā vuttā. Yavati tena phalaṃ missitaṃ viya hotīti yoni, ekantikaṃ kāraṇaṃ. Assāti bhikkhuno. Paripuṇṇanti avikalaṃ. Anavasesaṃ āsave khepetīti āsavakkhayo, aggamaggo. Yaṃ yanti dandhaṃ majjhaṃ javoti javādīsu yaṃ yaṃ gamanaṃ. Rakkhaṇatthāyāti kilesacorehi rakkhaṇatthāya . Veganiggahaṇatthāyāti kilesahetukassa indriyavegassa niggaṇhanatthāya. Nibbisevanatthāyāti visevanassa vipphanditassa nirodhanāya. Kilesūpasamatthāyāti kilesānaṃ uparūpari samanatthāya vūpasamanatthāya.
саман̣арад̇и наама самат̇авибассанаамаг̇г̇апаласукаани. д̣̇анд̇аанамби синд̇хаваанам̣ саарат̇ино баяог̇зна сияаа гаажи висзванамад̇д̇аад̇и д̇ад̣̇абхаавам̣ д̣̇ассзнд̇о ‘‘ниб̣б̣исзванз гад̇ваа бзсзнд̇о’’д̇и вуд̇д̇ам̣. н̃аан̣ам̣ г̇ажчад̇ийд̇и асан̇г̇аманам̣ бавад̇д̇ад̇и баг̇зва инд̣̇рияабхааванааяа гад̇ад̇д̇аа, гилзсаниг̇г̇ахасса сукзнзва сид̣̇д̇хад̇д̇аа. д̣̇ааяагасса аж̇жхаасаяо васо ул̣ааро лаамаго. д̣̇зяяад̇хаммасса бамаан̣ам̣ васо аббагам̣ б̣ахуган̃жа.
Samaṇarati nāma samathavipassanāmaggaphalasukhāni. Dantānampi sindhavānaṃ sārathino payogena siyā kāci visevanamattāti tadabhāvaṃ dassento ‘‘nibbisevane katvā pesento’’ti vuttaṃ. Ñāṇaṃ gacchatīti asaṅgamanaṃ pavattati pageva indriyabhāvanāya katattā, kilesaniggahassa sukheneva siddhattā. Dāyakassa ajjhāsayo vaso uḷāro lāmako. Deyyadhammassa pamāṇaṃ vaso appakaṃ bahukañca.
махааман̣д̣абадтаанам̣ наама лохабаасаад̣̇асса бурад̇о зва махаабхигкусан̇гхасса саннибаад̇агаалз д̇зсам̣ бахонагавасзна махааман̣д̣абасса гад̇д̇аб̣б̣адтаанам̣. г̇ахан̣амаананд̇и баривисаг̇ахан̣абхааж̇анам̣.
Mahāmaṇḍapaṭṭhānaṃ nāma lohapāsādassa purato eva mahābhikkhusaṅghassa sannipātakāle tesaṃ pahonakavasena mahāmaṇḍapassa kattabbaṭṭhānaṃ. Gahaṇamānanti parivisagahaṇabhājanaṃ.
багад̇ияаа бхад̇д̇агаарагижжз ад̇хиг̇ад̇о убадтаагубаасаго. муд̣̇усамакарасан̃н̃ид̇зхи, д̣̇аханабажанабхаж̇ж̇анасан̃н̃ид̇зхи ваа д̇ийхи баагзхи.
Pakatiyā bhattakārakicce adhigato upaṭṭhākupāsako. Mudusamakharasaññitehi, dahanapacanabhajjanasaññitehi vā tīhi pākehi.
барисод̇хзд̇ваад̇и ран̃н̃о анужчавигабхаавам̣ барисод̇хзд̇ваа. бхуумияам̣ чад̣д̣зси ‘‘бхигкуунам̣ ад̣̇ад̇ваа маяаа мукз багкид̇д̇а’’нд̇и. мукзна г̇ан̣хи д̇асса нид̣̇д̣̇осабхаавам̣ д̣̇ассзд̇ум̣. мад̇д̇ам̣ ж̇аанаабзд̇ум̣ бамаж̇ж̇и. ‘‘д̇вам̣ гуд̇о ааг̇ад̇о’’д̇и бужчанз бамаад̣̇ам̣ аабаж̇ж̇и. анубхааг̇од̇и авасидтабхааг̇о. ид̣̇амад̇т̇ияанд̇и ид̣̇ам̣ баяож̇анам̣. ид̇аранд̇и баал̣ияам̣ анааг̇ад̇амби аахаарз бамаан̣аж̇аананам̣.
Parisodhetvāti rañño anucchavikabhāvaṃ parisodhetvā. Bhūmiyaṃ chaḍḍesi ‘‘bhikkhūnaṃ adatvā mayā mukhe pakkhitta’’nti. Mukhena gaṇhi tassa niddosabhāvaṃ dassetuṃ. Mattaṃ jānāpetuṃ pamajji. ‘‘Tvaṃ kuto āgato’’ti pucchane pamādaṃ āpajji. Anubhāgoti avasiṭṭhabhāgo. Idamatthiyanti idaṃ payojanaṃ. Itaranti pāḷiyaṃ anāgatampi āhāre pamāṇajānanaṃ.
саяанам̣ сзяяаа, гаамабхог̇ийнам̣ сзяяаа гаамабхог̇исзяяаа. д̣̇агкин̣абассзна саяаано наама над̇т̇и д̣̇агкин̣ахад̇т̇зна гаад̇аб̣б̣агижжагаран̣ад̇о. д̇зж̇уссад̣̇ад̇д̇аад̇и ид̣̇ам̣ ануд̇раасассзва сийхасса саяананд̇и д̣̇ассзд̇ум̣ вуд̇д̇ам̣. д̣̇вз буримабаад̣̇з згасмим̣, бажчимабаад̣̇з згасмим̣ таанз табзд̇ваад̇и хи ид̣̇ам̣ баад̣̇аанам̣ авигкид̇д̇абхаавагаран̣ад̣̇ассанам̣.
Sayanaṃ seyyā, kāmabhogīnaṃ seyyā kāmabhogiseyyā. Dakkhiṇapassena sayāno nāma natthi dakkhiṇahatthena kātabbakiccakaraṇato. Tejussadattāti idaṃ anutrāsasseva sīhassa sayananti dassetuṃ vuttaṃ. Dve purimapāde ekasmiṃ, pacchimapāde ekasmiṃ ṭhāne ṭhapetvāti hi idaṃ pādānaṃ avikkhittabhāvakaraṇadassanaṃ.
жад̇уд̇т̇аж̇жхаанасзяяаад̇и жад̇уд̇т̇аж̇жхаанигам̣ паласамаабад̇д̇им̣ вад̣̇ад̇и. язбхуяязна хи д̇ат̇ааг̇ад̇аа паласамаабад̇д̇им̣ самаабаж̇ж̇ид̇ваава саяанд̇и. саа жа нзсам̣ жад̇уд̇т̇аж̇жхаанад̇о вудтааяа, гилзсабариниб̣б̣аанасса жа гад̇ад̇д̇аад̇и вад̣̇анд̇и . ид̇ха сийхасзяяаа ааг̇ад̇аа баад̣̇ам̣ ажжаад̇хааяа буб̣б̣знаабарам̣ аж̇ахид̇асам̣лагкан̣аа сзяяаад̇и гад̇ваа. д̇знааха ‘‘аяам̣ хий’’д̇иаад̣̇и. званд̇и ‘‘д̣̇агкин̣зна бассзнаа’’д̇иаад̣̇инаа вуд̇д̇аагаарзна сзяяам̣ габбзд̇и.
Catutthajjhānaseyyāti catutthajjhānikaṃ phalasamāpattiṃ vadati. Yebhuyyena hi tathāgatā phalasamāpattiṃ samāpajjitvāva sayanti. Sā ca nesaṃ catutthajjhānato vuṭṭhāya, kilesaparinibbānassa ca katattāti vadanti . Idha sīhaseyyā āgatā pādaṃ accādhāya pubbenāparaṃ ajahitasaṃlakkhaṇā seyyāti katvā. Tenāha ‘‘ayaṃ hī’’tiādi. Evanti ‘‘dakkhiṇena passenā’’tiādinā vuttākārena seyyaṃ kappeti.
гат̇ам̣ нид̣̇д̣̇ааяанд̇о сад̇о самбаж̇аано ход̇и? бхаван̇г̇ажид̇д̇зна хи нид̣̇д̣̇уубаг̇амананд̇и ад̇хиббааяо. аббахаанзнаад̇и д̇ад̣̇ад̇химуд̇д̇ад̇ааяа д̇ад̣̇аббахаанам̣ д̣̇адтаб̣б̣ам̣. д̇ат̇аа д̇зсу нид̣̇д̣̇оггаманасса аад̣̇ибарияосаанзсу аж̇ахид̇асад̇исамбаж̇ан̃н̃ам̣ ход̇и. д̇знааха – ‘‘нид̣̇д̣̇ам̣ оггаманд̇оби сад̇о самбаж̇аано ход̇ий’’д̇и. зд̇ам̣ банаад̇и ‘‘нид̣̇д̣̇ам̣ оггаманд̇оби сад̇о самбаж̇аано ход̇ий’’д̇и вуд̇д̇анаяам̣ вад̣̇ад̇и. н̃аан̣ад̇хаад̇уганд̇и на рожаяим̣сууд̇и нид̣̇д̣̇оггаманзби ж̇ааг̇аран̣з бавад̇д̇ан̃аан̣асабхаавамзваад̇и на рожаяим̣су бораан̣аа. ниранд̇арам̣ бхаван̇г̇ажид̇д̇зсу вад̇д̇амаанзсу сад̇исамбаж̇ан̃н̃аасамбхавод̇и ад̇хиббааяо. буримасмин̃хи наяз сад̇исамбаж̇ан̃н̃асса асам̣варо, на бхаван̇г̇асса. инд̣̇рияасам̣варо, бхож̇анз мад̇д̇ан̃н̃уд̇аа, ж̇ааг̇арияаануяог̇од̇и имзхи д̇иван̇г̇игаа, нимид̇д̇аануб̣яан̃ж̇анабариваж̇ж̇анаад̣̇и саб̣б̣ам̣ вибассанаабагкигамзваад̇и ад̇хиббааяо.
Kathaṃniddāyanto sato sampajāno hoti? Bhavaṅgacittena hi niddūpagamananti adhippāyo. Appahānenāti tadadhimuttatāya tadappahānaṃ daṭṭhabbaṃ. Tathā tesu niddokkamanassa ādipariyosānesu ajahitasatisampajaññaṃ hoti. Tenāha – ‘‘niddaṃ okkamantopi sato sampajāno hotī’’ti. Etaṃ panāti ‘‘niddaṃ okkamantopi sato sampajāno hotī’’ti vuttanayaṃ vadati. Ñāṇadhātukanti na rocayiṃsūti niddokkamanepi jāgaraṇe pavattañāṇasabhāvamevāti na rocayiṃsu porāṇā. Nirantaraṃ bhavaṅgacittesu vattamānesu satisampajaññāsambhavoti adhippāyo. Purimasmiñhi naye satisampajaññassa asaṃvaro, na bhavaṅgassa. Indriyasaṃvaro, bhojane mattaññutā, jāgariyānuyogoti imehi tivaṅgikā, nimittānubyañjanaparivajjanādi sabbaṃ vipassanāpakkhikamevāti adhippāyo.
д̇аанзваад̇и вибассанаагкан̣з бавад̇д̇аани инд̣̇рияаад̣̇ийни. яаава арахад̇д̇аа д̣̇зсанаа вид̇т̇аарад̇о гат̇зд̇аб̣б̣аа. баал̣ияам̣ бана ‘‘яони жасса аарад̣̇д̇хаа ход̇и аасаваанам̣ каяааяаа’’д̇и сан̇кзбзна гат̇ид̇аа.
Tānevāti vipassanākkhaṇe pavattāni indriyādīni. Yāva arahattā desanā vitthārato kathetabbā. Pāḷiyaṃ pana ‘‘yoni cassa āraddhā hoti āsavānaṃ khayāyā’’ti saṅkhepena kathitā.
рат̇обамасуд̇д̇аван̣н̣анаа нидтид̇аа.
Rathopamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. рат̇обамасуд̇д̇ам̣ • 2. Rathopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. рат̇обамасуд̇д̇аван̣н̣анаа • 2. Rathopamasuttavaṇṇanā
