| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੨. ਰਤ੍ਤਨ੍ਧਕਾਰવਗ੍ਗੋ
2. Rattandhakāravaggo
੧. ਰਤ੍ਤਨ੍ਧਕਾਰਸਿਕ੍ਖਾਪਦવਣ੍ਣਨਾ
1. Rattandhakārasikkhāpadavaṇṇanā
ਅਨ੍ਧਕਾਰવਗ੍ਗਸ੍ਸ ਪਠਮੇ ਰਤ੍ਤਨ੍ਧਕਾਰੇਤਿ ਰਤ੍ਤਿਅਨ੍ਧਕਾਰੇ। ਅਪ੍ਪਦੀਪੇਤਿ ਪਜ੍ਜੋਤਚਨ੍ਦਸੂਰਿਯਅਗ੍ਗੀਸੁ ਏਕੇਕੇਨਾਪਿ ਅਨੋਭਾਸਿਤੇ। ਪੁਰਿਸੇਨਾਤਿ ਸਨ੍ਤਿਟ੍ਠਿਤੁਂ ਸਲ੍ਲਪਿਤੁਞ੍ਚ વਿਞ੍ਞੁਨਾ ਮਨੁਸ੍ਸਪੁਰਿਸੇਨ ਸਦ੍ਧਿਂ। ਸਨ੍ਤਿਟ੍ਠੇਯ੍ਯ વਾਤਿ ਹਤ੍ਥਪਾਸੇ ਠਿਤਮਤ੍ਤਾਯ ਪਾਚਿਤ੍ਤਿਯਂ। ਸਲ੍ਲਪੇਯ੍ਯਾਤਿ ਤਤ੍ਥ ਠਤ੍વਾ ਗੇਹਸਿਤਕਥਂ ਕਥੇਨ੍ਤਿਯਾਪਿ ਪਾਚਿਤ੍ਤਿਯਮੇવ।
Andhakāravaggassa paṭhame rattandhakāreti rattiandhakāre. Appadīpeti pajjotacandasūriyaaggīsu ekekenāpi anobhāsite. Purisenāti santiṭṭhituṃ sallapituñca viññunā manussapurisena saddhiṃ. Santiṭṭheyya vāti hatthapāse ṭhitamattāya pācittiyaṃ. Sallapeyyāti tattha ṭhatvā gehasitakathaṃ kathentiyāpi pācittiyameva.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਏવਂ ਸਨ੍ਤਿਟ੍ਠਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਪੁਰਿਸਸ੍ਸ ਹਤ੍ਥਪਾਸਂ વਿਜਹਿਤ੍વਾ, ਯਕ੍ਖਾਦੀਨਂ ਹਤ੍ਥਪਾਸਂ ਅવਿਜਹਿਤ੍વਾਪਿ ਸਨ੍ਤਿਟ੍ਠਨ੍ਤਿਯਾ, ਸਲ੍ਲਪੇਨ੍ਤਿਯਾ વਾ ਦੁਕ੍ਕਟਂ, ਯਂਕਿਞ੍ਚਿ વਿਞ੍ਞੁਂ ਦੁਤਿਯਂ ਗਹੇਤ੍વਾ ਏવਂ ਕਰੋਨ੍ਤਿਯਾ, ਅਰਹੋਪੇਕ੍ਖਾਯ, ਅਞ੍ਞવਿਹਿਤਾਯ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਰਤ੍ਤਨ੍ਧਕਾਰਤਾ, ਪੁਰਿਸਸ੍ਸ ਹਤ੍ਥਪਾਸੇ ਠਾਨਂ વਾ ਸਲ੍ਲਪਨਂ વਾ, ਸਹਾਯਾਭਾવੋ, ਰਹੋਪੇਕ੍ਖਤਾਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਥੇਯ੍ਯਸਤ੍ਥਸਮੁਟ੍ਠਾਨਂ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ।
Sāvatthiyaṃ aññataraṃ bhikkhuniṃ ārabbha evaṃ santiṭṭhanavatthusmiṃ paññattaṃ, purisassa hatthapāsaṃ vijahitvā, yakkhādīnaṃ hatthapāsaṃ avijahitvāpi santiṭṭhantiyā, sallapentiyā vā dukkaṭaṃ, yaṃkiñci viññuṃ dutiyaṃ gahetvā evaṃ karontiyā, arahopekkhāya, aññavihitāya, ummattikādīnañca anāpatti. Rattandhakāratā, purisassa hatthapāse ṭhānaṃ vā sallapanaṃ vā, sahāyābhāvo, rahopekkhatāti imānettha cattāri aṅgāni. Theyyasatthasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.
ਰਤ੍ਤਨ੍ਧਕਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Rattandhakārasikkhāpadavaṇṇanā niṭṭhitā.
੨. ਪਟਿਚ੍ਛਨ੍ਨੋਕਾਸਸਿਕ੍ਖਾਪਦવਣ੍ਣਨਾ
2. Paṭicchannokāsasikkhāpadavaṇṇanā
ਦੁਤਿਯੇ ਪਟਿਚ੍ਛਨ੍ਨੇ ਓਕਾਸੇਤਿ ਕੁਟ੍ਟਾਦੀਸੁ ਯੇਨ ਕੇਨਚਿ ਪਟਿਚ੍ਛਨ੍ਨੇ, ਇਦਮੇવੇਤ੍ਥ ਨਾਨਤ੍ਤਂ।
Dutiye paṭicchanne okāseti kuṭṭādīsu yena kenaci paṭicchanne, idamevettha nānattaṃ.
ਪਟਿਚ੍ਛਨ੍ਨੋਕਾਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭicchannokāsasikkhāpadavaṇṇanā niṭṭhitā.
੩. ਅਜ੍ਝੋਕਾਸਸਲ੍ਲਪਨਸਿਕ੍ਖਾਪਦવਣ੍ਣਨਾ
3. Ajjhokāsasallapanasikkhāpadavaṇṇanā
ਤਤਿਯੇ ਅਜ੍ਝੋਕਾਸੇਤਿ ਨਾਨਂ, ਸੇਸਂ ਉਭਯਤ੍ਥਾਪਿ ਪਠਮਸਦਿਸਮੇવਾਤਿ।
Tatiye ajjhokāseti nānaṃ, sesaṃ ubhayatthāpi paṭhamasadisamevāti.
ਅਜ੍ਝੋਕਾਸਸਲ੍ਲਪਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ajjhokāsasallapanasikkhāpadavaṇṇanā niṭṭhitā.
੪. ਦੁਤਿਯਿਕਉਯ੍ਯੋਜਨਸਿਕ੍ਖਾਪਦવਣ੍ਣਨਾ
4. Dutiyikauyyojanasikkhāpadavaṇṇanā
ਚਤੁਤ੍ਥੇ ਰਥਿਕਾਯਾਤਿ ਰਚ੍ਛਾਯਂ। ਬ੍ਯੂਹੇਤਿ ਅਨਿવਿਦ੍ਧਰਚ੍ਛਾਯਂ । ਸਿਙ੍ਘਾਟਕੇਤਿ ਚਚ੍ਚਰੇ। ਨਿਕਣ੍ਣਿਕਂ વਾ ਜਪ੍ਪੇਯ੍ਯਾਤਿ ਕਣ੍ਣਮੂਲੇ ਕਿਞ੍ਚਿ ਜਪ੍ਪੇਯ੍ਯ। ਉਯ੍ਯੋਜੇਯ੍ਯਾਤਿ ਅਨਾਚਾਰਂ ਚਰਿਤੁਕਾਮਤਾਯ ‘‘ਗਚ੍ਛ ਤ੍વ’’ਨ੍ਤਿ ਦੁਤਿਯਿਕਂ ਉਯ੍ਯੋਜੇਯ੍ਯ। ਪਾਚਿਤ੍ਤਿਯਨ੍ਤਿ ਪੁਰਿਮਨਯੇਨੇવ ਤਾવ ਸਨ੍ਤਿਟ੍ਠਨਾਦੀਸੁ ਤੀਣਿ ਪਾਚਿਤ੍ਤਿਯਾਨਿ, ਉਯ੍ਯੋਜੇਨ੍ਤਿਯਾ ਪਨ ਉਯ੍ਯੋਜਨੇ ਚ ਹਤ੍ਥਪਾਸવਿਜਹਨੇ ਚ ਦੁਕ੍ਕਟਂ, વਿਜਹਿਤੇ ਪਾਚਿਤ੍ਤਿਯਂ।
Catutthe rathikāyāti racchāyaṃ. Byūheti anividdharacchāyaṃ . Siṅghāṭaketi caccare. Nikaṇṇikaṃ vā jappeyyāti kaṇṇamūle kiñci jappeyya. Uyyojeyyāti anācāraṃ caritukāmatāya ‘‘gaccha tva’’nti dutiyikaṃ uyyojeyya. Pācittiyanti purimanayeneva tāva santiṭṭhanādīsu tīṇi pācittiyāni, uyyojentiyā pana uyyojane ca hatthapāsavijahane ca dukkaṭaṃ, vijahite pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਏવਂ ਸਨ੍ਤਿਟ੍ਠਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਂ ਪੁਰਿਮਤ੍ਤਯਸਦਿਸਮੇવ। ਅਨਾਪਤ੍ਤਿਯਂ ਪਨ ‘‘ਨ ਅਨਾਚਾਰਂ ਆਚਰਿਤੁਕਾਮਾ, ਸਤਿ ਕਰਣੀਯੇ ਦੁਤਿਯਿਕਂ ਭਿਕ੍ਖੁਨਿਂ ਉਯ੍ਯੋਜੇਤੀ’’ਤਿ (ਪਾਚਿ॰ ੮੫੨) ਏਤ੍ਤਕਂ ਅਧਿਕਨ੍ਤਿ।
Sāvatthiyaṃ thullanandaṃ ārabbha evaṃ santiṭṭhanavatthusmiṃ paññattaṃ, sesaṃ purimattayasadisameva. Anāpattiyaṃ pana ‘‘na anācāraṃ ācaritukāmā, sati karaṇīye dutiyikaṃ bhikkhuniṃ uyyojetī’’ti (pāci. 852) ettakaṃ adhikanti.
ਦੁਤਿਯਿਕਉਯ੍ਯੋਜਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyikauyyojanasikkhāpadavaṇṇanā niṭṭhitā.
੫. ਅਨਾਪੁਚ੍ਛਾਪਕ੍ਕਮਨਸਿਕ੍ਖਾਪਦવਣ੍ਣਨਾ
5. Anāpucchāpakkamanasikkhāpadavaṇṇanā
ਪਞ੍ਚਮੇ ਪੁਰੇਭਤ੍ਤਨ੍ਤਿ ਅਰੁਣੁਗ੍ਗਮਨਂ ਉਪਾਦਾਯ ਯਾવ ਮਜ੍ਝਨ੍ਹਿਕਂ। ਆਸਨੇਤਿ ਪਲ੍ਲਙ੍ਕਸ੍ਸੋਕਾਸਭੂਤੇ। ਸਾਮਿਕੇ ਅਨਾਪੁਚ੍ਛਾਤਿ ਤਸ੍ਮਿਂ ਕੁਲੇ ਯਂਕਿਞ੍ਚਿ વਿਞ੍ਞੁਂ ਮਨੁਸ੍ਸਂ ਅਨਾਪੁਚ੍ਛਾ। ਪਕ੍ਕਮੇਯ੍ਯਾਤਿ ਏਤ੍ਥ ਛਨ੍ਨਸ੍ਸ ਅਨ੍ਤੋ ਨਿਸੀਦਿਤ੍વਾ ਅਨੋવਸ੍ਸਕਂ ਅਜ੍ਝੋਕਾਸੇ ਉਪਚਾਰਂ ਅਤਿਕ੍ਕਾਮੇਨ੍ਤਿਯਾ ਪਠਮਪਾਦੇ ਦੁਕ੍ਕਟਂ, ਦੁਤਿਯੇ ਪਾਚਿਤ੍ਤਿਯਂ।
Pañcame purebhattanti aruṇuggamanaṃ upādāya yāva majjhanhikaṃ. Āsaneti pallaṅkassokāsabhūte. Sāmike anāpucchāti tasmiṃ kule yaṃkiñci viññuṃ manussaṃ anāpucchā. Pakkameyyāti ettha channassa anto nisīditvā anovassakaṃ ajjhokāse upacāraṃ atikkāmentiyā paṭhamapāde dukkaṭaṃ, dutiye pācittiyaṃ.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਅਨਾਪੁਚ੍ਛਾ ਪਕ੍ਕਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਪਲ੍ਲਙ੍ਕਸ੍ਸ ਅਨੋਕਾਸੇ ਦੁਕ੍ਕਟਂ, ਤਥਾ ਆਪੁਚ੍ਛਿਤੇ ਅਨਾਪੁਚ੍ਛਿਤਸਞ੍ਞਾਯ ਚੇવ વੇਮਤਿਕਾਯ ਚ। ਆਪੁਚ੍ਛਿਤਸਞ੍ਞਾਯ ਪਨ, ਅਸਂਹਾਰਿਮੇ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਪੁਰੇਭਤ੍ਤਤਾ, ਅਨ੍ਤਰਘਰੇ ਨਿਸਜ੍ਜਾ, ਆਸਨਸ੍ਸ ਪਲ੍ਲਙ੍ਕੋਕਾਸਤਾ, ਅਞ੍ਞਤ੍ਰ ਅਨੁਞ੍ਞਾਤਕਾਰਣਾ ਅਨਾਪੁਚ੍ਛਨਂ, વੁਤ੍ਤਪਰਿਚ੍ਛੇਦਾਤਿਕ੍ਕਮੋਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਕਥਿਨਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ aññataraṃ bhikkhuniṃ ārabbha anāpucchā pakkamanavatthusmiṃ paññattaṃ, tikapācittiyaṃ, pallaṅkassa anokāse dukkaṭaṃ, tathā āpucchite anāpucchitasaññāya ceva vematikāya ca. Āpucchitasaññāya pana, asaṃhārime, gilānāya, āpadāsu, ummattikādīnañca anāpatti. Purebhattatā, antaraghare nisajjā, āsanassa pallaṅkokāsatā, aññatra anuññātakāraṇā anāpucchanaṃ, vuttaparicchedātikkamoti imānettha pañca aṅgāni. Samuṭṭhānādīni kathinasadisāni, idaṃ pana kiriyākiriyanti.
ਅਨਾਪੁਚ੍ਛਾਪਕ੍ਕਮਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anāpucchāpakkamanasikkhāpadavaṇṇanā niṭṭhitā.
੬. ਅਨਾਪੁਚ੍ਛਾਅਭਿਨਿਸੀਦਨਸਿਕ੍ਖਾਪਦવਣ੍ਣਨਾ
6. Anāpucchāabhinisīdanasikkhāpadavaṇṇanā
ਛਟ੍ਠੇ ਪਚ੍ਛਾਭਤ੍ਤਨ੍ਤਿ ਮਜ੍ਝਨ੍ਹਿਕੇ વੀਤਿવਤ੍ਤੇ ਯਾવ ਸੂਰਿਯਸ੍ਸ ਅਤ੍ਥਙ੍ਗਮਾ। ਅਭਿਨਿਸੀਦੇਯ੍ਯ વਾਤਿ ਆਦਿਮ੍ਹਿ ਨਿਸੀਦਿਤ੍વਾ ਗਚ੍ਛਨ੍ਤਿਯਾ ਏਕਾ ਆਪਤ੍ਤਿ, ਅਨਿਸੀਦਿਤ੍વਾ ਨਿਪਜ੍ਜਿਤ੍વਾવ ਗਚ੍ਛਨ੍ਤਿਯਾਪਿ ਏਕਾ, ਨਿਸੀਦਿਤ੍વਾ ਨਿਪਜ੍ਜਨ੍ਤਿਯਾ ਦ੍વੇ।
Chaṭṭhe pacchābhattanti majjhanhike vītivatte yāva sūriyassa atthaṅgamā. Abhinisīdeyya vāti ādimhi nisīditvā gacchantiyā ekā āpatti, anisīditvā nipajjitvāva gacchantiyāpi ekā, nisīditvā nipajjantiyā dve.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਆਸਨੇ ਅਭਿਨਿਸੀਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ , ਸੇਸਂ ਪਞ੍ਚਮਸਦਿਸਮੇવ। ਯਥਾ ਪਨ ਤਤ੍ਥ ਅਸਂਹਾਰਿਮੇ, ਏવਮਿਧ ਧੁવਪਞ੍ਞਤ੍ਤੇ ਅਨਾਪਤ੍ਤੀਤਿ।
Sāvatthiyaṃ thullanandaṃ ārabbha āsane abhinisīdanavatthusmiṃ paññattaṃ , sesaṃ pañcamasadisameva. Yathā pana tattha asaṃhārime, evamidha dhuvapaññatte anāpattīti.
ਅਨਾਪੁਚ੍ਛਾਅਭਿਨਿਸੀਦਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anāpucchāabhinisīdanasikkhāpadavaṇṇanā niṭṭhitā.
੭. ਅਨਾਪੁਚ੍ਛਾਸਨ੍ਥਰਣਸਿਕ੍ਖਾਪਦવਣ੍ਣਨਾ
7. Anāpucchāsantharaṇasikkhāpadavaṇṇanā
ਸਤ੍ਤਮੇ વਿਕਾਲੇਤਿ ਅਤ੍ਥਙ੍ਗਤੇ ਸੂਰਿਯੇ। ਸੇਯ੍ਯਨ੍ਤਿ ਅਨ੍ਤਮਸੋ ਪਣ੍ਣਸਨ੍ਥਾਰਮ੍ਪਿ, ਸੇਸਂ ਛਟ੍ਠਸਦਿਸਮੇવ।
Sattame vikāleti atthaṅgate sūriye. Seyyanti antamaso paṇṇasanthārampi, sesaṃ chaṭṭhasadisameva.
ਇਦਂ ਪਨ ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ વਿਕਾਲੇ ਕੁਲਾਨਿ ਉਪਸਙ੍ਕਮਿਤ੍વਾ ਸਾਮਿਕੇ ਅਨਾਪੁਚ੍ਛਿਤ੍વਾ ਸੇਯ੍ਯਂ ਸਨ੍ਥਰਿਤ੍વਾ ਅਭਿਨਿਸੀਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਨਾਪਤ੍ਤਿਯਞ੍ਚੇਤ੍ਥ ਧੁવਪਞ੍ਞਤ੍ਤਂ ਨਾਮ ਨਤ੍ਥੀਤਿ।
Idaṃ pana sāvatthiyaṃ sambahulā bhikkhuniyo ārabbha vikāle kulāni upasaṅkamitvā sāmike anāpucchitvā seyyaṃ santharitvā abhinisīdanavatthusmiṃ paññattaṃ, anāpattiyañcettha dhuvapaññattaṃ nāma natthīti.
ਅਨਾਪੁਚ੍ਛਾਸਨ੍ਥਰਣਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anāpucchāsantharaṇasikkhāpadavaṇṇanā niṭṭhitā.
੮. ਪਰਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ
8. Paraujjhāpanakasikkhāpadavaṇṇanā
ਅਟ੍ਠਮੇ ਦੁਗ੍ਗਹਿਤੇਨ ਦੂਪਧਾਰਿਤੇਨਾਤਿ ਯਂ વੁਤ੍ਤਂ, ਤਤੋ ਅਞ੍ਞਥਾ ਗਹਿਤੇਨ ਚ ਉਪਧਾਰਿਤੇਨ ਚ। ਪਰਨ੍ਤਿ ‘‘ਅਹਂ ਕਿਰਯ੍ਯੇ ਅਯ੍ਯਂ ਨ ਸਕ੍ਕਚ੍ਚਂ ਉਪਟ੍ਠਹਾਮੀ’’ਤਿਆਦਿਨਾ (ਪਾਚਿ॰ ੮੬੯) ਨਯੇਨ ਉਪਸਮ੍ਪਨ੍ਨਂ ਉਜ੍ਝਾਪੇਨ੍ਤਿਯਾ ਪਾਚਿਤ੍ਤਿਯਂ।
Aṭṭhame duggahitena dūpadhāritenāti yaṃ vuttaṃ, tato aññathā gahitena ca upadhāritena ca. Paranti ‘‘ahaṃ kirayye ayyaṃ na sakkaccaṃ upaṭṭhahāmī’’tiādinā (pāci. 869) nayena upasampannaṃ ujjhāpentiyā pācittiyaṃ.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਏવਂ ਪਰਂ ਉਜ੍ਝਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨਾਯ ਤਿਕਦੁਕ੍ਕਟਂ, ਉਮ੍ਮਤ੍ਤਿਕਾਦੀਨਂਯੇવ ਅਨਾਪਤ੍ਤਿ। ਦੁਗ੍ਗਹਿਤਤਾ, ਉਜ੍ਝਾਪਨਂ, ਯਂ ਉਜ੍ਝਾਪੇਤਿ, ਤਸ੍ਸਾ ਉਪਸਮ੍ਪਨ੍ਨਤਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ aññataraṃ bhikkhuniṃ ārabbha evaṃ paraṃ ujjhāpanavatthusmiṃ paññattaṃ, tikapācittiyaṃ, anupasampannāya tikadukkaṭaṃ, ummattikādīnaṃyeva anāpatti. Duggahitatā, ujjhāpanaṃ, yaṃ ujjhāpeti, tassā upasampannatāti imānettha tīṇi aṅgāni. Samuṭṭhānādīni adinnādānasadisāni, idaṃ pana dukkhavedananti.
ਪਰਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paraujjhāpanakasikkhāpadavaṇṇanā niṭṭhitā.
੯. ਪਰਅਭਿਸਪਨਸਿਕ੍ਖਾਪਦવਣ੍ਣਨਾ
9. Paraabhisapanasikkhāpadavaṇṇanā
ਨવਮੇ ਅਭਿਸਪੇਯ੍ਯਾਤਿ ਸਪਥਂ ਕਰੇਯ੍ਯ। ਤਤ੍ਥ ‘‘ਨਿਰਯੇ ਉਪਪਜ੍ਜਾਮਿ, ਨਿਰਯੇ ਉਪਪਜ੍ਜਤੂ’’ਤਿਏવਮਾਦੀਨਿ વਦਮਾਨਾ ਨਿਰਯੇਨ ਅਭਿਸਪਤਿ ਨਾਮ, ਅਕ੍ਕੋਸਤੀਤਿ ਅਤ੍ਥੋ। ‘‘ਗਿਹਿਨੀ ਹੋਮਿ, ਗਿਹਿਨੀ ਹੋਤੂ’’ਤਿਏવਮਾਦੀਨਿ વਦਮਾਨਾ ਬ੍ਰਹ੍ਮਚਰਿਯੇਨ। ਤਸ੍ਸਾ વਾਚਾਯ વਾਚਾਯ ਪਾਚਿਤ੍ਤਿਯਂ।
Navame abhisapeyyāti sapathaṃ kareyya. Tattha ‘‘niraye upapajjāmi, niraye upapajjatū’’tievamādīni vadamānā nirayena abhisapati nāma, akkosatīti attho. ‘‘Gihinī homi, gihinī hotū’’tievamādīni vadamānā brahmacariyena. Tassā vācāya vācāya pācittiyaṃ.
ਸਾવਤ੍ਥਿਯਂ ਚਣ੍ਡਕਾਲ਼ਿਂ ਆਰਬ੍ਭ ਏવਂ ਅਭਿਸਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨਾਯ ਤਿਕਦੁਕ੍ਕਟਂ, ਤਿਰਚ੍ਛਾਨਯੋਨਿਯਾ વਾ ਪੇਤ੍ਤਿવਿਸਯੇਨ વਾ ਮਨੁਸ੍ਸਦੋਭਗ੍ਗੇਨ વਾ ਅਭਿਸਪਨੇ ਦੁਕ੍ਕਟਂ। ਅਤ੍ਥਧਮ੍ਮਾਨੁਸਾਸਨਿਪੁਰੇਕ੍ਖਾਰਾਨਂ ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਨਿਰਯੇਨ વਾ ਬ੍ਰਹ੍ਮਚਰਿਯੇਨ વਾ ਅਭਿਸਪਨਂ , ਉਪਸਮ੍ਪਨ੍ਨਤਾ, ਅਤ੍ਥਧਮ੍ਮਪੁਰੇਕ੍ਖਾਰਾਦੀਨਂ ਅਭਾવੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਟ੍ਠਮਸਦਿਸਾਨੇવਾਤਿ।
Sāvatthiyaṃ caṇḍakāḷiṃ ārabbha evaṃ abhisapanavatthusmiṃ paññattaṃ, tikapācittiyaṃ, anupasampannāya tikadukkaṭaṃ, tiracchānayoniyā vā pettivisayena vā manussadobhaggena vā abhisapane dukkaṭaṃ. Atthadhammānusāsanipurekkhārānaṃ ummattikādīnañca anāpatti. Nirayena vā brahmacariyena vā abhisapanaṃ , upasampannatā, atthadhammapurekkhārādīnaṃ abhāvoti imānettha tīṇi aṅgāni. Samuṭṭhānādīni aṭṭhamasadisānevāti.
ਪਰਅਭਿਸਪਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paraabhisapanasikkhāpadavaṇṇanā niṭṭhitā.
੧੦. ਰੋਦਨਸਿਕ੍ਖਾਪਦવਣ੍ਣਨਾ
10. Rodanasikkhāpadavaṇṇanā
ਦਸਮੇ વਧਿਤ੍વਾਤਿ ਹਤ੍ਥਾਦੀਹਿ ਪਹਰਿਤ੍વਾ, ਉਭਯਂ ਕਰੋਨ੍ਤਿਯਾવ ਪਾਚਿਤ੍ਤਿਯਂ।
Dasame vadhitvāti hatthādīhi paharitvā, ubhayaṃ karontiyāva pācittiyaṃ.
ਸਾવਤ੍ਥਿਯਂ ਚਣ੍ਡਕਾਲ਼ਿਂ ਆਰਬ੍ਭ ਅਤ੍ਤਾਨਂ વਧਿਤ੍વਾ ਰੋਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਕੇવਲਂ વਧਨ੍ਤਿਯਾ વਾ ਰੋਦਨ੍ਤਿਯਾ વਾ ਦੁਕ੍ਕਟਮੇવ। ਞਾਤਿਰੋਗਭੋਗਬ੍ਯਸਨੇਹਿ ਫੁਟ੍ਠਾਯ ਕੇવਲਂ ਰੋਦਨ੍ਤਿਯਾ ਏવ ਨ વਧਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਤ੍ਤਾਨਂ વਧਨਞ੍ਚੇવ, ਰੋਦਨਞ੍ਚਾਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਮਨੁਭਾਸਨਸਦਿਸਾਨਿ, ਇਦਂ ਪਨ ਕਿਰਿਯਮੇવਾਤਿ।
Sāvatthiyaṃ caṇḍakāḷiṃ ārabbha attānaṃ vadhitvā rodanavatthusmiṃ paññattaṃ, kevalaṃ vadhantiyā vā rodantiyā vā dukkaṭameva. Ñātirogabhogabyasanehi phuṭṭhāya kevalaṃ rodantiyā eva na vadhantiyā, ummattikādīnañca anāpatti. Attānaṃ vadhanañceva, rodanañcāti imānettha dve aṅgāni. Samuṭṭhānādīni samanubhāsanasadisāni, idaṃ pana kiriyamevāti.
ਰੋਦਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Rodanasikkhāpadavaṇṇanā niṭṭhitā.
ਰਤ੍ਤਨ੍ਧਕਾਰવਗ੍ਗੋ ਦੁਤਿਯੋ।
Rattandhakāravaggo dutiyo.
