| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. радтабааласуд̇д̇ам̣
2. Raṭṭhapālasuttaṃ
293. звам̣ мз суд̇ам̣ – згам̣ самаяам̣ бхаг̇аваа гуруусу жааригам̣ жарамаано махад̇аа бхигкусан̇гхзна сад̣̇д̇хим̣ язна т̇уллагодтигам̣ 1 наама гуруунам̣ ниг̇амо д̇ад̣̇авасари. ассосум̣ ко т̇уллагодтигаа 2 б̣раахман̣аг̇ахабад̇игаа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о гуруусу жааригам̣ жарамаано махад̇аа бхигкусан̇гхзна сад̣̇д̇хим̣ т̇уллагодтигам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и. ат̇а ко т̇уллагодтигаа б̣раахман̣аг̇ахабад̇игаа язна бхаг̇аваа д̇знубасан̇гамим̣су; убасан̇гамид̇ваа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су; аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су; аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су; аббзгажжз бхаг̇авад̇о санд̇игз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су; аббзгажжз д̇ун̣хийбхууд̇аа згаманд̇ам̣ нисийд̣̇им̣су. згаманд̇ам̣ нисиннз ко т̇уллагодтигз б̣раахман̣аг̇ахабад̇игз бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси.
293. Evaṃ me sutaṃ – ekaṃ samayaṃ bhagavā kurūsu cārikaṃ caramāno mahatā bhikkhusaṅghena saddhiṃ yena thullakoṭṭhikaṃ 3 nāma kurūnaṃ nigamo tadavasari. Assosuṃ kho thullakoṭṭhikā 4 brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito kurūsu cārikaṃ caramāno mahatā bhikkhusaṅghena saddhiṃ thullakoṭṭhikaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti. Atha kho thullakoṭṭhikā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu; appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu; appekacce yena bhagavā tenañjaliṃ paṇāmetvā ekamantaṃ nisīdiṃsu; appekacce bhagavato santike nāmagottaṃ sāvetvā ekamantaṃ nisīdiṃsu; appekacce tuṇhībhūtā ekamantaṃ nisīdiṃsu. Ekamantaṃ nisinne kho thullakoṭṭhike brāhmaṇagahapatike bhagavā dhammiyā kathāya sandassesi samādapesi samuttejesi sampahaṃsesi.
294. д̇зна ко бана самаязна радтабаало наама гулабуд̇д̇о д̇асмим̣язва т̇уллагодтигз аг̇г̇агуласса 5 буд̇д̇о д̇иссам̣ барисааяам̣ нисинно ход̇и. ат̇а ко радтабааласса гулабуд̇д̇асса зд̇ад̣̇ахоси – ‘‘яат̇аа яат̇аа кваахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами 6, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’’нд̇и. ат̇а ко т̇уллагодтигаа б̣раахман̣аг̇ахабад̇игаа бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су. ат̇а ко радтабаало гулабуд̇д̇о ажирабагганд̇зсу т̇уллагодтигзсу б̣раахман̣аг̇ахабад̇игзсу язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко радтабаало гулабуд̇д̇о бхаг̇аванд̇ам̣ зд̇ад̣̇авожа – ‘‘яат̇аа яат̇аахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. ижчаамахам̣, бханд̇з, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇ам̣. баб̣б̣ааж̇зд̇у мам̣ бхаг̇аваа’’д̇и 7. ‘‘анун̃н̃аад̇оси бана д̇вам̣, радтабаала, маад̇аабид̇уухи аг̇аарасмаа анаг̇аарияам̣ баб̣б̣аж̇ж̇ааяаа’’д̇и? ‘‘на кохам̣, бханд̇з, анун̃н̃аад̇о маад̇аабид̇уухи аг̇аарасмаа анаг̇аарияам̣ баб̣б̣аж̇ж̇ааяаа’’д̇и. ‘‘на ко, радтабаала, д̇ат̇ааг̇ад̇аа ананун̃н̃аад̇ам̣ маад̇аабид̇уухи буд̇д̇ам̣ баб̣б̣ааж̇знд̇ий’’д̇и. ‘‘сваахам̣, бханд̇з, д̇ат̇аа гариссаами яат̇аа мам̣ маад̇аабид̇аро ануж̇ааниссанд̇и аг̇аарасмаа анаг̇аарияам̣ баб̣б̣аж̇ж̇ааяаа’’д̇и.
294. Tena kho pana samayena raṭṭhapālo nāma kulaputto tasmiṃyeva thullakoṭṭhike aggakulassa 8 putto tissaṃ parisāyaṃ nisinno hoti. Atha kho raṭṭhapālassa kulaputtassa etadahosi – ‘‘yathā yathā khvāhaṃ bhagavatā dhammaṃ desitaṃ ājānāmi 9, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’’nti. Atha kho thullakoṭṭhikā brāhmaṇagahapatikā bhagavatā dhammiyā kathāya sandassitā samādapitā samuttejitā sampahaṃsitā bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu. Atha kho raṭṭhapālo kulaputto acirapakkantesu thullakoṭṭhikesu brāhmaṇagahapatikesu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho raṭṭhapālo kulaputto bhagavantaṃ etadavoca – ‘‘yathā yathāhaṃ, bhante, bhagavatā dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Icchāmahaṃ, bhante, kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Labheyyāhaṃ, bhante, bhagavato santike pabbajjaṃ, labheyyaṃ upasampadaṃ. Pabbājetu maṃ bhagavā’’ti 10. ‘‘Anuññātosi pana tvaṃ, raṭṭhapāla, mātāpitūhi agārasmā anagāriyaṃ pabbajjāyā’’ti? ‘‘Na khohaṃ, bhante, anuññāto mātāpitūhi agārasmā anagāriyaṃ pabbajjāyā’’ti. ‘‘Na kho, raṭṭhapāla, tathāgatā ananuññātaṃ mātāpitūhi puttaṃ pabbājentī’’ti. ‘‘Svāhaṃ, bhante, tathā karissāmi yathā maṃ mātāpitaro anujānissanti agārasmā anagāriyaṃ pabbajjāyā’’ti.
295. ат̇а ко радтабаало гулабуд̇д̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна маад̇аабид̇аро д̇знубасан̇гами; убасан̇гамид̇ваа маад̇аабид̇аро зд̇ад̣̇авожа – ‘‘аммад̇аад̇аа, яат̇аа яат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. ижчаамахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. ануж̇аанаат̇а мам̣ аг̇аарасмаа анаг̇аарияам̣ баб̣б̣аж̇ж̇ааяаа’’д̇и. звам̣ вуд̇д̇з, радтабааласса гулабуд̇д̇асса маад̇аабид̇аро радтабаалам̣ гулабуд̇д̇ам̣ зд̇ад̣̇авожум̣ – ‘‘д̇вам̣ коси, д̇аад̇а радтабаала, амхаагам̣ згабуд̇д̇аго бияо манаабо сукзд̇хид̇о сукабарибхад̇о 11. на д̇вам̣, д̇аад̇а радтабаала , гассажи д̣̇угкасса ж̇аанааси. маран̣знаби д̇з маяам̣ агаамагаа винаа бхависсаама. гим̣ бана маяам̣ д̇ам̣ ж̇ийванд̇ам̣ ануж̇ааниссаама аг̇аарасмаа анаг̇аарияам̣ баб̣б̣аж̇ж̇ааяаа’’д̇и? д̣̇уд̇ияамби ко радтабаало гулабуд̇д̇о…бз… д̇ад̇ияамби ко радтабаало гулабуд̇д̇о маад̇аабид̇аро зд̇ад̣̇авожа – ‘‘аммад̇аад̇аа, яат̇аа яат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. ижчаамахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. ануж̇аанаат̇а мам̣ аг̇аарасмаа анаг̇аарияам̣ баб̣б̣аж̇ж̇ааяаа’’д̇и. д̇ад̇ияамби ко радтабааласса гулабуд̇д̇асса маад̇аабид̇аро радтабаалам̣ гулабуд̇д̇ам̣ зд̇ад̣̇авожум̣ – ‘‘д̇вам̣ коси, д̇аад̇а радтабаала, амхаагам̣ згабуд̇д̇аго бияо манаабо сукзд̇хид̇о сукабарибхад̇о. на д̇вам̣, д̇аад̇а радтабаала, гассажи д̣̇угкасса ж̇аанааси. маран̣знаби д̇з маяам̣ агаамагаа винаа бхависсаама. гим̣ бана маяам̣ д̇ам̣ ж̇ийванд̇ам̣ ануж̇ааниссаама аг̇аарасмаа анаг̇аарияам̣ баб̣б̣аж̇ж̇ааяаа’’д̇и?
295. Atha kho raṭṭhapālo kulaputto uṭṭhāyāsanā bhagavantaṃ abhivādetvā padakkhiṇaṃ katvā yena mātāpitaro tenupasaṅkami; upasaṅkamitvā mātāpitaro etadavoca – ‘‘ammatātā, yathā yathāhaṃ bhagavatā dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Icchāmahaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Anujānātha maṃ agārasmā anagāriyaṃ pabbajjāyā’’ti. Evaṃ vutte, raṭṭhapālassa kulaputtassa mātāpitaro raṭṭhapālaṃ kulaputtaṃ etadavocuṃ – ‘‘tvaṃ khosi, tāta raṭṭhapāla, amhākaṃ ekaputtako piyo manāpo sukhedhito sukhaparibhato 12. Na tvaṃ, tāta raṭṭhapāla , kassaci dukkhassa jānāsi. Maraṇenapi te mayaṃ akāmakā vinā bhavissāma. Kiṃ pana mayaṃ taṃ jīvantaṃ anujānissāma agārasmā anagāriyaṃ pabbajjāyā’’ti? Dutiyampi kho raṭṭhapālo kulaputto…pe… tatiyampi kho raṭṭhapālo kulaputto mātāpitaro etadavoca – ‘‘ammatātā, yathā yathāhaṃ bhagavatā dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Icchāmahaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Anujānātha maṃ agārasmā anagāriyaṃ pabbajjāyā’’ti. Tatiyampi kho raṭṭhapālassa kulaputtassa mātāpitaro raṭṭhapālaṃ kulaputtaṃ etadavocuṃ – ‘‘tvaṃ khosi, tāta raṭṭhapāla, amhākaṃ ekaputtako piyo manāpo sukhedhito sukhaparibhato. Na tvaṃ, tāta raṭṭhapāla, kassaci dukkhassa jānāsi. Maraṇenapi te mayaṃ akāmakā vinā bhavissāma. Kiṃ pana mayaṃ taṃ jīvantaṃ anujānissāma agārasmā anagāriyaṃ pabbajjāyā’’ti?
296. ат̇а ко радтабаало гулабуд̇д̇о – ‘‘на мам̣ маад̇аабид̇аро ануж̇аананд̇и аг̇аарасмаа анаг̇аарияам̣ баб̣б̣аж̇ж̇ааяаа’’д̇и д̇ад̇т̇зва ананд̇арахид̇ааяа бхуумияаа нибаж̇ж̇и – ‘‘ид̇хзва мз маран̣ам̣ бхависсад̇и баб̣б̣аж̇ж̇аа ваа’’д̇и. ат̇а ко радтабаало гулабуд̇д̇о згамби бхад̇д̇ам̣ на бхун̃ж̇и, д̣̇взби бхад̇д̇аани на бхун̃ж̇и, д̇ийн̣иби бхад̇д̇аани на бхун̃ж̇и, жад̇д̇аариби бхад̇д̇аани на бхун̃ж̇и, бан̃жаби бхад̇д̇аани на бхун̃ж̇и, чаби бхад̇д̇аани на бхун̃ж̇и, сад̇д̇аби бхад̇д̇аани на бхун̃ж̇и. ат̇а ко радтабааласса гулабуд̇д̇асса маад̇аабид̇аро радтабаалам̣ гулабуд̇д̇ам̣ зд̇ад̣̇авожум̣ – ‘‘д̇вам̣ коси, д̇аад̇а радтабаала, амхаагам̣ згабуд̇д̇аго бияо манаабо сукзд̇хид̇о сукабарибхад̇о. на д̇вам̣, д̇аад̇а радтабаала, гассажи, д̣̇угкасса ж̇аанааси 13. маран̣знаби д̇з маяам̣ агаамагаа винаа бхависсаама. гим̣ бана маяам̣ д̇ам̣ ж̇ийванд̇ам̣ ануж̇ааниссаама аг̇аарасмаа анаг̇аарияам̣ баб̣б̣аж̇ж̇ааяа. удтзхи, д̇аад̇а радтабаала, бхун̃ж̇а жа бива жа барижаарзхи жа; бхун̃ж̇анд̇о биванд̇о барижаарзнд̇о гаамз барибхун̃ж̇анд̇о бун̃н̃аани гаронд̇о абхирамассу. на д̇ам̣ маяам̣ ануж̇аанаама аг̇аарасмаа анаг̇аарияам̣ баб̣б̣аж̇ж̇ааяа 14. маран̣знаби д̇з маяам̣ агаамагаа винаа бхависсаама. гим̣ бана маяам̣ д̇ам̣ ж̇ийванд̇ам̣ ануж̇ааниссаама аг̇аарасмаа анаг̇аарияам̣ баб̣б̣аж̇ж̇ааяаа’’д̇и? звам̣ вуд̇д̇з, радтабаало гулабуд̇д̇о д̇ун̣хий ахоси. д̣̇уд̇ияамби ко радтабааласса гулабуд̇д̇асса маад̇аабид̇аро радтабаалам̣ гулабуд̇д̇ам̣ зд̇ад̣̇авожум̣…бз… д̣̇уд̇ияамби ко радтабаало гулабуд̇д̇о д̇ун̣хий ахоси. д̇ад̇ияамби ко радтабааласса гулабуд̇д̇асса маад̇аабид̇аро радтабаалам̣ гулабуд̇д̇ам̣ зд̇ад̣̇авожум̣ – ‘‘д̇вам̣ коси, д̇аад̇а радтабаала, амхаагам̣ згабуд̇д̇аго бияо манаабо сукзд̇хид̇о сукабарибхад̇о. на д̇вам̣, д̇аад̇а радтабаала, гассажи д̣̇угкасса ж̇аанааси. маран̣знаби д̇з маяам̣ агаамагаа винаа бхависсаама, гим̣ бана маяам̣ д̇ам̣ ж̇ийванд̇ам̣ ануж̇ааниссаама аг̇аарасмаа анаг̇аарияам̣ баб̣б̣аж̇ж̇ааяа. удтзхи, д̇аад̇а радтабаала, бхун̃ж̇а жа бива жа барижаарзхи жа; бхун̃ж̇анд̇о биванд̇о барижаарзнд̇о гаамз барибхун̃ж̇анд̇о бун̃н̃аани гаронд̇о абхирамассу. на д̇ам̣ маяам̣ ануж̇аанаама аг̇аарасмаа анаг̇аарияам̣ баб̣б̣аж̇ж̇ааяа. маран̣знаби д̇з маяам̣ агаамагаа винаа бхависсаама . гим̣ бана маяам̣ д̇ам̣ ж̇ийванд̇ам̣ ануж̇ааниссаама аг̇аарасмаа анаг̇аарияам̣ баб̣б̣аж̇ж̇ааяаа’’д̇и? д̇ад̇ияамби ко радтабаало гулабуд̇д̇о д̇ун̣хий ахоси.
296. Atha kho raṭṭhapālo kulaputto – ‘‘na maṃ mātāpitaro anujānanti agārasmā anagāriyaṃ pabbajjāyā’’ti tattheva anantarahitāya bhūmiyā nipajji – ‘‘idheva me maraṇaṃ bhavissati pabbajjā vā’’ti. Atha kho raṭṭhapālo kulaputto ekampi bhattaṃ na bhuñji, dvepi bhattāni na bhuñji, tīṇipi bhattāni na bhuñji, cattāripi bhattāni na bhuñji, pañcapi bhattāni na bhuñji, chapi bhattāni na bhuñji, sattapi bhattāni na bhuñji. Atha kho raṭṭhapālassa kulaputtassa mātāpitaro raṭṭhapālaṃ kulaputtaṃ etadavocuṃ – ‘‘tvaṃ khosi, tāta raṭṭhapāla, amhākaṃ ekaputtako piyo manāpo sukhedhito sukhaparibhato. Na tvaṃ, tāta raṭṭhapāla, kassaci, dukkhassa jānāsi 15. Maraṇenapi te mayaṃ akāmakā vinā bhavissāma. Kiṃ pana mayaṃ taṃ jīvantaṃ anujānissāma agārasmā anagāriyaṃ pabbajjāya. Uṭṭhehi, tāta raṭṭhapāla, bhuñja ca piva ca paricārehi ca; bhuñjanto pivanto paricārento kāme paribhuñjanto puññāni karonto abhiramassu. Na taṃ mayaṃ anujānāma agārasmā anagāriyaṃ pabbajjāya 16. Maraṇenapi te mayaṃ akāmakā vinā bhavissāma. Kiṃ pana mayaṃ taṃ jīvantaṃ anujānissāma agārasmā anagāriyaṃ pabbajjāyā’’ti? Evaṃ vutte, raṭṭhapālo kulaputto tuṇhī ahosi. Dutiyampi kho raṭṭhapālassa kulaputtassa mātāpitaro raṭṭhapālaṃ kulaputtaṃ etadavocuṃ…pe… dutiyampi kho raṭṭhapālo kulaputto tuṇhī ahosi. Tatiyampi kho raṭṭhapālassa kulaputtassa mātāpitaro raṭṭhapālaṃ kulaputtaṃ etadavocuṃ – ‘‘tvaṃ khosi, tāta raṭṭhapāla, amhākaṃ ekaputtako piyo manāpo sukhedhito sukhaparibhato. Na tvaṃ, tāta raṭṭhapāla, kassaci dukkhassa jānāsi. Maraṇenapi te mayaṃ akāmakā vinā bhavissāma, kiṃ pana mayaṃ taṃ jīvantaṃ anujānissāma agārasmā anagāriyaṃ pabbajjāya. Uṭṭhehi, tāta raṭṭhapāla, bhuñja ca piva ca paricārehi ca; bhuñjanto pivanto paricārento kāme paribhuñjanto puññāni karonto abhiramassu. Na taṃ mayaṃ anujānāma agārasmā anagāriyaṃ pabbajjāya. Maraṇenapi te mayaṃ akāmakā vinā bhavissāma . Kiṃ pana mayaṃ taṃ jīvantaṃ anujānissāma agārasmā anagāriyaṃ pabbajjāyā’’ti? Tatiyampi kho raṭṭhapālo kulaputto tuṇhī ahosi.
297. ат̇а ко радтабааласса гулабуд̇д̇асса сахааяагаа язна радтабаало гулабуд̇д̇о д̇знубасан̇гамим̣су; убасан̇гамид̇ваа радтабаалам̣ гулабуд̇д̇ам̣ зд̇ад̣̇авожум̣ – ‘‘д̇вам̣ коси 17, самма радтабаала, маад̇аабид̇уунам̣ згабуд̇д̇аго бияо манаабо сукзд̇хид̇о сукабарибхад̇о. на д̇вам̣, самма радтабаала, гассажи д̣̇угкасса ж̇аанааси. маран̣знаби д̇з маад̇аабид̇аро агаамагаа винаа бхависсанд̇и. гим̣ бана д̇з д̇ам̣ ж̇ийванд̇ам̣ ануж̇ааниссанд̇и аг̇аарасмаа анаг̇аарияам̣ баб̣б̣аж̇ж̇ааяа. удтзхи, самма радтабаала, бхун̃ж̇а жа бива жа барижаарзхи жа; бхун̃ж̇анд̇о биванд̇о барижаарзнд̇о гаамз барибхун̃ж̇анд̇о бун̃н̃аани гаронд̇о абхирамассу. на д̇ам̣ маад̇аабид̇аро ануж̇ааниссанд̇и 18 аг̇аарасмаа анаг̇аарияам̣ баб̣б̣аж̇ж̇ааяа. маран̣знаби д̇з маад̇аабид̇аро агаамагаа винаа бхависсанд̇и. гим̣ бана д̇з д̇ам̣ ж̇ийванд̇ам̣ ануж̇ааниссанд̇и аг̇аарасмаа анаг̇аарияам̣ баб̣б̣аж̇ж̇ааяаа’’д̇и? звам̣ вуд̇д̇з, радтабаало гулабуд̇д̇о д̇ун̣хий ахоси. д̣̇уд̇ияамби ко… д̇ад̇ияамби ко радтабааласса гулабуд̇д̇асса сахааяагаа радтабаалам̣ гулабуд̇д̇ам̣ зд̇ад̣̇авожум̣ – ‘‘д̇вам̣ коси, самма радтабаала, маад̇аабид̇уунам̣ згабуд̇д̇аго бияо манаабо сукзд̇хид̇о сукабарибхад̇о, на д̇вам̣, самма радтабаала, гассажи д̣̇угкасса ж̇аанааси, маран̣знаби д̇з маад̇аабид̇аро агаамагаа винаа бхависсанд̇и. гим̣ бана д̇з д̇ам̣ ж̇ийванд̇ам̣ ануж̇ааниссанд̇и аг̇аарасмаа анаг̇аарияам̣ баб̣б̣аж̇ж̇ааяа? удтзхи, самма радтабаала, бхун̃ж̇а жа бива жа барижаарзхи жа, бхун̃ж̇анд̇о биванд̇о барижаарзнд̇о гаамз барибхун̃ж̇анд̇о бун̃н̃аани гаронд̇о абхирамассу. на д̇ам̣ маад̇аабид̇аро ануж̇ааниссанд̇и аг̇аарасмаа анаг̇аарияам̣ баб̣б̣аж̇ж̇ааяа, маран̣знаби д̇з маад̇аабид̇аро агаамагаа винаа бхависсанд̇и. гим̣ бана д̇з д̇ам̣ ж̇ийванд̇ам̣ ануж̇ааниссанд̇и аг̇аарасмаа анаг̇аарияам̣ баб̣б̣аж̇ж̇ааяаа’’д̇и? д̇ад̇ияамби ко радтабаало гулабуд̇д̇о д̇ун̣хий ахоси.
297. Atha kho raṭṭhapālassa kulaputtassa sahāyakā yena raṭṭhapālo kulaputto tenupasaṅkamiṃsu; upasaṅkamitvā raṭṭhapālaṃ kulaputtaṃ etadavocuṃ – ‘‘tvaṃ khosi 19, samma raṭṭhapāla, mātāpitūnaṃ ekaputtako piyo manāpo sukhedhito sukhaparibhato. Na tvaṃ, samma raṭṭhapāla, kassaci dukkhassa jānāsi. Maraṇenapi te mātāpitaro akāmakā vinā bhavissanti. Kiṃ pana te taṃ jīvantaṃ anujānissanti agārasmā anagāriyaṃ pabbajjāya. Uṭṭhehi, samma raṭṭhapāla, bhuñja ca piva ca paricārehi ca; bhuñjanto pivanto paricārento kāme paribhuñjanto puññāni karonto abhiramassu. Na taṃ mātāpitaro anujānissanti 20 agārasmā anagāriyaṃ pabbajjāya. Maraṇenapi te mātāpitaro akāmakā vinā bhavissanti. Kiṃ pana te taṃ jīvantaṃ anujānissanti agārasmā anagāriyaṃ pabbajjāyā’’ti? Evaṃ vutte, raṭṭhapālo kulaputto tuṇhī ahosi. Dutiyampi kho… tatiyampi kho raṭṭhapālassa kulaputtassa sahāyakā raṭṭhapālaṃ kulaputtaṃ etadavocuṃ – ‘‘tvaṃ khosi, samma raṭṭhapāla, mātāpitūnaṃ ekaputtako piyo manāpo sukhedhito sukhaparibhato, na tvaṃ, samma raṭṭhapāla, kassaci dukkhassa jānāsi, maraṇenapi te mātāpitaro akāmakā vinā bhavissanti. Kiṃ pana te taṃ jīvantaṃ anujānissanti agārasmā anagāriyaṃ pabbajjāya? Uṭṭhehi, samma raṭṭhapāla, bhuñja ca piva ca paricārehi ca, bhuñjanto pivanto paricārento kāme paribhuñjanto puññāni karonto abhiramassu. Na taṃ mātāpitaro anujānissanti agārasmā anagāriyaṃ pabbajjāya, maraṇenapi te mātāpitaro akāmakā vinā bhavissanti. Kiṃ pana te taṃ jīvantaṃ anujānissanti agārasmā anagāriyaṃ pabbajjāyā’’ti? Tatiyampi kho raṭṭhapālo kulaputto tuṇhī ahosi.
298. ат̇а ко радтабааласса гулабуд̇д̇асса сахааяагаа язна радтабааласса гулабуд̇д̇асса маад̇аабид̇аро д̇знубасан̇гамим̣су; убасан̇гамид̇ваа радтабааласса гулабуд̇д̇асса маад̇аабид̇аро зд̇ад̣̇авожум̣ – ‘‘аммад̇аад̇аа, зсо радтабаало гулабуд̇д̇о д̇ад̇т̇зва ананд̇арахид̇ааяа бхуумияаа нибанно – ‘ид̇хзва мз маран̣ам̣ бхависсад̇и баб̣б̣аж̇ж̇аа ваа’д̇и. сажз д̇умхз радтабаалам̣ гулабуд̇д̇ам̣ наануж̇ааниссат̇а аг̇аарасмаа анаг̇аарияам̣ баб̣б̣аж̇ж̇ааяа, д̇ад̇т̇зва 21 маран̣ам̣ ааг̇амиссад̇и. сажз бана д̇умхз радтабаалам̣ гулабуд̇д̇ам̣ ануж̇ааниссат̇а аг̇аарасмаа анаг̇аарияам̣ баб̣б̣аж̇ж̇ааяа, баб̣б̣аж̇ид̇амби нам̣ д̣̇агкиссат̇а. сажз радтабаало гулабуд̇д̇о наабхирамиссад̇и аг̇аарасмаа анаг̇аарияам̣ баб̣б̣аж̇ж̇ааяа, гаа д̇асса 22 ан̃н̃аа г̇ад̇и бхависсад̇и? ид̇хзва бажжааг̇амиссад̇и. ануж̇аанаат̇а радтабаалам̣ гулабуд̇д̇ам̣ аг̇аарасмаа анаг̇аарияам̣ баб̣б̣аж̇ж̇ааяаа’’д̇и. ‘‘ануж̇аанаама, д̇аад̇аа, радтабаалам̣ гулабуд̇д̇ам̣ аг̇аарасмаа анаг̇аарияам̣ баб̣б̣аж̇ж̇ааяа. баб̣б̣аж̇ид̇зна жа бана 23 маад̇аабид̇аро уд̣̇д̣̇ассзд̇аб̣б̣аа’’д̇и. ат̇а ко радтабааласса гулабуд̇д̇асса сахааяагаа язна радтабаало гулабуд̇д̇о д̇знубасан̇гамим̣су; убасан̇гамид̇ваа радтабаалам̣ гулабуд̇д̇ам̣ зд̇ад̣̇авожум̣ – ‘‘удтзхи, самма радтабаала 24, анун̃н̃аад̇оси маад̇аабид̇уухи аг̇аарасмаа анаг̇аарияам̣ баб̣б̣аж̇ж̇ааяа. баб̣б̣аж̇ид̇зна жа бана д̇з маад̇аабид̇аро уд̣̇д̣̇ассзд̇аб̣б̣аа’’д̇и.
298. Atha kho raṭṭhapālassa kulaputtassa sahāyakā yena raṭṭhapālassa kulaputtassa mātāpitaro tenupasaṅkamiṃsu; upasaṅkamitvā raṭṭhapālassa kulaputtassa mātāpitaro etadavocuṃ – ‘‘ammatātā, eso raṭṭhapālo kulaputto tattheva anantarahitāya bhūmiyā nipanno – ‘idheva me maraṇaṃ bhavissati pabbajjā vā’ti. Sace tumhe raṭṭhapālaṃ kulaputtaṃ nānujānissatha agārasmā anagāriyaṃ pabbajjāya, tattheva 25 maraṇaṃ āgamissati. Sace pana tumhe raṭṭhapālaṃ kulaputtaṃ anujānissatha agārasmā anagāriyaṃ pabbajjāya, pabbajitampi naṃ dakkhissatha. Sace raṭṭhapālo kulaputto nābhiramissati agārasmā anagāriyaṃ pabbajjāya, kā tassa 26 aññā gati bhavissati? Idheva paccāgamissati. Anujānātha raṭṭhapālaṃ kulaputtaṃ agārasmā anagāriyaṃ pabbajjāyā’’ti. ‘‘Anujānāma, tātā, raṭṭhapālaṃ kulaputtaṃ agārasmā anagāriyaṃ pabbajjāya. Pabbajitena ca pana 27 mātāpitaro uddassetabbā’’ti. Atha kho raṭṭhapālassa kulaputtassa sahāyakā yena raṭṭhapālo kulaputto tenupasaṅkamiṃsu; upasaṅkamitvā raṭṭhapālaṃ kulaputtaṃ etadavocuṃ – ‘‘uṭṭhehi, samma raṭṭhapāla 28, anuññātosi mātāpitūhi agārasmā anagāriyaṃ pabbajjāya. Pabbajitena ca pana te mātāpitaro uddassetabbā’’ti.
299. ат̇а ко радтабаало гулабуд̇д̇о удтахид̇ваа б̣алам̣ г̇аахзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко радтабаало гулабуд̇д̇о бхаг̇аванд̇ам̣ зд̇ад̣̇авожа – ‘‘анун̃н̃аад̇о ахам̣, бханд̇з, маад̇аабид̇уухи аг̇аарасмаа анаг̇аарияам̣ баб̣б̣аж̇ж̇ааяа. баб̣б̣ааж̇зд̇у мам̣ бхаг̇аваа’’д̇и. алад̇т̇а ко радтабаало гулабуд̇д̇о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ат̇а ко бхаг̇аваа ажируубасамбаннз ааяасманд̇з радтабаалз ад̣дхамаасуубасамбаннз т̇уллагодтигз яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа радтабаало зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃ааси. ан̃н̃ад̇аро ко банааяасмаа радтабаало арахад̇ам̣ ахоси.
299. Atha kho raṭṭhapālo kulaputto uṭṭhahitvā balaṃ gāhetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho raṭṭhapālo kulaputto bhagavantaṃ etadavoca – ‘‘anuññāto ahaṃ, bhante, mātāpitūhi agārasmā anagāriyaṃ pabbajjāya. Pabbājetu maṃ bhagavā’’ti. Alattha kho raṭṭhapālo kulaputto bhagavato santike pabbajjaṃ, alattha upasampadaṃ. Atha kho bhagavā acirūpasampanne āyasmante raṭṭhapāle aḍḍhamāsūpasampanne thullakoṭṭhike yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā raṭṭhapālo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā raṭṭhapālo arahataṃ ahosi.
ат̇а ко ааяасмаа радтабаало язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа радтабаало бхаг̇аванд̇ам̣ зд̇ад̣̇авожа – ‘‘ижчаамахам̣, бханд̇з, маад̇аабид̇аро уд̣̇д̣̇ассзд̇ум̣, сажз мам̣ бхаг̇аваа ануж̇аанаад̇ий’’д̇и. ат̇а ко бхаг̇аваа ааяасмад̇о радтабааласса жзд̇асаа жзд̇о барижжа 29 манасаагааси. яат̇аа 30 бхаг̇аваа ан̃н̃ааси – ‘‘абхаб̣б̣о ко радтабаало гулабуд̇д̇о сигкам̣ бажжагкааяа хийнааяаавад̇д̇ид̇у’’нд̇и, ат̇а ко бхаг̇аваа ааяасманд̇ам̣ радтабаалам̣ зд̇ад̣̇авожа – ‘‘яассад̣̇аани д̇вам̣, радтабаала, гаалам̣ ман̃н̃асий’’д̇и. ат̇а ко ааяасмаа радтабаало удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа сзнаасанам̣ сам̣саамзд̇ваа бад̇д̇ажийварамаад̣̇ааяа язна т̇уллагодтигам̣ д̇зна жааригам̣ баггаами. анубуб̣б̣зна жааригам̣ жарамаано язна т̇уллагодтиго д̇ад̣̇авасари. д̇ад̇ра суд̣̇ам̣ ааяасмаа радтабаало т̇уллагодтигз вихарад̇и ран̃н̃о гораб̣яасса миг̇ажийрз. ат̇а ко ааяасмаа радтабаало буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа т̇уллагодтигам̣ бин̣д̣ааяа баависи. т̇уллагодтигз сабад̣̇аанам̣ бин̣д̣ааяа жарамаано язна сагабид̇у нивзсанам̣ д̇знубасан̇гами. д̇зна ко бана самаязна ааяасмад̇о радтабааласса бид̇аа маж̇жхимааяа д̣̇ваарасаалааяа улликаабзд̇и. ад̣̇д̣̇асаа ко ааяасмад̇о радтабааласса бид̇аа ааяасманд̇ам̣ радтабаалам̣ д̣̇уурад̇ова ааг̇ажчанд̇ам̣. д̣̇исваана зд̇ад̣̇авожа – ‘‘имзхи мун̣д̣агзхи саман̣агзхи амхаагам̣ згабуд̇д̇аго бияо манаабо баб̣б̣ааж̇ид̇о’’д̇и . ат̇а ко ааяасмаа радтабаало сагабид̇у нивзсанз нзва д̣̇аанам̣ алад̇т̇а на бажжагкаанам̣; ан̃н̃ад̣̇ад̇т̇у аггосамзва алад̇т̇а. д̇зна ко бана самаязна ааяасмад̇о радтабааласса н̃аад̇ид̣̇аасий аабхид̣̇осигам̣ гуммаасам̣ чад̣д̣зд̇угаамаа ход̇и. ат̇а ко ааяасмаа радтабаало д̇ам̣ н̃аад̇ид̣̇аасим̣ зд̇ад̣̇авожа – ‘‘сажзд̇ам̣, бхаг̇ини, чад̣д̣анийяад̇хаммам̣, ид̇ха мз бад̇д̇з аагираа’’д̇и. ат̇а ко ааяасмад̇о радтабааласса н̃аад̇ид̣̇аасий д̇ам̣ аабхид̣̇осигам̣ гуммаасам̣ ааяасмад̇о радтабааласса бад̇д̇з аагиранд̇ий хад̇т̇аанан̃жа баад̣̇аанан̃жа сарасса жа нимид̇д̇ам̣ аг̇г̇ахзси.
Atha kho āyasmā raṭṭhapālo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā raṭṭhapālo bhagavantaṃ etadavoca – ‘‘icchāmahaṃ, bhante, mātāpitaro uddassetuṃ, sace maṃ bhagavā anujānātī’’ti. Atha kho bhagavā āyasmato raṭṭhapālassa cetasā ceto paricca 31 manasākāsi. Yathā 32 bhagavā aññāsi – ‘‘abhabbo kho raṭṭhapālo kulaputto sikkhaṃ paccakkhāya hīnāyāvattitu’’nti, atha kho bhagavā āyasmantaṃ raṭṭhapālaṃ etadavoca – ‘‘yassadāni tvaṃ, raṭṭhapāla, kālaṃ maññasī’’ti. Atha kho āyasmā raṭṭhapālo uṭṭhāyāsanā bhagavantaṃ abhivādetvā padakkhiṇaṃ katvā senāsanaṃ saṃsāmetvā pattacīvaramādāya yena thullakoṭṭhikaṃ tena cārikaṃ pakkāmi. Anupubbena cārikaṃ caramāno yena thullakoṭṭhiko tadavasari. Tatra sudaṃ āyasmā raṭṭhapālo thullakoṭṭhike viharati rañño korabyassa migacīre. Atha kho āyasmā raṭṭhapālo pubbaṇhasamayaṃ nivāsetvā pattacīvaramādāya thullakoṭṭhikaṃ piṇḍāya pāvisi. Thullakoṭṭhike sapadānaṃ piṇḍāya caramāno yena sakapitu nivesanaṃ tenupasaṅkami. Tena kho pana samayena āyasmato raṭṭhapālassa pitā majjhimāya dvārasālāya ullikhāpeti. Addasā kho āyasmato raṭṭhapālassa pitā āyasmantaṃ raṭṭhapālaṃ dūratova āgacchantaṃ. Disvāna etadavoca – ‘‘imehi muṇḍakehi samaṇakehi amhākaṃ ekaputtako piyo manāpo pabbājito’’ti . Atha kho āyasmā raṭṭhapālo sakapitu nivesane neva dānaṃ alattha na paccakkhānaṃ; aññadatthu akkosameva alattha. Tena kho pana samayena āyasmato raṭṭhapālassa ñātidāsī ābhidosikaṃ kummāsaṃ chaḍḍetukāmā hoti. Atha kho āyasmā raṭṭhapālo taṃ ñātidāsiṃ etadavoca – ‘‘sacetaṃ, bhagini, chaḍḍanīyadhammaṃ, idha me patte ākirā’’ti. Atha kho āyasmato raṭṭhapālassa ñātidāsī taṃ ābhidosikaṃ kummāsaṃ āyasmato raṭṭhapālassa patte ākirantī hatthānañca pādānañca sarassa ca nimittaṃ aggahesi.
300. ат̇а ко ааяасмад̇о радтабааласса н̃аад̇ид̣̇аасий язнааяасмад̇о радтабааласса маад̇аа д̇знубасан̇гами; убасан̇гамид̇ваа ааяасмад̇о радтабааласса маад̇арам̣ зд̇ад̣̇авожа – ‘‘яаг̇гхзяяз, ж̇аанзяяааси – ‘аяяабуд̇д̇о радтабаало ануббад̇д̇о’’’д̇и. ‘‘сажз, ж̇з, сажжам̣ бхан̣аси, ад̣̇аасим̣ д̇ам̣ гаромий’’д̇и 33. ат̇а ко ааяасмад̇о радтабааласса маад̇аа язнааяасмад̇о радтабааласса бид̇аа д̇знубасан̇гами; убасан̇гамид̇ваа ааяасмад̇о радтабааласса бид̇арам̣ зд̇ад̣̇авожа – ‘‘яаг̇гхз, г̇ахабад̇и, ж̇аанзяяааси – ‘радтабаало гира гулабуд̇д̇о ануббад̇д̇о’’’д̇и? д̇зна ко бана самаязна ааяасмаа радтабаало д̇ам̣ аабхид̣̇осигам̣ гуммаасам̣ ан̃н̃ад̇арам̣ гуддамуулам̣ 34 ниссааяа барибхун̃ж̇ад̇и. ат̇а ко ааяасмад̇о радтабааласса бид̇аа язнааяасмаа радтабаало д̇знубасан̇гами; убасан̇гамид̇ваа ааяасманд̇ам̣ радтабаалам̣ зд̇ад̣̇авожа – ‘‘ад̇т̇и наама, д̇аад̇а радтабаала, аабхид̣̇осигам̣ гуммаасам̣ барибхун̃ж̇иссаси? нану, д̇аад̇а радтабаала, сагам̣ г̇зхам̣ г̇анд̇аб̣б̣а’’нд̇и? ‘‘гуд̇о но, г̇ахабад̇и, амхаагам̣ г̇зхам̣ аг̇аарасмаа анаг̇аарияам̣ баб̣б̣аж̇ид̇аанам̣? анаг̇аараа маяам̣, г̇ахабад̇и. аг̇амамха ко д̇з, г̇ахабад̇и, г̇зхам̣, д̇ад̇т̇а нзва д̣̇аанам̣ алад̇т̇амха на бажжагкаанам̣; ан̃н̃ад̣̇ад̇т̇у аггосамзва алад̇т̇амхаа’’д̇и. ‘‘зхи, д̇аад̇а радтабаала, гхарам̣ г̇амиссаамаа’’д̇и. ‘‘алам̣, г̇ахабад̇и, гад̇ам̣ мз аж̇ж̇а бхад̇д̇агижжам̣’’. ‘‘д̇зна хи, д̇аад̇а радтабаала, ад̇хиваасзхи сваад̇анааяа бхад̇д̇а’’нд̇и. ад̇хиваасзси ко ааяасмаа радтабаало д̇ун̣хийбхаавзна. ат̇а ко ааяасмад̇о радтабааласса бид̇аа ааяасмад̇о радтабааласса ад̇хиваасанам̣ вид̣̇ид̇ваа язна сагам̣ нивзсанам̣ д̇знубасан̇гами; убасан̇гамид̇ваа маханд̇ам̣ хиран̃н̃асуван̣н̣асса бун̃ж̇ам̣ гаараабзд̇ваа гилан̃ж̇зхи бадижчаад̣̇зд̇ваа ааяасмад̇о радтабааласса бураан̣ад̣̇уд̇ияигаа ааманд̇зси – ‘‘зт̇а д̇умхз, вад̇хуяо, язна алан̇гаарзна алан̇гад̇аа буб̣б̣з радтабааласса гулабуд̇д̇асса бияаа хот̇а манаабаа д̇зна алан̇гаарзна алан̇гарот̇аа’’д̇и.
300. Atha kho āyasmato raṭṭhapālassa ñātidāsī yenāyasmato raṭṭhapālassa mātā tenupasaṅkami; upasaṅkamitvā āyasmato raṭṭhapālassa mātaraṃ etadavoca – ‘‘yaggheyye, jāneyyāsi – ‘ayyaputto raṭṭhapālo anuppatto’’’ti. ‘‘Sace, je, saccaṃ bhaṇasi, adāsiṃ taṃ karomī’’ti 35. Atha kho āyasmato raṭṭhapālassa mātā yenāyasmato raṭṭhapālassa pitā tenupasaṅkami; upasaṅkamitvā āyasmato raṭṭhapālassa pitaraṃ etadavoca – ‘‘yagghe, gahapati, jāneyyāsi – ‘raṭṭhapālo kira kulaputto anuppatto’’’ti? Tena kho pana samayena āyasmā raṭṭhapālo taṃ ābhidosikaṃ kummāsaṃ aññataraṃ kuṭṭamūlaṃ 36 nissāya paribhuñjati. Atha kho āyasmato raṭṭhapālassa pitā yenāyasmā raṭṭhapālo tenupasaṅkami; upasaṅkamitvā āyasmantaṃ raṭṭhapālaṃ etadavoca – ‘‘atthi nāma, tāta raṭṭhapāla, ābhidosikaṃ kummāsaṃ paribhuñjissasi? Nanu, tāta raṭṭhapāla, sakaṃ gehaṃ gantabba’’nti? ‘‘Kuto no, gahapati, amhākaṃ gehaṃ agārasmā anagāriyaṃ pabbajitānaṃ? Anagārā mayaṃ, gahapati. Agamamha kho te, gahapati, gehaṃ, tattha neva dānaṃ alatthamha na paccakkhānaṃ; aññadatthu akkosameva alatthamhā’’ti. ‘‘Ehi, tāta raṭṭhapāla, gharaṃ gamissāmā’’ti. ‘‘Alaṃ, gahapati, kataṃ me ajja bhattakiccaṃ’’. ‘‘Tena hi, tāta raṭṭhapāla, adhivāsehi svātanāya bhatta’’nti. Adhivāsesi kho āyasmā raṭṭhapālo tuṇhībhāvena. Atha kho āyasmato raṭṭhapālassa pitā āyasmato raṭṭhapālassa adhivāsanaṃ viditvā yena sakaṃ nivesanaṃ tenupasaṅkami; upasaṅkamitvā mahantaṃ hiraññasuvaṇṇassa puñjaṃ kārāpetvā kilañjehi paṭicchādetvā āyasmato raṭṭhapālassa purāṇadutiyikā āmantesi – ‘‘etha tumhe, vadhuyo, yena alaṅkārena alaṅkatā pubbe raṭṭhapālassa kulaputtassa piyā hotha manāpā tena alaṅkārena alaṅkarothā’’ti.
301. ат̇а ко ааяасмад̇о радтабааласса бид̇аа д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа ааяасмад̇о радтабааласса гаалам̣ аарожзси – ‘‘гаало, д̇аад̇а радтабаала, нидтид̇ам̣ бхад̇д̇а’’нд̇и. ат̇а ко ааяасмаа радтабаало буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна сагабид̇у нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко ааяасмад̇о радтабааласса бид̇аа д̇ам̣ хиран̃н̃асуван̣н̣асса бун̃ж̇ам̣ вивараабзд̇ваа ааяасманд̇ам̣ радтабаалам̣ зд̇ад̣̇авожа – ‘‘ид̣̇ам̣ д̇з, д̇аад̇а радтабаала, маад̇у мад̇д̇игам̣ д̇ханам̣, ан̃н̃ам̣ бзд̇д̇игам̣, ан̃н̃ам̣ бид̇аамахам̣. саггаа, д̇аад̇а радтабаала, бхог̇з жа бхун̃ж̇ид̇ум̣ бун̃н̃аани жа гаад̇ум̣. зхи д̇вам̣, д̇аад̇а радтабаала 37 , хийнааяаавад̇д̇ид̇ваа бхог̇з жа бхун̃ж̇ассу бун̃н̃аани жа гарохий’’д̇и. ‘‘сажз мз д̇вам̣, г̇ахабад̇и, важанам̣ гарзяяааси, имам̣ хиран̃н̃асуван̣н̣асса бун̃ж̇ам̣ сагадз ааробзд̇ваа ниб̣б̣аахаабзд̇ваа маж̇жхзг̇ан̇г̇ааяа над̣̇ияаа сод̇з обилаабзяяааси. д̇ам̣ гисса хзд̇у? яз уббаж̇ж̇иссанд̇и хи д̇з, г̇ахабад̇и, д̇ад̇онид̣̇аанам̣ согабарид̣̇звад̣̇угкад̣̇оманассубааяаасаа’’д̇и. ат̇а ко ааяасмад̇о радтабааласса бураан̣ад̣̇уд̇ияигаа бажжзгам̣ баад̣̇зсу г̇ахзд̇ваа ааяасманд̇ам̣ радтабаалам̣ зд̇ад̣̇авожум̣ – ‘‘гийд̣̇исаа наама д̇аа, аяяабуд̇д̇а, ажчарааяо яаасам̣ д̇вам̣ хзд̇у б̣рахмажарияам̣ жарасий’’д̇и? ‘‘на ко маяам̣, бхаг̇иний, ажчараанам̣ хзд̇у б̣рахмажарияам̣ жараамаа’’д̇и. ‘‘бхаг̇иниваад̣̇зна но аяяабуд̇д̇о радтабаало самуд̣̇аажарад̇ий’’д̇и д̇аа д̇ад̇т̇зва мужчид̇аа бабад̇им̣су. ат̇а ко ааяасмаа радтабаало бид̇арам̣ зд̇ад̣̇авожа – ‘‘сажз, г̇ахабад̇и, бхож̇анам̣ д̣̇аад̇аб̣б̣ам̣, д̣̇зт̇а; маа но вихзтзт̇аа’’д̇и. ‘‘бхун̃ж̇а, д̇аад̇а радтабаала, нидтид̇ам̣ бхад̇д̇а’’нд̇и. ат̇а ко ааяасмад̇о радтабааласса бид̇аа ааяасманд̇ам̣ радтабаалам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси.
301. Atha kho āyasmato raṭṭhapālassa pitā tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā āyasmato raṭṭhapālassa kālaṃ ārocesi – ‘‘kālo, tāta raṭṭhapāla, niṭṭhitaṃ bhatta’’nti. Atha kho āyasmā raṭṭhapālo pubbaṇhasamayaṃ nivāsetvā pattacīvaramādāya yena sakapitu nivesanaṃ tenupasaṅkami; upasaṅkamitvā paññatte āsane nisīdi. Atha kho āyasmato raṭṭhapālassa pitā taṃ hiraññasuvaṇṇassa puñjaṃ vivarāpetvā āyasmantaṃ raṭṭhapālaṃ etadavoca – ‘‘idaṃ te, tāta raṭṭhapāla, mātu mattikaṃ dhanaṃ, aññaṃ pettikaṃ, aññaṃ pitāmahaṃ. Sakkā, tāta raṭṭhapāla, bhoge ca bhuñjituṃ puññāni ca kātuṃ. Ehi tvaṃ, tāta raṭṭhapāla 38, hīnāyāvattitvā bhoge ca bhuñjassu puññāni ca karohī’’ti. ‘‘Sace me tvaṃ, gahapati, vacanaṃ kareyyāsi, imaṃ hiraññasuvaṇṇassa puñjaṃ sakaṭe āropetvā nibbāhāpetvā majjhegaṅgāya nadiyā sote opilāpeyyāsi. Taṃ kissa hetu? Ye uppajjissanti hi te, gahapati, tatonidānaṃ sokaparidevadukkhadomanassupāyāsā’’ti. Atha kho āyasmato raṭṭhapālassa purāṇadutiyikā paccekaṃ pādesu gahetvā āyasmantaṃ raṭṭhapālaṃ etadavocuṃ – ‘‘kīdisā nāma tā, ayyaputta, accharāyo yāsaṃ tvaṃ hetu brahmacariyaṃ carasī’’ti? ‘‘Na kho mayaṃ, bhaginī, accharānaṃ hetu brahmacariyaṃ carāmā’’ti. ‘‘Bhaginivādena no ayyaputto raṭṭhapālo samudācaratī’’ti tā tattheva mucchitā papatiṃsu. Atha kho āyasmā raṭṭhapālo pitaraṃ etadavoca – ‘‘sace, gahapati, bhojanaṃ dātabbaṃ, detha; mā no viheṭhethā’’ti. ‘‘Bhuñja, tāta raṭṭhapāla, niṭṭhitaṃ bhatta’’nti. Atha kho āyasmato raṭṭhapālassa pitā āyasmantaṃ raṭṭhapālaṃ paṇītena khādanīyena bhojanīyena sahatthā santappesi sampavāresi.
302. ат̇а ко ааяасмаа радтабаало бхуд̇д̇аавий онийд̇абад̇д̇абаан̣ий тид̇агова имаа г̇аат̇аа абхааси –
302. Atha kho āyasmā raṭṭhapālo bhuttāvī onītapattapāṇī ṭhitakova imā gāthā abhāsi –
‘‘басса жид̇д̇ийгад̇ам̣ б̣имб̣ам̣, аругааяам̣ самуссид̇ам̣;
‘‘Passa cittīkataṃ bimbaṃ, arukāyaṃ samussitaṃ;
аад̇урам̣ б̣ахусан̇габбам̣, яасса над̇т̇и д̇хувам̣ тид̇и.
Āturaṃ bahusaṅkappaṃ, yassa natthi dhuvaṃ ṭhiti.
‘‘басса жид̇д̇ийгад̇ам̣ руубам̣, ман̣инаа гун̣д̣алзна жа;
‘‘Passa cittīkataṃ rūpaṃ, maṇinā kuṇḍalena ca;
адти д̇ажзна онад̣̇д̇хам̣, саха вад̇т̇збхи собхад̇и.
Aṭṭhi tacena onaddhaṃ, saha vatthebhi sobhati.
‘‘алад̇д̇агагад̇аа баад̣̇аа, мукам̣ жун̣н̣агамагкид̇ам̣;
‘‘Alattakakatā pādā, mukhaṃ cuṇṇakamakkhitaṃ;
алам̣ б̣ааласса мохааяа, но жа баараг̇авзсино.
Alaṃ bālassa mohāya, no ca pāragavesino.
‘‘адтаабад̣̇агад̇аа гзсаа, нзд̇д̇аа ан̃ж̇анамагкид̇аа;
‘‘Aṭṭhāpadakatā kesā, nettā añjanamakkhitā;
алам̣ б̣ааласса мохааяа, но жа баараг̇авзсино.
Alaṃ bālassa mohāya, no ca pāragavesino.
‘‘ан̃ж̇анийва наваа 39 жид̇д̇аа, бууд̇игааяо алан̇гад̇о;
‘‘Añjanīva navā 40 cittā, pūtikāyo alaṅkato;
алам̣ б̣ааласса мохааяа, но жа баараг̇авзсино.
Alaṃ bālassa mohāya, no ca pāragavesino.
‘‘од̣̇ахи миг̇аво баасам̣, наасад̣̇аа ваагарам̣ миг̇о;
‘‘Odahi migavo pāsaṃ, nāsadā vākaraṃ migo;
бхуд̇ваа ниваабам̣ г̇ажчаама 41, ганд̣̇анд̇з миг̇аб̣анд̇хагз’’д̇и.
Bhutvā nivāpaṃ gacchāma 42, kandante migabandhake’’ti.
ат̇а ко ааяасмаа радтабаало тид̇агова имаа г̇аат̇аа бхаасид̇ваа язна ран̃н̃о гораб̣яасса миг̇ажийрам̣ д̇знубасан̇гами; убасан̇гамид̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и.
Atha kho āyasmā raṭṭhapālo ṭhitakova imā gāthā bhāsitvā yena rañño korabyassa migacīraṃ tenupasaṅkami; upasaṅkamitvā aññatarasmiṃ rukkhamūle divāvihāraṃ nisīdi.
303. ат̇а ко рааж̇аа гораб̣яо миг̇авам̣ ааманд̇зси – ‘‘сод̇хзхи, самма миг̇ава, миг̇ажийрам̣ уяяаанабхуумим̣; г̇ажчаама субхуумим̣ д̣̇ассанааяаа’’д̇и. ‘‘звам̣, д̣̇зваа’’д̇и ко миг̇аво ран̃н̃о гораб̣яасса бадиссуд̇ваа миг̇ажийрам̣ сод̇хзнд̇о ад̣̇д̣̇аса ааяасманд̇ам̣ радтабаалам̣ ан̃н̃ад̇арасмим̣ ругкамуулз д̣̇иваавихаарам̣ нисиннам̣. д̣̇исваана язна рааж̇аа гораб̣яо д̇знубасан̇гами; убасан̇гамид̇ваа рааж̇аанам̣ гораб̣яам̣ зд̇ад̣̇авожа – ‘‘суд̣̇д̇хам̣ ко д̇з, д̣̇зва, миг̇ажийрам̣. ад̇т̇и жзд̇т̇а радтабаало наама гулабуд̇д̇о имасмим̣язва т̇уллагодтигз аг̇г̇агуласса буд̇д̇о яасса д̇вам̣ абхин̣хам̣ гид̇д̇аяамаано ахоси, со ан̃н̃ад̇арасмим̣ ругкамуулз д̣̇иваавихаарам̣ нисинно’’д̇и. ‘‘д̇зна хи, самма миг̇ава, алам̣ д̣̇аанаж̇ж̇а уяяаанабхуумияаа. д̇амзва д̣̇аани маяам̣ бхаванд̇ам̣ радтабаалам̣ баяирубаасиссаамаа’’д̇и. ат̇а ко рааж̇аа гораб̣яо ‘‘яам̣ д̇ад̇т̇а каад̣̇анийяам̣ бхож̇анийяам̣ бадияад̇д̇ам̣ д̇ам̣ саб̣б̣ам̣ виссаж̇ж̇зт̇аа’’д̇и вад̇ваа бхад̣̇раани бхад̣̇раани яаанаани яож̇аабзд̇ваа бхад̣̇рам̣ яаанам̣ абхирухид̇ваа бхад̣̇рзхи бхад̣̇рзхи яаанзхи т̇уллагодтигамхаа нияяааси махажжарааж̇аанубхаавзна 43 ааяасманд̇ам̣ радтабаалам̣ д̣̇ассанааяа. яаавад̇игаа яаанасса бхууми яаанзна г̇анд̇ваа яаанаа бажжорохид̇ваа бад̇д̇игова уссадааяа уссадааяа барисааяа язнааяасмаа радтабаало д̇знубасан̇гами; убасан̇гамид̇ваа ааяасмад̇аа радтабаалзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко рааж̇аа гораб̣яо ааяасманд̇ам̣ радтабаалам̣ зд̇ад̣̇авожа – ‘‘ид̇ха бхавам̣ радтабаала хад̇т̇ад̇т̇арз 44 нисийд̣̇ад̇уу’’д̇и. ‘‘алам̣, махаарааж̇а, нисийд̣̇а д̇вам̣; нисинно ахам̣ сагз аасанз’’д̇и. нисийд̣̇и рааж̇аа гораб̣яо бан̃н̃ад̇д̇з аасанз. нисаж̇ж̇а ко рааж̇аа гораб̣яо ааяасманд̇ам̣ радтабаалам̣ зд̇ад̣̇авожа –
303. Atha kho rājā korabyo migavaṃ āmantesi – ‘‘sodhehi, samma migava, migacīraṃ uyyānabhūmiṃ; gacchāma subhūmiṃ dassanāyā’’ti. ‘‘Evaṃ, devā’’ti kho migavo rañño korabyassa paṭissutvā migacīraṃ sodhento addasa āyasmantaṃ raṭṭhapālaṃ aññatarasmiṃ rukkhamūle divāvihāraṃ nisinnaṃ. Disvāna yena rājā korabyo tenupasaṅkami; upasaṅkamitvā rājānaṃ korabyaṃ etadavoca – ‘‘suddhaṃ kho te, deva, migacīraṃ. Atthi cettha raṭṭhapālo nāma kulaputto imasmiṃyeva thullakoṭṭhike aggakulassa putto yassa tvaṃ abhiṇhaṃ kittayamāno ahosi, so aññatarasmiṃ rukkhamūle divāvihāraṃ nisinno’’ti. ‘‘Tena hi, samma migava, alaṃ dānajja uyyānabhūmiyā. Tameva dāni mayaṃ bhavantaṃ raṭṭhapālaṃ payirupāsissāmā’’ti. Atha kho rājā korabyo ‘‘yaṃ tattha khādanīyaṃ bhojanīyaṃ paṭiyattaṃ taṃ sabbaṃ vissajjethā’’ti vatvā bhadrāni bhadrāni yānāni yojāpetvā bhadraṃ yānaṃ abhiruhitvā bhadrehi bhadrehi yānehi thullakoṭṭhikamhā niyyāsi mahaccarājānubhāvena 45 āyasmantaṃ raṭṭhapālaṃ dassanāya. Yāvatikā yānassa bhūmi yānena gantvā yānā paccorohitvā pattikova ussaṭāya ussaṭāya parisāya yenāyasmā raṭṭhapālo tenupasaṅkami; upasaṅkamitvā āyasmatā raṭṭhapālena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho rājā korabyo āyasmantaṃ raṭṭhapālaṃ etadavoca – ‘‘idha bhavaṃ raṭṭhapāla hatthatthare 46 nisīdatū’’ti. ‘‘Alaṃ, mahārāja, nisīda tvaṃ; nisinno ahaṃ sake āsane’’ti. Nisīdi rājā korabyo paññatte āsane. Nisajja kho rājā korabyo āyasmantaṃ raṭṭhapālaṃ etadavoca –
304. ‘‘жад̇д̇ааримаани, бхо радтабаала, баариж̇ун̃н̃аани язхи баариж̇ун̃н̃зхи саманнааг̇ад̇аа ид̇хзгажжз гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇анд̇и. гад̇амаани жад̇д̇аари? ж̇араабаариж̇ун̃н̃ам̣, б̣яаад̇хибаариж̇ун̃н̃ам̣, бхог̇абаариж̇ун̃н̃ам̣, н̃аад̇ибаариж̇ун̃н̃ам̣. гад̇аман̃жа, бхо радтабаала, ж̇араабаариж̇ун̃н̃ам̣? ид̇ха, бхо радтабаала , згажжо ж̇ин̣н̣о ход̇и вуд̣дхо махаллаго ад̣̇д̇хаг̇ад̇о ваяоануббад̇д̇о. со ид̇и бадисан̃жигкад̇и – ‘ахам̣ комхи зд̇арахи ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о. на ко бана маяаа сугарам̣ анад̇хиг̇ад̇ам̣ ваа бхог̇ам̣ ад̇хиг̇анд̇ум̣ ад̇хиг̇ад̇ам̣ ваа бхог̇ам̣ паад̇им̣ гаад̇ум̣ 47. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со д̇зна ж̇араабаариж̇ун̃н̃зна саманнааг̇ад̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и. ид̣̇ам̣ вужжад̇и, бхо радтабаала, ж̇араабаариж̇ун̃н̃ам̣. бхавам̣ ко бана радтабаало зд̇арахи д̣̇ахаро яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа. д̇ам̣ бход̇о радтабааласса ж̇араабаариж̇ун̃н̃ам̣ над̇т̇и. гим̣ бхавам̣ радтабаало н̃ад̇ваа ваа д̣̇исваа ваа суд̇ваа ваа аг̇аарасмаа анаг̇аарияам̣ баб̣б̣аж̇ид̇о?
304. ‘‘Cattārimāni, bho raṭṭhapāla, pārijuññāni yehi pārijuññehi samannāgatā idhekacce kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajanti. Katamāni cattāri? Jarāpārijuññaṃ, byādhipārijuññaṃ, bhogapārijuññaṃ, ñātipārijuññaṃ. Katamañca, bho raṭṭhapāla, jarāpārijuññaṃ? Idha, bho raṭṭhapāla , ekacco jiṇṇo hoti vuḍḍho mahallako addhagato vayoanuppatto. So iti paṭisañcikkhati – ‘ahaṃ khomhi etarahi jiṇṇo vuḍḍho mahallako addhagato vayoanuppatto. Na kho pana mayā sukaraṃ anadhigataṃ vā bhogaṃ adhigantuṃ adhigataṃ vā bhogaṃ phātiṃ kātuṃ 48. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So tena jarāpārijuññena samannāgato kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati. Idaṃ vuccati, bho raṭṭhapāla, jarāpārijuññaṃ. Bhavaṃ kho pana raṭṭhapālo etarahi daharo yuvā susukāḷakeso bhadrena yobbanena samannāgato paṭhamena vayasā. Taṃ bhoto raṭṭhapālassa jarāpārijuññaṃ natthi. Kiṃ bhavaṃ raṭṭhapālo ñatvā vā disvā vā sutvā vā agārasmā anagāriyaṃ pabbajito?
‘‘гад̇аман̃жа, бхо радтабаала, б̣яаад̇хибаариж̇ун̃н̃ам̣? ид̇ха, бхо радтабаала, згажжо ааб̣аад̇хиго ход̇и д̣̇угкид̇о б̣аал̣хаг̇илаано. со ид̇и бадисан̃жигкад̇и – ‘ахам̣ комхи зд̇арахи ааб̣аад̇хиго д̣̇угкид̇о б̣аал̣хаг̇илаано. на ко бана маяаа сугарам̣ анад̇хиг̇ад̇ам̣ ваа бхог̇ам̣ ад̇хиг̇анд̇ум̣ ад̇хиг̇ад̇ам̣ ваа бхог̇ам̣ паад̇им̣ гаад̇ум̣ . яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со д̇зна б̣яаад̇хибаариж̇ун̃н̃зна саманнааг̇ад̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и. ид̣̇ам̣ вужжад̇и, бхо радтабаала, б̣яаад̇хибаариж̇ун̃н̃ам̣. бхавам̣ ко бана радтабаало зд̇арахи аббааб̣аад̇хо аббаад̇ан̇го самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа. д̇ам̣ бход̇о радтабааласса б̣яаад̇хибаариж̇ун̃н̃ам̣ над̇т̇и. гим̣ бхавам̣ радтабаало н̃ад̇ваа ваа д̣̇исваа ваа суд̇ваа ваа аг̇аарасмаа анаг̇аарияам̣ баб̣б̣аж̇ид̇о?
‘‘Katamañca, bho raṭṭhapāla, byādhipārijuññaṃ? Idha, bho raṭṭhapāla, ekacco ābādhiko hoti dukkhito bāḷhagilāno. So iti paṭisañcikkhati – ‘ahaṃ khomhi etarahi ābādhiko dukkhito bāḷhagilāno. Na kho pana mayā sukaraṃ anadhigataṃ vā bhogaṃ adhigantuṃ adhigataṃ vā bhogaṃ phātiṃ kātuṃ . Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So tena byādhipārijuññena samannāgato kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati. Idaṃ vuccati, bho raṭṭhapāla, byādhipārijuññaṃ. Bhavaṃ kho pana raṭṭhapālo etarahi appābādho appātaṅko samavepākiniyā gahaṇiyā samannāgato nātisītāya nāccuṇhāya. Taṃ bhoto raṭṭhapālassa byādhipārijuññaṃ natthi. Kiṃ bhavaṃ raṭṭhapālo ñatvā vā disvā vā sutvā vā agārasmā anagāriyaṃ pabbajito?
‘‘гад̇аман̃жа , бхо радтабаала, бхог̇абаариж̇ун̃н̃ам̣? ид̇ха, бхо радтабаала, згажжо ад̣дхо ход̇и махад̣̇д̇хано махаабхог̇о. д̇асса д̇з бхог̇аа анубуб̣б̣зна баригкаяам̣ г̇ажчанд̇и. со ид̇и бадисан̃жигкад̇и – ‘ахам̣ ко буб̣б̣з ад̣дхо ахосим̣ махад̣̇д̇хано махаабхог̇о. д̇асса мз д̇з бхог̇аа анубуб̣б̣зна баригкаяам̣ г̇ад̇аа. на ко бана маяаа сугарам̣ анад̇хиг̇ад̇ам̣ ваа бхог̇ам̣ ад̇хиг̇анд̇ум̣ ад̇хиг̇ад̇ам̣ ваа бхог̇ам̣ паад̇им̣ гаад̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со д̇зна бхог̇абаариж̇ун̃н̃зна саманнааг̇ад̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и. ид̣̇ам̣ вужжад̇и, бхо радтабаала, бхог̇абаариж̇ун̃н̃ам̣. бхавам̣ ко бана радтабаало имасмим̣язва т̇уллагодтигз аг̇г̇агуласса буд̇д̇о. д̇ам̣ бход̇о радтабааласса бхог̇абаариж̇ун̃н̃ам̣ над̇т̇и. гим̣ бхавам̣ радтабаало н̃ад̇ваа ваа д̣̇исваа ваа суд̇ваа ваа аг̇аарасмаа анаг̇аарияам̣ баб̣б̣аж̇ид̇о?
‘‘Katamañca , bho raṭṭhapāla, bhogapārijuññaṃ? Idha, bho raṭṭhapāla, ekacco aḍḍho hoti mahaddhano mahābhogo. Tassa te bhogā anupubbena parikkhayaṃ gacchanti. So iti paṭisañcikkhati – ‘ahaṃ kho pubbe aḍḍho ahosiṃ mahaddhano mahābhogo. Tassa me te bhogā anupubbena parikkhayaṃ gatā. Na kho pana mayā sukaraṃ anadhigataṃ vā bhogaṃ adhigantuṃ adhigataṃ vā bhogaṃ phātiṃ kātuṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So tena bhogapārijuññena samannāgato kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati. Idaṃ vuccati, bho raṭṭhapāla, bhogapārijuññaṃ. Bhavaṃ kho pana raṭṭhapālo imasmiṃyeva thullakoṭṭhike aggakulassa putto. Taṃ bhoto raṭṭhapālassa bhogapārijuññaṃ natthi. Kiṃ bhavaṃ raṭṭhapālo ñatvā vā disvā vā sutvā vā agārasmā anagāriyaṃ pabbajito?
‘‘гад̇аман̃жа , бхо радтабаала, н̃аад̇ибаариж̇ун̃н̃ам̣? ид̇ха, бхо радтабаала, згажжасса б̣ахуу хонд̇и мид̇д̇аамажжаа н̃аад̇исаалохид̇аа. д̇асса д̇з н̃аад̇агаа анубуб̣б̣зна баригкаяам̣ г̇ажчанд̇и. со ид̇и бадисан̃жигкад̇и – ‘мамам̣ ко буб̣б̣з б̣ахуу ахзсум̣ мид̇д̇аамажжаа н̃аад̇исаалохид̇аа. д̇асса мз д̇з анубуб̣б̣зна баригкаяам̣ г̇ад̇аа. на ко бана маяаа сугарам̣ анад̇хиг̇ад̇ам̣ ваа бхог̇ам̣ ад̇хиг̇анд̇ум̣ ад̇хиг̇ад̇ам̣ ваа бхог̇ам̣ паад̇им̣ гаад̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со д̇зна н̃аад̇ибаариж̇ун̃н̃зна саманнааг̇ад̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и. ид̣̇ам̣ вужжад̇и, бхо радтабаала, н̃аад̇ибаариж̇ун̃н̃ам̣. бход̇о ко бана радтабааласса имасмим̣язва т̇уллагодтигз б̣ахуу мид̇д̇аамажжаа н̃аад̇исаалохид̇аа. д̇ам̣ бход̇о радтабааласса н̃аад̇ибаариж̇ун̃н̃ам̣ над̇т̇и. гим̣ бхавам̣ радтабаало н̃ад̇ваа ваа д̣̇исваа ваа суд̇ваа ваа аг̇аарасмаа анаг̇аарияам̣ баб̣б̣аж̇ид̇о?
‘‘Katamañca , bho raṭṭhapāla, ñātipārijuññaṃ? Idha, bho raṭṭhapāla, ekaccassa bahū honti mittāmaccā ñātisālohitā. Tassa te ñātakā anupubbena parikkhayaṃ gacchanti. So iti paṭisañcikkhati – ‘mamaṃ kho pubbe bahū ahesuṃ mittāmaccā ñātisālohitā. Tassa me te anupubbena parikkhayaṃ gatā. Na kho pana mayā sukaraṃ anadhigataṃ vā bhogaṃ adhigantuṃ adhigataṃ vā bhogaṃ phātiṃ kātuṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So tena ñātipārijuññena samannāgato kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati. Idaṃ vuccati, bho raṭṭhapāla, ñātipārijuññaṃ. Bhoto kho pana raṭṭhapālassa imasmiṃyeva thullakoṭṭhike bahū mittāmaccā ñātisālohitā. Taṃ bhoto raṭṭhapālassa ñātipārijuññaṃ natthi. Kiṃ bhavaṃ raṭṭhapālo ñatvā vā disvā vā sutvā vā agārasmā anagāriyaṃ pabbajito?
‘‘имаани ко, бхо радтабаала, жад̇д̇аари баариж̇ун̃н̃аани, язхи баариж̇ун̃н̃зхи саманнааг̇ад̇аа ид̇хзгажжз гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇анд̇и. д̇аани бход̇о радтабааласса над̇т̇и. гим̣ бхавам̣ радтабаало н̃ад̇ваа ваа д̣̇исваа ваа суд̇ваа ваа аг̇аарасмаа анаг̇аарияам̣ баб̣б̣аж̇ид̇о’’д̇и?
‘‘Imāni kho, bho raṭṭhapāla, cattāri pārijuññāni, yehi pārijuññehi samannāgatā idhekacce kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajanti. Tāni bhoto raṭṭhapālassa natthi. Kiṃ bhavaṃ raṭṭhapālo ñatvā vā disvā vā sutvā vā agārasmā anagāriyaṃ pabbajito’’ti?
305. ‘‘ад̇т̇и ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро д̇хаммуд̣̇д̣̇зсаа уд̣̇д̣̇идтаа, яз ахам̣ 49 н̃ад̇ваа жа д̣̇исваа жа суд̇ваа жа аг̇аарасмаа анаг̇аарияам̣ баб̣б̣аж̇ид̇о. гад̇амз жад̇д̇ааро? ‘убанияяад̇и лого ад̣̇д̇хуво’д̇и ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамо д̇хаммуд̣̇д̣̇зсо уд̣̇д̣̇идто, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о. ‘ад̇аан̣о лого анабхиссаро’д̇и ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇уд̇ияо д̇хаммуд̣̇д̣̇зсо уд̣̇д̣̇идто, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о. ‘ассаго лого, саб̣б̣ам̣ бахааяа г̇аманийяа’нд̇и ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇ад̇ияо д̇хаммуд̣̇д̣̇зсо уд̣̇д̣̇идто, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о. ‘ууно лого ад̇ид̇д̇о д̇ан̣хаад̣̇аасо’д̇и ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇уд̇т̇о д̇хаммуд̣̇д̣̇зсо уд̣̇д̣̇идто, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о. имз ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро д̇хаммуд̣̇д̣̇зсаа уд̣̇д̣̇идтаа, яз ахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о’’д̇и.
305. ‘‘Atthi kho, mahārāja, tena bhagavatā jānatā passatā arahatā sammāsambuddhena cattāro dhammuddesā uddiṭṭhā, ye ahaṃ 50 ñatvā ca disvā ca sutvā ca agārasmā anagāriyaṃ pabbajito. Katame cattāro? ‘Upaniyyati loko addhuvo’ti kho, mahārāja, tena bhagavatā jānatā passatā arahatā sammāsambuddhena paṭhamo dhammuddeso uddiṭṭho, yamahaṃ ñatvā ca disvā sutvā ca agārasmā anagāriyaṃ pabbajito. ‘Atāṇo loko anabhissaro’ti kho, mahārāja, tena bhagavatā jānatā passatā arahatā sammāsambuddhena dutiyo dhammuddeso uddiṭṭho, yamahaṃ ñatvā ca disvā sutvā ca agārasmā anagāriyaṃ pabbajito. ‘Assako loko, sabbaṃ pahāya gamanīya’nti kho, mahārāja, tena bhagavatā jānatā passatā arahatā sammāsambuddhena tatiyo dhammuddeso uddiṭṭho, yamahaṃ ñatvā ca disvā sutvā ca agārasmā anagāriyaṃ pabbajito. ‘Ūno loko atitto taṇhādāso’ti kho, mahārāja, tena bhagavatā jānatā passatā arahatā sammāsambuddhena catuttho dhammuddeso uddiṭṭho, yamahaṃ ñatvā ca disvā sutvā ca agārasmā anagāriyaṃ pabbajito. Ime kho, mahārāja, tena bhagavatā jānatā passatā arahatā sammāsambuddhena cattāro dhammuddesā uddiṭṭhā, ye ahaṃ ñatvā ca disvā sutvā ca agārasmā anagāriyaṃ pabbajito’’ti.
306. ‘‘‘убанияяад̇и лого ад̣̇д̇хуво’д̇и – бхавам̣ радтабаало ааха. имасса , бхо радтабаала, бхаасид̇асса гат̇ам̣ ад̇т̇о д̣̇адтаб̣б̣о’’д̇и? ‘‘д̇ам̣ гим̣ ман̃н̃аси, махаарааж̇а, д̇вам̣ вийсад̇ивассуд̣̇д̣̇зсигоби бан̣н̣авийсад̇ивассуд̣̇д̣̇зсигоби хад̇т̇исмимби гад̇аавий ассасмимби гад̇аавий рат̇асмимби гад̇аавий д̇ханусмимби гад̇аавий т̇арусмимби гад̇аавий ууруб̣алий б̣аахуб̣алий аламад̇д̇о сан̇г̇аамааважаро’’д̇и? ‘‘ахосим̣ ахам̣, бхо радтабаала, вийсад̇ивассуд̣̇д̣̇зсигоби бан̣н̣авийсад̇ивассуд̣̇д̣̇зсигоби хад̇т̇исмимби гад̇аавий ассасмимби гад̇аавий рат̇асмимби гад̇аавий д̇ханусмимби гад̇аавий т̇арусмимби гад̇аавий ууруб̣алий б̣аахуб̣алий аламад̇д̇о сан̇г̇аамааважаро. аббзгад̣̇аахам̣, бхо радтабаала, ид̣̇д̇химаава ман̃н̃з на 51 ад̇д̇ано б̣алзна самасамам̣ саманубассаамий’’д̇и. ‘‘д̇ам̣ гим̣ ман̃н̃аси, махаарааж̇а, звамзва д̇вам̣ зд̇арахи ууруб̣алий б̣аахуб̣алий аламад̇д̇о сан̇г̇аамааважаро’’д̇и? ‘‘но хид̣̇ам̣, бхо радтабаала. зд̇арахи ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о аасийд̇иго мз ваяо вад̇д̇ад̇и. аббзгад̣̇аахам̣, бхо радтабаала, ‘ид̇ха баад̣̇ам̣ гариссаамий’д̇и ан̃н̃знзва баад̣̇ам̣ гаромий’’д̇и. ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘убанияяад̇и лого ад̣̇д̇хуво’д̇и, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о’’д̇и. ‘‘ажчарияам̣, бхо радтабаала, аб̣бхуд̇ам̣, бхо радтабаала! яаава субхаасид̇ам̣ жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘убанияяад̇и лого ад̣̇д̇хуво’д̇и. убанияяад̇и хи , бхо радтабаала, лого ад̣̇д̇хуво.
306. ‘‘‘Upaniyyati loko addhuvo’ti – bhavaṃ raṭṭhapālo āha. Imassa , bho raṭṭhapāla, bhāsitassa kathaṃ attho daṭṭhabbo’’ti? ‘‘Taṃ kiṃ maññasi, mahārāja, tvaṃ vīsativassuddesikopi paṇṇavīsativassuddesikopi hatthismimpi katāvī assasmimpi katāvī rathasmimpi katāvī dhanusmimpi katāvī tharusmimpi katāvī ūrubalī bāhubalī alamatto saṅgāmāvacaro’’ti? ‘‘Ahosiṃ ahaṃ, bho raṭṭhapāla, vīsativassuddesikopi paṇṇavīsativassuddesikopi hatthismimpi katāvī assasmimpi katāvī rathasmimpi katāvī dhanusmimpi katāvī tharusmimpi katāvī ūrubalī bāhubalī alamatto saṅgāmāvacaro. Appekadāhaṃ, bho raṭṭhapāla, iddhimāva maññe na 52 attano balena samasamaṃ samanupassāmī’’ti. ‘‘Taṃ kiṃ maññasi, mahārāja, evameva tvaṃ etarahi ūrubalī bāhubalī alamatto saṅgāmāvacaro’’ti? ‘‘No hidaṃ, bho raṭṭhapāla. Etarahi jiṇṇo vuḍḍho mahallako addhagato vayoanuppatto āsītiko me vayo vattati. Appekadāhaṃ, bho raṭṭhapāla, ‘idha pādaṃ karissāmī’ti aññeneva pādaṃ karomī’’ti. ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘upaniyyati loko addhuvo’ti, yamahaṃ ñatvā ca disvā sutvā ca agārasmā anagāriyaṃ pabbajito’’ti. ‘‘Acchariyaṃ, bho raṭṭhapāla, abbhutaṃ, bho raṭṭhapāla! Yāva subhāsitaṃ cidaṃ tena bhagavatā jānatā passatā arahatā sammāsambuddhena – ‘upaniyyati loko addhuvo’ti. Upaniyyati hi , bho raṭṭhapāla, loko addhuvo.
‘‘сам̣виж̇ж̇анд̇з ко, бхо радтабаала, имасмим̣ рааж̇агулз хад̇т̇игааяааби ассагааяааби рат̇агааяааби бад̇д̇игааяааби, амхаагам̣ аабад̣̇аасу барияод̇хааяа вад̇д̇иссанд̇и. ‘ад̇аан̣о лого анабхиссаро’д̇и – бхавам̣ радтабаало ааха. имасса бана, бхо радтабаала, бхаасид̇асса гат̇ам̣ ад̇т̇о д̣̇адтаб̣б̣о’’д̇и? ‘‘д̇ам̣ гим̣ ман̃н̃аси, махаарааж̇а, ад̇т̇и д̇з гожи анусааяиго ааб̣аад̇хо’’д̇и? ‘‘ад̇т̇и мз, бхо радтабаала, анусааяиго ааб̣аад̇хо. аббзгад̣̇аа мам̣, бхо радтабаала, мид̇д̇аамажжаа н̃аад̇исаалохид̇аа бариваарзд̇ваа тид̇аа хонд̇и – ‘ид̣̇аани рааж̇аа гораб̣яо гаалам̣ гариссад̇и, ид̣̇аани рааж̇аа гораб̣яо гаалам̣ гариссад̇ий’’’д̇и. ‘‘д̇ам̣ гим̣ ман̃н̃аси, махаарааж̇а, лабхаси д̇вам̣ д̇з мид̇д̇аамажжз н̃аад̇исаалохид̇з – ‘ааяанд̇у мз бхонд̇о мид̇д̇аамажжаа н̃аад̇исаалохид̇аа, саб̣б̣зва санд̇аа имам̣ взд̣̇анам̣ сам̣вибхаж̇ат̇а, яат̇аахам̣ лахугад̇аригам̣ взд̣̇анам̣ взд̣̇иязяяа’нд̇и – уд̣̇ааху д̇вам̣язва д̇ам̣ взд̣̇анам̣ взд̣̇ияасий’’д̇и? ‘‘наахам̣, бхо радтабаала, лабхаами д̇з мид̇д̇аамажжз н̃аад̇исаалохид̇з – ‘ааяанд̇у мз бхонд̇о мид̇д̇аамажжаа н̃аад̇исаалохид̇аа, саб̣б̣зва санд̇аа имам̣ взд̣̇анам̣ сам̣вибхаж̇ат̇а, яат̇аахам̣ лахугад̇аригам̣ взд̣̇анам̣ взд̣̇иязяяа’нд̇и. ат̇а ко ахамзва д̇ам̣ взд̣̇анам̣ взд̣̇ияаамий’’д̇и. ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘ад̇аан̣о лого анабхиссаро’д̇и, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о’’д̇и. ‘‘ажчарияам̣, бхо радтабаала, аб̣бхуд̇ам̣, бхо радтабаала! яаава субхаасид̇ам̣ жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘ад̇аан̣о лого анабхиссаро’д̇и. ад̇аан̣о хи, бхо радтабаала, лого анабхиссаро.
‘‘Saṃvijjante kho, bho raṭṭhapāla, imasmiṃ rājakule hatthikāyāpi assakāyāpi rathakāyāpi pattikāyāpi, amhākaṃ āpadāsu pariyodhāya vattissanti. ‘Atāṇo loko anabhissaro’ti – bhavaṃ raṭṭhapālo āha. Imassa pana, bho raṭṭhapāla, bhāsitassa kathaṃ attho daṭṭhabbo’’ti? ‘‘Taṃ kiṃ maññasi, mahārāja, atthi te koci anusāyiko ābādho’’ti? ‘‘Atthi me, bho raṭṭhapāla, anusāyiko ābādho. Appekadā maṃ, bho raṭṭhapāla, mittāmaccā ñātisālohitā parivāretvā ṭhitā honti – ‘idāni rājā korabyo kālaṃ karissati, idāni rājā korabyo kālaṃ karissatī’’’ti. ‘‘Taṃ kiṃ maññasi, mahārāja, labhasi tvaṃ te mittāmacce ñātisālohite – ‘āyantu me bhonto mittāmaccā ñātisālohitā, sabbeva santā imaṃ vedanaṃ saṃvibhajatha, yathāhaṃ lahukatarikaṃ vedanaṃ vediyeyya’nti – udāhu tvaṃyeva taṃ vedanaṃ vediyasī’’ti? ‘‘Nāhaṃ, bho raṭṭhapāla, labhāmi te mittāmacce ñātisālohite – ‘āyantu me bhonto mittāmaccā ñātisālohitā, sabbeva santā imaṃ vedanaṃ saṃvibhajatha, yathāhaṃ lahukatarikaṃ vedanaṃ vediyeyya’nti. Atha kho ahameva taṃ vedanaṃ vediyāmī’’ti. ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘atāṇo loko anabhissaro’ti, yamahaṃ ñatvā ca disvā sutvā ca agārasmā anagāriyaṃ pabbajito’’ti. ‘‘Acchariyaṃ, bho raṭṭhapāla, abbhutaṃ, bho raṭṭhapāla! Yāva subhāsitaṃ cidaṃ tena bhagavatā jānatā passatā arahatā sammāsambuddhena – ‘atāṇo loko anabhissaro’ti. Atāṇo hi, bho raṭṭhapāla, loko anabhissaro.
‘‘сам̣виж̇ж̇ад̇и ко, бхо радтабаала, имасмим̣ рааж̇агулз бахууд̇ам̣ хиран̃н̃асуван̣н̣ам̣ бхуумиг̇ад̇ан̃жа взхаасаг̇ад̇ан̃жа. ‘ассаго лого, саб̣б̣ам̣ бахааяа г̇аманийяа’нд̇и – бхавам̣ радтабаало ааха. имасса бана, бхо радтабаала, бхаасид̇асса гат̇ам̣ ад̇т̇о д̣̇адтаб̣б̣о’’д̇и? ‘‘д̇ам̣ гим̣ ман̃н̃аси, махаарааж̇а, яат̇аа д̇вам̣ зд̇арахи бан̃жахи гаамаг̇ун̣зхи самаббид̇о саман̇г̇ийбхууд̇о барижаарзси, лажчаси д̇вам̣ барад̇т̇ааби – ‘звамзваахам̣ имзхзва бан̃жахи гаамаг̇ун̣зхи самаббид̇о саман̇г̇ийбхууд̇о барижаарзмий’д̇и, уд̣̇ааху ан̃н̃з имам̣ бхог̇ам̣ бадибаж̇ж̇иссанд̇и, д̇вам̣ бана яат̇аагаммам̣ г̇амиссасий’’д̇и? ‘‘яат̇аахам̣, бхо радтабаала, зд̇арахи бан̃жахи гаамаг̇ун̣зхи самаббид̇о саман̇г̇ийбхууд̇о барижаарзми, наахам̣ лажчаами барад̇т̇ааби – ‘звамзва имзхзва бан̃жахи гаамаг̇ун̣зхи самаббид̇о саман̇г̇ийбхууд̇о барижаарзмий’д̇и. ат̇а ко ан̃н̃з имам̣ бхог̇ам̣ бадибаж̇ж̇иссанд̇и; ахам̣ бана яат̇аагаммам̣ г̇амиссаамий’’д̇и. ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘ассаго лого, саб̣б̣ам̣ бахааяа г̇аманийяа’нд̇и, яамахам̣ н̃ад̇ваа жа д̣̇исваа жа суд̇ваа жа аг̇аарасмаа анаг̇аарияам̣ баб̣б̣аж̇ид̇о’’д̇и. ‘‘ажчарияам̣, бхо радтабаала, аб̣бхуд̇ам̣, бхо радтабаала! яаава субхаасид̇ам̣ жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘ассаго лого , саб̣б̣ам̣ бахааяа г̇аманийяа’нд̇и . ассаго хи, бхо радтабаала, лого саб̣б̣ам̣ бахааяа г̇аманийяам̣.
‘‘Saṃvijjati kho, bho raṭṭhapāla, imasmiṃ rājakule pahūtaṃ hiraññasuvaṇṇaṃ bhūmigatañca vehāsagatañca. ‘Assako loko, sabbaṃ pahāya gamanīya’nti – bhavaṃ raṭṭhapālo āha. Imassa pana, bho raṭṭhapāla, bhāsitassa kathaṃ attho daṭṭhabbo’’ti? ‘‘Taṃ kiṃ maññasi, mahārāja, yathā tvaṃ etarahi pañcahi kāmaguṇehi samappito samaṅgībhūto paricāresi, lacchasi tvaṃ paratthāpi – ‘evamevāhaṃ imeheva pañcahi kāmaguṇehi samappito samaṅgībhūto paricāremī’ti, udāhu aññe imaṃ bhogaṃ paṭipajjissanti, tvaṃ pana yathākammaṃ gamissasī’’ti? ‘‘Yathāhaṃ, bho raṭṭhapāla, etarahi pañcahi kāmaguṇehi samappito samaṅgībhūto paricāremi, nāhaṃ lacchāmi paratthāpi – ‘evameva imeheva pañcahi kāmaguṇehi samappito samaṅgībhūto paricāremī’ti. Atha kho aññe imaṃ bhogaṃ paṭipajjissanti; ahaṃ pana yathākammaṃ gamissāmī’’ti. ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘assako loko, sabbaṃ pahāya gamanīya’nti, yamahaṃ ñatvā ca disvā ca sutvā ca agārasmā anagāriyaṃ pabbajito’’ti. ‘‘Acchariyaṃ, bho raṭṭhapāla, abbhutaṃ, bho raṭṭhapāla! Yāva subhāsitaṃ cidaṃ tena bhagavatā jānatā passatā arahatā sammāsambuddhena – ‘assako loko , sabbaṃ pahāya gamanīya’nti . Assako hi, bho raṭṭhapāla, loko sabbaṃ pahāya gamanīyaṃ.
‘‘‘ууно лого ад̇ид̇д̇о д̇ан̣хаад̣̇аасо’д̇и – бхавам̣ радтабаало ааха. имасса, бхо радтабаала, бхаасид̇асса гат̇ам̣ ад̇т̇о д̣̇адтаб̣б̣о’’д̇и? ‘‘д̇ам̣ гим̣ ман̃н̃аси, махаарааж̇а, пийд̇ам̣ гурум̣ аж̇жхаавасасий’’д̇и? ‘‘звам̣, бхо радтабаала, пийд̇ам̣ гурум̣ аж̇жхаавасаамий’’д̇и. ‘‘д̇ам̣ гим̣ ман̃н̃аси, махаарааж̇а, ид̇ха бурисо ааг̇ажчзяяа бурад̇т̇имааяа д̣̇исааяа сад̣̇д̇хааяиго бажжаяиго. со д̇ам̣ убасан̇гамид̇ваа звам̣ вад̣̇зяяа – ‘яаг̇гхз, махаарааж̇а, ж̇аанзяяааси, ахам̣ ааг̇ажчаами бурад̇т̇имааяа д̣̇исааяа? д̇ад̇т̇ад̣̇д̣̇асам̣ маханд̇ам̣ ж̇анабад̣̇ам̣ ид̣̇д̇хан̃жзва пийд̇ан̃жа б̣ахуж̇анам̣ аагин̣н̣амануссам̣. б̣ахуу д̇ад̇т̇а хад̇т̇игааяаа ассагааяаа рат̇агааяаа бад̇д̇игааяаа; б̣аху д̇ад̇т̇а д̇ханад̇хан̃н̃ам̣ 53; б̣аху д̇ад̇т̇а хиран̃н̃асуван̣н̣ам̣ агад̇ан̃жзва гад̇ан̃жа; б̣аху д̇ад̇т̇а ид̇т̇ибариг̇г̇ахо. саггаа жа д̇аавад̇агзнзва б̣аламад̇д̇зна 54 абхивиж̇инид̇ум̣. абхивиж̇ина, махаарааж̇аа’д̇и, гинд̇и нам̣ гарзяяаасий’’д̇и? ‘‘д̇амби маяам̣, бхо радтабаала, абхивиж̇ияа аж̇жхаавасзяяаамаа’’д̇и. ‘‘д̇ам̣ гим̣ ман̃н̃аси, махаарааж̇а, ид̇ха бурисо ааг̇ажчзяяа бажчимааяа д̣̇исааяа… уд̇д̇арааяа д̣̇исааяа… д̣̇агкин̣ааяа д̣̇исааяа… барасамуд̣̇д̣̇ад̇о сад̣̇д̇хааяиго бажжаяиго. со д̇ам̣ убасан̇гамид̇ваа звам̣ вад̣̇зяяа – ‘яаг̇гхз, махаарааж̇а, ж̇аанзяяааси, ахам̣ ааг̇ажчаами барасамуд̣̇д̣̇ад̇о? д̇ад̇т̇ад̣̇д̣̇асам̣ маханд̇ам̣ ж̇анабад̣̇ам̣ ид̣̇д̇хан̃жзва пийд̇ан̃жа б̣ахуж̇анам̣ аагин̣н̣амануссам̣. б̣ахуу д̇ад̇т̇а хад̇т̇игааяаа ассагааяаа рат̇агааяаа бад̇д̇игааяаа; б̣аху д̇ад̇т̇а д̇ханад̇хан̃н̃ам̣; б̣аху д̇ад̇т̇а хиран̃н̃асуван̣н̣ам̣ агад̇ан̃жзва гад̇ан̃жа; б̣аху д̇ад̇т̇а ид̇т̇ибариг̇г̇ахо. саггаа жа д̇аавад̇агзнзва б̣аламад̇д̇зна абхивиж̇инид̇ум̣. абхивиж̇ина, махаарааж̇аа’д̇и, гинд̇и нам̣ гарзяяаасий’’д̇и? ‘‘д̇амби маяам̣, бхо радтабаала, абхивиж̇ияа аж̇жхаавасзяяаамаа’’д̇и. ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘ууно лого ад̇ид̇д̇о д̇ан̣хаад̣̇аасо’д̇и, яамахам̣ н̃ад̇ваа жа д̣̇исваа суд̇ваа жа аг̇аарасмаа анаг̇аарияам̣ баб̣б̣аж̇ид̇о’’д̇и. ‘‘ажчарияам̣, бхо радтабаала, аб̣бхуд̇ам̣, бхо радтабаала! яаава субхаасид̇ам̣ жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘ууно лого ад̇ид̇д̇о д̇ан̣хаад̣̇аасо’д̇и. ууно хи, бхо радтабаала, лого ад̇ид̇д̇о д̇ан̣хаад̣̇аасо’’д̇и.
‘‘‘Ūno loko atitto taṇhādāso’ti – bhavaṃ raṭṭhapālo āha. Imassa, bho raṭṭhapāla, bhāsitassa kathaṃ attho daṭṭhabbo’’ti? ‘‘Taṃ kiṃ maññasi, mahārāja, phītaṃ kuruṃ ajjhāvasasī’’ti? ‘‘Evaṃ, bho raṭṭhapāla, phītaṃ kuruṃ ajjhāvasāmī’’ti. ‘‘Taṃ kiṃ maññasi, mahārāja, idha puriso āgaccheyya puratthimāya disāya saddhāyiko paccayiko. So taṃ upasaṅkamitvā evaṃ vadeyya – ‘yagghe, mahārāja, jāneyyāsi, ahaṃ āgacchāmi puratthimāya disāya? Tatthaddasaṃ mahantaṃ janapadaṃ iddhañceva phītañca bahujanaṃ ākiṇṇamanussaṃ. Bahū tattha hatthikāyā assakāyā rathakāyā pattikāyā; bahu tattha dhanadhaññaṃ 55; bahu tattha hiraññasuvaṇṇaṃ akatañceva katañca; bahu tattha itthipariggaho. Sakkā ca tāvatakeneva balamattena 56 abhivijinituṃ. Abhivijina, mahārājā’ti, kinti naṃ kareyyāsī’’ti? ‘‘Tampi mayaṃ, bho raṭṭhapāla, abhivijiya ajjhāvaseyyāmā’’ti. ‘‘Taṃ kiṃ maññasi, mahārāja, idha puriso āgaccheyya pacchimāya disāya… uttarāya disāya… dakkhiṇāya disāya… parasamuddato saddhāyiko paccayiko. So taṃ upasaṅkamitvā evaṃ vadeyya – ‘yagghe, mahārāja, jāneyyāsi, ahaṃ āgacchāmi parasamuddato? Tatthaddasaṃ mahantaṃ janapadaṃ iddhañceva phītañca bahujanaṃ ākiṇṇamanussaṃ. Bahū tattha hatthikāyā assakāyā rathakāyā pattikāyā; bahu tattha dhanadhaññaṃ; bahu tattha hiraññasuvaṇṇaṃ akatañceva katañca; bahu tattha itthipariggaho. Sakkā ca tāvatakeneva balamattena abhivijinituṃ. Abhivijina, mahārājā’ti, kinti naṃ kareyyāsī’’ti? ‘‘Tampi mayaṃ, bho raṭṭhapāla, abhivijiya ajjhāvaseyyāmā’’ti. ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘ūno loko atitto taṇhādāso’ti, yamahaṃ ñatvā ca disvā sutvā ca agārasmā anagāriyaṃ pabbajito’’ti. ‘‘Acchariyaṃ, bho raṭṭhapāla, abbhutaṃ, bho raṭṭhapāla! Yāva subhāsitaṃ cidaṃ tena bhagavatā jānatā passatā arahatā sammāsambuddhena – ‘ūno loko atitto taṇhādāso’ti. Ūno hi, bho raṭṭhapāla, loko atitto taṇhādāso’’ti.
ид̣̇амавожа ааяасмаа радтабаало. ид̣̇ам̣ вад̇ваа ат̇аабарам̣ зд̇ад̣̇авожа –
Idamavoca āyasmā raṭṭhapālo. Idaṃ vatvā athāparaṃ etadavoca –
307. ‘‘бассаами логз сад̇ханз мануссз,
307. ‘‘Passāmi loke sadhane manusse,
лад̣̇д̇хаана вид̇д̇ам̣ на д̣̇ад̣̇анд̇и мохаа;
Laddhāna vittaṃ na dadanti mohā;
бхияяова гаамз абхибад̇т̇аяанд̇и.
Bhiyyova kāme abhipatthayanti.
‘‘рааж̇аа басаяхаа бат̇авим̣ виж̇ид̇ваа,
‘‘Rājā pasayhā pathaviṃ vijitvā,
орам̣ самуд̣̇д̣̇асса ад̇ид̇д̇аруубо,
Oraṃ samuddassa atittarūpo,
баарам̣ самуд̣̇д̣̇ассаби бад̇т̇аязт̇а.
Pāraṃ samuddassapi patthayetha.
‘‘рааж̇аа жа ан̃н̃з жа б̣ахуу мануссаа,
‘‘Rājā ca aññe ca bahū manussā,
уунаава худ̇ваана ж̇аханд̇и д̣̇зхам̣,
Ūnāva hutvāna jahanti dehaṃ,
гаамзхи логамхи на хад̇т̇и д̇ид̇д̇и.
Kāmehi lokamhi na hatthi titti.
‘‘ганд̣̇анд̇и нам̣ н̃аад̇ий багирияа гзсз,
‘‘Kandanti naṃ ñātī pakiriya kese,
аховад̇аа но амараад̇и жааху;
Ahovatā no amarāti cāhu;
вад̇т̇зна нам̣ бааруд̇ам̣ нийхарид̇ваа,
Vatthena naṃ pārutaṃ nīharitvā,
‘‘со д̣аяхад̇и суулзхи д̇уж̇ж̇амаано,
‘‘So ḍayhati sūlehi tujjamāno,
згзна вад̇т̇зна бахааяа бхог̇з;
Ekena vatthena pahāya bhoge;
на мийяамаанасса бхаванд̇и д̇аан̣аа,
Na mīyamānassa bhavanti tāṇā,
н̃аад̇ийд̇ха мид̇д̇аа ат̇а ваа сахааяаа.
Ñātīdha mittā atha vā sahāyā.
‘‘д̣̇ааяаад̣̇агаа д̇асса д̇ханам̣ харанд̇и,
‘‘Dāyādakā tassa dhanaṃ haranti,
сад̇д̇о бана г̇ажчад̇и язна гаммам̣;
Satto pana gacchati yena kammaṃ;
на мийяамаанам̣ д̇ханаманвзд̇и гин̃жи,
Na mīyamānaṃ dhanamanveti kiñci,
буд̇д̇аа жа д̣̇аараа жа д̇ханан̃жа радтам̣.
Puttā ca dārā ca dhanañca raṭṭhaṃ.
‘‘на д̣̇ийгхамааяум̣ лабхад̇з д̇ханзна, на жааби вид̇д̇зна ж̇арам̣ виханд̇и;
‘‘Na dīghamāyuṃ labhate dhanena, na cāpi vittena jaraṃ vihanti;
аббам̣ хид̣̇ам̣ ж̇ийвид̇амааху д̇хийраа, асассад̇ам̣ виббарин̣аамад̇хаммам̣.
Appaṃ hidaṃ jīvitamāhu dhīrā, asassataṃ vippariṇāmadhammaṃ.
‘‘ад̣дхаа д̣̇алид̣̇д̣̇аа жа пусанд̇и пассам̣,
‘‘Aḍḍhā daliddā ca phusanti phassaṃ,
б̣аало жа д̇хийро жа д̇ат̇зва пудто;
Bālo ca dhīro ca tatheva phuṭṭho;
б̣аало жа б̣ааляаа вад̇хид̇ова сзд̇и,
Bālo ca bālyā vadhitova seti,
‘‘д̇асмаа хи бан̃н̃аава д̇ханзна сзяяо,
‘‘Tasmā hi paññāva dhanena seyyo,
яааяа восаанамид̇хаад̇хиг̇ажчад̇и;
Yāya vosānamidhādhigacchati;
баабаани гаммаани гаронд̇и мохаа.
Pāpāni kammāni karonti mohā.
‘‘убзд̇и г̇аб̣бхан̃жа баран̃жа логам̣,
‘‘Upeti gabbhañca parañca lokaṃ,
сам̣саарамаабаж̇ж̇а барамбарааяа;
Saṃsāramāpajja paramparāya;
д̇ассаббабан̃н̃о абхисад̣̇д̣̇аханд̇о,
Tassappapañño abhisaddahanto,
убзд̇и г̇аб̣бхан̃жа баран̃жа логам̣.
Upeti gabbhañca parañca lokaṃ.
‘‘жоро яат̇аа санд̇химукз г̇ахид̇о,
‘‘Coro yathā sandhimukhe gahito,
сагаммунаа хан̃н̃ад̇и баабад̇хаммо;
Sakammunā haññati pāpadhammo;
звам̣ баж̇аа бзжжа барамхи логз,
Evaṃ pajā pecca paramhi loke,
сагаммунаа хан̃н̃ад̇и баабад̇хаммо.
Sakammunā haññati pāpadhammo.
‘‘гаамаахи жид̇раа мад̇хураа манорамаа,
‘‘Kāmāhi citrā madhurā manoramā,
вируубаруубзна мат̇знд̇и жид̇д̇ам̣;
Virūparūpena mathenti cittaṃ;
аад̣̇ийнавам̣ гаамаг̇ун̣зсу д̣̇исваа,
Ādīnavaṃ kāmaguṇesu disvā,
д̇асмаа ахам̣ баб̣б̣аж̇ид̇омхи рааж̇а.
Tasmā ahaṃ pabbajitomhi rāja.
‘‘д̣̇умабпалаанзва бад̇анд̇и маан̣аваа,
‘‘Dumapphalāneva patanti māṇavā,
д̣̇ахараа жа вуд̣дхаа жа сарийрабхзд̣̇аа;
Daharā ca vuḍḍhā ca sarīrabhedā;
абан̣н̣агам̣ сааман̃н̃амзва сзяяо’’д̇и.
Apaṇṇakaṃ sāmaññameva seyyo’’ti.
радтабааласуд̇д̇ам̣ нидтид̇ам̣ д̣̇уд̇ияам̣.
Raṭṭhapālasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. радтабааласуд̇д̇аван̣н̣анаа • 2. Raṭṭhapālasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. радтабааласуд̇д̇аван̣н̣анаа • 2. Raṭṭhapālasuttavaṇṇanā
