2. радтабааласуд̇д̇аван̣н̣анаа

293. звам̣ мз суд̇анд̇и радтабааласуд̇д̇ам̣. д̇ад̇т̇а т̇уллагодтиганд̇и т̇уллагодтам̣ барибун̣н̣агодтааг̇аарам̣. со гира ж̇анабад̣̇о нижжасассо сад̣̇аа б̣ийж̇абхан̣д̣ам̣ нигкамад̇и, калабхан̣д̣ам̣ бависад̇и. д̇зна д̇асмим̣ ниг̇амз годтаа нижжабуураава хонд̇и. д̇асмаа со т̇уллагодтиганд̇зва сан̇кам̣ г̇ад̇о.

294. радтабаалод̇и гасмаа радтабаало? бхиннам̣ радтам̣ санд̇хаарзд̇ум̣ баалзд̇ум̣ самад̇т̇од̇и радтабаало. гад̣̇аа банассзд̇ам̣ наамам̣ уббаннанд̇и. бад̣̇умуд̇д̇арасаммаасамб̣уд̣̇д̇хагаалз. ид̇о хи буб̣б̣з сад̇асахассагаббамад̇т̇агз вассасад̇асахассааяугзсу мануссзсу бад̣̇умуд̇д̇аро наама сад̇т̇аа уббаж̇ж̇ид̇ваа бхигкусад̇асахассабаривааро логахид̇ааяа жааригам̣ жари, яам̣ санд̇хааяа вуд̇д̇ам̣ –

‘‘наг̇арам̣ хам̣савад̇ий наама, аананд̣̇о наама кад̇д̇ияо;

суж̇аад̇аа наама ж̇анигаа, бад̣̇умуд̇д̇арасса сад̇т̇уно’’д̇и. (б̣у. вам̣. 12.19);

бад̣̇умуд̇д̇арз бана ануббаннз зва хам̣савад̇ияаа д̣̇вз гудумб̣игаа сад̣̇д̇хаа басаннаа габан̣ад̣̇д̇хигаяаажагаад̣̇ийнам̣ д̣̇аанам̣ бадтабаяим̣су. д̇ад̣̇аа баб̣б̣ад̇аваасино бан̃жасад̇аа д̇аабасаа хам̣савад̇им̣ ануббад̇д̇аа. д̇з д̣̇взби ж̇анаа д̇аабасаг̇ан̣ам̣ маж̇жхз бхинд̣̇ид̇ваа убадтахим̣су. д̇аабасаа гин̃жигаалам̣ васид̇ваа баб̣б̣ад̇абаад̣̇амзва г̇ад̇аа. д̣̇вз сан̇гхад̇т̇зраа охийяим̣су. д̇ад̣̇аа д̇зсам̣ д̇з яааваж̇ийвам̣ убадтаанам̣ агам̣су. д̇аабасзсу бхун̃ж̇ид̇ваа анумод̣̇анам̣ гаронд̇зсу зго саггабхаванасса ван̣н̣ам̣ гат̇зси, зго бхууминд̇харанааг̇арааж̇абхаванасса.

гудумб̣игзсу зго саггабхаванам̣ бад̇т̇анам̣ гад̇ваа сагго худ̇ваа ниб̣б̣ад̇д̇о, зго нааг̇абхаванз баалид̇анааг̇арааж̇аа наама. д̇ам̣ сагго ад̇д̇ано убадтаанам̣ ааг̇ад̇ам̣ д̣̇исваа нааг̇аяонияам̣ абхирамасийд̇и бужчи. со наабхирамаамийд̇и ааха. д̇зна хи бад̣̇умуд̇д̇арасса бхаг̇авад̇о д̣̇аанам̣ д̣̇ад̇ваа имасмим̣ таанз бад̇т̇анам̣ гарохи, убхо сукам̣ васиссаамаад̇и. нааг̇арааж̇аа сад̇т̇аарам̣ ниманд̇зд̇ваа бхигкусад̇асахассабариваарасса бхаг̇авад̇о сад̇д̇аахам̣ махаад̣̇аанам̣ д̣̇ад̣̇амаано бад̣̇умуд̇д̇арасса д̣̇асаб̣аласса буд̇д̇ам̣ убарзвад̇ам̣ наама сааман̣зрам̣ д̣̇исваа сад̇д̇амз д̣̇ивасз б̣уд̣̇д̇хаббамукасса сан̇гхасса д̣̇иб̣б̣авад̇т̇аани д̣̇ад̇ваа сааман̣зрасса таананд̇арам̣ бад̇т̇зси. бхаг̇аваа анааг̇ад̇ам̣ ологзд̇ваа – ‘‘анааг̇ад̇з г̇од̇амасса наама б̣уд̣̇д̇хасса буд̇д̇о раахулагумааро бхависсад̇ий’’д̇и д̣̇исваа ‘‘самиж̇жхиссад̇и д̇з бад̇т̇анаа’’д̇и гат̇зси. нааг̇арааж̇аа д̇амад̇т̇ам̣ саггасса гат̇зси. сагго д̇асса важанам̣ суд̇ваа д̇ат̇зва сад̇д̇аахам̣ д̣̇аанам̣ д̣̇ад̇ваа бхиннам̣ радтам̣ санд̇хаарзд̇ум̣ баалзд̇ум̣ самад̇т̇агулз ниб̣б̣ад̇д̇ид̇ваа сад̣̇д̇хаабаб̣б̣аж̇ид̇ам̣ радтабаалам̣ наама гулабуд̇д̇ам̣ д̣̇исваа – ‘‘ахамби анааг̇ад̇з логасмим̣ д̇умхаад̣̇исз б̣уд̣̇д̇хз уббаннз бхиннам̣ радтам̣ санд̇хаарзд̇ум̣ баалзд̇ум̣ самад̇т̇агулз ниб̣б̣ад̇д̇ид̇ваа аяам̣ гулабуд̇д̇о вияа сад̣̇д̇хаабаб̣б̣аж̇ид̇о радтабаало наама бхавзяяа’’нд̇и бад̇т̇анамагааси. сад̇т̇аа самиж̇жханагабхаавам̣ н̃ад̇ваа имам̣ г̇аат̇амааха –

‘‘сарааж̇игам̣ жаад̇уван̣н̣ам̣, босзд̇ум̣ яам̣ бахоссад̇и;

радтабаалагулам̣ наама, д̇ад̇т̇а ж̇ааяиссад̇з аяа’’нд̇и. –

звам̣ бад̣̇умуд̇д̇арасаммаасамб̣уд̣̇д̇хагаалз д̇ассзд̇ам̣ наамам̣ уббаннанд̇и взд̣̇ид̇аб̣б̣ам̣.

зд̇ад̣̇ахосийд̇и гим̣ ахоси? яат̇аа яат̇аа код̇иаад̣̇и. д̇ад̇рааяам̣ сан̇кзбагат̇аа – ахам̣ ко язна язна гааран̣зна бхаг̇авад̇аа д̇хаммам̣ д̣̇зсид̇ам̣ ааж̇аанаами, д̇зна д̇зна мз убабаригкад̇о звам̣ ход̇и – ‘‘яад̣̇зд̇ам̣ сигкад̇д̇аяаб̣рахмажарияам̣ згад̣̇ивасамби акан̣д̣ам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарибун̣н̣ам̣ жарид̇аб̣б̣ам̣, згад̣̇ивасамби жа гилзсамалзна амалийнам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарисуд̣̇д̇хам̣, сан̇каликид̇ам̣ виликид̇асан̇касад̣̇исам̣ д̇ход̇асан̇касаббадибхааг̇ам̣ гад̇ваа жарид̇аб̣б̣ам̣, наяид̣̇ам̣ сугарам̣ аг̇аарам̣ аж̇жхаавасад̇аа аг̇аарамаж̇жхз васанд̇зна зганд̇абарибун̣н̣ам̣…бз… жарид̇ум̣, яам̣нуунаахам̣ гзсан̃жа массун̃жа охаарзд̇ваа гаасааяарасабийд̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ажчаад̣̇зд̇ваа аг̇аарасмаа нигкамид̇ваа анаг̇аарияам̣ баб̣б̣аж̇зяяа’’нд̇и.

ажирабагганд̇зсу т̇уллагодтигзсу б̣раахман̣аг̇ахабад̇игзсу язна бхаг̇аваа д̇знубасан̇гамийд̇и радтабаало анудтид̇зсу д̇зсу на бхаг̇аванд̇ам̣ баб̣б̣аж̇ж̇ам̣ яаажи. гасмаа? д̇ад̇т̇асса б̣ахуу н̃аад̇исаалохид̇аа мид̇д̇аамажжаа санд̇и, д̇з – ‘‘д̇вам̣ маад̇аабид̇уунам̣ згабуд̇д̇аго, на лаб̣бхаа д̇аяаа баб̣б̣аж̇ид̇у’’нд̇и б̣аахааяамби г̇ахзд̇ваа аагад̣дхзяяум̣, д̇ад̇о баб̣б̣аж̇ж̇ааяа анд̇арааяо бхависсад̇ийд̇и сахзва барисааяа удтахид̇ваа т̇огам̣ г̇анд̇ваа буна гзнажи сарийрагижжалзсзна нивад̇д̇ид̇ваа бхаг̇аванд̇ам̣ убасан̇гамма баб̣б̣аж̇ж̇ам̣ яаажи. д̇зна вуд̇д̇ам̣ – ‘‘ат̇а ко радтабаало гулабуд̇д̇о ажирабагганд̇зсу т̇уллагодтигзсу…бз… баб̣б̣ааж̇зд̇у мам̣ бхаг̇аваа’’д̇и. бхаг̇аваа бана яасмаа раахулагумаарасса баб̣б̣аж̇ид̇ад̇о бабхуд̇и маад̇аабид̇уухи ананун̃н̃аад̇ам̣ буд̇д̇ам̣ на баб̣б̣ааж̇зд̇и, д̇асмаа нам̣ бужчи анун̃н̃аад̇оси бана д̇вам̣, радтабаала, маад̇аабид̇уухи…бз… баб̣б̣аж̇ж̇ааяаад̇и.

295. аммад̇аад̇аад̇и зд̇т̇а аммаад̇и маад̇арам̣ аалабад̇и, д̇аад̇аад̇и бид̇арам̣. згабуд̇д̇агод̇и згова буд̇д̇аго, ан̃н̃о гожи ж̇здто ваа ганидто ваа над̇т̇и. зд̇т̇а жа згабуд̇д̇од̇и вад̇д̇аб̣б̣з анугамбаавасзна згабуд̇д̇агод̇и вуд̇д̇ам̣. бияод̇и бийд̇иж̇анаго. манаабод̇и манавад̣дханаго. сукзд̇хид̇од̇и сукзна зд̇хид̇о, сукасам̣вад̣дхид̇од̇и ад̇т̇о. сукабарибхад̇од̇и сукзна барибхад̇о, ж̇аад̇агаалад̇о бабхуд̇и д̇хаад̇ийхи ан̇гад̇о ан̇гам̣ аахарид̇ваа д̇хаарияамаано ассагарат̇агаад̣̇ийхи б̣аалагийл̣анагзхи гийл̣аяамаано саад̣̇урасабхож̇анам̣ бхож̇аяамаано сукзна барихадо. на д̇вам̣, д̇аад̇а радтабаала, гассажи д̣̇угкасса ж̇аанаасийд̇и д̇вам̣ , д̇аад̇а радтабаала аббамад̇д̇агамби галабхааг̇ам̣ д̣̇угкасса на ж̇аанааси на сарасийд̇и ад̇т̇о. маран̣знаби д̇з маяам̣ агаамагаа винаа бхависсаамаад̇и сажзби д̇ава амхзсу ж̇ийвамаанзсу маран̣ам̣ бхавзяяа, д̇зна д̇з маран̣знаби маяам̣ агаамагаа анижчагаа на ад̇д̇ано ружияаа винаа бхависсаама, д̇аяаа вияог̇ам̣ баабун̣иссаамаад̇и ад̇т̇о. гим̣ бана маяам̣ д̇анд̇и звам̣ санд̇з гим̣ бана гим̣ наама д̇ам̣ гааран̣ам̣, язна маяам̣ д̇ам̣ ж̇ийванд̇ам̣ ануж̇ааниссаама. ат̇а ваа гим̣ бана маяам̣ д̇анд̇и гзна бана гааран̣зна маяам̣ д̇ам̣ ж̇ийванд̇ам̣ ануж̇ааниссаамаад̇и звамзд̇т̇а ад̇т̇о д̣̇адтаб̣б̣о.

296. д̇ад̇т̇зваад̇и яад̇т̇а нам̣ тид̇ам̣ маад̇аабид̇аро наануж̇ааним̣су, д̇ад̇т̇зва таанз. ананд̇арахид̇ааяаад̇и гзнажи ад̇т̇аран̣зна анад̇т̇ад̇ааяа. барижаарзхийд̇и г̇анд̇хаб̣б̣анаданаадагаад̣̇ийни бажжубадтабзд̇ваа д̇ад̇т̇а сахааяагзхи сад̣̇д̇хим̣ яат̇аасукам̣ инд̣̇рияаани жаарзхи сан̃жаарзхи, ид̇о жид̇о жа убанзхийд̇и вуд̇д̇ам̣ ход̇и. ат̇а ваа барижаарзхийд̇и г̇анд̇хаб̣б̣анаданаадагаад̣̇ийни бажжубадтабзд̇ваа сахааяагзхи сад̣̇д̇хим̣ лал̣а убалал̣а рама, гийл̣ассууд̇иби вуд̇д̇ам̣ ход̇и. гаамз барибхун̃ж̇анд̇од̇и ад̇д̇ано буд̇д̇ад̣̇аарзхи сад̣̇д̇хим̣ бхог̇з бхун̃ж̇анд̇о. бун̃н̃аани гаронд̇од̇и б̣уд̣̇д̇хан̃жа д̇хамман̃жа сан̇гхан̃жа аараб̣бха д̣̇аанаббад̣̇аанаад̣̇ийни суг̇ад̇имаг̇г̇асам̣сод̇хагаани гусалагаммаани гаронд̇о. д̇ун̣хий ахосийд̇и гат̇аануббаб̣анд̇хавижчзд̣̇анад̇т̇ам̣ нираалаабасаллаабо ахоси.

ат̇асса маад̇аабид̇аро д̇игкад̇д̇ум̣ вад̇ваа бадиважанамби алабхамаанаа сахааяагз баггосаабзд̇ваа ‘‘зса во сахааяаго баб̣б̣аж̇ид̇угаамо, ниваарзт̇а на’’нд̇и аахам̣су. д̇зби д̇ам̣ убасан̇гамид̇ваа д̇игкад̇д̇ум̣ авожум̣, д̇зсамби д̇ун̣хий ахоси. д̇зна вуд̇д̇ам̣ – ат̇а ко радтабааласса гулабуд̇д̇асса сахааяагаа…бз… д̇ун̣хий ахосийд̇и. ат̇асса сахааяагаанам̣ д̇игкад̇д̇ум̣ вад̇ваа зд̇ад̣̇ахоси – ‘‘сажз аяам̣ баб̣б̣аж̇ж̇ам̣ алабхамаано мариссад̇и, на гожи г̇ун̣о лаб̣бхад̇и. баб̣б̣аж̇ид̇ам̣ бана нам̣ маад̇аабид̇ароби гаалзна гаалам̣ бассиссанд̇и, маяамби бассиссаама, баб̣б̣аж̇ж̇ааби жа наамзсаа бхаарияаа, д̣̇ивасз д̣̇ивасз мад̇д̇игаабад̇д̇ам̣ г̇ахзд̇ваа бин̣д̣ааяа жарид̇аб̣б̣ам̣, згасзяяам̣ згабхад̇д̇ам̣ б̣рахмажарияам̣ ад̇ид̣̇уггарам̣, аяан̃жа сукумаало нааг̇аригаж̇аад̇ияо, со д̇ам̣ жарид̇ум̣ асаггонд̇о буна ид̇хзва ааг̇амиссад̇и, ханд̣̇асса маад̇аабид̇аро ануж̇аанаабзссаамаа’’д̇и. д̇з д̇ат̇аа агам̣су. маад̇аабид̇ароби нам̣ ‘‘баб̣б̣аж̇ид̇зна жа бана д̇з маад̇аабид̇аро уд̣̇д̣̇ассзд̇аб̣б̣аа’’д̇и имам̣ гад̇игам̣ гад̇ваа ануж̇ааним̣су. д̇зна вуд̇д̇ам̣ – ‘‘ат̇а ко радтабааласса гулабуд̇д̇асса сахааяагаа язна радтабааласса гулабуд̇д̇асса маад̇аабид̇аро…бз… анун̃н̃аад̇оси маад̇аабид̇уухи…бз… уд̣̇д̣̇ассзд̇аб̣б̣аа’’д̇и. д̇ад̇т̇а уд̣̇д̣̇ассзд̇аб̣б̣аад̇и уд̣̇д̇хам̣ д̣̇ассзд̇аб̣б̣аа, яат̇аа д̇ам̣ гаалзна гаалам̣ бассанд̇и, звам̣ ааг̇анд̇ваа ад̇д̇аанам̣ д̣̇ассзд̇аб̣б̣аа.

299. б̣алам̣ г̇ахзд̇ваад̇и саббааяабхож̇анаани бхун̃ж̇анд̇о ужчаад̣̇анаад̣̇ийхи жа гааяам̣ барихаранд̇о гааяаб̣алам̣ ж̇анзд̇ваа маад̇аабид̇аро ванд̣̇ид̇ваа ассумукам̣ н̃аад̇ибариваддам̣ бахааяа язна бхаг̇аваа д̇знубасан̇гами…бз… баб̣б̣ааж̇зд̇у мам̣, бханд̇з, бхаг̇аваад̇и. бхаг̇аваа самийбз тид̇ам̣ ан̃н̃ад̇арам̣ бхигкум̣ ааманд̇зси – ‘‘д̇зна хи бхигку радтабаалам̣ баб̣б̣ааж̇зхи жзва убасамбаад̣̇зхи жаа’’д̇и. саад̇ху, бханд̇зд̇и ко со бхигку бхаг̇авад̇о бадиссуд̇ваа радтабаалам̣ гулабуд̇д̇ам̣ ж̇инад̣̇ад̇д̇ияам̣ сад̣̇д̇хивихааригам̣ лад̣̇д̇хаа баб̣б̣ааж̇зси жзва убасамбаад̣̇зси жа. д̇зна вуд̇д̇ам̣ – ‘‘алад̇т̇а ко радтабаало гулабуд̇д̇о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇а’’нд̇и.

бахид̇ад̇д̇о вихаранд̇од̇и д̣̇ваад̣̇аса сам̣важчараани звам̣ вихаранд̇о. нзяяабуг̇г̇ало хи аяамааяасмаа, д̇асмаа бун̃н̃аваа абхинийхаарасамбанноби самаано ‘‘аж̇ж̇а аж̇ж̇зва арахад̇д̇а’’нд̇и саман̣ад̇хаммам̣ гаронд̇оби д̣̇ваад̣̇асамз вассз арахад̇д̇ам̣ баабун̣и.

язна бхаг̇аваа д̇знубасан̇гамийд̇и маяхам̣ маад̇аабид̇аро баб̣б̣аж̇ж̇ам̣ ануж̇аанамаанаа – ‘‘д̇аяаа гаалзна гаалам̣ ааг̇анд̇ваа амхаагам̣ д̣̇ассанам̣ д̣̇аад̇аб̣б̣а’’нд̇и вад̇ваа ануж̇ааним̣су, д̣̇уггарагааригаа ко бана маад̇аабид̇аро, ахан̃жа язнаж̇жхаасаязна баб̣б̣аж̇ид̇о, со мз мад̇т̇агам̣ бад̇д̇о, ид̣̇аани бхаг̇аванд̇ам̣ аабужчид̇ваа ад̇д̇аанам̣ маад̇аабид̇уунам̣ д̣̇ассзссаамийд̇и жинд̇зд̇ваа аабужчид̇угаамо убасан̇гами. манасаагаасийд̇и ‘‘гим̣ ну ко радтабаалз г̇ад̇з гожи убад̣̇д̣̇аво бхависсад̇ий’’д̇и манаси агааси. д̇ад̇о ‘‘бхависсад̇ий’’д̇и н̃ад̇ваа ‘‘сагкиссад̇и ну ко радтабаало д̇ам̣ мад̣̇д̣̇ид̇у’’нд̇и ологзнд̇о д̇асса арахад̇д̇асамбад̇д̇им̣ д̣̇исваа ‘‘сагкиссад̇ий’’д̇и ан̃н̃ааси. д̇зна вуд̇д̇ам̣ – яат̇аа бхаг̇аваа ан̃н̃ааси…бз… гаалам̣ ман̃н̃асийд̇и.

миг̇ажийрзд̇и звам̣наамагз уяяаанз. д̇ан̃хи ран̃н̃аа – ‘‘агаалз самбад̇д̇абаб̣б̣аж̇ид̇аанам̣ д̣̇иннамзва ид̣̇ам̣, яат̇аасукам̣ барибхун̃ж̇анд̇уу’’д̇и зваманун̃н̃аад̇амзва ахоси, д̇асмаа т̇зро – ‘‘мама ааг̇ад̇абхаавам̣ маад̇аабид̇уунам̣ аарожзссаами, д̇з мз баад̣̇ад̇хованаун̣ход̣̇агабаад̣̇амагканад̇злаад̣̇ийни бзсиссанд̇ий’’д̇и жид̇д̇амби ануббаад̣̇зд̇ваа уяяаанамзва баависи. бин̣д̣ааяа баависийд̇и д̣̇уд̇ияад̣̇ивасз баависи.

маж̇жхимааяаад̇и сад̇д̇ад̣̇ваарагодтагасса гхарасса маж̇жхимз д̣̇ваарагодтагз. улликаабзд̇ийд̇и габбагзна гзсз бахараабзд̇и. зд̇ад̣̇авожаад̇и – ‘‘имз саман̣агаа амхаагам̣ бияабуд̇д̇агам̣ баб̣б̣ааж̇зд̇ваа жораанам̣ хад̇т̇з нигкибид̇ваа вияа згад̣̇ивасамби на д̣̇ассаабзнд̇и, звам̣ парусагаарагаа зд̇з буна имам̣ таанам̣ убасан̇гамид̇аб̣б̣ам̣ ман̃н̃анд̇и, зд̇д̇ова нигад̣дхид̇аб̣б̣аа зд̇з’’д̇и жинд̇зд̇ваа зд̇ам̣ ‘‘имзхи мун̣д̣агзхий’’д̇иаад̣̇иважанам̣ авожа. н̃аад̇ид̣̇аасийд̇и н̃аад̇агаанам̣ д̣̇аасий. аабхид̣̇осиганд̇и баариваасигам̣ згарад̇д̇аад̇игганд̇ам̣ бууд̇ибхууд̇ам̣. д̇ад̇т̇ааяам̣ бад̣̇ад̇т̇о – бууд̇ибхаавад̣̇осзна абхибхууд̇од̇и абхид̣̇осо, абхид̣̇осова аабхид̣̇осиго. згарад̇д̇аад̇игганд̇ассзва наамасан̃н̃аа зсаа яад̣̇ид̣̇ам̣ аабхид̣̇осигод̇и, д̇ам̣ аабхид̣̇осигам̣. гуммаасанд̇и яавагуммаасам̣. чад̣д̣зд̇угаамаа ход̇ийд̇и яасмаа анд̇амасо д̣̇аасагаммагаараанам̣ г̇оруубаанамби абарибхог̇аарахо, д̇асмаа нам̣ гажаварам̣ вияа б̣ахи чад̣д̣зд̇угаамаа ход̇и. сажзд̇анд̇и сажз зд̇ам̣. бхаг̇инийд̇и арияавохаарзна ад̇д̇ано д̇хаад̇им̣ н̃аад̇ид̣̇аасим̣ аалабад̇и. чад̣д̣анийяад̇хамманд̇и чад̣д̣зд̇аб̣б̣асабхаавам̣. ид̣̇ам̣ вуд̇д̇ам̣ ход̇и – ‘‘бхаг̇ини зд̇ам̣ сажз б̣ахи чад̣д̣анийяад̇хаммам̣ ниссадтабариг̇г̇ахам̣, ид̇ха мз бад̇д̇з аагираахий’’д̇и. гим̣ бана звам̣ вад̇д̇ум̣ лаб̣бхад̇и , вин̃н̃ад̇д̇и ваа баяуд̇д̇аваажаа ваа на ход̇ийд̇и. на ход̇и. гасмаа? ниссадтабариг̇г̇ахад̇д̇аа. яан̃хи чад̣д̣анийяад̇хаммам̣ ниссадтабариг̇г̇ахам̣, яад̇т̇а саамигаа анаалаяаа хонд̇и, д̇ам̣ саб̣б̣ам̣ ‘‘д̣̇зт̇а аахарат̇а аагират̇аа’’д̇и вад̇д̇ум̣ ваддад̇и. д̇знзва хи аяамааяасмаа аг̇г̇аарияавам̣сиго самааноби звамааха.

хад̇т̇аананд̇и бхигкааг̇ахан̣ад̇т̇ам̣ бад̇д̇ам̣ убанаамаяад̇о ман̣иб̣анд̇хад̇о бабхуд̇и д̣̇виннамби хад̇т̇аанам̣. баад̣̇аананд̇и ниваасананд̇ад̇о бадтааяа д̣̇виннамби баад̣̇аанам̣. сарассаад̇и сажз д̇ам̣ бхаг̇инийд̇и ваажам̣ нижчаараяад̇о сарасса жа. нимид̇д̇ам̣ аг̇г̇ахзсийд̇и хад̇т̇абидтиаад̣̇ийни ологаяамаанаа – ‘‘буд̇д̇асса мз радтабааласса вияа суван̣н̣агажчабабидтисад̣̇исаа имаа хад̇т̇абаад̣̇абидтияо, харид̇аалаваддияо вияа суваддид̇аа ан̇г̇улияо, мад̇хуро саро’’д̇и г̇ихигаалз саллагкид̇абуб̣б̣ам̣ аагаарам̣ аг̇г̇ахзси сан̃ж̇аани саллагкзси. д̇асса хааяасмад̇о д̣̇ваад̣̇асавассаани аран̃н̃ааваасан̃жзва бин̣д̣ияаалобабхож̇анан̃жа барибхун̃ж̇анд̇асса ан̃н̃аад̣̇исо сарийраван̣н̣о ахоси, д̇зна нам̣ саа н̃аад̇ид̣̇аасий д̣̇исваава на сан̃ж̇аани, нимид̇д̇ам̣ бана аг̇г̇ахзсийд̇и.

300. радтабааласса маад̇арам̣ зд̇ад̣̇авожаад̇и т̇зрасса ан̇г̇абажжан̇г̇аани сан̣таабзд̇ваа т̇ан̃н̃ам̣ бааязд̇ваа сам̣вад̣дхид̇ад̇хаад̇ийби самаанаа баб̣б̣аж̇ид̇ваа махаакийн̣аасавабхааваббад̇д̇зна саамибуд̇д̇зна сад̣̇д̇хим̣ – ‘‘д̇вам̣ ну ко, мз бханд̇з, буд̇д̇о радтабаало’’д̇иаад̣̇иважанам̣ вад̇д̇ум̣ ависаханд̇ий взг̇зна гхарам̣ бависид̇ваа радтабааласса маад̇арам̣ зд̇ад̣̇авожа. яаг̇гхзд̇и аарожанад̇т̇з нибаад̇о. сажз ж̇з сажжанд̇и зд̇т̇а ж̇зд̇и аалабанз нибаад̇о. зван̃хи д̇асмим̣ д̣̇зсз д̣̇аасиж̇анам̣ аалабанд̇и, д̇асмаа ‘‘д̇ван̃хи, бход̇и д̣̇ааси, сажз сажжам̣ бхан̣асий’’д̇и звамзд̇т̇а ад̇т̇о д̣̇адтаб̣б̣о.

убасан̇гамийд̇и гасмаа убасан̇гами? махаагулз ид̇т̇ияо б̣ахи нигкаманд̇аа г̇арахам̣ баабун̣анд̇и, ид̣̇ан̃жа ажжааяигагижжам̣, сздтисса нам̣ аарожзссаамийд̇и жинд̇зд̇и. д̇асмаа убасан̇гами. ан̃н̃ад̇арам̣ гуддамууланд̇и д̇асмим̣ гира д̣̇зсз д̣̇аанабад̇ийнам̣ гхарзсу саалаа хонд̇и, аасанаани жзд̇т̇а бан̃н̃ад̇д̇аани хонд̇и, убадтаабид̇ам̣ уд̣̇агаган̃ж̇ияам̣. д̇ад̇т̇а баб̣б̣аж̇ид̇аа бин̣д̣ааяа жарид̇ваа нисийд̣̇ид̇ваа бхун̃ж̇анд̇и . сажз ижчанд̇и, д̣̇аанабад̇ийнамби санд̇агам̣ г̇ан̣ханд̇и. д̇асмаа д̇амби ан̃н̃ад̇арасса гуласса ийд̣̇исааяа саалааяа ан̃н̃ад̇арам̣ гуддамууланд̇и взд̣̇ид̇аб̣б̣ам̣. на хи баб̣б̣аж̇ид̇аа габан̣амануссаа вияа асааруббз таанз нисийд̣̇ид̇ваа бхун̃ж̇анд̇ийд̇и.

ад̇т̇и наама д̇аад̇аад̇и зд̇т̇а ад̇т̇ийд̇и виж̇ж̇амаанад̇т̇з, наамаад̇и бужчанад̇т̇з ман̃н̃анад̇т̇з ваа нибаад̇о. ид̣̇ан̃хи вуд̇д̇ам̣ ход̇и – ад̇т̇и ну ко, д̇аад̇а радтабаала, амхаагам̣ д̇ханам̣, нану маяам̣ нид̣̇д̇ханаад̇и вад̇д̇аб̣б̣аа, язсам̣ но д̇вам̣ ийд̣̇исз таанз нисийд̣̇ид̇ваа аабхид̣̇осигам̣ гуммаасам̣ барибхун̃ж̇иссаси. д̇ат̇аа ад̇т̇и ну ко, д̇аад̇а радтабаала, амхаагам̣ ж̇ийвид̇ам̣, нану маяам̣ мад̇аад̇и вад̇д̇аб̣б̣аа, язсам̣ но д̇вам̣ ийд̣̇исз таанз нисийд̣̇ид̇ваа аабхид̣̇осигам̣ гуммаасам̣ барибхун̃ж̇иссаси. д̇ат̇аа ад̇т̇и ман̃н̃з, д̇аад̇а радтабаала, д̇ава аб̣бханд̇арз саасанам̣ ниссааяа бадилад̣̇д̇хо саман̣аг̇ун̣о, яам̣ д̇вам̣ субхож̇анарасасам̣вад̣дхид̇оби имам̣ ж̇иг̇ужчанзяяам̣ аабхид̣̇осигам̣ гуммаасам̣ амад̇амива ниб̣б̣игааро барибхун̃ж̇иссасийд̇и. со бана г̇ахабад̇и д̣̇угкаабхид̇уннад̇ааяа зд̇амад̇т̇ам̣ барибун̣н̣ам̣ гад̇ваа вад̇д̇умасаггонд̇о – ‘‘ад̇т̇и наама, д̇аад̇а радтабаала, аабхид̣̇осигам̣ гуммаасам̣ барибхун̃ж̇иссасий’’д̇и зд̇д̇агамзва аважа. агкаражинд̇агаа банзд̇т̇а ид̣̇ам̣ лагкан̣ам̣ вад̣̇анд̇и – аногаббанаамарисанад̇т̇авасзнзд̇ам̣ ад̇т̇исад̣̇д̣̇з убабад̣̇з ‘‘барибхун̃ж̇иссасий’’д̇и анааг̇ад̇аважанам̣ гад̇ам̣. д̇ассааяамад̇т̇о – ‘‘ад̇т̇и наама…бз… барибхун̃ж̇иссаси, ид̣̇ам̣ бажжагкамби ахам̣ на сад̣̇д̣̇ахаами на марисаяаамий’’д̇и. ид̣̇ам̣ зд̇д̇агам̣ важанам̣ г̇ахабад̇и т̇зрасса бад̇д̇амукаваддияам̣ г̇ахзд̇ваа тид̇агова гат̇зси. т̇зроби бид̇ари бад̇д̇амукаваддияам̣ г̇ахзд̇ваа тид̇зязва д̇ам̣ бууд̇игуммаасам̣ барибхун̃ж̇и сунакаванд̇асад̣̇исам̣ бууд̇игуггудан̣д̣амива бхиннадтаанз бууд̇игам̣ вааяанд̇ам̣. бут̇уж̇ж̇анзна гира д̇ат̇ааруубам̣ гуммаасам̣ барибхун̃ж̇ид̇ум̣ на саггаа. т̇зро бана арияид̣̇д̇хияам̣ тад̇ваа д̣̇иб̣б̣ож̇ам̣ амад̇арасам̣ барибхун̃ж̇амаано вияа барибхун̃ж̇ид̇ваа д̇хамагаран̣зна уд̣̇агам̣ г̇ахзд̇ваа бад̇д̇ан̃жа мукан̃жа хад̇т̇абаад̣̇з жа д̇ховид̇ваа гуд̇о но г̇ахабад̇ийд̇иаад̣̇имааха.

д̇ад̇т̇а гуд̇о нод̇и гуд̇о ну. нзва д̣̇аананд̇и д̣̇зяяад̇хаммавасзна нзва д̣̇аанам̣ алад̇т̇амха. на бажжагкаананд̇и ‘‘гим̣, д̇аад̇а радтабаала, гажжи д̇з каманийяам̣, гажжиси аббагиламат̇зна ааг̇ад̇о, на д̇аава д̇аад̇а г̇зхз бхад̇д̇ам̣ самбаад̣̇ияад̇ий’’д̇и звам̣ бадисант̇ааравасзна бажжагкаанамби на алад̇т̇амха. гасмаа бана т̇зро звамааха? бид̇у ануг̇г̇ахзна. звам̣ гирасса ахоси – ‘‘яат̇аа зса мам̣ вад̣̇ад̇и , ан̃н̃зби баб̣б̣аж̇ид̇з звам̣ вад̣̇ад̇и ман̃н̃з. б̣уд̣̇д̇хасаасанз жа бад̇д̇анд̇арз бад̣̇умам̣ вияа бхасмаачанно аг̇г̇и вияа пзг̇г̇убадижчанно жанд̣̇анасааро вияа суд̇д̇игаабадижчаннам̣ муд̇д̇арад̇анам̣ вияа валаахагабадижчанно жанд̣̇имаа вияа маад̣̇исаанам̣ бадижчаннаг̇ун̣аанам̣ бхигкуунам̣ анд̇о над̇т̇и, д̇зсуби на зваруубам̣ важанам̣ бавад̇д̇зссад̇и, сам̣варз тассад̇ий’’д̇и ануг̇г̇ахзна звамааха.

зхи д̇аад̇аад̇и д̇аад̇а д̇уяхам̣ гхарам̣ маа ход̇у, зхи гхарам̣ г̇амиссаамаад̇и вад̣̇ад̇и. аланд̇и т̇зро уггадтазгаасанигад̇ааяа бадигкибанд̇о звамааха. ад̇хиваасзсийд̇и т̇зро бана багад̇ияаа уггадтасабад̣̇аанажаариго сваад̇анааяабхигкам̣ наама наад̇хиваасзд̇и, маад̇у ануг̇г̇ахзна бана ад̇хиваасзси. маад̇у гирасса т̇зрам̣ ануссарид̇ваа махаасого уббаж̇ж̇и, род̣̇анзнзва баггагки вияа ж̇аад̇аа, д̇асмаа т̇зро ‘‘сажаахам̣ д̇ам̣ абассид̇ваа г̇амиссаами, хад̣̇аяамбиссаа паалзяяаа’’д̇и ануг̇г̇ахзна ад̇хиваасзси. гаараабзд̇ваад̇и згам̣ хиран̃н̃асса, згам̣ суван̣н̣ассаад̇и д̣̇вз бун̃ж̇з гаараабзд̇ваа. гийвамаханд̇аа бана бун̃ж̇аа ахзсунд̇и. яат̇аа орад̇о тид̇о бурисо баарад̇о тид̇ам̣ маж̇жхимаббамаан̣ам̣ бурисам̣ на бассад̇и, звам̣маханд̇аа.

301. ид̣̇ам̣ д̇з д̇аад̇аад̇и гахаабан̣абун̃ж̇ан̃жа суван̣н̣абун̃ж̇ан̃жа д̣̇ассзнд̇о ааха. мад̇д̇иганд̇и маад̇ид̇о ааг̇ад̇ам̣, ид̣̇ам̣ д̇з маад̇аамахияаа маад̇у имам̣ г̇зхам̣ ааг̇ажчанд̇ияаа г̇анд̇хамаалаад̣̇ийнам̣ ад̇т̇ааяа д̣̇иннам̣ д̇хананд̇и ад̇т̇о. ан̃н̃ам̣ бзд̇д̇игам̣ ан̃н̃ам̣ бид̇аамаханд̇и яам̣ бана д̇з бид̇у жа бид̇аамахаанан̃жа санд̇агам̣, д̇ам̣ ан̃н̃ам̣язва, нихид̇ан̃жа баяуд̇д̇ан̃жа ад̇ивияа б̣аху. зд̇т̇а жа ‘‘бид̇аамаха’’нд̇и д̇ад̣̇д̇хид̇алобам̣ гад̇ваа вуд̇д̇анд̇и взд̣̇ид̇аб̣б̣ам̣. ‘‘бзд̇аамаха’’нд̇и ваа баато. саггаа д̇ад̇онид̣̇аананд̇и д̇ханахзд̇у д̇ханабажжаяаа. д̇ам̣ д̇ам̣ д̇ханам̣ рагканд̇асса жа рааж̇аад̣̇ийнам̣ васзна д̇ханабаригкаяам̣ баабун̣анд̇асса гассажи уббаж̇ж̇амаанасогаад̣̇аяо санд̇хааяа звамааха. звам̣ вуд̇д̇з сздти г̇ахабад̇и – ‘‘ахам̣ имам̣ уббаб̣б̣ааж̇зссаамийд̇и аанзсим̣, со д̣̇аани мз д̇хаммагат̇ам̣ гаад̇ум̣ аарад̣̇д̇хо, аяам̣ на мз важанам̣ гариссад̇ий’’д̇и удтааяа г̇анд̇ваа асса ород̇хаанам̣ д̣̇ваарам̣ вивараабзд̇ваа – ‘‘аяам̣ во саамиго, г̇ажчат̇а яам̣ гин̃жи гад̇ваа нам̣ г̇ан̣хид̇ум̣ вааяамат̇аа’’д̇и уяяож̇зси. суваяз тид̇аа наадагид̇т̇ияо нигкамид̇ваа т̇зрам̣ бариваараяим̣су , д̇аасу д̣̇вз ж̇здтагид̇т̇ияо санд̇хааяа бураан̣ад̣̇уд̇ияигаад̇иаад̣̇и вуд̇д̇ам̣. бажжзгам̣ баад̣̇зсу г̇ахзд̇ваад̇и згзгамхи баад̣̇з нам̣ г̇ахзд̇ваа.

гийд̣̇исаа наама д̇аа аяяабуд̇д̇а ажчарааяод̇и гасмаа звамаахам̣су? д̇ад̣̇аа гира самб̣ахулз кад̇д̇ияагумаарзби б̣раахман̣агумаарзби сздтибуд̇д̇зби махаасамбад̇д̇ияо бахааяа баб̣б̣аж̇анд̇з д̣̇исваа баб̣б̣аж̇ж̇ааг̇ун̣ам̣ аж̇аананд̇аа гат̇ам̣ самудтаабзнд̇и ‘‘гасмаа зд̇з баб̣б̣аж̇анд̇ий’’д̇и. ат̇ан̃н̃з вад̣̇анд̇и ‘‘д̣̇зважчараад̣̇званаадагаанам̣ гааран̣аа’’д̇и. саа гат̇аа вид̇т̇ааригаа ахоси. д̇ам̣ г̇ахзд̇ваа саб̣б̣аа звамаахам̣су. ат̇а т̇зро бадигкибанд̇о на ко маяам̣ бхаг̇инийд̇иаад̣̇имааха. самуд̣̇аажарад̇ийд̇и вохарад̇и вад̣̇ад̇и. д̇ад̇т̇зва мужчид̇аа бабад̇им̣сууд̇и д̇ам̣ бхаг̇иниваад̣̇зна самуд̣̇аажаранд̇ам̣ д̣̇исваа ‘‘маяам̣ аж̇ж̇а ааг̇амиссад̇и, аж̇ж̇а ааг̇амиссад̇ий’’д̇и д̣̇ваад̣̇аса вассаани б̣ахи на нигканд̇аа, зд̇ам̣ ниссааяа но д̣̇аарагаа на лад̣̇д̇хаа, язсам̣ аанубхаавзна ж̇ийвзяяаама, ид̇о жамхаа барихийнаа ан̃н̃ад̇о жа. аяам̣ лого наама ад̇д̇анова жинд̇зси, д̇асмаа д̇ааби ‘‘ид̣̇аани маяам̣ анаат̇аа ж̇аад̇аа’’д̇и ад̇д̇анова жинд̇аяамаанаа – ‘‘анад̇т̇иго д̣̇аани амхзхи аяам̣, со амхз баж̇аабад̇ияо самаанаа ад̇д̇анаа сад̣̇д̇хим̣ згамаад̇угужчияаа саяид̇ад̣̇ааригаа вияа ман̃н̃ад̇ий’’д̇и самуббаннаб̣алавасогаа худ̇ваа д̇асмим̣язва бад̣̇зсз мужчид̇аа бабад̇им̣су, бад̇ид̇аад̇и ад̇т̇о.

маа но вихзтзт̇аад̇и маа амхз д̇ханам̣ д̣̇ассзд̇ваа маад̇уг̇аамз жа уяяож̇зд̇ваа вихзтаяид̇т̇а, вихзсаа хзсаа баб̣б̣аж̇ид̇аананд̇и. гасмаа звамааха? маад̇аабид̇уунам̣ ануг̇г̇ахзна. со гира сздти – ‘‘баб̣б̣аж̇ид̇алин̇г̇ам̣ наама гилидтам̣, баб̣б̣аж̇ж̇аавзсам̣ хаарзд̇ваа нхааяид̇ваа д̇аяо ж̇анаа згад̇о бхун̃ж̇иссаамаа’’д̇и ман̃н̃амаано т̇зрасса бхигкам̣ на д̣̇зд̇и. т̇зро – ‘‘маад̣̇исасса кийн̣аасавасса аахааранд̇арааяам̣ гад̇ваа зд̇з б̣ахум̣ абун̃н̃ам̣ басавзяяу’’нд̇и д̇зсам̣ ануг̇г̇ахзна звамааха.

302. г̇аат̇аа абхаасийд̇и г̇аат̇ааяо абхааси. д̇ад̇т̇а бассаад̇и санд̇игз тид̇аж̇анам̣ санд̇хааяа вад̣̇ад̇и. жид̇д̇анд̇и жид̇д̇авижид̇д̇ам̣. б̣имб̣анд̇и ад̇д̇абхаавам̣. аругааяанд̇и наваннам̣ ван̣амукаанам̣ васзна ван̣агааяам̣. самуссид̇анд̇и д̇ийн̣и адтисад̇аани навахи нхаарусад̇зхи б̣анд̇хид̇ваа навахи мам̣сабзсисад̇зхи лимбид̇ваа саманд̇ад̇о уссид̇ам̣. аад̇уранд̇и ж̇араад̇урад̇ааяа рог̇аад̇урад̇ааяа гилзсаад̇урад̇ааяа жа нижжаад̇урам̣. б̣ахусан̇габбанд̇и барзсам̣ уббаннабад̇т̇анаасан̇габбзхи б̣ахусан̇габбам̣ . ид̇т̇ийнан̃хи гааяз бурисаанам̣ сан̇габбаа уббаж̇ж̇анд̇и, д̇зсам̣ гааяз ид̇т̇ийнам̣. сусаанз чад̣д̣ид̇агал̣зварабхууд̇амби жзд̇ам̣ гаагагулалаад̣̇аяо бад̇т̇аяанд̇иязваад̇и б̣ахусан̇габбо наама ход̇и. яасса над̇т̇и д̇хувам̣ тид̇ийд̇и яасса гааяасса мааяаамарийжипзн̣абин̣д̣а уд̣̇агабубпул̣аад̣̇ийнам̣ вияа згам̣сзнзва тид̇и наама над̇т̇и, бхиж̇ж̇анад̇хаммад̇аава нияад̇аа.

д̇ажзна онад̣̇д̇ханд̇и алламануссажаммзна онад̣̇д̇хам̣. саха вад̇т̇збхи собхад̇ийд̇и г̇анд̇хаад̣̇ийхи ман̣игун̣д̣алзхи жа жид̇д̇агад̇амби руубам̣ вад̇т̇зхи сахзва собхад̇и, винаа вад̇т̇зхи ж̇зг̇ужчам̣ ход̇и анологанагкамам̣.

алад̇д̇агагад̇аад̇и алад̇д̇агзна ран̃ж̇ид̇аа. жун̣н̣агамагкид̇анд̇и саасабагаггзна мукабийл̣агаад̣̇ийни нийхарид̇ваа лон̣амад̇д̇игааяа д̣̇удталохид̇ам̣ вилияаабзд̇ваа д̇илабидтзна лохид̇ам̣ басаад̣̇зд̇ваа халид̣̇д̣̇ияаа ван̣н̣ам̣ самбаад̣̇зд̇ваа жун̣н̣агаг̇ан̣д̣игааяа мукам̣ бахаранд̇и, д̇знзса ад̇ивияа вирожад̇и. д̇ам̣ санд̇хааязд̇ам̣ вуд̇д̇ам̣.

адтаабад̣̇агад̇аад̇и расод̣̇агзна магкид̇ваа налаадабарияанд̇з аавад̇д̇анабаривад̇д̇з гад̇ваа адтабад̣̇агаражанааяа ражид̇аа. ан̃ж̇анийд̇и ан̃ж̇ананаал̣игаа.

од̣̇ахийд̇и табзси. баасанд̇и ваагарааж̇аалам̣. наасад̣̇аад̇и на гхаддаяи. ниваабанд̇и ниваабасуд̇д̇з вуд̇д̇аниваабад̇ин̣асад̣̇исабхож̇анам̣. ганд̣̇анд̇зд̇и виравамаанз барид̣̇звамаанз. имааяа хи г̇аат̇ааяа т̇зро маад̇аабид̇аро миг̇алуд̣̇д̣̇агз вияа гад̇ваа д̣̇ассзси, авасзсан̃аад̇агз миг̇алуд̣̇д̣̇агабарисам̣ вияа, хиран̃н̃асуван̣н̣ам̣ ваагарааж̇аалам̣ вияа, ад̇д̇анаа бхуд̇д̇абхож̇анам̣ ниваабад̇ин̣ам̣ вияа, ад̇д̇аанам̣ махаамиг̇ам̣ вияа гад̇ваа д̣̇ассзси. яат̇аа хи махаамиг̇о яаавад̣̇ад̇т̇ам̣ ниваабад̇ин̣ам̣ каад̣̇ид̇ваа баанийяам̣ бивид̇ваа г̇ийвам̣ угкибид̇ваа д̣̇исам̣ ологзд̇ваа ‘‘имам̣ наама таанам̣ г̇ад̇асса сод̇т̇и бхависсад̇ий’’д̇и миг̇алуд̣̇д̣̇агаанам̣ барид̣̇званд̇аанам̣язва ваагарам̣ агхаддаяамаанова уббад̇ид̇ваа аран̃н̃ам̣ бависид̇ваа гханажчааяасса чад̇д̇асса вияа г̇умб̣асса хздтаа манд̣̇аманд̣̇зна ваад̇зна б̣ийж̇аяамаано ааг̇ад̇амаг̇г̇ам̣ ологзнд̇о д̇идтад̇и, звамзва т̇зро имаа г̇аат̇аа бхаасид̇ваа аагаасзнзва г̇анд̇ваа миг̇ажийрз бажжубадтааси.

гасмаа бана т̇зро аагаасзна г̇ад̇од̇и. бид̇аа гирасса сздти сад̇д̇асу д̣̇ваарагодтагзсу аг̇г̇ал̣ам̣ д̣̇аабзд̇ваа маллз аан̣аабзси – ‘‘сажз нигкамид̇ваа г̇ажчад̇и , хад̇т̇абаад̣̇зсу нам̣ г̇ахзд̇ваа гаасааяаани харид̇ваа г̇ихивзсам̣ г̇ан̣хаабзт̇аа’’д̇и. д̇асмаа т̇зро – ‘‘зд̇з маад̣̇исам̣ махаакийн̣аасавам̣ хад̇т̇з ваа баад̣̇з ваа г̇ахзд̇ваа абун̃н̃ам̣ басавзяяум̣, д̇ам̣ нзсам̣ маа ахосий’’д̇и жинд̇зд̇ваа аагаасзна аг̇амааси. барасамуд̣̇д̣̇аваасид̇т̇зраанам̣ бана – ‘‘тид̇агова имаа г̇аат̇аа бхаасид̇ваа взхаасам̣ аб̣бхуг̇г̇анд̇ваа ран̃н̃о гораб̣яасса миг̇ажийрз бажжубадтаасий’’д̇и аяам̣ ваажанаамаг̇г̇оязва.

303. миг̇авод̇и д̇асса уяяаанабааласса наамам̣. сод̇хзнд̇од̇и уяяаанамаг̇г̇ам̣ самам̣ гаарзд̇ваа анд̇оуяяаанз д̇ажчид̇аб̣б̣аяуд̇д̇адтаанаани д̇ажчаабзнд̇о саммаж̇ж̇ид̇аб̣б̣аяуд̇д̇аани таанаани саммаж̇ж̇аабзнд̇о ваалугааогиран̣а-бубпавигиран̣а-бун̣н̣агхададтабана-гад̣̇алигканд̇хатабанаад̣̇ийни жа гаронд̇од̇и ад̇т̇о. язна рааж̇аа гораб̣яо д̇знубасан̇гамийд̇и амхаагам̣ рааж̇аа сад̣̇аа имасса гулабуд̇д̇асса ван̣н̣ам̣ гат̇зси, бассид̇угаамо зд̇ам̣, ааг̇ад̇абхаавам̣ банасса на ж̇аанаад̇и, махаа ко банааяам̣ бан̣н̣аагааро, г̇анд̇ваа ран̃н̃о аарожзссаамийд̇и жинд̇зд̇ваа язна рааж̇аа гораб̣яо д̇знубасан̇гами.

гид̇д̇аяамаано ахосийд̇и со гира рааж̇аа т̇зрам̣ ануссарид̇ваа б̣аламаж̇жхзби наадагамаж̇жхзби – ‘‘д̣̇уггарам̣ гад̇ам̣ гулабуд̇д̇зна д̇аава маханд̇ам̣ самбад̇д̇им̣ бахааяа баб̣б̣аж̇ид̇ваа бунанивад̇д̇ид̇ваа анабалогзнд̇знаа’’д̇и г̇ун̣ам̣ гат̇зси, д̇ам̣ г̇ахзд̇ваа аяам̣ звамааха. виссаж̇ж̇зт̇аад̇и вад̇ваад̇и ород̇хамахаамад̇д̇аб̣алагааяаад̣̇ийсу яасса яам̣ анужчавигам̣, д̇асса д̇ам̣ д̣̇аабзд̇ваад̇и ад̇т̇о. уссадааяа уссадааяаад̇и уссид̇ааяа уссид̇ааяа, махаамад̇д̇амахаарадтигаад̣̇ийнам̣ васзна уг̇г̇ад̇уг̇г̇ад̇амзва барисам̣ г̇ахзд̇ваа убасан̇гамийд̇и ад̇т̇о. ид̇ха бхавам̣ радтабаало хад̇т̇ад̇т̇арз нисийд̣̇ад̇ууд̇и хад̇т̇ад̇т̇аро д̇ануго б̣ахалабубпаад̣̇иг̇ун̣ам̣ гад̇ваа ад̇т̇ад̇о абхилагкид̇о ход̇и, д̇аад̣̇исз анаабужчид̇ваа нисийд̣̇ид̇ум̣ на яуд̇д̇анд̇и ман̃н̃амаано звамааха.

304. баариж̇ун̃н̃аанийд̇и баариж̇ун̃н̃абхааваа баригкаяаа. ж̇ин̣н̣од̇и ж̇арааж̇ин̣н̣о. вуд̣дход̇и ваяовуд̣дхо. махаллагод̇и ж̇аад̇имахаллаго. ад̣̇д̇хаг̇ад̇од̇и ад̣̇д̇хаанам̣ ад̇игганд̇о. ваяоануббад̇д̇од̇и бажчимаваяам̣ ануббад̇д̇о. баб̣б̣аж̇ад̇ийд̇и д̇хуравихаарам̣ г̇анд̇ваа бхигкуу ванд̣̇ид̇ваа, – ‘‘бханд̇з, маяаа д̣̇ахарагаалз б̣ахум̣ гусалам̣ гад̇ам̣, ид̣̇аани махаллагомхи, махаллагасса жзсаа баб̣б̣аж̇ж̇аа наама, жзд̇ияан̇г̇ан̣ам̣ саммаж̇ж̇ид̇ваа аббахарид̇ам̣ гад̇ваа ж̇ийвиссаами, баб̣б̣ааж̇зт̇а мам̣, бханд̇з,’’д̇и гаарун̃н̃ам̣ уббаад̣̇знд̇о яаажад̇и, т̇зраа анугамбааяа баб̣б̣ааж̇знд̇и. д̇ам̣ санд̇хааязд̇ам̣ вуд̇д̇ам̣. д̣̇уд̇ияаваарзби зсзва наяо.

аббааб̣аад̇ход̇и арог̇о. аббаад̇ан̇год̇и нид̣̇д̣̇угко. самавзбаагинияаад̇и самавибаажанияаа. г̇ахан̣ияаад̇и гаммаж̇ад̇зж̇од̇хаад̇уяаа. д̇ад̇т̇а яасса бхуд̇д̇абхуд̇д̇о аахааро ж̇ийрад̇и, яасса ваа бана будабхад̇д̇ам̣ вияа д̇ат̇зва д̇идтад̇и, убхобзд̇з на самавзбаагинияаа г̇ахан̣ияаа саманнааг̇ад̇аа. яасса бана бхуд̇д̇агаалз бхад̇д̇ажчанд̣̇о уббаж̇ж̇ад̇зва, аяам̣ самавзбаагинияаа саманнааг̇ад̇о. наад̇исийд̇ааяа нажжун̣хааяаад̇и д̇знзва гааран̣зна наад̇исийд̇ааяа нажжун̣хааяа. анубуб̣б̣знаад̇и рааж̇аано ваа харанд̇ийд̇иаад̣̇инаа ануггамзна. д̣̇уд̇ияаваарз рааж̇абхаяажорабхаяачаад̇агабхаяаад̣̇инаа ануггамзна.

305. д̇хаммуд̣̇д̣̇зсаа уд̣̇д̣̇идтаад̇и д̇хамманид̣̇д̣̇зсаа уд̣̇д̣̇идтаа. убанияяад̇ийд̇и ж̇араамаран̣асанд̇игам̣ г̇ажчад̇и, ааяугкаязна ваа д̇ад̇т̇а нияяад̇и. ад̣̇д̇хувод̇и д̇хувадтаанавирахид̇о. ад̇аан̣од̇и д̇ааяид̇ум̣ самад̇т̇зна вирахид̇о. анабхиссарод̇и асаран̣о абхисарид̇ваа абхиг̇анд̇ваа ассаасзд̇ум̣ самад̇т̇зна вирахид̇о. ассагод̇и ниссаго сагабхан̣д̣авирахид̇о. саб̣б̣ам̣ бахааяа г̇аманийяанд̇и сагабхан̣д̣анд̇и саллагкид̇ам̣ саб̣б̣ам̣ бахааяа логзна г̇анд̇аб̣б̣ам̣. д̇ан̣хаад̣̇аасод̇и д̇ан̣хааяа д̣̇аасо.

306. хад̇т̇исминд̇и хад̇т̇исиббз. гад̇аавийд̇и гад̇агаран̣ийяо, сигкид̇асигко баг̇ун̣асиббод̇и ад̇т̇о. зса наяо саб̣б̣ад̇т̇а. ууруб̣алийд̇и ууруб̣аласамбанно. яасса хи палаган̃жа аавуд̇хан̃жа г̇ахзд̇ваа барасзнам̣ бависид̇ваа абхиннам̣ бхинд̣̇ад̇о бхиннам̣ санд̇хаараяад̇о барахад̇т̇аг̇ад̇ам̣ раж̇ж̇ам̣ аахарид̇ум̣ ууруб̣алам̣ ад̇т̇и, аяам̣ ууруб̣алий наама. б̣аахуб̣алийд̇и б̣аахуб̣аласамбанно. сзсам̣ буримасад̣̇исамзва. аламад̇д̇од̇и самад̇т̇аад̇д̇абхааво.

барияод̇хааяа вад̇д̇иссанд̇ийд̇и уббаннам̣ уббад̣̇д̣̇авам̣ од̇хааяа авад̇т̇арид̇ваа вад̇д̇иссанд̇ийд̇и саллагкзд̇ваа г̇ахид̇аа.

сам̣виж̇ж̇ад̇и ко, бхо радтабаала, имасмим̣ рааж̇агулз бахууд̇ам̣ хиран̃н̃асуван̣н̣анд̇и ид̣̇ам̣ со рааж̇аа убари д̇хаммуд̣̇д̣̇зсасса гааран̣ам̣ аахаранд̇о ааха.

ат̇аабарам̣ зд̇ад̣̇авожаад̇и зд̇ам̣ ‘‘бассаами логз’’д̇иаад̣̇инаа наязна жад̇уннам̣ д̇хаммуд̣̇д̣̇зсаанам̣ ануг̇ийд̇им̣ авожа.

307. д̇ад̇т̇а бхияяова гаамз абхибад̇т̇аяанд̇ийд̇и згам̣ лабхид̇ваа д̣̇вз бад̇т̇аяанд̇и, д̣̇вз лабхид̇ваа жад̇д̇аарод̇и звам̣ уд̇д̇аруд̇д̇ари вад̇т̇угаамагилзсагаамз бад̇т̇аяанд̇иязва.

басаяхаад̇и сабад̇д̇аг̇ан̣ам̣ абхибхавид̇ваа. сасааг̇аранд̇анд̇и сад̣̇д̇хим̣ сааг̇аранд̇зна. орам̣ самуд̣̇д̣̇ассаад̇и яам̣ самуд̣̇д̣̇асса орад̇о сагарадтам̣, д̇зна ад̇ид̇д̇аруубод̇и ад̇т̇о. на хад̇т̇ийд̇и на хи ад̇т̇и.

ахо вад̇аа нод̇и ахо вад̇а ну, аяамзва ваа баато. амараад̇и жаахууд̇и амарам̣ ид̇и жа ааху. ид̣̇ам̣ вуд̇д̇ам̣ ход̇и – яам̣ мад̇ам̣ н̃аад̇ий бариваарзд̇ваа ганд̣̇анд̇и, д̇ам̣ – ‘‘ахо вад̇а амхаагам̣ бхаад̇аа мад̇о, буд̇д̇о мад̇о’’д̇иаад̣̇ийниби вад̣̇анд̇и.

пусанд̇и пассанд̇и маран̣апассам̣ пусанд̇и. д̇ат̇зва пудтод̇и яат̇аа б̣аало, д̇хийроби д̇ат̇зва маран̣апассзна пудто, апудто наама над̇т̇и, аяам̣ бана висзсо. б̣аало жа б̣ааляаа вад̇хид̇ова сзд̇ийд̇и б̣аало б̣аалабхаавзна маран̣апассам̣ ааг̇амма вад̇хид̇ова сзд̇и абхихад̇ова саяад̇и. агад̇ам̣ вад̇а мз галяаан̣анд̇иаад̣̇ивиббадисааравасзна жалад̇и взд̇хад̇и вибпанд̣̇ад̇и. д̇хийро жа на взд̇хад̇ийд̇и д̇хийро суг̇ад̇инимид̇д̇ам̣ бассанд̇о на взд̇хад̇и на жалад̇и.

яааяа восаанам̣ ид̇хаад̇хиг̇ажчад̇ийд̇и яааяа бан̃н̃ааяа имасмим̣ логз саб̣б̣агижжавосаанам̣ арахад̇д̇ам̣ ад̇хиг̇ажчад̇и, саава д̇ханад̇о уд̇д̇амад̇араа. аб̣яосид̇ад̇д̇аад̇и абарияосид̇ад̇д̇аа, арахад̇д̇абад̇д̇ияаа, абхаавзнаад̇и ад̇т̇о. бхаваабхавзсууд̇и хийнаббан̣ийд̇зсу бхавзсу.

убзд̇и г̇аб̣бхан̃жа баран̃жа логанд̇и д̇зсу баабам̣ гаронд̇зсу яо гожи сад̇д̇о барамбарааяа сам̣саарам̣ аабаж̇ж̇ид̇ваа г̇аб̣бхан̃жа баран̃жа логам̣ убзд̇и. д̇ассаббабан̃н̃од̇и д̇асса д̇аад̣̇исасса аббабан̃н̃асса ан̃н̃о аббабан̃н̃о абхисад̣̇д̣̇аханд̇о.

сагаммунаа хан̃н̃ад̇ийд̇и ад̇д̇анаа гад̇агаммавасзна ‘‘гасаахиби д̇аалзд̇ий’’д̇иаад̣̇ийхи гаммагааран̣аахи хан̃н̃ад̇и. бзжжа барамхи логзд̇и ид̇о г̇анд̇ваа барамхи абааяалогз.

вируубаруубзнаад̇и вивид̇харуубзна, наанаасабхаавзнаад̇и ад̇т̇о. гаамаг̇ун̣зсууд̇и д̣̇идтад̇хаммигасамбарааяигзсу саб̣б̣агаамаг̇ун̣зсу аад̣̇ийнавам̣ д̣̇исваа. д̣̇ахараад̇и анд̇амасо галаламад̇д̇абхаавам̣ убаад̣̇ааяа д̇арун̣аа. вуд̣дхаад̇и вассасад̇аад̇игганд̇аа. абан̣н̣агам̣ сааман̃н̃амзва сзяяод̇и авируд̣̇д̇хам̣ ад̣̇важ̇жхаг̇аамим̣ зганд̇анияяаанигам̣ сааман̃н̃амзва ‘‘сзяяо, уд̇д̇арид̇аран̃жа бан̣ийд̇ад̇аран̃жаа’’д̇и убад̇хаарзд̇ваа баб̣б̣аж̇ид̇осми махаарааж̇аад̇и. д̇асмаа яам̣ д̇вам̣ вад̣̇аси – ‘‘гим̣ д̣̇исваа ваа суд̇ваа ваа’’д̇и, ид̣̇ам̣ д̣̇исваа жа суд̇ваа жа баб̣б̣аж̇ид̇осмийд̇и мам̣ д̇хаарзхийд̇и д̣̇зсанам̣ нидтаабзсийд̇и.

бабан̃жасууд̣̇анияаа маж̇жхиманигааяадтагат̇ааяа

радтабааласуд̇д̇аван̣н̣анаа нидтид̇аа.