| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. радтабааласуд̇д̇аван̣н̣анаа
2. Raṭṭhapālasuttavaṇṇanā
293. т̇ууламзва т̇уллам̣, т̇уллаа вибулаа маханд̇аа годтаа ж̇аад̇аа имассаад̇и т̇уллагодтиганд̇и од̣̇анабуубабахууд̇авасзна лад̣̇д̇ханаамо ниг̇амо. адтагат̇ааяам̣ бана т̇уллагодтанд̇и ад̇т̇о вуд̇д̇о. д̇зна баал̣ияам̣ ига-сад̣̇д̣̇зна бад̣̇авад̣дханам̣ гад̇анд̇и д̣̇ассзд̇и.
293. Thūlameva thullaṃ, thullā vipulā mahantā koṭṭhā jātā imassāti thullakoṭṭhikanti odanapūpapahūtavasena laddhanāmo nigamo. Aṭṭhakathāyaṃ pana thullakoṭṭhanti attho vutto. Tena pāḷiyaṃ ika-saddena padavaḍḍhanaṃ katanti dasseti.
294. радтабаалод̇и ид̣̇ам̣ д̇асса гулабуд̇д̇асса наамам̣. бавзн̣ивасзна ааг̇ад̇агулавам̣саануг̇ад̇анд̇и самуд̣̇ааг̇амад̇о бадтааяа д̣̇ассзд̇ум̣ ‘‘гасмаа радтабаало’’д̇иаад̣̇и вуд̇д̇ам̣. санд̇хаарзд̇унд̇и винаасанад̇о буб̣б̣з яаад̣̇исам̣, д̇ат̇зва саммад̣̇зва д̇хаарзд̇ум̣ самад̇т̇о. сад̣̇д̇хаад̇и гаммапаласад̣̇д̇хааяа самбаннаа. сааман̣зрам̣ д̣̇исваад̇и сигкаагаамад̇ааяа зд̇ад̣̇аг̇г̇з табияамаанам̣ д̣̇исваа.
294.Raṭṭhapāloti idaṃ tassa kulaputtassa nāmaṃ. Paveṇivasena āgatakulavaṃsānugatanti samudāgamato paṭṭhāya dassetuṃ ‘‘kasmā raṭṭhapālo’’tiādi vuttaṃ. Sandhāretunti vināsanato pubbe yādisaṃ, tatheva sammadeva dhāretuṃ samattho. Saddhāti kammaphalasaddhāya sampannā. Sāmaṇeraṃ disvāti sikkhākāmatāya etadagge ṭhapiyamānaṃ disvā.
саха ран̃н̃аад̇и сарааж̇игам̣, ран̃н̃аа сад̣̇д̇хим̣ рааж̇абарисам̣. жаад̇уван̣н̣анд̇и б̣раахман̣аад̣̇ижад̇уван̣н̣асамуд̣̇ааяам̣. босзд̇унд̇и вад̣̇д̇хзд̇ум̣ д̣̇аанаад̣̇ийхи сан̇г̇ахавад̇т̇уухи сан̇г̇ан̣хид̇ум̣. яам̣ гулам̣. бахоссад̇ийд̇и сагкиссад̇и.
Saha raññāti sarājikaṃ, raññā saddhiṃ rājaparisaṃ. Cātuvaṇṇanti brāhmaṇādicatuvaṇṇasamudāyaṃ. Posetunti vaddhetuṃ dānādīhi saṅgahavatthūhi saṅgaṇhituṃ. Yaṃ kulaṃ. Pahossatīti sakkhissati.
д̇зна д̇зна мз убабаригкад̇од̇и ‘‘гаамаа наамзд̇з анижжаа д̣̇угкаа вибарин̣аамад̇хаммаа, адтиган̇галуубамаа’’д̇и (ма. ни. 1.234; баажи. 417; махаани. 3, 6) жа аад̣̇инаа язна язна аагаарзна гаамзсу аад̣̇ийнавам̣ огаарам̣ сам̣гилзсам̣, д̇аб̣б̣ибарияааяад̇о нзгкаммз аанисам̣сам̣ г̇ун̣ам̣ багаасзнд̇ам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, д̇зна д̇зна багаарзна убабаригкад̇о виймам̣санд̇асса маяхам̣ звам̣ ход̇и звам̣ убадтаад̇и. сигкад̇д̇аяаб̣рахмажарияанд̇и ад̇хисийлаад̣̇исигкад̇д̇аяасан̇г̇ахам̣ сздтажарияам̣. акан̣д̣аад̣̇ибхааваабаад̣̇анзна акан̣д̣ам̣ лагкан̣аважанан̃хзд̇ам̣. ган̃жиби сигкзгад̣̇зсам̣ асзсзд̇ваа зганд̇знзва барибуурзд̇аб̣б̣ад̇ааяа зганд̇абарибун̣н̣ам̣. жид̇д̇уббаад̣̇амад̇д̇амби сам̣гилзсамалам̣ ануббаад̣̇зд̇ваа ажжанд̇амзва висуд̣̇д̇хам̣ гад̇ваа барихарид̇аб̣б̣ад̇ааяа зганд̇абарисуд̣̇д̇хам̣. д̇ад̇о зва сан̇кам̣ вияа ликид̇анд̇и сан̇каликид̇ам̣. д̇знааха ‘‘ликид̇асан̇касад̣̇иса’’нд̇и. д̣̇аатигааби массуг̇г̇ахан̣знзва г̇ахзд̇ваа ‘‘массу’’д̇взва вуд̇д̇ам̣, уд̇д̇араад̇харамассунд̇и ад̇т̇о. гасааязна рад̇д̇аани гаасааяаани. ананун̃н̃аад̇ам̣ буд̇д̇ам̣ на баб̣б̣ааж̇зд̇и ‘‘маад̇аабид̇уунам̣ логияамахааж̇анасса жид̇д̇ан̃н̃ат̇ад̇д̇ам̣ маа ход̇уу’’д̇и. д̇ат̇аа хи суд̣̇д̇ход̣̇анамахаарааж̇асса д̇ат̇аа варо д̣̇инно.
Tena tena me upaparikkhatoti ‘‘kāmā nāmete aniccā dukkhā vipariṇāmadhammā, aṭṭhikaṅkalūpamā’’ti (ma. ni. 1.234; pāci. 417; mahāni. 3, 6) ca ādinā yena yena ākārena kāmesu ādīnavaṃ okāraṃ saṃkilesaṃ, tabbipariyāyato nekkhamme ānisaṃsaṃ guṇaṃ pakāsentaṃ bhagavatā dhammaṃ desitaṃ ājānāmi, tena tena pakārena upaparikkhato vīmaṃsantassa mayhaṃ evaṃ hoti evaṃ upaṭṭhāti. Sikkhattayabrahmacariyanti adhisīlādisikkhattayasaṅgahaṃ seṭṭhacariyaṃ. Akhaṇḍādibhāvāpādanena akhaṇḍaṃ lakkhaṇavacanañhetaṃ. Kañcipi sikkhekadesaṃ asesetvā ekanteneva paripūretabbatāya ekantaparipuṇṇaṃ. Cittuppādamattampi saṃkilesamalaṃ anuppādetvā accantameva visuddhaṃ katvā pariharitabbatāya ekantaparisuddhaṃ. Tato eva saṅkhaṃ viya likhitanti saṅkhalikhitaṃ. Tenāha ‘‘likhitasaṅkhasadisa’’nti. Dāṭhikāpi massuggahaṇeneva gahetvā ‘‘massu’’tveva vuttaṃ, uttarādharamassunti attho. Kasāyena rattāni kāsāyāni. Ananuññātaṃ puttaṃ na pabbājeti ‘‘mātāpitūnaṃ lokiyamahājanassa cittaññathattaṃ mā hotū’’ti. Tathā hi suddhodanamahārājassa tathā varo dinno.
295. бияааяид̇аб̣б̣ад̇о бияод̇и ааха ‘‘бийд̇иж̇анаго’’д̇и. манасса аббааяанад̇о манаабод̇и ааха ‘‘манавад̣дханаго’’д̇и. сукзд̇хид̇о д̇арун̣ад̣̇аарагагаалз. д̇ад̇о баран̃жа саббикийраад̣̇исаад̣̇урасаманун̃н̃абхож̇анаад̣̇иаахаарасамбад̇д̇ияаа сукабарибхад̇о. ат̇а ваа д̣̇ал̣хабхад̇д̇игад̇хаад̇иж̇анаад̣̇ибариж̇анасамбад̇д̇ияаа жзва барижчад̣̇асамбад̇д̇ияаа жа ул̣аарабан̣ийд̇асукабажжаяуубахаарзхи жа сукзд̇хид̇о, агижчзнзва д̣̇угкаббажжаяавинод̣̇анзна сукабарибхад̇о. аж̇жхад̇д̇иган̇г̇асамбад̇д̇ияаа ваа сукзд̇хид̇о, б̣аахиран̇г̇асамбад̇д̇ияаа сукабарибхад̇о. гассажийд̇и убаяог̇ад̇т̇з саамиважанам̣, гин̃жийд̇и вуд̇д̇ам̣ ход̇и, аяамзва ваа баато. д̇ат̇аа хи ‘‘аббамад̇д̇агамби галабхааг̇ам̣ д̣̇угкасса на ж̇аанаасий’’д̇и ад̇т̇о вуд̇д̇о. звам̣ санд̇зд̇и нану маяам̣ радтабаала маран̣аад̣̇ийсу гзнажи убааязна аббад̇ийгаарзна маран̣знаби д̇аяаа агаамагааби винаа бхависсаама, звам̣ сад̇и. язнаад̇и язна гааран̣зна. гим̣ банаад̇и зд̇т̇а гинд̇и гааран̣ад̇т̇з бажжад̇д̇аважананд̇и д̣̇ассзнд̇о ааха ‘‘гзна бана гааран̣знаа’’д̇и.
295. Piyāyitabbato piyoti āha ‘‘pītijanako’’ti. Manassa appāyanato manāpoti āha ‘‘manavaḍḍhanako’’ti. Sukhedhito taruṇadārakakāle. Tato parañca sappikhīrādisādurasamanuññabhojanādiāhārasampattiyā sukhaparibhato. Atha vā daḷhabhattikadhātijanādiparijanasampattiyā ceva paricchadasampattiyā ca uḷārapaṇītasukhapaccayūpahārehi ca sukhedhito, akiccheneva dukkhappaccayavinodanena sukhaparibhato. Ajjhattikaṅgasampattiyā vā sukhedhito, bāhiraṅgasampattiyā sukhaparibhato. Kassacīti upayogatthe sāmivacanaṃ, kiñcīti vuttaṃ hoti, ayameva vā pāṭho. Tathā hi ‘‘appamattakampi kalabhāgaṃ dukkhassa na jānāsī’’ti attho vutto. Evaṃ santeti nanu mayaṃ raṭṭhapāla maraṇādīsu kenaci upāyena appatīkārena maraṇenapi tayā akāmakāpi vinā bhavissāma, evaṃ sati. Yenāti yena kāraṇena. Kiṃ panāti ettha kinti kāraṇatthe paccattavacananti dassento āha ‘‘kena pana kāraṇenā’’ti.
296. барижаарзхийд̇и барид̇о д̇ад̇т̇а д̇ад̇т̇а яат̇аасагам̣ висаязсу жаарзхи. д̇знааха ‘‘ид̇о жид̇о жа убанзхий’’д̇и. барижаарзхийд̇и ваа сукуубагаран̣зхи ад̇д̇аанам̣ барижаарзхи, ад̇д̇ано барижаран̣ам̣ гаарзхи. д̇ат̇аабхууд̇о жа яасмаа лал̣анд̇о гийл̣анд̇о наама ход̇и, д̇асмаа ‘‘лал̣аа’’д̇иаад̣̇и вуд̇д̇ам̣. нижжад̣̇аанам̣ д̣̇аанам̣ наама, убосат̇ад̣̇ивасаад̣̇ийсу д̣̇аад̇аб̣б̣ам̣ ад̇ирзгад̣̇аанам̣ бад̣̇аанам̣ наама. бавзн̣ийрагкан̣авасзна ваа д̣̇ийяамаанам̣ д̣̇аанам̣ наама, ад̇д̇анаава бадтабзд̇ваа д̣̇ийяамаанам̣ бад̣̇аанам̣ наама. бажураж̇анасаад̇хааран̣ам̣ ваа наад̇иул̣аарам̣ д̣̇аанам̣ наама, анан̃н̃асаад̇хааран̣ам̣ ад̇иул̣аарам̣ бад̣̇аанам̣ наама. уд̣̇д̣̇ассзд̇аб̣б̣аад̇и уд̣̇д̇хам̣ д̣̇ассзд̇аб̣б̣аа. гуд̇о уд̣̇д̇хам̣ д̇з д̣̇ассзд̇аб̣б̣аа? баб̣б̣аж̇ид̇ад̇о уд̣̇д̇хам̣ ад̇д̇аанам̣ маад̇аабид̇аро д̣̇ассзд̇аб̣б̣аа, д̇знааха ‘‘яат̇аа’’д̇иаад̣̇и.
296.Paricārehīti parito tattha tattha yathāsakaṃ visayesu cārehi. Tenāha ‘‘ito cito ca upanehī’’ti. Paricārehīti vā sukhūpakaraṇehi attānaṃ paricārehi, attano paricaraṇaṃ kārehi. Tathābhūto ca yasmā laḷanto kīḷanto nāma hoti, tasmā ‘‘laḷā’’tiādi vuttaṃ. Niccadānaṃ dānaṃ nāma, uposathadivasādīsu dātabbaṃ atirekadānaṃ padānaṃ nāma. Paveṇīrakkhaṇavasena vā dīyamānaṃ dānaṃ nāma, attanāva paṭṭhapetvā dīyamānaṃ padānaṃ nāma. Pacurajanasādhāraṇaṃ vā nātiuḷāraṃ dānaṃ nāma, anaññasādhāraṇaṃ atiuḷāraṃ padānaṃ nāma. Uddassetabbāti uddhaṃ dassetabbā. Kuto uddhaṃ te dassetabbā? Pabbajitato uddhaṃ attānaṃ mātāpitaro dassetabbā, tenāha ‘‘yathā’’tiādi.
299. б̣алам̣ г̇ахзд̇ваад̇и зд̇т̇а б̣алаг̇г̇ахан̣ам̣ наама гааяаб̣аласса уббаад̣̇анамзваад̇и ааха ‘‘гааяаб̣алам̣ ж̇анзд̇ваа’’д̇и. звам̣ вихаранд̇од̇и яат̇аа баал̣ияам̣ вуд̇д̇ам̣ звам̣ зго вуубагадто аббамад̇д̇о вихаранд̇о. д̇асмаад̇и яасмаа нзяяо, на уг̇гхадид̇ан̃н̃уу, на жа вибан̃жид̇ан̃н̃уу, д̇асмаа. жирзна баб̣б̣аж̇ид̇о д̣̇ваад̣̇асамз вассз арахад̇д̇ам̣ баабун̣и. яам̣ бана вуд̇д̇ам̣ баал̣ияам̣ ‘‘на жирассзваа’’д̇и, д̇ам̣ садти вассаани д̇ад̇о ад̇хигамби вибассанаабариваасам̣ васанд̇з убаад̣̇ааяа вуд̇д̇ам̣.
299.Balaṃ gahetvāti ettha balaggahaṇaṃ nāma kāyabalassa uppādanamevāti āha ‘‘kāyabalaṃ janetvā’’ti. Evaṃ viharantoti yathā pāḷiyaṃ vuttaṃ evaṃ eko vūpakaṭṭho appamatto viharanto. Tasmāti yasmā neyyo, na ugghaṭitaññū, na ca vipañcitaññū, tasmā. Cirena pabbajito dvādasame vasse arahattaṃ pāpuṇi. Yaṃ pana vuttaṃ pāḷiyaṃ ‘‘na cirassevā’’ti, taṃ saṭṭhi vassāni tato adhikampi vipassanāparivāsaṃ vasante upādāya vuttaṃ.
сад̇д̇ад̣̇ваарагодтагассаад̇и сад̇д̇аг̇аб̣бханд̇арад̣̇ваарагодтагасийсзна г̇аб̣бханд̇араани вад̣̇ад̇и. бахараабзд̇ийд̇и ваяовуд̣дхаануруубам̣ габбаабанаад̣̇инаа алан̇гаараабзд̇и. анд̇ож̇аад̇ад̇ааяа н̃аад̇исад̣̇исий д̣̇аасий н̃аад̇ид̣̇аасий. бууд̇ибхаавзнзва лагкид̇аб̣б̣о д̣̇осо ваа абхид̣̇осо, сова аабхид̣̇осиго, абхид̣̇осам̣ ваа бажжуусагаалам̣ г̇ад̇о бад̇д̇о ад̇игганд̇од̇и аабхид̣̇осиго. д̇знааха ‘‘згарад̇д̇аад̇игганд̇ассаа’’д̇иаад̣̇и . абарибхог̇аарахо бууд̇ибхууд̇абхаавзна. арияавохаарзнаад̇и арияасамуд̣̇аажаарзна. арияаа хи маад̇уг̇аамам̣ бхаг̇иниваад̣̇зна самуд̣̇аажаранд̇и. ниссадтабариг̇г̇аханд̇и барижжад̇д̇аалаяам̣. вад̇д̇ум̣ ваддад̇ийд̇и нирабзгкабхаавад̇о вуд̇д̇ам̣, ид̇ха бана висзсад̇о абарибхог̇аарахад̇д̇аава вад̇т̇уно. нимийяад̇и сан̃н̃ааяад̇ийд̇и нимид̇д̇ам̣, д̇ат̇аасаллагкид̇о аагаарод̇и ааха ‘‘аагаарам̣ аг̇г̇ахзсий’’д̇и.
Sattadvārakoṭṭhakassāti sattagabbhantaradvārakoṭṭhakasīsena gabbhantarāni vadati. Paharāpetīti vayovuḍḍhānurūpaṃ kappāpanādinā alaṅkārāpeti. Antojātatāya ñātisadisī dāsī ñātidāsī. Pūtibhāveneva lakkhitabbo doso vā abhidoso, sova ābhidosiko, abhidosaṃ vā paccūsakālaṃ gato patto atikkantoti ābhidosiko. Tenāha ‘‘ekarattātikkantassā’’tiādi . Aparibhogāraho pūtibhūtabhāvena. Ariyavohārenāti ariyasamudācārena. Ariyā hi mātugāmaṃ bhaginivādena samudācaranti. Nissaṭṭhapariggahanti pariccattālayaṃ. Vattuṃ vaṭṭatīti nirapekkhabhāvato vuttaṃ, idha pana visesato aparibhogārahattāva vatthuno. Nimīyati saññāyatīti nimittaṃ, tathāsallakkhito ākāroti āha ‘‘ākāraṃ aggahesī’’ti.
300. гхарам̣ бависид̇ваад̇и г̇зхасааминияаа нисийд̣̇ид̇аб̣б̣адтаанабхууд̇ам̣ анд̇ог̇зхам̣ бависид̇ваа. аалабанзд̇и д̣̇аасиж̇анасса аалабанз. б̣ахи нигкаманд̇аад̇и яат̇аавуд̇д̇аанд̇ог̇зхад̇о б̣ахи нигкаманд̇ияо. гхарзсу саалаа хонд̇ийд̇и гхарзсу згаманд̇з бхож̇анасаалаа хонд̇и баагаарабаригкид̇д̇аа сусам̣вихид̇ад̣̇ваараб̣анд̇хаа сусаммадтаваалиган̇г̇ан̣аа.
300.Gharaṃpavisitvāti gehasāminiyā nisīditabbaṭṭhānabhūtaṃ antogehaṃ pavisitvā. Ālapaneti dāsijanassa ālapane. Bahi nikkhamantāti yathāvuttaantogehato bahi nikkhamantiyo. Gharesu sālā hontīti gharesu ekamante bhojanasālā honti pākāraparikkhittā susaṃvihitadvārabandhā susammaṭṭhavālikaṅgaṇā.
аногаббанам̣ асад̣̇д̣̇аханам̣. амарисанам̣ асаханам̣. анааг̇ад̇аважанам̣ анааг̇ад̇асад̣̇д̣̇аббаяог̇о, ад̇т̇о бана вад̇д̇амаанагаалигова. д̇знааха ‘‘бажжагкамбий’’д̇и. арияид̣̇д̇хияанд̇и ‘‘бадигуулз абадигууласан̃н̃ий вихарад̇ий’’д̇и (а. ни. 5.144) звам̣ вуд̇д̇аарияид̣̇д̇хияам̣.
Anokappanaṃ asaddahanaṃ. Amarisanaṃ asahanaṃ. Anāgatavacanaṃ anāgatasaddappayogo, attho pana vattamānakālikova. Tenāha ‘‘paccakkhampī’’ti. Ariyiddhiyanti ‘‘paṭikūle apaṭikūlasaññī viharatī’’ti (a. ni. 5.144) evaṃ vuttaariyiddhiyaṃ.
бууд̇игуммаасо чад̣д̣анийяад̇хаммо д̇асса г̇зхад̇о лад̣̇д̇хоби на д̣̇аад̇аб̣б̣аяуд̇д̇аго д̣̇аасиж̇анзна д̣̇иннод̇и ааха ‘‘д̣̇зяяад̇хаммавасзна нзва д̣̇аанам̣ алад̇т̇амхаа’’д̇и. ‘‘имзхи мун̣д̣агзхий’’д̇иаад̣̇инаа нид̇т̇унанаважанзна бажжагкаанам̣ ад̇т̇ад̇о лад̣̇д̇хамзва, д̇асса бана уж̇угапаасусамаажааравасзна алад̣̇д̇хад̇д̇аа вуд̇д̇ам̣ ‘‘на бажжагкаана’’нд̇и. д̇знааха – ‘‘бадисант̇ааравасзна бажжагкаанамби на алад̇т̇амхаа’’д̇и. ‘‘нзва д̣̇аана’’нд̇иаад̣̇и бажжаасийсааяа агканд̇ияаа жа вуд̇д̇ам̣ вияа бажураж̇ано ман̃н̃зяяаад̇и д̇аннивад̇д̇анад̇т̇ам̣ ад̇хиббааяамасса виварид̇ум̣ ‘‘гасмаа банаа’’д̇иаад̣̇и вуд̇д̇ам̣. суд̇д̇игаабадижчаннанд̇и сиббигаачад̣̇аахи чаннам̣.
Pūtikummāso chaḍḍanīyadhammo tassa gehato laddhopi na dātabbayuttako dāsijanena dinnoti āha ‘‘deyyadhammavasena neva dānaṃ alatthamhā’’ti. ‘‘Imehi muṇḍakehī’’tiādinā nitthunanavacanena paccakkhānaṃ atthato laddhameva, tassa pana ujukaphāsusamācāravasena aladdhattā vuttaṃ ‘‘na paccakkhāna’’nti. Tenāha – ‘‘paṭisanthāravasena paccakkhānampi na alatthamhā’’ti. ‘‘Neva dāna’’ntiādi paccāsīsāya akkhantiyā ca vuttaṃ viya pacurajano maññeyyāti tannivattanatthaṃ adhippāyamassa vivarituṃ ‘‘kasmā panā’’tiādi vuttaṃ. Suttikāpaṭicchannanti sippikāchadāhi channaṃ.
уггадтазгаасанигад̇ааяаад̇и ид̣̇ам̣ бхууд̇агат̇анамад̇д̇ам̣ т̇зрасса д̇ат̇аабхаавад̣̇ийбанад̇о. муд̣̇угассаби хи згаасанигасса яааяа нисаж̇ж̇ааяа гин̃жимад̇д̇ам̣ бхож̇анам̣ бхуд̇д̇ам̣, вад̇д̇асийсзнаби д̇ад̇о вудтид̇асса буна бхун̃ж̇ид̇ум̣ на ваддад̇и. д̇знааха д̇ибидагажуул̣аабхаяад̇т̇зро ‘‘аасанам̣ ваа рагкзяяа бхож̇анам̣ ваа’’д̇и. уггадтасабад̣̇аанажааригод̇и бурад̇о бажчад̇о жа аахадабхигкамби аг̇г̇ахзд̇ваа б̣ахид̣̇ваарз тад̇ваа бад̇д̇ависсаж̇ж̇анамзва гарод̇и. зд̇знзва т̇зрасса уггадтабин̣д̣абаад̇игабхааво д̣̇ийбид̇о. д̇знааха – ‘‘сваад̇анааяа бхигкам̣ наама наад̇хиваасзд̇ий’’д̇и. ат̇а гасмаа ад̇хиваасзсийд̇и ааха ‘‘маад̇у ануг̇г̇ахзнаа’’д̇иаад̣̇и . бан̣д̣ид̇аа хи маад̇аабид̇уунам̣ аажарияубаж̇жхааяаанам̣ ваа гаад̇аб̣б̣ам̣ ануг̇г̇ахам̣ аж̇жхубзгкид̇ваа д̇худ̇ан̇г̇асуд̣̇д̇хигаа на бхаванд̇и.
Ukkaṭṭhaekāsanikatāyāti idaṃ bhūtakathanamattaṃ therassa tathābhāvadīpanato. Mudukassapi hi ekāsanikassa yāya nisajjāya kiñcimattaṃ bhojanaṃ bhuttaṃ, vattasīsenapi tato vuṭṭhitassa puna bhuñjituṃ na vaṭṭati. Tenāha tipiṭakacūḷābhayatthero ‘‘āsanaṃ vā rakkheyya bhojanaṃ vā’’ti. Ukkaṭṭhasapadānacārikoti purato pacchato ca āhaṭabhikkhampi aggahetvā bahidvāre ṭhatvā pattavissajjanameva karoti. Eteneva therassa ukkaṭṭhapiṇḍapātikabhāvo dīpito. Tenāha – ‘‘svātanāya bhikkhaṃ nāma nādhivāsetī’’ti. Atha kasmā adhivāsesīti āha ‘‘mātu anuggahenā’’tiādi . Paṇḍitā hi mātāpitūnaṃ ācariyupajjhāyānaṃ vā kātabbaṃ anuggahaṃ ajjhupekkhitvā dhutaṅgasuddhikā na bhavanti.
301. баяуд̇д̇анд̇и вад̣̇д̇хивасзна баяож̇ид̇ам̣, д̇ад̣̇д̇хид̇алобам̣ гад̇ваа вуд̇д̇анд̇и взд̣̇ид̇аб̣б̣ам̣ яат̇аа ан̃н̃ад̇т̇ааби ‘‘бид̇аамахам̣ д̇ханам̣ лад̣̇д̇хаа, сукам̣ ж̇ийвад̇и сан̃жаяо’’д̇и . ж̇здтагид̇т̇ияод̇и бад̇хаанид̇т̇ияо. ид̇од̇и имасмим̣ гулз анубхавид̇аб̣б̣авибхавасамбад̇д̇ид̇о. ан̃н̃ад̇од̇и имасса д̣̇иннад̇д̇аа ан̃н̃асмим̣ гулз анубхавид̇аб̣б̣асамбад̇д̇ид̇о.
301.Payuttanti vaddhivasena payojitaṃ, taddhitalopaṃ katvā vuttanti veditabbaṃ yathā aññatthāpi ‘‘pitāmahaṃ dhanaṃ laddhā, sukhaṃ jīvati sañcayo’’ti . Jeṭṭhakitthiyoti padhānitthiyo. Itoti imasmiṃ kule anubhavitabbavibhavasampattito. Aññatoti imassa dinnattā aññasmiṃ kule anubhavitabbasampattito.
302. жид̇д̇авижид̇д̇анд̇и габбанааяа жзва арахаруубзна алан̇гаараад̣̇инаа жа жид̇д̇ид̇ан̃жзва вижид̇д̇ид̇ан̃жа. ван̣агааяанд̇и ван̣абхууд̇ам̣ гааяам̣. саманд̇ад̇о уссид̇анд̇и хздтимагааяавасзна хздтаа убари жа санниссид̇ам̣. нижжаад̇уранд̇и абхин̣хаббадибийл̣ид̇ам̣, сад̣̇аа д̣̇угкид̇ам̣ ваа. б̣ахусан̇габбанд̇и рааг̇авад̇т̇убхаавзна абхиж̇анзхи хаавабхаававилаасавасзна, аамисавасзна жа сон̣асин̇г̇аалаад̣̇ийхи б̣ахуухи сан̇габбзд̇аб̣б̣ам̣. тид̇ийд̇и авадтаанам̣ авибарин̣аамо над̇т̇и. д̇знааха – ‘‘бхиж̇ж̇анад̇хаммад̇аава нияад̇аа’’д̇и, бариссавабхааваабад̇д̇и жзва винаасабад̇д̇и жа зганд̇игаад̇и ад̇т̇о.
302.Cittavicittanti kappanāya ceva araharūpena alaṅkārādinā ca cittitañceva vicittitañca. Vaṇakāyanti vaṇabhūtaṃ kāyaṃ. Samantato ussitanti heṭṭhimakāyavasena heṭṭhā upari ca sannissitaṃ. Niccāturanti abhiṇhappaṭipīḷitaṃ, sadā dukkhitaṃ vā. Bahusaṅkappanti rāgavatthubhāvena abhijanehi hāvabhāvavilāsavasena, āmisavasena ca soṇasiṅgālādīhi bahūhi saṅkappetabbaṃ. Ṭhitīti avaṭṭhānaṃ avipariṇāmo natthi. Tenāha – ‘‘bhijjanadhammatāva niyatā’’ti, parissavabhāvāpatti ceva vināsapatti ca ekantikāti attho.
жид̇д̇агад̇амбийд̇и г̇анд̇хаад̣̇ийхи жид̇д̇агад̇амби. руубанд̇и сарийрам̣.
Cittakatampīti gandhādīhi cittakatampi. Rūpanti sarīraṃ.
алад̇д̇агагад̇аад̇и бин̣д̣иалад̇д̇агзна суван̣н̣агад̇аа. д̇знааха ‘‘алад̇д̇агзна ран̃ж̇ид̇аа’’д̇и. жун̣н̣агамагкид̇анд̇и д̣̇осанийхаран̣зхи д̇аабад̣̇аханаад̣̇ийхи гад̇аабхисан̇каарамукам̣ г̇орожанаад̣̇ийхи обхаасанагажун̣н̣зхи магкид̇ам̣, д̇знааха ‘‘саасабагаггзнаа’’д̇иаад̣̇и.
Alattakakatāti piṇḍialattakena suvaṇṇakatā. Tenāha ‘‘alattakena rañjitā’’ti. Cuṇṇakamakkhitanti dosanīharaṇehi tāpadahanādīhi katābhisaṅkhāramukhaṃ gorocanādīhi obhāsanakacuṇṇehi makkhitaṃ, tenāha ‘‘sāsapakakkenā’’tiādi.
расод̣̇агзнаад̇и сараланияяаасарасамиссзна уд̣̇агзна. аавад̇д̇анабаривад̇д̇з гад̇ваад̇и аавад̇д̇анабаривад̇д̇анавасзна над̇з гад̇ваа. адтабад̣̇агаражанааяаад̇и бхид̇д̇игуудад̣̇д̇хажанд̣̇аад̣̇ивибхааг̇ааяа адтабад̣̇агаражанааяа.
Rasodakenāti saralaniyyāsarasamissena udakena. Āvattanaparivatte katvāti āvattanaparivattanavasena nate katvā. Aṭṭhapadakaracanāyāti bhittikūṭaddhacandādivibhāgāya aṭṭhapadakaracanāya.
виравамаанзд̇и ‘‘аяам̣ балааяад̇и, г̇ан̣ха г̇ан̣хаа’’д̇и виравамаанз. хиран̃н̃асуван̣н̣аород̇хзд̇и вад̇д̇аб̣б̣ам̣.
Viravamāneti ‘‘ayaṃ palāyati, gaṇha gaṇhā’’ti viravamāne. Hiraññasuvaṇṇaorodheti vattabbaṃ.
303. уссид̇ааяа уссид̇ааяаад̇и гулавибхаваб̣аахусажжабан̃н̃аасамбад̇д̇ияаа уг̇г̇ад̇ааяа уг̇г̇ад̇ааяа. абхилагкид̇о ул̣аарабхаавзна.
303.Ussitāya ussitāyāti kulavibhavabāhusaccapaññāsampattiyā uggatāya uggatāya. Abhilakkhito uḷārabhāvena.
304. бариж̇ун̃н̃аанийд̇и барихаанаани. яз б̣яаад̇хинаа абхибхууд̇аа сад̇д̇аа ж̇ин̣н̣агаббаа ваяохаанисад̇д̇аа вияа хонд̇и, д̇ад̇о нивад̇д̇знд̇о ‘‘ж̇арааж̇ин̣н̣о’’д̇и ааха. ваяовуд̣дхо, на сийлаад̣̇ивуд̣дхо. махад̇д̇ам̣ лаад̇и г̇ан̣хаад̇ийд̇и махаллаго, ж̇аад̇ияаа махаллаго, на вибхаваад̣̇инаад̇и ж̇аад̇имахаллаго . д̣̇вад̇д̇ирааж̇абаривад̇д̇асан̇каад̇ам̣ ад̣̇д̇хаанам̣ гаалам̣ г̇ад̇о вийд̇ивад̇д̇од̇и ад̣̇д̇хаг̇ад̇о. д̇ат̇аа жа батамаваяам̣ маж̇жхимаваяан̃жа ад̇ийд̇о ход̇ийд̇и ааха ‘‘ад̣̇д̇хаанам̣ ад̇игганд̇о’’д̇и. ж̇ин̣н̣аад̣̇ибад̣̇зхи батамаваяамаж̇жхимаваяасса б̣од̇хид̇ад̇д̇аа ануббад̇д̇ад̇аависидто ваяа-сад̣̇д̣̇о осаанаваяависаяод̇и ааха ‘‘бажчимаваяам̣ ануббад̇д̇о’’д̇и.
304.Parijuññānīti parihānāni. Ye byādhinā abhibhūtā sattā jiṇṇakappā vayohānisattā viya honti, tato nivattento ‘‘jarājiṇṇo’’ti āha. Vayovuḍḍho, na sīlādivuḍḍho. Mahattaṃ lāti gaṇhātīti mahallako, jātiyā mahallako, na vibhavādināti jātimahallako. Dvattirājaparivattasaṅkhātaṃ addhānaṃ kālaṃ gato vītivattoti addhagato. Tathā ca paṭhamavayaṃ majjhimavayañca atīto hotīti āha ‘‘addhānaṃ atikkanto’’ti. Jiṇṇādipadehi paṭhamavayamajjhimavayassa bodhitattā anuppattatāvisiṭṭho vaya-saddo osānavayavisayoti āha ‘‘pacchimavayaṃ anuppatto’’ti.
‘‘аббижчо, аббад̣ам̣самагасаваад̇аад̇абасарийсабасампассо’’д̇и (а. ни. 10.11) звамаад̣̇ийсу вияа абба-сад̣̇д̣̇о абхаавад̇т̇од̇и ад̇хиббааязнааха ‘‘аббааб̣аад̇ход̇и арог̇о, аббаад̇ан̇год̇и нид̣̇д̣̇угко’’д̇и. аббад̇т̇о ваа ид̇ха, д̇ад̇т̇ааби абба-сад̣̇д̣̇о д̣̇адтаб̣б̣о. зван̃хи ‘‘яо хи, г̇ахабад̇и, имам̣ бууд̇игааяам̣ барихаранд̇о мухуд̇д̇амби аарог̇яам̣ бадиж̇аанзяяа гиман̃н̃ад̇ра б̣ааляаа’’д̇и (сам̣. ни. 3.1) суд̇д̇абад̣̇ам̣ самад̇т̇ид̇ам̣ ход̇и. вибажжанам̣ вибааго, со зва взбааго. само взбааго зд̇иссаа ад̇т̇ийд̇и самавзбаагиний, д̇ааяа. д̇знзва самавзбаагинибхаавзна саб̣б̣амби саммад̣̇зва г̇ан̣хаад̇и д̇хаарзд̇ийд̇и г̇ахан̣ий. г̇ахан̣исамбад̇д̇ияаа хи яат̇аабхуд̇д̇ааахааро саммад̣̇зва ж̇ийранд̇о сарийрз д̇идтад̇и, но ан̃н̃ат̇аа бхуд̇д̇абхуд̇д̇о аахааро ж̇ийрад̇и г̇ахан̣ияаа д̇игкабхаавзна. д̇ат̇зва д̇идтад̇ийд̇и бхуд̇д̇аагаарзнзва д̇идтад̇и г̇ахан̣ияаа манд̣̇абхаавад̇о. бхад̇д̇ажчанд̣̇о уббаж̇ж̇ад̇зва бхуд̇д̇ааахаарасса саммаа барин̣аамам̣ г̇ад̇ад̇д̇аа. д̇знзваад̇и самавзбаагинибхаавзнзва. бад̇д̇аанам̣ бхог̇аанам̣ баригкияамаанам̣ на сахасаа згаж̇жхам̣язва баригкаяам̣ г̇ажчанд̇и, ат̇а ко ануггамзна, д̇ат̇аа н̃аад̇аяобийд̇и ааха ‘‘анубуб̣б̣знаа’’д̇и. чаад̇агабхаяаад̣̇инаад̇и аад̣̇и-сад̣̇д̣̇зна б̣яаад̇хибхаяаад̣̇им̣ сан̇г̇ан̣хаад̇и.
‘‘Appiccho, appaḍaṃsamakasavātātapasarīsapasamphasso’’ti (a. ni. 10.11) evamādīsu viya appa-saddo abhāvatthoti adhippāyenāha ‘‘appābādhoti arogo, appātaṅkoti niddukkho’’ti. Appattho vā idha, tatthāpi appa-saddo daṭṭhabbo. Evañhi ‘‘yo hi, gahapati, imaṃ pūtikāyaṃ pariharanto muhuttampi ārogyaṃ paṭijāneyya kimaññatra bālyā’’ti (saṃ. ni. 3.1) suttapadaṃ samatthitaṃ hoti. Vipaccanaṃ vipāko, so eva vepāko. Samo vepāko etissā atthīti samavepākinī, tāya. Teneva samavepākinibhāvena sabbampi sammadeva gaṇhāti dhāretīti gahaṇī. Gahaṇisampattiyā hi yathābhuttaāhāro sammadeva jīranto sarīre tiṭṭhati, no aññathā bhuttabhutto āhāro jīrati gahaṇiyā tikkhabhāvena. Tatheva tiṭṭhatīti bhuttākāreneva tiṭṭhati gahaṇiyā mandabhāvato. Bhattacchando uppajjateva bhuttaāhārassa sammā pariṇāmaṃ gatattā. Tenevāti samavepākinibhāveneva. Pattānaṃ bhogānaṃ parikkhiyamānaṃ na sahasā ekajjhaṃyeva parikkhayaṃ gacchanti, atha kho anukkamena, tathā ñātayopīti āha ‘‘anupubbenā’’ti. Chātakabhayādināti ādi-saddena byādhibhayādiṃ saṅgaṇhāti.
305. уд̣̇д̣̇зсасийсзна нид̣̇д̣̇зсо г̇ахид̇од̇и ааха ‘‘д̇хамманид̣̇д̣̇зсаа уд̣̇д̣̇идтаа’’д̇и. яасмаа ваа яз д̇хаммаа уд̣̇д̣̇исид̇аб̣б̣адтзна ‘‘уд̣̇д̣̇зсаа’’д̇и вужжанд̇и. д̇зва д̇хаммаа нид̣̇д̣̇исид̇аб̣б̣адтзна нид̣̇д̣̇зсаад̇и ‘‘д̇хамманид̣̇д̣̇зсаа уд̣̇д̣̇идтаа’’д̇и ад̇т̇о вуд̇д̇о. ат̇а ваа яз д̇хаммаа анижжад̇аад̣̇ивибхааванавасзна уд̣̇д̇хам̣ уд̣̇д̇хам̣ д̣̇зсзссанд̇и, д̇з д̇хаммаа д̇ат̇зва ниссзсад̇о д̣̇зсзссанд̇ийд̇и звам̣ уд̣̇д̣̇зсанид̣̇д̣̇зсабад̣̇аанам̣ анад̇т̇анд̇арад̇аа взд̣̇ид̇аб̣б̣аа. д̇ад̇т̇аад̇и ж̇араамаран̣асанд̇игз. ад̣̇д̇хувод̇и нид̣̇д̇хуво на т̇иро, анижжод̇и ад̇т̇о. д̇знааха ‘‘д̇хувадтаанавирахид̇о’’д̇и, аж̇аад̇аабхууд̇аасан̇кад̇ад̇хувабхаавагааран̣авивид̇д̇од̇и ад̇т̇о. убанийяяад̇ийд̇и ваа ж̇араамаран̣зна лого саммаа нийяад̇и, д̇асмаа ад̣̇д̇хувод̇и звамзд̇т̇а ад̇т̇о д̣̇адтаб̣б̣о. д̇ааяид̇унд̇и ж̇аад̇иаад̣̇иб̣яасанад̇о рагкид̇ум̣ самад̇т̇зна иссарзна ад̇д̇анаа вирахид̇од̇и. ‘‘имам̣ логам̣ ид̇о ваддад̣̇угкад̇о можзссаами, ж̇арааб̣яаад̇химаран̣аанам̣ д̇ам̣ ад̇хибхавид̇ум̣ на д̣̇ассаамий’’д̇и звам̣ абхисарад̇ийд̇и абхиссаран̣ам̣, логасса сукасса д̣̇аад̇аа хид̇асса вид̇хаад̇аа гожи иссаро, д̇ад̣̇абхаавад̇о ааха ‘‘анабхиссарод̇и асаран̣о’’д̇и. ниссаго мамааяид̇аб̣б̣авад̇т̇уабхаавад̇о, д̇знааха ‘‘сагабхан̣д̣авирахид̇о’’д̇иаад̣̇и. д̇ан̣хааяа васз ж̇аад̇о д̇ан̣хааяа виж̇ид̇од̇и гад̇ваа ‘‘д̇ан̣хааяа д̣̇аасо’’д̇и вуд̇д̇ам̣.
305. Uddesasīsena niddeso gahitoti āha ‘‘dhammaniddesā uddiṭṭhā’’ti. Yasmā vā ye dhammā uddisitabbaṭṭhena ‘‘uddesā’’ti vuccanti. Teva dhammā niddisitabbaṭṭhena niddesāti ‘‘dhammaniddesā uddiṭṭhā’’ti attho vutto. Atha vā ye dhammā aniccatādivibhāvanavasena uddhaṃ uddhaṃ desessanti, te dhammā tatheva nissesato desessantīti evaṃ uddesaniddesapadānaṃ anatthantaratā veditabbā. Tatthāti jarāmaraṇasantike. Addhuvoti niddhuvo na thiro, aniccoti attho. Tenāha ‘‘dhuvaṭṭhānavirahito’’ti, ajātābhūtāsaṅkhatadhuvabhāvakāraṇavivittoti attho. Upanīyyatīti vā jarāmaraṇena loko sammā nīyati, tasmā addhuvoti evamettha attho daṭṭhabbo. Tāyitunti jātiādibyasanato rakkhituṃ samatthena issarena attanā virahitoti. ‘‘Imaṃ lokaṃ ito vaṭṭadukkhato mocessāmi, jarābyādhimaraṇānaṃ taṃ adhibhavituṃ na dassāmī’’ti evaṃ abhisaratīti abhissaraṇaṃ, lokassa sukhassa dātā hitassa vidhātā koci issaro, tadabhāvato āha ‘‘anabhissaroti asaraṇo’’ti. Nissako mamāyitabbavatthuabhāvato, tenāha ‘‘sakabhaṇḍavirahito’’tiādi. Taṇhāya vase jāto taṇhāya vijitoti katvā ‘‘taṇhāya dāso’’ti vuttaṃ.
306. хад̇т̇ивисаяад̇д̇аа хад̇т̇исанниссид̇ад̇д̇аа ваа хад̇т̇исиббам̣ ‘‘хад̇т̇ий’’д̇и г̇ахид̇анд̇и ааха – ‘‘хад̇т̇исминд̇и хад̇т̇исиббз’’д̇и, сзсабад̣̇зсуби зсзва наяо. саад̇исаяам̣ ууруб̣алам̣ зд̇асса ад̇т̇ийд̇и ууруб̣алийд̇и ааха – ‘‘ууруб̣аласамбанно’’д̇и, д̇амзвад̇т̇ам̣ баагадам̣ гад̇ваа д̣̇ассзд̇ум̣ ‘‘яасса хий’’д̇иаад̣̇и вуд̇д̇ам̣. абхиннам̣ барасзнам̣ бхинд̣̇ад̇о бхиннам̣ сагасзнам̣ санд̇хаараяад̇о убад̇т̇амбхаяад̇о. б̣аахуб̣алийд̇и зд̇т̇ааби ‘‘яасса хи палаган̃жа аавуд̇хан̃жа г̇ахзд̇ваа’’д̇иаад̣̇инаа ад̇т̇о вад̇д̇аб̣б̣о, ид̇ха бана барахад̇т̇аг̇ад̇ам̣ раж̇ж̇ам̣ аахарид̇ум̣ б̣аахуб̣аланд̇и яож̇анаа. яат̇аа хи ‘‘ууруб̣алий’’д̇и зд̇т̇ааби б̣аахуб̣алам̣ анаамасид̇ваа ад̇т̇о, звам̣ ‘‘б̣аахуб̣алий’’д̇и зд̇т̇а ууруб̣алам̣ анаамасид̇ваа ад̇т̇о взд̣̇ид̇аб̣б̣о, аахид̇о ахам̣маано зд̇т̇аад̇и ад̇д̇аа, ад̇д̇абхааво. алам̣ самад̇т̇о ад̇д̇аа зд̇ассаад̇и аламад̇т̇од̇и ааха ‘‘самад̇т̇аад̇д̇абхааво’’д̇и.
306. Hatthivisayattā hatthisannissitattā vā hatthisippaṃ ‘‘hatthī’’ti gahitanti āha – ‘‘hatthisminti hatthisippe’’ti, sesapadesupi eseva nayo. Sātisayaṃ ūrubalaṃ etassa atthīti ūrubalīti āha – ‘‘ūrubalasampanno’’ti, tamevatthaṃ pākaṭaṃ katvā dassetuṃ ‘‘yassa hī’’tiādi vuttaṃ. Abhinnaṃ parasenaṃ bhindato bhinnaṃ sakasenaṃ sandhārayato upatthambhayato. Bāhubalīti etthāpi ‘‘yassa hi phalakañca āvudhañca gahetvā’’tiādinā attho vattabbo, idha pana parahatthagataṃ rajjaṃ āharituṃ bāhubalanti yojanā. Yathā hi ‘‘ūrubalī’’ti etthāpi bāhubalaṃ anāmasitvā attho, evaṃ ‘‘bāhubalī’’ti ettha ūrubalaṃ anāmasitvā attho veditabbo, āhito ahaṃmāno etthāti attā, attabhāvo. Alaṃ samattho attā etassāti alamatthoti āha ‘‘samatthaattabhāvo’’ti.
барияод̇хааяаад̇и ваа барид̇о аарагкам̣ од̣̇ахид̇ваа. ‘‘сам̣виж̇ж̇анд̇з ко, бхо радтабаала, имасмим̣ рааж̇агулз хад̇т̇игааяааби…бз… вад̇д̇иссанд̇ий’’д̇и ид̣̇амби со рааж̇аа убари д̇хаммуд̣̇д̣̇зсасса гааран̣ам̣ аахаранд̇о ааха.
Pariyodhāyāti vā parito ārakkhaṃ odahitvā. ‘‘Saṃvijjante kho, bho raṭṭhapāla, imasmiṃ rājakule hatthikāyāpi…pe… vattissantī’’ti idampi so rājā upari dhammuddesassa kāraṇaṃ āharanto āha.
вуд̇д̇ассзва ану бажчаа г̇ааяанавасзна гат̇анам̣ ануг̇ийд̇и. д̇аа бана г̇аат̇аа д̇хаммуд̣̇д̣̇зсаанам̣ д̣̇зсанаанубуб̣б̣им̣ анаад̣̇ияид̇вааби яат̇аарахам̣ сан̇г̇ан̣ханавасзна ануг̇ийд̇аад̇и ааха ‘‘жад̇уннам̣ д̇хаммуд̣̇д̣̇зсаанам̣ ануг̇ийд̇и’’нд̇и.
Vuttasseva anu pacchā gāyanavasena kathanaṃ anugīti. Tā pana gāthā dhammuddesānaṃ desanānupubbiṃ anādiyitvāpi yathārahaṃ saṅgaṇhanavasena anugītāti āha ‘‘catunnaṃ dhammuddesānaṃ anugīti’’nti.
307. зганд̇и згаж̇аад̇ияам̣. вад̇т̇угаамагилзсагаамаа висаяабхзд̣̇зна бхинд̣̇ид̇ваа д̇ат̇аа вуд̇д̇аад̇и д̣̇адтаб̣б̣о.
307.Ekanti ekajātiyaṃ. Vatthukāmakilesakāmā visayabhedena bhinditvā tathā vuttāti daṭṭhabbo.
сааг̇аранд̇знаад̇и сааг̇арабарияанд̇зна.
Sāgarantenāti sāgarapariyantena.
ахо вад̇аад̇и сожанз нибаад̇о, ‘‘ахо вад̇а баабам̣ гад̇ам̣ маяаа’’д̇иаад̣̇ийсу вияа. амараад̇иаад̣̇ийсу аахууд̇и гат̇знд̇и. мад̇ам̣ уд̣̇д̣̇исса ‘‘амха’’нд̇и вад̇д̇аб̣б̣з согавасзна ‘‘амара’’нд̇и вужжад̇и.
Aho vatāti socane nipāto, ‘‘aho vata pāpaṃ kataṃ mayā’’tiādīsu viya. Amarātiādīsu āhūti kathenti. Mataṃ uddissa ‘‘amha’’nti vattabbe sokavasena ‘‘amara’’nti vuccati.
восаананд̇и нидтам̣, барияосаананд̇и ад̇т̇о. сааваад̇и бан̃н̃аа зва. д̇ханад̇од̇и саб̣б̣ад̇ханад̇о. уд̇д̇амад̇араа сздтаа, д̇знзвааха ‘‘бан̃н̃ааж̇ийвим̣ ж̇ийвид̇амааху сздта’’нд̇и (сам̣. ни. 1.246; су. ни. 184).
Vosānanti niṭṭhaṃ, pariyosānanti attho. Sāvāti paññā eva. Dhanatoti sabbadhanato. Uttamatarā seṭṭhā, tenevāha ‘‘paññājīviṃ jīvitamāhu seṭṭha’’nti (saṃ. ni. 1.246; su. ni. 184).
д̇зсу баабам̣ гаронд̇зсу сад̇д̇зсу, нид̣̇д̇хааран̣з жзд̇ам̣ бхуммаважанам̣. барамбарааяаад̇и ад̇д̇абхаавабарамбарааяа. сам̣саарам̣ аабаж̇ж̇ид̇ваад̇и бхаваад̣̇ийсу сам̣саарасса аабаж̇ж̇анахзд̇ум̣ аабаж̇ж̇анд̇о баралогам̣ убзд̇и, баралогам̣ убзнд̇ова б̣ахувид̇хад̣̇угкасан̇каад̇ам̣ г̇аб̣бхан̃жа убзд̇и. д̇аад̣̇исассаад̇и д̇ат̇ааруубасса г̇аб̣бхаваасад̣̇угкаад̣̇ийнам̣ ад̇хидтаанабхууд̇асса аббабан̃н̃асса ан̃н̃о аббабан̃н̃о жа абхисад̣̇д̣̇аханд̇о хид̇асукааваханд̇и бад̇д̇ияааяанд̇о.
Tesu pāpaṃ karontesu sattesu, niddhāraṇe cetaṃ bhummavacanaṃ. Paramparāyāti attabhāvaparamparāya. Saṃsāraṃ āpajjitvāti bhavādīsu saṃsārassa āpajjanahetuṃ āpajjanto paralokaṃ upeti, paralokaṃ upentova bahuvidhadukkhasaṅkhātaṃ gabbhañca upeti. Tādisassāti tathārūpassa gabbhavāsadukkhādīnaṃ adhiṭṭhānabhūtassa appapaññassa añño appapañño ca abhisaddahanto hitasukhāvahanti pattiyāyanto.
‘‘баабад̇хаммо’’д̇и вуд̇д̇ад̇д̇аа д̇аад̣̇исасса баралого наама д̣̇уг̇г̇ад̇и зваад̇и ааха ‘‘барамхи абааяалогз’’д̇и.
‘‘Pāpadhammo’’ti vuttattā tādisassa paraloko nāma duggati evāti āha ‘‘paramhi apāyaloke’’ti.
вивид̇харуубзнаад̇и руубасад̣̇д̣̇аад̣̇ивасзна д̇ад̇т̇аби бан̣ийд̇ад̇араад̣̇ивасзна б̣ахувид̇харуубзна.
Vividharūpenāti rūpasaddādivasena tatthapi paṇītatarādivasena bahuvidharūpena.
сааман̃н̃амзваад̇и саман̣абхааво зва сзяяо. зд̇т̇а жа аад̣̇ид̇о д̣̇вийхи г̇аат̇аахи жад̇уд̇т̇о д̇хаммуд̣̇д̣̇зсо ануг̇ийд̇о. жад̇уд̇т̇аг̇аат̇ааяа д̇ад̇ияо. бан̃жамаг̇аат̇ааяа д̣̇уд̇ияо. чадтаг̇аат̇ааяа д̣̇уд̇ияад̇ад̇ияаа. сад̇д̇амаг̇аат̇ааяа батамо д̇хаммуд̣̇д̣̇зсо ануг̇ийд̇о, адтамаад̣̇ийхи бавад̇д̇инивад̇д̇ийсу гаамзсу нзгкаммз жа яат̇аарахам̣ аад̣̇ийнаваанисам̣сам̣ вибхаавзд̇ваа ад̇д̇ано баб̣б̣аж̇ж̇агааран̣ам̣ барамад̇о д̣̇ассзнд̇о яат̇аавуд̇д̇ад̇хаммуд̣̇д̣̇зсам̣ ниг̇амзд̇и, д̇зна вуд̇д̇ам̣ ‘‘д̇аа бана г̇аат̇аа д̇хаммуд̣̇д̣̇зсаанам̣ д̣̇зсанаанубуб̣б̣им̣ анаад̣̇ияид̇вааби яат̇аарахам̣ сан̇г̇ан̣ханавасзна ануг̇ийд̇аа’’д̇и. сзсам̣ сувин̃н̃зяяамзва.
Sāmaññamevāti samaṇabhāvo eva seyyo. Ettha ca ādito dvīhi gāthāhi catuttho dhammuddeso anugīto. Catutthagāthāya tatiyo. Pañcamagāthāya dutiyo. Chaṭṭhagāthāya dutiyatatiyā. Sattamagāthāya paṭhamo dhammuddeso anugīto, aṭṭhamādīhi pavattinivattīsu kāmesu nekkhamme ca yathārahaṃ ādīnavānisaṃsaṃ vibhāvetvā attano pabbajjakāraṇaṃ paramato dassento yathāvuttadhammuddesaṃ nigameti, tena vuttaṃ ‘‘tā pana gāthā dhammuddesānaṃ desanānupubbiṃ anādiyitvāpi yathārahaṃ saṅgaṇhanavasena anugītā’’ti. Sesaṃ suviññeyyameva.
радтабааласуд̇д̇аван̣н̣анааяа лийнад̇т̇аббагаасанаа самад̇д̇аа.
Raṭṭhapālasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. радтабааласуд̇д̇ам̣ • 2. Raṭṭhapālasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. радтабааласуд̇д̇аван̣н̣анаа • 2. Raṭṭhapālasuttavaṇṇanā
