| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. радтабаалад̇т̇зраабад̣̇аанаван̣н̣анаа
8. Raṭṭhapālattheraapadānavaṇṇanā
бад̣̇умуд̇д̇арасса бхаг̇авад̇од̇иаад̣̇игам̣ ааяасмад̇о радтабаалад̇т̇зрасса абад̣̇аанам̣. аяамбааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о уббад̇д̇ид̇о бурзд̇арамзва хам̣савад̇ийнаг̇арз г̇ахабад̇имахаасаалагулз ниб̣б̣ад̇д̇ид̇ваа ваяаббад̇д̇о бид̇у ажжаязна гхарааваасз бад̇идтид̇о рад̇анагодтааг̇аарагаммигзна д̣̇ассид̇ам̣ абаримаан̣ам̣ вам̣саануг̇ад̇ам̣ д̇ханам̣ д̣̇исваа ‘‘имам̣ зд̇д̇агам̣ д̇ханараасим̣ маяхам̣ бид̇уаяяагабаяяагаад̣̇аяо ад̇д̇анаа сад̣̇д̇хим̣ г̇ахзд̇ваа г̇анд̇ум̣ наасагким̣су, маяаа бана г̇ахзд̇ваа г̇анд̇ум̣ ваддад̇ий’’д̇и жинд̇зд̇ваа габан̣ад̣̇д̇хигаад̣̇ийнам̣ махаад̣̇аанам̣ ад̣̇ааси. со абхин̃н̃аалаабхим̣ згам̣ д̇аабасам̣ убасан̇гамид̇ваа д̇зна д̣̇звалогаад̇хибажжз нияож̇ид̇о яааваж̇ийвам̣ бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇иб̣б̣асамбад̇д̇им̣ анубхаванд̇о д̇ад̇т̇а яаавад̇ааяугам̣ тад̇ваа д̇ад̇о жуд̇о мануссалогз бхиннам̣ радтам̣ санд̇хаарзд̇ум̣ самад̇т̇асса гуласса згабуд̇д̇аго худ̇ваа ниб̣б̣ад̇д̇и. д̇зна самаязна бад̣̇умуд̇д̇аро бхаг̇аваа логз уббаж̇ж̇ид̇ваа бавад̇д̇ид̇аварад̇хаммажагго взнзяяасад̇д̇з ниб̣б̣аанамахаанаг̇арасан̇каад̇ам̣ кзманд̇абхуумим̣ самбаабзси. ат̇а со гулабуд̇д̇о ануггамзна вин̃н̃уд̇ам̣ бад̇д̇о згад̣̇ивасам̣ убаасагзхи сад̣̇д̇хим̣ вихаарам̣ г̇анд̇ваа сад̇т̇аарам̣ д̇хаммам̣ д̣̇зсзнд̇ам̣ д̣̇исваа басаннажид̇д̇о барисабарияанд̇з нисийд̣̇и.
Padumuttarassabhagavatotiādikaṃ āyasmato raṭṭhapālattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato uppattito puretarameva haṃsavatīnagare gahapatimahāsālakule nibbattitvā vayappatto pitu accayena gharāvāse patiṭṭhito ratanakoṭṭhāgārakammikena dassitaṃ aparimāṇaṃ vaṃsānugataṃ dhanaṃ disvā ‘‘imaṃ ettakaṃ dhanarāsiṃ mayhaṃ pituayyakapayyakādayo attanā saddhiṃ gahetvā gantuṃ nāsakkhiṃsu, mayā pana gahetvā gantuṃ vaṭṭatī’’ti cintetvā kapaṇaddhikādīnaṃ mahādānaṃ adāsi. So abhiññālābhiṃ ekaṃ tāpasaṃ upasaṅkamitvā tena devalokādhipacce niyojito yāvajīvaṃ puññāni katvā tato cuto devaloke nibbattitvā dibbasampattiṃ anubhavanto tattha yāvatāyukaṃ ṭhatvā tato cuto manussaloke bhinnaṃ raṭṭhaṃ sandhāretuṃ samatthassa kulassa ekaputtako hutvā nibbatti. Tena samayena padumuttaro bhagavā loke uppajjitvā pavattitavaradhammacakko veneyyasatte nibbānamahānagarasaṅkhātaṃ khemantabhūmiṃ sampāpesi. Atha so kulaputto anukkamena viññutaṃ patto ekadivasaṃ upāsakehi saddhiṃ vihāraṃ gantvā satthāraṃ dhammaṃ desentaṃ disvā pasannacitto parisapariyante nisīdi.
д̇зна ко бана самаязна сад̇т̇аа згам̣ бхигкум̣ сад̣̇д̇хаабаб̣б̣аж̇ид̇аанам̣ аг̇г̇адтаанз табзси. со д̇ам̣ д̣̇исваа басаннамаанасо сад̇асахассабхигкубаривуд̇асса бхаг̇авад̇о сад̇д̇аахам̣ махаад̣̇аанам̣ д̣̇ад̇ваа д̇ам̣ таанам̣ бад̇т̇зси. сад̇т̇аа ананд̇арааязна самиж̇жханабхаавам̣ д̣̇исваа ‘‘аяам̣ анааг̇ад̇з г̇од̇амасса наама саммаасамб̣уд̣̇д̇хасса саасанз сад̣̇д̇хаабаб̣б̣аж̇ид̇аанам̣ аг̇г̇о бхависсад̇ий’’д̇и б̣яаагааси. со сад̇т̇аарам̣ бхигкусан̇гхан̃жа ванд̣̇ид̇ваа удтааяаасанаа баггаами. со яаавад̇ааяугам̣ бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о ид̇о д̣̇взнавуд̇з габбз пуссасса бхаг̇авад̇о гаалз сад̇т̇у взмаад̇игзсу д̇ийсу рааж̇абуд̇д̇зсу сад̇т̇аарам̣ убадтаханд̇зсу д̇зсам̣ бун̃н̃агирияаасу сахааяагижжам̣ агааси. звам̣ д̇ад̇т̇а д̇ад̇т̇а бхавз б̣ахум̣ гусалам̣ убажинид̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з гурурадтз т̇уллагодтиганиг̇амз радтабааласздтино г̇зхз ниб̣б̣ад̇д̇и, д̇асса бхиннам̣ радтам̣ санд̇хаарзд̇ум̣ самад̇т̇агулз ниб̣б̣ад̇д̇ад̇д̇аа радтабаалод̇и вам̣саануг̇ад̇амзва наамам̣ ахоси. со махад̇аа бариваарзна вад̣дханд̇о ануггамзна яоб̣б̣анаббад̇д̇о маад̇аабид̇уухи бад̇ируубзна д̣̇аарзна сам̣яож̇ид̇о маханд̇з жа яасз бад̇идтаабид̇о д̣̇иб̣б̣асамбад̇д̇исад̣̇исасамбад̇д̇им̣ бажжанубход̇и.
Tena kho pana samayena satthā ekaṃ bhikkhuṃ saddhāpabbajitānaṃ aggaṭṭhāne ṭhapesi. So taṃ disvā pasannamānaso satasahassabhikkhuparivutassa bhagavato sattāhaṃ mahādānaṃ datvā taṃ ṭhānaṃ patthesi. Satthā anantarāyena samijjhanabhāvaṃ disvā ‘‘ayaṃ anāgate gotamassa nāma sammāsambuddhassa sāsane saddhāpabbajitānaṃ aggo bhavissatī’’ti byākāsi. So satthāraṃ bhikkhusaṅghañca vanditvā uṭṭhāyāsanā pakkāmi. So yāvatāyukaṃ puññāni katvā tato cavitvā devamanussesu saṃsaranto ito dvenavute kappe phussassa bhagavato kāle satthu vemātikesu tīsu rājaputtesu satthāraṃ upaṭṭhahantesu tesaṃ puññakiriyāsu sahāyakiccaṃ akāsi. Evaṃ tattha tattha bhave bahuṃ kusalaṃ upacinitvā sugatīsuyeva saṃsaranto imasmiṃ buddhuppāde kururaṭṭhe thullakoṭṭhikanigame raṭṭhapālaseṭṭhino gehe nibbatti, tassa bhinnaṃ raṭṭhaṃ sandhāretuṃ samatthakule nibbattattā raṭṭhapāloti vaṃsānugatameva nāmaṃ ahosi. So mahatā parivārena vaḍḍhanto anukkamena yobbanappatto mātāpitūhi patirūpena dārena saṃyojito mahante ca yase patiṭṭhāpito dibbasampattisadisasampattiṃ paccanubhoti.
ат̇а бхаг̇аваа гурурадтз ж̇анабад̣̇ажааригам̣ жаранд̇о т̇уллагодтигам̣ анубаабун̣и. д̇ам̣ суд̇ваа радтабаало гулабуд̇д̇о сад̇т̇аарам̣ убасан̇гамид̇ваа сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇угаамо сад̇д̇аахам̣ бхад̇д̇ажчзд̣̇ам̣ гад̇ваа гижчзна гасирзна маад̇аабид̇аро ануж̇аанаабзд̇ваа сад̇т̇аарам̣ убасан̇гамид̇ваа баб̣б̣аж̇ж̇ам̣ яаажид̇ваа сад̇т̇у аан̣ад̇д̇ияаа ан̃н̃ад̇арасса санд̇игз баб̣б̣аж̇ид̇ваа яонисоманасигаарзна гаммам̣ гаронд̇о вибассанам̣ вад̣дхзд̇ваа арахад̇д̇ам̣ баабун̣и. арахад̇д̇ам̣ бана бад̇ваа сад̇т̇аарам̣ ануж̇аанаабзд̇ваа маад̇аабид̇аро бассид̇ум̣ т̇уллагодтигам̣ г̇анд̇ваа д̇ад̇т̇а сабад̣̇аанам̣ бин̣д̣ааяа жаранд̇о бид̇у нивзсанз аабхид̣̇осигам̣ гуммаасам̣ лабхид̇ваа д̇ам̣ амад̇ам̣ вияа барибхун̃ж̇анд̇о бид̇араа ниманд̇ид̇о сваад̇анааяа ад̇хиваасзд̇ваа д̣̇уд̇ияад̣̇ивасз бид̇у нивзсанз бин̣д̣абаад̇ам̣ барибхун̃ж̇ид̇ваа алан̇гад̇абадияад̇д̇з ид̇т̇ааг̇аараж̇анз убаг̇анд̇ваа ‘‘гийд̣̇исаа наама д̇аа, аяяабуд̇д̇а, ажчарааяо, яаасам̣ д̇вам̣ хзд̇у б̣рахмажарияам̣ жарасий’’д̇иаад̣̇ийни (ма. ни. 2.301) вад̇ваа балобханагаммам̣ гаад̇ум̣ аарад̣̇д̇хз д̇ассаад̇хиббааяам̣ вибаривад̇д̇зд̇ваа анижжад̇аад̣̇ибадисам̣яуд̇д̇ам̣ д̇хаммам̣ гат̇знд̇о –
Atha bhagavā kururaṭṭhe janapadacārikaṃ caranto thullakoṭṭhikaṃ anupāpuṇi. Taṃ sutvā raṭṭhapālo kulaputto satthāraṃ upasaṅkamitvā satthu santike dhammaṃ sutvā paṭiladdhasaddho pabbajitukāmo sattāhaṃ bhattacchedaṃ katvā kicchena kasirena mātāpitaro anujānāpetvā satthāraṃ upasaṅkamitvā pabbajjaṃ yācitvā satthu āṇattiyā aññatarassa santike pabbajitvā yonisomanasikārena kammaṃ karonto vipassanaṃ vaḍḍhetvā arahattaṃ pāpuṇi. Arahattaṃ pana patvā satthāraṃ anujānāpetvā mātāpitaro passituṃ thullakoṭṭhikaṃ gantvā tattha sapadānaṃ piṇḍāya caranto pitu nivesane ābhidosikaṃ kummāsaṃ labhitvā taṃ amataṃ viya paribhuñjanto pitarā nimantito svātanāya adhivāsetvā dutiyadivase pitu nivesane piṇḍapātaṃ paribhuñjitvā alaṅkatapaṭiyatte itthāgārajane upagantvā ‘‘kīdisā nāma tā, ayyaputta, accharāyo, yāsaṃ tvaṃ hetu brahmacariyaṃ carasī’’tiādīni (ma. ni. 2.301) vatvā palobhanakammaṃ kātuṃ āraddhe tassādhippāyaṃ viparivattetvā aniccatādipaṭisaṃyuttaṃ dhammaṃ kathento –
‘‘басса жид̇д̇агад̇ам̣ б̣имб̣ам̣, аругааяам̣ самуссид̇ам̣;
‘‘Passa cittakataṃ bimbaṃ, arukāyaṃ samussitaṃ;
аад̇урам̣ б̣ахусан̇габбам̣, яасса над̇т̇и д̇хувам̣ тид̇и.
Āturaṃ bahusaṅkappaṃ, yassa natthi dhuvaṃ ṭhiti.
‘‘басса жид̇д̇агад̇ам̣ руубам̣, ман̣инаа гун̣д̣алзна жа;
‘‘Passa cittakataṃ rūpaṃ, maṇinā kuṇḍalena ca;
адтим̣ д̇ажзна онад̣̇д̇хам̣, саха вад̇т̇зхи собхад̇и.
Aṭṭhiṃ tacena onaddhaṃ, saha vatthehi sobhati.
‘‘алад̇д̇агагад̇аа баад̣̇аа, мукам̣ жун̣н̣агамагкид̇ам̣;
‘‘Alattakakatā pādā, mukhaṃ cuṇṇakamakkhitaṃ;
алам̣ б̣ааласса мохааяа, но жа баараг̇авзсино.
Alaṃ bālassa mohāya, no ca pāragavesino.
‘‘адтаабад̣̇агад̇аа гзсаа, нзд̇д̇аа ан̃ж̇анамагкид̇аа;
‘‘Aṭṭhāpadakatā kesā, nettā añjanamakkhitā;
алам̣ б̣ааласса мохааяа, но жа баараг̇авзсино.
Alaṃ bālassa mohāya, no ca pāragavesino.
‘‘ан̃ж̇анийва наваа жид̇д̇аа, бууд̇игааяо алан̇гад̇о;
‘‘Añjanīva navā cittā, pūtikāyo alaṅkato;
алам̣ б̣ааласса мохааяа, но жа баараг̇авзсино.
Alaṃ bālassa mohāya, no ca pāragavesino.
‘‘од̣̇ахи миг̇аво баасам̣, наасад̣̇аа вааг̇урам̣ миг̇о;
‘‘Odahi migavo pāsaṃ, nāsadā vāguraṃ migo;
бхуд̇ваа ниваабам̣ г̇ажчаама, ганд̣̇анд̇з миг̇аб̣анд̇хагз.
Bhutvā nivāpaṃ gacchāma, kandante migabandhake.
‘‘чинно баасо миг̇авасса, наасад̣̇аа вааг̇урам̣ миг̇о;
‘‘Chinno pāso migavassa, nāsadā vāguraṃ migo;
бхуд̇ваа ниваабам̣ г̇ажчаама, сожанд̇з миг̇алуд̣̇д̣̇агз’’д̇и. (ма. ни. 2.302; т̇зраг̇аа. 769-775);
Bhutvā nivāpaṃ gacchāma, socante migaluddake’’ti. (ma. ni. 2.302; theragā. 769-775);
имаа г̇аат̇ааяо абхааси. имаа г̇аат̇аа вад̇ваа взхаасам̣ аб̣бхуг̇г̇анд̇ваа ран̃н̃о гораб̣яасса миг̇ааж̇инавануяяаанз ман̇г̇аласилаабаддз нисийд̣̇и. т̇зрасса гира бид̇аа сад̇д̇асу д̣̇ваарагодтагзсу аг̇г̇ал̣ам̣ д̣̇аабзд̇ваа маллз аан̣аабзси ‘‘нигкамид̇ум̣ маа д̣̇зт̇а, гаасааяаани абанзд̇ваа сзд̇агаани ниваасаабзт̇аа’’д̇и. д̇асмаа т̇зро аагаасзна аг̇амааси. ат̇а рааж̇аа гораб̣яо т̇зрасса д̇ад̇т̇а нисиннабхаавам̣ суд̇ваа д̇ам̣ убасан̇гамид̇ваа саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа ‘‘ид̇ха, бхо радтабаала, баб̣б̣аж̇анд̇о б̣яаад̇хибаариж̇ун̃н̃ам̣ ваа ж̇араабхог̇ан̃аад̇ибаариж̇ун̃н̃ам̣ ваа бад̇д̇о баб̣б̣аж̇ад̇и, д̇вам̣ бана гин̃жиби баариж̇ун̃н̃ам̣ анубаг̇ад̇о зва гасмаа баб̣б̣аж̇асий’’д̇и бужчи. ат̇асса т̇зро ‘‘убанияяад̇и лого ад̣̇д̇хуво, ад̇аан̣о лого анабхиссаро, асаран̣о лого саб̣б̣ам̣ бахааяа г̇аманийяам̣, ууно лого ад̇ид̇д̇о д̇ан̣хаад̣̇аасо’’д̇и (ма. ни. 2.305) имзсам̣ жад̇уннам̣ д̇хаммуд̣̇д̣̇зсаанам̣ ад̇д̇анаа вид̣̇ид̇абхаавам̣ гат̇зд̇ваа д̇ассаа д̣̇зсанааяа ануг̇ийд̇им̣ гат̇знд̇о –
Imā gāthāyo abhāsi. Imā gāthā vatvā vehāsaṃ abbhuggantvā rañño korabyassa migājinavanuyyāne maṅgalasilāpaṭṭe nisīdi. Therassa kira pitā sattasu dvārakoṭṭhakesu aggaḷaṃ dāpetvā malle āṇāpesi ‘‘nikkhamituṃ mā detha, kāsāyāni apanetvā setakāni nivāsāpethā’’ti. Tasmā thero ākāsena agamāsi. Atha rājā korabyo therassa tattha nisinnabhāvaṃ sutvā taṃ upasaṅkamitvā sammodanīyaṃ kathaṃ sāraṇīyaṃ vītisāretvā ‘‘idha, bho raṭṭhapāla, pabbajanto byādhipārijuññaṃ vā jarābhogañātipārijuññaṃ vā patto pabbajati, tvaṃ pana kiñcipi pārijuññaṃ anupagato eva kasmā pabbajasī’’ti pucchi. Athassa thero ‘‘upaniyyati loko addhuvo, atāṇo loko anabhissaro, asaraṇo loko sabbaṃ pahāya gamanīyaṃ, ūno loko atitto taṇhādāso’’ti (ma. ni. 2.305) imesaṃ catunnaṃ dhammuddesānaṃ attanā viditabhāvaṃ kathetvā tassā desanāya anugītiṃ kathento –
‘‘бассаами логз сад̇ханз мануссз, лад̣̇д̇хаана вид̇д̇ам̣ на д̣̇ад̣̇анд̇и мохаа;
‘‘Passāmi loke sadhane manusse, laddhāna vittaṃ na dadanti mohā;
луд̣̇д̇хаа д̇ханам̣ саннижаяам̣ гаронд̇и, бхияяова гаамз абхибад̇т̇аяанд̇и.
Luddhā dhanaṃ sannicayaṃ karonti, bhiyyova kāme abhipatthayanti.
‘‘рааж̇аа басаяхаббат̇авим̣ виж̇зд̇ваа, сасааг̇аранд̇ам̣ махимаавасанд̇о;
‘‘Rājā pasayhappathaviṃ vijetvā, sasāgarantaṃ mahimāvasanto;
орам̣ самуд̣̇д̣̇асса ад̇ид̇д̇аруубо, баарам̣ самуд̣̇д̣̇ассаби бад̇т̇аязт̇а.
Oraṃ samuddassa atittarūpo, pāraṃ samuddassapi patthayetha.
‘‘рааж̇аа жа ан̃н̃з жа б̣ахуу мануссаа, авийд̇ад̇ан̣хаа маран̣ам̣ убзнд̇и;
‘‘Rājā ca aññe ca bahū manussā, avītataṇhā maraṇaṃ upenti;
уунаава худ̇ваана ж̇аханд̇и д̣̇зхам̣, гаамзхи логамхи на хад̇т̇и д̇ид̇д̇и.
Ūnāva hutvāna jahanti dehaṃ, kāmehi lokamhi na hatthi titti.
‘‘ганд̣̇анд̇и нам̣ н̃аад̇ий багирияа гзсз, ‘ахо вад̇аа но амараа’д̇и жааху;
‘‘Kandanti naṃ ñātī pakiriya kese, ‘aho vatā no amarā’ti cāhu;
вад̇т̇зна нам̣ бааруд̇ам̣ нийхарид̇ваа, жид̇ам̣ самод̇хааяа д̇ад̇о д̣аханд̇и.
Vatthena naṃ pārutaṃ nīharitvā, citaṃ samodhāya tato ḍahanti.
‘‘со д̣аяхад̇и суулзхи д̇уж̇ж̇амаано, згзна вад̇т̇зна бахааяа бхог̇з;
‘‘So ḍayhati sūlehi tujjamāno, ekena vatthena pahāya bhoge;
на мийяамаанасса бхаванд̇и д̇аан̣аа, н̃аад̇ий жа мид̇д̇аа ат̇а ваа сахааяаа.
Na mīyamānassa bhavanti tāṇā, ñātī ca mittā atha vā sahāyā.
‘‘д̣̇ааяаад̣̇агаа д̇асса д̇ханам̣ харанд̇и, сад̇д̇о бана г̇ажчад̇и язна гаммам̣;
‘‘Dāyādakā tassa dhanaṃ haranti, satto pana gacchati yena kammaṃ;
на мийяамаанам̣ д̇ханаманвзд̇и гин̃жи, буд̇д̇аа жа д̣̇аараа жа д̇ханан̃жа радтам̣.
Na mīyamānaṃ dhanamanveti kiñci, puttā ca dārā ca dhanañca raṭṭhaṃ.
‘‘на д̣̇ийгхамааяум̣ лабхад̇з д̇ханзна, на жааби вид̇д̇зна ж̇арам̣ виханд̇и;
‘‘Na dīghamāyuṃ labhate dhanena, na cāpi vittena jaraṃ vihanti;
аббам̣ хид̣̇ам̣ ж̇ийвид̇амааху д̇хийраа, асассад̇ам̣ виббарин̣аамад̇хаммам̣.
Appaṃ hidaṃ jīvitamāhu dhīrā, asassataṃ vippariṇāmadhammaṃ.
‘‘ад̣дхаа д̣̇алид̣̇д̣̇аа жа пусанд̇и пассам̣, б̣аало жа д̇хийро жа д̇ат̇зва пудто;
‘‘Aḍḍhā daliddā ca phusanti phassaṃ, bālo ca dhīro ca tatheva phuṭṭho;
б̣аало хи б̣ааляаа вад̇хид̇ова сзд̇и, д̇хийро жа но взд̇хад̇и пассапудто.
Bālo hi bālyā vadhitova seti, dhīro ca no vedhati phassaphuṭṭho.
‘‘д̇асмаа хи бан̃н̃аава д̇ханзна сзяяаа, яааяа восаанамид̇хаад̇хиг̇ажчад̇и;
‘‘Tasmā hi paññāva dhanena seyyā, yāya vosānamidhādhigacchati;
аб̣яосид̇ад̇д̇аа хи бхаваабхавзсу, баабаани гаммаани гарод̇и мохаа.
Abyositattā hi bhavābhavesu, pāpāni kammāni karoti mohā.
‘‘убзд̇и г̇аб̣бхан̃жа баран̃жа логам̣, сам̣саарамаабаж̇ж̇абарамбарааяа;
‘‘Upeti gabbhañca parañca lokaṃ, saṃsāramāpajjaparamparāya;
д̇ассаббабан̃н̃о абхисад̣̇д̣̇аханд̇о, убзд̇и г̇аб̣бхан̃жа баран̃жа логам̣.
Tassappapañño abhisaddahanto, upeti gabbhañca parañca lokaṃ.
‘‘жоро яат̇аа санд̇химукз г̇ахийд̇о, сагаммунаа хан̃н̃ад̇и баабад̇хаммо;
‘‘Coro yathā sandhimukhe gahīto, sakammunā haññati pāpadhammo;
звам̣ баж̇аа бзжжа барамхи логз, сагаммунаа хан̃н̃ад̇и баабад̇хаммо.
Evaṃ pajā pecca paramhi loke, sakammunā haññati pāpadhammo.
‘‘гаамаа хи жид̇раа мад̇хураа манорамаа, вируубаруубзна мат̇знд̇и жид̇д̇ам̣;
‘‘Kāmā hi citrā madhurā manoramā, virūparūpena mathenti cittaṃ;
аад̣̇ийнавам̣ гаамаг̇ун̣зсу д̣̇исваа, д̇асмаа ахам̣ баб̣б̣аж̇ид̇омхи рааж̇а.
Ādīnavaṃ kāmaguṇesu disvā, tasmā ahaṃ pabbajitomhi rāja.
‘‘д̣̇умабпалаанийва бад̇анд̇и маан̣аваа, д̣̇ахараа жа вуд̣дхаа жа сарийрабхзд̣̇аа;
‘‘Dumapphalānīva patanti māṇavā, daharā ca vuḍḍhā ca sarīrabhedā;
зд̇амби д̣̇исваана баб̣б̣аж̇ид̇омхи рааж̇а, абан̣н̣агам̣ сааман̃н̃амзва сзяяо.
Etampi disvāna pabbajitomhi rāja, apaṇṇakaṃ sāmaññameva seyyo.
‘‘сад̣̇д̇хааяаахам̣ баб̣б̣аж̇ид̇о, убзд̇о ж̇инасаасанз;
‘‘Saddhāyāhaṃ pabbajito, upeto jinasāsane;
аван̃жхаа маяхам̣ баб̣б̣аж̇ж̇аа, анан̣о бхун̃ж̇аами бхож̇анам̣.
Avañjhā mayhaṃ pabbajjā, anaṇo bhuñjāmi bhojanaṃ.
‘‘гаамз аад̣̇ид̇д̇ад̇о д̣̇исваа, ж̇аад̇аруубаани сад̇т̇ад̇о;
‘‘Kāme ādittato disvā, jātarūpāni satthato;
г̇аб̣бхаавогганд̇ид̇о д̣̇угкам̣, нираязсу махаб̣бхаяам̣.
Gabbhāvokkantito dukkhaṃ, nirayesu mahabbhayaṃ.
‘‘зд̇амаад̣̇ийнавам̣ н̃ад̇ваа, сам̣взг̇ам̣ алабхим̣ д̇ад̣̇аа;
‘‘Etamādīnavaṃ ñatvā, saṃvegaṃ alabhiṃ tadā;
сохам̣ вид̣̇д̇хо д̇ад̣̇аа санд̇о, самбад̇д̇о аасавагкаяам̣.
Sohaṃ viddho tadā santo, sampatto āsavakkhayaṃ.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
‘‘яассад̇т̇ааяа баб̣б̣аж̇ид̇о, аг̇аарасмаанаг̇аарияам̣;
‘‘Yassatthāya pabbajito, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо’’д̇и. (т̇зраг̇аа. 776-793) –
So me attho anuppatto, sabbasaṃyojanakkhayo’’ti. (theragā. 776-793) –
имаа г̇аат̇аа авожа. звам̣ т̇зро ран̃н̃о гораб̣яасса д̇хаммам̣ д̣̇зсзд̇ваа сад̇т̇у санд̇игамзва г̇ад̇о. сад̇т̇аа жа абарабхааг̇з арияаг̇ан̣амаж̇жхз нисинно т̇зрам̣ сад̣̇д̇хаабаб̣б̣аж̇ид̇аанам̣ аг̇г̇адтаанз табзси.
Imā gāthā avoca. Evaṃ thero rañño korabyassa dhammaṃ desetvā satthu santikameva gato. Satthā ca aparabhāge ariyagaṇamajjhe nisinno theraṃ saddhāpabbajitānaṃ aggaṭṭhāne ṭhapesi.
97-8. звам̣ со т̇зро бад̇д̇азд̇ад̣̇аг̇г̇адтаано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇арасса бхаг̇авад̇од̇иаад̣̇имааха. варанааг̇о маяаа д̣̇иннод̇и д̇асса бхаг̇авад̇о руубагааяз басийд̣̇ид̇ваа варо уд̇д̇амо сздто ийсаад̣̇анд̇о рат̇ийсаасад̣̇исад̣̇анд̇о уруул̣хаваа бхааравахо рааж̇аарахо ваа. сзд̇ажчад̇д̇обасобхид̇од̇и хад̇т̇игканд̇хз уссаабид̇асзд̇ажчад̇д̇зна убасзвид̇о собхамаано. бунаби гим̣ висидто варанааг̇о? сагаббано хад̇т̇аалан̇гаарасахид̇о. сан̇гхаараамам̣ б̣уд̣̇д̇хаббамукасса бхигкусан̇гхасса васанад̇т̇ааяа аараамам̣ вихаарам̣ агаараяим̣ гаарзсим̣.
97-8. Evaṃ so thero pattaetadaggaṭṭhāno pubbakammaṃ saritvā somanassajāto pubbacaritāpadānaṃ pakāsento padumuttarassa bhagavatotiādimāha. Varanāgo mayā dinnoti tassa bhagavato rūpakāye pasīditvā varo uttamo seṭṭho īsādanto rathīsāsadisadanto urūḷhavā bhāravaho rājāraho vā. Setacchattopasobhitoti hatthikkhandhe ussāpitasetacchattena upasevito sobhamāno. Punapi kiṃ visiṭṭho varanāgo? Sakappano hatthālaṅkārasahito. Saṅghārāmaṃ buddhappamukhassa bhikkhusaṅghassa vasanatthāya ārāmaṃ vihāraṃ akārayiṃ kāresiṃ.
99. жад̇убан̃н̃аасасахассаанийд̇и д̇асмим̣ гаараабид̇з вихаараб̣бханд̇арз жад̇убан̃н̃аасасахассаани баасаад̣̇аани жа ахам̣ агаараяим̣ гаарзсинд̇и ад̇т̇о. махогхад̣̇аанам̣ гарид̇ваанаад̇и саб̣б̣абаригкаарасахид̇ам̣ махогхасад̣̇исам̣ махаад̣̇аанам̣ саж̇ж̇зд̇ваа махзсино мунино нияяаад̣̇зсинд̇и ад̇т̇о.
99.Catupaññāsasahassānīti tasmiṃ kārāpite vihārabbhantare catupaññāsasahassāni pāsādāni ca ahaṃ akārayiṃ kāresinti attho. Mahoghadānaṃ karitvānāti sabbaparikkhārasahitaṃ mahoghasadisaṃ mahādānaṃ sajjetvā mahesino munino niyyādesinti attho.
100. анумод̣̇и махаавийрод̇и жад̇ураасан̇кязяяасад̇асахассзсу габбзсу аб̣б̣ожчиннауссаахасан̇каад̇зна вийриязна махаавийро саяамбхуу саяамзва бхууд̇о ж̇аад̇о лад̣̇д̇хасаб̣б̣ан̃н̃уд̇ан̃н̃аан̣о аг̇г̇о сздто буг̇г̇ало анумод̣̇и вихаараанумод̣̇анам̣ агааси. саб̣б̣з ж̇анз хаасаяанд̇од̇и сагалаананд̇аабаримаан̣з д̣̇звамануссз хаасаяанд̇о санд̇удтз гурумаано амад̇аниб̣б̣аанабадисам̣яуд̇д̇ам̣ жад̇усажжад̇хаммад̣̇зсанам̣ д̣̇зсзси багаасзси вивари вибхаж̇и уд̇д̇ааний агаасийд̇и ад̇т̇о.
100.Anumodi mahāvīroti caturāsaṅkhyeyyasatasahassesu kappesu abbocchinnaussāhasaṅkhātena vīriyena mahāvīro sayambhū sayameva bhūto jāto laddhasabbaññutaññāṇo aggo seṭṭho puggalo anumodi vihārānumodanaṃ akāsi. Sabbe jane hāsayantoti sakalānantāparimāṇe devamanusse hāsayanto santuṭṭhe kurumāno amatanibbānapaṭisaṃyuttaṃ catusaccadhammadesanaṃ desesi pakāsesi vivari vibhaji uttānī akāsīti attho.
101. д̇ам̣ мз вияаагаасийд̇и д̇ам̣ маяхам̣ гад̇абун̃н̃ам̣ б̣алам̣ висзсзна баагадам̣ агааси. ж̇алаж̇уд̇д̇аманаамагод̇и ж̇алз ж̇аад̇ам̣ ж̇алаж̇ам̣ бад̣̇умам̣, бад̣̇умуд̇д̇аранаамагод̇и ад̇т̇о. ‘‘ж̇алануд̇д̇аманааяаго’’д̇иби баато. д̇ад̇т̇а ад̇д̇ано бабхааяа ж̇аланд̇ийд̇и ж̇аланаа, жанд̣̇имасуурияад̣̇зваб̣рахмаано, д̇зсам̣ ж̇аланаанам̣ уд̇д̇амод̇и ж̇алануд̇д̇амо. саб̣б̣асад̇д̇аанам̣ нааяаго уд̇д̇амод̇и нааяаго, самбхаараванд̇з сад̇д̇з ниб̣б̣аанам̣ нзд̇и баабзд̇ийд̇и ваа нааяаго, ж̇алануд̇д̇амо жа со нааяаго жаад̇и ж̇алануд̇д̇аманааяаго. бхигкусан̇гхз нисийд̣̇ид̇ваад̇и бхигкусан̇гхасса маж̇жхз нисинно имаа г̇аат̇аа абхаасат̇а баагадам̣ гад̇ваа гат̇зсийд̇и ад̇т̇о. сзсам̣ уд̇д̇аанад̇т̇амзваад̇и.
101.Taṃme viyākāsīti taṃ mayhaṃ katapuññaṃ balaṃ visesena pākaṭaṃ akāsi. Jalajuttamanāmakoti jale jātaṃ jalajaṃ padumaṃ, padumuttaranāmakoti attho. ‘‘Jalanuttamanāyako’’tipi pāṭho. Tattha attano pabhāya jalantīti jalanā, candimasūriyadevabrahmāno, tesaṃ jalanānaṃ uttamoti jalanuttamo. Sabbasattānaṃ nāyako uttamoti nāyako, sambhāravante satte nibbānaṃ neti pāpetīti vā nāyako, jalanuttamo ca so nāyako cāti jalanuttamanāyako. Bhikkhusaṅghe nisīditvāti bhikkhusaṅghassa majjhe nisinno imā gāthā abhāsatha pākaṭaṃ katvā kathesīti attho. Sesaṃ uttānatthamevāti.
радтабаалад̇т̇зраабад̣̇аанаван̣н̣анаа самад̇д̇аа.
Raṭṭhapālattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. радтабаалад̇т̇зраабад̣̇аанам̣ • 8. Raṭṭhapālattheraapadānaṃ
