| Library / Tipiṭaka / తిపిటక • Tipiṭaka / అపదానపాళి • Apadānapāḷi |
౩. రత్తిపుప్ఫియత్థేరఅపదానం
3. Rattipupphiyattheraapadānaṃ
౧౩.
13.
‘‘మిగలుద్దో పురే ఆసిం, అరఞ్ఞే కాననే అహం;
‘‘Migaluddo pure āsiṃ, araññe kānane ahaṃ;
విపస్సిం అద్దసం బుద్ధం, దేవదేవం నరాసభం.
Vipassiṃ addasaṃ buddhaṃ, devadevaṃ narāsabhaṃ.
౧౪.
14.
‘‘రత్తికం పుప్ఫితం దిస్వా, కుటజం ధరణీరుహం;
‘‘Rattikaṃ pupphitaṃ disvā, kuṭajaṃ dharaṇīruhaṃ;
సమూలం పగ్గహేత్వాన, ఉపనేసిం మహేసినో.
Samūlaṃ paggahetvāna, upanesiṃ mahesino.
౧౫.
15.
‘‘ఏకనవుతితో కప్పే, యం పుప్ఫమభిరోపయిం;
‘‘Ekanavutito kappe, yaṃ pupphamabhiropayiṃ;
దుగ్గతిం నాభిజానామి, పుప్ఫదానస్సిదం ఫలం.
Duggatiṃ nābhijānāmi, pupphadānassidaṃ phalaṃ.
౧౬.
16.
‘‘ఇతో చ అట్ఠమే కప్పే, సుప్పసన్నసనామకో;
‘‘Ito ca aṭṭhame kappe, suppasannasanāmako;
సత్తరతనసమ్పన్నో, రాజాహోసిం మహబ్బలో.
Sattaratanasampanno, rājāhosiṃ mahabbalo.
౧౭.
17.
‘‘పటిసమ్భిదా చతస్సో…పే॰… కతం బుద్ధస్స సాసనం’’.
‘‘Paṭisambhidā catasso…pe… kataṃ buddhassa sāsanaṃ’’.
ఇత్థం సుదం ఆయస్మా రత్తిపుప్ఫియో థేరో ఇమా గాథాయో అభాసిత్థాతి.
Itthaṃ sudaṃ āyasmā rattipupphiyo thero imā gāthāyo abhāsitthāti.
రత్తిపుప్ఫియత్థేరస్సాపదానం తతియం.
Rattipupphiyattherassāpadānaṃ tatiyaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / అపదాన-అట్ఠకథా • Apadāna-aṭṭhakathā / ౩. రత్తిపుప్ఫియత్థేరఅపదానవణ్ణనా • 3. Rattipupphiyattheraapadānavaṇṇanā
