| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. รตฺติปุปฺผิยเตฺถรอปทานํ
3. Rattipupphiyattheraapadānaṃ
๑๓.
13.
‘‘มิคลุโทฺท ปุเร อาสิํ, อรเญฺญ กานเน อหํ;
‘‘Migaluddo pure āsiṃ, araññe kānane ahaṃ;
วิปสฺสิํ อทฺทสํ พุทฺธํ, เทวเทวํ นราสภํฯ
Vipassiṃ addasaṃ buddhaṃ, devadevaṃ narāsabhaṃ.
๑๔.
14.
‘‘รตฺติกํ ปุปฺผิตํ ทิสฺวา, กุฎชํ ธรณีรุหํ;
‘‘Rattikaṃ pupphitaṃ disvā, kuṭajaṃ dharaṇīruhaṃ;
สมูลํ ปคฺคเหตฺวาน, อุปเนสิํ มเหสิโนฯ
Samūlaṃ paggahetvāna, upanesiṃ mahesino.
๑๕.
15.
‘‘เอกนวุติโต กเปฺป, ยํ ปุปฺผมภิโรปยิํ;
‘‘Ekanavutito kappe, yaṃ pupphamabhiropayiṃ;
ทุคฺคติํ นาภิชานามิ, ปุปฺผทานสฺสิทํ ผลํฯ
Duggatiṃ nābhijānāmi, pupphadānassidaṃ phalaṃ.
๑๖.
16.
‘‘อิโต จ อฎฺฐเม กเปฺป, สุปฺปสนฺนสนามโก;
‘‘Ito ca aṭṭhame kappe, suppasannasanāmako;
สตฺตรตนสมฺปโนฺน, ราชาโหสิํ มหพฺพโลฯ
Sattaratanasampanno, rājāhosiṃ mahabbalo.
๑๗.
17.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา รตฺติปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā rattipupphiyo thero imā gāthāyo abhāsitthāti.
รตฺติปุปฺผิยเตฺถรสฺสาปทานํ ตติยํฯ
Rattipupphiyattherassāpadānaṃ tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. รตฺติปุปฺผิยเตฺถรอปทานวณฺณนา • 3. Rattipupphiyattheraapadānavaṇṇanā
