| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. රත්‌තිපුප්‌ඵියත්‌ථෙරඅපදානං
3. Rattipupphiyattheraapadānaṃ
13.
13.
‘‘මිගලුද්‌දො පුරෙ ආසිං, අරඤ්‌ඤෙ කානනෙ අහං;
‘‘Migaluddo pure āsiṃ, araññe kānane ahaṃ;
විපස්‌සිං අද්‌දසං බුද්‌ධං, දෙවදෙවං නරාසභං.
Vipassiṃ addasaṃ buddhaṃ, devadevaṃ narāsabhaṃ.
14.
14.
‘‘රත්‌තිකං පුප්‌ඵිතං දිස්‌වා, කුටජං ධරණීරුහං;
‘‘Rattikaṃ pupphitaṃ disvā, kuṭajaṃ dharaṇīruhaṃ;
සමූලං පග්‌ගහෙත්‌වාන, උපනෙසිං මහෙසිනො.
Samūlaṃ paggahetvāna, upanesiṃ mahesino.
15.
15.
‘‘එකනවුතිතො කප්‌පෙ, යං පුප්‌ඵමභිරොපයිං;
‘‘Ekanavutito kappe, yaṃ pupphamabhiropayiṃ;
දුග්‌ගතිං නාභිජානාමි, පුප්‌ඵදානස්‌සිදං ඵලං.
Duggatiṃ nābhijānāmi, pupphadānassidaṃ phalaṃ.
16.
16.
‘‘ඉතො ච අට්‌ඨමෙ කප්‌පෙ, සුප්‌පසන්‌නසනාමකො;
‘‘Ito ca aṭṭhame kappe, suppasannasanāmako;
සත්‌තරතනසම්‌පන්‌නො, රාජාහොසිං මහබ්‌බලො.
Sattaratanasampanno, rājāhosiṃ mahabbalo.
17.
17.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා රත්‌තිපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā rattipupphiyo thero imā gāthāyo abhāsitthāti.
රත්‌තිපුප්‌ඵියත්‌ථෙරස්‌සාපදානං තතියං.
Rattipupphiyattherassāpadānaṃ tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 3. රත්‌තිපුප්‌ඵියත්‌ථෙරඅපදානවණ්‌ණනා • 3. Rattipupphiyattheraapadānavaṇṇanā
