| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൩. രത്തിപുപ്ഫിയത്ഥേരഅപദാനം
3. Rattipupphiyattheraapadānaṃ
൧൩.
13.
‘‘മിഗലുദ്ദോ പുരേ ആസിം, അരഞ്ഞേ കാനനേ അഹം;
‘‘Migaluddo pure āsiṃ, araññe kānane ahaṃ;
വിപസ്സിം അദ്ദസം ബുദ്ധം, ദേവദേവം നരാസഭം.
Vipassiṃ addasaṃ buddhaṃ, devadevaṃ narāsabhaṃ.
൧൪.
14.
‘‘രത്തികം പുപ്ഫിതം ദിസ്വാ, കുടജം ധരണീരുഹം;
‘‘Rattikaṃ pupphitaṃ disvā, kuṭajaṃ dharaṇīruhaṃ;
സമൂലം പഗ്ഗഹേത്വാന, ഉപനേസിം മഹേസിനോ.
Samūlaṃ paggahetvāna, upanesiṃ mahesino.
൧൫.
15.
‘‘ഏകനവുതിതോ കപ്പേ, യം പുപ്ഫമഭിരോപയിം;
‘‘Ekanavutito kappe, yaṃ pupphamabhiropayiṃ;
ദുഗ്ഗതിം നാഭിജാനാമി, പുപ്ഫദാനസ്സിദം ഫലം.
Duggatiṃ nābhijānāmi, pupphadānassidaṃ phalaṃ.
൧൬.
16.
‘‘ഇതോ ച അട്ഠമേ കപ്പേ, സുപ്പസന്നസനാമകോ;
‘‘Ito ca aṭṭhame kappe, suppasannasanāmako;
സത്തരതനസമ്പന്നോ, രാജാഹോസിം മഹബ്ബലോ.
Sattaratanasampanno, rājāhosiṃ mahabbalo.
൧൭.
17.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ രത്തിപുപ്ഫിയോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā rattipupphiyo thero imā gāthāyo abhāsitthāti.
രത്തിപുപ്ഫിയത്ഥേരസ്സാപദാനം തതിയം.
Rattipupphiyattherassāpadānaṃ tatiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൩. രത്തിപുപ്ഫിയത്ഥേരഅപദാനവണ്ണനാ • 3. Rattipupphiyattheraapadānavaṇṇanā
