| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. рад̇д̇ибубпияад̇т̇зраабад̣̇аанаван̣н̣анаа
3. Rattipupphiyattheraapadānavaṇṇanā
миг̇алуд̣̇д̣̇о бурз аасинд̇иаад̣̇игам̣ ааяасмад̇о рад̇д̇ибубпияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз нзсаад̣̇агулз уббанно миг̇авад̇хааяа аран̃н̃з вижарамаано д̇асса гаарун̃н̃зна аран̃н̃з жарамаанам̣ вибассим̣ бхаг̇аванд̇ам̣ д̣̇исваа басаннамаанасо бубпид̇ам̣ рад̇д̇игам̣ наама бубпам̣ гудаж̇абубпан̃жа саха ван̣дзна ожинид̇ваа соманассажид̇д̇зна бууж̇зси. бхаг̇аваа анумод̣̇анам̣ гад̇ваа баггаами.
Migaluddopure āsintiādikaṃ āyasmato rattipupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle nesādakule uppanno migavadhāya araññe vicaramāno tassa kāruññena araññe caramānaṃ vipassiṃ bhagavantaṃ disvā pasannamānaso pupphitaṃ rattikaṃ nāma pupphaṃ kuṭajapupphañca saha vaṇṭena ocinitvā somanassacittena pūjesi. Bhagavā anumodanaṃ katvā pakkāmi.
13. со д̇знзва бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о рад̇анад̇д̇аяз басанно сад̇т̇у д̇хаммад̣̇зсанам̣ суд̇ваа гаамзсу аад̣̇ийнавам̣ д̣̇исваа баб̣б̣аж̇ид̇ваа нажирассзва арахад̇д̇ам̣ бад̇д̇о ад̇д̇ано буб̣б̣агаммам̣ сарид̇ваа ‘‘нзсаад̣̇абхууд̇зна маяаа гад̇агусалам̣ сунд̣̇ара’’нд̇и соманассаж̇аад̇о буб̣б̣ажарид̇аабад̣̇аанам̣ багаасзнд̇о миг̇алуд̣̇д̣̇о бурз аасинд̇иаад̣̇имааха. д̇ад̇т̇а миг̇аанам̣ луд̣̇д̣̇о саахасиго маарагод̇и миг̇алуд̣̇д̣̇о, миг̇зсу ваа луд̣̇д̣̇о лобхийд̇и миг̇алуд̣̇д̣̇о, нзсаад̣̇о аасим̣ бурзд̇и ад̇т̇о.
13. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto viññutaṃ patto ratanattaye pasanno satthu dhammadesanaṃ sutvā kāmesu ādīnavaṃ disvā pabbajitvā nacirasseva arahattaṃ patto attano pubbakammaṃ saritvā ‘‘nesādabhūtena mayā katakusalaṃ sundara’’nti somanassajāto pubbacaritāpadānaṃ pakāsento migaluddo pure āsintiādimāha. Tattha migānaṃ luddo sāhasiko mārakoti migaluddo, migesu vā luddo lobhīti migaluddo, nesādo āsiṃ pureti attho.
14. рад̇д̇игам̣ бубпид̇ам̣ д̣̇исваад̇и бад̣̇умабубпаад̣̇ийни анзгаани бубпаани суурияарам̣сисампассзна д̣̇иваа бубпанд̇и рад̇д̇ияам̣ магул̣ид̇аани хонд̇и. ж̇аад̇исуманамаллигаад̣̇ийни анзгаани бубпаани бана рад̇д̇ияам̣ бубпанд̇и но д̣̇иваа. д̇асмаа рад̇д̇ияам̣ бубпанад̇о рад̇д̇ибубпанаамагаани анзгаани суг̇анд̇хабубпаани жа гудаж̇абубпаани жа г̇ахзд̇ваа бууж̇зсинд̇и ад̇т̇о. сзсам̣ уд̇д̇аанад̇т̇амзваад̇и.
14.Rattikaṃ pupphitaṃ disvāti padumapupphādīni anekāni pupphāni sūriyaraṃsisamphassena divā pupphanti rattiyaṃ makuḷitāni honti. Jātisumanamallikādīni anekāni pupphāni pana rattiyaṃ pupphanti no divā. Tasmā rattiyaṃ pupphanato rattipupphanāmakāni anekāni sugandhapupphāni ca kuṭajapupphāni ca gahetvā pūjesinti attho. Sesaṃ uttānatthamevāti.
рад̇д̇ибубпияад̇т̇зраабад̣̇аанаван̣н̣анаа самад̇д̇аа.
Rattipupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. рад̇д̇ибубпияад̇т̇зраабад̣̇аанам̣ • 3. Rattipupphiyattheraapadānaṃ
