| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. เรณุปูชกเตฺถรอปทานํ
10. Reṇupūjakattheraapadānaṃ
๖๒.
62.
‘‘สุวณฺณวณฺณํ สมฺพุทฺธํ, สตรํสิํว ภาณุมํ;
‘‘Suvaṇṇavaṇṇaṃ sambuddhaṃ, sataraṃsiṃva bhāṇumaṃ;
โอภาเสนฺตํ ทิสา สพฺพา, อุฬุราชํว ปูริตํฯ
Obhāsentaṃ disā sabbā, uḷurājaṃva pūritaṃ.
๖๓.
63.
‘‘ปุรกฺขตํ สาวเกหิ, สาคเรเหว เมทนิํ;
‘‘Purakkhataṃ sāvakehi, sāgareheva medaniṃ;
นาคํ ปคฺคยฺห เรณูหิ, วิปสฺสิสฺสาภิโรปยิํฯ
Nāgaṃ paggayha reṇūhi, vipassissābhiropayiṃ.
๖๔.
64.
‘‘เอกนวุติโต กเปฺป, ยํ เรณุมภิโรปยิํ;
‘‘Ekanavutito kappe, yaṃ reṇumabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๖๕.
65.
‘‘ปณฺณตาลีสิโต กเปฺป, เรณุ นามาสิ ขตฺติโย;
‘‘Paṇṇatālīsito kappe, reṇu nāmāsi khattiyo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๖๖.
66.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เรณุปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā reṇupūjako thero imā gāthāyo abhāsitthāti.
เรณุปูชกเตฺถรสฺสาปทานํ ทสมํฯ
Reṇupūjakattherassāpadānaṃ dasamaṃ.
ภิกฺขทายิวโคฺค เอกาทสโมฯ
Bhikkhadāyivaggo ekādasamo.
ตสฺสุทฺทานํ –
Tassuddānaṃ –
ภิกฺขทายี ญาณสญฺญี, หตฺถิโย ปทปูชโก;
Bhikkhadāyī ñāṇasaññī, hatthiyo padapūjako;
มุฎฺฐิปุปฺผี อุทกโท, นฬมาลิ อุปฎฺฐโก;
Muṭṭhipupphī udakado, naḷamāli upaṭṭhako;
พิฬาลิทายี เรณุ จ, คาถาโย ฉ จ สฎฺฐิ จฯ
Biḷālidāyī reṇu ca, gāthāyo cha ca saṭṭhi ca.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. เรณุปูชกเตฺถรอปทานวณฺณนา • 10. Reṇupūjakattheraapadānavaṇṇanā
