| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. රෙණුපූජකත්‌ථෙරඅපදානං
10. Reṇupūjakattheraapadānaṃ
62.
62.
‘‘සුවණ්‌ණවණ්‌ණං සම්‌බුද්‌ධං, සතරංසිංව භාණුමං;
‘‘Suvaṇṇavaṇṇaṃ sambuddhaṃ, sataraṃsiṃva bhāṇumaṃ;
ඔභාසෙන්‌තං දිසා සබ්‌බා, උළුරාජංව පූරිතං.
Obhāsentaṃ disā sabbā, uḷurājaṃva pūritaṃ.
63.
63.
‘‘පුරක්‌ඛතං සාවකෙහි, සාගරෙහෙව මෙදනිං;
‘‘Purakkhataṃ sāvakehi, sāgareheva medaniṃ;
නාගං පග්‌ගය්‌හ රෙණූහි, විපස්‌සිස්‌සාභිරොපයිං.
Nāgaṃ paggayha reṇūhi, vipassissābhiropayiṃ.
64.
64.
‘‘එකනවුතිතො කප්‌පෙ, යං රෙණුමභිරොපයිං;
‘‘Ekanavutito kappe, yaṃ reṇumabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
65.
65.
‘‘පණ්‌ණතාලීසිතො කප්‌පෙ, රෙණු නාමාසි ඛත්‌තියො;
‘‘Paṇṇatālīsito kappe, reṇu nāmāsi khattiyo;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
66.
66.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා රෙණුපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā reṇupūjako thero imā gāthāyo abhāsitthāti.
රෙණුපූජකත්‌ථෙරස්‌සාපදානං දසමං.
Reṇupūjakattherassāpadānaṃ dasamaṃ.
භික්‌ඛදායිවග්‌ගො එකාදසමො.
Bhikkhadāyivaggo ekādasamo.
තස්‌සුද්‌දානං –
Tassuddānaṃ –
භික්‌ඛදායී ඤාණසඤ්‌ඤී, හත්‌ථියො පදපූජකො;
Bhikkhadāyī ñāṇasaññī, hatthiyo padapūjako;
මුට්‌ඨිපුප්‌ඵී උදකදො, නළමාලි උපට්‌ඨකො;
Muṭṭhipupphī udakado, naḷamāli upaṭṭhako;
බිළාලිදායී රෙණු ච, ගාථායො ඡ ච සට්‌ඨි ච.
Biḷālidāyī reṇu ca, gāthāyo cha ca saṭṭhi ca.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 10. රෙණුපූජකත්‌ථෙරඅපදානවණ්‌ණනා • 10. Reṇupūjakattheraapadānavaṇṇanā
