| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
10. ரேணுபூஜகத்தே²ரஅபதா³னவண்ணனா
10. Reṇupūjakattheraapadānavaṇṇanā
ஸுவண்ணவண்ணங் ஸம்பு³த்³த⁴ந்திஆதி³கங் ஆயஸ்மதோ ரேணுபூஜகத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸன்னோ விஞ்ஞுதங் பத்தோ அக்³கி³க்க²ந்த⁴ங் விய விஜ்ஜோதமானங் ப⁴க³வந்தங் தி³ஸ்வா பஸன்னமானஸோ நாக³புப்ப²கேஸரங் க³ஹெத்வா பூஜேஸி. அத² ப⁴க³வா அனுமோத³னமகாஸி.
Suvaṇṇavaṇṇaṃ sambuddhantiādikaṃ āyasmato reṇupūjakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhimanvāya satthari pasanno viññutaṃ patto aggikkhandhaṃ viya vijjotamānaṃ bhagavantaṃ disvā pasannamānaso nāgapupphakesaraṃ gahetvā pūjesi. Atha bhagavā anumodanamakāsi.
62-3. ஸோ தேன புஞ்ஞேன ததோ சுதோ தே³வமனுஸ்ஸேஸு ஸங்ஸரந்தோ உப⁴யஸம்பத்தியோ அனுப⁴வித்வா உப்பன்னுப்பன்னப⁴வே ஸப்³ப³த்த² பூஜிதோ இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ விஞ்ஞுதங் பத்தோ புப்³ப³வாஸனாப³லேன ஸத்த²ரி பஸன்னோ ஸாஸனே பப்³ப³ஜிதோ நசிரஸ்ஸேவ அரஹா ஹுத்வா தி³ப்³ப³சக்கு²னா அத்தனோ புப்³ப³கம்மங் தி³ஸ்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஸுவண்ணவண்ணங் ஸம்பு³த்³த⁴ந்திஆதி³மாஹ. தங் ஹெட்டா² வுத்தத்த²மேவ. ஸதரங்ஸிங்வ பா⁴ணுமந்தி ஸதமத்தா ஸதப்பமாணா ரங்ஸி பபா⁴ யஸ்ஸ ஸூரியஸ்ஸ ஸோ ஸதரங்ஸி, கா³தா²ப³ந்த⁴ஸுக²த்த²ங் ஸதரங்ஸீதி வுத்தங், அனேகஸதஸ்ஸ அனேகஸதஸஹஸ்ஸரங்ஸீதி அத்தோ². பா⁴ணு வுச்சதி பபா⁴, பா⁴ணு பபா⁴ யஸ்ஸ ஸோ பா⁴ணுமா, பா⁴ணுமஸங்கா²தங் ஸூரியங் இவ விபஸ்ஸிங் ப⁴க³வந்தங் தி³ஸ்வா ஸகேஸரங் நாக³புப்ப²ங் க³ஹெத்வா அபி⁴ரோபயிங் பூஜேஸிந்தி அத்தோ². ஸேஸங் உத்தானமேவாதி.
62-3. So tena puññena tato cuto devamanussesu saṃsaranto ubhayasampattiyo anubhavitvā uppannuppannabhave sabbattha pūjito imasmiṃ buddhuppāde kulagehe nibbatto viññutaṃ patto pubbavāsanābalena satthari pasanno sāsane pabbajito nacirasseva arahā hutvā dibbacakkhunā attano pubbakammaṃ disvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Taṃ heṭṭhā vuttatthameva. Sataraṃsiṃva bhāṇumanti satamattā satappamāṇā raṃsi pabhā yassa sūriyassa so sataraṃsi, gāthābandhasukhatthaṃ sataraṃsīti vuttaṃ, anekasatassa anekasatasahassaraṃsīti attho. Bhāṇu vuccati pabhā, bhāṇu pabhā yassa so bhāṇumā, bhāṇumasaṅkhātaṃ sūriyaṃ iva vipassiṃ bhagavantaṃ disvā sakesaraṃ nāgapupphaṃ gahetvā abhiropayiṃ pūjesinti attho. Sesaṃ uttānamevāti.
ரேணுபூஜகத்தே²ரஅபதா³னவண்ணனா ஸமத்தா.
Reṇupūjakattheraapadānavaṇṇanā samattā.
ஏகாத³ஸமவக்³க³வண்ணனா ஸமத்தா.
Ekādasamavaggavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 10. ரேணுபூஜகத்தே²ரஅபதா³னங் • 10. Reṇupūjakattheraapadānaṃ
