| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. рзн̣убууж̇агад̇т̇зраабад̣̇аанаван̣н̣анаа
10. Reṇupūjakattheraapadānavaṇṇanā
суван̣н̣аван̣н̣ам̣ самб̣уд̣̇д̇ханд̇иаад̣̇игам̣ ааяасмад̇о рзн̣убууж̇агад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа сад̇т̇ари басанно вин̃н̃уд̇ам̣ бад̇д̇о аг̇г̇игканд̇хам̣ вияа виж̇ж̇од̇амаанам̣ бхаг̇аванд̇ам̣ д̣̇исваа басаннамаанасо нааг̇абубпагзсарам̣ г̇ахзд̇ваа бууж̇зси. ат̇а бхаг̇аваа анумод̣̇анамагааси.
Suvaṇṇavaṇṇaṃ sambuddhantiādikaṃ āyasmato reṇupūjakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhimanvāya satthari pasanno viññutaṃ patto aggikkhandhaṃ viya vijjotamānaṃ bhagavantaṃ disvā pasannamānaso nāgapupphakesaraṃ gahetvā pūjesi. Atha bhagavā anumodanamakāsi.
62-3. со д̇зна бун̃н̃зна д̇ад̇о жуд̇о д̣̇звамануссзсу сам̣саранд̇о убхаяасамбад̇д̇ияо анубхавид̇ваа уббаннуббаннабхавз саб̣б̣ад̇т̇а бууж̇ид̇о имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о буб̣б̣аваасанааб̣алзна сад̇т̇ари басанно саасанз баб̣б̣аж̇ид̇о нажирассзва арахаа худ̇ваа д̣̇иб̣б̣ажагкунаа ад̇д̇ано буб̣б̣агаммам̣ д̣̇исваа соманассаж̇аад̇о буб̣б̣ажарид̇аабад̣̇аанам̣ багаасзнд̇о суван̣н̣аван̣н̣ам̣ самб̣уд̣̇д̇ханд̇иаад̣̇имааха. д̇ам̣ хздтаа вуд̇д̇ад̇т̇амзва. сад̇арам̣сим̣ва бхаан̣уманд̇и сад̇амад̇д̇аа сад̇аббамаан̣аа рам̣си бабхаа яасса суурияасса со сад̇арам̣си, г̇аат̇ааб̣анд̇хасукад̇т̇ам̣ сад̇арам̣сийд̇и вуд̇д̇ам̣, анзгасад̇асса анзгасад̇асахассарам̣сийд̇и ад̇т̇о. бхаан̣у вужжад̇и бабхаа, бхаан̣у бабхаа яасса со бхаан̣умаа, бхаан̣умасан̇каад̇ам̣ суурияам̣ ива вибассим̣ бхаг̇аванд̇ам̣ д̣̇исваа сагзсарам̣ нааг̇абубпам̣ г̇ахзд̇ваа абхиробаяим̣ бууж̇зсинд̇и ад̇т̇о. сзсам̣ уд̇д̇аанамзваад̇и.
62-3. So tena puññena tato cuto devamanussesu saṃsaranto ubhayasampattiyo anubhavitvā uppannuppannabhave sabbattha pūjito imasmiṃ buddhuppāde kulagehe nibbatto viññutaṃ patto pubbavāsanābalena satthari pasanno sāsane pabbajito nacirasseva arahā hutvā dibbacakkhunā attano pubbakammaṃ disvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Taṃ heṭṭhā vuttatthameva. Sataraṃsiṃva bhāṇumanti satamattā satappamāṇā raṃsi pabhā yassa sūriyassa so sataraṃsi, gāthābandhasukhatthaṃ sataraṃsīti vuttaṃ, anekasatassa anekasatasahassaraṃsīti attho. Bhāṇu vuccati pabhā, bhāṇu pabhā yassa so bhāṇumā, bhāṇumasaṅkhātaṃ sūriyaṃ iva vipassiṃ bhagavantaṃ disvā sakesaraṃ nāgapupphaṃ gahetvā abhiropayiṃ pūjesinti attho. Sesaṃ uttānamevāti.
рзн̣убууж̇агад̇т̇зраабад̣̇аанаван̣н̣анаа самад̇д̇аа.
Reṇupūjakattheraapadānavaṇṇanā samattā.
згаад̣̇асамаваг̇г̇аван̣н̣анаа самад̇д̇аа.
Ekādasamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. рзн̣убууж̇агад̇т̇зраабад̣̇аанам̣ • 10. Reṇupūjakattheraapadānaṃ
