| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
7. рзвад̇аб̣уд̣̇д̇хавам̣саван̣н̣анаа
7. Revatabuddhavaṃsavaṇṇanā
суманасса бана бхаг̇авад̇о абарабхааг̇з саасанз жасса анд̇арахид̇з навуд̇ивассасахассааяугаа мануссаа ануггамзна барихааяид̇ваа д̣̇асавассааяугаа худ̇ваа буна ануггамзна вад̣дхид̇ваа асан̇кязяяааяугаа худ̇ваа буна барихааяамаанаа садтивассасахассааяугаа ахзсум̣. д̇ад̣̇аа рзвад̇о наама сад̇т̇аа уд̣̇абаад̣̇и. соби баарамияо буурзд̇ваа анзгарад̇анасамуж̇ж̇алид̇абхаванз д̇усид̇абхаванз ниб̣б̣ад̇д̇ид̇ваа д̇ад̇о жавид̇ваа саб̣б̣ад̇ханад̇хан̃н̃авад̇исуд̇хан̃н̃авад̇ийнаг̇арз саб̣б̣аалан̇гаарасамалан̇гад̇аамид̇аружирабариваарабаривуд̇асса сиривибхавасамуд̣̇аязнаагуласса саб̣б̣асамид̣̇д̇хивибуласса вибуласса наама ран̃н̃о гулз саб̣б̣аж̇ананаяанаалибаалисамаагулааяа сампулланаяанагувалаяасассиригасинид̣̇д̇хавад̣̇анагамалаагарасобхаасамуж̇ж̇алааяа суружираманохараг̇ун̣аг̇ан̣авибулааяа вибулааяа наама аг̇г̇амахзсияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна жид̇д̇агуудабаб̣б̣ад̇ад̇о суван̣н̣ахам̣сарааж̇аа вияа маад̇угужчид̇о нигками.
Sumanassa pana bhagavato aparabhāge sāsane cassa antarahite navutivassasahassāyukā manussā anukkamena parihāyitvā dasavassāyukā hutvā puna anukkamena vaḍḍhitvā asaṅkhyeyyāyukā hutvā puna parihāyamānā saṭṭhivassasahassāyukā ahesuṃ. Tadā revato nāma satthā udapādi. Sopi pāramiyo pūretvā anekaratanasamujjalitabhavane tusitabhavane nibbattitvā tato cavitvā sabbadhanadhaññavatisudhaññavatīnagare sabbālaṅkārasamalaṅkataamitaruciraparivāraparivutassa sirivibhavasamudayenākulassa sabbasamiddhivipulassa vipulassa nāma rañño kule sabbajananayanālipālisamākulāya samphullanayanakuvalayasassirikasiniddhavadanakamalākarasobhāsamujjalāya suruciramanoharaguṇagaṇavipulāya vipulāya nāma aggamahesiyā kucchismiṃ paṭisandhiṃ gahetvā dasannaṃ māsānaṃ accayena cittakūṭapabbatato suvaṇṇahaṃsarājā viya mātukucchito nikkhami.
д̇асса бадисанд̇хияам̣ ж̇аад̇ияан̃жа баадихаарияаани буб̣б̣з вуд̇д̇анаяаанзва ахзсум̣. суд̣̇ассанарад̇анаг̇гхиаавзл̣анаамагаа д̇аяо жасса баасаад̣̇аа ахзсум̣. суд̣̇ассанаад̣̇звиббамукаани д̇зд̇д̇им̣са ид̇т̇исахассаани бажжубадтид̇аани ахзсум̣. д̇аахи баривуд̇о со сураяувад̇ийхи баривуд̇о д̣̇звагумааро вияа чаб̣б̣ассасахассаани висаяасукаманубхавамаано аг̇аарам̣ аж̇жхааваси. со суд̣̇ассанааяа наама д̣̇звияаа варун̣з наама д̇анаяз ж̇аад̇з жад̇д̇аари нимид̇д̇аани д̣̇исваа наанаавирааг̇ад̇ануваравасананивасано аамуггамуд̇д̇аахаараман̣игун̣д̣ало варагзяуурамагудагадагад̇харо барамасурабхиг̇анд̇хагусумасамалан̇гад̇о барамаружирагаранигаро сарад̣̇асамаяараж̇анигаро вияа д̇аарааг̇ан̣абаривуд̇о вияа жанд̣̇о д̇ид̣̇асаг̇ан̣абаривуд̇о вияа д̣̇асасад̇анаяано б̣рахмаг̇ан̣абаривуд̇о вияа жа хаарид̇амахааб̣рахмаа жад̇уран̇г̇инияаа махад̇ияаа сзнааяа баривуд̇о ааж̇ан̃н̃арат̇зна махаабхинигкаманам̣ нигкамид̇ваа саб̣б̣аабхаран̣аани омун̃жид̇ваа бхан̣д̣ааг̇ааригасса хад̇т̇з д̣̇ад̇ваа ж̇алаж̇аамалаавигаланийлагувалаяад̣̇аласад̣̇исзнаад̇инисид̇знаад̇ид̇икин̣знаасинаа сагзсамагудам̣ чинд̣̇ид̇ваа аагаасз киби. д̇ам̣ сагго д̣̇зварааж̇аа суван̣н̣ажан̇годагзна бадиг̇г̇ахзд̇ваа д̇аавад̇им̣сабхаванам̣ нзд̇ваа синзрумуд̣̇д̇хани сад̇д̇арад̇анамаяам̣ жзд̇ияам̣ агааси.
Tassa paṭisandhiyaṃ jātiyañca pāṭihāriyāni pubbe vuttanayāneva ahesuṃ. Sudassanaratanagghiāveḷanāmakā tayo cassa pāsādā ahesuṃ. Sudassanādevippamukhāni tettiṃsa itthisahassāni paccupaṭṭhitāni ahesuṃ. Tāhi parivuto so surayuvatīhi parivuto devakumāro viya chabbassasahassāni visayasukhamanubhavamāno agāraṃ ajjhāvasi. So sudassanāya nāma deviyā varuṇe nāma tanaye jāte cattāri nimittāni disvā nānāvirāgatanuvaravasananivasano āmukkamuttāhāramaṇikuṇḍalo varakeyūramakuṭakaṭakadharo paramasurabhigandhakusumasamalaṅkato paramarucirakaranikaro saradasamayarajanikaro viya tārāgaṇaparivuto viya cando tidasagaṇaparivuto viya dasasatanayano brahmagaṇaparivuto viya ca hāritamahābrahmā caturaṅginiyā mahatiyā senāya parivuto ājaññarathena mahābhinikkhamanaṃ nikkhamitvā sabbābharaṇāni omuñcitvā bhaṇḍāgārikassa hatthe datvā jalajāmalāvikalanīlakuvalayadalasadisenātinisitenātitikhiṇenāsinā sakesamakuṭaṃ chinditvā ākāse khipi. Taṃ sakko devarājā suvaṇṇacaṅkoṭakena paṭiggahetvā tāvatiṃsabhavanaṃ netvā sinerumuddhani sattaratanamayaṃ cetiyaṃ akāsi.
махаабурисо бана д̣̇звад̣̇ад̇д̇аани гаасааяаани барид̣̇ахид̇ваа баб̣б̣аж̇и, згаа жа нам̣ бурисагоди анубаб̣б̣аж̇и. со д̇зхи баривуд̇о сад̇д̇амаасз бад̇хаанажарияам̣ жарид̇ваа висаакабун̣н̣амааяа ан̃н̃ад̇арааяа саад̇худ̣̇звияаа наама сздтид̇хийд̇ааяа д̣̇иннам̣ мад̇хубааяаасам̣ барибхун̃ж̇ид̇ваа саалаванз д̣̇иваавихаарам̣ вийд̇инаамзд̇ваа сааяанхасамаяз ан̃н̃ад̇арзнааж̇ийвагзна д̣̇иннаа адта д̇ин̣амудтияо г̇ахзд̇ваа мад̇д̇аваранааг̇аг̇аамий нааг̇аб̣од̇хим̣ бад̣̇агкин̣ам̣ гад̇ваа д̇збан̣н̣аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа жад̇уран̇г̇авийрияам̣ ад̇хидтааяа нисийд̣̇ид̇ваа маараб̣алам̣ вид̇хамид̇ваа саб̣б̣ан̃н̃уд̇ан̃н̃аан̣ам̣ бадивиж̇жхид̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и (д̇ха. ба. 153-154) уд̣̇аанам̣ уд̣̇аанзси. д̇зна вуд̇д̇ам̣ –
Mahāpuriso pana devadattāni kāsāyāni paridahitvā pabbaji, ekā ca naṃ purisakoṭi anupabbaji. So tehi parivuto sattamāse padhānacariyaṃ caritvā visākhapuṇṇamāya aññatarāya sādhudeviyā nāma seṭṭhidhītāya dinnaṃ madhupāyāsaṃ paribhuñjitvā sālavane divāvihāraṃ vītināmetvā sāyanhasamaye aññatarenājīvakena dinnā aṭṭha tiṇamuṭṭhiyo gahetvā mattavaranāgagāmī nāgabodhiṃ padakkhiṇaṃ katvā tepaṇṇāsahatthavitthataṃ tiṇasantharaṃ santharitvā caturaṅgavīriyaṃ adhiṭṭhāya nisīditvā mārabalaṃ vidhamitvā sabbaññutaññāṇaṃ paṭivijjhitvā – ‘‘anekajātisaṃsāraṃ…pe… taṇhānaṃ khayamajjhagā’’ti (dha. pa. 153-154) udānaṃ udānesi. Tena vuttaṃ –
1.
1.
‘‘суманасса абарзна, рзвад̇о наама нааяаго;
‘‘Sumanassa aparena, revato nāma nāyako;
анубамо асад̣̇исо, ад̇уло уд̇д̇амо ж̇ино’’д̇и.
Anupamo asadiso, atulo uttamo jino’’ti.
рзвад̇о гира сад̇т̇аа б̣од̇хисамийбзязва сад̇д̇асад̇д̇аахаани вийд̇инаамзд̇ваа д̇хаммад̣̇зсанад̇т̇ам̣ б̣рахмааяаажанам̣ самбадижчид̇ваа – ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и (д̣̇ий. ни. 2.72; ма. ни. 1.284; 2.341; махаава. 10) убад̇хаарзнд̇о ад̇д̇анаа саха баб̣б̣аж̇ид̇абхигкугодияо ан̃н̃з жа б̣ахуу д̣̇звамануссз убаниссаяасамбаннз д̣̇исваа аагаасзна г̇анд̇ваа варун̣аараамз од̇арид̇ваа д̇зхи баривуд̇о г̇амбхийрам̣ нибун̣ам̣ д̇ибариваддам̣ аббадивад̇д̇ияам̣ ан̃н̃зна ануд̇д̇арам̣ д̇хаммажаггам̣ бавад̇д̇зд̇ваа бхигкуунам̣ годи арахад̇д̇з бад̇идтаабзси. д̇ийсу маг̇г̇апалзсу бад̇идтид̇аанам̣ г̇ан̣анабарижчзд̣̇о над̇т̇и. д̇зна вуд̇д̇ам̣ –
Revato kira satthā bodhisamīpeyeva sattasattāhāni vītināmetvā dhammadesanatthaṃ brahmāyācanaṃ sampaṭicchitvā – ‘‘kassa nu kho ahaṃ paṭhamaṃ dhammaṃ deseyya’’nti (dī. ni. 2.72; ma. ni. 1.284; 2.341; mahāva. 10) upadhārento attanā saha pabbajitabhikkhukoṭiyo aññe ca bahū devamanusse upanissayasampanne disvā ākāsena gantvā varuṇārāme otaritvā tehi parivuto gambhīraṃ nipuṇaṃ tiparivaṭṭaṃ appaṭivattiyaṃ aññena anuttaraṃ dhammacakkaṃ pavattetvā bhikkhūnaṃ koṭi arahatte patiṭṭhāpesi. Tīsu maggaphalesu patiṭṭhitānaṃ gaṇanaparicchedo natthi. Tena vuttaṃ –
2.
2.
‘‘соби д̇хаммам̣ багаасзси, б̣рахмунаа абхияаажид̇о;
‘‘Sopi dhammaṃ pakāsesi, brahmunā abhiyācito;
канд̇хад̇хаад̇увавад̇т̇аанам̣, аббавад̇д̇ам̣ бхаваабхавз’’д̇и.
Khandhadhātuvavatthānaṃ, appavattaṃ bhavābhave’’ti.
д̇ад̇т̇а канд̇хад̇хаад̇увавад̇т̇аананд̇и бан̃жаннам̣ канд̇хаанам̣ адтаарасаннам̣ д̇хаад̇уунам̣ наамаруубававад̇т̇аанаад̣̇ивасзна вибхааг̇агаран̣ам̣. сабхаавалагкан̣асааман̃н̃алагкан̣аад̣̇ивасзна руубааруубад̇хаммабариг̇г̇ахо канд̇хад̇хаад̇увавад̇т̇аанам̣ наама. ат̇а ваа пзн̣абин̣д̣уубамам̣ руубам̣ баримад̣̇д̣̇анаасаханад̇о чид̣̇д̣̇аавачид̣̇д̣̇аад̣̇ибхаавад̇о жа уд̣̇агабуб̣б̣ул̣агам̣ вияа взд̣̇анаа мухуд̇д̇араман̣ийяабхаавад̇о, марийжигаа вияа сан̃н̃аа виббаламбханад̇о, гад̣̇алигканд̇хо вияа сан̇каараа асаарагад̇о, мааяаа вияа вин̃н̃аан̣ам̣ ван̃жанагад̇о’’д̇и звамаад̣̇инааби наязна анижжаанубассанаад̣̇ивасзнаби канд̇хад̇хаад̇увавад̇т̇аанам̣ взд̣̇ид̇аб̣б̣ам̣ (вибха. адта. 26 гамаад̣̇ивинижчаяагат̇аа). аббавад̇д̇ам̣ бхаваабхавзд̇и зд̇т̇а бхавод̇и вад̣дхи, абхавод̇и хаани. бхавод̇и сассад̇ад̣̇идти , абхавод̇и ужчзд̣̇ад̣̇идти. бхавод̇и куд̣̇д̣̇агабхаво, абхавод̇и махаабхаво. бхавод̇и гаамабхаво, абхавод̇и руубааруубабхавод̇и звамаад̣̇инаа наязна бхаваабхаваанам̣ ад̇т̇о взд̣̇ид̇аб̣б̣о (ма. ни. адта. 2.223; сам̣. ни. адта. 3.5.1080; уд̣̇аа. адта. 20). д̇зсам̣ бхаваабхаваанам̣ аббавад̇д̇ихзд̇убхууд̇ам̣ д̇хаммам̣ багаасзсийд̇и ад̇т̇о. ат̇а ваа бхавад̇и анзнаад̇и бхаво, д̇ийсу бхавзсу уббад̇д̇инимид̇д̇ам̣ гаммаад̣̇игам̣. убабад̇д̇ибхаво абхаво наама. убхаяад̇т̇а ниганд̇ияаа бахаанагарам̣ аббавад̇д̇ам̣ д̇хаммам̣ д̣̇зсзсийд̇и ад̇т̇о. д̇асса бана рзвад̇аб̣уд̣̇д̇хасса д̇аяова абхисамаяаа ахзсум̣. батамо банасса г̇ан̣анабат̇ам̣ вийд̇ивад̇д̇о. д̇зна вуд̇д̇ам̣ –
Tattha khandhadhātuvavatthānanti pañcannaṃ khandhānaṃ aṭṭhārasannaṃ dhātūnaṃ nāmarūpavavatthānādivasena vibhāgakaraṇaṃ. Sabhāvalakkhaṇasāmaññalakkhaṇādivasena rūpārūpadhammapariggaho khandhadhātuvavatthānaṃ nāma. Atha vā pheṇapiṇḍūpamaṃ rūpaṃ parimaddanāsahanato chiddāvachiddādibhāvato ca udakapubbuḷakaṃ viya vedanā muhuttaramaṇīyabhāvato, marīcikā viya saññā vippalambhanato, kadalikkhandho viya saṅkhārā asārakato, māyā viya viññāṇaṃ vañcanakato’’ti evamādināpi nayena aniccānupassanādivasenapi khandhadhātuvavatthānaṃ veditabbaṃ (vibha. aṭṭha. 26 kamādivinicchayakathā). Appavattaṃ bhavābhaveti ettha bhavoti vaḍḍhi, abhavoti hāni. Bhavoti sassatadiṭṭhi , abhavoti ucchedadiṭṭhi. Bhavoti khuddakabhavo, abhavoti mahābhavo. Bhavoti kāmabhavo, abhavoti rūpārūpabhavoti evamādinā nayena bhavābhavānaṃ attho veditabbo (ma. ni. aṭṭha. 2.223; saṃ. ni. aṭṭha. 3.5.1080; udā. aṭṭha. 20). Tesaṃ bhavābhavānaṃ appavattihetubhūtaṃ dhammaṃ pakāsesīti attho. Atha vā bhavati anenāti bhavo, tīsu bhavesu uppattinimittaṃ kammādikaṃ. Upapattibhavo abhavo nāma. Ubhayattha nikantiyā pahānakaraṃ appavattaṃ dhammaṃ desesīti attho. Tassa pana revatabuddhassa tayova abhisamayā ahesuṃ. Paṭhamo panassa gaṇanapathaṃ vītivatto. Tena vuttaṃ –
3.
3.
‘‘д̇ассаабхисамаяаа д̇ийн̣и, ахзсум̣ д̇хаммад̣̇зсанз;
‘‘Tassābhisamayā tīṇi, ahesuṃ dhammadesane;
г̇ан̣анааяа на вад̇д̇аб̣б̣о, батамаабхисамаяо ахуу’’д̇и.
Gaṇanāya na vattabbo, paṭhamābhisamayo ahū’’ti.
д̇ад̇т̇а д̇ийн̣ийд̇и д̇аяо, лин̇г̇авибаллаасо гад̇о, аяам̣ батамо абхисамаяо ахоси.
Tattha tīṇīti tayo, liṅgavipallāso kato, ayaṃ paṭhamo abhisamayo ahosi.
ат̇аабарзна самаязна наг̇аруд̇д̇арз уд̇д̇арз наг̇арз саб̣б̣ааринд̣̇амо аринд̣̇амо наама рааж̇аа ахоси. со гира бхаг̇аванд̇ам̣ ад̇д̇ано наг̇арамануббад̇д̇ам̣ суд̇ваа д̇ийхи ж̇анагодийхи баривуд̇о бхаг̇авад̇о бажжуг̇г̇аманам̣ гад̇ваа сваад̇анааяа ниманд̇зд̇ваа б̣уд̣̇д̇хаббамукасса бхигкусан̇гхасса сад̇д̇аахам̣ махаад̣̇аанам̣ бавад̇д̇зд̇ваа д̇иг̇аавуд̇авид̇т̇ад̇ам̣ д̣̇ийбабууж̇ам̣ гад̇ваа бхаг̇аванд̇ам̣ убасан̇гамид̇ваа нисийд̣̇и. ат̇а бхаг̇аваа д̇асса манонугуулам̣ вижид̇д̇анаяам̣ д̇хаммам̣ д̣̇зсзси. д̇ад̇т̇а д̣̇звамануссаанам̣ годисахассасса д̣̇уд̇ияаабхисамаяо ахоси. д̇зна вуд̇д̇ам̣ –
Athāparena samayena nagaruttare uttare nagare sabbārindamo arindamo nāma rājā ahosi. So kira bhagavantaṃ attano nagaramanuppattaṃ sutvā tīhi janakoṭīhi parivuto bhagavato paccuggamanaṃ katvā svātanāya nimantetvā buddhappamukhassa bhikkhusaṅghassa sattāhaṃ mahādānaṃ pavattetvā tigāvutavitthataṃ dīpapūjaṃ katvā bhagavantaṃ upasaṅkamitvā nisīdi. Atha bhagavā tassa manonukūlaṃ vicittanayaṃ dhammaṃ desesi. Tattha devamanussānaṃ koṭisahassassa dutiyābhisamayo ahosi. Tena vuttaṃ –
4.
4.
‘‘яад̣̇аа аринд̣̇амам̣ рааж̇ам̣, винзси рзвад̇о муни;
‘‘Yadā arindamaṃ rājaṃ, vinesi revato muni;
д̇ад̣̇аа годисахассаанам̣, д̣̇уд̇ияаабхисамаяо ахуу’’д̇и.
Tadā koṭisahassānaṃ, dutiyābhisamayo ahū’’ti.
аяам̣ д̣̇уд̇ияо абхисамаяо.
Ayaṃ dutiyo abhisamayo.
ат̇аабарзна самаязна рзвад̇о сад̇т̇аа уд̇д̇араниг̇амам̣ наама убаниссааяа вихаранд̇о сад̇д̇аахам̣ нирод̇хасамаабад̇д̇им̣ самаабаж̇ж̇ид̇ваа нисийд̣̇и. д̇ад̣̇аа гира уд̇д̇араниг̇амаваасино мануссаа яааг̇убхад̇д̇акаж̇ж̇агабхзсаж̇ж̇абаанагаад̣̇ийни аахарид̇ваа бхигкусан̇гхасса махаад̣̇аанам̣ д̣̇ад̇ваа бхигкуу барибужчим̣су – ‘‘гухим̣, бханд̇з, бхаг̇аваа’’д̇и? д̇ад̇о д̇зсам̣ бхигкуу аахам̣су – ‘‘бхаг̇аваа, аавусо, нирод̇хасамаабад̇д̇им̣ самаабанно’’д̇и. ат̇аад̇ийд̇з д̇асмим̣ сад̇д̇аахз бхаг̇аванд̇ам̣ нирод̇хасамаабад̇д̇ид̇о вудтид̇ам̣ сарад̣̇асамаяз суурияо вияа ад̇д̇ано ануубамааяа б̣уд̣̇д̇хасирияаа вирожамаанам̣ д̣̇исваа нирод̇хасамаабад̇д̇ияаа г̇ун̣аанисам̣сам̣ бужчим̣су. бхаг̇аваа жа д̇зсам̣ нирод̇хасамаабад̇д̇ияаа г̇ун̣аанисам̣сам̣ гат̇зси. д̇ад̣̇аа д̣̇звамануссаанам̣ годисад̇ам̣ арахад̇д̇з бад̇идтааси. аяам̣ д̇ад̇ияо абхисамаяо ахоси. д̇зна вуд̇д̇ам̣ –
Athāparena samayena revato satthā uttaranigamaṃ nāma upanissāya viharanto sattāhaṃ nirodhasamāpattiṃ samāpajjitvā nisīdi. Tadā kira uttaranigamavāsino manussā yāgubhattakhajjakabhesajjapānakādīni āharitvā bhikkhusaṅghassa mahādānaṃ datvā bhikkhū paripucchiṃsu – ‘‘kuhiṃ, bhante, bhagavā’’ti? Tato tesaṃ bhikkhū āhaṃsu – ‘‘bhagavā, āvuso, nirodhasamāpattiṃ samāpanno’’ti. Athātīte tasmiṃ sattāhe bhagavantaṃ nirodhasamāpattito vuṭṭhitaṃ saradasamaye sūriyo viya attano anūpamāya buddhasiriyā virocamānaṃ disvā nirodhasamāpattiyā guṇānisaṃsaṃ pucchiṃsu. Bhagavā ca tesaṃ nirodhasamāpattiyā guṇānisaṃsaṃ kathesi. Tadā devamanussānaṃ koṭisataṃ arahatte patiṭṭhāsi. Ayaṃ tatiyo abhisamayo ahosi. Tena vuttaṃ –
5.
5.
‘‘сад̇д̇аахам̣ бадисаллаанаа, вудтахид̇ваа нараасабхо;
‘‘Sattāhaṃ paṭisallānā, vuṭṭhahitvā narāsabho;
годисад̇ам̣ нарамаруунам̣, винзси уд̇д̇амз палз’’д̇и.
Koṭisataṃ naramarūnaṃ, vinesi uttame phale’’ti.
суд̇хан̃н̃авад̇ийнаг̇арз батамамахаабаад̇имогкуд̣̇д̣̇зсз зхибхигкубаб̣б̣аж̇ж̇ааяа баб̣б̣аж̇ид̇аанам̣ араханд̇аанам̣ г̇ан̣анабат̇ам̣ вийд̇ивад̇д̇аанам̣ батамо саннибаад̇о ахоси. мзкаланаг̇арз годисад̇асахассасан̇каад̇аанам̣ зхибхигкубаб̣б̣аж̇ж̇ааяа баб̣б̣аж̇ид̇аанам̣ араханд̇аанам̣ д̣̇уд̇ияо саннибаад̇о ахоси. рзвад̇асса бана бхаг̇авад̇о д̇хаммажаггаанувад̇д̇аго варун̣о наама аг̇г̇асааваго бан̃н̃аванд̇аанам̣ аг̇г̇о ааб̣аад̇хиго ахоси. д̇ад̇т̇а г̇илаанабужчанад̇т̇ааяа самбад̇д̇амахааж̇анасса лагкан̣ад̇д̇аяабарид̣̇ийбагам̣ д̇хаммам̣ д̣̇зсзд̇ваа годисад̇асахассам̣ бурисаанам̣ зхибхигкубаб̣б̣аж̇ж̇ааяа баб̣б̣ааж̇зд̇ваа арахад̇д̇з бад̇идтаабзд̇ваа жад̇уран̇г̇инигз саннибаад̇з баад̇имогкам̣ уд̣̇д̣̇иси. аяам̣ д̇ад̇ияо саннибаад̇о ахоси. д̇зна вуд̇д̇ам̣ –
Sudhaññavatīnagare paṭhamamahāpātimokkhuddese ehibhikkhupabbajjāya pabbajitānaṃ arahantānaṃ gaṇanapathaṃ vītivattānaṃ paṭhamo sannipāto ahosi. Mekhalanagare koṭisatasahassasaṅkhātānaṃ ehibhikkhupabbajjāya pabbajitānaṃ arahantānaṃ dutiyo sannipāto ahosi. Revatassa pana bhagavato dhammacakkānuvattako varuṇo nāma aggasāvako paññavantānaṃ aggo ābādhiko ahosi. Tattha gilānapucchanatthāya sampattamahājanassa lakkhaṇattayaparidīpakaṃ dhammaṃ desetvā koṭisatasahassaṃ purisānaṃ ehibhikkhupabbajjāya pabbājetvā arahatte patiṭṭhāpetvā caturaṅginike sannipāte pātimokkhaṃ uddisi. Ayaṃ tatiyo sannipāto ahosi. Tena vuttaṃ –
6.
6.
‘‘саннибаад̇аа д̇аяо аасум̣, рзвад̇асса махзсино;
‘‘Sannipātā tayo āsuṃ, revatassa mahesino;
кийн̣аасаваанам̣ вималаанам̣, сувимуд̇д̇аана д̇аад̣̇инам̣.
Khīṇāsavānaṃ vimalānaṃ, suvimuttāna tādinaṃ.
7.
7.
‘‘ад̇игганд̇аа г̇ан̣анабат̇ам̣, батамам̣ яз самааг̇ад̇аа;
‘‘Atikkantā gaṇanapathaṃ, paṭhamaṃ ye samāgatā;
годисад̇асахассаанам̣, д̣̇уд̇ияо ааси самааг̇амо.
Koṭisatasahassānaṃ, dutiyo āsi samāgamo.
8.
8.
‘‘яоби бан̃н̃ааяа асамо, д̇асса жаггаанувад̇д̇аго;
‘‘Yopi paññāya asamo, tassa cakkānuvattako;
со д̇ад̣̇аа б̣яаад̇хид̇о ааси, бад̇д̇о ж̇ийвид̇асам̣саяам̣.
So tadā byādhito āsi, patto jīvitasaṃsayaṃ.
9.
9.
‘‘д̇асса г̇илаанабужчааяа, яз д̇ад̣̇аа убаг̇ад̇аа муний;
‘‘Tassa gilānapucchāya, ye tadā upagatā munī;
годисад̇асахассаа араханд̇о, д̇ад̇ияо ааси самааг̇амо’’д̇и.
Koṭisatasahassā arahanto, tatiyo āsi samāgamo’’ti.
д̇ад̇т̇а жаггаанувад̇д̇агод̇и д̇хаммажаггаанувад̇д̇аго. бад̇д̇о ж̇ийвид̇асам̣саяанд̇и зд̇т̇а ж̇ийвид̇з сам̣саяам̣ ж̇ийвид̇асам̣саяам̣, ж̇ийвид̇агкаяам̣ баабун̣аад̇и ваа, на ваа баабун̣аад̇ийд̇и звам̣ ж̇ийвид̇асам̣саяам̣ бад̇д̇о, б̣яаад̇хид̇асса б̣алавабхаавзна марад̇и, на марад̇ийд̇и ж̇ийвид̇з сам̣саяам̣ бад̇д̇од̇и ад̇т̇о. яз д̇ад̣̇аа убаг̇ад̇аа мунийд̇и ид̇и д̣̇ийгхабхаавз сад̇и бхигкуунам̣ убари ход̇и, рассз ануссарзна сад̣̇д̇хим̣ варун̣асса убари ход̇и.
Tattha cakkānuvattakoti dhammacakkānuvattako. Patto jīvitasaṃsayanti ettha jīvite saṃsayaṃ jīvitasaṃsayaṃ, jīvitakkhayaṃ pāpuṇāti vā, na vā pāpuṇātīti evaṃ jīvitasaṃsayaṃ patto, byādhitassa balavabhāvena marati, na maratīti jīvite saṃsayaṃ pattoti attho. Ye tadā upagatā munīti iti dīghabhāve sati bhikkhūnaṃ upari hoti, rasse anussarena saddhiṃ varuṇassa upari hoti.
д̇ад̣̇аа амхаагам̣ б̣од̇хисад̇д̇о раммавад̇ийнаг̇арз ад̇ид̣̇зво наама б̣раахман̣о худ̇ваа б̣раахман̣ад̇хаммз баарам̣ г̇ад̇о рзвад̇ам̣ саммаасамб̣уд̣̇д̇хам̣ д̣̇исваа д̇асса д̇хаммагат̇ам̣ суд̇ваа саран̣зсу бад̇идтааяа силогасахассзна д̣̇асаб̣алам̣ гид̇д̇зд̇ваа сахассаг̇гханигзна уд̇д̇араасан̇г̇зна бхаг̇аванд̇ам̣ бууж̇зси. соби нам̣ б̣уд̣̇д̇хо б̣яаагааси – ‘‘ид̇о габбасад̇асахассаад̇хигаанам̣ д̣̇виннам̣ асан̇кязяяаанам̣ мад̇т̇агз г̇од̇амо наама б̣уд̣̇д̇хо бхависсад̇ий’’д̇и. д̇зна вуд̇д̇ам̣ –
Tadā amhākaṃ bodhisatto rammavatīnagare atidevo nāma brāhmaṇo hutvā brāhmaṇadhamme pāraṃ gato revataṃ sammāsambuddhaṃ disvā tassa dhammakathaṃ sutvā saraṇesu patiṭṭhāya silokasahassena dasabalaṃ kittetvā sahassagghanikena uttarāsaṅgena bhagavantaṃ pūjesi. Sopi naṃ buddho byākāsi – ‘‘ito kappasatasahassādhikānaṃ dvinnaṃ asaṅkhyeyyānaṃ matthake gotamo nāma buddho bhavissatī’’ti. Tena vuttaṃ –
10.
10.
‘‘ахам̣ д̇зна самаязна, ад̇ид̣̇зво наама б̣раахман̣о;
‘‘Ahaṃ tena samayena, atidevo nāma brāhmaṇo;
убаг̇анд̇ваа рзвад̇ам̣ б̣уд̣̇д̇хам̣, саран̣ам̣ д̇асса г̇ан̃чахам̣.
Upagantvā revataṃ buddhaṃ, saraṇaṃ tassa gañchahaṃ.
11.
11.
‘‘д̇асса сийлам̣ самаад̇хин̃жа, бан̃н̃ааг̇ун̣амануд̇д̇амам̣;
‘‘Tassa sīlaṃ samādhiñca, paññāguṇamanuttamaṃ;
т̇омаяид̇ваа яат̇аат̇аамам̣, уд̇д̇арийяамад̣̇аасахам̣.
Thomayitvā yathāthāmaṃ, uttarīyamadāsahaṃ.
12.
12.
‘‘соби мам̣ б̣уд̣̇д̇хо б̣яаагааси, рзвад̇о логанааяаго;
‘‘Sopi maṃ buddho byākāsi, revato lokanāyako;
абаримзяяид̇о габбз, аяам̣ б̣уд̣̇д̇хо бхависсад̇и.
Aparimeyyito kappe, ayaṃ buddho bhavissati.
13.
13.
‘бад̇хаанам̣ бад̣̇ахид̇ваана…бз… хзссаама саммукаа има’’’нд̇и. –
‘Padhānaṃ padahitvāna…pe… hessāma sammukhā ima’’’nti. –
адта г̇аат̇аа вид̇т̇аарзд̇аб̣б̣аа.
Aṭṭha gāthā vitthāretabbā.
14.
14.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
15.
15.
‘‘д̇ад̣̇ааби д̇ам̣ б̣уд̣̇д̇хад̇хаммам̣, сарид̇ваа ануб̣руухаяим̣;
‘‘Tadāpi taṃ buddhadhammaṃ, saritvā anubrūhayiṃ;
аахариссаами д̇ам̣ д̇хаммам̣, яам̣ маяхам̣ абхибад̇т̇ид̇а’’нд̇и.
Āharissāmi taṃ dhammaṃ, yaṃ mayhaṃ abhipatthita’’nti.
д̇ад̇т̇а саран̣ам̣ д̇асса г̇ан̃чаханд̇и д̇ам̣ саран̣ам̣ аг̇ан̃чим̣ ахам̣, убаяог̇ад̇т̇з саамиважанам̣. бан̃н̃ааг̇ун̣анд̇и бан̃н̃аасамбад̇д̇им̣. ануд̇д̇аманд̇и сздтам̣. ‘‘бан̃н̃аавимуд̇д̇иг̇ун̣амуд̇д̇ама’’нд̇иби баато, со уд̇д̇аанова. т̇омаяид̇ваад̇и т̇омзд̇ваа ван̣н̣аяид̇ваа. яат̇аат̇ааманд̇и яат̇ааб̣алам̣. уд̇д̇арийяанд̇и уд̇д̇араасан̇г̇ам̣. ад̣̇аасаханд̇и ад̣̇аасим̣ ахам̣. б̣уд̣̇д̇хад̇хамманд̇и б̣уд̣̇д̇хабхаавагарам̣ д̇хаммам̣, баарамийд̇хамманд̇и ад̇т̇о. сарид̇ваад̇и ануссарид̇ваа. ануб̣руухаяинд̇и абхивад̣дхзсим̣. аахариссаамийд̇и аанаяиссаами. д̇ам̣ д̇хамманд̇и д̇ам̣ б̣уд̣̇д̇хад̇д̇ам̣. яам̣ маяхам̣ абхибад̇т̇ид̇анд̇и яам̣ маяаа абхибад̇т̇ид̇ам̣ б̣уд̣̇д̇хад̇д̇ам̣, д̇ам̣ аахариссаамийд̇и ад̇т̇о.
Tattha saraṇaṃ tassa gañchahanti taṃ saraṇaṃ agañchiṃ ahaṃ, upayogatthe sāmivacanaṃ. Paññāguṇanti paññāsampattiṃ. Anuttamanti seṭṭhaṃ. ‘‘Paññāvimuttiguṇamuttama’’ntipi pāṭho, so uttānova. Thomayitvāti thometvā vaṇṇayitvā. Yathāthāmanti yathābalaṃ. Uttarīyanti uttarāsaṅgaṃ. Adāsahanti adāsiṃ ahaṃ. Buddhadhammanti buddhabhāvakaraṃ dhammaṃ, pāramīdhammanti attho. Saritvāti anussaritvā. Anubrūhayinti abhivaḍḍhesiṃ. Āharissāmīti ānayissāmi. Taṃ dhammanti taṃ buddhattaṃ. Yaṃ mayhaṃ abhipatthitanti yaṃ mayā abhipatthitaṃ buddhattaṃ, taṃ āharissāmīti attho.
д̇асса бана рзвад̇асса бхаг̇авад̇о наг̇арам̣ суд̇хан̃н̃авад̇ий наама ахоси, бид̇аа вибуло наама кад̇д̇ияо, маад̇аа вибулаа наама, варун̣о жа б̣рахмад̣̇зво жа д̣̇вз аг̇г̇асаавагаа, самбхаво наама убадтааго, бхад̣̇д̣̇аа жа субхад̣̇д̣̇аа жа д̣̇вз аг̇г̇асаавигаа, нааг̇аругко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, ааяу садтивассасахассаани, суд̣̇ассанаа наама аг̇г̇амахзсий, варун̣о наама буд̇д̇о, ааж̇ан̃н̃арат̇зна нигками.
Tassa pana revatassa bhagavato nagaraṃ sudhaññavatī nāma ahosi, pitā vipulo nāma khattiyo, mātā vipulā nāma, varuṇo ca brahmadevo ca dve aggasāvakā, sambhavo nāma upaṭṭhāko, bhaddā ca subhaddā ca dve aggasāvikā, nāgarukkho bodhi, sarīraṃ asītihatthubbedhaṃ ahosi, āyu saṭṭhivassasahassāni, sudassanā nāma aggamahesī, varuṇo nāma putto, ājaññarathena nikkhami.
‘‘д̇асса д̣̇зхаабхинигканд̇ам̣, бабхааж̇ааламануд̇д̇арам̣;
‘‘Tassa dehābhinikkhantaṃ, pabhājālamanuttaraṃ;
д̣̇иваа жзва д̇ад̣̇аа рад̇д̇им̣, нижжам̣ парад̇и яож̇анам̣.
Divā ceva tadā rattiṃ, niccaṃ pharati yojanaṃ.
‘‘д̇хаад̇уяо мама саб̣б̣ааби, вигиранд̇ууд̇и со ж̇ино;
‘‘Dhātuyo mama sabbāpi, vikirantūti so jino;
ад̇хидтааси махаавийро, саб̣б̣асад̇д̇аанугамбаго.
Adhiṭṭhāsi mahāvīro, sabbasattānukampako.
‘‘махаанааг̇авануяяаанз, махад̇о наг̇арасса со;
‘‘Mahānāgavanuyyāne, mahato nagarassa so;
бууж̇ид̇о нарамаруухи, бариниб̣б̣ааяи рзвад̇о’’д̇и.
Pūjito naramarūhi, parinibbāyi revato’’ti.
д̇зна вуд̇д̇ам̣ –
Tena vuttaṃ –
16.
16.
‘‘наг̇арам̣ суд̇хан̃н̃авад̇ий наама, вибуло наама кад̇д̇ияо;
‘‘Nagaraṃ sudhaññavatī nāma, vipulo nāma khattiyo;
вибулаа наама ж̇анигаа, рзвад̇асса махзсино.
Vipulā nāma janikā, revatassa mahesino.
21.
21.
‘‘варун̣о б̣рахмад̣̇зво жа, ахзсум̣ аг̇г̇асаавагаа;
‘‘Varuṇo brahmadevo ca, ahesuṃ aggasāvakā;
самбхаво наамубадтааго, рзвад̇асса махзсино.
Sambhavo nāmupaṭṭhāko, revatassa mahesino.
22.
22.
‘‘бхад̣̇д̣̇аа жзва субхад̣̇д̣̇аа жа, ахзсум̣ аг̇г̇асаавигаа;
‘‘Bhaddā ceva subhaddā ca, ahesuṃ aggasāvikā;
соби б̣уд̣̇д̇хо асамасамо, нааг̇амуулз аб̣уж̇жхат̇а.
Sopi buddho asamasamo, nāgamūle abujjhatha.
23.
23.
‘‘бад̣̇умо гун̃ж̇аро жзва, ахзсум̣ аг̇г̇убадтагаа;
‘‘Padumo kuñjaro ceva, ahesuṃ aggupaṭṭhakā;
сиримаа жзва яасавад̇ий, ахзсум̣ аг̇г̇убадтигаа.
Sirimā ceva yasavatī, ahesuṃ aggupaṭṭhikā.
24.
24.
‘‘ужжад̇д̇анзна со б̣уд̣̇д̇хо, асийд̇ихад̇т̇амуг̇г̇ад̇о;
‘‘Uccattanena so buddho, asītihatthamuggato;
обхаасзд̇и д̣̇исаа саб̣б̣аа, инд̣̇агзд̇ува уг̇г̇ад̇о.
Obhāseti disā sabbā, indaketuva uggato.
25.
25.
‘‘д̇асса сарийрз ниб̣б̣ад̇д̇аа, бабхаамаалаа ануд̇д̇араа;
‘‘Tassa sarīre nibbattā, pabhāmālā anuttarā;
д̣̇иваа ваа яад̣̇и ваа рад̇д̇им̣, саманд̇аа парад̇и яож̇анам̣.
Divā vā yadi vā rattiṃ, samantā pharati yojanaṃ.
26.
26.
‘‘садтивассасахассаани , ааяу виж̇ж̇ад̇и д̇аавад̣̇з;
‘‘Saṭṭhivassasahassāni , āyu vijjati tāvade;
д̇аавад̇аа д̣̇идтамаано со, д̇аарзси ж̇анад̇ам̣ б̣ахум̣.
Tāvatā diṭṭhamāno so, tāresi janataṃ bahuṃ.
27.
27.
‘‘д̣̇ассаяид̇ваа б̣уд̣̇д̇хаб̣алам̣ амад̇ам̣ логз багаасаяам̣;
‘‘Dassayitvā buddhabalaṃ amataṃ loke pakāsayaṃ;
ниб̣б̣ааяи анубаад̣̇аано, яат̇аг̇г̇убаад̣̇аанасан̇каяаа.
Nibbāyi anupādāno, yathaggupādānasaṅkhayā.
28.
28.
‘‘со жа гааяо рад̇ананибхо, со жа д̇хаммо асаад̣̇исо;
‘‘So ca kāyo ratananibho, so ca dhammo asādiso;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а обхаасзд̇ийд̇и багаасаяад̇и. уг̇г̇ад̇од̇и уссид̇о. бабхаамаалаад̇и бабхаавзлаа. яат̇аг̇г̇ийд̇и аг̇г̇и вияа. убаад̣̇аанасан̇каяаад̇и инд̇ханагкаяаа. со жа гааяо рад̇ананибход̇и со жа д̇асса бхаг̇авад̇о гааяо суван̣н̣аван̣н̣о. ‘‘д̇ан̃жа гааяам̣ рад̇ананибха’’нд̇иби баато, лин̇г̇авибаллаасзна вуд̇д̇ам̣. соязва банассад̇т̇о. сзсаг̇аат̇аасу саб̣б̣ад̇т̇а уд̇д̇аанамзваад̇и.
Tattha obhāsetīti pakāsayati. Uggatoti ussito. Pabhāmālāti pabhāvelā. Yathaggīti aggi viya. Upādānasaṅkhayāti indhanakkhayā. So ca kāyo ratananibhoti so ca tassa bhagavato kāyo suvaṇṇavaṇṇo. ‘‘Tañca kāyaṃ ratananibha’’ntipi pāṭho, liṅgavipallāsena vuttaṃ. Soyeva panassattho. Sesagāthāsu sabbattha uttānamevāti.
рзвад̇аб̣уд̣̇д̇хавам̣саван̣н̣анаа нидтид̇аа.
Revatabuddhavaṃsavaṇṇanā niṭṭhitā.
нидтид̇о бан̃жамо б̣уд̣̇д̇хавам̣со.
Niṭṭhito pañcamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 7. рзвад̇аб̣уд̣̇д̇хавам̣со • 7. Revatabuddhavaṃso
