| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
4. рзвад̇ийбзд̇авад̇т̇у
4. Revatīpetavatthu
714.
714.
1 ‘‘удтзхи рзвад̇з субаабад̇хаммз, абааруд̇ад̣̇ваарз ад̣̇аанасийлз;
2 ‘‘Uṭṭhehi revate supāpadhamme, apārutadvāre adānasīle;
нзссаама д̇ам̣ яад̇т̇а т̇унанд̇и д̣̇уг̇г̇ад̇аа, самаббид̇аа 3 нзраяигаа д̣̇укзнаа’’д̇и.
Nessāma taṃ yattha thunanti duggatā, samappitā 4 nerayikā dukhenā’’ti.
715.
715.
ижжзва 5 вад̇ваана яамасса д̣̇ууд̇аа, д̇з д̣̇вз яагкаа лохид̇агкаа б̣раханд̇аа;
Icceva 6 vatvāna yamassa dūtā, te dve yakkhā lohitakkhā brahantā;
бажжзгаб̣аахаасу г̇ахзд̇ваа рзвад̇ам̣, баггаамаяум̣ д̣̇зваг̇ан̣асса санд̇игз.
Paccekabāhāsu gahetvā revataṃ, pakkāmayuṃ devagaṇassa santike.
716.
716.
‘‘аад̣̇ижжаван̣н̣ам̣ ружирам̣ бабхассарам̣, б̣яамхам̣ субхам̣ ган̃жанаж̇аалачаннам̣;
‘‘Ādiccavaṇṇaṃ ruciraṃ pabhassaraṃ, byamhaṃ subhaṃ kañcanajālachannaṃ;
гассзд̇амаагин̣н̣аж̇анам̣ вимаанам̣, сурияасса рам̣сийрива ж̇од̇амаанам̣.
Kassetamākiṇṇajanaṃ vimānaṃ, suriyassa raṃsīriva jotamānaṃ.
717.
717.
‘‘наарийг̇ан̣аа жанд̣̇анасааралид̇д̇аа 7, убхад̇о вимаанам̣ убасобхаяанд̇и;
‘‘Nārīgaṇā candanasāralittā 8, ubhato vimānaṃ upasobhayanti;
д̇ам̣ д̣̇иссад̇и сурияасамаанаван̣н̣ам̣, го мод̣̇ад̇и саг̇г̇абад̇д̇о вимаанз’’д̇и.
Taṃ dissati suriyasamānavaṇṇaṃ, ko modati saggapatto vimāne’’ti.
718.
718.
‘‘б̣аараан̣асияам̣ нанд̣̇ияо наамааси, убаасаго амажчарий д̣̇аанабад̇и вад̣̇ан̃н̃уу;
‘‘Bārāṇasiyaṃ nandiyo nāmāsi, upāsako amaccharī dānapati vadaññū;
д̇ассзд̇амаагин̣н̣аж̇анам̣ вимаанам̣, сурияасса рам̣сийрива ж̇од̇амаанам̣.
Tassetamākiṇṇajanaṃ vimānaṃ, suriyassa raṃsīriva jotamānaṃ.
719.
719.
‘‘наарийг̇ан̣аа жанд̣̇анасааралид̇д̇аа, убхад̇о вимаанам̣ убасобхаяанд̇и;
‘‘Nārīgaṇā candanasāralittā, ubhato vimānaṃ upasobhayanti;
д̇ам̣ д̣̇иссад̇и сурияасамаанаван̣н̣ам̣, со мод̣̇ад̇и саг̇г̇абад̇д̇о вимаанз’’д̇и.
Taṃ dissati suriyasamānavaṇṇaṃ, so modati saggapatto vimāne’’ti.
720.
720.
‘‘нанд̣̇ияассаахам̣ бхарияаа, аг̇аариний саб̣б̣агуласса иссараа;
‘‘Nandiyassāhaṃ bhariyā, agārinī sabbakulassa issarā;
бхад̇д̇у вимаанз рамиссаами д̣̇аанахам̣, на бад̇т̇аяз нираяад̣̇ассанааяаа’’д̇и.
Bhattu vimāne ramissāmi dānahaṃ, na patthaye nirayadassanāyā’’ti.
721.
721.
‘‘зсо д̇з нираяо субаабад̇хаммз, бун̃н̃ам̣ д̇аяаа агад̇ам̣ ж̇ийвалогз;
‘‘Eso te nirayo supāpadhamme, puññaṃ tayā akataṃ jīvaloke;
на хи мажчарий росаго баабад̇хаммо, саг̇г̇уубаг̇аанам̣ лабхад̇и сахаб̣яад̇а’’нд̇и.
Na hi maccharī rosako pāpadhammo, saggūpagānaṃ labhati sahabyata’’nti.
722.
722.
‘‘гим̣ ну г̇уут̇ан̃жа муд̇д̇ан̃жа, асужий бадид̣̇иссад̇и;
‘‘Kiṃ nu gūthañca muttañca, asucī paṭidissati;
д̣̇уг̇г̇анд̇хам̣ гимид̣̇ам̣ мийл̣хам̣, гимзд̇ам̣ убавааяад̇ий’’д̇и.
Duggandhaṃ kimidaṃ mīḷhaṃ, kimetaṃ upavāyatī’’ti.
723.
723.
‘‘зса сам̣саваго наама, г̇амбхийро сад̇аборисо;
‘‘Esa saṃsavako nāma, gambhīro sataporiso;
яад̇т̇а вассасахассаани, д̇увам̣ бажжаси рзвад̇з’’д̇и.
Yattha vassasahassāni, tuvaṃ paccasi revate’’ti.
724.
724.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гзна сам̣саваго лад̣̇д̇хо, г̇амбхийро сад̇аборисо’’д̇и.
Kena saṃsavako laddho, gambhīro sataporiso’’ti.
725.
725.
‘‘саман̣з б̣раахман̣з жааби, ан̃н̃з вааби ваниб̣б̣агз;
‘‘Samaṇe brāhmaṇe cāpi, aññe vāpi vanibbake;
мусааваад̣̇зна ван̃жзси, д̇ам̣ баабам̣ багад̇ам̣ д̇аяаа.
Musāvādena vañcesi, taṃ pāpaṃ pakataṃ tayā.
726.
726.
‘‘д̇зна сам̣саваго лад̣̇д̇хо, г̇амбхийро сад̇аборисо;
‘‘Tena saṃsavako laddho, gambhīro sataporiso;
д̇ад̇т̇а вассасахассаани, д̇увам̣ бажжаси рзвад̇з.
Tattha vassasahassāni, tuvaṃ paccasi revate.
727.
727.
‘‘хад̇т̇зби чинд̣̇анд̇и ат̇оби баад̣̇з, ган̣н̣зби чинд̣̇анд̇и ат̇оби наасам̣;
‘‘Hatthepi chindanti athopi pāde, kaṇṇepi chindanti athopi nāsaṃ;
ат̇оби гаагол̣аг̇ан̣аа самзжжа, сан̇г̇амма каад̣̇анд̇и випанд̣̇амаана’’нд̇и.
Athopi kākoḷagaṇā samecca, saṅgamma khādanti viphandamāna’’nti.
728.
728.
‘‘саад̇ху ко мам̣ бадинзт̇а, гаахаами гусалам̣ б̣ахум̣;
‘‘Sādhu kho maṃ paṭinetha, kāhāmi kusalaṃ bahuṃ;
д̣̇аанзна самажарияааяа, сам̣яамзна д̣̇амзна жа;
Dānena samacariyāya, saṃyamena damena ca;
яам̣ гад̇ваа сукид̇аа хонд̇и, на жа бажчаануд̇аббарз’’д̇и.
Yaṃ katvā sukhitā honti, na ca pacchānutappare’’ti.
729.
729.
‘‘бурз д̇увам̣ бамаж̇ж̇ид̇ваа, ид̣̇аани барид̣̇зваси;
‘‘Pure tuvaṃ pamajjitvā, idāni paridevasi;
саяам̣ гад̇аанам̣ гаммаанам̣, вибаагам̣ анубхоссасий’’д̇и.
Sayaṃ katānaṃ kammānaṃ, vipākaṃ anubhossasī’’ti.
730.
730.
‘‘го д̣̇звалогад̇о мануссалогам̣, г̇анд̇ваана будто мз звам̣ вад̣̇зяяа;
‘‘Ko devalokato manussalokaṃ, gantvāna puṭṭho me evaṃ vadeyya;
‘нигкид̇д̇ад̣̇ан̣д̣зсу д̣̇ад̣̇аат̇а д̣̇аанам̣, ажчаад̣̇анам̣ сзяяа 9 мат̇аннабаанам̣;
‘Nikkhittadaṇḍesu dadātha dānaṃ, acchādanaṃ seyya 10 mathannapānaṃ;
на хи мажчарий росаго баабад̇хаммо, саг̇г̇уубаг̇аанам̣ лабхад̇и сахаб̣яад̇ам̣’.
Na hi maccharī rosako pāpadhammo, saggūpagānaṃ labhati sahabyataṃ’.
731.
731.
‘‘саахам̣ нууна ид̇о г̇анд̇ваа, яоним̣ лад̣̇д̇хаана маанусим̣;
‘‘Sāhaṃ nūna ito gantvā, yoniṃ laddhāna mānusiṃ;
вад̣̇ан̃н̃уу сийласамбаннаа, гаахаами гусалам̣ б̣ахум̣;
Vadaññū sīlasampannā, kāhāmi kusalaṃ bahuṃ;
д̣̇аанзна самажарияааяа, сам̣яамзна д̣̇амзна жа.
Dānena samacariyāya, saṃyamena damena ca.
732.
732.
‘‘аараамаани жа робиссам̣, д̣̇уг̇г̇з сан̇гаманаани жа;
‘‘Ārāmāni ca ropissaṃ, dugge saṅkamanāni ca;
бабан̃жа уд̣̇абаанан̃жа, виббасаннзна жзд̇асаа.
Papañca udapānañca, vippasannena cetasā.
733.
733.
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
734.
734.
‘‘убосат̇ам̣ убавасиссам̣, сад̣̇аа сийлзсу сам̣вуд̇аа;
‘‘Uposathaṃ upavasissaṃ, sadā sīlesu saṃvutā;
на жа д̣̇аанз бамаж̇ж̇иссам̣, саамам̣ д̣̇идтамид̣̇ам̣ маяаа’’д̇и.
Na ca dāne pamajjissaṃ, sāmaṃ diṭṭhamidaṃ mayā’’ti.
735.
735.
ижжзвам̣ виббалабанд̇им̣, панд̣̇амаанам̣ д̇ад̇о д̇ад̇о;
Iccevaṃ vippalapantiṃ, phandamānaṃ tato tato;
кибим̣су нираяз гхорз, уд̣̇д̇хам̣баад̣̇ам̣ авам̣сирам̣.
Khipiṃsu niraye ghore, uddhaṃpādaṃ avaṃsiraṃ.
736.
736.
‘‘ахам̣ бурз мажчариний ахосим̣, барибхаасигаа саман̣аб̣раахман̣аанам̣;
‘‘Ahaṃ pure maccharinī ahosiṃ, paribhāsikā samaṇabrāhmaṇānaṃ;
вид̇ат̇зна жа саамигам̣ ван̃жаяид̇ваа, бажжаамахам̣ нираяз гхораруубз’’д̇и.
Vitathena ca sāmikaṃ vañcayitvā, paccāmahaṃ niraye ghorarūpe’’ti.
рзвад̇ийбзд̇авад̇т̇у жад̇уд̇т̇ам̣.
Revatīpetavatthu catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 4. рзвад̇ийбзд̇авад̇т̇уван̣н̣анаа • 4. Revatīpetavatthuvaṇṇanā
