| Library / Tipiṭaka / തിപിടക • Tipiṭaka / പേതവത്ഥു-അട്ഠകഥാ • Petavatthu-aṭṭhakathā |
൪. രേവതീപേതവത്ഥുവണ്ണനാ
4. Revatīpetavatthuvaṇṇanā
൭൧൪-൩൬. ഉട്ഠേഹി , രേവതേ, സുപാപധമ്മേതി ഇദം രേവതീപേതവത്ഥു. തം യസ്മാ രേവതീവിമാനവത്ഥുനാ നിബ്ബിസേസം, തസ്മാ യദേത്ഥ അട്ഠുപ്പത്തിയം ഗാഥാസു ച വത്തബ്ബം, തം പരമത്ഥദീപനിയം വിമാനവത്ഥുവണ്ണനായം (വി॰ വ॰ അട്ഠ॰ ൮൬൦ രേവതീവിമാനവണ്ണനാ) വുത്തനയേനേവ വേദിതബ്ബം. ഇദഞ്ഹി നന്ദിയസ്സ ദേവപുത്തസ്സ വസേന വിമാനവത്ഥുപാളിയം സങ്ഗഹം ആരോപിതമ്പി രേവതീപടിബദ്ധായ ഗാഥായ വസേന ‘‘രേവതീപേതവത്ഥു’’ന്തി പേതവത്ഥുപാളിയമ്പി സങ്ഗഹം ആരോപിതന്തി ദട്ഠബ്ബം.
714-36.Uṭṭhehi, revate, supāpadhammeti idaṃ revatīpetavatthu. Taṃ yasmā revatīvimānavatthunā nibbisesaṃ, tasmā yadettha aṭṭhuppattiyaṃ gāthāsu ca vattabbaṃ, taṃ paramatthadīpaniyaṃ vimānavatthuvaṇṇanāyaṃ (vi. va. aṭṭha. 860 revatīvimānavaṇṇanā) vuttanayeneva veditabbaṃ. Idañhi nandiyassa devaputtassa vasena vimānavatthupāḷiyaṃ saṅgahaṃ āropitampi revatīpaṭibaddhāya gāthāya vasena ‘‘revatīpetavatthu’’nti petavatthupāḷiyampi saṅgahaṃ āropitanti daṭṭhabbaṃ.
രേവതീപേതവത്ഥുവണ്ണനാ നിട്ഠിതാ.
Revatīpetavatthuvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / പേതവത്ഥുപാളി • Petavatthupāḷi / ൪. രേവതീപേതവത്ഥു • 4. Revatīpetavatthu
