| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. рог̇асуд̇д̇ам̣
7. Rogasuttaṃ
157. ‘‘д̣̇взмз, бхигкавз, рог̇аа. гад̇амз д̣̇вз? гааяиго жа рог̇о жзд̇асиго жа рог̇о. д̣̇иссанд̇и, бхигкавз, сад̇д̇аа гааяигзна рог̇зна згамби вассам̣ аарог̇яам̣ бадиж̇аанамаанаа, д̣̇взби вассаани аарог̇яам̣ бадиж̇аанамаанаа, д̇ийн̣иби вассаани аарог̇яам̣ бадиж̇аанамаанаа, жад̇д̇аариби вассаани аарог̇яам̣ бадиж̇аанамаанаа, бан̃жаби вассаани аарог̇яам̣ бадиж̇аанамаанаа, д̣̇асаби вассаани аарог̇яам̣ бадиж̇аанамаанаа, вийсад̇иби вассаани аарог̇яам̣ бадиж̇аанамаанаа, д̇им̣самби вассаани аарог̇яам̣ бадиж̇аанамаанаа, жад̇д̇аарийсамби вассаани аарог̇яам̣ бадиж̇аанамаанаа, бан̃н̃аасамби вассаани аарог̇яам̣ бадиж̇аанамаанаа, вассасад̇амби, бхияяоби аарог̇яам̣ бадиж̇аанамаанаа . д̇з, бхигкавз, сад̇д̇аа суд̣̇уллабхаа 1 логасмим̣ яз жзд̇асигзна рог̇зна мухуд̇д̇амби аарог̇яам̣ бадиж̇аананд̇и, ан̃н̃ад̇ра кийн̣аасавзхи.
157. ‘‘Dveme, bhikkhave, rogā. Katame dve? Kāyiko ca rogo cetasiko ca rogo. Dissanti, bhikkhave, sattā kāyikena rogena ekampi vassaṃ ārogyaṃ paṭijānamānā, dvepi vassāni ārogyaṃ paṭijānamānā, tīṇipi vassāni ārogyaṃ paṭijānamānā, cattāripi vassāni ārogyaṃ paṭijānamānā, pañcapi vassāni ārogyaṃ paṭijānamānā, dasapi vassāni ārogyaṃ paṭijānamānā, vīsatipi vassāni ārogyaṃ paṭijānamānā, tiṃsampi vassāni ārogyaṃ paṭijānamānā, cattārīsampi vassāni ārogyaṃ paṭijānamānā, paññāsampi vassāni ārogyaṃ paṭijānamānā, vassasatampi, bhiyyopi ārogyaṃ paṭijānamānā . Te, bhikkhave, sattā sudullabhā 2 lokasmiṃ ye cetasikena rogena muhuttampi ārogyaṃ paṭijānanti, aññatra khīṇāsavehi.
‘‘жад̇д̇ааромз , бхигкавз, баб̣б̣аж̇ид̇асса рог̇аа. гад̇амз жад̇д̇ааро? ид̇ха, бхигкавз, бхигку махижчо ход̇и вигхаад̇аваа асанд̇удто ид̇арийд̇аражийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна. со махижчо самаано вигхаад̇аваа асанд̇удто ид̇арийд̇аражийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна баабигам̣ ижчам̣ бан̣ид̣̇ахад̇и анаван̃н̃аббадилаабхааяа лаабхасаггаарасилогаббадилаабхааяа. со удтахад̇и гхадад̇и вааяамад̇и анаван̃н̃аббадилаабхааяа лаабхасаггаарасилогаббадилаабхааяа. со сан̇кааяа гулаани убасан̇гамад̇и, сан̇кааяа нисийд̣̇ад̇и, сан̇кааяа д̇хаммам̣ бхаасад̇и, сан̇кааяа ужжаарабассаавам̣ санд̇хаарзд̇и. имз ко, бхигкавз, жад̇д̇ааро баб̣б̣аж̇ид̇асса рог̇аа.
‘‘Cattārome , bhikkhave, pabbajitassa rogā. Katame cattāro? Idha, bhikkhave, bhikkhu mahiccho hoti vighātavā asantuṭṭho itarītaracīvarapiṇḍapātasenāsanagilānappaccayabhesajjaparikkhārena. So mahiccho samāno vighātavā asantuṭṭho itarītaracīvarapiṇḍapātasenāsanagilānappaccayabhesajjaparikkhārena pāpikaṃ icchaṃ paṇidahati anavaññappaṭilābhāya lābhasakkārasilokappaṭilābhāya. So uṭṭhahati ghaṭati vāyamati anavaññappaṭilābhāya lābhasakkārasilokappaṭilābhāya. So saṅkhāya kulāni upasaṅkamati, saṅkhāya nisīdati, saṅkhāya dhammaṃ bhāsati, saṅkhāya uccārapassāvaṃ sandhāreti. Ime kho, bhikkhave, cattāro pabbajitassa rogā.
‘‘д̇асмаад̇иха, бхигкавз, звам̣ сигкид̇аб̣б̣ам̣ – ‘на махижчаа бхависсаама вигхаад̇аванд̇о асанд̇удтаа ид̇арийд̇аражийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна, на баабигам̣ ижчам̣ бан̣ид̣̇ахиссаама анаван̃н̃аббадилаабхааяа лаабхасаггаарасилогаббадилаабхааяа, на удтахиссаама на гхадзссаама на вааяамиссаама анаван̃н̃аббадилаабхааяа лаабхасаггаарасилогаббадилаабхааяа, камаа бхависсаама сийд̇асса ун̣хасса ж̇игхажчааяа бибаасааяа д̣ам̣самагасаваад̇аад̇абасарийсабасампассаанам̣ д̣̇уруд̇д̇аанам̣ д̣̇урааг̇ад̇аанам̣ важанабат̇аанам̣, уббаннаанам̣ саарийригаанам̣ взд̣̇анаанам̣ д̣̇угкаанам̣ д̇иб̣б̣аанам̣ караанам̣ гадугаанам̣ асаад̇аанам̣ аманаабаанам̣ баан̣ахараанам̣ ад̇хиваасагаж̇аад̇игаа бхависсаамаа’д̇и. зван̃хи во, бхигкавз , сигкид̇аб̣б̣а’’нд̇и. сад̇д̇амам̣.
‘‘Tasmātiha, bhikkhave, evaṃ sikkhitabbaṃ – ‘na mahicchā bhavissāma vighātavanto asantuṭṭhā itarītaracīvarapiṇḍapātasenāsanagilānappaccayabhesajjaparikkhārena, na pāpikaṃ icchaṃ paṇidahissāma anavaññappaṭilābhāya lābhasakkārasilokappaṭilābhāya, na uṭṭhahissāma na ghaṭessāma na vāyamissāma anavaññappaṭilābhāya lābhasakkārasilokappaṭilābhāya, khamā bhavissāma sītassa uṇhassa jighacchāya pipāsāya ḍaṃsamakasavātātapasarīsapasamphassānaṃ duruttānaṃ durāgatānaṃ vacanapathānaṃ, uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātikā bhavissāmā’ti. Evañhi vo, bhikkhave , sikkhitabba’’nti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. рог̇асуд̇д̇аван̣н̣анаа • 7. Rogasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. габбасуд̇д̇аад̣̇иван̣н̣анаа • 6-8. Kappasuttādivaṇṇanā
