| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
७. रोगसुत्तवण्णना
7. Rogasuttavaṇṇanā
१५७. सत्तमे विघातवाति महिच्छापच्चयेन विघातेन दुक्खेन समन्नागतो। असन्तुट्ठोति चतूसु पच्चयेसु तीहि सन्तोसेहि असन्तुट्ठो। अनवञ्ञप्पटिलाभायाति परेहि अनवजाननस्स पटिलाभत्थाय। लाभसक्कारसिलोकप्पटिलाभायाति सुसङ्खतचतुपच्चयसङ्खातस्स लाभसक्कारस्स चेव वण्णभणनसङ्खातस्स सिलोकस्स च पटिलाभत्थाय। सङ्खाय कुलानि उपसङ्कमतीति ‘‘इति मं एते जानिस्सन्ती’’ति जाननत्थाय कुलानि उपसङ्कमति। सेसपदेसुपि एसेव नयो।
157. Sattame vighātavāti mahicchāpaccayena vighātena dukkhena samannāgato. Asantuṭṭhoti catūsu paccayesu tīhi santosehi asantuṭṭho. Anavaññappaṭilābhāyāti parehi anavajānanassa paṭilābhatthāya. Lābhasakkārasilokappaṭilābhāyāti susaṅkhatacatupaccayasaṅkhātassa lābhasakkārassa ceva vaṇṇabhaṇanasaṅkhātassa silokassa ca paṭilābhatthāya. Saṅkhāya kulāni upasaṅkamatīti ‘‘iti maṃ ete jānissantī’’ti jānanatthāya kulāni upasaṅkamati. Sesapadesupi eseva nayo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. रोगसुत्तं • 7. Rogasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ६-८. कप्पसुत्तादिवण्णना • 6-8. Kappasuttādivaṇṇanā
