Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[501] 5. рохан̣амиг̇аж̇аад̇агаван̣н̣анаа

[501] 5. Rohaṇamigajātakavaṇṇanā

зд̇з яуут̇аа бад̇ияанд̇ийд̇и ид̣̇ам̣ сад̇т̇аа взл̣уванз вихаранд̇о ааяасмад̇о аананд̣̇асса ж̇ийвид̇абарижжааг̇ам̣ аараб̣бха гат̇зси. со банасса ж̇ийвид̇абарижжааг̇о асийд̇инибаад̇з жуул̣ахам̣саж̇аад̇агз (ж̇аа. 2.21.1 аад̣̇аяо) д̇ханабаалад̣̇аманз аави бхависсад̇и. звам̣ д̇знааяасмад̇аа сад̇т̇у ад̇т̇ааяа ж̇ийвид̇з барижжад̇д̇з д̇хаммасабхааяам̣ гат̇ам̣ самудтаабзсум̣ ‘‘аавусо, ааяасмаа аананд̣̇о сзгкабадисамбхид̣̇аббад̇д̇о худ̇ваа д̣̇асаб̣алассад̇т̇ааяа ж̇ийвид̇ам̣ барижжаж̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса мамад̇т̇ааяа ж̇ийвид̇ам̣ барижжаж̇иязваа’’д̇и вад̇ваа ад̇ийд̇ам̣ аахари.

Eteyūthā patiyantīti idaṃ satthā veḷuvane viharanto āyasmato ānandassa jīvitapariccāgaṃ ārabbha kathesi. So panassa jīvitapariccāgo asītinipāte cūḷahaṃsajātake (jā. 2.21.1 ādayo) dhanapāladamane āvi bhavissati. Evaṃ tenāyasmatā satthu atthāya jīvite pariccatte dhammasabhāyaṃ kathaṃ samuṭṭhāpesuṃ ‘‘āvuso, āyasmā ānando sekkhapaṭisambhidappatto hutvā dasabalassatthāya jīvitaṃ pariccajī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa mamatthāya jīvitaṃ pariccajiyevā’’ti vatvā atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з кзмаа наамасса аг̇г̇амахзсий ахоси. д̇ад̣̇аа б̣од̇хисад̇д̇о химаванд̇абад̣̇зсз миг̇аяонияам̣ ниб̣б̣ад̇д̇ид̇ваа суван̣н̣аван̣н̣о ахоси собхаг̇г̇аббад̇д̇о. ганидтобисса жид̇д̇амиг̇о наама суван̣н̣аван̣н̣ова ахоси, ганидтабхаг̇инийбисса суд̇анаа наама суван̣н̣аван̣н̣аава ахоси. махаасад̇д̇о бана рохан̣о наама миг̇арааж̇аа ахоси. со химаванд̇з д̣̇вз баб̣б̣ад̇арааж̇ияо ад̇иггамид̇ваа д̇ад̇ияааяа анд̇арз рохан̣ам̣ наама сарам̣ ниссааяа асийд̇имиг̇асахассабаривааро ваасам̣ габбзси. со анд̇хз ж̇ин̣н̣з маад̇аабид̇аро босзси. ат̇зго б̣аараан̣асид̇о авид̣̇уурз нзсаад̣̇аг̇аамаваасий нзсаад̣̇абуд̇д̇о химаванд̇ам̣ бавидто махаасад̇д̇ам̣ д̣̇исваа ад̇д̇ано г̇аамам̣ ааг̇анд̇ваа абарабхааг̇з гаалам̣ гаронд̇о буд̇д̇ассаарожзси ‘‘д̇аад̇а, амхаагам̣ гаммабхуумияам̣ асугасмим̣ наама таанз суван̣н̣аван̣н̣о миг̇о васад̇и, сажз рааж̇аа бужчзяяа, гат̇зяяаасий’’д̇и.

Atīte bārāṇasiyaṃ brahmadatte rajjaṃ kārente khemā nāmassa aggamahesī ahosi. Tadā bodhisatto himavantapadese migayoniyaṃ nibbattitvā suvaṇṇavaṇṇo ahosi sobhaggappatto. Kaniṭṭhopissa cittamigo nāma suvaṇṇavaṇṇova ahosi, kaniṭṭhabhaginīpissa sutanā nāma suvaṇṇavaṇṇāva ahosi. Mahāsatto pana rohaṇo nāma migarājā ahosi. So himavante dve pabbatarājiyo atikkamitvā tatiyāya antare rohaṇaṃ nāma saraṃ nissāya asītimigasahassaparivāro vāsaṃ kappesi. So andhe jiṇṇe mātāpitaro posesi. Atheko bārāṇasito avidūre nesādagāmavāsī nesādaputto himavantaṃ paviṭṭho mahāsattaṃ disvā attano gāmaṃ āgantvā aparabhāge kālaṃ karonto puttassārocesi ‘‘tāta, amhākaṃ kammabhūmiyaṃ asukasmiṃ nāma ṭhāne suvaṇṇavaṇṇo migo vasati, sace rājā puccheyya, katheyyāsī’’ti.

ат̇згад̣̇ивасам̣ кзмаа д̣̇звий бажжуусагаалз субинам̣ ад̣̇д̣̇аса. зваруубо субино ахоси – суван̣н̣аван̣н̣о миг̇о ааг̇анд̇ваа ган̃жанабийтз нисийд̣̇ид̇ваа суван̣н̣агин̇гин̣игам̣ аагодзнд̇о вияа мад̇хурассарзна д̣̇звияаа д̇хаммам̣ д̣̇зсзд̇и, саа саад̇хугаарам̣ д̣̇ад̇ваа д̇хаммам̣ сун̣аад̇и. миг̇о д̇хаммагат̇ааяа анидтид̇ааяа зва удтааяа г̇ажчад̇и, саа ‘‘миг̇ам̣ г̇ан̣хат̇а г̇ан̣хат̇аа’’д̇и вад̣̇анд̇ийязва баб̣уж̇жхи. барижааригааяо д̇ассаа сад̣̇д̣̇ам̣ суд̇ваа ‘‘бихид̇ад̣̇ваараваад̇абаанам̣ г̇зхам̣ ваад̇ассаби огаасо над̇т̇и, аяяаа, имааяа взлааяа миг̇ам̣ г̇ан̣хаабзд̇ий’’д̇и авахасим̣су. саа д̇асмим̣ кан̣з ‘‘субино аяа’’нд̇и н̃ад̇ваа жинд̇зси ‘‘субинод̇и вуд̇д̇з рааж̇аа анаад̣̇аро бхависсад̇и, ‘д̣̇охал̣о уббанно’д̇и вуд̇д̇з бана аад̣̇арзна бариязсиссад̇и, суван̣н̣аван̣н̣асса миг̇асса д̇хаммагат̇ам̣ сун̣иссаамий’’д̇и. саа г̇илаанаалаяам̣ гад̇ваа нибаж̇ж̇и. рааж̇аа ааг̇анд̇ваа ‘‘бхад̣̇д̣̇з, гим̣ д̇з апаасуга’’нд̇и бужчи. ‘‘д̣̇зва, ан̃н̃ам̣ над̇т̇и, д̣̇охал̣о бана мз уббанно’’д̇и. ‘‘гим̣ ижчаси д̣̇звий’’д̇и? ‘‘суван̣н̣аван̣н̣асса д̇хаммигамиг̇асса д̇хаммам̣ сод̇угаамаа д̣̇зваа’’д̇и. ‘‘бхад̣̇д̣̇з, яам̣ над̇т̇и, д̇ад̇т̇а д̇з д̣̇охал̣о уббанно, суван̣н̣аван̣н̣о наама миг̇оязва над̇т̇ий’’д̇и. со ‘‘сажз на лабхаами, ид̇хзва мз маран̣а’’нд̇и ран̃н̃о бидтим̣ д̣̇ад̇ваа нибаж̇ж̇и.

Athekadivasaṃ khemā devī paccūsakāle supinaṃ addasa. Evarūpo supino ahosi – suvaṇṇavaṇṇo migo āgantvā kañcanapīṭhe nisīditvā suvaṇṇakiṅkiṇikaṃ ākoṭento viya madhurassarena deviyā dhammaṃ deseti, sā sādhukāraṃ datvā dhammaṃ suṇāti. Migo dhammakathāya aniṭṭhitāya eva uṭṭhāya gacchati, sā ‘‘migaṃ gaṇhatha gaṇhathā’’ti vadantīyeva pabujjhi. Paricārikāyo tassā saddaṃ sutvā ‘‘pihitadvāravātapānaṃ gehaṃ vātassapi okāso natthi, ayyā, imāya velāya migaṃ gaṇhāpetī’’ti avahasiṃsu. Sā tasmiṃ khaṇe ‘‘supino aya’’nti ñatvā cintesi ‘‘supinoti vutte rājā anādaro bhavissati, ‘dohaḷo uppanno’ti vutte pana ādarena pariyesissati, suvaṇṇavaṇṇassa migassa dhammakathaṃ suṇissāmī’’ti. Sā gilānālayaṃ katvā nipajji. Rājā āgantvā ‘‘bhadde, kiṃ te aphāsuka’’nti pucchi. ‘‘Deva, aññaṃ natthi, dohaḷo pana me uppanno’’ti. ‘‘Kiṃ icchasi devī’’ti? ‘‘Suvaṇṇavaṇṇassa dhammikamigassa dhammaṃ sotukāmā devā’’ti. ‘‘Bhadde, yaṃ natthi, tattha te dohaḷo uppanno, suvaṇṇavaṇṇo nāma migoyeva natthī’’ti. So ‘‘sace na labhāmi, idheva me maraṇa’’nti rañño piṭṭhiṃ datvā nipajji.

рааж̇аа ‘‘сажз ад̇т̇и, лабхиссасий’’д̇и барисамаж̇жхз нисийд̣̇ид̇ваа мораж̇аад̇агз (ж̇аа. 1.2.17 аад̣̇аяо) вуд̇д̇анаязнзва амажжз жа б̣раахман̣з жа бужчид̇ваа ‘‘суван̣н̣аван̣н̣аа миг̇аа наама хонд̇ий’’д̇и суд̇ваа луд̣̇д̣̇агз саннибаад̇зд̇ваа ‘‘зваруубо миг̇о гзна д̣̇идто, гзна суд̇о’’д̇и бужчид̇ваа д̇зна нзсаад̣̇абуд̇д̇зна бид̇у санд̇игаа суд̇анияаамзна гат̇ид̇з ‘‘самма, д̇асса д̇з миг̇асса аанийд̇агаалз маханд̇ам̣ саггаарам̣ гариссаами, г̇ажча аанзхи на’’нд̇и вад̇ваа бариб̣б̣аяам̣ д̣̇ад̇ваа д̇ам̣ бзсзси. соби ‘‘сажаахам̣, д̣̇зва, д̇ам̣ аанзд̇ум̣ на сагкиссаами, жаммамасса аанзссаами, д̇ам̣ аанзд̇ум̣ асаггонд̇о ломаанибисса аанзссаами, д̇умхз маа жинд̇аяид̇т̇аа’’д̇и вад̇ваа ад̇д̇ано нивзсанам̣ г̇анд̇ваа буд̇д̇ад̣̇аарасса бариб̣б̣аяам̣ д̣̇ад̇ваа д̇ад̇т̇а г̇анд̇ваа д̇ам̣ миг̇арааж̇аанам̣ д̣̇исваа ‘‘гасмим̣ ну ко таанз баасам̣ од̣д̣зд̇ваа имам̣ миг̇арааж̇аанам̣ г̇ан̣хид̇ум̣ сагкиссаамий’’д̇и виймам̣санд̇о баанийяад̇ид̇т̇з огаасам̣ басси. со д̣̇ал̣хам̣ жаммаяод̇д̇ам̣ ваддзд̇ваа махаасад̇д̇асса баанийяабиванадтаанз яадтибаасам̣ од̣д̣зси.

Rājā ‘‘sace atthi, labhissasī’’ti parisamajjhe nisīditvā morajātake (jā. 1.2.17 ādayo) vuttanayeneva amacce ca brāhmaṇe ca pucchitvā ‘‘suvaṇṇavaṇṇā migā nāma hontī’’ti sutvā luddake sannipātetvā ‘‘evarūpo migo kena diṭṭho, kena suto’’ti pucchitvā tena nesādaputtena pitu santikā sutaniyāmena kathite ‘‘samma, tassa te migassa ānītakāle mahantaṃ sakkāraṃ karissāmi, gaccha ānehi na’’nti vatvā paribbayaṃ datvā taṃ pesesi. Sopi ‘‘sacāhaṃ, deva, taṃ ānetuṃ na sakkhissāmi, cammamassa ānessāmi, taṃ ānetuṃ asakkonto lomānipissa ānessāmi, tumhe mā cintayitthā’’ti vatvā attano nivesanaṃ gantvā puttadārassa paribbayaṃ datvā tattha gantvā taṃ migarājānaṃ disvā ‘‘kasmiṃ nu kho ṭhāne pāsaṃ oḍḍetvā imaṃ migarājānaṃ gaṇhituṃ sakkhissāmī’’ti vīmaṃsanto pānīyatitthe okāsaṃ passi. So daḷhaṃ cammayottaṃ vaṭṭetvā mahāsattassa pānīyapivanaṭṭhāne yaṭṭhipāsaṃ oḍḍesi.

бунад̣̇ивасз махаасад̇д̇о асийд̇ияаа миг̇асахассзхи сад̣̇д̇хим̣ г̇ожарам̣ жарид̇ваа ‘‘багад̇ид̇ид̇т̇зязва баанийяам̣ бивиссаамий’’д̇и д̇ад̇т̇а г̇анд̇ваа од̇аранд̇оязва баасз б̣аж̇жхи. со ‘‘сажаахам̣ ид̣̇аанзва б̣ад̣̇д̇харавам̣ рависсаами, н̃аад̇иг̇ан̣аа баанийяам̣ абивид̇ваава бхийд̇аа балааяиссанд̇ий’’д̇и жинд̇зд̇ваа яадтияам̣ аллийяид̇ваа ад̇д̇ано васз вад̇д̇зд̇ваа баанийяам̣ биванд̇о вияа ахоси. ат̇а асийд̇ияаа миг̇асахассаанам̣ баанийяам̣ бивид̇ваа уд̇д̇арид̇ваа тид̇агаалз ‘‘баасам̣ чинд̣̇иссаамий’’д̇и д̇игкад̇д̇ум̣ аагад̣дхи. батамаваарз жаммам̣ чиж̇ж̇и, д̣̇уд̇ияаваарз мам̣сам̣ чиж̇ж̇и, д̇ад̇ияаваарз нхаарум̣ чинд̣̇ид̇ваа баасо адтим̣ аахажжа адтааси. со чинд̣̇ид̇ум̣ асаггонд̇о б̣ад̣̇д̇харавам̣ рави, миг̇аг̇ан̣аа бхааяид̇ваа д̇ийхи гхадаахи балааяим̣су. жид̇д̇амиг̇о д̇ин̣н̣амби гхадаанам̣ анд̇арз махаасад̇д̇ам̣ ад̣̇исваа ‘‘ид̣̇ам̣ бхаяам̣ уббаж̇ж̇амаанам̣ мама бхаад̇у уббаннам̣ бхависсад̇ий’’д̇и жинд̇зд̇ваа д̇асса санд̇игам̣ г̇анд̇ваа б̣ад̣̇д̇хам̣ басси. ат̇а нам̣ махаасад̇д̇о д̣̇исваа ‘‘бхаад̇ига, маа ид̇ха д̇идта, саасан̇гам̣ ид̣̇ам̣ таана’’нд̇и вад̇ваа уяяож̇знд̇о батамам̣ г̇аат̇амааха –

Punadivase mahāsatto asītiyā migasahassehi saddhiṃ gocaraṃ caritvā ‘‘pakatitittheyeva pānīyaṃ pivissāmī’’ti tattha gantvā otarantoyeva pāse bajjhi. So ‘‘sacāhaṃ idāneva baddharavaṃ ravissāmi, ñātigaṇā pānīyaṃ apivitvāva bhītā palāyissantī’’ti cintetvā yaṭṭhiyaṃ allīyitvā attano vase vattetvā pānīyaṃ pivanto viya ahosi. Atha asītiyā migasahassānaṃ pānīyaṃ pivitvā uttaritvā ṭhitakāle ‘‘pāsaṃ chindissāmī’’ti tikkhattuṃ ākaḍḍhi. Paṭhamavāre cammaṃ chijji, dutiyavāre maṃsaṃ chijji, tatiyavāre nhāruṃ chinditvā pāso aṭṭhiṃ āhacca aṭṭhāsi. So chindituṃ asakkonto baddharavaṃ ravi, migagaṇā bhāyitvā tīhi ghaṭāhi palāyiṃsu. Cittamigo tiṇṇampi ghaṭānaṃ antare mahāsattaṃ adisvā ‘‘idaṃ bhayaṃ uppajjamānaṃ mama bhātu uppannaṃ bhavissatī’’ti cintetvā tassa santikaṃ gantvā baddhaṃ passi. Atha naṃ mahāsatto disvā ‘‘bhātika, mā idha tiṭṭha, sāsaṅkaṃ idaṃ ṭhāna’’nti vatvā uyyojento paṭhamaṃ gāthamāha –

104.

‘‘зд̇з яуут̇аа бад̇ияанд̇и, бхийд̇аа маран̣асса жид̇д̇ага;

‘‘Ete yūthā patiyanti, bhītā maraṇassa cittaka;

г̇ажча д̇увамби мааган̇ки, ж̇ийвиссанд̇и д̇аяаа сахаа’’д̇и.

Gaccha tuvampi mākaṅkhi, jīvissanti tayā sahā’’ti.

д̇ад̇т̇а зд̇зд̇и жагкубат̇ам̣ ад̇иггамид̇ваа д̣̇уураг̇ад̇з санд̇хааяааха. бад̇ияанд̇ийд̇и бад̇иг̇ажчанд̇и, балааяанд̇ийд̇и ад̇т̇о. жид̇д̇агаад̇и д̇ам̣ аалабад̇и. д̇аяаа сахаад̇и д̇вам̣ зд̇зсам̣ мама таанз тад̇ваа рааж̇аа хохи, зд̇з д̇аяаа сад̣̇д̇хим̣ ж̇ийвиссанд̇ийд̇и.

Tattha eteti cakkhupathaṃ atikkamitvā dūragate sandhāyāha. Patiyantīti patigacchanti, palāyantīti attho. Cittakāti taṃ ālapati. Tayā sahāti tvaṃ etesaṃ mama ṭhāne ṭhatvā rājā hohi, ete tayā saddhiṃ jīvissantīti.

д̇ад̇о убхиннамби д̇иссо зганд̇аригаг̇аат̇ааяо хонд̇и –

Tato ubhinnampi tisso ekantarikagāthāyo honti –

105.

‘‘наахам̣ рохан̣а г̇ажчаами, хад̣̇аяам̣ мз авагассад̇и;

‘‘Nāhaṃ rohaṇa gacchāmi, hadayaṃ me avakassati;

на д̇ам̣ ахам̣ ж̇ахиссаами, ид̇ха хиссаами ж̇ийвид̇ам̣.

Na taṃ ahaṃ jahissāmi, idha hissāmi jīvitaṃ.

106.

‘‘д̇з хи нууна мариссанд̇и, анд̇хаа абарин̣ааяагаа;

‘‘Te hi nūna marissanti, andhā apariṇāyakā;

г̇ажча д̇увамби мааган̇ки, ж̇ийвиссанд̇и д̇аяаа саха.

Gaccha tuvampi mākaṅkhi, jīvissanti tayā saha.

107.

‘‘наахам̣ рохан̣а г̇ажчаами, хад̣̇аяам̣ мз авагассад̇и;

‘‘Nāhaṃ rohaṇa gacchāmi, hadayaṃ me avakassati;

на д̇ам̣ б̣ад̣̇д̇хам̣ ж̇ахиссаами, ид̇ха хиссаами ж̇ийвид̇а’’нд̇и.

Na taṃ baddhaṃ jahissāmi, idha hissāmi jīvita’’nti.

д̇ад̇т̇а рохан̣аад̇и махаасад̇д̇ам̣ наамзнаалабад̇и. авагассад̇ийд̇и гад̣дхаяад̇и, согзна ваа гад̣дхийяад̇и . д̇з хи нуунаад̇и д̇з амхаагам̣ маад̇аабид̇аро згам̣сзнзва д̣̇вийсуби амхзсу ид̇ха мад̇зсу абарин̣ааяагаа худ̇ваа аббадиж̇аг̇г̇ияамаанаа суссид̇ваа мариссанд̇и, д̇асмаа бхаад̇ига жид̇д̇ага, г̇ажча д̇увам̣, д̇аяаа саха д̇з ж̇ийвиссанд̇ийд̇и ад̇т̇о. ид̇ха хиссаамийд̇и имасмим̣язва таанз ж̇ийвид̇ам̣ ж̇ахиссаамийд̇и.

Tattha rohaṇāti mahāsattaṃ nāmenālapati. Avakassatīti kaḍḍhayati, sokena vā kaḍḍhīyati . Te hi nūnāti te amhākaṃ mātāpitaro ekaṃseneva dvīsupi amhesu idha matesu apariṇāyakā hutvā appaṭijaggiyamānā sussitvā marissanti, tasmā bhātika cittaka, gaccha tuvaṃ, tayā saha te jīvissantīti attho. Idha hissāmīti imasmiṃyeva ṭhāne jīvitaṃ jahissāmīti.

ид̇и вад̇ваа б̣од̇хисад̇д̇асса д̣̇агкин̣абассам̣ ниссааяа д̇ам̣ санд̇хаарзд̇ваа ассаасзнд̇о адтааси. суд̇анааби миг̇абод̇игаа балааяид̇ваа миг̇аанам̣ анд̇арз убхо бхаад̇игз абассанд̇ий ‘‘ид̣̇ам̣ бхаяам̣ мама бхаад̇игаанам̣ уббаннам̣ бхависсад̇ий’’д̇и нивад̇д̇ид̇ваа д̇зсам̣ санд̇игам̣ ааг̇ад̇аа. нам̣ ааг̇ажчанд̇им̣ д̣̇исваа махаасад̇д̇о бан̃жамам̣ г̇аат̇амааха –

Iti vatvā bodhisattassa dakkhiṇapassaṃ nissāya taṃ sandhāretvā assāsento aṭṭhāsi. Sutanāpi migapotikā palāyitvā migānaṃ antare ubho bhātike apassantī ‘‘idaṃ bhayaṃ mama bhātikānaṃ uppannaṃ bhavissatī’’ti nivattitvā tesaṃ santikaṃ āgatā. Naṃ āgacchantiṃ disvā mahāsatto pañcamaṃ gāthamāha –

108.

‘‘г̇ажча бхийру балааяассу, гуудз б̣ад̣̇д̇хосми ааяасз;

‘‘Gaccha bhīru palāyassu, kūṭe baddhosmi āyase;

г̇ажча д̇увамби мааган̇ки, ж̇ийвиссанд̇и д̇аяаа сахаа’’д̇и.

Gaccha tuvampi mākaṅkhi, jīvissanti tayā sahā’’ti.

д̇ад̇т̇а бхийрууд̇и маад̇уг̇аамо наама аббамад̇д̇агзнаби бхааяад̇и, д̇зна нам̣ звам̣ аалабад̇и. гуудзд̇и бадижчаннабаасз. ааяасзд̇и со хи анд̇оуд̣̇агз аяагканд̇хам̣ годдзд̇ваа д̇ад̇т̇а саарад̣̇аарум̣ яадтим̣ б̣анд̇хид̇ваа од̣д̣ид̇о, д̇асмаа звамааха. д̇аяаа сахаад̇и д̇з асийд̇исахассаа миг̇аа д̇аяаа сад̣̇д̇хим̣ ж̇ийвиссанд̇ийд̇и.

Tattha bhīrūti mātugāmo nāma appamattakenapi bhāyati, tena naṃ evaṃ ālapati. Kūṭeti paṭicchannapāse. Āyaseti so hi antoudake ayakkhandhaṃ koṭṭetvā tattha sāradāruṃ yaṭṭhiṃ bandhitvā oḍḍito, tasmā evamāha. Tayā sahāti te asītisahassā migā tayā saddhiṃ jīvissantīti.

д̇ад̇о барам̣ буриманаязнзва д̇иссо г̇аат̇аа хонд̇и –

Tato paraṃ purimanayeneva tisso gāthā honti –

109.

‘‘наахам̣ рохан̣а г̇ажчаами, хад̣̇аяам̣ мз авагассад̇и;

‘‘Nāhaṃ rohaṇa gacchāmi, hadayaṃ me avakassati;

на д̇ам̣ ахам̣ ж̇ахиссаами, ид̇ха хиссаами ж̇ийвид̇ам̣.

Na taṃ ahaṃ jahissāmi, idha hissāmi jīvitaṃ.

110.

‘‘д̇з хи нууна мариссанд̇и, анд̇хаа абарин̣ааяагаа;

‘‘Te hi nūna marissanti, andhā apariṇāyakā;

г̇ажча д̇увамби мааган̇ки, ж̇ийвиссанд̇и д̇аяаа саха.

Gaccha tuvampi mākaṅkhi, jīvissanti tayā saha.

111.

‘‘наахам̣ рохан̣а г̇ажчаами, хад̣̇аяам̣ мз авагассад̇и;

‘‘Nāhaṃ rohaṇa gacchāmi, hadayaṃ me avakassati;

на д̇ам̣ б̣ад̣̇д̇хам̣ ж̇ахиссаами, ид̇ха хиссаами ж̇ийвид̇а’’нд̇и.

Na taṃ baddhaṃ jahissāmi, idha hissāmi jīvita’’nti.

д̇ад̇т̇а д̇з хи нуунаад̇и ид̇хааби маад̇аабид̇ароязва санд̇хааяааха.

Tattha te hi nūnāti idhāpi mātāpitaroyeva sandhāyāha.

сааби д̇ат̇зва бадигкибид̇ваа махаасад̇д̇асса ваамабассам̣ ниссааяа ассаасаяамаанаа адтааси. луд̣̇д̣̇оби д̇з миг̇з балааяанд̇з д̣̇исваа б̣ад̣̇д̇хараван̃жа суд̇ваа ‘‘б̣ад̣̇д̇хо бхависсад̇и миг̇арааж̇аа’’д̇и д̣̇ал̣хам̣ гажчам̣ б̣анд̇хид̇ваа миг̇амааран̣асад̇д̇им̣ аад̣̇ааяа взг̇знааг̇ажчи. махаасад̇д̇о д̇ам̣ ааг̇ажчанд̇ам̣ д̣̇исваа навамам̣ г̇аат̇амааха –

Sāpi tatheva paṭikkhipitvā mahāsattassa vāmapassaṃ nissāya assāsayamānā aṭṭhāsi. Luddopi te mige palāyante disvā baddharavañca sutvā ‘‘baddho bhavissati migarājā’’ti daḷhaṃ kacchaṃ bandhitvā migamāraṇasattiṃ ādāya vegenāgacchi. Mahāsatto taṃ āgacchantaṃ disvā navamaṃ gāthamāha –

112.

‘‘аяам̣ со луд̣̇д̣̇аго зд̇и, луд̣̇д̣̇аруубо сахаавуд̇хо;

‘‘Ayaṃ so luddako eti, luddarūpo sahāvudho;

яо но вад̇хиссад̇и аж̇ж̇а, усунаа сад̇д̇ияаа абий’’д̇и.

Yo no vadhissati ajja, usunā sattiyā apī’’ti.

д̇ад̇т̇а луд̣̇д̣̇аруубод̇и д̣̇аарун̣аж̇аад̇иго. сад̇д̇ияаа абийд̇и сад̇д̇ияааби но бахарид̇ваа вад̇хиссад̇и, д̇асмаа яаава со нааг̇ажчад̇и, д̇аава балааяат̇аад̇и.

Tattha luddarūpoti dāruṇajātiko. Sattiyā apīti sattiyāpi no paharitvā vadhissati, tasmā yāva so nāgacchati, tāva palāyathāti.

д̇ам̣ д̣̇исвааби жид̇д̇амиг̇о на балааяи. суд̇анаа бана сагабхаавзна сан̣таад̇ум̣ асаггонд̇ий маран̣абхаяабхийд̇аа т̇огам̣ балааяид̇ваа – ‘‘ахам̣ д̣̇вз бхаад̇игз бахааяа гухим̣ балааяиссаамий’’д̇и ад̇д̇ано ж̇ийвид̇ам̣ ж̇ахид̇ваа налаадзна мажжум̣ аад̣̇ааяа бунааг̇анд̇ваа бхаад̇у ваамабассз адтааси. д̇амад̇т̇ам̣ багаасзнд̇о сад̇т̇аа д̣̇асамам̣ г̇аат̇амааха –

Taṃ disvāpi cittamigo na palāyi. Sutanā pana sakabhāvena saṇṭhātuṃ asakkontī maraṇabhayabhītā thokaṃ palāyitvā – ‘‘ahaṃ dve bhātike pahāya kuhiṃ palāyissāmī’’ti attano jīvitaṃ jahitvā nalāṭena maccuṃ ādāya punāgantvā bhātu vāmapasse aṭṭhāsi. Tamatthaṃ pakāsento satthā dasamaṃ gāthamāha –

113.

‘‘саа мухуд̇д̇ам̣ балааяид̇ваа, бхаяаддаа бхаяад̇аж̇ж̇ид̇аа;

‘‘Sā muhuttaṃ palāyitvā, bhayaṭṭā bhayatajjitā;

суд̣̇уггарам̣ агараа бхийру, маран̣ааяуубанивад̇д̇ат̇аа’’д̇и.

Sudukkaraṃ akarā bhīru, maraṇāyūpanivattathā’’ti.

д̇ад̇т̇а маран̣ааяуубанивад̇д̇ат̇аад̇и маран̣ад̇т̇ааяа убанивад̇д̇и.

Tattha maraṇāyūpanivattathāti maraṇatthāya upanivatti.

луд̣̇д̣̇оби ааг̇анд̇ваа д̇з д̇аяо ж̇анз згад̇о тид̇з д̣̇исваа мзд̇д̇ажид̇д̇ам̣ уббаад̣̇зд̇ваа згагужчияам̣ ниб̣б̣ад̇д̇абхаад̇аро вияа д̇з ман̃н̃амаано жинд̇зси ‘‘миг̇арааж̇аа, д̇аава баасз б̣ад̣̇д̇хо, имз бана д̣̇вз ж̇анаа хирод̇д̇аббаб̣анд̇ханзна б̣ад̣̇д̇хаа, гим̣ ну ко имз зд̇асса хонд̇ий’’д̇и? ат̇а нам̣ бужчанд̇о г̇аат̇амааха –

Luddopi āgantvā te tayo jane ekato ṭhite disvā mettacittaṃ uppādetvā ekakucchiyaṃ nibbattabhātaro viya te maññamāno cintesi ‘‘migarājā, tāva pāse baddho, ime pana dve janā hirottappabandhanena baddhā, kiṃ nu kho ime etassa hontī’’ti? Atha naṃ pucchanto gāthamāha –

114.

‘‘гим̣ ну д̇змз миг̇аа хонд̇и, муд̇д̇аа б̣ад̣̇д̇хам̣ убаасарз;

‘‘Kiṃ nu teme migā honti, muttā baddhaṃ upāsare;

на д̇ам̣ жаж̇ид̇умижчанд̇и, ж̇ийвид̇ассаби гааран̣аа’’д̇и.

Na taṃ cajitumicchanti, jīvitassapi kāraṇā’’ti.

д̇ад̇т̇а гим̣ ну д̇змзд̇и гим̣ ну д̇з имз. убаасарзд̇и убаасанд̇и.

Tattha kiṃ nu temeti kiṃ nu te ime. Upāsareti upāsanti.

ат̇асса б̣од̇хисад̇д̇о аажигки –

Athassa bodhisatto ācikkhi –

115.

‘‘бхаад̇аро хонд̇и мз луд̣̇д̣̇а, сод̣̇арияаа згамаад̇угаа;

‘‘Bhātaro honti me ludda, sodariyā ekamātukā;

на мам̣ жаж̇ид̇умижчанд̇и, ж̇ийвид̇ассаби гааран̣аа’’д̇и.

Na maṃ cajitumicchanti, jīvitassapi kāraṇā’’ti.

со д̇асса важанам̣ суд̇ваа бхияяосомад̇д̇ааяа муд̣̇ужид̇д̇о ахоси. жид̇д̇амиг̇арааж̇аа д̇асса муд̣̇ужид̇д̇абхаавам̣ н̃ад̇ваа ‘‘самма луд̣̇д̣̇ага, маа д̇вам̣ зд̇ам̣ миг̇арааж̇аанам̣ ‘миг̇амад̇д̇оязваа’д̇и ман̃н̃ид̇т̇а, аяан̃хи асийд̇ияаа миг̇асахассаанам̣ рааж̇аа сийлаажаарасамбанно саб̣б̣асад̇д̇зсу муд̣̇ужид̇д̇о махаабан̃н̃о анд̇хз ж̇ин̣н̣з маад̇аабид̇аро босзд̇и. сажз д̇вам̣ зваруубам̣ д̇хаммигам̣ миг̇ам̣ маарзси, зд̇ам̣ маарзнд̇о маад̇аабид̇аро жа но ман̃жа бхаг̇инин̃жа мзд̇и амхз бан̃жаби ж̇анз маарзсиязва. маяхам̣ бана бхаад̇у ж̇ийвид̇ам̣ д̣̇знд̇о бан̃жаннамби ж̇анаанам̣ ж̇ийвид̇ад̣̇ааяагосий’’д̇и вад̇ваа г̇аат̇амааха –

So tassa vacanaṃ sutvā bhiyyosomattāya muducitto ahosi. Cittamigarājā tassa muducittabhāvaṃ ñatvā ‘‘samma luddaka, mā tvaṃ etaṃ migarājānaṃ ‘migamattoyevā’ti maññittha, ayañhi asītiyā migasahassānaṃ rājā sīlācārasampanno sabbasattesu muducitto mahāpañño andhe jiṇṇe mātāpitaro poseti. Sace tvaṃ evarūpaṃ dhammikaṃ migaṃ māresi, etaṃ mārento mātāpitaro ca no mañca bhaginiñca meti amhe pañcapi jane māresiyeva. Mayhaṃ pana bhātu jīvitaṃ dento pañcannampi janānaṃ jīvitadāyakosī’’ti vatvā gāthamāha –

116.

‘‘д̇з хи нууна мариссанд̇и, анд̇хаа абарин̣ааяагаа;

‘‘Te hi nūna marissanti, andhā apariṇāyakā;

бан̃жаннам̣ ж̇ийвид̇ам̣ д̣̇зхи, бхаад̇арам̣ мун̃жа луд̣̇д̣̇агаа’’д̇и.

Pañcannaṃ jīvitaṃ dehi, bhātaraṃ muñca luddakā’’ti.

со д̇асса д̇хаммагат̇ам̣ суд̇ваа басаннажид̇д̇о ‘‘маа бхааяи саамий’’д̇и вад̇ваа ананд̇арам̣ г̇аат̇амааха –

So tassa dhammakathaṃ sutvā pasannacitto ‘‘mā bhāyi sāmī’’ti vatvā anantaraṃ gāthamāha –

117.

‘‘со во ахам̣ бамогкаами, маад̇аабзд̇д̇ибхарам̣ миг̇ам̣;

‘‘So vo ahaṃ pamokkhāmi, mātāpettibharaṃ migaṃ;

нанд̣̇анд̇у маад̇аабид̇аро, муд̇д̇ам̣ д̣̇исваа махаамиг̇а’’нд̇и.

Nandantu mātāpitaro, muttaṃ disvā mahāmiga’’nti.

д̇ад̇т̇а вод̇и нибаад̇амад̇д̇ам̣. муд̇д̇анд̇и б̣анд̇ханаа муд̇д̇ам̣ бассид̇ваа.

Tattha voti nipātamattaṃ. Muttanti bandhanā muttaṃ passitvā.

зван̃жа бана вад̇ваа жинд̇зси ‘‘ран̃н̃аа д̣̇иннаяасо маяхам̣ гим̣ гариссад̇и, сажаахам̣ имам̣ миг̇арааж̇аанам̣ вад̇хиссаами, аяам̣ ваа мз бат̇авий бхиж̇ж̇ид̇ваа виварам̣ д̣̇ассад̇и, асани ваа мз мад̇т̇агз бад̇иссад̇и, виссаж̇ж̇зссаами на’’нд̇и. со махаасад̇д̇ам̣ убасан̇гамид̇ваа яадтим̣ баад̇зд̇ваа жаммаяод̇д̇ам̣ чинд̣̇ид̇ваа миг̇арааж̇аанам̣ аалин̇г̇ид̇ваа уд̣̇агабарияанд̇з нибаж̇ж̇аабзд̇ваа муд̣̇ужид̇д̇зна сан̣игам̣ баасаа можзд̇ваа нхааруухи нхаарум̣, мам̣сзна мам̣сам̣, жаммзна жаммам̣ самод̇хаанзд̇ваа уд̣̇агзна лохид̇ам̣ д̇ховид̇ваа мзд̇д̇ажид̇д̇зна бунаббунам̣ баримаж̇ж̇и. д̇асса мзд̇д̇аанубхаавзнзва махаасад̇д̇асса баарамид̇аанубхаавзна жа саб̣б̣аани нхаарумам̣сажаммаани санд̇хийяим̣су, баад̣̇о сан̃чанначави сан̃чанналомо ахоси, асугадтаанз б̣ад̣̇д̇хо ахосийд̇иби на бан̃н̃ааяи. махаасад̇д̇о сукаббад̇д̇о худ̇ваа адтааси. д̇ам̣ д̣̇исваа жид̇д̇амиг̇о соманассаж̇аад̇о луд̣̇д̣̇асса анумод̣̇анам̣ гаронд̇о г̇аат̇амааха –

Evañca pana vatvā cintesi ‘‘raññā dinnayaso mayhaṃ kiṃ karissati, sacāhaṃ imaṃ migarājānaṃ vadhissāmi, ayaṃ vā me pathavī bhijjitvā vivaraṃ dassati, asani vā me matthake patissati, vissajjessāmi na’’nti. So mahāsattaṃ upasaṅkamitvā yaṭṭhiṃ pātetvā cammayottaṃ chinditvā migarājānaṃ āliṅgitvā udakapariyante nipajjāpetvā muducittena saṇikaṃ pāsā mocetvā nhārūhi nhāruṃ, maṃsena maṃsaṃ, cammena cammaṃ samodhānetvā udakena lohitaṃ dhovitvā mettacittena punappunaṃ parimajji. Tassa mettānubhāveneva mahāsattassa pāramitānubhāvena ca sabbāni nhārumaṃsacammāni sandhīyiṃsu, pādo sañchannachavi sañchannalomo ahosi, asukaṭṭhāne baddho ahosītipi na paññāyi. Mahāsatto sukhappatto hutvā aṭṭhāsi. Taṃ disvā cittamigo somanassajāto luddassa anumodanaṃ karonto gāthamāha –

118.

‘‘звам̣ луд̣̇д̣̇ага нанд̣̇ассу, саха саб̣б̣зхи н̃аад̇ибхи;

‘‘Evaṃ luddaka nandassu, saha sabbehi ñātibhi;

яат̇аахамаж̇ж̇а нанд̣̇аами, муд̇д̇ам̣ д̣̇исваа махаамиг̇а’’нд̇и.

Yathāhamajja nandāmi, muttaṃ disvā mahāmiga’’nti.

ат̇а махаасад̇д̇о ‘‘гим̣ ну ко зса луд̣̇д̣̇о мам̣ г̇ан̣ханд̇о ад̇д̇ано гаамзна г̇ан̣хи, уд̣̇ааху ан̃н̃асса аан̣ад̇д̇ияаа’’д̇и жинд̇зд̇ваа г̇ахид̇агааран̣ам̣ бужчи. луд̣̇д̣̇абуд̇д̇о ааха – ‘‘саами, на маяхам̣ д̇умхзхи гаммам̣ ад̇т̇и, ран̃н̃о бана аг̇г̇амахзсий кзмаа наама д̇умхаагам̣ д̇хаммагат̇ам̣ сод̇угаамаа, д̇ад̣̇ад̇т̇ааяа ран̃н̃о аан̣ад̇д̇ияаа д̇вам̣ маяаа г̇ахид̇о’’д̇и. самма, звам̣ санд̇з мам̣ виссаж̇ж̇знд̇о ад̇ид̣̇уггарам̣ гароси, зхи мам̣ нзд̇ваа ран̃н̃о д̣̇ассзхи, д̣̇звияаа д̇хаммам̣ гат̇зссаамийд̇и. саами, рааж̇аано наама гагкал̣аа, го ж̇аанаад̇и, гим̣ бхависсад̇и, маяхам̣ ран̃н̃аа д̣̇иннаяасзна гаммам̣ над̇т̇и, г̇ажча д̇вам̣ яат̇аасуканд̇и. буна махаасад̇д̇о ‘‘иминаа мам̣ виссаж̇ж̇знд̇зна ад̇ид̣̇уггарам̣ гад̇ам̣, яасабадилаабхасса убааяамасса гариссаамий’’д̇и жинд̇зд̇ваа ‘‘самма, бидтим̣ д̇аава мз хад̇т̇зна баримаж̇ж̇аа’’д̇и ааха. ‘‘со баримаж̇ж̇и, хад̇т̇о суван̣н̣аван̣н̣зхи ломзхи буури’’. ‘‘саами, имзхи ломзхи гим̣ гааромий’’д̇и. ‘‘самма, имаани харид̇ваа ран̃н̃о жа д̣̇звияаа жа д̣̇ассзд̇ваа ‘имаани д̇асса суван̣н̣аван̣н̣амиг̇асса ломааний’д̇и вад̇ваа мама таанз тад̇ваа имаахи г̇аат̇аахи д̣̇звияаа д̇хаммам̣ д̣̇зсзхи, д̇ам̣ суд̇вааязва жассаа д̣̇охал̣о бадиббассамбхиссад̇ий’’д̇и . ‘‘д̇хаммам̣ жара махаарааж̇аа’’д̇и д̣̇аса д̇хаммажарияаг̇аат̇аа уг̇г̇ан̣хаабзд̇ваа бан̃жа сийлаани д̣̇ад̇ваа аббамаад̣̇зна овад̣̇ид̇ваа уяяож̇зси. луд̣̇д̣̇абуд̇д̇о махаасад̇д̇ам̣ аажарияадтаанз табзд̇ваа д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа ломаани бад̣̇уминибад̇д̇зна г̇ахзд̇ваа баггаами. д̇зби д̇аяо ж̇анаа т̇огам̣ ануг̇анд̇ваа мукзна г̇ожаран̃жа баанийяан̃жа г̇ахзд̇ваа маад̇аабид̇уунам̣ санд̇игам̣ г̇амим̣су. маад̇аабид̇аро ‘‘д̇аад̇а рохан̣а, д̇вам̣ гира баасз б̣ад̣̇д̇хо гат̇ам̣ муд̇д̇осий’’д̇и бужчанд̇аа г̇аат̇амаахам̣су –

Atha mahāsatto ‘‘kiṃ nu kho esa luddo maṃ gaṇhanto attano kāmena gaṇhi, udāhu aññassa āṇattiyā’’ti cintetvā gahitakāraṇaṃ pucchi. Luddaputto āha – ‘‘sāmi, na mayhaṃ tumhehi kammaṃ atthi, rañño pana aggamahesī khemā nāma tumhākaṃ dhammakathaṃ sotukāmā, tadatthāya rañño āṇattiyā tvaṃ mayā gahito’’ti. Samma, evaṃ sante maṃ vissajjento atidukkaraṃ karosi, ehi maṃ netvā rañño dassehi, deviyā dhammaṃ kathessāmīti. Sāmi, rājāno nāma kakkhaḷā, ko jānāti, kiṃ bhavissati, mayhaṃ raññā dinnayasena kammaṃ natthi, gaccha tvaṃ yathāsukhanti. Puna mahāsatto ‘‘iminā maṃ vissajjentena atidukkaraṃ kataṃ, yasapaṭilābhassa upāyamassa karissāmī’’ti cintetvā ‘‘samma, piṭṭhiṃ tāva me hatthena parimajjā’’ti āha. ‘‘So parimajji, hattho suvaṇṇavaṇṇehi lomehi pūri’’. ‘‘Sāmi, imehi lomehi kiṃ kāromī’’ti. ‘‘Samma, imāni haritvā rañño ca deviyā ca dassetvā ‘imāni tassa suvaṇṇavaṇṇamigassa lomānī’ti vatvā mama ṭhāne ṭhatvā imāhi gāthāhi deviyā dhammaṃ desehi, taṃ sutvāyeva cassā dohaḷo paṭippassambhissatī’’ti . ‘‘Dhammaṃ cara mahārājā’’ti dasa dhammacariyagāthā uggaṇhāpetvā pañca sīlāni datvā appamādena ovaditvā uyyojesi. Luddaputto mahāsattaṃ ācariyaṭṭhāne ṭhapetvā tikkhattuṃ padakkhiṇaṃ katvā catūsu ṭhānesu vanditvā lomāni paduminipattena gahetvā pakkāmi. Tepi tayo janā thokaṃ anugantvā mukhena gocarañca pānīyañca gahetvā mātāpitūnaṃ santikaṃ gamiṃsu. Mātāpitaro ‘‘tāta rohaṇa, tvaṃ kira pāse baddho kathaṃ muttosī’’ti pucchantā gāthamāhaṃsu –

119.

‘‘гат̇ам̣ д̇вам̣ бамогко ааси, убанийд̇асми ж̇ийвид̇з;

‘‘Kathaṃ tvaṃ pamokkho āsi, upanītasmi jīvite;

гат̇ам̣ буд̇д̇а аможзси, гуудабаасамха луд̣̇д̣̇аго’’д̇и.

Kathaṃ putta amocesi, kūṭapāsamha luddako’’ti.

д̇ад̇т̇а убанийд̇асмийд̇и д̇ава ж̇ийвид̇з маран̣асанд̇игам̣ убанийд̇з гат̇ам̣ бамогко ааси.

Tattha upanītasmīti tava jīvite maraṇasantikaṃ upanīte kathaṃ pamokkho āsi.

д̇ам̣ суд̇ваа б̣од̇хисад̇д̇о д̇иссо г̇аат̇аа абхааси –

Taṃ sutvā bodhisatto tisso gāthā abhāsi –

120.

‘‘бхан̣ам̣ ган̣н̣асукам̣ ваажам̣, хад̣̇аяан̇г̇ам̣ хад̣̇аяассид̇ам̣;

‘‘Bhaṇaṃ kaṇṇasukhaṃ vācaṃ, hadayaṅgaṃ hadayassitaṃ;

субхаасид̇аахи ваажаахи, жид̇д̇аго мам̣ аможаяи.

Subhāsitāhi vācāhi, cittako maṃ amocayi.

121.

‘‘бхан̣ам̣ ган̣н̣асукам̣ ваажам̣, хад̣̇аяан̇г̇ам̣ хад̣̇аяассид̇ам̣;

‘‘Bhaṇaṃ kaṇṇasukhaṃ vācaṃ, hadayaṅgaṃ hadayassitaṃ;

субхаасид̇аахи ваажаахи, суд̇анаа мам̣ аможаяи.

Subhāsitāhi vācāhi, sutanā maṃ amocayi.

122.

‘‘суд̇ваа ган̣н̣асукам̣ ваажам̣, хад̣̇аяан̇г̇ам̣ хад̣̇аяассид̇ам̣;

‘‘Sutvā kaṇṇasukhaṃ vācaṃ, hadayaṅgaṃ hadayassitaṃ;

субхаасид̇аани суд̇ваана, луд̣̇д̣̇аго мам̣ аможаяий’’д̇и.

Subhāsitāni sutvāna, luddako maṃ amocayī’’ti.

д̇ад̇т̇а бхан̣анд̇и бхан̣анд̇о. хад̣̇аяан̇г̇анд̇и хад̣̇аяан̇г̇амам̣. д̣̇уд̇ияаг̇аат̇ааяа бхан̣анд̇и бхан̣амаанаа. суд̇ваад̇и со имзсам̣ убхиннам̣ ваажам̣ суд̇ваа.

Tattha bhaṇanti bhaṇanto. Hadayaṅganti hadayaṅgamaṃ. Dutiyagāthāya bhaṇanti bhaṇamānā. Sutvāti so imesaṃ ubhinnaṃ vācaṃ sutvā.

ат̇асса маад̇аабид̇аро анумод̣̇анд̇аа аахам̣су –

Athassa mātāpitaro anumodantā āhaṃsu –

123.

‘‘звам̣ аананд̣̇ид̇о ход̇у, саха д̣̇аарзхи луд̣̇д̣̇аго;

‘‘Evaṃ ānandito hotu, saha dārehi luddako;

яат̇аа маяаж̇ж̇а нанд̣̇аама, д̣̇исваа рохан̣амааг̇ад̇а’’нд̇и.

Yathā mayajja nandāma, disvā rohaṇamāgata’’nti.

луд̣̇д̣̇оби аран̃н̃аа нигкамид̇ваа рааж̇агулам̣ г̇анд̇ваа рааж̇аанам̣ ванд̣̇ид̇ваа згаманд̇ам̣ адтааси. д̇ам̣ д̣̇исваа рааж̇аа г̇аат̇амааха –

Luddopi araññā nikkhamitvā rājakulaṃ gantvā rājānaṃ vanditvā ekamantaṃ aṭṭhāsi. Taṃ disvā rājā gāthamāha –

124.

‘‘нану д̇вам̣ аважа луд̣̇д̣̇а, ‘миг̇ажаммаани аахарим̣’;

‘‘Nanu tvaṃ avaca ludda, ‘migacammāni āhariṃ’;

ат̇а гзна ну ван̣н̣зна, миг̇ажаммаани наахарий’’д̇и.

Atha kena nu vaṇṇena, migacammāni nāharī’’ti.

д̇ад̇т̇а миг̇ажаммаанийд̇и миг̇ам̣ ваа жаммам̣ ваа. аахаринд̇и аахариссаами. ид̣̇ам̣ вуд̇д̇ам̣ ход̇и – амбхо луд̣̇д̣̇а, нану д̇вам̣ звам̣ аважа ‘‘миг̇ам̣ аанзд̇ум̣ асаггонд̇о жаммам̣ аахариссаами, д̇ам̣ асаггонд̇о ломааний’’д̇и, со д̇вам̣ гзна гааран̣зна нзва миг̇ам̣, на миг̇ажаммам̣ аахарийд̇и?

Tattha migacammānīti migaṃ vā cammaṃ vā. Āharinti āharissāmi. Idaṃ vuttaṃ hoti – ambho ludda, nanu tvaṃ evaṃ avaca ‘‘migaṃ ānetuṃ asakkonto cammaṃ āharissāmi, taṃ asakkonto lomānī’’ti, so tvaṃ kena kāraṇena neva migaṃ, na migacammaṃ āharīti?

д̇ам̣ суд̇ваа луд̣̇д̣̇о г̇аат̇амааха –

Taṃ sutvā luddo gāthamāha –

125.

‘‘ааг̇амаа жзва хад̇т̇ад̇т̇ам̣, гуудабаасан̃жа со миг̇о;

‘‘Āgamā ceva hatthatthaṃ, kūṭapāsañca so migo;

аб̣аж̇жхи д̇ам̣ миг̇арааж̇ам̣, д̇ан̃жа муд̇д̇аа убаасарз.

Abajjhi taṃ migarājaṃ, tañca muttā upāsare.

126.

‘‘д̇асса мз аху сам̣взг̇о, аб̣бхуд̇о ломахам̣сано;

‘‘Tassa me ahu saṃvego, abbhuto lomahaṃsano;

иман̃жаахам̣ миг̇ам̣ хан̃н̃з, аж̇ж̇а хиссаами ж̇ийвид̇а’’нд̇и.

Imañcāhaṃ migaṃ haññe, ajja hissāmi jīvita’’nti.

д̇ад̇т̇а ааг̇амаад̇и махаарааж̇а, со миг̇о мама хад̇т̇ад̇т̇ам̣ хад̇т̇абаасан̃жзва маяаа од̣д̣ид̇ам̣ гуудабаасан̃жа ааг̇ад̇о, д̇асмин̃жа гуудабаасз аб̣аж̇жхи. д̇ан̃жа муд̇д̇аа убаасарзд̇и д̇ан̃жа б̣ад̣̇д̇хам̣ абарз муд̇д̇аа аб̣ад̣̇д̇хаава д̣̇вз миг̇аа ассаасзнд̇аа д̇ам̣ ниссааяа адтам̣су. аб̣бхуд̇од̇и буб̣б̣з абхууд̇абуб̣б̣о. иман̃жааханд̇и ат̇а мз сам̣виг̇г̇асса зд̇ад̣̇ахоси ‘‘сажз ахам̣ имам̣ миг̇ам̣ ханиссаами, аж̇ж̇зва имасмим̣язва таанз ж̇ийвид̇ам̣ ж̇ахиссаамий’’д̇и.

Tattha āgamāti mahārāja, so migo mama hatthatthaṃ hatthapāsañceva mayā oḍḍitaṃ kūṭapāsañca āgato, tasmiñca kūṭapāse abajjhi. Tañca muttā upāsareti tañca baddhaṃ apare muttā abaddhāva dve migā assāsentā taṃ nissāya aṭṭhaṃsu. Abbhutoti pubbe abhūtapubbo. Imañcāhanti atha me saṃviggassa etadahosi ‘‘sace ahaṃ imaṃ migaṃ hanissāmi, ajjeva imasmiṃyeva ṭhāne jīvitaṃ jahissāmī’’ti.

д̇ам̣ суд̇ваа рааж̇аа ааха –

Taṃ sutvā rājā āha –

127.

‘‘гийд̣̇исаа д̇з миг̇аа луд̣̇д̣̇а, гийд̣̇исаа д̇хаммигаа миг̇аа;

‘‘Kīdisā te migā ludda, kīdisā dhammikā migā;

гат̇ам̣ван̣н̣аа гат̇ам̣сийлаа, б̣аал̣хам̣ ко нз басам̣сасий’’д̇и.

Kathaṃvaṇṇā kathaṃsīlā, bāḷhaṃ kho ne pasaṃsasī’’ti.

ид̣̇ам̣ со рааж̇аа вимхаяавасзна бунаббунам̣ бужчад̇и. д̇ам̣ суд̇ваа луд̣̇д̣̇о г̇аат̇амааха –

Idaṃ so rājā vimhayavasena punappunaṃ pucchati. Taṃ sutvā luddo gāthamāha –

128.

‘‘од̣̇аад̇асин̇г̇аа суживаалаа, ж̇аад̇аруубад̇ажуубамаа;

‘‘Odātasiṅgā sucivālā, jātarūpatacūpamā;

баад̣̇аа лохид̇агаа д̇зсам̣, ан̃ж̇ид̇агкаа манорамаа’’д̇и.

Pādā lohitakā tesaṃ, añjitakkhā manoramā’’ti.

д̇ад̇т̇а од̣̇аад̇асин̇г̇аад̇и раж̇ад̇ад̣̇аамасад̣̇исасин̇г̇аа. суживаалаад̇и жаамаривааласад̣̇исзна сужинаа ваалзна саманнааг̇ад̇аа. лохид̇агаад̇и рад̇д̇анакаа баваал̣асад̣̇исаа. баад̣̇аад̇и курабарияанд̇аа. ан̃ж̇ид̇агкаад̇и ан̃ж̇ид̇зхи вияа висуд̣̇д̇хабан̃жабасаад̣̇зхи агкийхи саманнааг̇ад̇аа.

Tattha odātasiṅgāti rajatadāmasadisasiṅgā. Sucivālāti cāmarivālasadisena sucinā vālena samannāgatā. Lohitakāti rattanakhā pavāḷasadisā. Pādāti khurapariyantā. Añjitakkhāti añjitehi viya visuddhapañcapasādehi akkhīhi samannāgatā.

ид̇и со гат̇знд̇ова махаасад̇д̇асса суван̣н̣аван̣н̣аани ломаани ран̃н̃о хад̇т̇з табзд̇ваа д̇зсам̣ миг̇аанам̣ сарийраван̣н̣ам̣ багаасзнд̇о г̇аат̇амааха –

Iti so kathentova mahāsattassa suvaṇṇavaṇṇāni lomāni rañño hatthe ṭhapetvā tesaṃ migānaṃ sarīravaṇṇaṃ pakāsento gāthamāha –

129.

‘‘зд̣̇исаа д̇з миг̇аа д̣̇зва, зд̣̇исаа д̇хаммигаа миг̇аа;

‘‘Edisā te migā deva, edisā dhammikā migā;

маад̇аабзд̇д̇ибхараа д̣̇зва, на д̇з со абхихаарид̇у’’нд̇и.

Mātāpettibharā deva, na te so abhihāritu’’nti.

д̇ад̇т̇а маад̇аабзд̇д̇ибхараад̇и ж̇ин̣н̣з анд̇хз маад̇аабид̇аро босзнд̇и, зд̇аад̣̇исаа нзсам̣ д̇хаммигад̇аа. на д̇з со абхихаарид̇унд̇и со миг̇арааж̇аа на саггаа гзнажи д̇ава бан̣н̣аагаарад̇т̇ааяа абхихарид̇унд̇и ад̇т̇о. ‘‘абхихаараяи’’нд̇иби баато, со ахам̣ д̇ам̣ д̇з бан̣н̣аагаарад̇т̇ааяа наабхихаараяим̣ на аахаринд̇и ад̇т̇о.

Tattha mātāpettibharāti jiṇṇe andhe mātāpitaro posenti, etādisā nesaṃ dhammikatā. Na te so abhihāritunti so migarājā na sakkā kenaci tava paṇṇākāratthāya abhiharitunti attho. ‘‘Abhihārayi’’ntipi pāṭho, so ahaṃ taṃ te paṇṇākāratthāya nābhihārayiṃ na āharinti attho.

ид̇и со махаасад̇д̇асса жа жид̇д̇амиг̇асса жа суд̇анааяа миг̇абод̇игааяа жа г̇ун̣ам̣ гат̇зд̇ваа ‘‘махаарааж̇а, ахам̣ д̇зна миг̇аран̃н̃аа ‘ад̇д̇ано ломаани д̣̇ассзд̇ваа мама таанз тад̇ваа д̣̇асахи рааж̇ад̇хаммажарияаг̇аат̇аахи д̣̇звияаа д̇хаммам̣ гат̇зяяаасий’д̇и уг̇г̇ан̣хаабид̇о аан̣ад̇д̇о’’д̇и ааха. д̇ам̣ суд̇ваа рааж̇аа нам̣ нхаабзд̇ваа ахад̇авад̇т̇аани ниваасзд̇ваа сад̇д̇арад̇анакажид̇з баллан̇гз нисийд̣̇аабзд̇ваа саяам̣ д̣̇звияаа сад̣̇д̇хим̣ нийжаасанз згаманд̇ам̣ нисийд̣̇ид̇ваа д̇ам̣ ан̃ж̇алим̣ баг̇г̇аяха яаажад̇и. со д̇хаммам̣ д̣̇зсзнд̇о ааха –

Iti so mahāsattassa ca cittamigassa ca sutanāya migapotikāya ca guṇaṃ kathetvā ‘‘mahārāja, ahaṃ tena migaraññā ‘attano lomāni dassetvā mama ṭhāne ṭhatvā dasahi rājadhammacariyagāthāhi deviyā dhammaṃ katheyyāsī’ti uggaṇhāpito āṇatto’’ti āha. Taṃ sutvā rājā naṃ nhāpetvā ahatavatthāni nivāsetvā sattaratanakhacite pallaṅke nisīdāpetvā sayaṃ deviyā saddhiṃ nīcāsane ekamantaṃ nisīditvā taṃ añjaliṃ paggayha yācati. So dhammaṃ desento āha –

‘‘д̇хаммам̣ жара махаарааж̇а, маад̇аабид̇уусу кад̇д̇ияа;

‘‘Dhammaṃ cara mahārāja, mātāpitūsu khattiya;