| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[45] 5. рохин̣иж̇аад̇агаван̣н̣анаа
[45] 5. Rohiṇijātakavaṇṇanā
сзяяо амид̇д̇од̇иид̣̇ам̣ сад̇т̇аа ж̇зд̇аванз вихаранд̇о згам̣ анаат̇абин̣д̣игасздтино д̣̇аасим̣ аараб̣бха гат̇зси. анаат̇абин̣д̣игасса гира згаа рохин̣ий наама д̣̇аасий ахоси. д̇ассаа вийхибахаран̣адтаанз ааг̇анд̇ваа махаллигаа маад̇аа нибаж̇ж̇и, д̇ам̣ магкигаа бариваарзд̇ваа суужияаавиж̇жхамаанаа вияа каад̣̇анд̇и. саа д̇хийд̇арам̣ ааха – ‘‘амма, магкигаа мам̣ каад̣̇анд̇и, зд̇аа ваарзхий’’д̇и. саа ‘‘ваарзссаами, аммаа’’д̇и мусалам̣ угкибид̇ваа ‘‘маад̇у сарийрз магкигаа маарзд̇ваа винаасам̣ баабзссаамий’’д̇и маад̇арам̣ мусалзна бахарид̇ваа ж̇ийвид̇агкаяам̣ баабзси. д̇ам̣ д̣̇исваа ‘‘маад̇аа мз мад̇аа’’д̇и род̣̇ид̇ум̣ аарабхи. д̇ам̣ бавад̇д̇им̣ сздтисса аарожзсум̣. сздти д̇ассаа сарийрагижжам̣ гаарзд̇ваа вихаарам̣ г̇анд̇ваа саб̣б̣ам̣ д̇ам̣ бавад̇д̇им̣ сад̇т̇у аарожзси. сад̇т̇аа ‘‘на ко, г̇ахабад̇и, зсаа ‘маад̇у сарийрз магкигаа маарзссаамий’д̇и ид̣̇аанзва мусалзна бахарид̇ваа маад̇арам̣ маарзси, буб̣б̣зби маарзсиязваа’’д̇и вад̇ваа д̇зна яаажид̇о ад̇ийд̇ам̣ аахари.
Seyyoamittotiidaṃ satthā jetavane viharanto ekaṃ anāthapiṇḍikaseṭṭhino dāsiṃ ārabbha kathesi. Anāthapiṇḍikassa kira ekā rohiṇī nāma dāsī ahosi. Tassā vīhipaharaṇaṭṭhāne āgantvā mahallikā mātā nipajji, taṃ makkhikā parivāretvā sūciyāvijjhamānā viya khādanti. Sā dhītaraṃ āha – ‘‘amma, makkhikā maṃ khādanti, etā vārehī’’ti. Sā ‘‘vāressāmi, ammā’’ti musalaṃ ukkhipitvā ‘‘mātu sarīre makkhikā māretvā vināsaṃ pāpessāmī’’ti mātaraṃ musalena paharitvā jīvitakkhayaṃ pāpesi. Taṃ disvā ‘‘mātā me matā’’ti rodituṃ ārabhi. Taṃ pavattiṃ seṭṭhissa ārocesuṃ. Seṭṭhi tassā sarīrakiccaṃ kāretvā vihāraṃ gantvā sabbaṃ taṃ pavattiṃ satthu ārocesi. Satthā ‘‘na kho, gahapati, esā ‘mātu sarīre makkhikā māressāmī’ti idāneva musalena paharitvā mātaraṃ māresi, pubbepi māresiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтигулз ниб̣б̣ад̇д̇ид̇ваа бид̇уажжаязна сздтидтаанам̣ баабун̣и. д̇ассааби рохин̣ийязва наама д̣̇аасий ахоси. сааби ад̇д̇ано вийхибахаран̣адтаанам̣ ааг̇анд̇ваа нибаннам̣ маад̇арам̣ ‘‘магкигаа мз, амма, ваарзхий’’д̇и вуд̇д̇аа звамзва мусалзна бахарид̇ваа маад̇арам̣ ж̇ийвид̇агкаяам̣ баабзд̇ваа род̣̇ид̇ум̣ аарабхи. б̣од̇хисад̇д̇о д̇ам̣ бавад̇д̇им̣ суд̇ваа ‘‘амид̇д̇оби хи имасмим̣ логз бан̣д̣ид̇ова сзяяо’’д̇и жинд̇зд̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto seṭṭhikule nibbattitvā pituaccayena seṭṭhiṭṭhānaṃ pāpuṇi. Tassāpi rohiṇīyeva nāma dāsī ahosi. Sāpi attano vīhipaharaṇaṭṭhānaṃ āgantvā nipannaṃ mātaraṃ ‘‘makkhikā me, amma, vārehī’’ti vuttā evameva musalena paharitvā mātaraṃ jīvitakkhayaṃ pāpetvā rodituṃ ārabhi. Bodhisatto taṃ pavattiṃ sutvā ‘‘amittopi hi imasmiṃ loke paṇḍitova seyyo’’ti cintetvā imaṃ gāthamāha –
45.
45.
‘‘сзяяо амид̇д̇о мзд̇хаавий, яан̃жз б̣аалаанугамбаго;
‘‘Seyyo amitto medhāvī, yañce bālānukampako;
басса рохин̣игам̣ ж̇аммим̣, маад̇арам̣ ханд̇ваана сожад̇ий’’д̇и.
Passa rohiṇikaṃ jammiṃ, mātaraṃ hantvāna socatī’’ti.
д̇ад̇т̇а мзд̇хаавийд̇и бан̣д̣ид̇о н̃аан̣ий вибхаавий. яан̃жз б̣аалаанугамбагод̇и зд̇т̇а яанд̇и лин̇г̇авибаллаасо гад̇о, жзд̇и наамад̇т̇з нибаад̇о. яо наама б̣аало анугамбаго, д̇ад̇о сад̇аг̇ун̣зна сахассаг̇ун̣зна бан̣д̣ид̇о амид̇д̇о хонд̇оби сзяяоязваад̇и ад̇т̇о. ат̇а ваа яанд̇и бадисзд̇ханад̇т̇з нибаад̇о, но жз б̣аалаанугамбагод̇и ад̇т̇о. ж̇амминд̇и лаамигам̣ д̣̇анд̇хам̣. маад̇арам̣ ханд̇ваана сожад̇ийд̇и ‘‘магкигаа маарзссаамий’’д̇и маад̇арам̣ ханд̇ваа ид̣̇аани аяам̣ б̣аалаа саяамзва род̣̇ад̇и барид̣̇звад̇и. иминаа гааран̣зна имасмим̣ логз амид̇д̇оби бан̣д̣ид̇о сзяяод̇и б̣од̇хисад̇д̇о бан̣д̣ид̇ам̣ басам̣санд̇о имааяа г̇аат̇ааяа д̇хаммам̣ д̣̇зсзси.
Tattha medhāvīti paṇḍito ñāṇī vibhāvī. Yañce bālānukampakoti ettha yanti liṅgavipallāso kato, ceti nāmatthe nipāto. Yo nāma bālo anukampako, tato sataguṇena sahassaguṇena paṇḍito amitto hontopi seyyoyevāti attho. Atha vā yanti paṭisedhanatthe nipāto, no ce bālānukampakoti attho. Jamminti lāmikaṃ dandhaṃ. Mātaraṃ hantvāna socatīti ‘‘makkhikā māressāmī’’ti mātaraṃ hantvā idāni ayaṃ bālā sayameva rodati paridevati. Iminā kāraṇena imasmiṃ loke amittopi paṇḍito seyyoti bodhisatto paṇḍitaṃ pasaṃsanto imāya gāthāya dhammaṃ desesi.
сад̇т̇аа ‘‘на ко, г̇ахабад̇и, зсаа ид̣̇аанзва ‘магкигаа маарзссаамий’д̇и маад̇арам̣ гхаад̇зси, буб̣б̣зби гхаад̇зсиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа маад̇ааязва маад̇аа ахоси, д̇хийд̇ааязва д̇хийд̇аа, махаасздти бана ахамзва ахоси’’нд̇и.
Satthā ‘‘na kho, gahapati, esā idāneva ‘makkhikā māressāmī’ti mātaraṃ ghātesi, pubbepi ghātesiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā mātāyeva mātā ahosi, dhītāyeva dhītā, mahāseṭṭhi pana ahameva ahosi’’nti.
рохин̣иж̇аад̇агаван̣н̣анаа бан̃жамаа.
Rohiṇijātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 45. рохин̣иж̇аад̇агам̣ • 45. Rohiṇijātakaṃ
