Library / Tipiṭaka / д̇ибидага • Tipiṭaka / т̇зрийг̇аат̇аабаал̣и • Therīgāthāpāḷi

2. рохинийт̇зрийг̇аат̇аа

2. Rohinītherīgāthā

271.

‘‘‘саман̣аа’д̇и бход̇и суби ¹, ‘саман̣аа’д̇и баб̣уж̇жхаси ²;

‘‘‘Samaṇā’ti bhoti supi ³, ‘samaṇā’ti pabujjhasi ⁴;

саман̣аанзва ⁵ гид̇д̇зси, саман̣ий нууна ⁶ бхависсаси.

Samaṇāneva ⁷ kittesi, samaṇī nūna ⁸ bhavissasi.

272.

‘‘вибулам̣ аннан̃жа баанан̃жа, саман̣аанам̣ бавзжжаси ⁹;

‘‘Vipulaṃ annañca pānañca, samaṇānaṃ paveccasi ¹⁰;

рохиний д̣̇аани бужчаами, гзна д̇з саман̣аа бияаа.

Rohinī dāni pucchāmi, kena te samaṇā piyā.

273.

‘‘агаммагаамаа аласаа, барад̣̇ад̇д̇уубаж̇ийвино;

‘‘Akammakāmā alasā, paradattūpajīvino;

аасам̣сугаа саад̣̇угаамаа, гзна д̇з саман̣аа бияаа’’.

Āsaṃsukā sādukāmā, kena te samaṇā piyā’’.

274.

‘‘жирассам̣ вад̇а мам̣ д̇аад̇а, саман̣аанам̣ барибужчаси;

‘‘Cirassaṃ vata maṃ tāta, samaṇānaṃ paripucchasi;

д̇зсам̣ д̇з гид̇д̇аяиссаами, бан̃н̃аасийлабараггамам̣.

Tesaṃ te kittayissāmi, paññāsīlaparakkamaṃ.

275.

‘‘гаммагаамаа аналасаа, гаммасздтасса гаарагаа;

‘‘Kammakāmā analasā, kammaseṭṭhassa kārakā;

рааг̇ам̣ д̣̇осам̣ баж̇аханд̇и, д̇зна мз саман̣аа бияаа.

Rāgaṃ dosaṃ pajahanti, tena me samaṇā piyā.

276.

‘‘д̇ийн̣и баабасса муулаани, д̇хунанд̇нд̇д̇и сужигаарино;

‘‘Tīṇi pāpassa mūlāni, dhunantntti sucikārino;

саб̣б̣ам̣ баабам̣ бахийнзсам̣, д̇зна мз саман̣аа бияаа.

Sabbaṃ pāpaṃ pahīnesaṃ, tena me samaṇā piyā.

277.

‘‘гааяагаммам̣ сужи нзсам̣, важийгамман̃жа д̇аад̣̇исам̣;

‘‘Kāyakammaṃ suci nesaṃ, vacīkammañca tādisaṃ;

маногаммам̣ сужи нзсам̣, д̇зна мз саман̣аа бияаа.

Manokammaṃ suci nesaṃ, tena me samaṇā piyā.

278.

‘‘вималаа сан̇камуд̇д̇аава, суд̣̇д̇хаа санд̇араб̣аахираа;

‘‘Vimalā saṅkhamuttāva, suddhā santarabāhirā;

бун̣н̣аа суггаана д̇хаммаанам̣ ¹¹, д̇зна мз саман̣аа бияаа.

Puṇṇā sukkāna dhammānaṃ ¹², tena me samaṇā piyā.

279.

‘‘б̣ахуссуд̇аа д̇хаммад̇хараа, арияаа д̇хаммаж̇ийвино;

‘‘Bahussutā dhammadharā, ariyā dhammajīvino;

ад̇т̇ам̣ д̇хамман̃жа д̣̇зсзнд̇и, д̇зна мз саман̣аа бияаа.

Atthaṃ dhammañca desenti, tena me samaṇā piyā.

280.

‘‘б̣ахуссуд̇аа д̇хаммад̇хараа, арияаа д̇хаммаж̇ийвино;

‘‘Bahussutā dhammadharā, ariyā dhammajīvino;

згаг̇г̇ажид̇д̇аа сад̇иманд̇о, д̇зна мз саман̣аа бияаа.

Ekaggacittā satimanto, tena me samaṇā piyā.

281.

‘‘д̣̇ууран̇г̇амаа сад̇иманд̇о, манд̇абхаан̣ий ануд̣̇д̇хад̇аа;

‘‘Dūraṅgamā satimanto, mantabhāṇī anuddhatā;

д̣̇угкассанд̇ам̣ баж̇аананд̇и, д̇зна мз саман̣аа бияаа.

Dukkhassantaṃ pajānanti, tena me samaṇā piyā.

282.

‘‘яасмаа г̇аамаа баггаманд̇и, на вилогзнд̇и гин̃жанам̣;

‘‘Yasmā gāmā pakkamanti, na vilokenti kiñcanaṃ;

анабзгкаава г̇ажчанд̇и, д̇зна мз саман̣аа бияаа.

Anapekkhāva gacchanti, tena me samaṇā piyā.

283.

‘‘на д̇зсам̣ годтз обзнд̇и, на гумбхим̣ на кал̣обияам̣;

‘‘Na tesaṃ koṭṭhe openti, na kumbhiṃ na khaḷopiyaṃ;

баринидтид̇амзсаанаа, д̇зна мз саман̣аа бияаа.

Pariniṭṭhitamesānā, tena me samaṇā piyā.

284.

‘‘на д̇з хиран̃н̃ам̣ г̇ан̣ханд̇и, на суван̣н̣ам̣ на руубияам̣;

‘‘Na te hiraññaṃ gaṇhanti, na suvaṇṇaṃ na rūpiyaṃ;

бажжуббаннзна яаабзнд̇и, д̇зна мз саман̣аа бияаа.

Paccuppannena yāpenti, tena me samaṇā piyā.

285.

‘‘наанаагулаа баб̣б̣аж̇ид̇аа, наанааж̇анабад̣̇зхи жа;

‘‘Nānākulā pabbajitā, nānājanapadehi ca;

ан̃н̃аман̃н̃ам̣ бияааяанд̇и ¹³, д̇зна мз саман̣аа бияаа’’.

Aññamaññaṃ piyāyanti ¹⁴, tena me samaṇā piyā’’.

286.

‘‘ад̇т̇ааяа вад̇а но бход̇и, гулз ж̇аад̇ааси рохиний;

‘‘Atthāya vata no bhoti, kule jātāsi rohinī;

сад̣̇д̇хаа б̣уд̣̇д̇хз жа д̇хаммз жа, сан̇гхз жа д̇иб̣б̣аг̇аараваа.

Saddhā buddhe ca dhamme ca, saṅghe ca tibbagāravā.

287.

‘‘д̇увам̣ хзд̇ам̣ баж̇аанааси, бун̃н̃агкзд̇д̇ам̣ ануд̇д̇арам̣;

‘‘Tuvaṃ hetaṃ pajānāsi, puññakkhettaṃ anuttaraṃ;

амхамби зд̇з саман̣аа, бадиг̇ан̣ханд̇и д̣̇агкин̣ам̣’’.

Amhampi ete samaṇā, paṭigaṇhanti dakkhiṇaṃ’’.

288.

‘‘бад̇идтид̇о хзд̇т̇а яан̃н̃о, вибуло но бхависсад̇и;

‘‘Patiṭṭhito hettha yañño, vipulo no bhavissati;

сажз бхааяаси д̣̇угкасса, сажз д̇з д̣̇угкамаббияам̣.

Sace bhāyasi dukkhassa, sace te dukkhamappiyaṃ.

289.

‘‘убзхи саран̣ам̣ б̣уд̣̇д̇хам̣, д̇хаммам̣ сан̇гхан̃жа д̇аад̣̇инам̣;

‘‘Upehi saraṇaṃ buddhaṃ, dhammaṃ saṅghañca tādinaṃ;

самаад̣̇ияаахи сийлаани, д̇ам̣ д̇з ад̇т̇ааяа хзхид̇и’’.

Samādiyāhi sīlāni, taṃ te atthāya hehiti’’.

290.

‘‘убзми саран̣ам̣ б̣уд̣̇д̇хам̣, д̇хаммам̣ сан̇гхан̃жа д̇аад̣̇инам̣;

‘‘Upemi saraṇaṃ buddhaṃ, dhammaṃ saṅghañca tādinaṃ;

самаад̣̇ияаами сийлаани, д̇ам̣ мз ад̇т̇ааяа хзхид̇и.

Samādiyāmi sīlāni, taṃ me atthāya hehiti.

291.

‘‘б̣рахмаб̣анд̇ху бурз аасим̣, со ид̣̇аанимхи б̣раахман̣о;

‘‘Brahmabandhu pure āsiṃ, so idānimhi brāhmaṇo;

д̇звиж̇ж̇о сод̇д̇ияо жамхи, взд̣̇аг̇уу жамхи нхаад̇аго’’.

Tevijjo sottiyo camhi, vedagū camhi nhātako’’.

… рохиний т̇зрий….

… Rohinī therī….

Next: 3. жаабаат̇зрийг̇аат̇аа • 3. Cāpātherīgāthā

Footnotes:

1. бход̇и д̇вам̣ саяаси (сий.), бход̇и мам̣ вибасси (сяаа.)

2. бадиб̣уж̇жхаси (сий. сяаа.)

3. bhoti tvaṃ sayasi (sī.), bhoti maṃ vipassi (syā.)

4. paṭibujjhasi (sī. syā.)

5. саман̣аанамзва (сий. сяаа.)

6. саман̣ий ну (га.)

7. samaṇānameva (sī. syā.)

8. samaṇī nu (ka.)

9. баяажчаси (сий.)

10. payacchasi (sī.)

11. суггзхи д̇хаммзхи (сий. сяаа. адта.)

12. sukkehi dhammehi (sī. syā. aṭṭha.)

13. бихаяанд̇и (га.)

14. pihayanti (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зрийг̇аат̇аа-адтагат̇аа • Therīgāthā-aṭṭhakathā / 2. рохинийт̇зрийг̇аат̇ааван̣н̣анаа • 2. Rohinītherīgāthāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact