| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. рохид̇ассасуд̇д̇аван̣н̣анаа
6. Rohitassasuttavaṇṇanā
107. чадтз яад̇т̇аад̇и жаггаваал̣алогасса згогаасз бхуммам̣. на жавад̇и на убабаж̇ж̇ад̇ийд̇и ид̣̇ам̣ абараабарам̣ жуд̇ибадисанд̇хивасзна г̇ахид̇ам̣. г̇аманзнаад̇и бад̣̇аг̇аманзна. наахам̣ д̇ам̣ логасса анд̇анд̇и сад̇т̇аа сан̇кааралогасса анд̇ам̣ санд̇хааяа вад̣̇ад̇и. н̃аад̇зяяанд̇иаад̣̇ийсу н̃аад̇аб̣б̣ам̣, д̣̇адтаб̣б̣ам̣, бад̇д̇аб̣б̣анд̇и ад̇т̇о.
107. Chaṭṭhe yatthāti cakkavāḷalokassa ekokāse bhummaṃ. Na cavati na upapajjatīti idaṃ aparāparaṃ cutipaṭisandhivasena gahitaṃ. Gamanenāti padagamanena. Nāhaṃ taṃ lokassa antanti satthā saṅkhāralokassa antaṃ sandhāya vadati. Ñāteyyantiādīsu ñātabbaṃ, daṭṭhabbaṃ, pattabbanti attho.
ид̇и д̣̇звабуд̇д̇зна жаггаваал̣алогасса анд̇о бужчид̇о, сад̇т̇аараа сан̇кааралогасса гат̇ид̇о. со бана ад̇д̇ано бан̃хзна сад̣̇д̇хим̣ сад̇т̇у б̣яаагаран̣ам̣ самзд̇ийд̇и сан̃н̃ааяа басам̣санд̇о ажчарияанд̇иаад̣̇имааха.
Iti devaputtena cakkavāḷalokassa anto pucchito, satthārā saṅkhāralokassa kathito. So pana attano pañhena saddhiṃ satthu byākaraṇaṃ sametīti saññāya pasaṃsanto acchariyantiādimāha.
д̣̇ал̣хад̇хаммод̇и д̣̇ал̣хад̇хану, уд̇д̇амаббамаан̣зна д̇ханунаа саманнааг̇ад̇о. д̇хануг̇г̇аход̇и д̇хануаажарияо. сусигкид̇од̇и д̣̇аса д̣̇ваад̣̇аса вассаани д̇ханусиббам̣ сигкид̇о. гад̇ахад̇т̇од̇и усабхаббамаан̣зби ваалаг̇г̇ам̣ виж̇жхид̇ум̣ самад̇т̇абхаавзна гад̇ахад̇т̇о. гад̇уубаасанод̇и гад̇асарагкзбо д̣̇ассид̇асиббо. асанзнаад̇и ган̣д̣зна. ад̇ибаад̇зяяаад̇и ад̇иггамзяяа. яаавад̇аа со д̇аалажчааяам̣ ад̇иггамзяяа, д̇аавад̇аа гаалзна згажаггаваал̣ам̣ ад̇иггамаамийд̇и ад̇д̇ано ж̇авасамбад̇д̇им̣ д̣̇ассзд̇и.
Daḷhadhammoti daḷhadhanu, uttamappamāṇena dhanunā samannāgato. Dhanuggahoti dhanuācariyo. Susikkhitoti dasa dvādasa vassāni dhanusippaṃ sikkhito. Katahatthoti usabhappamāṇepi vālaggaṃ vijjhituṃ samatthabhāvena katahattho. Katūpāsanoti katasarakkhepo dassitasippo. Asanenāti kaṇḍena. Atipāteyyāti atikkameyya. Yāvatā so tālacchāyaṃ atikkameyya, tāvatā kālena ekacakkavāḷaṃ atikkamāmīti attano javasampattiṃ dasseti.
бурад̇т̇имаа самуд̣̇д̣̇аа бажчимод̇и яат̇аа бурад̇т̇имасамуд̣̇д̣̇аа бажчимасамуд̣̇д̣̇о д̣̇уурз, звам̣ мз д̣̇уурз бад̣̇авийд̇ихааро ахосийд̇и вад̣̇ад̇и. со гира баажийнажаггаваал̣амукаваддияам̣ тид̇о баад̣̇ам̣ басаарзд̇ваа бажчимажаггаваал̣амукаваддияам̣ аггамад̇и, буна д̣̇уд̇ияам̣ баад̣̇ам̣ басаарзд̇ваа баражаггаваал̣амукаваддияам̣ аггамад̇и. ижчааг̇ад̇анд̇и ижчаа зва. ан̃н̃ад̇рзваад̇и ниббабан̃жад̇ам̣ д̣̇ассзд̇и. бхигкаажаарагаалз гирзса нааг̇алад̇аад̣̇анд̇агадтам̣ каад̣̇ид̇ваа анод̇ад̇д̇з мукам̣ д̇ховид̇ваа гаалз самбад̇д̇з уд̇д̇арагурумхи бин̣д̣ааяа жарид̇ваа жаггаваал̣амукаваддияам̣ нисинно бхад̇д̇агижжам̣ гарод̇и, д̇ад̇т̇а мухуд̇д̇ам̣ виссамид̇ваа буна ж̇авад̇и. вассасад̇ааяугод̇и д̇ад̣̇аа д̣̇ийгхааяугагаало ход̇и, аяам̣ бана вассасад̇аавасидтз ааяумхи г̇аманам̣ аарабхи. вассасад̇аж̇ийвийд̇и д̇ам̣ вассасад̇ам̣ ананд̇арааязна ж̇ийванд̇о. анд̇араава гаалан̇гад̇од̇и жаггаваал̣алогасса анд̇ам̣ аббад̇ваа анд̇араава мад̇о. со бана д̇ад̇т̇а гаалам̣ гад̇вааби ааг̇анд̇ваа имасмим̣язва жаггаваал̣з ниб̣б̣ад̇д̇и. аббад̇ваад̇и сан̇кааралогасса анд̇ам̣ аббад̇ваа. д̣̇угкассаад̇и ваддад̣̇угкасса. анд̇агирияанд̇и барияанд̇агаран̣ам̣. гал̣зварзд̇и ад̇д̇абхаавз. сасан̃н̃имхи саманагзд̇и сасан̃н̃з сажид̇д̇з. логанд̇и д̣̇угкасажжам̣. логасамуд̣̇аяанд̇и самуд̣̇аяасажжам̣. логанирод̇ханд̇и нирод̇хасажжам̣. бадибад̣̇анд̇и маг̇г̇асажжам̣. ид̇и – ‘‘наахам̣, аавусо, имаани жад̇д̇аари сажжаани д̇ин̣агадтаад̣̇ийсу бан̃н̃абзми , имасмим̣ бана жаад̇умахаабхууд̇игз гааяасмим̣ язва бан̃н̃абзмий’’д̇и д̣̇ассзд̇и. самид̇аавийд̇и самид̇абаабо. наасийсад̇ийд̇и на бад̇т̇зд̇и. чадтам̣.
Puratthimā samuddā pacchimoti yathā puratthimasamuddā pacchimasamuddo dūre, evaṃ me dūre padavītihāro ahosīti vadati. So kira pācīnacakkavāḷamukhavaṭṭiyaṃ ṭhito pādaṃ pasāretvā pacchimacakkavāḷamukhavaṭṭiyaṃ akkamati, puna dutiyaṃ pādaṃ pasāretvā paracakkavāḷamukhavaṭṭiyaṃ akkamati. Icchāgatanti icchā eva. Aññatrevāti nippapañcataṃ dasseti. Bhikkhācārakāle kiresa nāgalatādantakaṭṭhaṃ khāditvā anotatte mukhaṃ dhovitvā kāle sampatte uttarakurumhi piṇḍāya caritvā cakkavāḷamukhavaṭṭiyaṃ nisinno bhattakiccaṃ karoti, tattha muhuttaṃ vissamitvā puna javati. Vassasatāyukoti tadā dīghāyukakālo hoti, ayaṃ pana vassasatāvasiṭṭhe āyumhi gamanaṃ ārabhi. Vassasatajīvīti taṃ vassasataṃ anantarāyena jīvanto. Antarāva kālaṅkatoti cakkavāḷalokassa antaṃ appatvā antarāva mato. So pana tattha kālaṃ katvāpi āgantvā imasmiṃyeva cakkavāḷe nibbatti. Appatvāti saṅkhāralokassa antaṃ appatvā. Dukkhassāti vaṭṭadukkhassa. Antakiriyanti pariyantakaraṇaṃ. Kaḷevareti attabhāve. Sasaññimhi samanaketi sasaññe sacitte. Lokanti dukkhasaccaṃ. Lokasamudayanti samudayasaccaṃ. Lokanirodhanti nirodhasaccaṃ. Paṭipadanti maggasaccaṃ. Iti – ‘‘nāhaṃ, āvuso, imāni cattāri saccāni tiṇakaṭṭhādīsu paññapemi , imasmiṃ pana cātumahābhūtike kāyasmiṃ yeva paññapemī’’ti dasseti. Samitāvīti samitapāpo. Nāsīsatīti na pattheti. Chaṭṭhaṃ.
108-109. сад̇д̇амадтамаани вуд̇д̇ад̇т̇аанзва. сад̇д̇амам̣, адтамам̣.
108-109. Sattamaṭṭhamāni vuttatthāneva. Sattamaṃ, aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
6. рохид̇ассасуд̇д̇ам̣ • 6. Rohitassasuttaṃ
7. нанд̣̇асуд̇д̇ам̣ • 7. Nandasuttaṃ
8. нанд̣̇ивисааласуд̇д̇ам̣ • 8. Nandivisālasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā)
6. рохид̇ассасуд̇д̇аван̣н̣анаа • 6. Rohitassasuttavaṇṇanā
7-8. нанд̣̇асуд̇д̇ананд̣̇ивисааласуд̇д̇аван̣н̣анаа • 7-8. Nandasuttanandivisālasuttavaṇṇanā
