| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. рохид̇ассасуд̇д̇аван̣н̣анаа
6. Rohitassasuttavaṇṇanā
107. згогаасзд̇и жаггаваал̣асса барияанд̇асан̃н̃ид̇з згасмим̣ огаасз. бхумманд̇и ‘‘яад̇т̇аа’’д̇и ид̣̇ам̣ бхуммаважанам̣, сааман̃н̃ад̇о вуд̇д̇амби ‘‘со логасса анд̇о’’д̇и важанад̇о висидтависаяамзва ход̇и. ‘‘на ж̇ааяад̇и на мийяад̇ий’’д̇и вад̇ваа буна ‘‘на жавад̇и на убабаж̇ж̇ад̇ий’’д̇и гасмаа вуд̇д̇анд̇и ааха ‘‘ид̣̇ам̣ абараабарам̣…бз… г̇ахид̇а’’нд̇и. бад̣̇аг̇аманзнаад̇и бад̣̇асаа г̇аманзна. сан̇кааралогасса анд̇ам̣ санд̇хааяа вад̣̇ад̇и убари сажжаани багаасзд̇угаамо. сан̇кааралогасса хи анд̇о ниб̣б̣аанам̣.
107.Ekokāseti cakkavāḷassa pariyantasaññite ekasmiṃ okāse. Bhummanti ‘‘yatthā’’ti idaṃ bhummavacanaṃ, sāmaññato vuttampi ‘‘so lokassa anto’’ti vacanato visiṭṭhavisayameva hoti. ‘‘Na jāyati na mīyatī’’ti vatvā puna ‘‘na cavati na upapajjatī’’ti kasmā vuttanti āha ‘‘idaṃ aparāparaṃ…pe… gahita’’nti. Padagamanenāti padasā gamanena. Saṅkhāralokassa antaṃ sandhāya vadati upari saccāni pakāsetukāmo. Saṅkhāralokassa hi anto nibbānaṃ.
д̣̇ал̣хам̣ т̇ирам̣ д̇хану зд̇ассаад̇и д̣̇ал̣хад̇ханваа. со зва д̣̇ал̣хад̇хаммод̇и вуд̇д̇о. д̇знааха ‘‘д̣̇ал̣хад̇хануу’’д̇и. уд̇д̇амаббамаан̣знаад̇и сахассат̇аамаббамаан̣зна. д̇ханусиббасигкид̇ад̇ааяа д̇хануг̇г̇ахо, на д̇хануг̇г̇ахамад̇д̇знаад̇и ааха ‘‘д̇хануг̇г̇аход̇и д̇хануаажарияо’’д̇и. ‘‘д̇хануг̇г̇ахо’’д̇и вад̇ваа ‘‘сигкид̇о’’д̇и вуд̇д̇з д̇ханусигкааяа сигкид̇од̇и вин̃н̃ааяад̇и, сигкаа жа зд̇д̇агз гаалз самад̇т̇асса уггам̣саг̇ад̇о ход̇ийд̇и ааха ‘‘д̣̇аса д̣̇ваад̣̇аса вассаани д̇ханусиббам̣ сигкид̇о’’д̇и. усабхаббамаан̣збийд̇и вийсад̇ияадтияо усабхам̣, д̇асмим̣ усабхаббамаан̣з бад̣̇зсз. ваалаг̇г̇анд̇и ваал̣агодим̣. гад̇ахад̇т̇од̇и барижид̇ахад̇т̇о. гад̇асарагкзбод̇и вивадасарагкзбабад̣̇зсад̣̇ассанавасзна сарагкзбагад̇аавий. д̇знааха ‘‘д̣̇ассид̇асиббо’’д̇и. ‘‘гад̇асиббо’’д̇и гзжи. асанд̇и зд̇знаад̇и асанам̣, ган̣д̣о. д̇аалажчааяанд̇и д̇аалажчаад̣̇им̣, саа бана рад̇анамад̇д̇аа, вид̣̇ад̇т̇ижад̇уран̇г̇улаа ваа.
Daḷhaṃ thiraṃ dhanu etassāti daḷhadhanvā. So eva daḷhadhammoti vutto. Tenāha ‘‘daḷhadhanū’’ti. Uttamappamāṇenāti sahassathāmappamāṇena. Dhanusippasikkhitatāya dhanuggaho, na dhanuggahamattenāti āha ‘‘dhanuggahoti dhanuācariyo’’ti. ‘‘Dhanuggaho’’ti vatvā ‘‘sikkhito’’ti vutte dhanusikkhāya sikkhitoti viññāyati, sikkhā ca ettake kāle samatthassa ukkaṃsagato hotīti āha ‘‘dasa dvādasa vassāni dhanusippaṃ sikkhito’’ti. Usabhappamāṇepīti vīsatiyaṭṭhiyo usabhaṃ, tasmiṃ usabhappamāṇe padese. Vālagganti vāḷakoṭiṃ. Katahatthoti paricitahattho. Katasarakkhepoti vivaṭasarakkhepapadesadassanavasena sarakkhepakatāvī. Tenāha ‘‘dassitasippo’’ti. ‘‘Katasippo’’ti keci. Asanti etenāti asanaṃ, kaṇḍo. Tālacchāyanti tālacchādiṃ, sā pana ratanamattā, vidatthicaturaṅgulā vā.
бурад̇т̇имасамуд̣̇д̣̇аад̇и згасмим̣ жаггаваал̣з бурад̇т̇имасамуд̣̇д̣̇аа. самуд̣̇д̣̇асийсзна бурад̇т̇имажаггаваал̣амукаваддим̣ вад̣̇ад̇и. бажчимасамуд̣̇д̣̇од̇и зд̇т̇ааби зсзва наяо. ниббабан̃жад̇анд̇и ад̣̇анд̇хагаарид̇ам̣. самбад̇д̇зд̇и д̇аад̣̇исзна ж̇авзна г̇ажчанд̇зна самбад̇д̇з. анод̇ад̇д̇зд̇и зд̇т̇ааби ‘‘самбад̇д̇з’’д̇и бад̣̇ам̣ аанзд̇ваа самб̣анд̇хо, д̇ат̇аа ‘‘нааг̇алад̇аад̣̇анд̇агадтам̣ каад̣̇ид̇ваа’’д̇и зд̇т̇ааби. д̇ад̣̇аад̇и яад̣̇аа со логанд̇аг̇авзсаго ахоси, д̇ад̣̇аа. д̣̇ийгхааяугагаалод̇и анзгавассасахассааяугагаало. жаггаваал̣алогассаад̇и сааман̃н̃авасзна згаважанам̣, жаггаваал̣алоганд̇и ад̇т̇о. имасмим̣язва жаггаваал̣з ниб̣б̣ад̇д̇и буб̣б̣абарижарияасид̣̇д̇хааяа ниганд̇ияаа. сасан̃н̃имхи саманагзд̇и на руубад̇хаммамад̇д̇агз, ат̇а ко бан̃жагканд̇хасамуд̣̇ааязд̇и д̣̇ассзд̇и. самид̇абаабод̇и самужчиннасам̣гилзсад̇хаммо.
Puratthimasamuddāti ekasmiṃ cakkavāḷe puratthimasamuddā. Samuddasīsena puratthimacakkavāḷamukhavaṭṭiṃ vadati. Pacchimasamuddoti etthāpi eseva nayo. Nippapañcatanti adandhakāritaṃ. Sampatteti tādisena javena gacchantena sampatte. Anotatteti etthāpi ‘‘sampatte’’ti padaṃ ānetvā sambandho, tathā ‘‘nāgalatādantakaṭṭhaṃ khāditvā’’ti etthāpi. Tadāti yadā so lokantagavesako ahosi, tadā. Dīghāyukakāloti anekavassasahassāyukakālo. Cakkavāḷalokassāti sāmaññavasena ekavacanaṃ, cakkavāḷalokanti attho. Imasmiṃyeva cakkavāḷe nibbatti pubbaparicariyasiddhāya nikantiyā. Sasaññimhi samanaketi na rūpadhammamattake, atha kho pañcakkhandhasamudāyeti dasseti. Samitapāpoti samucchinnasaṃkilesadhammo.
рохид̇ассасуд̇д̇аван̣н̣анаа нидтид̇аа.
Rohitassasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. рохид̇ассасуд̇д̇ам̣ • 6. Rohitassasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. рохид̇ассасуд̇д̇аван̣н̣анаа • 6. Rohitassasuttavaṇṇanā
