| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
183. рож̇амаллаад̣̇ивад̇т̇угат̇аа
183. Rojamallādivatthukathā
301. сан̇гарамагам̣сууд̇и зд̇т̇а сан̇гарасад̣̇д̣̇асса яуд̣̇д̇хад̇т̇аад̣̇ийсу бавад̇д̇анад̇о ид̇ха бадин̃н̃аад̇ад̇т̇зд̇и д̣̇ассзнд̇о ааха ‘‘гад̇игамагам̣суу’’д̇и. гад̇иганд̇и бадин̃н̃аад̇асан̇каад̇ам̣ гад̇игам̣. ул̣аарам̣ код̇и зд̇т̇а ул̣аарасад̣̇д̣̇о сздтаваажаго. сздтанд̇и жа сунд̣̇арамзваад̇и ааха ‘‘сунд̣̇арам̣ ко д̇з ид̣̇а’’нд̇и. д̇зд̇и д̇уяхам̣. ‘‘б̣ахугад̇о’’д̇и бад̣̇асса гад̇аб̣ахумаанод̇и ад̇т̇ам̣ д̣̇ассзнд̇о ааха ‘‘басаад̣̇аб̣ахумаанзнаа’’д̇и. ‘‘бидтамаяам̣каад̣̇анийяа’’нд̇и иминаа бидтакаад̣̇анийяанд̇и зд̇т̇а маяасад̣̇д̣̇алобам̣ д̣̇ассзд̇и.
301.Saṅkaramakaṃsūti ettha saṅkarasaddassa yuddhatthādīsu pavattanato idha paṭiññātattheti dassento āha ‘‘katikamakaṃsū’’ti. Katikanti paṭiññātasaṅkhātaṃ katikaṃ. Uḷāraṃ khoti ettha uḷārasaddo seṭṭhavācako. Seṭṭhanti ca sundaramevāti āha ‘‘sundaraṃ kho te ida’’nti. Teti tuyhaṃ. ‘‘Bahukato’’ti padassa katabahumānoti atthaṃ dassento āha ‘‘pasādabahumānenā’’ti. ‘‘Piṭṭhamayaṃkhādanīya’’nti iminā piṭṭhakhādanīyanti ettha mayasaddalopaṃ dasseti.
303. бадибхаанзяяагаад̇и зд̇т̇а бадибхаанз нияуд̇д̇аа бадибхаанзяяагаад̇и д̣̇ассзнд̇о ааха ‘‘бадибхаанасамбаннаа’’д̇и. ‘‘нид̣̇д̣̇осасиббаа’’д̇и иминаа барияод̣̇аад̇асиббаад̇и зд̇т̇а барисаманд̇ад̇о од̣̇аад̇ам̣ сиббам̣ зд̇зсанд̇и барияод̣̇аад̇асиббаад̇и ад̇т̇ам̣ д̣̇ассзд̇и. сиббад̇т̇игзхи сияад̇и сзвияад̇ийд̇и сиббам̣, сиббигаанам̣ хид̇ааяа сзд̇и бавад̇д̇ад̇ийд̇и ваа сиббам̣, одтаж̇о батамагкаро. наал̣ияааваабагзнаад̇и бад̣̇асса д̣̇ванд̣̇абхаавам̣ д̣̇ассзнд̇о ааха ‘‘наал̣ияаа жзва ааваабагзна жаа’’д̇и. иминаа яагааро бад̣̇асанд̇химад̇д̇од̇и д̣̇ассзд̇и. ‘‘наал̣ияаа ваа басиб̣б̣агзнаа’’д̇иби баато, со абаатоязва. го ааваабаго наамаад̇и ааха ‘‘ааваабаго наама яад̇т̇аа’’д̇иаад̣̇и. д̇ад̇т̇а яад̇т̇аад̇и яасмим̣ т̇авигз. иминаа аахарид̇ваа яат̇аалад̣̇д̇хам̣ вабанд̇и багкибанд̇и зд̇т̇аад̇и ааваабагод̇и важанад̇т̇ам̣ д̣̇ассзд̇и. ваба б̣ийж̇анигкзбзд̇и д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 15 багааранд̇ад̇хаад̇у) вуд̇д̇ам̣. ид̇ха бана багкибанзд̇и д̣̇адтаб̣б̣о. д̇зна вуд̇д̇ам̣ ‘‘багкибанд̇ий’’д̇и. барихарид̇умзваад̇и бариг̇г̇ахзд̇ваа харид̇умзва. взд̇ананд̇и бхад̇им̣. яод̇и бхигку. д̇ам̣ ваад̇и барихарид̇акурабхан̣д̣ам̣ ваа. ан̃н̃ам̣ ваад̇и ан̃н̃асса санд̇агам̣ ваа.
303.Paṭibhāneyyakāti ettha paṭibhāne niyuttā paṭibhāneyyakāti dassento āha ‘‘paṭibhānasampannā’’ti. ‘‘Niddosasippā’’ti iminā pariyodātasippāti ettha parisamantato odātaṃ sippaṃ etesanti pariyodātasippāti atthaṃ dasseti. Sippatthikehi siyati seviyatīti sippaṃ, sippikānaṃ hitāya seti pavattatīti vā sippaṃ, oṭṭhajo paṭhamakkharo. Nāḷiyāvāpakenāti padassa dvandabhāvaṃ dassento āha ‘‘nāḷiyā ceva āvāpakena cā’’ti. Iminā yakāro padasandhimattoti dasseti. ‘‘Nāḷiyā vā pasibbakenā’’tipi pāṭho, so apāṭhoyeva. Ko āvāpako nāmāti āha ‘‘āvāpako nāma yatthā’’tiādi. Tattha yatthāti yasmiṃ thavike. Iminā āharitvā yathāladdhaṃ vapanti pakkhipanti etthāti āvāpakoti vacanatthaṃ dasseti. Vapa bījanikkhepeti dhātupāṭhesu (saddanītidhātumālāyaṃ 15 pakārantadhātu) vuttaṃ. Idha pana pakkhipaneti daṭṭhabbo. Tena vuttaṃ ‘‘pakkhipantī’’ti. Pariharitumevāti pariggahetvā haritumeva. Vetananti bhatiṃ. Yoti bhikkhu. Taṃ vāti pariharitakhurabhaṇḍaṃ vā. Aññaṃ vāti aññassa santakaṃ vā.
304. ид̣̇анд̇и д̣̇асамабхааг̇ад̣̇аанам̣. д̣̇аса годтаасзд̇и д̣̇аса бадивийсз.
304.Idanti dasamabhāgadānaṃ. Dasa koṭṭhāseti dasa paṭivīse.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
183. рож̇амаллавад̇т̇у • 183. Rojamallavatthu
184. вуд̣дхабаб̣б̣аж̇ид̇авад̇т̇у • 184. Vuḍḍhapabbajitavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рож̇амаллаад̣̇ивад̇т̇угат̇аа • Rojamallādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
рож̇амаллавад̇т̇угат̇ааван̣н̣анаа • Rojamallavatthukathāvaṇṇanā
вуд̣дхабаб̣б̣аж̇ид̇авад̇т̇угат̇ааван̣н̣анаа • Vuḍḍhapabbajitavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / рож̇амаллаад̣̇ивад̇т̇угат̇ааван̣н̣анаа • Rojamallādivatthukathāvaṇṇanā
