| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਰੋਜਮਲ੍ਲਾਦਿવਤ੍ਥੁਕਥਾ
Rojamallādivatthukathā
੩੦੧-੨. ਰੋਜવਤ੍ਥੁ ਉਤ੍ਤਾਨਤ੍ਥਮੇવ। ਤਤ੍ਥ ਸਙ੍ਕਰਂ ਅਕਂਸੂਤਿ ਕਤਿਕਂ ਅਕਂਸੁ। ਉਲ਼ਾਰਂ ਖੋ ਤੇ ਇਦਨ੍ਤਿ ਸੁਨ੍ਦਰਂ ਖੋ ਤੇ ਇਦਂ। ਨਾਹਂ ਭਨ੍ਤੇ ਆਨਨ੍ਦ ਬਹੁਕਤੋਤਿ ਨਾਹਂ ਬੁਦ੍ਧਾਦਿਗਤਪਸਾਦਬਹੁਮਾਨੇਨ ਇਧਾਗਤੋਤਿ ਦਸ੍ਸੇਤਿ। ਸਬ੍ਬਞ੍ਚ ਡਾਕਨ੍ਤਿ ਸਪ੍ਪਿਆਦੀਹਿ ਪਕ੍ਕਂ વਾ ਅਪਕ੍ਕਂ વਾ ਯਂਕਿਞ੍ਚਿ ਡਾਕਂ। ਪਿਟ੍ਠਖਾਦਨੀਯਨ੍ਤਿ ਪਿਟ੍ਠਮਯਂ ਖਾਦਨੀਯਂ; ਰੋਜੋ ਕਿਰ ਇਦਂ ਉਭਯਮ੍ਪਿ ਸਤਸਹਸ੍ਸਂ વਯਂ ਕਤ੍વਾ ਪਟਿਯਾਦਾਪੇਸਿ।
301-2. Rojavatthu uttānatthameva. Tattha saṅkaraṃ akaṃsūti katikaṃ akaṃsu. Uḷāraṃ kho te idanti sundaraṃ kho te idaṃ. Nāhaṃ bhante ānanda bahukatoti nāhaṃ buddhādigatapasādabahumānena idhāgatoti dasseti. Sabbañca ḍākanti sappiādīhi pakkaṃ vā apakkaṃ vā yaṃkiñci ḍākaṃ. Piṭṭhakhādanīyanti piṭṭhamayaṃ khādanīyaṃ; rojo kira idaṃ ubhayampi satasahassaṃ vayaṃ katvā paṭiyādāpesi.
੩੦੩. ਮਞ੍ਜੁਕਾਤਿ ਮਧੁਰવਚਨਾ। ਪਟਿਭਾਨੇਯ੍ਯਕਾਤਿ ਸਕੇ ਸਿਪ੍ਪੇ ਪਟਿਭਾਨਸਮ੍ਪਨ੍ਨਾ। ਦਕ੍ਖਾਤਿ ਛੇਕਾ, ਅਨਲਸਾ વਾ। ਪਰਿਯੋਦਾਤਸਿਪ੍ਪਾਤਿ ਨਿਦ੍ਦੋਸਸਿਪ੍ਪਾ। ਨਾਲ਼ਿਯਾવਾਪਕੇਨਾਤਿ ਨਾਲ਼ਿਯਾ ਚ ਆવਾਪਕੇਨ ਚ। ਆવਾਪਕੋ ਨਾਮ ਯਤ੍ਥ ਲਦ੍ਧਂ ਲਦ੍ਧਂ ਆવਪਨ੍ਤਿ, ਪਕ੍ਖਿਪਨ੍ਤੀਤਿ વੁਤ੍ਤਂ ਹੋਤਿ। ਨ ਚ ਭਿਕ੍ਖવੇ ਨਹਾਪਿਤਪੁਬ੍ਬੇਨ ਖੁਰਭਣ੍ਡਨ੍ਤਿ ਏਤ੍ਥ ਗਹੇਤ੍વਾ ਪਰਿਹਰਿਤੁਮੇવ ਨ વਟ੍ਟਤਿ, ਅਞ੍ਞਸ੍ਸ ਸਨ੍ਤਕੇਨ ਕੇਸੇ ਛੇਦੇਤੁਂ વਟ੍ਟਤਿ। ਸਚੇ વੇਤਨਂ ਗਹੇਤ੍વਾ ਛਿਨ੍ਦਤਿ, ਨ વਟ੍ਟਤਿ। ਯੋ ਅਨਹਾਪਿਤਪੁਬ੍ਬੋ ਤਸ੍ਸ ਪਰਿਹਰਿਤੁਮ੍ਪਿ વਟ੍ਟਤਿ, ਤਂ વਾ ਅਞ੍ਞਂ વਾ ਗਹੇਤ੍વਾ ਕੇਸੇ ਛੇਦੇਤੁਮ੍ਪਿ વਟ੍ਟਤਿ।
303.Mañjukāti madhuravacanā. Paṭibhāneyyakāti sake sippe paṭibhānasampannā. Dakkhāti chekā, analasā vā. Pariyodātasippāti niddosasippā. Nāḷiyāvāpakenāti nāḷiyā ca āvāpakena ca. Āvāpako nāma yattha laddhaṃ laddhaṃ āvapanti, pakkhipantīti vuttaṃ hoti. Na ca bhikkhave nahāpitapubbena khurabhaṇḍanti ettha gahetvā pariharitumeva na vaṭṭati, aññassa santakena kese chedetuṃ vaṭṭati. Sace vetanaṃ gahetvā chindati, na vaṭṭati. Yo anahāpitapubbo tassa pariharitumpi vaṭṭati, taṃ vā aññaṃ vā gahetvā kese chedetumpi vaṭṭati.
੩੦੪. ਭਾਗਂ ਦਤ੍વਾਤਿ ਦਸਮਭਾਗਂ ਦਤ੍વਾ; ਇਦਂ ਕਿਰ ਜਮ੍ਬੁਦੀਪੇ ਪੋਰਾਣਕਚਾਰਿਤ੍ਤਂ, ਤਸ੍ਮਾ ਦਸਕੋਟ੍ਠਾਸੇ ਕਤ੍વਾ ਏਕੋ ਕੋਟ੍ਠਾਸੋ ਭੂਮਿਸਾਮਿਕਾਨਂ ਦਾਤਬ੍ਬੋ।
304.Bhāgaṃ datvāti dasamabhāgaṃ datvā; idaṃ kira jambudīpe porāṇakacārittaṃ, tasmā dasakoṭṭhāse katvā eko koṭṭhāso bhūmisāmikānaṃ dātabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੮੩. ਰੋਜਮਲ੍ਲવਤ੍ਥੁ • 183. Rojamallavatthu
੧੮੪. વੁਡ੍ਢਪਬ੍ਬਜਿਤવਤ੍ਥੁ • 184. Vuḍḍhapabbajitavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਰੋਜਮਲ੍ਲવਤ੍ਥੁਕਥਾવਣ੍ਣਨਾ • Rojamallavatthukathāvaṇṇanā
વੁਡ੍ਢਪਬ੍ਬਜਿਤવਤ੍ਥੁਕਥਾવਣ੍ਣਨਾ • Vuḍḍhapabbajitavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਰੋਜਮਲ੍ਲਾਦਿવਤ੍ਥੁਕਥਾવਣ੍ਣਨਾ • Rojamallādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੩. ਰੋਜਮਲ੍ਲਾਦਿવਤ੍ਥੁਕਥਾ • 183. Rojamallādivatthukathā
