| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ரோஜமல்லாதி³வத்து²கதா²வண்ணனா
Rojamallādivatthukathāvaṇṇanā
301. ப³ஹுகதோ பு³த்³தே⁴ வாதி பு³த்³தே⁴ கதப³ஹுமானோதி அத்தோ². ஸோ கோ² அஹங், ப⁴ந்தே ஆனந்த³, ஞாதீனங் த³ண்ட³ப⁴யதஜ்ஜிதோ அஹோஸிந்தி ஸேஸோ. ஏவஞ்ஹி ஸதி ‘‘ஏவாஹ’’ந்தி புன அஹங்-க³ஹணங் யுஜ்ஜதி. விவரீதி ‘‘விவரதூ’’தி சிந்தாமத்தேன விவரி, ந உட்டா²ய ஹத்தே²ன.
301.Bahukato buddhe vāti buddhe katabahumānoti attho. So kho ahaṃ, bhante ānanda, ñātīnaṃ daṇḍabhayatajjito ahosinti seso. Evañhi sati ‘‘evāha’’nti puna ahaṃ-gahaṇaṃ yujjati. Vivarīti ‘‘vivaratū’’ti cintāmattena vivari, na uṭṭhāya hatthena.
303. அஞ்ஞதரோதி ஸுப⁴த்³தோ³ வுட்³ட⁴பப்³ப³ஜிதோ. த்³வே தா³ரகாதி ஸாமணேரபூ⁴மியங் டி²தா த்³வே புத்தா. நாளியாவாபகேனாதி நாளியா சேவ த²விகாய ச. ஸங்ஹரத² இமேஹி பா⁴ஜனேஹி தண்டு³லாதீ³னி ஸங்கட்³ட⁴தா²தி அத்தோ². பு⁴ஸாகா³ரேதி பலாலமயே அகா³ரே, பலாலபுஞ்ஜங் அப்³ப⁴ந்தரதோ பலாலங் ஸங்கட்³டி⁴த்வா அகா³ரங் கதங் ஹோதி, தத்தா²தி அத்தோ².
303.Aññataroti subhaddo vuḍḍhapabbajito. Dve dārakāti sāmaṇerabhūmiyaṃ ṭhitā dve puttā. Nāḷiyāvāpakenāti nāḷiyā ceva thavikāya ca. Saṃharatha imehi bhājanehi taṇḍulādīni saṅkaḍḍhathāti attho. Bhusāgāreti palālamaye agāre, palālapuñjaṃ abbhantarato palālaṃ saṅkaḍḍhitvā agāraṃ kataṃ hoti, tatthāti attho.
ரோஜமல்லாதி³வத்து²கதா²வண்ணனா நிட்டி²தா.
Rojamallādivatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
183. ரோஜமல்லவத்து² • 183. Rojamallavatthu
184. வுட்³ட⁴பப்³ப³ஜிதவத்து² • 184. Vuḍḍhapabbajitavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ரோஜமல்லாதி³வத்து²கதா² • Rojamallādivatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
ரோஜமல்லவத்து²கதா²வண்ணனா • Rojamallavatthukathāvaṇṇanā
வுட்³ட⁴பப்³ப³ஜிதவத்து²கதா²வண்ணனா • Vuḍḍhapabbajitavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 183. ரோஜமல்லாதி³வத்து²கதா² • 183. Rojamallādivatthukathā
