| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
โรชมลฺลาทิวตฺถุกถาวณฺณนา
Rojamallādivatthukathāvaṇṇanā
๓๐๑. พหุกโต พุเทฺธ วาติ พุเทฺธ กตพหุมาโนติ อโตฺถฯ โส โข อหํ, ภเนฺต อานนฺท, ญาตีนํ ทณฺฑภยตชฺชิโต อโหสินฺติ เสโสฯ เอวญฺหิ สติ ‘‘เอวาห’’นฺติ ปุน อหํ-คหณํ ยุชฺชติฯ วิวรีติ ‘‘วิวรตู’’ติ จินฺตามเตฺตน วิวริ, น อุฎฺฐาย หเตฺถนฯ
301.Bahukato buddhe vāti buddhe katabahumānoti attho. So kho ahaṃ, bhante ānanda, ñātīnaṃ daṇḍabhayatajjito ahosinti seso. Evañhi sati ‘‘evāha’’nti puna ahaṃ-gahaṇaṃ yujjati. Vivarīti ‘‘vivaratū’’ti cintāmattena vivari, na uṭṭhāya hatthena.
๓๐๓. อญฺญตโรติ สุภโทฺท วุฑฺฒปพฺพชิโตฯ เทฺว ทารกาติ สามเณรภูมิยํ ฐิตา เทฺว ปุตฺตาฯ นาฬิยาวาปเกนาติ นาฬิยา เจว ถวิกาย จฯ สํหรถ อิเมหิ ภาชเนหิ ตณฺฑุลาทีนิ สงฺกฑฺฒถาติ อโตฺถฯ ภุสาคาเรติ ปลาลมเย อคาเร, ปลาลปุญฺชํ อพฺภนฺตรโต ปลาลํ สงฺกฑฺฒิตฺวา อคารํ กตํ โหติ, ตตฺถาติ อโตฺถฯ
303.Aññataroti subhaddo vuḍḍhapabbajito. Dve dārakāti sāmaṇerabhūmiyaṃ ṭhitā dve puttā. Nāḷiyāvāpakenāti nāḷiyā ceva thavikāya ca. Saṃharatha imehi bhājanehi taṇḍulādīni saṅkaḍḍhathāti attho. Bhusāgāreti palālamaye agāre, palālapuñjaṃ abbhantarato palālaṃ saṅkaḍḍhitvā agāraṃ kataṃ hoti, tatthāti attho.
โรชมลฺลาทิวตฺถุกถาวณฺณนา นิฎฺฐิตาฯ
Rojamallādivatthukathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๘๓. โรชมลฺลวตฺถุ • 183. Rojamallavatthu
๑๘๔. วุฑฺฒปพฺพชิตวตฺถุ • 184. Vuḍḍhapabbajitavatthu
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / โรชมลฺลาทิวตฺถุกถา • Rojamallādivatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
โรชมลฺลวตฺถุกถาวณฺณนา • Rojamallavatthukathāvaṇṇanā
วุฑฺฒปพฺพชิตวตฺถุกถาวณฺณนา • Vuḍḍhapabbajitavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๘๓. โรชมลฺลาทิวตฺถุกถา • 183. Rojamallādivatthukathā
