| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ရောဇမလ္လာဒိဝတ္ထုကထာဝဏ္ဏနာ
Rojamallādivatthukathāvaṇṇanā
၃၀၁. ဗဟုကတော ဗုဒ္ဓေ ဝာတိ ဗုဒ္ဓေ ကတဗဟုမာနောတိ အတ္ထော။ သော ခော အဟံ, ဘန္တေ အာနန္ဒ, ဉာတီနံ ဒဏ္ဍဘယတဇ္ဇိတော အဟောသိန္တိ သေသော။ ဧဝဉ္ဟိ သတိ ‘‘ဧဝာဟ’’န္တိ ပုန အဟံ-ဂဟဏံ ယုဇ္ဇတိ။ ဝိဝရီတိ ‘‘ဝိဝရတူ’’တိ စိန္တာမတ္တေန ဝိဝရိ, န ဥဋ္ဌာယ ဟတ္ထေန။
301.Bahukato buddhe vāti buddhe katabahumānoti attho. So kho ahaṃ, bhante ānanda, ñātīnaṃ daṇḍabhayatajjito ahosinti seso. Evañhi sati ‘‘evāha’’nti puna ahaṃ-gahaṇaṃ yujjati. Vivarīti ‘‘vivaratū’’ti cintāmattena vivari, na uṭṭhāya hatthena.
၃၀၃. အညတရောတိ သုဘဒ္ဒော ဝုဍ္ဎပဗ္ဗဇိတော။ ဒ္ဝေ ဒာရကာတိ သာမဏေရဘူမိယံ ဌိတာ ဒ္ဝေ ပုတ္တာ။ နာဠိယာဝာပကေနာတိ နာဠိယာ စေဝ ထဝိကာယ စ။ သံဟရထ ဣမေဟိ ဘာဇနေဟိ တဏ္ဍုလာဒီနိ သင္ကဍ္ဎထာတိ အတ္ထော။ ဘုသာဂာရေတိ ပလာလမယေ အဂာရေ, ပလာလပုဉ္ဇံ အဗ္ဘန္တရတော ပလာလံ သင္ကဍ္ဎိတ္ဝာ အဂာရံ ကတံ ဟောတိ, တတ္ထာတိ အတ္ထော။
303.Aññataroti subhaddo vuḍḍhapabbajito. Dve dārakāti sāmaṇerabhūmiyaṃ ṭhitā dve puttā. Nāḷiyāvāpakenāti nāḷiyā ceva thavikāya ca. Saṃharatha imehi bhājanehi taṇḍulādīni saṅkaḍḍhathāti attho. Bhusāgāreti palālamaye agāre, palālapuñjaṃ abbhantarato palālaṃ saṅkaḍḍhitvā agāraṃ kataṃ hoti, tatthāti attho.
ရောဇမလ္လာဒိဝတ္ထုကထာဝဏ္ဏနာ နိဋ္ဌိတာ။
Rojamallādivatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၈၃. ရောဇမလ္လဝတ္ထု • 183. Rojamallavatthu
၁၈၄. ဝုဍ္ဎပဗ္ဗဇိတဝတ္ထု • 184. Vuḍḍhapabbajitavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ရောဇမလ္လာဒိဝတ္ထုကထာ • Rojamallādivatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā
ရောဇမလ္လဝတ္ထုကထာဝဏ္ဏနာ • Rojamallavatthukathāvaṇṇanā
ဝုဍ္ဎပဗ္ဗဇိတဝတ္ထုကထာဝဏ္ဏနာ • Vuḍḍhapabbajitavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၈၃. ရောဇမလ္လာဒိဝတ္ထုကထာ • 183. Rojamallādivatthukathā
