| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
183. рож̇амаллавад̇т̇у
183. Rojamallavatthu
301. ат̇а ко бхаг̇аваа аабан̣з яат̇аабхиранд̇ам̣ вихарид̇ваа язна гусинаараа д̇зна жааригам̣ баггаами махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхи. ассосум̣ ко госинаарагаа маллаа – ‘‘бхаг̇аваа гира гусинаарам̣ ааг̇ажчад̇и махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхий’’д̇и. д̇з сан̇г̇арам̣ 1 агам̣су – ‘‘яо бхаг̇авад̇о бажжуг̇г̇аманам̣ на гариссад̇и, бан̃жасад̇аанисса д̣̇ан̣д̣о’’д̇и. д̇зна ко бана самаязна рож̇о малло ааяасмад̇о аананд̣̇асса сахааяо ход̇и. ат̇а ко бхаг̇аваа анубуб̣б̣зна жааригам̣ жарамаано язна гусинаараа д̇ад̣̇авасари. ат̇а ко госинаарагаа маллаа бхаг̇авад̇о бажжуг̇г̇аманам̣ агам̣су. ат̇а ко рож̇о малло бхаг̇авад̇о бажжуг̇г̇аманам̣ гарид̇ваа язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко рож̇ам̣ маллам̣ ааяасмаа аананд̣̇о зд̇ад̣̇авожа – ‘‘ул̣аарам̣ ко д̇з ид̣̇ам̣, аавусо рож̇а, яам̣ д̇вам̣ бхаг̇авад̇о бажжуг̇г̇аманам̣ агаасий’’д̇и. ‘‘наахам̣, бханд̇з аананд̣̇а, б̣ахугад̇о б̣уд̣̇д̇хз ваа д̇хаммз ваа сан̇гхз ваа; аби жа н̃аад̇ийхи сан̇г̇аро гад̇о – ‘яо бхаг̇авад̇о бажжуг̇г̇аманам̣ на гариссад̇и, бан̃жасад̇аанисса д̣̇ан̣д̣о’’’д̇и; со ко ахам̣, бханд̇з аананд̣̇а, н̃аад̇ийнам̣ д̣̇ан̣д̣абхаяаа зваахам̣ бхаг̇авад̇о бажжуг̇г̇аманам̣ агаасинд̇и. ат̇а ко ааяасмаа аананд̣̇о анад̇д̇амано ахоси’ гат̇ан̃хи наама рож̇о малло звам̣ вагкад̇ий’д̇и? ат̇а ко ааяасмаа аананд̣̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘аяам̣, бханд̇з, рож̇о малло абхин̃н̃аад̇о н̃аад̇амануссо. махад̇т̇иго ко бана зваруубаанам̣ н̃аад̇амануссаанам̣ имасмим̣ д̇хаммавинаяз басаад̣̇о. саад̇ху, бханд̇з, бхаг̇аваа д̇ат̇аа гарод̇у, яат̇аа рож̇о малло имасмим̣ д̇хаммавинаяз басийд̣̇зяяаа’’д̇и. ‘‘на ко д̇ам̣, аананд̣̇а, д̣̇уггарам̣ д̇ат̇ааг̇ад̇зна, яат̇аа рож̇о малло имасмим̣ д̇хаммавинаяз басийд̣̇зяяаа’’д̇и.
301. Atha kho bhagavā āpaṇe yathābhirantaṃ viharitvā yena kusinārā tena cārikaṃ pakkāmi mahatā bhikkhusaṅghena saddhiṃ aḍḍhatelasehi bhikkhusatehi. Assosuṃ kho kosinārakā mallā – ‘‘bhagavā kira kusināraṃ āgacchati mahatā bhikkhusaṅghena saddhiṃ aḍḍhatelasehi bhikkhusatehī’’ti. Te saṅgaraṃ 2 akaṃsu – ‘‘yo bhagavato paccuggamanaṃ na karissati, pañcasatānissa daṇḍo’’ti. Tena kho pana samayena rojo mallo āyasmato ānandassa sahāyo hoti. Atha kho bhagavā anupubbena cārikaṃ caramāno yena kusinārā tadavasari. Atha kho kosinārakā mallā bhagavato paccuggamanaṃ akaṃsu. Atha kho rojo mallo bhagavato paccuggamanaṃ karitvā yenāyasmā ānando tenupasaṅkami, upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhitaṃ kho rojaṃ mallaṃ āyasmā ānando etadavoca – ‘‘uḷāraṃ kho te idaṃ, āvuso roja, yaṃ tvaṃ bhagavato paccuggamanaṃ akāsī’’ti. ‘‘Nāhaṃ, bhante ānanda, bahukato buddhe vā dhamme vā saṅghe vā; api ca ñātīhi saṅgaro kato – ‘yo bhagavato paccuggamanaṃ na karissati, pañcasatānissa daṇḍo’’’ti; so kho ahaṃ, bhante ānanda, ñātīnaṃ daṇḍabhayā evāhaṃ bhagavato paccuggamanaṃ akāsinti. Atha kho āyasmā ānando anattamano ahosi’ kathañhi nāma rojo mallo evaṃ vakkhatī’ti? Atha kho āyasmā ānando yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘ayaṃ, bhante, rojo mallo abhiññāto ñātamanusso. Mahatthiko kho pana evarūpānaṃ ñātamanussānaṃ imasmiṃ dhammavinaye pasādo. Sādhu, bhante, bhagavā tathā karotu, yathā rojo mallo imasmiṃ dhammavinaye pasīdeyyā’’ti. ‘‘Na kho taṃ, ānanda, dukkaraṃ tathāgatena, yathā rojo mallo imasmiṃ dhammavinaye pasīdeyyā’’ti.
ат̇а ко бхаг̇аваа рож̇ам̣ маллам̣ мзд̇д̇зна жид̇д̇зна парид̇ваа удтааяаасанаа вихаарам̣ баависи. ат̇а ко рож̇о малло бхаг̇авад̇о мзд̇д̇зна жид̇д̇зна пудто, сзяяат̇ааби наама г̇аавим̣ д̇арун̣аважчо, звамзва, вихаарзна вихаарам̣ баривзн̣зна баривзн̣ам̣ убасан̇гамид̇ваа бхигкуу бужчад̇и – ‘‘гахам̣ ну ко, бханд̇з, зд̇арахи со бхаг̇аваа вихарад̇и арахам̣ саммаасамб̣уд̣̇д̇хо, д̣̇ассанагаамаа хи маяам̣ д̇ам̣ бхаг̇аванд̇ам̣ араханд̇ам̣ саммаасамб̣уд̣̇д̇ха’’нд̇и. ‘‘зсаавусо рож̇а, вихааро сам̣вуд̇ад̣̇вааро, д̇зна аббасад̣̇д̣̇о убасан̇гамид̇ваа ад̇арамаано аал̣инд̣̇ам̣ бависид̇ваа уггаасид̇ваа аг̇г̇ал̣ам̣ аагодзхи, вивариссад̇и д̇з бхаг̇аваа д̣̇ваара’’нд̇и. ат̇а ко рож̇о малло язна со вихааро сам̣вуд̇ад̣̇вааро, д̇зна аббасад̣̇д̣̇о убасан̇гамид̇ваа ад̇арамаано аал̣инд̣̇ам̣ бависид̇ваа уггаасид̇ваа аг̇г̇ал̣ам̣ аагодзси. вивари бхаг̇аваа д̣̇ваарам̣. ат̇а ко рож̇о малло вихаарам̣ бависид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннасса ко рож̇асса малласса бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣…бз… абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘саад̇ху, бханд̇з, аяяаа маман̃н̃зва бадиг̇г̇ан̣хзяяум̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣, но ан̃н̃зса’’нд̇и. ‘‘язсам̣ ко, рож̇а, сзгкзна н̃аан̣зна сзгкзна д̣̇ассанзна д̇хаммо д̣̇идто сзяяат̇ааби д̇аяаа, д̇зсамби звам̣ ход̇и – ‘ахо нууна аяяаа амхааган̃н̃зва бадиг̇г̇ан̣хзяяум̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣, но ан̃н̃зса’нд̇и. д̇зна хи, рож̇а, д̇ава жзва бадиг̇г̇ахиссанд̇и ан̃н̃зсан̃жаа’’д̇и.
Atha kho bhagavā rojaṃ mallaṃ mettena cittena pharitvā uṭṭhāyāsanā vihāraṃ pāvisi. Atha kho rojo mallo bhagavato mettena cittena phuṭṭho, seyyathāpi nāma gāviṃ taruṇavaccho, evameva, vihārena vihāraṃ pariveṇena pariveṇaṃ upasaṅkamitvā bhikkhū pucchati – ‘‘kahaṃ nu kho, bhante, etarahi so bhagavā viharati arahaṃ sammāsambuddho, dassanakāmā hi mayaṃ taṃ bhagavantaṃ arahantaṃ sammāsambuddha’’nti. ‘‘Esāvuso roja, vihāro saṃvutadvāro, tena appasaddo upasaṅkamitvā ataramāno āḷindaṃ pavisitvā ukkāsitvā aggaḷaṃ ākoṭehi, vivarissati te bhagavā dvāra’’nti. Atha kho rojo mallo yena so vihāro saṃvutadvāro, tena appasaddo upasaṅkamitvā ataramāno āḷindaṃ pavisitvā ukkāsitvā aggaḷaṃ ākoṭesi. Vivari bhagavā dvāraṃ. Atha kho rojo mallo vihāraṃ pavisitvā bhagavantaṃ abhivādetvā ekamantaṃ nisīdi. Ekamantaṃ nisinnassa kho rojassa mallassa bhagavā anupubbiṃ kathaṃ kathesi, seyyathidaṃ – dānakathaṃ…pe… aparappaccayo satthusāsane bhagavantaṃ etadavoca – ‘‘sādhu, bhante, ayyā mamaññeva paṭiggaṇheyyuṃ cīvarapiṇḍapātasenāsanagilānappaccayabhesajjaparikkhāraṃ, no aññesa’’nti. ‘‘Yesaṃ kho, roja, sekkhena ñāṇena sekkhena dassanena dhammo diṭṭho seyyathāpi tayā, tesampi evaṃ hoti – ‘aho nūna ayyā amhākaññeva paṭiggaṇheyyuṃ cīvarapiṇḍapātasenāsanagilānappaccayabhesajjaparikkhāraṃ, no aññesa’nti. Tena hi, roja, tava ceva paṭiggahissanti aññesañcā’’ti.
302. д̇зна ко бана самаязна гусинаарааяам̣ бан̣ийд̇аанам̣ бхад̇д̇аанам̣ бхад̇д̇абадибаади адтид̇аа ход̇и. ат̇а ко рож̇асса малласса бадибаадим̣ алабханд̇асса зд̇ад̣̇ахоси – ‘‘яам̣нуунаахам̣ бхад̇д̇аг̇г̇ам̣ ологзяяам̣, яам̣ бхад̇д̇аг̇г̇з наасса, д̇ам̣ бадияаад̣̇зяяа’’нд̇и. ат̇а ко рож̇о малло бхад̇д̇аг̇г̇ам̣ ологзнд̇о д̣̇вз наад̣̇д̣̇аса – д̣ааган̃жа бидтакаад̣̇анийяан̃жа. ат̇а ко рож̇о малло язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘ид̇ха мз, бханд̇з аананд̣̇а, бадибаадим̣ алабханд̇асса зд̇ад̣̇ахоси – ‘яам̣нуунаахам̣ бхад̇д̇аг̇г̇ам̣ ологзяяам̣, яам̣ бхад̇д̇аг̇г̇з наасса, д̇ам̣ бадияаад̣̇зяяа’нд̇и. со ко ахам̣, бханд̇з аананд̣̇а, бхад̇д̇аг̇г̇ам̣ ологзнд̇о д̣̇вз наад̣̇д̣̇асам̣ – д̣ааган̃жа бидтакаад̣̇анийяан̃жа. сажаахам̣, бханд̇з аананд̣̇а, бадияаад̣̇зяяам̣ д̣ааган̃жа бидтакаад̣̇анийяан̃жа, бадиг̇г̇ан̣хзяяа мз бхаг̇аваа’’д̇и? ‘‘д̇зна хи, рож̇а, бхаг̇аванд̇ам̣ бадибужчиссаамий’’д̇и. ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. ‘‘д̇зна хаананд̣̇а, бадияаад̣̇зд̇уу’’д̇и. ‘‘д̇зна хи, рож̇а, бадияаад̣̇зхий’’д̇и. ат̇а ко рож̇о малло д̇ассаа рад̇д̇ияаа ажжаязна бахууд̇ам̣ д̣ааган̃жа бидтакаад̣̇анийяан̃жа бадияаад̣̇аабзд̇ваа бхаг̇авад̇о убанаамзси ‘‘бадиг̇г̇ан̣хаад̇у мз, бханд̇з, бхаг̇аваа д̣ааган̃жа бидтакаад̣̇анийяан̃жаа’’д̇и. ‘‘д̇зна хи, рож̇а, бхигкуунам̣ д̣̇зхий’’д̇и. ат̇а ко рож̇о малло бхигкуунам̣ д̣̇зд̇и. бхигкуу гуггужжааяанд̇аа на бадиг̇г̇ан̣ханд̇и . ‘‘бадиг̇г̇ан̣хат̇а, бхигкавз, барибхун̃ж̇ат̇аа’’д̇и. ат̇а ко рож̇о малло б̣уд̣̇д̇хаббамукам̣ бхигкусан̇гхам̣ бахууд̇зхи д̣аагзхи жа бидтакаад̣̇анийязхи жа сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ д̇ход̇ахад̇т̇ам̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко рож̇ам̣ маллам̣ бхаг̇аваа д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, саб̣б̣ан̃жа д̣аагам̣ саб̣б̣ан̃жа бидтакаад̣̇анийяа’’нд̇и.
302. Tena kho pana samayena kusinārāyaṃ paṇītānaṃ bhattānaṃ bhattapaṭipāṭi aṭṭhitā hoti. Atha kho rojassa mallassa paṭipāṭiṃ alabhantassa etadahosi – ‘‘yaṃnūnāhaṃ bhattaggaṃ olokeyyaṃ, yaṃ bhattagge nāssa, taṃ paṭiyādeyya’’nti. Atha kho rojo mallo bhattaggaṃ olokento dve nāddasa – ḍākañca piṭṭhakhādanīyañca. Atha kho rojo mallo yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca – ‘‘idha me, bhante ānanda, paṭipāṭiṃ alabhantassa etadahosi – ‘yaṃnūnāhaṃ bhattaggaṃ olokeyyaṃ, yaṃ bhattagge nāssa, taṃ paṭiyādeyya’nti. So kho ahaṃ, bhante ānanda, bhattaggaṃ olokento dve nāddasaṃ – ḍākañca piṭṭhakhādanīyañca. Sacāhaṃ, bhante ānanda, paṭiyādeyyaṃ ḍākañca piṭṭhakhādanīyañca, paṭiggaṇheyya me bhagavā’’ti? ‘‘Tena hi, roja, bhagavantaṃ paṭipucchissāmī’’ti. Atha kho āyasmā ānando bhagavato etamatthaṃ ārocesi. ‘‘Tena hānanda, paṭiyādetū’’ti. ‘‘Tena hi, roja, paṭiyādehī’’ti. Atha kho rojo mallo tassā rattiyā accayena pahūtaṃ ḍākañca piṭṭhakhādanīyañca paṭiyādāpetvā bhagavato upanāmesi ‘‘paṭiggaṇhātu me, bhante, bhagavā ḍākañca piṭṭhakhādanīyañcā’’ti. ‘‘Tena hi, roja, bhikkhūnaṃ dehī’’ti. Atha kho rojo mallo bhikkhūnaṃ deti. Bhikkhū kukkuccāyantā na paṭiggaṇhanti . ‘‘Paṭiggaṇhatha, bhikkhave, paribhuñjathā’’ti. Atha kho rojo mallo buddhappamukhaṃ bhikkhusaṅghaṃ pahūtehi ḍākehi ca piṭṭhakhādanīyehi ca sahatthā santappetvā sampavāretvā bhagavantaṃ dhotahatthaṃ onītapattapāṇiṃ ekamantaṃ nisīdi. Ekamantaṃ nisinnaṃ kho rojaṃ mallaṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, sabbañca ḍākaṃ sabbañca piṭṭhakhādanīya’’nti.
рож̇амаллавад̇т̇у нидтид̇ам̣.
Rojamallavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рож̇амаллаад̣̇ивад̇т̇угат̇аа • Rojamallādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рож̇амаллавад̇т̇угат̇ааван̣н̣анаа • Rojamallavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / рож̇амаллаад̣̇ивад̇т̇угат̇ааван̣н̣анаа • Rojamallādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 183. рож̇амаллаад̣̇ивад̇т̇угат̇аа • 183. Rojamallādivatthukathā
