| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ရောဇမလ္လဝတ္ထုကထာဝဏ္ဏနာ
Rojamallavatthukathāvaṇṇanā
၃၀၁. ရောဇဝတ္ထုမ္ဟိ ဝိဟာရောတိ ဂန္ဓကုဋိံ သန္ဓာယ အာဟံသု။ အတရမာနောတိ အတုရန္တော, သဏိကံ ပဒပ္ပမာဏဋ္ဌာနေ ပဒံ နိက္ခိပန္တော ဝတ္တံ ကတ္ဝာ သုသမ္မဋ္ဌံ မုတ္တာဒလသိန္ဒုဝာရသန္ထရသဒိသံ ဝာလိကံ အဝိနာသေန္တောတိ အတ္ထော။ အာဠိန္ဒန္တိ ပမုခံ။ ဥက္ကာသိတ္ဝာတိ ဥက္ကာသိတသဒ္ဒံ ကတ္ဝာ။ အဂ္ဂဠန္တိ ကဝာဋံ။ အာကောဋေဟီတိ အဂ္ဂနခေန ဤသကံ ကုဉ္စိကဆိဒ္ဒသမီပေ ကောဋေဟီတိ ဝုတ္တံ ဟောတိ။ ဒ္ဝာရံ ကိရ အတိဥပရိ အမနုသ္သာ, အတိဟေဋ္ဌာ တိရစ္ဆာနဇာတိကာ ကောဋေန္တိ, တထာ အကောဋေတ္ဝာ မဇ္ဈေ ဆိဒ္ဒသမီပေ မနုသ္သာ ကောဋေန္တိ, ဣဒံ ဒ္ဝာရကောဋကဝတ္တန္တိ ဒီပေန္တာ ဝဒန္တိ။ ဝိဝရိ ဘဂဝာ ဒ္ဝာရန္တိ န ဘဂဝာ ဥဋ္ဌာယ ဒ္ဝာရံ ဝိဝရိ, ဝိဝရတူတိ ပန ဟတ္ထံ ပသာရေသိ။ တတော ‘‘ဘဂဝာ တုမ္ဟေဟိ အနေကာသု ကပ္ပကောဋီသု ဒာနံ ဒဒမာနေဟိ န သဟတ္ထာ ဒ္ဝာရဝိဝရဏကမ္မံ ကတ’’န္တိ သယမေဝ ဒ္ဝာရံ ဝိဝဋံ။ တံ ပန ယသ္မာ ဘဂဝတော မနေန ဝိဝဋံ, တသ္မာ ‘‘ဝိဝရိ ဘဂဝာ ဒ္ဝာရ’’န္တိ ဝုတ္တံ။
301. Rojavatthumhi vihāroti gandhakuṭiṃ sandhāya āhaṃsu. Ataramānoti aturanto, saṇikaṃ padappamāṇaṭṭhāne padaṃ nikkhipanto vattaṃ katvā susammaṭṭhaṃ muttādalasinduvārasantharasadisaṃ vālikaṃ avināsentoti attho. Āḷindanti pamukhaṃ. Ukkāsitvāti ukkāsitasaddaṃ katvā. Aggaḷanti kavāṭaṃ. Ākoṭehīti agganakhena īsakaṃ kuñcikachiddasamīpe koṭehīti vuttaṃ hoti. Dvāraṃ kira atiupari amanussā, atiheṭṭhā tiracchānajātikā koṭenti, tathā akoṭetvā majjhe chiddasamīpe manussā koṭenti, idaṃ dvārakoṭakavattanti dīpentā vadanti. Vivaribhagavā dvāranti na bhagavā uṭṭhāya dvāraṃ vivari, vivaratūti pana hatthaṃ pasāresi. Tato ‘‘bhagavā tumhehi anekāsu kappakoṭīsu dānaṃ dadamānehi na sahatthā dvāravivaraṇakammaṃ kata’’nti sayameva dvāraṃ vivaṭaṃ. Taṃ pana yasmā bhagavato manena vivaṭaṃ, tasmā ‘‘vivari bhagavā dvāra’’nti vuttaṃ.
ရောဇမလ္လဝတ္ထုကထာဝဏ္ဏနာ နိဋ္ဌိတာ။
Rojamallavatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၈၃. ရောဇမလ္လဝတ္ထု • 183. Rojamallavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ရောဇမလ္လာဒိဝတ္ထုကထာ • Rojamallādivatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ရောဇမလ္လာဒိဝတ္ထုကထာဝဏ္ဏနာ • Rojamallādivatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၈၃. ရောဇမလ္လာဒိဝတ္ထုကထာ • 183. Rojamallādivatthukathā
