| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਰੋਜਮਲ੍ਲવਤ੍ਥੁਕਥਾવਣ੍ਣਨਾ
Rojamallavatthukathāvaṇṇanā
੩੦੧. ਰੋਜવਤ੍ਥੁਮ੍ਹਿ વਿਹਾਰੋਤਿ ਗਨ੍ਧਕੁਟਿਂ ਸਨ੍ਧਾਯ ਆਹਂਸੁ। ਅਤਰਮਾਨੋਤਿ ਅਤੁਰਨ੍ਤੋ, ਸਣਿਕਂ ਪਦਪ੍ਪਮਾਣਟ੍ਠਾਨੇ ਪਦਂ ਨਿਕ੍ਖਿਪਨ੍ਤੋ વਤ੍ਤਂ ਕਤ੍વਾ ਸੁਸਮ੍ਮਟ੍ਠਂ ਮੁਤ੍ਤਾਦਲਸਿਨ੍ਦੁવਾਰਸਨ੍ਥਰਸਦਿਸਂ વਾਲਿਕਂ ਅવਿਨਾਸੇਨ੍ਤੋਤਿ ਅਤ੍ਥੋ। ਆਲ਼ਿਨ੍ਦਨ੍ਤਿ ਪਮੁਖਂ। ਉਕ੍ਕਾਸਿਤ੍વਾਤਿ ਉਕ੍ਕਾਸਿਤਸਦ੍ਦਂ ਕਤ੍વਾ। ਅਗ੍ਗਲ਼ਨ੍ਤਿ ਕવਾਟਂ। ਆਕੋਟੇਹੀਤਿ ਅਗ੍ਗਨਖੇਨ ਈਸਕਂ ਕੁਞ੍ਚਿਕਛਿਦ੍ਦਸਮੀਪੇ ਕੋਟੇਹੀਤਿ વੁਤ੍ਤਂ ਹੋਤਿ। ਦ੍વਾਰਂ ਕਿਰ ਅਤਿਉਪਰਿ ਅਮਨੁਸ੍ਸਾ, ਅਤਿਹੇਟ੍ਠਾ ਤਿਰਚ੍ਛਾਨਜਾਤਿਕਾ ਕੋਟੇਨ੍ਤਿ, ਤਥਾ ਅਕੋਟੇਤ੍વਾ ਮਜ੍ਝੇ ਛਿਦ੍ਦਸਮੀਪੇ ਮਨੁਸ੍ਸਾ ਕੋਟੇਨ੍ਤਿ, ਇਦਂ ਦ੍વਾਰਕੋਟਕવਤ੍ਤਨ੍ਤਿ ਦੀਪੇਨ੍ਤਾ વਦਨ੍ਤਿ। વਿવਰਿ ਭਗવਾ ਦ੍વਾਰਨ੍ਤਿ ਨ ਭਗવਾ ਉਟ੍ਠਾਯ ਦ੍વਾਰਂ વਿવਰਿ, વਿવਰਤੂਤਿ ਪਨ ਹਤ੍ਥਂ ਪਸਾਰੇਸਿ। ਤਤੋ ‘‘ਭਗવਾ ਤੁਮ੍ਹੇਹਿ ਅਨੇਕਾਸੁ ਕਪ੍ਪਕੋਟੀਸੁ ਦਾਨਂ ਦਦਮਾਨੇਹਿ ਨ ਸਹਤ੍ਥਾ ਦ੍વਾਰવਿવਰਣਕਮ੍ਮਂ ਕਤ’’ਨ੍ਤਿ ਸਯਮੇવ ਦ੍વਾਰਂ વਿવਟਂ। ਤਂ ਪਨ ਯਸ੍ਮਾ ਭਗવਤੋ ਮਨੇਨ વਿવਟਂ, ਤਸ੍ਮਾ ‘‘વਿવਰਿ ਭਗવਾ ਦ੍વਾਰ’’ਨ੍ਤਿ વੁਤ੍ਤਂ।
301. Rojavatthumhi vihāroti gandhakuṭiṃ sandhāya āhaṃsu. Ataramānoti aturanto, saṇikaṃ padappamāṇaṭṭhāne padaṃ nikkhipanto vattaṃ katvā susammaṭṭhaṃ muttādalasinduvārasantharasadisaṃ vālikaṃ avināsentoti attho. Āḷindanti pamukhaṃ. Ukkāsitvāti ukkāsitasaddaṃ katvā. Aggaḷanti kavāṭaṃ. Ākoṭehīti agganakhena īsakaṃ kuñcikachiddasamīpe koṭehīti vuttaṃ hoti. Dvāraṃ kira atiupari amanussā, atiheṭṭhā tiracchānajātikā koṭenti, tathā akoṭetvā majjhe chiddasamīpe manussā koṭenti, idaṃ dvārakoṭakavattanti dīpentā vadanti. Vivaribhagavā dvāranti na bhagavā uṭṭhāya dvāraṃ vivari, vivaratūti pana hatthaṃ pasāresi. Tato ‘‘bhagavā tumhehi anekāsu kappakoṭīsu dānaṃ dadamānehi na sahatthā dvāravivaraṇakammaṃ kata’’nti sayameva dvāraṃ vivaṭaṃ. Taṃ pana yasmā bhagavato manena vivaṭaṃ, tasmā ‘‘vivari bhagavā dvāra’’nti vuttaṃ.
ਰੋਜਮਲ੍ਲવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Rojamallavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੮੩. ਰੋਜਮਲ੍ਲવਤ੍ਥੁ • 183. Rojamallavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਰੋਜਮਲ੍ਲਾਦਿવਤ੍ਥੁਕਥਾ • Rojamallādivatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਰੋਜਮਲ੍ਲਾਦਿવਤ੍ਥੁਕਥਾવਣ੍ਣਨਾ • Rojamallādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੩. ਰੋਜਮਲ੍ਲਾਦਿવਤ੍ਥੁਕਥਾ • 183. Rojamallādivatthukathā
