| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
5. рухагаваг̇г̇о
5. Ruhakavaggo
[191] 1. рухагаж̇аад̇агаван̣н̣анаа
[191] 1. Ruhakajātakavaṇṇanā
аби рухага чиннаабийд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. вад̇т̇у адтаганибаад̇з инд̣̇рияаж̇аад̇агз (ж̇аа. 1.8.60 аад̣̇аяо) аавибхависсад̇и. сад̇т̇аа бана д̇ам̣ бхигкум̣ ‘‘аяам̣ д̇з бхигку ид̇т̇ий анад̇т̇агааригаа, буб̣б̣зби д̇з зсаа сарааж̇игааяа барисааяа маж̇жхз лаж̇ж̇аабзд̇ваа г̇зхаа нигкаманаагаарам̣ гаарзсий’’д̇и вад̇ваа д̇зна яаажид̇о ад̇ийд̇ам̣ аахари.
Apiruhaka chinnāpīti idaṃ satthā jetavane viharanto purāṇadutiyikāpalobhanaṃ ārabbha kathesi. Vatthu aṭṭhakanipāte indriyajātake (jā. 1.8.60 ādayo) āvibhavissati. Satthā pana taṃ bhikkhuṃ ‘‘ayaṃ te bhikkhu itthī anatthakārikā, pubbepi te esā sarājikāya parisāya majjhe lajjāpetvā gehā nikkhamanākāraṃ kāresī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇ид̇ваа ваяаббад̇д̇о бид̇у ажжаязна раж̇ж̇з бад̇идтааяа д̇хаммзна раж̇ж̇ам̣ гаарзси. д̇асса рухаго наама бурохид̇о ахоси, д̇асса бураан̣ий наама б̣раахман̣ий бхарияаа. рааж̇аа б̣раахман̣асса ассабхан̣д̣агзна алан̇гарид̇ваа ассам̣ ад̣̇ааси. со д̇ам̣ ассам̣ ааруяха ран̃н̃о убадтаанам̣ г̇ажчад̇и. ат̇а нам̣ алан̇гад̇аассасса бидтз нисийд̣̇ид̇ваа г̇ажчанд̇ам̣ ааг̇ажчанд̇ан̃жа д̣̇исваа д̇ахим̣ д̇ахим̣ тид̇аа мануссаа ‘‘ахо ассасса руубам̣, ахо ассо собхад̇ий’’д̇и ассамзва басам̣санд̇и. со г̇зхам̣ ааг̇анд̇ваа баасаад̣̇ам̣ абхируяха бхарияам̣ ааманд̇зси – ‘‘бхад̣̇д̣̇з , амхаагам̣ ассо ад̇ивияа собхад̇и, убхосу бассзсу тид̇аа мануссаа амхаагам̣ ассамзва ван̣н̣знд̇ий’’д̇и. саа бана б̣раахман̣ий т̇огам̣ чиннигаа д̇худ̇д̇игад̇хаад̇угаа, д̇зна нам̣ звамааха – ‘‘аяяа, д̇вам̣ ассасса собханагааран̣ам̣ на ж̇аанааси, аяам̣ ассо ад̇д̇ано алан̇гад̇ам̣ ассабхан̣д̣агам̣ ниссааяа собхад̇и, сажз д̇вамби ассо вияа собхид̇угаамо ассабхан̣д̣агам̣ бил̣анд̇хид̇ваа анд̇аравийт̇им̣ оруяха ассо вияа баад̣̇з годдаяамаано г̇анд̇ваа рааж̇аанам̣ басса, рааж̇ааби д̇ам̣ ван̣н̣аяиссад̇и, мануссааби д̇ан̃н̃зва ван̣н̣аяиссанд̇ий’’д̇и.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbattitvā vayappatto pitu accayena rajje patiṭṭhāya dhammena rajjaṃ kāresi. Tassa ruhako nāma purohito ahosi, tassa purāṇī nāma brāhmaṇī bhariyā. Rājā brāhmaṇassa assabhaṇḍakena alaṅkaritvā assaṃ adāsi. So taṃ assaṃ āruyha rañño upaṭṭhānaṃ gacchati. Atha naṃ alaṅkataassassa piṭṭhe nisīditvā gacchantaṃ āgacchantañca disvā tahiṃ tahiṃ ṭhitā manussā ‘‘aho assassa rūpaṃ, aho asso sobhatī’’ti assameva pasaṃsanti. So gehaṃ āgantvā pāsādaṃ abhiruyha bhariyaṃ āmantesi – ‘‘bhadde , amhākaṃ asso ativiya sobhati, ubhosu passesu ṭhitā manussā amhākaṃ assameva vaṇṇentī’’ti. Sā pana brāhmaṇī thokaṃ chinnikā dhuttikadhātukā, tena naṃ evamāha – ‘‘ayya, tvaṃ assassa sobhanakāraṇaṃ na jānāsi, ayaṃ asso attano alaṅkataṃ assabhaṇḍakaṃ nissāya sobhati, sace tvampi asso viya sobhitukāmo assabhaṇḍakaṃ piḷandhitvā antaravīthiṃ oruyha asso viya pāde koṭṭayamāno gantvā rājānaṃ passa, rājāpi taṃ vaṇṇayissati, manussāpi taññeva vaṇṇayissantī’’ti.
со уммад̇д̇агаж̇аад̇иго б̣раахман̣о д̇ассаа важанам̣ суд̇ваа ‘‘иминаа наама гааран̣зна саа мам̣ вад̣̇ад̇ий’’д̇и аж̇аанид̇ваа д̇ат̇аасан̃н̃ий худ̇ваа д̇ат̇аа агааси. яз яз бассанд̇и, д̇з д̇з барихаасам̣ гаронд̇аа ‘‘собхад̇и аажарияо’’д̇и вад̣̇им̣су. рааж̇аа бана нам̣ ‘‘гим̣, аажарияа, бид̇д̇ам̣ д̇з губид̇ам̣ , уммад̇д̇агоси ж̇аад̇о’’д̇иаад̣̇ийни вад̇ваа лаж̇ж̇аабзси. д̇асмим̣ гаалз б̣раахман̣о ‘‘аяуд̇д̇ам̣ маяаа гад̇а’’нд̇и лаж̇ж̇ид̇о б̣раахман̣ияаа гуж̇жхид̇ваа ‘‘д̇ааяамхи сарааж̇игааяа барисааяа анд̇арз лаж̇ж̇аабид̇о, бот̇зд̇ваа д̇ам̣ ниггад̣дхиссаамий’’д̇и г̇зхам̣ аг̇амааси. д̇худ̇д̇игаб̣раахман̣ий д̇асса гуж̇жхид̇ваа ааг̇аманабхаавам̣ н̃ад̇ваа бурзд̇аран̃н̃зва жуул̣ад̣̇ваарзна нигкамид̇ваа рааж̇анивзсанам̣ г̇анд̇ваа жад̇уухабан̃жаахам̣ д̇ад̇т̇зва ахоси. рааж̇аа д̇ам̣ гааран̣ам̣ н̃ад̇ваа бурохид̇ам̣ баггосаабзд̇ваа ‘‘аажарияа, маад̇уг̇аамасса наама д̣̇осо ход̇иязва, б̣раахман̣ияаа камид̇ум̣ ваддад̇ий’’д̇и камаабанад̇т̇ааяа батамам̣ г̇аат̇амааха –
So ummattakajātiko brāhmaṇo tassā vacanaṃ sutvā ‘‘iminā nāma kāraṇena sā maṃ vadatī’’ti ajānitvā tathāsaññī hutvā tathā akāsi. Ye ye passanti, te te parihāsaṃ karontā ‘‘sobhati ācariyo’’ti vadiṃsu. Rājā pana naṃ ‘‘kiṃ, ācariya, pittaṃ te kupitaṃ , ummattakosi jāto’’tiādīni vatvā lajjāpesi. Tasmiṃ kāle brāhmaṇo ‘‘ayuttaṃ mayā kata’’nti lajjito brāhmaṇiyā kujjhitvā ‘‘tāyamhi sarājikāya parisāya antare lajjāpito, pothetvā taṃ nikkaḍḍhissāmī’’ti gehaṃ agamāsi. Dhuttikabrāhmaṇī tassa kujjhitvā āgamanabhāvaṃ ñatvā puretaraññeva cūḷadvārena nikkhamitvā rājanivesanaṃ gantvā catūhapañcāhaṃ tattheva ahosi. Rājā taṃ kāraṇaṃ ñatvā purohitaṃ pakkosāpetvā ‘‘ācariya, mātugāmassa nāma doso hotiyeva, brāhmaṇiyā khamituṃ vaṭṭatī’’ti khamāpanatthāya paṭhamaṃ gāthamāha –
81.
81.
‘‘аби рухага чиннааби, ж̇ияаа санд̇хийяад̇з буна;
‘‘Api ruhaka chinnāpi, jiyā sandhīyate puna;
санд̇хийяассу бураан̣ияаа, маа год̇хасса васам̣ г̇амий’’д̇и.
Sandhīyassu purāṇiyā, mā kodhassa vasaṃ gamī’’ti.
д̇ад̇рааяам̣ сан̇кзбад̇т̇о – бхо рухага, нану чиннааби д̇хануж̇ияаа буна санд̇хийяад̇и гхадийяад̇и, звамзва д̇вамби бураан̣ияаа сад̣̇д̇хим̣ санд̇хийяассу, год̇хасса васам̣ маа г̇амийд̇и.
Tatrāyaṃ saṅkhepattho – bho ruhaka, nanu chinnāpi dhanujiyā puna sandhīyati ghaṭīyati, evameva tvampi purāṇiyā saddhiṃ sandhīyassu, kodhassa vasaṃ mā gamīti.
д̇ам̣ суд̇ваа рухаго д̣̇уд̇ияам̣ г̇аат̇амааха –
Taṃ sutvā ruhako dutiyaṃ gāthamāha –
82.
82.
‘‘виж̇ж̇амаанзсу ваагзсу, виж̇ж̇амаанзсу гаарису;
‘‘Vijjamānesu vākesu, vijjamānesu kārisu;
ан̃н̃ам̣ ж̇ияам̣ гариссаами, алан̃н̃зва бураан̣ияаа’’д̇и.
Aññaṃ jiyaṃ karissāmi, alaññeva purāṇiyā’’ti.
д̇ассад̇т̇о – махаарааж̇а, д̇ханугаарамуд̣̇уваагзсу жа ж̇ияагаарагзсу жа мануссзсу виж̇ж̇амаанзсу ан̃н̃ам̣ ж̇ияам̣ гариссаами, имааяа чиннааяа бураан̣ияаа ж̇ияааяа алам̣, над̇т̇и мз гожи ад̇т̇од̇и. зван̃жа бана вад̇ваа д̇ам̣ нийхарид̇ваа ан̃н̃ам̣ б̣раахман̣им̣ аанзси.
Tassattho – mahārāja, dhanukāramuduvākesu ca jiyakārakesu ca manussesu vijjamānesu aññaṃ jiyaṃ karissāmi, imāya chinnāya purāṇiyā jiyāya alaṃ, natthi me koci atthoti. Evañca pana vatvā taṃ nīharitvā aññaṃ brāhmaṇiṃ ānesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа, б̣раахман̣ий, бураан̣ад̣̇уд̇ияигаа ахоси, рухаго угган̣тид̇абхигку, б̣аараан̣асирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā, brāhmaṇī, purāṇadutiyikā ahosi, ruhako ukkaṇṭhitabhikkhu, bārāṇasirājā pana ahameva ahosi’’nti.
рухагаж̇аад̇агаван̣н̣анаа батамаа.
Ruhakajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 191. рухагаж̇аад̇агам̣ • 191. Ruhakajātakaṃ
