| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
5. ருக்க²அசேதனாபா⁴வபஞ்ஹோ
5. Rukkhaacetanābhāvapañho
5. ‘‘ப⁴ந்தே நாக³ஸேன, பா⁴ஸிதம்பேதங் ததா²க³தேன –
5. ‘‘Bhante nāgasena, bhāsitampetaṃ tathāgatena –
‘‘‘அசேதனங் ப்³ராஹ்மண அஸ்ஸுணந்தங், ஜானோ அஜானந்தமிமங் பலாஸங்;
‘‘‘Acetanaṃ brāhmaṇa assuṇantaṃ, jāno ajānantamimaṃ palāsaṃ;
ஆரத்³த⁴வீரியோ து⁴வங் அப்பமத்தோ, ஸுக²ஸெய்யங் புச்ச²ஸி கிஸ்ஸ ஹேதூ’தி 1.
Āraddhavīriyo dhuvaṃ appamatto, sukhaseyyaṃ pucchasi kissa hetū’ti 2.
புன ச ப⁴ணிதங் –
Puna ca bhaṇitaṃ –
‘‘‘இதி ப²ந்த³னருக்கோ²பி, தாவதே³ அஜ்ஜ²பா⁴ஸத²;
‘‘‘Iti phandanarukkhopi, tāvade ajjhabhāsatha;
மய்ஹம்பி வசனங் அத்தி², பா⁴ரத்³வாஜ ஸுணோஹி மே’தி 3.
Mayhampi vacanaṃ atthi, bhāradvāja suṇohi me’ti 4.
‘‘யதி³, ப⁴ந்தே நாக³ஸேன, ருக்கோ² அசேதனோ, தேன ஹி ப²ந்த³னேன ருக்கே²ன பா⁴ரத்³வாஜேன ஸஹ ஸல்லபிதந்தி யங் வசனங், தங் மிச்சா². யதி³ ப²ந்த³னேன ருக்கே²ன பா⁴ரத்³வாஜேன ஸத்³தி⁴ங் ஸல்லபிதங், தேன ஹி ருக்கோ² அசேதனோதி தம்பி வசனங் மிச்சா². அயம்பி உப⁴தோ கோடிகோ பஞ்ஹோ தவானுப்பதோ, ஸோ தயா நிப்³பா³ஹிதப்³போ³’’தி.
‘‘Yadi, bhante nāgasena, rukkho acetano, tena hi phandanena rukkhena bhāradvājena saha sallapitanti yaṃ vacanaṃ, taṃ micchā. Yadi phandanena rukkhena bhāradvājena saddhiṃ sallapitaṃ, tena hi rukkho acetanoti tampi vacanaṃ micchā. Ayampi ubhato koṭiko pañho tavānuppato, so tayā nibbāhitabbo’’ti.
‘‘பா⁴ஸிதம்பேதங், மஹாராஜ, ப⁴க³வதா ‘ருக்கோ² அசேதனோ’தி, ப²ந்த³னேன ச ருக்கே²ன பா⁴ரத்³வாஜேன ஸத்³தி⁴ங் ஸல்லபிதங், தஞ்ச பன வசனங் லோகஸமஞ்ஞாய ப⁴ணிதங். நத்தி², மஹாராஜ, அசேதனஸ்ஸ ருக்க²ஸ்ஸ ஸல்லாபோ நாம, அபி ச, மஹாராஜ, தஸ்மிங் ருக்கே² அதி⁴வத்தா²ய தே³வதாயேதங் அதி⁴வசனங் ருக்கோ²தி, ருக்கோ² ஸல்லபதீதி சேஸா லோகபண்ணத்தி, யதா², மஹாராஜ, ஸகடங் த⁴ஞ்ஞஸ்ஸ பரிபூரிதங் த⁴ஞ்ஞஸகடந்தி ஜனோ வோஹரதி, ந ச தங் த⁴ஞ்ஞமயங் ஸகடங், ருக்க²மயங் ஸகடங், தஸ்மிங் ஸகடே த⁴ஞ்ஞஸ்ஸ பன ஆகிரிதத்தா த⁴ஞ்ஞஸகடந்தி ஜனோ வோஹரதி, ஏவமேவ கோ², மஹாராஜ, ந ருக்கோ² ஸல்லபதி, ருக்கோ² அசேதனோ, யா பன தஸ்மிங் ருக்கே² அதி⁴வத்தா² தே³வதா, தஸ்ஸா யேவ தங் அதி⁴வசனங் ருக்கோ²தி, ருக்கோ² ஸல்லபதீதி சேஸா லோகபண்ணத்தி.
‘‘Bhāsitampetaṃ, mahārāja, bhagavatā ‘rukkho acetano’ti, phandanena ca rukkhena bhāradvājena saddhiṃ sallapitaṃ, tañca pana vacanaṃ lokasamaññāya bhaṇitaṃ. Natthi, mahārāja, acetanassa rukkhassa sallāpo nāma, api ca, mahārāja, tasmiṃ rukkhe adhivatthāya devatāyetaṃ adhivacanaṃ rukkhoti, rukkho sallapatīti cesā lokapaṇṇatti, yathā, mahārāja, sakaṭaṃ dhaññassa paripūritaṃ dhaññasakaṭanti jano voharati, na ca taṃ dhaññamayaṃ sakaṭaṃ, rukkhamayaṃ sakaṭaṃ, tasmiṃ sakaṭe dhaññassa pana ākiritattā dhaññasakaṭanti jano voharati, evameva kho, mahārāja, na rukkho sallapati, rukkho acetano, yā pana tasmiṃ rukkhe adhivatthā devatā, tassā yeva taṃ adhivacanaṃ rukkhoti, rukkho sallapatīti cesā lokapaṇṇatti.
‘‘யதா² வா பன, மஹாராஜ, த³தி⁴ங் மந்த²யமானோ தக்கங் மந்தே²மீதி வோஹரதி, ந தங் தக்கங், யங் ஸோ மந்தே²தி, த³தி⁴ங் யேவ ஸோ மந்தெ²ந்தோ தக்கங் மந்தே²மீதி வோஹரதி, ஏவமேவ கோ², மஹாராஜ, ந ருக்கோ² ஸல்லபதி, ருக்கோ² அசேதனோ . யா பன தஸ்மிங் ருக்கே² அதி⁴வத்தா² தே³வதா, தஸ்ஸாயேவ தங் அதி⁴வசனங் ருக்கோ²தி, ருக்கோ² ஸல்லபதீதி சேஸா லோகபண்ணத்தி.
‘‘Yathā vā pana, mahārāja, dadhiṃ manthayamāno takkaṃ manthemīti voharati, na taṃ takkaṃ, yaṃ so mantheti, dadhiṃ yeva so manthento takkaṃ manthemīti voharati, evameva kho, mahārāja, na rukkho sallapati, rukkho acetano . Yā pana tasmiṃ rukkhe adhivatthā devatā, tassāyeva taṃ adhivacanaṃ rukkhoti, rukkho sallapatīti cesā lokapaṇṇatti.
‘‘யதா² வா பன, மஹாராஜ, அஸந்தங் ஸாதே⁴துகாமோ ஸந்தங் ஸாதே⁴மீதி வோஹரதி , அஸித்³த⁴ங் ஸித்³த⁴ந்தி வோஹரதி, ஏவமேஸா லோகஸமஞ்ஞா, ஏவமேவ கோ², மஹாராஜ, ந ருக்கோ² ஸல்லபதி, ருக்கோ² அசேதனோ. யா பன தஸ்மிங் ருக்கே² அதி⁴வத்தா² தே³வதா, தஸ்ஸாயேவ தங் அதி⁴வசனங் ருக்கோ²தி, ருக்கோ² ஸல்லபதீதி சேஸா லோகபண்ணத்தி, யாய, மஹாராஜ, லோகஸமஞ்ஞாய ஜனோ வோஹரதி, ததா²க³தோபி தாயேவ லோகஸமஞ்ஞாய ஸத்தானங் த⁴ம்மங் தே³ஸேதீ’’தி. ‘‘ஸாது⁴, ப⁴ந்தே நாக³ஸேன, ஏவமேதங் ததா² ஸம்படிச்சா²மீ’’தி.
‘‘Yathā vā pana, mahārāja, asantaṃ sādhetukāmo santaṃ sādhemīti voharati , asiddhaṃ siddhanti voharati, evamesā lokasamaññā, evameva kho, mahārāja, na rukkho sallapati, rukkho acetano. Yā pana tasmiṃ rukkhe adhivatthā devatā, tassāyeva taṃ adhivacanaṃ rukkhoti, rukkho sallapatīti cesā lokapaṇṇatti, yāya, mahārāja, lokasamaññāya jano voharati, tathāgatopi tāyeva lokasamaññāya sattānaṃ dhammaṃ desetī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ருக்க²அசேதனாபா⁴வபஞ்ஹோ பஞ்சமோ.
Rukkhaacetanābhāvapañho pañcamo.
Footnotes:
