| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༥. རུཀྑངྒཔཉྷོ
5. Rukkhaṅgapañho
༥. ‘‘བྷནྟེ ནཱགསེན, ‘རུཀྑསྶ ཏཱིཎི ཨངྒཱནི གཧེཏབྦཱནཱི’ཏི ཡཾ ཝདེསི, ཀཏམཱནི ཏཱནི ཏཱིཎི ཨངྒཱནི གཧེཏབྦཱནཱི’’ཏི? ‘‘ཡཐཱ, མཧཱརཱཛ, རུཀྑོ ནཱམ པུཔྥཕལདྷརོ, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཝིམུཏྟིཔུཔྥསཱམཉྙཕལདྷཱརིནཱ བྷཝིཏབྦཾ། ཨིདཾ, མཧཱརཱཛ, རུཀྑསྶ པཋམཾ ཨངྒཾ གཧེཏབྦཾ།
5. ‘‘Bhante nāgasena, ‘rukkhassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, rukkho nāma pupphaphaladharo, evameva kho, mahārāja, yoginā yogāvacarena vimuttipupphasāmaññaphaladhārinā bhavitabbaṃ. Idaṃ, mahārāja, rukkhassa paṭhamaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, རུཀྑོ ཨུཔགཏཱནམནུཔྤཝིཊྛཱནཾ ཛནཱནཾ ཚཱཡཾ དེཏི, ཨེཝམེཝ ཁོ , མཧཱརཱཛ, ཡོགིནཱ ཡོགཱཝཙརེན ཨུཔགཏཱནམནུཔྤཝིཊྛཱནཾ པུགྒལཱནཾ ཨཱམིསཔྤཊིསནྡྷཱརེན ཝཱ དྷམྨཔྤཊིསནྠཱརེན ཝཱ པཊིསནྠརིཏབྦཾ། ཨིདཾ, མཧཱརཱཛ, རུཀྑསྶ དུཏིཡཾ ཨངྒཾ གཧེཏབྦཾ།
‘‘Puna caparaṃ, mahārāja, rukkho upagatānamanuppaviṭṭhānaṃ janānaṃ chāyaṃ deti, evameva kho , mahārāja, yoginā yogāvacarena upagatānamanuppaviṭṭhānaṃ puggalānaṃ āmisappaṭisandhārena vā dhammappaṭisanthārena vā paṭisantharitabbaṃ. Idaṃ, mahārāja, rukkhassa dutiyaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, རུཀྑོ ཚཱཡཱཝེམཏྟཾ ན ཀརོཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན སབྦསཏྟེསུ ཝེམཏྟཏཱ ན ཀཱཏབྦཱ, ཙོརཝདྷཀཔཙྩཏྠིཀེསུཔི ཨཏྟནིཔི སམསམཱ མེཏྟཱབྷཱཝནཱ ཀཱཏབྦཱ, ‘ཀིནྟི ཨིམེ སཏྟཱ ཨཝེརཱ ཨབྱཱཔཛྫཱ 1 ཨནཱིགྷཱ སུཁཱི ཨཏྟཱནཾ པརིཧརེཡྻུ’ནྟི། ཨིདཾ, མཧཱརཱཛ, རུཀྑསྶ ཏཏིཡཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, ཐེརེན སཱརིཔུཏྟེན དྷམྨསེནཱཔཏིནཱ –
‘‘Puna caparaṃ, mahārāja, rukkho chāyāvemattaṃ na karoti, evameva kho, mahārāja, yoginā yogāvacarena sabbasattesu vemattatā na kātabbā, coravadhakapaccatthikesupi attanipi samasamā mettābhāvanā kātabbā, ‘kinti ime sattā averā abyāpajjā 2 anīghā sukhī attānaṃ parihareyyu’nti. Idaṃ, mahārāja, rukkhassa tatiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ཝདྷཀེ དེཝདཏྟམྷི, ཙོརེ ཨངྒུལིམཱལཀེ།
‘‘‘Vadhake devadattamhi, core aṅgulimālake;
དྷནཔཱལེ རཱཧུལེ ཙ, སབྦཏྠ སམཀོ མུནཱི’’’ཏི༎
Dhanapāle rāhule ca, sabbattha samako munī’’’ti.
རུཀྑངྒཔཉྷོ པཉྩམོ།
Rukkhaṅgapañho pañcamo.
Footnotes:
