| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੫. ਰੁਕ੍ਖਙ੍ਗਪਞ੍ਹੋ
5. Rukkhaṅgapañho
੫. ‘‘ਭਨ੍ਤੇ ਨਾਗਸੇਨ, ‘ਰੁਕ੍ਖਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਰੁਕ੍ਖੋ ਨਾਮ ਪੁਪ੍ਫਫਲਧਰੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ વਿਮੁਤ੍ਤਿਪੁਪ੍ਫਸਾਮਞ੍ਞਫਲਧਾਰਿਨਾ ਭવਿਤਬ੍ਬਂ। ਇਦਂ, ਮਹਾਰਾਜ, ਰੁਕ੍ਖਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
5. ‘‘Bhante nāgasena, ‘rukkhassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, rukkho nāma pupphaphaladharo, evameva kho, mahārāja, yoginā yogāvacarena vimuttipupphasāmaññaphaladhārinā bhavitabbaṃ. Idaṃ, mahārāja, rukkhassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਰੁਕ੍ਖੋ ਉਪਗਤਾਨਮਨੁਪ੍ਪવਿਟ੍ਠਾਨਂ ਜਨਾਨਂ ਛਾਯਂ ਦੇਤਿ, ਏવਮੇવ ਖੋ , ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਉਪਗਤਾਨਮਨੁਪ੍ਪવਿਟ੍ਠਾਨਂ ਪੁਗ੍ਗਲਾਨਂ ਆਮਿਸਪ੍ਪਟਿਸਨ੍ਧਾਰੇਨ વਾ ਧਮ੍ਮਪ੍ਪਟਿਸਨ੍ਥਾਰੇਨ વਾ ਪਟਿਸਨ੍ਥਰਿਤਬ੍ਬਂ। ਇਦਂ, ਮਹਾਰਾਜ, ਰੁਕ੍ਖਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, rukkho upagatānamanuppaviṭṭhānaṃ janānaṃ chāyaṃ deti, evameva kho , mahārāja, yoginā yogāvacarena upagatānamanuppaviṭṭhānaṃ puggalānaṃ āmisappaṭisandhārena vā dhammappaṭisanthārena vā paṭisantharitabbaṃ. Idaṃ, mahārāja, rukkhassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਰੁਕ੍ਖੋ ਛਾਯਾવੇਮਤ੍ਤਂ ਨ ਕਰੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਸਤ੍ਤੇਸੁ વੇਮਤ੍ਤਤਾ ਨ ਕਾਤਬ੍ਬਾ, ਚੋਰવਧਕਪਚ੍ਚਤ੍ਥਿਕੇਸੁਪਿ ਅਤ੍ਤਨਿਪਿ ਸਮਸਮਾ ਮੇਤ੍ਤਾਭਾવਨਾ ਕਾਤਬ੍ਬਾ, ‘ਕਿਨ੍ਤਿ ਇਮੇ ਸਤ੍ਤਾ ਅવੇਰਾ ਅਬ੍ਯਾਪਜ੍ਜਾ 1 ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰੇਯ੍ਯੁ’ਨ੍ਤਿ। ਇਦਂ, ਮਹਾਰਾਜ, ਰੁਕ੍ਖਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
‘‘Puna caparaṃ, mahārāja, rukkho chāyāvemattaṃ na karoti, evameva kho, mahārāja, yoginā yogāvacarena sabbasattesu vemattatā na kātabbā, coravadhakapaccatthikesupi attanipi samasamā mettābhāvanā kātabbā, ‘kinti ime sattā averā abyāpajjā 2 anīghā sukhī attānaṃ parihareyyu’nti. Idaṃ, mahārāja, rukkhassa tatiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘વਧਕੇ ਦੇવਦਤ੍ਤਮ੍ਹਿ, ਚੋਰੇ ਅਙ੍ਗੁਲਿਮਾਲਕੇ।
‘‘‘Vadhake devadattamhi, core aṅgulimālake;
ਧਨਪਾਲੇ ਰਾਹੁਲੇ ਚ, ਸਬ੍ਬਤ੍ਥ ਸਮਕੋ ਮੁਨੀ’’’ਤਿ॥
Dhanapāle rāhule ca, sabbattha samako munī’’’ti.
ਰੁਕ੍ਖਙ੍ਗਪਞ੍ਹੋ ਪਞ੍ਚਮੋ।
Rukkhaṅgapañho pañcamo.
Footnotes:
