| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. ругкасуд̇д̇ам̣
9. Rukkhasuttaṃ
220. ‘‘санд̇и, бхигкавз, махааругкаа ан̣уб̣ийж̇аа махаагааяаа ругкаанам̣ аж̇жхаарухаа, язхи ругкаа аж̇жхааруул̣хаа обхаг̇г̇авибхаг̇г̇аа вибад̇ид̇аа сзнд̇и. гад̇амз жа д̇з, бхигкавз, махааругкаа ан̣уб̣ийж̇аа махаагааяаа ругкаанам̣ аж̇жхаарухаа, язхи ругкаа аж̇жхааруул̣хаа обхаг̇г̇авибхаг̇г̇аа вибад̇ид̇аа сзнд̇и 1? ассад̇т̇о, ниг̇род̇хо, билагко, уд̣̇умб̣аро, гажчаго, габид̇т̇ано – имз ко д̇з, бхигкавз, махааругкаа ан̣уб̣ийж̇аа махаагааяаа ругкаанам̣ аж̇жхаарухаа, язхи ругкаа аж̇жхааруул̣хаа обхаг̇г̇авибхаг̇г̇аа вибад̇ид̇аа сзнд̇и. звамзва ко, бхигкавз, ид̇хзгажжо гулабуд̇д̇о яаад̣̇исагз гаамз охааяа аг̇аарасмаа анаг̇аарияам̣ баб̣б̣аж̇ид̇о ход̇и, со д̇аад̣̇исагзхи гаамзхи д̇ад̇о ваа баабидтад̇арзхи обхаг̇г̇авибхаг̇г̇о вибад̇ид̇о сзд̇и.
220. ‘‘Santi, bhikkhave, mahārukkhā aṇubījā mahākāyā rukkhānaṃ ajjhāruhā, yehi rukkhā ajjhārūḷhā obhaggavibhaggā vipatitā senti. Katame ca te, bhikkhave, mahārukkhā aṇubījā mahākāyā rukkhānaṃ ajjhāruhā, yehi rukkhā ajjhārūḷhā obhaggavibhaggā vipatitā senti 2? Assattho, nigrodho, pilakkho, udumbaro, kacchako, kapitthano – ime kho te, bhikkhave, mahārukkhā aṇubījā mahākāyā rukkhānaṃ ajjhāruhā, yehi rukkhā ajjhārūḷhā obhaggavibhaggā vipatitā senti. Evameva kho, bhikkhave, idhekacco kulaputto yādisake kāme ohāya agārasmā anagāriyaṃ pabbajito hoti, so tādisakehi kāmehi tato vā pāpiṭṭhatarehi obhaggavibhaggo vipatito seti.
‘‘бан̃жимз, бхигкавз, ааваран̣аа нийваран̣аа жзд̇асо аж̇жхаарухаа бан̃н̃ааяа д̣̇уб̣б̣алийгаран̣аа. гад̇амз бан̃жа? гаамажчанд̣̇о, бхигкавз, ааваран̣о нийваран̣о жзд̇асо аж̇жхаарухо бан̃н̃ааяа д̣̇уб̣б̣алийгаран̣о. б̣яаабаад̣̇о, бхигкавз, ааваран̣о нийваран̣о жзд̇асо аж̇жхаарухо бан̃н̃ааяа д̣̇уб̣б̣алийгаран̣о. т̇инамид̣̇д̇хам̣, бхигкавз, ааваран̣ам̣ нийваран̣ам̣ жзд̇асо аж̇жхаарухам̣ бан̃н̃ааяа д̣̇уб̣б̣алийгаран̣ам̣. уд̣̇д̇хажжагуггужжам̣, бхигкавз, ааваран̣ам̣ нийваран̣ам̣ жзд̇асо аж̇жхаарухам̣ бан̃н̃ааяа д̣̇уб̣б̣алийгаран̣ам̣. вижигижчаа, бхигкавз, ааваран̣аа нийваран̣аа жзд̇асо аж̇жхаарухаа бан̃н̃ааяа д̣̇уб̣б̣алийгаран̣аа. имз ко, бхигкавз , бан̃жа ааваран̣аа нийваран̣аа жзд̇асо аж̇жхаарухаа бан̃н̃ааяа д̣̇уб̣б̣алийгаран̣аа.
‘‘Pañcime, bhikkhave, āvaraṇā nīvaraṇā cetaso ajjhāruhā paññāya dubbalīkaraṇā. Katame pañca? Kāmacchando, bhikkhave, āvaraṇo nīvaraṇo cetaso ajjhāruho paññāya dubbalīkaraṇo. Byāpādo, bhikkhave, āvaraṇo nīvaraṇo cetaso ajjhāruho paññāya dubbalīkaraṇo. Thinamiddhaṃ, bhikkhave, āvaraṇaṃ nīvaraṇaṃ cetaso ajjhāruhaṃ paññāya dubbalīkaraṇaṃ. Uddhaccakukkuccaṃ, bhikkhave, āvaraṇaṃ nīvaraṇaṃ cetaso ajjhāruhaṃ paññāya dubbalīkaraṇaṃ. Vicikicchā, bhikkhave, āvaraṇā nīvaraṇā cetaso ajjhāruhā paññāya dubbalīkaraṇā. Ime kho, bhikkhave , pañca āvaraṇā nīvaraṇā cetaso ajjhāruhā paññāya dubbalīkaraṇā.
‘‘сад̇д̇имз , бхигкавз, б̣ож̇жхан̇г̇аа анааваран̣аа анийваран̣аа жзд̇асо анаж̇жхаарухаа бхаавид̇аа б̣ахулийгад̇аа виж̇ж̇аавимуд̇д̇ипаласажчигирияааяа сам̣вад̇д̇анд̇и. гад̇амз сад̇д̇а? сад̇исамб̣ож̇жхан̇г̇о, бхигкавз, анааваран̣о анийваран̣о жзд̇асо анаж̇жхаарухо бхаавид̇о б̣ахулийгад̇о виж̇ж̇аавимуд̇д̇ипаласажчигирияааяа сам̣вад̇д̇ад̇и…бз… убзгкаасамб̣ож̇жхан̇г̇о, бхигкавз, анааваран̣о анийваран̣о жзд̇асо анаж̇жхаарухо бхаавид̇о б̣ахулийгад̇о виж̇ж̇аавимуд̇д̇ипаласажчигирияааяа сам̣вад̇д̇ад̇и. имз ко, бхигкавз, сад̇д̇а б̣ож̇жхан̇г̇аа анааваран̣аа анийваран̣аа жзд̇асо анаж̇жхаарухаа бхаавид̇аа б̣ахулийгад̇аа виж̇ж̇аавимуд̇д̇ипаласажчигирияааяа сам̣вад̇д̇анд̇ий’’д̇и. навамам̣.
‘‘Sattime , bhikkhave, bojjhaṅgā anāvaraṇā anīvaraṇā cetaso anajjhāruhā bhāvitā bahulīkatā vijjāvimuttiphalasacchikiriyāya saṃvattanti. Katame satta? Satisambojjhaṅgo, bhikkhave, anāvaraṇo anīvaraṇo cetaso anajjhāruho bhāvito bahulīkato vijjāvimuttiphalasacchikiriyāya saṃvattati…pe… upekkhāsambojjhaṅgo, bhikkhave, anāvaraṇo anīvaraṇo cetaso anajjhāruho bhāvito bahulīkato vijjāvimuttiphalasacchikiriyāya saṃvattati. Ime kho, bhikkhave, satta bojjhaṅgā anāvaraṇā anīvaraṇā cetaso anajjhāruhā bhāvitā bahulīkatā vijjāvimuttiphalasacchikiriyāya saṃvattantī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. ругкасуд̇д̇аван̣н̣анаа • 9. Rukkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. ругкасуд̇д̇аван̣н̣анаа • 9. Rukkhasuttavaṇṇanā
