| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. ருண்ணஸுத்தவண்ணனா
5. Ruṇṇasuttavaṇṇanā
108. பஞ்சமங் அத்து²ப்பத்தியா நிக்கி²த்தங். கதராய அத்து²ப்பத்தியா? ச²ப்³ப³க்³கி³யானங் அனாசாரே. தே கிர கா³யந்தா நச்சந்தா ஹஸந்தா விசரிங்ஸு. பி⁴க்கூ² த³ஸப³லஸ்ஸ ஆரோசயிங்ஸு. ஸத்தா² தே பக்கோஸாபெத்வா தேஸங் ஓவாத³த்தா²ய இத³ங் ஸுத்தங் ஆரபி⁴. தத்த² ருண்ணந்தி ரோதி³தங். உம்மத்தகந்தி உம்மத்தககிரியா. கோமாரகந்தி குமாரகேஹி கத்தப்³ப³கிச்சங். த³ந்தவித³ங்ஸகஹஸிதந்தி த³ந்தே த³ஸ்ஸெத்வா பாணிங் பஹரந்தானங் மஹாஸத்³தே³ன ஹஸிதங். ஸேதுகா⁴தோ கீ³தேதி கீ³தே வோ பச்சயகா⁴தோ ஹோது, ஸஹேதுகங் கீ³தங் பஜஹதா²தி தீ³பேதி. நச்சேபி ஏஸேவ நயோ. அலந்தி யுத்தங். த⁴ம்மப்பமோதி³தானங் ஸதந்தி எத்த² த⁴ம்மோ வுச்சதி காரணங், கேனசிதே³வ காரணேன பமுதி³தானங் ஸந்தானங். ஸிதங் ஸிதமத்தாயாதி தஸ்மிங் ஸிதகாரணே ஸதி யங் ஸிதங் கரோத², தங் வோ ஸிதமத்தாய அக்³க³த³ந்தே த³ஸ்ஸெத்வா பஹட்டா²காரமத்தத³ஸ்ஸனாயயேவ யுத்தந்தி வுத்தங் ஹோதி.
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ருண்ணஸுத்தங் • 5. Ruṇṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-9. ஸமணப்³ராஹ்மணஸுத்தாதி³வண்ணனா • 4-9. Samaṇabrāhmaṇasuttādivaṇṇanā
