| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৫. রুণ্ণসুত্তৰণ্ণনা
5. Ruṇṇasuttavaṇṇanā
১০৮. পঞ্চমং অত্থুপ্পত্তিযা নিক্খিত্তং। কতরায অত্থুপ্পত্তিযা? ছব্বগ্গিযানং অনাচারে। তে কির গাযন্তা নচ্চন্তা হসন্তা ৰিচরিংসু। ভিক্খূ দসবলস্স আরোচযিংসু। সত্থা তে পক্কোসাপেত্ৰা তেসং ওৰাদত্থায ইদং সুত্তং আরভি। তত্থ রুণ্ণন্তি রোদিতং। উম্মত্তকন্তি উম্মত্তককিরিযা। কোমারকন্তি কুমারকেহি কত্তব্বকিচ্চং। দন্তৰিদংসকহসিতন্তি দন্তে দস্সেত্ৰা পাণিং পহরন্তানং মহাসদ্দেন হসিতং। সেতুঘাতো গীতেতি গীতে ৰো পচ্চযঘাতো হোতু, সহেতুকং গীতং পজহথাতি দীপেতি। নচ্চেপি এসেৰ নযো। অলন্তি যুত্তং। ধম্মপ্পমোদিতানং সতন্তি এত্থ ধম্মো ৰুচ্চতি কারণং, কেনচিদেৰ কারণেন পমুদিতানং সন্তানং। সিতং সিতমত্তাযাতি তস্মিং সিতকারণে সতি যং সিতং করোথ, তং ৰো সিতমত্তায অগ্গদন্তে দস্সেত্ৰা পহট্ঠাকারমত্তদস্সনাযযেৰ যুত্তন্তি ৰুত্তং হোতি।
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৫. রুণ্ণসুত্তং • 5. Ruṇṇasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-৯. সমণব্রাহ্মণসুত্তাদিৰণ্ণনা • 4-9. Samaṇabrāhmaṇasuttādivaṇṇanā
