| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. рун̣н̣асуд̇д̇аван̣н̣анаа
5. Ruṇṇasuttavaṇṇanā
108. бан̃жамам̣ ад̇т̇уббад̇д̇ияаа нигкид̇д̇ам̣. гад̇арааяа ад̇т̇уббад̇д̇ияаа? чаб̣б̣аг̇г̇ияаанам̣ анаажаарз. д̇з гира г̇ааяанд̇аа нажжанд̇аа хасанд̇аа вижарим̣су. бхигкуу д̣̇асаб̣аласса аарожаяим̣су. сад̇т̇аа д̇з баггосаабзд̇ваа д̇зсам̣ оваад̣̇ад̇т̇ааяа ид̣̇ам̣ суд̇д̇ам̣ аарабхи. д̇ад̇т̇а рун̣н̣анд̇и род̣̇ид̇ам̣. уммад̇д̇аганд̇и уммад̇д̇агагирияаа. гомаараганд̇и гумаарагзхи гад̇д̇аб̣б̣агижжам̣. д̣̇анд̇авид̣̇ам̣сагахасид̇анд̇и д̣̇анд̇з д̣̇ассзд̇ваа баан̣им̣ бахаранд̇аанам̣ махаасад̣̇д̣̇зна хасид̇ам̣. сзд̇угхаад̇о г̇ийд̇зд̇и г̇ийд̇з во бажжаяагхаад̇о ход̇у, сахзд̇угам̣ г̇ийд̇ам̣ баж̇ахат̇аад̇и д̣̇ийбзд̇и. нажжзби зсзва наяо. аланд̇и яуд̇д̇ам̣. д̇хаммаббамод̣̇ид̇аанам̣ сад̇анд̇и зд̇т̇а д̇хаммо вужжад̇и гааран̣ам̣, гзнажид̣̇зва гааран̣зна бамуд̣̇ид̇аанам̣ санд̇аанам̣. сид̇ам̣ сид̇амад̇д̇ааяаад̇и д̇асмим̣ сид̇агааран̣з сад̇и яам̣ сид̇ам̣ гарот̇а, д̇ам̣ во сид̇амад̇д̇ааяа аг̇г̇ад̣̇анд̇з д̣̇ассзд̇ваа бахадтаагаарамад̇д̇ад̣̇ассанааяаязва яуд̇д̇анд̇и вуд̇д̇ам̣ ход̇и.
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. рун̣н̣асуд̇д̇ам̣ • 5. Ruṇṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-9. саман̣аб̣раахман̣асуд̇д̇аад̣̇иван̣н̣анаа • 4-9. Samaṇabrāhmaṇasuttādivaṇṇanā
