| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೫. ರುಣ್ಣಸುತ್ತವಣ್ಣನಾ
5. Ruṇṇasuttavaṇṇanā
೧೦೮. ಪಞ್ಚಮಂ ಅತ್ಥುಪ್ಪತ್ತಿಯಾ ನಿಕ್ಖಿತ್ತಂ। ಕತರಾಯ ಅತ್ಥುಪ್ಪತ್ತಿಯಾ? ಛಬ್ಬಗ್ಗಿಯಾನಂ ಅನಾಚಾರೇ। ತೇ ಕಿರ ಗಾಯನ್ತಾ ನಚ್ಚನ್ತಾ ಹಸನ್ತಾ ವಿಚರಿಂಸು। ಭಿಕ್ಖೂ ದಸಬಲಸ್ಸ ಆರೋಚಯಿಂಸು। ಸತ್ಥಾ ತೇ ಪಕ್ಕೋಸಾಪೇತ್ವಾ ತೇಸಂ ಓವಾದತ್ಥಾಯ ಇದಂ ಸುತ್ತಂ ಆರಭಿ। ತತ್ಥ ರುಣ್ಣನ್ತಿ ರೋದಿತಂ। ಉಮ್ಮತ್ತಕನ್ತಿ ಉಮ್ಮತ್ತಕಕಿರಿಯಾ। ಕೋಮಾರಕನ್ತಿ ಕುಮಾರಕೇಹಿ ಕತ್ತಬ್ಬಕಿಚ್ಚಂ। ದನ್ತವಿದಂಸಕಹಸಿತನ್ತಿ ದನ್ತೇ ದಸ್ಸೇತ್ವಾ ಪಾಣಿಂ ಪಹರನ್ತಾನಂ ಮಹಾಸದ್ದೇನ ಹಸಿತಂ। ಸೇತುಘಾತೋ ಗೀತೇತಿ ಗೀತೇ ವೋ ಪಚ್ಚಯಘಾತೋ ಹೋತು, ಸಹೇತುಕಂ ಗೀತಂ ಪಜಹಥಾತಿ ದೀಪೇತಿ। ನಚ್ಚೇಪಿ ಏಸೇವ ನಯೋ। ಅಲನ್ತಿ ಯುತ್ತಂ। ಧಮ್ಮಪ್ಪಮೋದಿತಾನಂ ಸತನ್ತಿ ಏತ್ಥ ಧಮ್ಮೋ ವುಚ್ಚತಿ ಕಾರಣಂ, ಕೇನಚಿದೇವ ಕಾರಣೇನ ಪಮುದಿತಾನಂ ಸನ್ತಾನಂ। ಸಿತಂ ಸಿತಮತ್ತಾಯಾತಿ ತಸ್ಮಿಂ ಸಿತಕಾರಣೇ ಸತಿ ಯಂ ಸಿತಂ ಕರೋಥ, ತಂ ವೋ ಸಿತಮತ್ತಾಯ ಅಗ್ಗದನ್ತೇ ದಸ್ಸೇತ್ವಾ ಪಹಟ್ಠಾಕಾರಮತ್ತದಸ್ಸನಾಯಯೇವ ಯುತ್ತನ್ತಿ ವುತ್ತಂ ಹೋತಿ।
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೫. ರುಣ್ಣಸುತ್ತಂ • 5. Ruṇṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೪-೯. ಸಮಣಬ್ರಾಹ್ಮಣಸುತ್ತಾದಿವಣ್ಣನಾ • 4-9. Samaṇabrāhmaṇasuttādivaṇṇanā
