| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. རུཎྞསུཏྟཝཎྞནཱ
5. Ruṇṇasuttavaṇṇanā
༡༠༨. པཉྩམཾ ཨཏྠུཔྤཏྟིཡཱ ནིཀྑིཏྟཾ། ཀཏརཱཡ ཨཏྠུཔྤཏྟིཡཱ? ཚབྦགྒིཡཱནཾ ཨནཱཙཱརེ། ཏེ ཀིར གཱཡནྟཱ ནཙྩནྟཱ ཧསནྟཱ ཝིཙརིཾསུ། བྷིཀྑཱུ དསབལསྶ ཨཱརོཙཡིཾསུ། སཏྠཱ ཏེ པཀྐོསཱཔེཏྭཱ ཏེསཾ ཨོཝཱདཏྠཱཡ ཨིདཾ སུཏྟཾ ཨཱརབྷི། ཏཏྠ རུཎྞནྟི རོདིཏཾ། ཨུམྨཏྟཀནྟི ཨུམྨཏྟཀཀིརིཡཱ། ཀོམཱརཀནྟི ཀུམཱརཀེཧི ཀཏྟབྦཀིཙྩཾ། དནྟཝིདཾསཀཧསིཏནྟི དནྟེ དསྶེཏྭཱ པཱཎིཾ པཧརནྟཱནཾ མཧཱསདྡེན ཧསིཏཾ། སེཏུགྷཱཏོ གཱིཏེཏི གཱིཏེ ཝོ པཙྩཡགྷཱཏོ ཧོཏུ, སཧེཏུཀཾ གཱིཏཾ པཛཧཐཱཏི དཱིཔེཏི། ནཙྩེཔི ཨེསེཝ ནཡོ། ཨལནྟི ཡུཏྟཾ། དྷམྨཔྤམོདིཏཱནཾ སཏནྟི ཨེཏྠ དྷམྨོ ཝུཙྩཏི ཀཱརཎཾ, ཀེནཙིདེཝ ཀཱརཎེན པམུདིཏཱནཾ སནྟཱནཾ། སིཏཾ སིཏམཏྟཱཡཱཏི ཏསྨིཾ སིཏཀཱརཎེ སཏི ཡཾ སིཏཾ ཀརོཐ, ཏཾ ཝོ སིཏམཏྟཱཡ ཨགྒདནྟེ དསྶེཏྭཱ པཧཊྛཱཀཱརམཏྟདསྶནཱཡཡེཝ ཡུཏྟནྟི ཝུཏྟཾ ཧོཏི།
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. རུཎྞསུཏྟཾ • 5. Ruṇṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༩. སམཎབྲཱཧྨཎསུཏྟཱདིཝཎྞནཱ • 4-9. Samaṇabrāhmaṇasuttādivaṇṇanā
