| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਰੁਣ੍ਣਸੁਤ੍ਤવਣ੍ਣਨਾ
5. Ruṇṇasuttavaṇṇanā
੧੦੮. ਪਞ੍ਚਮਂ ਅਤ੍ਥੁਪ੍ਪਤ੍ਤਿਯਾ ਨਿਕ੍ਖਿਤ੍ਤਂ। ਕਤਰਾਯ ਅਤ੍ਥੁਪ੍ਪਤ੍ਤਿਯਾ? ਛਬ੍ਬਗ੍ਗਿਯਾਨਂ ਅਨਾਚਾਰੇ। ਤੇ ਕਿਰ ਗਾਯਨ੍ਤਾ ਨਚ੍ਚਨ੍ਤਾ ਹਸਨ੍ਤਾ વਿਚਰਿਂਸੁ। ਭਿਕ੍ਖੂ ਦਸਬਲਸ੍ਸ ਆਰੋਚਯਿਂਸੁ। ਸਤ੍ਥਾ ਤੇ ਪਕ੍ਕੋਸਾਪੇਤ੍વਾ ਤੇਸਂ ਓવਾਦਤ੍ਥਾਯ ਇਦਂ ਸੁਤ੍ਤਂ ਆਰਭਿ। ਤਤ੍ਥ ਰੁਣ੍ਣਨ੍ਤਿ ਰੋਦਿਤਂ। ਉਮ੍ਮਤ੍ਤਕਨ੍ਤਿ ਉਮ੍ਮਤ੍ਤਕਕਿਰਿਯਾ। ਕੋਮਾਰਕਨ੍ਤਿ ਕੁਮਾਰਕੇਹਿ ਕਤ੍ਤਬ੍ਬਕਿਚ੍ਚਂ। ਦਨ੍ਤવਿਦਂਸਕਹਸਿਤਨ੍ਤਿ ਦਨ੍ਤੇ ਦਸ੍ਸੇਤ੍વਾ ਪਾਣਿਂ ਪਹਰਨ੍ਤਾਨਂ ਮਹਾਸਦ੍ਦੇਨ ਹਸਿਤਂ। ਸੇਤੁਘਾਤੋ ਗੀਤੇਤਿ ਗੀਤੇ વੋ ਪਚ੍ਚਯਘਾਤੋ ਹੋਤੁ, ਸਹੇਤੁਕਂ ਗੀਤਂ ਪਜਹਥਾਤਿ ਦੀਪੇਤਿ। ਨਚ੍ਚੇਪਿ ਏਸੇવ ਨਯੋ। ਅਲਨ੍ਤਿ ਯੁਤ੍ਤਂ। ਧਮ੍ਮਪ੍ਪਮੋਦਿਤਾਨਂ ਸਤਨ੍ਤਿ ਏਤ੍ਥ ਧਮ੍ਮੋ વੁਚ੍ਚਤਿ ਕਾਰਣਂ, ਕੇਨਚਿਦੇવ ਕਾਰਣੇਨ ਪਮੁਦਿਤਾਨਂ ਸਨ੍ਤਾਨਂ। ਸਿਤਂ ਸਿਤਮਤ੍ਤਾਯਾਤਿ ਤਸ੍ਮਿਂ ਸਿਤਕਾਰਣੇ ਸਤਿ ਯਂ ਸਿਤਂ ਕਰੋਥ, ਤਂ વੋ ਸਿਤਮਤ੍ਤਾਯ ਅਗ੍ਗਦਨ੍ਤੇ ਦਸ੍ਸੇਤ੍વਾ ਪਹਟ੍ਠਾਕਾਰਮਤ੍ਤਦਸ੍ਸਨਾਯਯੇવ ਯੁਤ੍ਤਨ੍ਤਿ વੁਤ੍ਤਂ ਹੋਤਿ।
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਰੁਣ੍ਣਸੁਤ੍ਤਂ • 5. Ruṇṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੯. ਸਮਣਬ੍ਰਾਹ੍ਮਣਸੁਤ੍ਤਾਦਿવਣ੍ਣਨਾ • 4-9. Samaṇabrāhmaṇasuttādivaṇṇanā
