| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৮. অট্ঠমৰগ্গো
8. Aṭṭhamavaggo
(৭৭) ৫. রূপধাতুকথা
(77) 5. Rūpadhātukathā
৫১৫. রূপিনো ধম্মা রূপধাতূতি? আমন্তা। রূপং ভৰো গতি সত্তাৰাসো সংসারো যোনি ৰিঞ্ঞাণট্ঠিতি অত্তভাৰপটিলাভোতি? ন হেৰং ৰত্তব্বে…পে॰… অত্থি রূপূপগং কম্মন্তি? ন হেৰং ৰত্তব্বে…পে॰… অত্থি রূপূপগা সত্তাতি? ন হেৰং ৰত্তব্বে…পে॰… রূপে সত্তা জাযন্তি জীযন্তি মীযন্তি চৰন্তি উপপজ্জন্তীতি? ন হেৰং ৰত্তব্বে…পে॰… রূপে অত্থি রূপং ৰেদনা সঞ্ঞা সঙ্খারা ৰিঞ্ঞাণন্তি? ন হেৰং ৰত্তব্বে…পে॰… রূপং পঞ্চৰোকারভৰোতি? ন হেৰং ৰত্তব্বে…পে॰…।
515. Rūpino dhammā rūpadhātūti? Āmantā. Rūpaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… atthi rūpūpagaṃ kammanti? Na hevaṃ vattabbe…pe… atthi rūpūpagā sattāti? Na hevaṃ vattabbe…pe… rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpaṃ pañcavokārabhavoti? Na hevaṃ vattabbe…pe….
রূপধাতু ভৰো গতি…পে॰… অত্তভাৰপটিলাভোতি? আমন্তা। রূপং ভৰো গতি…পে॰… অত্তভাৰপটিলাভোতি? ন হেৰং ৰত্তব্বে…পে॰… অত্থি রূপধাতূপগং কম্মন্তি? আমন্তা। অত্থি রূপূপগং কম্মন্তি? ন হেৰং ৰত্তব্বে…পে॰… অত্থি রূপধাতূপগা সত্তাতি? আমন্তা। অত্থি রূপূপগা সত্তাতি? ন হেৰং ৰত্তব্বে…পে॰…।
Rūpadhātu bhavo gati…pe… attabhāvapaṭilābhoti? Āmantā. Rūpaṃ bhavo gati…pe… attabhāvapaṭilābhoti? Na hevaṃ vattabbe…pe… atthi rūpadhātūpagaṃ kammanti? Āmantā. Atthi rūpūpagaṃ kammanti? Na hevaṃ vattabbe…pe… atthi rūpadhātūpagā sattāti? Āmantā. Atthi rūpūpagā sattāti? Na hevaṃ vattabbe…pe….
রূপধাতুযা সত্তা জাযন্তি জীযন্তি মীযন্তি চৰন্তি উপপজ্জন্তীতি? আমন্তা। রূপে সত্তা জাযন্তি জীযন্তি মীযন্তি চৰন্তি উপপজ্জন্তীতি? ন হেৰং ৰত্তব্বে…পে॰… রূপধাতুযা অত্থি রূপং ৰেদনা সঞ্ঞা সঙ্খারা ৰিঞ্ঞাণন্তি? আমন্তা। রূপে অত্থি রূপং ৰেদনা সঞ্ঞা সঙ্খারা ৰিঞ্ঞাণন্তি? ন হেৰং ৰত্তব্বে…পে॰… রূপধাতু পঞ্চৰোকারভৰোতি? আমন্তা। রূপং পঞ্চৰোকারভৰোতি? ন হেৰং ৰত্তব্বে…পে॰…।
Rūpadhātuyā sattā jāyanti jīyanti mīyanti cavanti upapajjantīti? Āmantā. Rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpadhātuyā atthi rūpaṃ vedanā saññā saṅkhārā viññāṇanti? Āmantā. Rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpadhātu pañcavokārabhavoti? Āmantā. Rūpaṃ pañcavokārabhavoti? Na hevaṃ vattabbe…pe….
৫১৬. রূপিনো ধম্মা রূপধাতু, কামধাতুযা অত্থি রূপন্তি? আমন্তা। সাৰ কামধাতু, সা রূপধাতূতি? ন হেৰং ৰত্তব্বে…পে॰… সাৰ কামধাতু, সা রূপধাতূতি? আমন্তা। কামভৰেন সমন্নাগতো পুগ্গলো দ্ৰীহি ভৰেহি সমন্নাগতো হোতি – কামভৰেন চ রূপভৰেন চাতি? ন হেৰং ৰত্তব্বে।
516. Rūpino dhammā rūpadhātu, kāmadhātuyā atthi rūpanti? Āmantā. Sāva kāmadhātu, sā rūpadhātūti? Na hevaṃ vattabbe…pe… sāva kāmadhātu, sā rūpadhātūti? Āmantā. Kāmabhavena samannāgato puggalo dvīhi bhavehi samannāgato hoti – kāmabhavena ca rūpabhavena cāti? Na hevaṃ vattabbe.
রূপধাতুকথা নিট্ঠিতা।
Rūpadhātukathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. রূপধাতুকথাৰণ্ণনা • 5. Rūpadhātukathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. রূপধাতুকথাৰণ্ণনা • 5. Rūpadhātukathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. রূপধাতুকথাৰণ্ণনা • 5. Rūpadhātukathāvaṇṇanā
