| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೮. ಅಟ್ಠಮವಗ್ಗೋ
8. Aṭṭhamavaggo
(೭೭) ೫. ರೂಪಧಾತುಕಥಾ
(77) 5. Rūpadhātukathā
೫೧೫. ರೂಪಿನೋ ಧಮ್ಮಾ ರೂಪಧಾತೂತಿ? ಆಮನ್ತಾ। ರೂಪಂ ಭವೋ ಗತಿ ಸತ್ತಾವಾಸೋ ಸಂಸಾರೋ ಯೋನಿ ವಿಞ್ಞಾಣಟ್ಠಿತಿ ಅತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ರೂಪೂಪಗಂ ಕಮ್ಮನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ರೂಪೂಪಗಾ ಸತ್ತಾತಿ? ನ ಹೇವಂ ವತ್ತಬ್ಬೇ…ಪೇ॰… ರೂಪೇ ಸತ್ತಾ ಜಾಯನ್ತಿ ಜೀಯನ್ತಿ ಮೀಯನ್ತಿ ಚವನ್ತಿ ಉಪಪಜ್ಜನ್ತೀತಿ? ನ ಹೇವಂ ವತ್ತಬ್ಬೇ…ಪೇ॰… ರೂಪೇ ಅತ್ಥಿ ರೂಪಂ ವೇದನಾ ಸಞ್ಞಾ ಸಙ್ಖಾರಾ ವಿಞ್ಞಾಣನ್ತಿ? ನ ಹೇವಂ ವತ್ತಬ್ಬೇ…ಪೇ॰… ರೂಪಂ ಪಞ್ಚವೋಕಾರಭವೋತಿ? ನ ಹೇವಂ ವತ್ತಬ್ಬೇ…ಪೇ॰…।
515. Rūpino dhammā rūpadhātūti? Āmantā. Rūpaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… atthi rūpūpagaṃ kammanti? Na hevaṃ vattabbe…pe… atthi rūpūpagā sattāti? Na hevaṃ vattabbe…pe… rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpaṃ pañcavokārabhavoti? Na hevaṃ vattabbe…pe….
ರೂಪಧಾತು ಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋತಿ? ಆಮನ್ತಾ। ರೂಪಂ ಭವೋ ಗತಿ…ಪೇ॰… ಅತ್ತಭಾವಪಟಿಲಾಭೋತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ರೂಪಧಾತೂಪಗಂ ಕಮ್ಮನ್ತಿ? ಆಮನ್ತಾ। ಅತ್ಥಿ ರೂಪೂಪಗಂ ಕಮ್ಮನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಅತ್ಥಿ ರೂಪಧಾತೂಪಗಾ ಸತ್ತಾತಿ? ಆಮನ್ತಾ। ಅತ್ಥಿ ರೂಪೂಪಗಾ ಸತ್ತಾತಿ? ನ ಹೇವಂ ವತ್ತಬ್ಬೇ…ಪೇ॰…।
Rūpadhātu bhavo gati…pe… attabhāvapaṭilābhoti? Āmantā. Rūpaṃ bhavo gati…pe… attabhāvapaṭilābhoti? Na hevaṃ vattabbe…pe… atthi rūpadhātūpagaṃ kammanti? Āmantā. Atthi rūpūpagaṃ kammanti? Na hevaṃ vattabbe…pe… atthi rūpadhātūpagā sattāti? Āmantā. Atthi rūpūpagā sattāti? Na hevaṃ vattabbe…pe….
ರೂಪಧಾತುಯಾ ಸತ್ತಾ ಜಾಯನ್ತಿ ಜೀಯನ್ತಿ ಮೀಯನ್ತಿ ಚವನ್ತಿ ಉಪಪಜ್ಜನ್ತೀತಿ? ಆಮನ್ತಾ। ರೂಪೇ ಸತ್ತಾ ಜಾಯನ್ತಿ ಜೀಯನ್ತಿ ಮೀಯನ್ತಿ ಚವನ್ತಿ ಉಪಪಜ್ಜನ್ತೀತಿ? ನ ಹೇವಂ ವತ್ತಬ್ಬೇ…ಪೇ॰… ರೂಪಧಾತುಯಾ ಅತ್ಥಿ ರೂಪಂ ವೇದನಾ ಸಞ್ಞಾ ಸಙ್ಖಾರಾ ವಿಞ್ಞಾಣನ್ತಿ? ಆಮನ್ತಾ। ರೂಪೇ ಅತ್ಥಿ ರೂಪಂ ವೇದನಾ ಸಞ್ಞಾ ಸಙ್ಖಾರಾ ವಿಞ್ಞಾಣನ್ತಿ? ನ ಹೇವಂ ವತ್ತಬ್ಬೇ…ಪೇ॰… ರೂಪಧಾತು ಪಞ್ಚವೋಕಾರಭವೋತಿ? ಆಮನ್ತಾ। ರೂಪಂ ಪಞ್ಚವೋಕಾರಭವೋತಿ? ನ ಹೇವಂ ವತ್ತಬ್ಬೇ…ಪೇ॰…।
Rūpadhātuyā sattā jāyanti jīyanti mīyanti cavanti upapajjantīti? Āmantā. Rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpadhātuyā atthi rūpaṃ vedanā saññā saṅkhārā viññāṇanti? Āmantā. Rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpadhātu pañcavokārabhavoti? Āmantā. Rūpaṃ pañcavokārabhavoti? Na hevaṃ vattabbe…pe….
೫೧೬. ರೂಪಿನೋ ಧಮ್ಮಾ ರೂಪಧಾತು, ಕಾಮಧಾತುಯಾ ಅತ್ಥಿ ರೂಪನ್ತಿ? ಆಮನ್ತಾ। ಸಾವ ಕಾಮಧಾತು, ಸಾ ರೂಪಧಾತೂತಿ? ನ ಹೇವಂ ವತ್ತಬ್ಬೇ…ಪೇ॰… ಸಾವ ಕಾಮಧಾತು, ಸಾ ರೂಪಧಾತೂತಿ? ಆಮನ್ತಾ। ಕಾಮಭವೇನ ಸಮನ್ನಾಗತೋ ಪುಗ್ಗಲೋ ದ್ವೀಹಿ ಭವೇಹಿ ಸಮನ್ನಾಗತೋ ಹೋತಿ – ಕಾಮಭವೇನ ಚ ರೂಪಭವೇನ ಚಾತಿ? ನ ಹೇವಂ ವತ್ತಬ್ಬೇ।
516. Rūpino dhammā rūpadhātu, kāmadhātuyā atthi rūpanti? Āmantā. Sāva kāmadhātu, sā rūpadhātūti? Na hevaṃ vattabbe…pe… sāva kāmadhātu, sā rūpadhātūti? Āmantā. Kāmabhavena samannāgato puggalo dvīhi bhavehi samannāgato hoti – kāmabhavena ca rūpabhavena cāti? Na hevaṃ vattabbe.
ರೂಪಧಾತುಕಥಾ ನಿಟ್ಠಿತಾ।
Rūpadhātukathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ರೂಪಧಾತುಕಥಾವಣ್ಣನಾ • 5. Rūpadhātukathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೫. ರೂಪಧಾತುಕಥಾವಣ್ಣನಾ • 5. Rūpadhātukathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೫. ರೂಪಧಾತುಕಥಾವಣ್ಣನಾ • 5. Rūpadhātukathāvaṇṇanā
