| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༨. ཨཊྛམཝགྒོ
8. Aṭṭhamavaggo
(༧༧) ༥. རཱུཔདྷཱཏུཀཐཱ
(77) 5. Rūpadhātukathā
༥༡༥. རཱུཔིནོ དྷམྨཱ རཱུཔདྷཱཏཱུཏི? ཨཱམནྟཱ། རཱུཔཾ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰… ཨཏྠི རཱུཔཱུཔགཾ ཀམྨནྟི? ན ཧེཝཾ ཝཏྟབྦེ…པེ॰… ཨཏྠི རཱུཔཱུཔགཱ སཏྟཱཏི? ན ཧེཝཾ ཝཏྟབྦེ…པེ॰… རཱུཔེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ॰… རཱུཔེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ॰… རཱུཔཾ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ॰…།
515. Rūpino dhammā rūpadhātūti? Āmantā. Rūpaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… atthi rūpūpagaṃ kammanti? Na hevaṃ vattabbe…pe… atthi rūpūpagā sattāti? Na hevaṃ vattabbe…pe… rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpaṃ pañcavokārabhavoti? Na hevaṃ vattabbe…pe….
རཱུཔདྷཱཏུ བྷཝོ གཏི…པེ॰… ཨཏྟབྷཱཝཔཊིལཱབྷོཏི? ཨཱམནྟཱ། རཱུཔཾ བྷཝོ གཏི…པེ॰… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰… ཨཏྠི རཱུཔདྷཱཏཱུཔགཾ ཀམྨནྟི? ཨཱམནྟཱ། ཨཏྠི རཱུཔཱུཔགཾ ཀམྨནྟི? ན ཧེཝཾ ཝཏྟབྦེ…པེ॰… ཨཏྠི རཱུཔདྷཱཏཱུཔགཱ སཏྟཱཏི? ཨཱམནྟཱ། ཨཏྠི རཱུཔཱུཔགཱ སཏྟཱཏི? ན ཧེཝཾ ཝཏྟབྦེ…པེ॰…།
Rūpadhātu bhavo gati…pe… attabhāvapaṭilābhoti? Āmantā. Rūpaṃ bhavo gati…pe… attabhāvapaṭilābhoti? Na hevaṃ vattabbe…pe… atthi rūpadhātūpagaṃ kammanti? Āmantā. Atthi rūpūpagaṃ kammanti? Na hevaṃ vattabbe…pe… atthi rūpadhātūpagā sattāti? Āmantā. Atthi rūpūpagā sattāti? Na hevaṃ vattabbe…pe….
རཱུཔདྷཱཏུཡཱ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ། རཱུཔེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ॰… རཱུཔདྷཱཏུཡཱ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ། རཱུཔེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ॰… རཱུཔདྷཱཏུ པཉྩཝོཀཱརབྷཝོཏི? ཨཱམནྟཱ། རཱུཔཾ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ॰…།
Rūpadhātuyā sattā jāyanti jīyanti mīyanti cavanti upapajjantīti? Āmantā. Rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpadhātuyā atthi rūpaṃ vedanā saññā saṅkhārā viññāṇanti? Āmantā. Rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpadhātu pañcavokārabhavoti? Āmantā. Rūpaṃ pañcavokārabhavoti? Na hevaṃ vattabbe…pe….
༥༡༦. རཱུཔིནོ དྷམྨཱ རཱུཔདྷཱཏུ, ཀཱམདྷཱཏུཡཱ ཨཏྠི རཱུཔནྟི? ཨཱམནྟཱ། སཱཝ ཀཱམདྷཱཏུ, སཱ རཱུཔདྷཱཏཱུཏི? ན ཧེཝཾ ཝཏྟབྦེ…པེ॰… སཱཝ ཀཱམདྷཱཏུ, སཱ རཱུཔདྷཱཏཱུཏི? ཨཱམནྟཱ། ཀཱམབྷཝེན སམནྣཱགཏོ པུགྒལོ དྭཱིཧི བྷཝེཧི སམནྣཱགཏོ ཧོཏི – ཀཱམབྷཝེན ཙ རཱུཔབྷཝེན ཙཱཏི? ན ཧེཝཾ ཝཏྟབྦེ།
516. Rūpino dhammā rūpadhātu, kāmadhātuyā atthi rūpanti? Āmantā. Sāva kāmadhātu, sā rūpadhātūti? Na hevaṃ vattabbe…pe… sāva kāmadhātu, sā rūpadhātūti? Āmantā. Kāmabhavena samannāgato puggalo dvīhi bhavehi samannāgato hoti – kāmabhavena ca rūpabhavena cāti? Na hevaṃ vattabbe.
རཱུཔདྷཱཏུཀཐཱ ནིཊྛིཏཱ།
Rūpadhātukathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༥. རཱུཔདྷཱཏུཀཐཱཝཎྞནཱ • 5. Rūpadhātukathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༥. རཱུཔདྷཱཏུཀཐཱཝཎྞནཱ • 5. Rūpadhātukathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༥. རཱུཔདྷཱཏུཀཐཱཝཎྞནཱ • 5. Rūpadhātukathāvaṇṇanā
